وما زال محمود سعد وأمثاله بيتلاعبوا بينا

[مصطفى يونس]

محمود سعد الـ 9 مليون اللي بيخدها نتيجة عملة ومش من فلوس حد

نتيجه عمله 9 مليون فى شرع مين ده

يعنى 750000 الف جنيه فى الشهر

يعنى 25000 جنيه فى اليوم

يعنى 1041 فى الساعه

وناس تانيه مش لاقيه 300 جنيه فى الشهر ودول بيعملو برضه

[fatfouta]

محمود سعد الـ 9 مليون اللي بيخدها نتيجة عملة ومش من فلوس حد

نتيجه عمله 9 مليون فى شرع مين ده

يعنى 750000 الف جنيه فى الشهر

يعنى 25000 جنيه فى اليوم

يعنى 1041 فى الساعه

وناس تانيه مش لاقيه 300 جنيه فى الشهر ودول بيعملو برضه

أخى مصطفى يونس

قيمة العقد السنوى هو 9 مليون على لسان احمد شفيق و7 مليون على لسان انس الفقى

أسفة ماخدتش بالى انحضرتك قسمتها على السنة

بس اللى عاوزةاقوله ان لا كلام شفيق ولا انس الفقى مضمون بصراحة

طب مايقولولنا انس كان بياخد كام وهلب اد ايه من ورا وزارة الاعلام

تم تعديل 28 فبراير 2011 بواسطة fatfouta

[بركة]

والله الشركة مابتكسبش شوية من وراه

احنا مالنا باللي بيكسبو كام ....سرقه يعني

يعني اللي اسمه عادل امام ده خد كام في الاعلان بتاعه

كل اسم وله تمن شركات الاعلان بتدفعه عشان بتستفيد اد كده من وراه محدش عبيط وبيدفع فلوسه على الارض

فتفوتة الاستاذ مصطفى حسبها بالتقسيم على السنة

تم تعديل 28 فبراير 2011 بواسطة بركة

[doha]

شفتي انت ماردتيش عليا في اللي قلتو نقلتي على ناس تانية ازاي

انا اتكلمت على الناس اللي اجمع الشرفاء على دورهم ووطنيتهم

يااختي الفاضلة انا مبتكلمش عن اشخاص انا بكلمك عن المبدأ نفسه الي حكمتي بيه ان فلان او علان ناس كويسه لمجرد انهم "فتحوا عيونا " على الفساد ..

الي ذكرتهم لك برضه فتحوا عيونا على الفساد ومن بدري ويمكن اكتر من الي حضرتك بتدافعي عنهم ومع ذلك استنكرتي كلامي عنهم واعتبرتي ان الفضل فقط لمحمود سعد او حمدي قنديل الي محدش في وسائل الاعلام لحد دلوقت طلع وشوه في صورتهم .. تفسري ده بايه ؟

لا انسى انه وقبل تنحي الرئيس بيوم كامل خرج عماد الدين اديب وصرح بان خلاص حسني مبارك ( بح ) من قبل مااي وكالة انباء تذيع او اي مسؤول اجنبي يصدر تصريح .. كان عارف قبل مااي حد من المشاهدين العاديين الي زي حالاتنا يعرف .. الناس دي لها اتصالات على اعلى مستوى ممكن تتخيليه .. ووظيفتهم في الحياه هي الحصول على الاخبار من المصادر المقربة من صانعي القرار .. وعلى هذا فمتستغربيش ابدا لما محمود سعد يعلن تمرده من اول يوم او لما منى الشاذلي تتحفظ وترفض المشاركه .. اشخاص من الطبقة المخملية زي سعد ومنى مش بالصعوبه عليهم ابدا يكونوا على صلات بمخمليين آخرين شايفين الصورة اوضح بكتير مما نراها نحن العامة ..

