أين كانت كل تلك الاتهامات ؟؟؟؟؟؟

[رضوي]

السلام عليكم ورحمة الله وبركاته

كغيري من ابناء مصر .......... كنت قبل الثورة ومن زمان اسمع ان فلان لص ومرتشي وسارق .....الخ

والوزير الفلاني حرامي وفاسد ومضلل

وسيادة النائب مرتشي ومزور

وحضرة رئيس القطاع الفلاني فاسد ولص

الخ

كل دي كانت اتهامات ........ لكن لم تثبت صحتها من عدمه ..... يعني لما كان حد يقولي ان فلان مرتشي ..... ماكانش لازم اصدق لاني ماشوفتش دليل سليم وملموس

صحيح كنت متأكدة من انتشار الفساد في ارجاء مصرنا الحبيبة ........ صحيح كنت بسمع قرارات مستفزة من المسئولين

صحيح كنت بسمع ارقام فلكية لمرتبات لأشخاص بعينهم

صحيح كنت متأكدة من وجود فساد وفاسدين بالمجتمع المصري ......... لكني ابداً لم اكن املك دليل واحد يدين فاسد من الفاسدين

حتى في شغلي ....... كنت اعرف ان المجموعة الفلانية بيمشوا اعمال لشركة معينة مثلاً دون غيرها .......وان شركات معينة بتتمتع بثقة عالية من رؤساء العمل

لكني لم اكن ابداً امتلك دليلاً واحداً يدين اي شخص ........

لما صدرت اوامر بحبس المغربي وعز والعادلي وجرانة ........الخ

ماكنتش متوقعة حجم الفساد اللي متهمين بيه دة كله ........ ماكنتش اعرف ان فيه ادلة كتير اوي كدة ضدهم

مثلاً العادلي - علي سبيل المثال لا الحصر - كنت فاكرة مثلاً ان التهمة الوحيدة اللي هيتحاكم عليها هي تهمة الانفلات الامني وغياب الشرطة ...... وقولت اكيد هو مظبط نفسه في كل جرايمه واعماله الفاسدة

لكني فوجئت بعدة بلاغات موجهه ضده ....... واللي استفزني مش الاتهامات ........ لا اللي استفزني الادلة

يانهار الوان ؟؟؟؟؟؟؟؟

يعني كان فيه ادلة ؟؟؟؟؟؟؟؟؟؟

طيب ليه الادلة دي ماظهرتش الا بعد وقوعه ؟؟؟؟؟؟

أعتقد ان الاجابة الوحيدة المسموحة دلوقتي هي ان النظام السابق كان بيغطي عليه ........ اي اجابة غير دي .......... مش هقدر اقبلها

مثلاً مدير عام الطب البيطري بالقاهرة د/سعاد الخولي ......... اللي دلوقتي بتوجه تهم لأباظة وزير الزراعة السابق تؤكد تورطه في استيراد لحوم فاسدة

بسؤالها عن سبب عدم تقدمها ببلاغات اجابت انها اتقدمت ببلاغ للسيدة سوزان مبارك ؟؟؟؟؟؟؟

نعم وهي حرم سيادته جهه قضائية لتقديم البلاغات ؟؟؟؟؟؟؟؟

وغيره وغيره .......... كم مسئول تم توجيه اتهامات ضده النهاردة ؟؟؟؟؟؟؟؟ قصدي كام مسئول لم يتم توجيه اي اتهامات ضده لحد النهاردة ؟؟؟؟؟؟

طيب الناس اللي كانت معاها الادلة دي كانت ساكتة لييييييييييييه ؟؟؟؟؟

كانوا خايفين ؟؟؟؟؟ مرعوبين ؟؟؟؟؟ ولا مش عارفين يبلغوا مين ؟؟؟؟؟

دلوقتي بس طلعت كل الادلة علي المصايب والبلاوي اللي الناس دي كانت بتعملها في البلد

هو مش الساكت عن الحق شيطان أخرس ؟؟؟؟

الناس دي ليه مااتحركتش ؟؟؟؟؟؟ ليه سكتت ؟؟؟؟؟ وسكوتهم كان لمصلحة مين ؟؟؟؟ ومقابل ايه ؟؟؟

مقابل الامان المزييف ؟؟؟ ولا مقابل اشياء لم نعرف بها بعد ؟؟؟

سكوتهم دة كان من اسباب انتشار الفساد وتعمقه

[Alattar]

المستندات و الأدلة موجودة من زمان..و حاططينها عشان يطلعوها في الوقت المناسب

كقرصة ودن مثلا..زي اللي حصل مع هشام طلعت مصطفي

أو كبش فداء..زي ما حصل مع عز و العادلي و جرانة و المغربي و غيرهم

[رضوي]

