جمعة الخلاص والمحاكمة...لإسقاط شفيق وردا على الشرطة

[pink rose]

بصراحة بعد الحلقة دي انا بدأت اخاف

شفيق مش عارف اي حاجه في اي حاجه

مش قادر يتكلم اطلاقا

يعني ايه ناس تتفرض بعينها على وزارات بعينها؟

طب الكلام دا كان ممكن نصدقه ايام مبارك لكن دلوقتي ليه؟و لصالح مين؟

اتكلم كلام عايم عن الامن و الشرطة ازاي حضرتك رئيس وزراء و الامن منفلت كده و تقول الاقتصاد هاينهار طب هو انهي اولى امن المواطن و امن المصالح و لا اننا نفتح المصالح و الامن مش موجود تقوم تتنهب

يعني افتحوا البورصه طب ما هو ما فيش امن يحمي البورصة و لا البنوك

و يعني ايه بلطجية يدخلوا يهاجموا مدارس ليه ايه الهدف غير تخويف الناس و رعبهم

و لا عرف يرد على اي حاجه خالص

و كل كلمتين يقولك ما اعرفش ما اعرفش

و شوية يقلب انا و انا و انا و من قبل ما تتولد كاننا قاعدين في الشارع

ايه الاسلوب دا و الكلام دا و الطريقة دي؟

و ايه المانع الدستور الدائم يتحط دلوقتي بالتزامن مع ان اتنخابت الرئاسة تكون كمان 6 شهور هل مش هايلحقوا في 6 شهور يعملوا دستور جديد؟

انا بجد مش فاهمة اي حاجه نهائي

يعني فيها ايه لو انتخابات الرئاسة تكون شهر اكتوبر مثلا و من هنا لاكتوبر يتعمل دستور جديد

و في الوقت دا عشان الجيش اكيد زهقان من الوضع الحالي يتكون مجلس رئاسي موقت من اتنين مدنين و واحد عسكري يمشوا البلد لحد الانتخابات

و الجيش بقى نرحمه من اللي هو فيه

الظباط اللي في الشوارع دي مش شغلتهم كده ابدا

و البهوات اللي بيقولوا خلوا الجيش ينفعكم دول لازم يتفوروا نهائي و يقعدوا في بيوتهم بجد

لا كده اللي عاوز يحل لازم يفكر بالشكل دا

لكن نظام اللهو الخفي اللي احنا فيه دا ما ينفعش نهائي

طب على الاقل يطلعوا يفهمونا

يقولوا هانعمل كذا و كذا و كذا

لكن سايبين الناس تايهة

و الجرايد و الاعلام ما صدق بقى و كل واحد يطلع يفتي و اللي يطلع يكذب ما هي ميغة و لا حد دريان

و كل يوم حريقة في مكان حساس جدا في البلد

لا الوضع كده مرعب فعلا

حقيقي ربنا يستر

[Ahmed Anwer]

الحمد لله استمتعت أكثر بلقاء المستشار طارق البشري

مع مني الشاذلي

**************

ممكن نستأذنك في اهم النقاط؟

النقاط اللي قالها د / طارق البشري بإختصار علي قد الذاكرة : _

1- لو لم أكن مقتنعا بإجراء تعديلات دستورية لفترة إنتقالية فقط لما شاركت

2- ثورة 1919 قامت و نشأ بعدها دستور 1923 النهائي (( بعد أربع سنوات كاملة )) و لكن بمجلس شرعي منتخب و تحت رقابة ديمقراطية

3- ثورة 1952 فشلت ،،، عشان لم تعود للديمقراطية بحجة (( لو عملنا ديمقراطية هيرجع باشوات عصر الملكية للحكم ))

و هتف الشعب تسقط الديمقراطية

4- التسريع بالانتخابات أفضل للثوار ،، للإستفادة من زخم الثورة و من وحدة الثوار و الشعب حاليا (( من الطبيعي إنهم سيختلفون لاحقا ))

لكن بعد سنة أو سنتين ،،، الناس هتنسي و هتهدي و ممكن الفلول تنظم نفسها أكتر و أكتر و الشعب هيختلف أكتر و أكتر