واخيرا فمعلومه بسيطه جدا ان اجر الاعلانات الي مستكترينه على سعد داخل فيه ضمنا الاعلانات المدفوعه الي بيقدمها ( ضيوف البرنامج انفسهم ) لزوم التلميع او لزوم توجيه الرأي العام .. كل ده داخل تحت بند الاعلان وكل ده بيقبض من ثمنه مقدم البرنامج وبيشربه .. المشاهدون ..

[بركة]

المبدأ بتاعي كان اجماع الشرفاء من الوطن عليهم

والله كل اللي بتطرحيه هنا من مشاركة مخرج الناس اجمعت على انحطاط افلامه لا يعنينا في شئ

واذكرك بحديث ان الله لينصر هذا الدين بالرجل الكافر

...واخيرا محدش اتكلم ليه لغاية دلوقتي عن فلان ده او ده ..هو اللي عمله الاستاذ انس الفقي والفريق شفيق

مش كفايه ...وللا الناس كلها لازم تطلع حراميه عشان نرتاح

وبالنسبة للاجور دي اتفاق مالناش دعوة بيه..

ارجو الاهتمام بسرقة مال الشعب مش بفلوس الشركات اللي بتتفق على صفقات ليس لنا الحق في مناقشتها

تم تعديل 28 فبراير 2011 بواسطة بركة

[capitshino]

ارجو من الادارة النظر فى تغير عنوان الموضوع والباب الموجود به حتى لا نشوه الاعلاميين الشرفاء .

[doha]

المبدأ بتاعي كان اجماع الشرفاء من الوطن عليهم

طيب بااستاذة بركه ممكن تفكريني كده معليش مين هم شرفاء الوطن الي اجمعوا ؟

لو فكرتي فيها عزيزتي هتكتشفي ان مفيش اجماع ولا حاجه لا من "المشاهير " ولا من "الناس العاديين " بدليل ان في معانا هنا في المحاورات على سبيل المثال شرفاء برضه من شرفاء الوطن ومهماش معجبين بسعد ولا حاجه .. غاية ماهنالك انك شخصيا مرتاحه لاعتبار سعد شهيد وموقفه بطولي يستحق الاشاده بينما في غيرك شايف انه برافوا عليه لعبها صح ..

مش معنى كلامي ان البلد مفيهاش شرفاء وكل الناس فاسدين بل على العكس تماما الشرف في مصر اعم من الفساد لكن بكل اسف الفساد دائما في اي مكان بيكون له الصوت الاعلى كما ان رائحته غالبا اسرع في النفاذ للانوف وقادره على تغطية اي رائحة اخرى ..

احنا بس نبطل نقسم الناس لملائكة اوشياطين .. نبطل نحسبها ان الي مش معانا يبقى هو بالضرورة ضدنا .. نعترف لانفسنا لحظة اننا بشر .. هنلاقي كل شيء بقى منطقي .. كل واحد عرضه للصواب وعرضه للخطأ .. كل منا له خطاياه .. وطالما لم ارتكب كبيرة فمن حقي الحصول على فرصة ثانية وارجوكم .. بطلوا عادتنا الفرعونية في تأليه البشر ..

سهله مش كده ؟

[عنبو]

محمود سعد الـ 9 مليون اللي بيخدها نتيجة عملة ومش من فلوس حد

نتيجه عمله 9 مليون فى شرع مين ده

يعنى 750000 الف جنيه فى الشهر

يعنى 25000 جنيه فى اليوم

يعنى 1041 فى الساعه

وناس تانيه مش لاقيه 300 جنيه فى الشهر ودول بيعملو برضه

يا استاذ مصطفى انت ناقص تحاسب الراجل عن الناس اللى غرقوا فى العباره

الراجل لو بياخد مليار جنيه مفيش حد له عنده حاجه طالما

الفلوس دى اكتسبها من طريق حلال يعنى لا غش واحد ولا سرق

طالما بيطلع الضرائب بتاعتها وعلى فكره كنت قريت ان محمود سعد اكتر واحد بيدفع ضرايب فى مصر مع انه مش اعلى دخل يعنى

