جمعة الخلاص والمحاكمة...لإسقاط شفيق وردا على الشرطة

[Ahmed Anwer]

إحتمال يكون بعد ما مشيت ،،

لأن فيه ناس كانت بتفكر تعتصم

و مدير مكتب الجزيرة في مصر ( كان المذيع لمنصة من المنصات ) قال كده في الإذاعة الداخلية للميدان إن فيه إقتراح بالإعتصام

أمام مجلس الوزراء ،،

بس عددهم أكيد قليل جدا ،، لأن لما مشيت الميدان كان فضي جدا

و كان فيه فعلا بعض الشباب الصغير ( كام واحد قليلين جدا ) عايز يحتك بالجيش عشان بس يدخلوهم الشارع الداخلي لمجلس الشعب

بس المتظاهرون كلهم وقفولهم و منعوهم تماما

و فيه مجموعة قليلة جدا جدا دخلت الشارع الداخلي ده من قبل صلاة الجمعة و فضلت هناك

و العدد الكبير بره في شارع قصر النيل مصممين يدخلوا و بيهتفوا هتافات زي دخلونا ،، عدونا غير الهتافات التقليدية

شخصيا مكنتش شايف ليها اي لازمة مإحنا واقفين بره مش لازم يعني نخش الشارع الداخلي ده

أصل أحمد شفيق مش جوه يعني ،،، دي كلها وقفات رمزية

تم تعديل 25 فبراير 2011 بواسطة Ahmed Anwer

[fatfouta]

نوارة نجم || تويتر || يا شباب اللى رجعوا من التحرير ينزلوا على مجلس الوزراء حالاً. إعتصام حول مجلس الوزراء بدأ فعلاً و هناك آلاف تتوافد حالياً. كل شاب فى القاهرة ينزل على مجلس الوزراء حالا.وكلموا اللى فى التحريروالجيش بيطلب الناس في الشوارع بانهم يضغطوا باقصي ماعندهم لتحقيق كل المطالب ..... جيشنا بتعرض لضغوط رهيبه ساعدووو

انا مش فاهمةحاجة

فيه حاجة غلط

تم تعديل 25 فبراير 2011 بواسطة fatfouta

[fatfouta]

شبكة رصد |المنصورة| اشتباكات مديرية الامن

http://www.youtube.com/watch?v=zHaxHSzcOVI

[rewsha]

نوارة نجم || تويتر || يا شباب اللى رجعوا من التحرير ينزلوا على مجلس الوزراء حالاً. إعتصام حول مجلس الوزراء بدأ فعلاً و هناك آلاف تتوافد حالياً. كل شاب فى القاهرة ينزل على مجلس الوزراء حالا.وكلموا اللى فى التحريروالجيش بيطلب الناس في الشوارع بانهم يضغطوا باقصي ماعندهم لتحقيق كل المطالب ..... جيشنا بتعرض لضغوط رهيبه ساعدووو

انا مش فاهمةحاجة

فيه حاجة غلط

انا كمان مش فاهمه حاجه .لو حد فاهم يفهمنا

منين الجيش بيضرب في الناس علشان يفرقهم دلوقتي ...ومنين الجيش عاوز الناس تضغط عليه

ولو في ضغط على الجيش

يبقى مين اللي بيضغط؟

انا عاوزه افهم النقطه دي بالذات؟

[fatfouta]

شاهد - ،المجموعة اللي كانت قدام الكردون كانت كل كام دقيقة تزق وتشتم الجيش، وعناصر منهم يفتحوا حوارات عصبية مع العساكر

ابتدت توضح الرؤية شوية

[rewsha]

مبارك رجع ولا ايه يا جدعان ؟ هوا ليه الشريط بيرجع من الاول تانى #Egypt #jan25

Tweet By: @Loay_Saleh

Sat Feb 26 2011 02:27:41 GMT+0300 (Arab Standard Time)

[Simba]

لو ده حصل يا فتفوتة يبقي حاجة من الاتنين

فيه حد له غرض يوقع بين الشعب والجيش

اما حد بيحاول يضلل ويطلع الشباب في التحرير غلطانين

[Ahmed Anwer]

تقريبا الخبر أتأكد

من رويترز

http://ara.reuters.com/article/topNews/idARACAE71O1GO20110225

و كلام مدام فاتفوته ،،، صح فعلا كان فيه ناس عمالة تضغط علي الكردون

بس و الله ،،، المتظاهرين كانوا فاهمين و بيمنعوهم علي قد ما يقدروا

كان فيه منهم متظاهرين كمان بيقولوا دي خطة من أمن الدولة عشان يقلبوا الجيش علي المتظاهرين

خاصة إن اللي شفتهم بعنيا بيضغطوا دوول ،،، شكلهم عيال هبلة مش فاهمة اي حاجة في الدنيا

[fatfouta]

عالبى بى سى حاااااالا

صحفى من ميدان التحرير بيقول ان الشرطةالعسكرية بتضربهم وبتقولهم فيه حظر تجول دلوقتى ووقت التظاهر خلص خلاص

[rewsha]

لو ده حصل يا فتفوتة يبقي حاجة من الاتنين

فيه حد له غرض يوقع بين الشعب والجيش

اما حد بيحاول يضلل ويطلع الشباب في التحرير غلطانين

يبقى حاجه من اتنين

اما الداخليه ...او الحزب الوطني.....صح؟

همه دول اللي ليهم مصلحه في التوقيع بين الجيش والشعب

[fatfouta]