5- إعتراض تام علي مبدأ إنتخابات الرئاسية قبل البرلمانية

بيقول إزاي نكون بالسذاجة نسيب أحلامنا و طموحاتنا في ايد واحد بس من غير رقابة من مجلس شعب أو أي جهة

(( مني الشاذلي بتقوله مجلس الشعب الجاي ده بطيخة ))

قالها افضل أوزع الشك في 500 و مش عارف كام بطيخة ،،، عن أني أحط كل الشك في بطيخة واحدة

6- أهم بند تم إضافته في الدستور المعدل هوا (( إلزام الرئيس بتأسيس دستور جديد خلال ستة اشهر ))

يعني خلال سنة و عدة ايام ،، يكون هناك حكومة جديدة و دستور جديد

7 - دي وجهة نظري و لا أدعي إنها الثواب المطلق (( شئ جميل فعلا رغم إنه واضح إنه بيتكلم عن دراسة لتاريخ الثوارات و السياسة مش مجرد مخاوف ))

8- لا استطيع أن أتنبأ عن المستقبل و اقول أنا متفائل أو متشائم

و لكن أجزم إن مصر الآن افضل بمراحل مما كانت عليه و سعيد إني علي قيد الحياة حتي هذا اليوم (( مني الشاذلي بتقوله رغم الإنفلات الأمني ههههههههه ))

9- غير كده مجرد توضيح لتفاصيل صفات رئيس الجمهورية و دفاع عن نقط إن لايكون حاصل علي جنسية آخري أو متزوج من أجنبية ،

بيقول إذا كانت دي شروط للعمل بالقوات المسلحة و وزارة الخارجية من الأولي إنها تكون شروط لرئيس الجمهورية

الصراحة أقتنعت تماما بوجهة نظره ،،،

الديمقراطية الآن ،، هيا الضمانة الوحيدة

شكرا البرادعي ،، شكرا علاء الأسواني ،، شكرا أي حد آخر مؤمن بنفس الفكر ،

آحبكم و أحترمكم و لكن لا أثق في اي حد يكون بيده سلطة مطلقة حتي لو أنتم ،،

يا جماعة ربنا أدانا عقل

لو مجلس رئاسي من ثلاثة يثق فيهم الشعب

و حكومة نكنوقراط من ناس يثق فيهم الشعب

** طب خلاص ما بالمرة نلغي الانتخابات و الديمقراطية و نجيب ناس يثق فيهم الشعب **

الديمقراطية بعبثها و إختلافاتها و تضارب مصالحها و صراعاتها هيا الضمانة الوحيدة

ده يكشف ده و ده يراقب ده و ده يعترض علي ده

و نشوف الناس اللي بتتكلم دي هيمارسوا الديمقراطية إزاي ؟؟ هوا إحنا هنثق فيهم علي كلامهم بس

شايف إن الثوار الآن المفروض يشغلوا نفسهم فقط بالإستعداد للإنتخابات ،،، و بلاش تضييع وقت في نقاشات جدلية غير مفيدة

سواء عن طريق تكوين ائتلاف يجتمع علي الحد الأدني للمطالب الموحدة لقوي الثورة (( ممكن يكون منهم الأخوان بتنظيمهم ))

أو عن طريق الإنتشار و إقناع الشعب بعدم التصويت لأي فاسد و ينتمي باي صفة للحزب الوطني

[Ahmed Anwer]