وطالما بيطلع الزكاه بتعتها غير كده ملناش نتكلم معاه

انا فاتح شركه عندى مدير بيدخلى ملايين فى السنه فيها ايه لما اديله سبعه مليون فى السنه ؟

مهو كل الشركات المحترمه بتعمل كده على فكره

يعنى هم مش بيدوا محمود سعد 7 او 9 مليون علشان خاطر سواد عيونه

هما بيدلوا الفلوس دى لانهم بيجب اكتر منها مية مره وده قانون البيزنس

اما بقى فيه ناس بتاخد 300 جنيه وناس مش لاقيه تاكل ده متسالش فيها محمود سعد

ده اسال فيها الدوله لانها هى اللى المفروض تراعى الناس محمود سعد مواطن طالما يبيطلع الضرايب والزكاه يبقى شكراً

اما بالنسبه بقى لطبيعة شغله وانه عايش حياته وانه مبيعملش كده علشان خاطر الناس يعنى

وانه بيتاجر بهموم الناس والكلام ده وانه له احندته الخاصه اللى بتخدم مصالحه

فالكلام ده يعتبر تدخل فى نوايا العباد التى لا يعلمها الا الله

اللى لينا عند محمود سعد مواقفه والضرايب والزكاه غير كده

يبقى اسفاف مالوش اى لازمه ونعمل زى بعض الناس اللى بتحقد على الاغنياء لما ميلاقوش فيهم عيب يقعدوا بقى يقولوا

بس ده مش بيصلى جماعه وكأنهم هم اللى بيحاسبوا الناس على الصلاه يعنى ؟

تحياتى

عنبو

[capitshino]

الناس مش قادرة تفهم ان الموضوع عرض وطلب

محمود سعد قال عالهوا ان برنامجه هو البرنامج الوحيد اللى بيكسب فى التلفزيون .. وماحدش رد عليه الكلام ده

وفعلا .. انا اعرف ناس كتير جدا مش بيتفرجو الا على برنامج مصر النهاردة "حلقة محمود سعد"

والراجل قال عالهوا برده ان فلوسنا دى من الاعلانات . وان احنا مش بناخد فلوس من التلفزيون بل بالعكس بنجيب له وايضا لم يرد عليه فى

الكلام ده .

اخر حاجة عاوز اقولها ان كل واحد يسئل نفسه لو جاله عقد كويس بمرتب كبير .. هيوافق ولا هيرفض علشان المرتب كبير

خليكو واقعيين يا اخوان وبلاش تقولو ما لا تفعلو .

[بركة]

أحيي حضرتك استاذ محمد العنبي

ضحى انت مش فاهمه ان واجب المسلم انه يذب عن عرض اخيه مش تأليه وللا حاجة

ماتحطيناش في مواجهه عناوين عريضة لن تؤدي بنا الا الى الجدال

بردو ماردتيش عليا

حمدي قنديل ...راجل محترم

محمود سعد ...راجل واضح

اما عن الشرفاء الذين اتحدث عنهم فهم من المحترمين الذين يعلمهم الجميع ويعرفونهم

الدكتور زويل و علاء الاسواني وبلال فضل كلهم اصدقاء لمحمود سعد

ياستي على عيني وراسي المختلفون معانا في المنتدى

بس احنا بنتكلم على الشخصيات العامة

[doha]