المستندات و الأدلة موجودة من زمان..و حاططينها عشان يطلعوها في الوقت المناسب

كقرصة ودن مثلا..زي اللي حصل مع هشام طلعت مصطفي

أو كبش فداء..زي ما حصل مع عز و العادلي و جرانة و المغربي و غيرهم

زي اللي حصل في غرفة جهنم ؟؟؟؟؟

بس اللي بقصده حضرتك دلوقتي ان معظم البلاغات مقدمة من ناس عاديين ..... أقصد مش مسئولين

يعني كلنا عارفين ان هشام طلعت مصطفي والسكري اتاخدوا ككبش فدا للأسماء كبيرة ( كانت) في البلد ........... من اولها طبعاً جمال مبارك ؟؟؟؟؟

يعني ببساطة اللي قدم مستندات ادانة هشام طلعت مصطفي كان مسئول ....... وكان شايل المستندات دي لوقت معين

لكن لو شوفنا الادلة اللي بتتقدم النهاردة هنلاقي ان الشخص الذي يمتلكها شخص عادي ......... ومعظمهم محاميين ؟؟؟؟؟

طيب ليه ؟؟؟

وكانت فين قبل كدة ؟؟؟؟؟

يعني اكيد مااتقدمش ببلاغ اما لأنه خايف - او لأنه مرتشي بياخد مقابل سكوته - او لأنه مش شايف فايدة من تقديم البلاغ

بس كل دة لايغفر له صمته وسكوته

[رضوي]

طــــــــــــــــــــارق عامر

النهاردة بيتكلم عن نوايا جمال مبارك ......... وعن القروض اللي بالمليارات اللي بدون ضمانات ؟؟؟

طيب حضرته كان فين من زمان ؟؟؟ ولا كانت الادلة مش موجودة ؟؟؟؟؟

رئيس البنك الأهلى: «جمال مبارك» تدخل لمنح قروض لـ«هشام طلعت» وعدد من أصدقائه.. والنظام السابق كان ينوى تدمير القطاع المصرفى

كتب أشرف فكرى و«أ. ش. أ» ٢٨/ ٢/ ٢٠١١أكد طارق عامر، رئيس مجلس إدارة البنك الأهلى، أن نظام حسنى مبارك، الرئيس السابق، كان ينوى تدمير بنوك القطاع العام المصرية الأربعة، وهى: (مصر، والأهلى، والإسكندرية «قبل بيعه»، والقاهرة)، عن طريق اقتراح أحد رجال الأعمال المنتمين للحزب الوطنى تأسيس شركة قابضة برئاسته تضم هذه البنوك، ويديرها مباشرة، لكن الدكتور فاروق العقدة، محافظ البنك المركزى، رفض الاقتراح وتمسك بموقفه رغم الضغوط الشديدة التى مارسها عليه النظام السابق، وهدد بتقديم استقالته إذا نفذت العملية.

وقال «عامر»، فى حوار بثته قناة «الحياة» أمس الأول، إن جمال مبارك، أمين السياسات السابق بالحزب الوطنى، تدخل أكثر من مرة لدى البنك الأهلى لمنح تسهيلات ائتمانية لعدد من أصدقائه مثل هشام طلعت مصطفى، ورفض البنك منحه قرضا قيمته ٤.٥ مليار جنيه لتمويل عمليات الرهن العقارى لمشروعاته، وأضاف: «رفضنا الذهاب إلى مجلس الوزراء لمناقشة القرض من أساسه، وتعمد هشام الهجوم على البنك الأهلى وقياداته، لكن ذلك لم يمنعنا من التمسك بموقفنا الذى أنقذ البنك الأهلى من كارثة».

وكشف عن أنه كانت هناك محاولات لدمج البنك التجارى الدولى «سى. آى. بى» فى شركة «إف. جى. هيرمس» التى يمتلك جمال مبارك نسبة كبيرة من أسهمها، ورفض «المركزى» رغم محاولات عدد كبير من أعضاء الحزب الوطنى التدخل لإتمام العملية، التى كانت ستلحق أكبر الضرر بالبنك - على حد قوله.

وقال إن من بين الطلبات غير المنطقية التى كان أعضاء النظام السابق يحاولون فرضها على البنك المركزى تخفيض سعر الفائدة خلال الانتخابات الرئاسية عام ٢٠٠٥، لمصلحة رجال الأعمال، لكن البنك رفض بشدة.