RT @Moutaz_D: لاحظوا إن أمن الدوله وبواقى الحزب الوطنى نفسهم ومنى عينهم إن الناس تبتدى تعادى الجيش ويقعوا مع بعض #Egypt #Jan25 #Tahrir

[Simba]

http://bambuser.com/channel/RamyRaoof/broadcast/1449388

[rewsha]

في بدايه الثوره قطعوا النت

والنهارده احتفالا بمرور شهر على الثوره قللوا سرعة النت

النت بطيْ جدا جدا

انا مش عارفه افتح اي صفحه غير اللي انا فيها دي

ياترى حد عنده نفس المشكله في بطء النت؟

[fatfouta]

متصلة الان على قناة الجزيرة مباشر من ميدان التحرير

اللى بيعمل كده نااااس من الداخلية مش من الجيش

وملثمين وكانوا بيضربوا الناس بالكرابيج وبالصواعق وبيقولوا صاعقة عشان يضللوا الناس

بس دول مش عناصر صاعقة خااالص ....وتدعوا الشعب انه ينزل بكره للتظاهر ...وميدان التحرير دلوقتى فااضى والنصب التذكارى للشهداء اتكسر تماما

تم تعديل 26 فبراير 2011 بواسطة fatfouta

[Om Zayd]

نوارة على الجزيرة مش مصدقة نفسها و اللي شافته من ضرب الجيش لهم

[Om Zayd]

بتقول مش قادرين نصدق و مرضيناش نرد عليهم

مش هنتهان تاني

مش هنتراجع

[Ahmed Anwer]

واحد, اتنين, الجيش ضرب الشعب

النهاردة كان في مليونيه, زي اي جمعه, وكان الطلب بسيط

إقالة احمد شفيق

اليوم عدى باحتفالاته, ع اخر النهارد كان في مجموعة معتصمة في شارع القصر العيني, عند مجلس الوزراء, عساكر من الشرطة العسكرية, والجيش, طوقونا لمدة ساعه, بعدين جه لواء جيش لطيف, قرر انه يفك الكردون, ويعمل نفسه انساني لأقصى درجة :-)

نفس اللواء الانساني, بعديها بساعتين"الساعه 2 بعد نص الليل", ادى تحذير ان لو الناس لو مافضتش بالزوق, حيفضوا بالعافية, وان الاحسن لنا نمشي.

5 دقايق, واخدت عساكر الجيش وضع الاستعداد, ووقفوا صف جنب بعض, وبدأوا يصعقوا الناس بالصاعق الكهربائي, ويجرونا في الشارع.

طلعنا نجري وهم ورانا, وكل شوية يصطادوا حد فينا, انا بطلت جري شوية, وكنت ماشي, وقدامي بشوية شريف عازر.

فجأة لقيتهم جم علي, وضابط جيش زغنون "حوالي 170 سنتيمتر, وعمره 23-24 سنه"شاور علي, وقال لعساكره هاتوه من شعره.

لقيت فجأة اربع عساكر من خيرة جنود جيشنا المصري الهمام, نازلين علي بإكعاب البنادق, وواحد فيهم ضربني في ****** , وقعني ع الارض, والباقيين قرروا يكملوا علي الحفلة شوية :-).

اللي انقذني منهم,تدخل شريف عاذر, واللي دخل معاه ضابط تاني صغير برضه, وفض العساكر من علي, وجرونا تاني.

بعديها بـ 5 دقائق, الضابط الزوغنن الاولاني كان مشاور ع شريف عاذر, وجايبه, وسط عساكره ونزلوا فيه ضرب.

وكملوا تجريه فينا لحد اخر ش القصر العيني, واجمل حاجه حقيقي عملوها, انهم قرفصوا ع ركبة واحدة في نص الجري دا, واخدوا وضع استعداد ضرب النار, عشان يرعبونا.

اللي انضربوا قدامي من صحابنا, مصطفى حسين, و

صديق تاني عرفني ع نفسه انه اسمه Cer

ع تويتر.

احلى هتاف سمعته النهاردة, واحنا بنجري

"1, 2 الجيش ضرب الشعب"

الشعب بس هو اللي ايد واحده....

منقوووول ،،،

و أعتقد ده الواقعي لأني لحد الساعة 12 بالليل كنت هناك و مكنشي فيه اي حاجة

[Om Zayd]

بتقول لازم الجيش يعتذر

و الحكومة تمشي

مش هنتراجع عن مطالبنا

و اعتقلوا ناس من ضمنهم شادي الغزالي

[Om Zayd]

واحد تاني دلوقت بيقول .. رغم ان الملابس عسكرية لكن التصرفات و التكتيك شرطة

و منهم ملثمين

بيضربوا اللي يقع تحت ايديهم بوحشية عجيبة

تم تعديل 26 فبراير 2011 بواسطة Om Zayd

[fatfouta]

واحد تاني دلوقت بيقول .. رغم ان الملابس عسكرية لكن التصرفات و التكتيك شرطة

و منهم ملثمين

فعلا بيقول لبسهم جيش لكن طريقة ضربهم بالجزم والشلاليت للناس والستات وكان فيه ست حامل ضربوها ووقعوها عالارض وكانوا بيعتقلوا الناس وبياخدوهم وبيشتمونا شتايم سافلة

وفيه جروح والناس اللى اتجرحوا راحول القصر العينى