جمعة الخلاص والمحاكمة...لإسقاط شفيق وردا على الشرطة

[Simba]

ريس راجع بعد بكره

اكيد عجبك بلوفر احمد شفيق..اول ما طلع في الحياه ..ايام الثوره...وقولت...

...

" شوف الراجل طالع بسيط ازاي...شايف بيتكلم ازاي ..- وتقوم ماصص شفتك الي تحت وتقول – يا سلام..هو في كده يا خواتي...يوغوتي كمنوسه ..."

بعد كام يوم..تلاقيه طالع في مؤتمر صحفي.."بيقول للناس هيجاوب علي اسألتهم كلهم..- الصحفيين يعني - ...وهيرد علي كل واحد..وبكل زوء وادب واحترام.....في كده يا خواتي "

كمان تقول بااس..يا ريته مسك من زمان...يا ريته يفضل رئيس وزرا..هو في كده يا خواتي !!

ولما تشوف حد معترض علي حكومه احمد شفيق تقوم قايل :...ايه العيال المتخلفه دي..الراجل ماسك مبقالوش كام يوم...هيعمل ايه يعني..عايزين مازينجر !!...وبعدين ميدوله فرصه !!..ثم ده ماسك ست شهور بس !!

" ولازم تلاقي ربات البيوت بتختم كلامها ...ويخلصونا بقي..او ويريحونا بقي !! "

----------------------

فاكر الاعلان بتاع الضرايب.....الاعلان لي فيه كانوا بيلبسوا العمه....اهو احنا كنا بنلبس العمه...كنا بنتقرطس

انا كنت من اول معجي بلوفر احمد شفيق...من اول معجبيه وهو مؤدب وكميله ..ويوغتي كمنوسه...

من اول معجبي ادبه في الحوار لما كان عامل مؤتمر صحفي...

انما ركز معايا كده...عشان اقولك كنا احنا بنتقرطس ازاي...:

فاكر اول يوم الثوره – 25 يناير – الاهرام في الصفحه الاولى كانت كاتبه ايه...

توترات شديده..واحداث عنيفه...................في لبنان !!!

طبعا الاهرام برعايه كنتاكي والسيد اسامه سرايا...

بلاش دي .. سيبك من دي خالص

البيه السيد الوزير المحترم المبجل الخمسه في واحد....محمود وجدي...

طالع بيقولك...القناصه الي كانوا فوق..- فوق العماره يعني - ...العماره الي جمب الداخليه ..مش تبع الداخليه خالص لا سمح الله........كانوا عناصر اجنبيه !!!..عرفتكش انا بقي !!!

علي كده..اكيد وهو ماسك الاسنايبر في ايده الشمال...والاجنده في ايده اليمين !!..ماهو عنصر اجنبي ..جاي يهبب ايه في مصر..جاي ينفذ اجنتده الخارجيه !

هيا الناس دي كانت عايشه فين ساعه الثوره..يعني...لما اعترفوا بالثوره واعترفوا ان الاعلام المصري كان مضلل ..وبيقول كلام وحش عن الثوره ...- خلي بالك من وحش دي ..لفظ محترم - ..وقالك الثوره والشباب وعلي عيننا وعلي راسنا....وده طالع يقولي عناصر اجنبيه !؟!؟ ..كان في ليبيا هو مثلا...

ماهو انت متلاقيش التشبيهات والافيشات العجيبه الا في ليبيا...

يعني تخيل معي الحوار كان ناقصه ايه ..مع الوزير محمود وجدي

" القناصه ..كانو عناصر اجنبيه........عناصر تريد السيطره علي المصري.....المصري الي كان غير معروف...واصبح معروف بفضل ....الوزير....من انتم !!! ....طب وين كنتم !!!!...طب جيتوا امتي !!!!..وين كنتم لما كان عبد الفتاح بيبربررر....هذه عناصر اجنبيه !!!...واخدين حبوب هلوسه !!!..واخدين برشام مضر بالقلب !!!..ثوره !!! ..ثوره...الي الحمام !!!"

مع حبه كنتاكي علي الحوار وتبقي الدنيا حلوه ومسبوكه

بلاش يا سيدي محمود وجدي ...سيبه علي جمب..لو متقبضش علينا لسه

السيد احمد شفيق....