أحيي حضرتك استاذ محمد العنبي

ضحى انت مش فاهمه ان واجب المسلم انه يذب عن عرض اخيه مش تأليه وللا حاجة

ماتحطيناش في مواجهه عناوين عريضة لن تؤدي بنا الا الى الجدال

بردو ماردتيش عليا

حمدي قنديل ...راجل محترم

محمود سعد ...راجل واضح

اما عن الشرفاء الذين اتحدث عنهم فهم من المحترمين الذين يعلمهم الجميع ويعرفونهم

الدكتور زويل و علاء الاسواني وبلال فضل كلهم اصدقاء لمحمود سعد

ياستي على عيني وراسي المختلفون معانا في المنتدى

بس احنا بنتكلم على الشخصيات العامة

لا حول ولا قوة الا بالله .. عرض ايه بس يابركه احنا تكلمنا في سمعه حد ؟؟

ياريت تقري كلامي كله من الاول وزي ماقلت لك مشكلتنا ياابيض يااسود .. هو يامحمد سعد يبقى ملاك يانطلعه حرامي وعلى كل من يعتبره شريف ان يعترض ؟؟

لم اطعن نهائيا في سمعة او شرف لا سعد ولا قنديل وكلامي واضح وموجود اني كنت احد المعجبين ببرنامج حمدي قنديل حتى ادركت ان مش بالضرورة الدنيا سوده زي مابيقول بس هو مضطر يسودها كده في عينينا لان ده اكل عيشه ..

في ناس اختارت انها تاكل عيش من سرقة الشعب او منافقة النظام وفي ناس تانيه اختارت يكون اكل عيشها بمعارضة النظام ده .. يشكروا على كل حال يعتبروا اختاروا اهون الضررين ..

واظن واضح من كلامي اني وطالما مشفتش تهمه فساد وجهت لاحد منهم يبقى خلاص هو كده بالنسبة لي في السليم .. فقط لا اعتبره بطل قومي او مناضل وانما شخص عارف ازاي يؤدي دوره .. الموضوع بالنسبة لي واضح لاني من سنين طويلة مكونة فكرتي عن محمود سعد او حتى عمرو اديب وبالتالي فلم تتغير برغم تغير الاوضاع ..

عموما مش هجادلك يابركه فاعتقد اني قلت كل مااريد قوله واظن لو قريتي كلامي مرة اخرى من بدايته بهدوء ودون تحيز لطرف ضد طرف هيوصلك المعنى الي بقوله والي اعيد واؤكد انه صواب قد يحتمل الخطأ ولكني حتى الآن مقتنعه بيه واظنك هتقتنعي انتي كمان في يوم ما ..

[بركة]

أستأذنك في تأجيل الحوار

لأن حمايا توفاه الله الان في مصر والبيت في حالة حداد

إنا لله وإنا اليه راجعون

[fatfouta]

رسالة من محمود سعد فى مارس السابق لمبارك قبل ما ينخلع

من القلب أتمني له كل الصحة والعافية.

من القلب أتمني له الشفاء وطول العمر.

من القلب أتمني له العودة إلي أرض الوطن.

صحيحاً معافي.. فهو الأب الكبير والرجل الذي شارك في انتصار أكتوبر المجيد، وتلك فعلة تاريخية لا تنسي له أبداً.. فهو المواطن الشجاع والمقاتل الباسل والرجل صاحب القلب الطيب.

وتلك ليست سطور نفاق.. أو هي سطور لتنقذني مما سوف أكتبه إليه.

وأيضاً لا أكتب ـ والله يشهد ـ مزايدة ولا منظرة ولا لاستعراض العضلات.. والله العظيم سطوري السابقة من قلبي وسطوري القادمة من قلبي حباً وكرامة.. لا كراهية فيها.. وإنما هو الحب للوطن وللرجل.

>>

عندي خطاب عاجل إليه.

أحب أن أنقل لسيادتك ما يمكن أن أفعله لو كنت في مثل ظروفك.. أو بالتحديد لو كنت مكانك لفكرت بطريقة أخري.. وليس معني ذلك أن فكرتي ربما تكون أفضل من فكرتك.. وإنما هو تفكيري وحسب.

اسمح لي سيادتك أن أقول لك: لقد آن الأوان.. نعم.. وتلك ربما فرصة لا تتكرر.. يمكنك الآن.. وربما الآن فقط.. أن تدخل التاريخ من أوسع أبوابه.. وتصبح أهم بل أعظم رئيس جمهورية في تاريخ مصر وربما في تاريخ الحكام العرب.