وشدد «عامر» على أن محافظ البنك المركزى وأعضاء مجلس الإدارة تعرضوا لإغراءات شديدة للانضمام لعضوية الحزب الوطنى، لكنهم رفضوا الانضمام لأى حزب سياسى، حتى لا يفقدوا مصداقيتهم فى العمل المصرفى. وأشار إلى أن إجمالى الديون الرديئة التى تم الحصول عليها دون ضمانات من رجال الأعمال الموالين للنظام السابق، قبل عام ٢٠٠٢، بلغ نحو ١٠٠ مليار جنيه، وكانت تهدد مسيرة البنوك المصرية، التى خسرت أكثر من ٨٠% من رصيدها حتى ذلك الوقت، وكادت تشهر إفلاسها.

ونفى «عامر» إخراج البنك الأهلى أى أموال خلال ثورة ٢٥ يناير تخص عملاء، سواء من رجال الأعمال أو رموز النظام السابق، بل جرى إحضار ٣٥٠ مليون دولار من أرصدة البنك فى الخارج، لمواجهة السحوبات المتوقعة على النقد الأجنبى، مضيفا: «لكننا اضطررنا لإعادتها مرة أخرى بعد التأكد من عدم الحاجة إليها، وهو الإجراء الذى نفذه بنك مصر بإحضاره ٢٠٠ مليون دولار من الخارج للسبب نفسه». وأعرب عن أمله فى أن تعود الأموال المهربة سواء الخاصة بعناصر النظام السابق أو رجال الأعمال الهاربين.

[Alattar]

بخصوص استفسارك يا أخت رضوي عن الناس العادية دي كانوا فين

فيه منهم ناس طلعوا في بعض القنوات و قالوا انهم بيقدموا البلاغات دي من زمان

و ما حدش كان معبرهم..و كانوا بيقفلوا عالمواضيع بدري بدري

و طالما ان جودت الملط جاتله تهديدات اليومين دول اللي أغلب رؤوس الفساد

فقدت سلطتها..ما بالك بالأيام الماضية لما كانت كل حاجة في البلد في ايديهم

أكيد الناس اللي معاها أدلة دي كانت بتتلقي تهديدات..و خصوصا زي ما قلت لحضرتك..ان فيه منهم

طلع و قال اننا من زمان و احنا بنقدم البلاغات دي بس كانوا بيطرمخوا عليها

المهم دلوقتي انها طلعت..و الأهم من كده انهم يحققوا فيها بجد

[رضوي]

بخصوص استفسارك يا أخت رضوي عن الناس العادية دي كانوا فين

فيه منهم ناس طلعوا في بعض القنوات و قالوا انهم بيقدموا البلاغات دي من زمان

و ما حدش كان معبرهم..و كانوا بيقفلوا عالمواضيع بدري بدري

و طالما ان جودت الملط جاتله تهديدات اليومين دول اللي أغلب رؤوس الفساد

فقدت سلطتها..ما بالك بالأيام الماضية لما كانت كل حاجة في البلد في ايديهم

أكيد الناس اللي معاها أدلة دي كانت بتتلقي تهديدات..و خصوصا زي ما قلت لحضرتك..ان فيه منهم

طلع و قال اننا من زمان و احنا بنقدم البلاغات دي بس كانوا بيطرمخوا عليها

المهم دلوقتي انها طلعت..و الأهم من كده انهم يحققوا فيها بجد

صحيح دة بالنسبة للناس العادية ...... لكن مش كل اللي اتقدم ببلاغات النهادة ناس عادية ؟؟؟؟؟

ناس كتير طلعت وقالت انهم اتعرضوا لضغوط ........ ناس كتير طلعت النهاردة واتكلمت بجرأة افتقدنها من زمان

أولهم وزير الاسكان السابق حسب الله الكفراوي ........ اتكلم وفضح الدنيا

وناس لسة لحد النهاردة خايفة انها تتكلم ؟؟؟؟؟ مش عارفة خايفين من ايه ...... بس خايفين ومش عايزين يتكلموا لحد النهاردة ؟؟؟

وناس كانت مستفيدة من الفساد وسكوتهم كان لأهداف شخصية ليهم ......... والنهاردة برده طلعوا واتكلموا ..... بس اتكلموا لركوب الموجة والظهور بمظهر الأبطال والبعد عن الشبهات

وناس كانت معاها الادلة وخوفها هو اللي منعها من النطق ببنت شفة

كل دول وكل اعذارهم لاتشفع لهم فعلتهم ......... لأنهم - سواء عن قصد أو بحسن نية - ساعدوا علي الفساد

اللي خاف واتهدد نسي ان الموت في سبيل الحق شهادة ....... بس مااقدرش الومهم لأن ( لايكلف الله نفساً الا وسعها )

- لكن اللي اتستر علي الفساد لمصالح شخصية جاي النهاردة ينطق ويتكلم ويعمل فيها بطل دة ايه ظروفه هنسيبه يركب الموجة ؟؟؟؟