اذذذذذ....كان هناك حوار مع السيد ابراهيم عيسى...مع السيد عمرو الليثي...وحوار واتزاع وخلص

يقوم السيد احمد شفيق..متصل بدريم....يا ولاد !!! ..عيب كده .!!!! متعيدوش البرنامج !! من انتم !!!!...ثوره ..ثوره !!

وطبعا احنا مؤمنين تماما ان الحكومه الحاليه او الحكومه الانتقاليه ..حكومه تؤمن الايمان الكامل بالحريه الاعلاميه..والي كانت محرومه منها مصر كام سنه..كانت موجوده شكليا ..! وباين جدا من اتصال شفيق

بلاش دريم خالص...السيد محمود سعد..كان هيعمل حلقته في مصر النهارده...عادي جدا...راح المفروض عليه

ان السيد شفيق ..يجي علي مصر النهارده...ساعتين قاعد في البرنامج..ولازم محمود سعد يستضيفه..

انا استفزني الخبر مرتين....مره ..أنه هيعد ساعتين..هتعمل فيهم ايه ؟؟؟...ومره التانيه ..أنه لازم يستضيفه

راح السيد المحترم محمود سعد مقدم استقالته !!

يمكن يكون عجبك البلوفر زي ما عجبني...ولكن البلوفر ده زي خارجي..يمكن اي حد يلبسه

جايز تقول..دي حكومه انتقاليه ..ست شهور ويعدوا مش مشكله....

جايز تقول اديهم فرصه....

اظن بعد ما عرفته من حقيقه وزراء النظام السابق...الست شهور دول..هيبقوا تمهيد لعوده نظام مبارك قديما

صحيح مبارك الشخص لن يعود..ولكن نظامه سيعود...

الي الناس كانت فاكره ان اسقاط النظام هو اسقاط مبارك...

مبارك شخص ..وليس نظام...

ست شهور..مفاتش منهم كام يوم ...برنامج يتلغي اعادته...ويتفرض شخص علي برنامج طول مدته...ووزير الداخليه يقولك عناصر اجنبيه...

ارصده تجمد وناس يتقبض عليها....ورؤوس الفساد محصلهمش حاجه..

عزيزي القارئ..ان كنت تظن ان الثوره اكملت..وان النظام اسقط

فالثوره لم تكمل بعد ...والنظام لم يسقط بعد

عيد حساباتك

تحيتي الي معجبي بلوفر السيد رئيس الوزراء احمد شفيق

ملحوظه : لو اتقبض عليا وهو وارد جدا في ظل سياسه الحكومه الحاليه...

هكون متضايق جدا وبيطلع عين اهلي دلوقتي..!

وهطلع اقولكم...وين كنتم

[Simba]

الجيش بينادي باخلاء الميدان عبر مكبرات الصوت او سيتم اخلاء الميدان باي طريقة

خلاص انا معنديش اعصاب اتابع اخبار تاني ومشاركاتي هتبقي معلقة في موضوع متابعة الثورة

وهاقول الحمدلله علي اللي اتحقق علي كده

[امير مجروح]

يالهوىىىىىىىىىىى

الحقوا عمرو اديب شوفوا بيقول ايه

كوارث فى تصريحات محمد رجب والشربينى امين الحزب الوطنى وامين السياسات

مصايب

ماذا قال؟

[امير مجروح]

ايه يا جماعة مفيش اخبار عن ميدان التحرير...!!!!

[fatfouta]

العقيد عمر عفيفي

أرجوكم لا تقتلوا العادلي او تعدموه فالديه الكثير من معلومات وأسرار

العادلي يمتلك ادلة الأدانه

العادلي شخص جبان وضعيف ومن السهوله الحصول منه علي كافة المعلومات والأدلة لأدانة الكثيرين وأعادة مليارات المليارات

كما أرجوا أتاحة الفرصه كامله له للدفاع عن نفسه أمام الشعب ليعرف الشعب أن مبارك شريك هو وطنطاوي وشفيق وجمال وعز وأبو العينين وزكريا وصفوت وسرور وسوزان في جريمة قتل المصريين

اللهم فاشهد

[م تيمور المراغي]

العقيد عمر عفيفي

أرجوكم لا تقتلوا العادلي او تعدموه فالديه الكثير من معلومات وأسرار

العادلي يمتلك ادلة الأدانه

العادلي شخص جبان وضعيف ومن السهوله الحصول منه علي كافة المعلومات والأدلة لأدانة الكثيرين وأعادة مليارات المليارات

كما أرجوا أتاحة الفرصه كامله له للدفاع عن نفسه أمام الشعب ليعرف الشعب أن مبارك شريك هو وطنطاوي وشفيق وجمال وعز وأبو العينين وزكريا وصفوت وسرور وسوزان في جريمة قتل المصريين

اللهم فاشهد

الله يرحموا بقى ,,

والفاعل مجهول !!