فليس كل رئيس يدخل التاريخ الجميل والمبجل.. فالتاريخ نوعان. رئيس يدخل في زمرة الرجال أو الحكام الذين استراح منهم الناس وتخلصوا من شرورهم.. والنوع الثاني حاكم يظل محبوباً ورائعاً وله الفضل علي أمته لمئات السنين. ولنا في الحكام علي مدي التاريخ عبرة.. هناك الحكيم وهناك القاتل وهناك المفتري وهناك الظالم وهناك العادل وهناك المحبوب وهناك المكروه.

وفي خطابي إليك.. أكمل وأقول:

أظن أنك لا تحب أنت وأولادك وأسرتك.. لا تحبون إلا أن تكون.. الحكيم والعادل والمحبوب.. ولأن الدنيا مهما طالت.. مهما طالت زائلة.. ولا يبقي للرجال بعد زوال الدنيا إلا الأعمال.. وقارئ التاريخ يفهم ذلك جيداً.. وأعلم أن سيادتك تنظر للتاريخ وتدرك معني سطوري هذه.

الآن.. وليس غداً.

الآن تفتح لسيادتك كتب التاريخ أبوابها.. كأعظم حاكم.. فقط عليك أن تفعلها مثلما فعلتها في فبراير 2005 وأفسدها ترزية القوانين.. طلبت تعديل المادة 76.. وقام الإخوة الأفاضل ترزية القوانين بوضع شروط معقدة لا تسمح إلا لشخص واحد بتولي منصب رئيس الجمهورية.. وفات الأمر علي الناس وصفق أعضاء مجلس الشعب.. ومضي التعديل بلا تعديل.

الآن.. وليس غداً.

مصر في عهدك تشهد التعديل الدستوري الأهم والأشهر علي مدي التاريخ.. المادة 76 يتم تعديل الشروط الخاصة بترشيح رئيس الجمهورية بما يسمح أو يسهل عملية الترشيح.

ثم تقوم سيادتك بالتعديل التاريخي في المادة 77.. وهو عدم السماح لرئيس الجمهورية بترشيح نفسه أكثر من دورتين وتكون الدورة أربعة أعوام فقط.

هذا هو العدل.

هذا هو الحق.

هذا هو الإنصاف.

هذا هو المطلوب لمصر الآن بعد رحلتك الطويلة معها.. يجب لمصر أن تنهض وتتغير وتلحق بالأمم الكبري.. مصر بلدك وبلدي.. وبلد الناس الطيبة.. ولا أنا ولا الناس نقدر علي ذلك.. الذي يقدر هو سيادتك.. كلمة واحدة منكم تنقل مصر إلي دنيا أخري.. دنيا أرحب وأجمل وأعظم.

>>

والناس تسعد بعودتكم سالماً.. وترسل لك التهنئة علي العودة بالصحة والعافية.. فهل ترد لهم الجميل وتفعلها.

هل تحب أن تدخل التاريخ؟!

أظنك تحب.

هل تحب أن تلحق مصر بركب الأمم المتقدمة؟!

أظنك تحب.

فلماذا لا تفعلها؟!

توكل علي الله.

افعلها وتوكل علي الله.

المصدر : جريدة الدستور

http://dostor.org/authors/11/58/10/march/13/9356

[doha]

أستأذنك في تأجيل الحوار

لأن حمايا توفاه الله الان في مصر والبيت في حالة حداد

إنا لله وإنا اليه راجعون

لا حول ولا قوة الا بالله .. ان لله وان اليه راجعون

عظم الله اجركم ...