طيب واللي لحد النهاردة خايف ؟؟؟؟؟ خايف ليه ومن ايه وهيفضل ساكت لحد امتى ؟؟؟؟

[شرف الدين]

العزيزة / رضوى

ربما تجيب أجزاء من هذا الفيديو على بعض تساؤلاتك

http://www.youtube.com/watch?v=UYEWaE2wy0M

[لونا]

اللي كان مسكتهم يا رضوى طول الفترة اللي فاتت

إنه ما كانش فيه فايدة

إسألي أي محاسب في الجهاز المركزي للمحاسبات

كانوا بيقضوا وقت قد إيه في متابعة حسابات جهة ما

شهور و أحيانًا سنين

و بعد ما يثبتوا أوجه الفساد و الرشوة و السرقة

و بعد ما يتعرضوا لكل ما نتخيله من محاولات لشراء الذمة

كل تعبهم ده بيتعمل فيه إيه؟

و لا حاجة

بيتحط في الأدراج

بس .. خلاص

[ذهبية]

قال مجدى عثمان سودانى الجنسية والمعتقل السياسى بتهمة الإرهاب إن سجن أبو زعبل كان بمثابة مقبرة لآلاف المساجين نظراً لسوء المعاملة والتغذية بالإضافة إلى حرمانهم من الشمس والملح الأمر الذى أصاب العشرات بتشنجات وصرع مشيراً إلى أن السجن كان خالى من المياه فكانت مياه الشرب من ترعة الإسماعيلية المليئة بالحشرات والشوائب.

وأشار المعتقل مجدى زكى محمد الذى قضى فى السجن 17 سنة متهم بمحاولة اغتيال مأمور سجن الاستقبال محمد عوض، خلال جلسة استماع لأسر مفقودين ومعتقلين سياسيين بالإسكندرية أمس، أن ليمان طره كان يشهد أبشع أنواع التعذيب حيث لقى 8 مصرعهم نتيجة للاعتداء الجنسى بالإضافة إلى التفتيش المصاحب للضرب باستمرار بعد منتصف الليل.

وقال زكى: "على مدار 12 سنة قضاهم بالسجن كان الطعام المقدم فقط هو الفول والأرز والعدس بدون ملح مما أدى إلى نقص الكالسيوم لديهم.

كما قام الضابط "ا.ا" رئيس مباحث سجن أبو زعبل بحرق جميع المصاحف الموجودة بالزنازين ووضع صورة للرئيس المتنحى محمد حسنى مبارك على عمود فى السجن وأمر المساجين بالدوران حولها والسجود وقال لهم قولوا " لبيك اللهم لبيك".

من جانبها أشارت والدة ممدوح على حسن المعتقل على خلفية أحداث كنيسة القديسين أن نجلها كان متزوج من 5 أيام وقت أن تم إلقاء القبض عليه، وكان فى هذا اليوم فى المستشفى عند شقيقته المريضة وفى أيام التظاهرات تم إغلاق الأبواب عليهم أربعة أيام بدون طعام كما تم إلقاء القنابل المسيلة للدموع عليهم.

أما والد حمادة مصباح حمادة محمد قال إن أمن الدولة ذهبوا إلى منزله فى منطقة أبيس بعد انفجار الكنيسة بيوم وحاصروا المنطقة وهددوا الأهالى بالضرب بالنار لعدم الخروج.

وطالب المعتقلون بضرورة حل جهاز أمن الدولة الذى وصفوه بالحرامية لأنهم يقومون بسرقة كل محتويات المنزل أثناء حضورهم إليه، والإفراج الفورى عن المعتقلين.

جاء ذلك خلال جلسة الاستماع التى نظمها مركز الشهاب ومركز ضحايا لحقوق الإنسان, و مركز النديم لتأهيل ضحايا العنف والتعذيب, ومركز نصار للقانون والمحاماة وحقوق الإنسان, و جمعية بلدى لتنمية الديمقراطية, وجمعية المساعدة القانونية لحقوق الإنسان, لحضور جلسة استماع لأسر مفقودين ومعتقلين سياسيين بالإسكندرية.

دة اللى كان بيحصل لاى حد بيتكلم و يقول مش عاجبنى حال البلد

تفتكرى يا رضوى كان حد يقدر يكون معاة مستندات تمس ناس و رؤس كبيرة فى البلد

كان هيجرا يوديها

[ابوهنا]

السؤال المهم: اين كان القضاء الحر النزيه ...الدرع الوحيد فى مصر؟؟؟؟؟؟؟؟؟؟؟؟؟؟؟؟؟

[أحمد سيف]

السؤال المهم: اين كان القضاء الحر النزيه ...الدرع الوحيد فى مصر؟؟؟؟؟؟؟؟؟؟؟؟؟؟؟؟؟

اسأل ممدوح مرعي