[fatfouta]

النيابة تواجه "العادلى" بتقارير الطب الشرعى فى أحداث 25 يناير

[م تيمور المراغي]

شاب اتصل من شويه بالحركة بيقول الجيش بيبدا عمليه اخلاء للميدان وبينبه الاهالي والشباب ان لازم يتم اخلاء الميدان والا سيتم اخلاءه بالقوه

[م تيمور المراغي]

ياترى الجيش مجهز بيان الاعتذار رقم 2 ؟؟

[fatfouta]

الجزيرة مباشر

شهودعيان الجيش يغلق كل مداخل ميدان التحرير والناس واقفة فى الشوراع الجانبية زالجيش مانعهم من دخول الميدان

الجزيرة مباشر حااالااااا

[م تيمور المراغي]

[fatfouta]

العقيد عمر عفيفي

أرجوكم لا تقتلوا العادلي او تعدموه فالديه الكثير من معلومات وأسرار

العادلي يمتلك ادلة الأدانه

العادلي شخص جبان وضعيف ومن السهوله الحصول منه علي كافة المعلومات والأدلة لأدانة الكثيرين وأعادة مليارات المليارات

كما أرجوا أتاحة الفرصه كامله له للدفاع عن نفسه أمام الشعب ليعرف الشعب أن مبارك شريك هو وطنطاوي وشفيق وجمال وعز وأبو العينين وزكريا وصفوت وسرور وسوزان في جريمة قتل المصريين

اللهم فاشهد

الحملة الوطنية للقضاء على جهاز أمن الدولة

الان تتم عملية إحراق ملفات أمن الدولة في المبنى الخاص به في الدقــي

نــرجو رجاء خاص من المجلس الأعلى للقـوات المسلحه سرعة التحرك قبل أن يحرقوا كل شيء ويزيلوا كل مايدينهم وحينها لن تكون العــواقب سليمه

تم تعديل 27 فبراير 2011 بواسطة fatfouta

[Simba]

إزاي تيجي يا سمبا يعني ؟

يعني شايف وسامع الألفاظ القذرة ومع ذلك تضع فيديو مثل هذا مهما كان محتواه ؟

الإدارة

سي السيد

[fatfouta]

الجزيرة

شهودعيان..ايادىخفية تعمل على توريط الجيشفى مواجهات مع المتظاهرين فى ميدان التحرير

[Alshiekh]

انا كنت ناوي ما اشاركش في الموضوع ده تاني

بس غصب عني لما شفت الفيديو ده

هي دي الاشكال اللي كانت بتحكمنا

حسبي الله ونعم الوكيل

ياريت البنات ما تشوفش علشان فيه الفاظ مش حلوة

هذا هو نائب الخليفة مختار رشاد والبلطجية الذين استعان بهم فى مهاجمة الثوار فى ميدان التحرير وبلطجية أخرون يعتدون على البلطجية الاولين محدثين بهم جروحا بالمطاوى تأديبا لهم ، وينبه عليهم بالادعاء بأنهم كانوا فى امن الدولة ، ويوصى الملتحى بان يدعى انه قبض عليه بسبب شك امن الدولة فى انه اخوان بسبب ذقنه ويظهر فى نهاية الفيديو يلقى تعليماته ويرتدى بلوفر رصاصى

[aimen]

http://www.shorouknews.com/Columns/column.aspx?id=397860

إعادة شحن بطارية الثورة

وائل قنديل

رب ضارة نافعة.. استخدام القوة مع المعتصمين بميدان التحرير فجر أمس، عمل مرفوض بكل المقاييس، وإجراء استوجب الاعتذار الصريح، وهو ما فعله المجلس الأعلى للقوات المسلحة بشكل فورى. غير أن لهذا التصرف فوائد كثيرة، منها أنه أعاد شحن بطارية الثورة، بوقود الغضب والإصرار على تحقيق المطالب المشروعة كاملة.