شعور سخيف

لما تلاقي بلوفر شفيق طلع خفيف

وشعور سخيف

لما تعرف انه لاينفع في شتا ولا صيف

سالوا شفيق عن سر بلوفره

...قال دا كانوا اتنين وشبكوا

اللى كان على يمينى وطنى.. و اللى كان شمالى مخيف

و ده شعور سخيف

و شعور سخيف

ان الوزارة تكون بلوفر .. تصنع مكواه للبلوفر

تجيب غسالة للبلوفر .. نعمل صفحة للبلوفر

يامكنة دورى عدى فوقى وفوقيك .. عملوا البلوفر ولبسوه لشفيقك

فرضوا عليا البلوفر لحد متغميت .. هما اللى لبسوا البلوفر و وحدى انا اتغميت

انا بدون البلوفر قاعد ماليش لازمة .. ولما من البلوفر اشتكيت ادونى بالجزمة

مش لاقى تلبس اديك .. هاتولنا وجيبولنا و شيلولنا الوزرا

حانجيب منين وزير ليك

سايب يا بلدى تحريرى .. و قاعد على سريرى

و لما قولتله استقيل .. قالوا عليه مصيرى

يعنى ايه تبقى انت بلد 25 يناير .. و كل يوم مظاهرة تحصل

يعنى ايه لما اشتكى عيوب الوزارة .. يقولوا تشكى .. بس تقبل

لما شباب الامة فى البرد بتعتصم

و لما وزارة شفيقنا بس بتطمنا و تبتسم

لما بلطجيتك فى شوارعك بعبادك بتبطش

و لما داخليتك خايفة من شعبك فتطفش

يعنى ايه تبقى ثورة من غير تغيير النظام

ويعنى ايه تتشكل وزارة من الناس القدام

يعنى ناس سرقت و ظلمت و لسة طليقة

طب احكمى انت يا وزارة بقى دى طريقة

وزارة بطيئة ونايمة فى العسل

قرارتها من يومها بطيئة و كلها ملل

حتى كلامها كله ملل

الخوف ان اللى يقتل الثورة هوه الملل

احنا مش عاوزين وزارة تموت فينا الامل

من الاخر عايزين وزارة نشيطة تداوى العلل

[لونا]

بعد لقاء الأمس أعتقد أن المشكلة ليست في وزارة شفيق

فكما لاحظ الجميع .. أن الأمر ليس بيديه في معظم الأمور

أو كما قال الفريق شفيق بنفسه ذات مرة .. أنه عبد المأمور

و مثلما قال سلفه نظيف من قبل أنه رئيس مجلس الوزراء .. و ليس رئيس الوزراء

إذن لن يفرق في شيء وجود شفيق من عدمه على رأس الحكومة

فأي شخص آخر سيكون دوره مثله تمامًا

في رأيي المتواضع أنه يجب الآن التجاوز عن مطلب إقالة حكومة شفيق كلها

بل يجب التركيز على إقالة وزراء العدل و الداخلية و الخارجية

مع طرح أسماء محددة لا اختلاف على نزاهتها و كفاءتها

بحيث أننا نشترط وجود أحد هذه الأسماء .. لا أن يتم تعيين أحدًا من وجوه النظام القديم .. ثم نعود لنطالب بإقالته

في لعبة أقرب إلى دوخيني يا لمونة .. في محاولة واضحة لتشتيت الأفكار و تضييع الجهود فيما لا طائل له

و أعتقد أن التنازل عن إقالة الحكومة كلها برئاسة شفيق و التركيز على الوزراء المشار إليهم

سيؤدي إلى عدة مكاسب ..

أولها : تهدئة الرأي العام في الشارع المصري

فلا ننكر أن هناك رأي يقول بأنه يكفي فوضى .. و أنه مهما عملوا فلن يوافق الشباب على أي شيء

بل سيطلبون مطالب أخرى و أعلى ..

و على فكرة أصحاب هذا الرأي ليسوا قليلين .. و ليس كلهم بسطاء بالعكس

ثاني المكاسب : أن يكتسب المتحدثون باسم الثورة مصداقية أعلى عند صانعي القرار

بمعنى أنهم سيكونوا قد قدموا تنازلًا مشروطًا بتقديم تنازل من الجهة الأخرى .. ألا و هو إقالة الوجوه المرفوضة شعبيًا

ثالثًا : سوف يؤدي لبعض الهدوء النسبي الهام في هذه المرحلة

على الأقل للتركيز على حل مشاكل أهم مثل عودة الأمن للشارع ..

