اتهام وزير الداخليه بتورطه فى اعمال تصفيه جسديه باوامر من سوزان مبارك

[مغتربة]

فاكرين الحادثه الى كانت فى التمانينيات الى الشرطه فيها ضربت شقه ضابط فى الشرطه بالاربى جى و موتته هو و ابنوه اللواء و ساعتها قالوا انه كان اتحول لبلطجى و بيفرض اتاوات فى النادى و لامم حوله ناس عامل بيهم تشكيل بلطجه

و الى اقتبسوا احداثها فى الجزء الاخير من فيلم تيتو

طبعا من اياميها الناس عارفه بالضبط ايه اصل الحكايه و انها مش كدا اساسا و انها اصلها ان الضابط دا كان اتخانق مع اخو سوزان مبارك

المفاجاه بقى فى الموضوع ان اللواء الى قاد عمليه التصفيه الجسديه للولدو ابوه هو محمود وجدى وزير الداخليه الحالى

و على حسب كلام الشهود انه لما سرب ليه خبر ان فيه ناس من الشرطه جايه تعتقله علشان هو الى يبدا الهجوم و بالتالى يحق للشرطه فى الحاله دى انها تستخدم اى اسلوب علشان بدافع عن نفسها و بعد ما الولد نفسه مات و دخلوا الشقه وقف ابوه اللواء رافع ايديه بيقلوهم خلاص مات و ضربه محمود وجدى ساعتها بالنار و قتله هو التانى

هو دا التاريخ المشرف لوزير الداخليه الحالى و خلونى انقل لكم الموضوع باختصار و فيه كمان معلومات عن الطريقه الى تم اختياره بيها للوزاره رغم انه كان خلاص خرج من الخدمه على يد حبيب العادلى الى كان بيغير منه و خايف انه خطر عليه فدبر لتخلص منه

مصر: اتهام وزير الداخلية الحالي بقتل اللواء امام ونجله ارضاء لسوزان مبارك

اتهم العقيد عمر عفيفي وزير الداخلية الحالي محمود وجدي بأنه صنيعه نظام الرئيس السابق محمد حسني مبارك ،وان زوجته –أي زوجة وزير الداخلية الحالي –صديقة لقرينة الرئيس السابق سوزان مبارك ،كما اتهمه بقتل اللواء محمد إمام ونجله إرضاء لزوجة الرئيس السابق .

سرد عفيفي قصة الوزير الحالي عبر موقع التواصل الاجتماعي "فيس بوك " تحت عنوان (من هو وزير الداخلية الجديد).

حكي عفيفي قصة وزير الداخلية الحالي قائلا :هو محمود وجدى محمد محمود ، عمل مدير لمباحث القاهرة ثم مدير لأمن كفر الشيخ ثم مديرا أمن أحدي محافظات الصعيد.

يضيف عفيفي :متزوج وله بنت وهو من "النجيلة" بحيرة ، ويبلغ 70 سنه تقريبا، زوجته صديقة شخصية لسوزان مبارك وهو صديق شخصي لزكريا عزمي ،كان شريكا من الباطن لحوت مدينة نصر،وشقيقه كان يعمل ضابطا بالمخابرات الحربية وحاليا بالمخابرات العامة، كما إنه –يقصد شقيق وزير الداخلية -مقرب جدا لعمر سليمان.

ويؤكد عفيفي أنه عمل مع وزير الداخلية الحالي أكثر من عشرة سنوات بمباحث القاهرة ،ويصفه بالذكاء الحاد ،وان ذكائه يفوق وزير الداخلية السابق حبيب العادلي ،وأنه يعتمد علي الحيلة ،ودموي لو اضطرته الأمور

ويقص عفيفي واقعة تصفيته للواء محمد امام ونجله الذي كان يعمل ضابط بالشرطة برتبة رائد قائلا: شارك-وزير الداخلية الحالي - في تصفية اللواء محمد أمام ،ملياردير و متضخم ماليا ،كان يسكن بمصر الجديدة ،وله ابن برتبة رائد الشرطة تم قتلهما بالرصاص وحرقهم بمسكنهما بتعليمات من سوزان مبارك، لأن نجل إمام ضابط شرطة رفض ترك طاولته بفندق "شيراتون " المطار لـ"منير ثابت" شقيق سوزان مبارك وتجرأ علي الرفض.