ومنها أنه أثبت أن الجيش فى حاجة إلى الثوار، بالقدر ذاته الذى يحتاج معه الثائرون لدعم القوات المسلحة، ومن ثم يأتى هذا الحادث المؤسف ليعيد صياغة العلاقة بين طرفى الثورة.. الشعب الذى انتفض وثار وأبهر العالم وحرك الجبال الراسخة، وكذلك الجيش الذى حمى الثورة ودعمها وأزاح رأس النظام. فالجيش يحتاج إلى الثورة كظهير معنوى وأخلاقى وسياسى لتنفيذ مرحلة الانتقال إلى مصر جديدة ونظيفة وشريفة وعزيزة وجميلة، بدون مبارك ونظيف والشريف وجمال، فضلا عن أن الثورة هى التى منحت الجيش شرعية حكم وإدارة البلاد فى هذه المرحلة الحساسة.

وعلى الجانب الآخر فإن الثوار فى حاجة إلى الجيش، كسند حقيقى وضمانة لتحقيق مطالب الثورة كاملة غير منقوصة، وأتصور أن المجلس العسكرى سوف يفى بالوعود والعهود التى قطعها على نفسه أمام الكافة بأنه سيحقق جميع مطالب الثورة، وسيحاسب كل الفاسدين.

ومادام ذلك كذلك فإنه من غير المفهوم حتى الآن أن يتم الإبقاء على الفريق أحمد شفيق رئيسا للحكومة، والاحتفاظ بوزراء الخارجية والعدل والداخلية، خصوصا والملايين التى خرجت فى جمعة التطهير عبَّرت عن رغبة كاسحة فى إبعاد هؤلاء لأسباب عديدة منطقية تحدثت بها الأقلام والأفواه. وكان المتخيل أن يبادر هؤلاء المطلوب إبعادهم عن المشهد بالاستقالة، بشكل هادئ ومحترم يحفظ الكرامة، وأظن أنهم رأوا بأعينهم وسمعوا بآذانهم أن بقاءهم غير مرغوب فيه ويفجر مشاعر الغضب والاستنكار والاستهجان، والمؤكد أن أيا منهم لا يستطيع أن ينزل إلى الشارع ويمشى وسط الجماهير، وإلا كنا فى حاجة إلى استيراد كل المخزون العالمى من البيض والطماطم وصافرات الاستياء والرفض. و ربما كان منطق هؤلاء فى البقاء أنهم يحبون مصر ولا يطيقون فراق حكومتها، غير أنه لو افترضنا ذلك فإنه يكون حبا من طرف واحد، ذلك أن مصر تغيرت كثيرا وهى الآن مرتبطة بغيرهم، وحالمة ومتطلعة إلى حياة أخرى أجمل وأنقى، تستعيد فيها ألقها ووهجها ومكانها الطبيعى على خارطة العالم. وإذا كان هؤلاء لا يريدون أن يستوعبوا الدرس ويفهموا المطلوب، فإنه يتوجب على الثوار أن يظلوا رافعين شعار «الثورة قايمة والكفاح دوار» وأن يعود الجميع إلى مواقع 25 يناير ويحتشدوا ويوحدوا الصفوف التى تجرى الآن محاولات خبيثة لاختراقها وبعثرتها، وأن يستعيدوا روح 28 يناير و2 فبراير، ما لم نسمع كلمة «فهمناكم» قبل يوم الجمعة المقبل من شفيق والذين معه.

وهذه أبيات من أحد ثوار ميدان التحرير الأستاذ خالد البدرى:

ياسيدى قلنهالك باتنين مليون لسان

وفر تعبك لنفسك وانزل من عالحصان

لِم صوابعك فى ايدك وارحل حصَّل حبيبك

ولا طبيبك وصفلك نبات لك فى الميدان؟

[جويرية]

طيب كدة أعداء الثورة كتير جدا

ليه مش نقلل الأعداء دول

بالعفو عن اللي نفذ أوامر خطأ أو عن اللي سرقوا مال الدولة ، بس بشرط يرجعوا الأموال دي مرة اخري

ما هيا كانت عزبة ملهاش صاحب ، و كل واحد يقول ما فلان خد ارض ما انا أخد زييه

مش عايزين نتفرغ لمحاسبة بعض ، مفروض نبتدي الأصلاح بأسرع وقت

[aimen]

رئيس وزراء التوك شو

وائل قنديل

http://www.shorouknews.com/Columns/Column.aspx?id=398644&utm_source=twitterfeed&utm_medium=twitter

من غير المتصور أن رئيس الحكومة ــ المرفوض شعبيا ــ انتهى من كل مشاكل وقضايا مصر، وتفرغ للاهتمام بملاحقة الإعلاميين فى مصادر دخلهم.