هذا رأي يحتمل الصواب و يحتمل الخطأ

تم تعديل 3 مارس 2011 بواسطة لونا

[أحمد سيف]

بعد لقاء الأمس أعتقد أن المشكلة ليست في وزارة شفيق

فكما لاحظ الجميع .. أن الأمر ليس بيديه في معظم الأمور

أو كما قال الفريق شفيق بنفسه ذات مرة .. أنه عبد المأمور

و مثلما قال سلفه نظيف من قبل أنه رئيس مجلس الوزراء .. و ليس رئيس الوزراء

إذن لن يفرق في شيء وجود شفيق من عدمه على رأس الحكومة

فأي شخص آخر سيكون دوره مثله تمامًا

وجهة نظر كويسه وإن كنت أختلف معها

حتى إن كان شفيق مجرد واجهة لأشخاص خلفه يحركون الأمور

فعايزين نشيل الواجهة دي علشان نعرف من هم هؤلاء الأشخاص (طنطاوي - مبارك - عمر سليمان) ونقدر نحاسبهم

وإن كنت أنا أشك شخصيا في سيناريو رئيس الوزراء (أبو رياله) اللي مش عارف ايه اللي بيحصل في وزارته فضلا عن يعرف ما يحدث في البلد

خصوصا لو كان رجل محنك إداريا وسياسيا وعسكريا زي السيد أحمد شفيق

شفيق بيكرر نفس اسطوانة القذافي ... أنا مش في ايدي حاجه أنا مجرد زعيم للثورة ... وينزل يعمل مظاهرات ضد الحكومة مع الناس ... وبيحاول يوهم الناس انه ليس له من الأمر شيء علشان يركزوا على غيره

طيب لما هو مش مهم لأنصار النظام القديم لماذا هذا (الاستقتال) على بقائه في مكانه

أنا شايف إن أحمد شفيق جاي بمهمة محددة وهي تجهيز الأوضاع لعودة النظام السياسي السابق بشكل جديد

ولذلك فإن أول خطوات إحباط هذا المخطط هو إزاحة شفيق وحكومته عن موقعها وتكليف حكومة موالية للثورة

[لونا]

بعد لقاء الأمس أعتقد أن المشكلة ليست في وزارة شفيق

فكما لاحظ الجميع .. أن الأمر ليس بيديه في معظم الأمور

أو كما قال الفريق شفيق بنفسه ذات مرة .. أنه عبد المأمور

و مثلما قال سلفه نظيف من قبل أنه رئيس مجلس الوزراء .. و ليس رئيس الوزراء

إذن لن يفرق في شيء وجود شفيق من عدمه على رأس الحكومة

فأي شخص آخر سيكون دوره مثله تمامًا

وجهة نظر كويسه وإن كنت أختلف معها

حتى إن كان شفيق مجرد واجهة لأشخاص خلفه يحركون الأمور

فعايزين نشيل الواجهة دي علشان نعرف من هم هؤلاء الأشخاص (طنطاوي - مبارك - عمر سليمان) ونقدر نحاسبهم

و ما الذي يضمن أن المجلس العسكري سيستبدله بمن يرضى به الشعب ؟

و الذي يمكن أن يعلن من الذي كان وراء التمسك بشفيق ؟

ده في حالة واحدة ..إذا كان فعلًا هناك انقسام في المجلس العسكري

و ضغط الشارع يؤدي إلى تغليب أحد الفريقين في مصلحتنا

وإن كنت أنا أشك شخصيا في سيناريو رئيس الوزراء (أبو رياله) اللي مش عارف ايه اللي بيحصل في وزارته فضلا عن يعرف ما يحدث في البلد

خصوصا لو كان رجل محنك إداريا وسياسيا وعسكريا زي السيد أحمد شفيق

ما قدرش اقول إنه ما يعرفش اللي بيجرى فعلًا

و لكن هو راجل عسكري بينفذ الأوامر زي ما بتيجي له

و ده ظاهر أوي في كل كلامه

و بعدين هو راجل عسكري و إداري و لكن ليس سياسي .. و ده الكلام اللي قاله الأسواني

و على فكرة لو كان بيتظاهر بإنه مش عارف .. ده مش في مصلحته ..ده نجيب ساويرس كان عايز يشد الكلام من بقه

لما لقاه مش قادر يكمل فكرة على بعضها في الجزء الأول من اللقاء .. و بعد كدة سابه مع نفسه

شفيق بيكرر نفس اسطوانة القذافي ... أنا مش في ايدي حاجه أنا مجرد زعيم للثورة ... وينزل يعمل مظاهرات ضد الحكومة مع الناس ... وبيحاول يوهم الناس انه ليس له من الأمر شيء علشان يركزوا على غيره