يكمل عفيفي ،كان علي رأس المأمورية اللواء فادي الحبشي مدير مباحث العاصمة ومعه اللواء محمود وجدي (وزير الداخلية الحالي) وكان وقتها رئيس المباحث الجنائية بمديرية أمن القاهرة.

ويضيف أن وجدي عمل تحت رئاسة العادلي لمدة 3 سنوات كمدير مباحث القاهرة وقت أن كان العادلي مديرا لأمن القاهرة ،وهو من أهم مهندسي تزوير أنتخابات 1995 و 2000-وفق قول عفيفي - وتخلص منه العادلي بعدما اختلفا لأنه كان يطمح أن يكون وزير للداخلية

[Simba]

رغم اني مصدق القصة وحاسس بوجع ان الاشكال دي هي اللي تحكمنا

لكن كلام من غير دلائل حقيقية يفضل مجرد كلام يطلع الف واحد من الحاشية يقول انه مجرد كلام ومش بعيد

تشويه سمعة العقيد عمر عفيفي تمام الايام اللي جاية

[Alattar]

ده ايه الحلاوة دي..و كمان جايبينلنا واحد مجرم قتال قتلة يمسك وزير داخلية

أشرف السعد قال كده من زمان..قال ان حبيب العادلي بالنسبة لمحمود وجدي ده ملاك

و أحمد بيه شفيق لسه مصر برضه يعين أذناب النظام..و أصحاب سوابق زي ما حسني مبارك كان بيعمل

بالظبط..بصراحة حاجة غير مبشرة علي الاطلاق

[pink rose]

طب و الحل يا جماعة

من زمان و العقيد عمر عفيفي بيقول ان الراجل دا هو وجة العملة التاني للعادلي ان ما كانش اكثر شرا

و امبارح اتفرجت على المقابلة اللي عملها في التليفزيون الراجل بجد شكله مرعب

و طبعا كلامه عن ان في عناصر اجنبية كانت في التحرير بيفكرني بنفس غباء عمر سليمان

نعمل ايه الواحد بجد اتقرف من كتر البلاوي اللي بيسمعها اليومين دول

منهم لله ايه دا كانوا محزمين مصر بالطريقة المرعبة دي ازاي

علاقات و نسب و اصحاب و كلهم ماسكهم العفن

ربنا يخلصك و يفك اسرك يا مصر من القرف دا

[fatfouta]

رغم اني مصدق القصة وحاسس بوجع ان الاشكال دي هي اللي تحكمنا

لكن كلام من غير دلائل حقيقية يفضل مجرد كلام يطلع الف واحد من الحاشية يقول انه مجرد كلام ومش بعيد

تشويه سمعة العقيد عمر عفيفي تمام الايام اللي جاية

فعلا ابتدوا يشوهوا صورته وهاريينه شتايم عالمنتديات والفيس بوك

مع انه فيه كتير فى كلامه كان صح وحصل فعلا

وشوف الموضوع ده للفاضل الاستاذ محمد

حقائق شبه مؤكدة عن حبيب العادلى وتورطه فى حوادث ماسمى بالارهاب

[Om Zayd]

علامة الاستفهام الكبيرة بالنسبة لي عن عمر عفيفي هي .. غموض بداية وجوده في امريكا

قال انه هرب من مصر بدولارات قليلة .. كيف وصل لما هو فيه الآن؟

لا أشكك فيه .. فقط أطالب بمزيد من المعلومات

خصوصا الآن