ولا يعقل أن يقفز الفريق أحمد شفيق فوق كل المطالبات الشعبية الكاسحة بإبعاده عن رئاسة الحكومة لينشغل ويشغل الناس معه بالظهور المكثف أمام كاميرات التليفزيون، أو يرفع سماعة التليفون ويجرى مداخلة فى برنامج شهير ليعلن للأمة أن أجر المذيع محمود سعد انخفض من تسعة ملايين جنيه إلى مليون ونصف، وأنه لهذا السبب استقال سعد من برنامج «مصر النهارده».

إن القضية الوطنية الآن ليست لماذا استقال محمود سعد.. ولا يهمنا أن نعرف إذا كانت استقالته احتجاجا على إقحام شفيق فى برنامجه قسرا، أو لأسباب أخرى.

القضية الآن أننا أمام رئيس حكومة معين من قبل رئيس جمهورية خلعه شعبه وأنهى فترة حكم كانت الأسوأ والأكثر فسادا وسوادا فى تاريخ مصر.. وأمام ملايين تخرج يوميا تصرخ وتهتف بضرورة رحيله عن الحكومة حتى لو كان عبقرى زمانه فى شئون الإدارة وأصول الحكم.

وأظن أنه لا يليق بمصر أن تبدأ عصرا جديدا أتت به ثورة شعبية شاملة برئيس حكومة نظام أسقطته هذه الثورة بامتياز، كما أنه لا يليق برئيس حكومة حتى وإن كان مؤقتا أن يتمسك بالمنصب وهو يعلم أن أحدا من الذين صنعوا الثورة لا يريده، هو ومن بقى من وزراء عينهم مبارك قبل الخلع.

إن الفريق شفيق حاول بشتى السبل أن يتقرب إلى الشعب، من خلال ابتساماته التى لا تتوقف، وبلوفراته البسيطة، وظهوره المستمر على شاشات التليفزيون على شكل يوحى بأنه يعشق الكاميرا، بدليل أنه دشن صعوده إلى رئاسة الوزراء بالذهاب إلى ثلاثة برامج توك شو مسائية دفعة واحدة.. وكذلك يلف لفه وزير خارجية مبارك أحمد أبوالغيط الذى يعيش هو والمتحدث باسمه حالة تليفزيونية غريبة وحادة هذه الأيام، بحيث تمر ليال لا تفتح فيها التليفزيون دون أن تجد أبوالغيط على فضائية، وحسام زكى على فضائية أخرى فى توقيت واحد يرددان كلاما واحدا تقريبا.

والثابت أن هذه الطلعات التليفزيونية المكثفة لم تفلح فى إقناع الناس ببقاء شفيق وأبوالغيط ومعهما ثلة من وزراء عصر مبارك، بدليل أنه فى أعقاب ظهوراتهم الفضائية ترتفع الأعداد المطالبة بالتطهير فى ميدان التحرير، ويرتفع معها سقف المطالبات من الإبعاد إلى المحاكمة.

ومن ثم فإن حالة العناد والإصرار على البقاء فى الحكومة تبدو وكأنها نوع من الاستفزاز والتحدى لمشاعر ورغبات الجماهير، بشكل قد يعيدنا جميعا إلى مربع الثورة الأول.

وعليه فإنه لا معنى لهذا التشبث بالمنصب إلا أن شفيق وأبوالغيط ومن معهما يضحون بسمعتهم فى سبيل انتعاش مبيعات الأعلام والملصقات و«الصفافير والزمامير».

wquandil@shorouknews.com

[aimen]

http://www.youtube.com/watch?v=hE-xTsxYYms

[doha]

يالهوىىىىىىىىىىى

الحقوا عمرو اديب شوفوا بيقول ايه

كوارث فى تصريحات محمد رجب والشربينى امين الحزب الوطنى وامين السياسات

مصايب

مشفتش حلقة امبارح بس على اي حال الاعاده شغاله دلوقت ..