طيب لما هو مش مهم لأنصار النظام القديم لماذا هذا (الاستقتال) على بقائه في مكانه

أنا شايف إن أحمد شفيق جاي بمهمة محددة وهي تجهيز الأوضاع لعودة النظام السياسي السابق بشكل جديد

طبعًا ممكن جدًا .. و لكن بما إنه ما فيش أي شفافية

فما فيش حد يقدر يثبت مين اللي مع أو مين اللي ضد

و عشان كدة الكلام اللي كتبته في المداخلة السابقة كان نوع من الالتفاف على محاولة إرجاع الوضع على ماهو عليه

ولذلك فإن أول خطوات إحباط هذا المخطط هو إزاحة شفيق وحكومته عن موقعها وتكليف حكومة موالية للثورة

تم تعديل 3 مارس 2011 بواسطة لونا

[jasmin hamed]

انا اسفه انى اختلف معاكم علا الاسوانى صوته اعلى من فكرته

و لم استفيد منه اى شى قاعد يردح

و طريقته للاسف خلقت نوع من التعاطف مع شفيق

شفيق للاسف بلا حجه و لا رويه واضحه مش عارفه ده ايه سببه يمكن ضعف شخصيه

يمكن راجل ما بيعرفش يتكلم يمكن المشاكل محاصراه يمكن دوميه

ساةيراس بيتكلم مقتراحاته فى البعد التالت

الوحيد الى كان بيقول ما قل و دل هو قنديل و اتصور لو الحديث ده كان اقتصر على

شفيق و قنديل كنا استفدنا اما ان شفيق يطلع الى عنده و يبرر موقفه او قنديل يقلب الدنيا عليه

و نخلص بالنسبه للناس الى معتقده ان المقابله ديه اخدت

من رصيد شفيق انا بتهيئلى العكس اضافتله تعاطف وقتى نتيجه للهجوم المركز عليه ``

[se_ Elsyed]

إنتو فرحانين بالخناقة واللي كشفت إن شفيق قُله ومالوش لازمه .. ونسيته نقطة ذكرها بعضمة لسانة وتعتبر كارثة بكل المقاييس .. لما حمدي قنديل رمى له سؤال وقال إن إجابته تفرق كتير ...

وأقسم بالله توقعته وتوقعت الإجابة ومتوقع إنعكاستها عند المُتلقي لما الناس تعرف الفضيحة

قال لشفيق : إجتماع وزراء خارجية العرب في جامعة الدول العربية دلوقت من ضمن الأمور اللي هايناقشها إن كل دولة هاتطرح إسم مرشحها لخلافة عمرو موسى اللي خلاص لن يرشح نفسه وكلها أيام قليلة وتُجرى الإنتخابات ..

يقوم قايل بعضمة لسانه إنه غالباً هايبقى : مفيد شهاب ...

أنا هاسيب لكم التعليق إنتم يا جماعة ...

[لونا]

انا اسفه انى اختلف معاكم علا الاسوانى صوته اعلى من فكرته

و لم استفيد منه اى شى قاعد يردح

أنا معاكي إن الأسواني كان صوته عالي و ده مش مطلوب طبعًا

و كمان كان بيركز على كلام شفيق و تصريحاته .. و مش هي دي المشكلة الحقيقية

المفروض كان يتكلم عن طلبات الثورة..

لكن عجبني إنه كان بيتكلم معاه الند بالند

لأول مرة نخرج من فكرة تقديس المسئولين بدلًا من التعامل معاهم كبشر عادي

و إن كان الأسواني زودها برضه

و طريقته للاسف خلقت نوع من التعاطف مع شفيق

شفيق للاسف بلا حجه و لا رويه واضحه مش عارفه ده ايه سببه يمكن ضعف شخصيه

يمكن راجل ما بيعرفش يتكلم يمكن المشاكل محاصراه يمكن دوميه

ساةيراس بيتكلم مقتراحاته فى البعد التالت

الوحيد الى كان بيقول ما قل و دل هو قنديل و اتصور لو الحديث ده كان اقتصر على

شفيق و قنديل كنا استفدنا اما ان شفيق يطلع الى عنده و يبرر موقفه او قنديل يقلب الدنيا عليه

فعلًا قنديل كان بيتكلم برصاتة شديدة .. و في نفس الوقت كان كلامه محدد و صريح

و فعلًا كان حرام إن شفيق يكون لوحده في مواجهة ناس زي قنديل و الأسواني

و نخلص بالنسبه للناس الى معتقده ان المقابله ديه اخدت

من رصيد شفيق انا بتهيئلى العكس اضافتله تعاطف وقتى نتيجه للهجوم المركز عليه ``

مش معاكي في دي ..

[لونا]

الأهرام

تصفيق لـ "شفيق" على مقاهى فيصل بعد انتهاء حلقة "بلدنا بالمصرى"أشرف عمران |3-3-2011 | 03:35

نال الفريق أحمد شفيق رئيس وزراء حكومة تسيير الأعمال المصرية، تصفيقا حادا من عدد كبير من المواطنين جلسوا على مقاهي مختلفة بمنطقة فيصل، ليشاهدوا لقائه في برنامج "بلدنا بالمصري" علي قناة أون تي في. وكان رئيس الوزراء في استضافة البرنامج مع رجل الأعمال نجيب ساويرس، والإعلامي حمدي قنديل، والروائي الدكتور علاء الأسواني.

جاء رد فعل المواطنين الذين كانوا يتابعون البرنامج بشغف، بعد أن قام شفيق بالرد علي الأسواني قائلاً : " متلبسش زي الوطنية .. لمجرد أنك نزلت ميدان التحرير .. أنا حاربت في 73 وأنت قاعد في بيتك .. وتاريخي يتحدث عني".

وكانت جموع المواطنين الذين كانوا يشاهدون الحوار، قد استفزوا من الأسلوب الذي تحدث به الأسواني خلال الحلقة، خاصة بعد أن اضطر شفيق إلى استخدام هذا الأسلوب فى الحوار عقب مقاطعة الأسوانى لحديثه أكثر من مرة.

كان اعجاب رواد غالبية مقاهى فيصل كبيرا، خاصة أن رد الدكتور شفيق اتسم بالدقة والحكمة والمنطق والأسلوب العلمي ، وهو ما أدي إلي ازدياد ثقة الناس فى بقاء شفيق واقتناعهم بحديثه المتدفق وتواضعه الظاهر وثقته الكبيرة فى نفسه، بل وتعاطفهم مع الحكومة الحالية، التى يطالب قطاع من الناس بتغييرها. والغريب أن النقمة انصبت على الأسوانى ، حيث اعتبره البعض يحاول افشال شفيق ووضع العراقيل فى طريقه. وقد لاحظ كثير من رواد المقاهى التزام قنديل وساويرس الصمت لفترات طويلة. الأمر الذى وضع الأسوانى فى مواجهة شفيق، الذى بدا أنه كسب المعركة بالضربة الوطنية. لأن الأسوانى كان فى نظر كثيرين يتعمد التشكيك فى وطنية شفيق دون مبررات قوية.

طبعًا كلنا لاحظنا الدقة و الحكمة و الأسلوب العلمي :closedeyes:

[بركة]

أنا مع الرأي انه ياريت اللقاء كان اقتصر على الاستاذ حمدي قنديل

الراجل بهدوءه الشديد كان ممكن يلعب شفيق ويخرج منه كل حاجه

استاذ علاء الاسواني جزاه الله خيرا ...بس النتيجة من اللقاء اننا ماخرجناش

من الوقت الطويل الذي ضاع في الهتاف بشئ ..اللهم الا ان شفيق ضعيف الحجة

وده ماكانش الهدف من الاجتماع ...

الفريق شفيق اثبت لنا انه غير محنك سياسيا بالمرة ...سطحي الى حد كبير ..أو يدعيها

الله أعلم

احنا كنا سهرانين ده كله ليه عشان نفهم دماغه فيها ايه

والنتيجة لا شئ

كل اللي وصل للناس انه لايصلح ان يكون رئيسا لاي حكومة على الاطلاق

انا رأيي انه اساء لتاريخه هو شخصيا بقبوله لكل ما يحدث

وآخرا : هو في حد في مصر ما يعرفش امن الدولة كان بيعمل ايه بالظبط في مصر..

[jasmin hamed]

إنتو فرحانين بالخناقة واللي كشفت إن شفيق قُله ومالوش لازمه .. ونسيته نقطة ذكرها بعضمة لسانة وتعتبر كارثة بكل المقاييس .. لما حمدي قنديل رمى له سؤال وقال إن إجابته تفرق كتير ...

وأقسم بالله توقعته وتوقعت الإجابة ومتوقع إنعكاستها عند المُتلقي لما الناس تعرف الفضيحة

قال لشفيق : إجتماع وزراء خارجية العرب في جامعة الدول العربية دلوقت من ضمن الأمور اللي هايناقشها إن كل دولة هاتطرح إسم مرشحها لخلافة عمرو موسى اللي خلاص لن يرشح نفسه وكلها أيام قليلة وتُجرى الإنتخابات ..

يقوم قايل بعضمة لسانه إنه غالباً هايبقى : مفيد شهاب ...

أنا هاسيب لكم التعليق إنتم يا جماعة ...

تصدق اربع ساعات ماستفدتش غير السؤال ده و اجابته

و ده الى اكدلى ان شفيق فى الباى الباى

على الفكره الراجل ده لو ذكى او عايز يطول مدة وزارة كان قال مس اختيارى

ده المجلس العسكرى

و كانت خلصت بس شكله عايزيمشى

[wsadani]

نقاط من اللقاء

واضح أن أحمد شفيق مش ماسك أى خيوط وفعلا ليس عنده اى حنكة سياسية ويزيد من التساؤل لماذا التمسك بأحمد شفيق من قبل المجلس الأعلى للقوات المسلحة

فى توقعى أن هذه الحلقة ممكن تزود الناس يوم الجمعة المطالبيين برحيلة

علاء الاسوانى وضح نقطة مهمة جدا عارفينها كلنا وأن لو تمت الانتخابات الرئاسية قبل تغير الدستور سيأتى رئيس جديد ومعة جميع الصلاحيات التى كانت مع الرئيس السابق مما سوف يجعله ديكتاتورا جديدا

[se_ Elsyed]

شويه جد بقى :

- من الواضح إن الفكر العسكري الديكتاتوري ما زال مترسخاً إلى الأن .. وبالتأكيد الثورة لم تغير أي شي في عقلية هؤلاء وأقصد هنا المجلس العسكري ..

فالفكر لدينا يقول " رئيس الوزراء لا يُمكن أن يمس عدة وزارات سيادية وممكن حتى ما يعرفش أسامي الوزراء دول .. ومنها - الدفاع - الخارجية - الداخلية - العدل -

وهو ما يحدث الان ... فشفشق لا يعرف شيء عن يعني إيه أمن دولة أو الوزير بيعمل إيه .. ورمى كلام أمبارح يودي ورا الشمس من عينة : اعتقد إن الإحتفاظ بوزير العدل كان من أجل مساندته للجنة تعديل الدستور الحالي ..

بالرغم من إن ممدوح مرعي شخصية قميئة وهو قاضي سابق باع ضميرة من أجل المال .. وقام بتظبيط تعديلات الدستور 2005 .. وإنتخابات الرئاسة 2006 ... و إنتخابات البرلمان 2010.. ومكروه من طوب الأرض . وكلام شفيق ده يدل على إن ممدوح مرعي ممكن يتدخل ويلغوص في الدستور . يعني جه يكحلها عماها

أما الأحتفاظ بأحمد أبو الغيط .. لإنه معاه ملفات كتيرة ... يعني - على لسان شفيق - لما المشير طنطاوي يحتاج معلومات عن بورندي .. بيميل على أحمد أبو الغيط ويسأله

ملحوظة : بورندي اللي لزقتنا على قفانا ووقعت على إتفاقية تقسيم مياه النيل من غير مصر أو السودان ...

[aimen]

شفيق استقال وتم تكليف عصام شرف بدلا منه

[fatfouta]

عاجل | شبه مؤكد

شاهد عيان:مبنى أمن الدولة بالفراعنة في الأسكندرية يتم نقل آلآف الوثائق منه و محاصر بحراسة مشددة جداً لضمان استكمال عملية تهريب الوثائق

[fatfouta]

رصد | عاجل | مؤكد

#Egypt

الشرطة العسكرية تتحفظ على (المركزى للمحاسبات) خوفا من ضياع ملفات الفاسدين