[fatfouta]

محمود سعد....... شجاعة ام نفاق؟؟

http://www.youtube.com/watch?v=BuNY-05X1RI&feature=player_embedded#at=115

[fatfouta]

المشرف على التليفزيون يبدأ في محاسبة «محمود سعد» لاعتذاره عن حلقة «مصر النهاردة»

القاهرة

محاسن السنوسى ‏

Mon, 28/02/2011

علمت «المصري اليوم»، أن اللواء طارق المهدي المشرف العام على اتحاد الإذاعة والتليفزيون بدأ في اتخاذ الإجراءات اللازمة لمحاسبة «محمود سعد»، لاعتذاره المفاجئ عن البرنامج احتجاجاً علي استضافة شفيق في حلقة مساء مساء السبت الماضي، بالإضافة إلى ما بدر من تصريحات سعد، ضد الدكتور أحمد شفيق رئيس الوزراء في برنامج «العاشرة مساء».

ويدرس اللواء المهدي، إعادة النظر في أجور العاملين ببرنامج «مصر النهاردة» على أن يتم تقليصها إلى الحد المناسب، أسوة بأجر محمود سعد الذي تراجع من 8 مليون إلى مليون ونصف المليون جنيه.

كان سعد قد التقى باللواء المهدي، على مدار ساعات قبل حلقة السبت الماضي والذي أبلغ فيه بقرار الأجر الجديد الذي يجب أن يتقاضاه وفقاً لرؤية القيادات الجديدة، وهذا ماجعل سعد يخرج بقراراعتذاره عن «مصر النهارده» عبر قناة دريم الفضائية .

وعقد اللواء المهدي، لقاءات مع رؤساء القنوات والإذاعات، وتم استعراض الخريطة البرامجية وتحديد المسئوليات ومناقشة مشاكل كل قناة وإذاعة بشكل مفصل.

وصرح مصدر مسؤول بالتليفزيون لـ«المصري اليوم»، أنه تم الإنتهاء من إعداد ملف خاص بشأن كافة المعاملات المالية بين التليفزيون المصري و شركة الإعلانات الخاصة بأشرف صفوت الشريف، وشريكه سمير يوسف، على أن يقدم هذا الملف للنائب العام خلال ساعات.

المصرى اليوم

[tarek hassan]

الفيديو اللي أنا جبته لمحمود سعد تبين لي أنه من صفحة لواحد من بتوع إحنا آسفين يا ريس ولا أحب أن أردد أقوال هؤلاء ولا أسوق بضاعتهم

وخاصة أنني لاحظت شيئا ما يحدث وهو إن كل من يتحدث عن النظام أو الرئيس اليومين دول بتتفتح ملفاته

وليست لي خصومة مع ما يتقاضاه فلان أو علان طالما هو حلال طيب ليس من فساد

من ضمن ما ما قصدته هو أن الثورة نادت بالعدالة الاجتماعية وأين العدالة الاجتماعية

فمعناها عندي أن كل الناس يتساوون في أجورهم فالمعين هنا مثل المعين هناك طالما تساويا في الدرجة والمؤهل أو أن يكون الفرق بينهما ضئيل

وأنا والله لا أتحدث عن نفسي لأنني بحمد الله أتقاضى ما يكفيني ويزيد ولكن حديثي عن المبدأ أن لا أتحدث عن العدالة ................ أو أتحدث عن الفساد وأنا كنت من منظومته

الكثيرون ساهموا في عمل ديكور للنظام مثل أحزاب المعارضة والبيت بيتك

تم تعديل 28 فبراير 2011 بواسطة tarek hassan

[capitshino]

فمعناها عندي أن كل الناس يتساوون في أجورهم فالمعين هنا مثل المعين هناك طالما تساويا في الدرجة والمؤهل أو أن يكون الفرق بينهما ضئيل

كده انت هتقتل الابداع فى الشعب .. ماهو كده كده هياخد مرتب زيه زى غيره .

عموما فى ناس كتير ممكن نتكلم عليهم غير محمود سعد خصوصا فى هذا التوقيت

وزى ما كتبت قبل كده .. كفاية موقف الراجل ده فى اول ايام الثورة . بصراحة يغفر له اى خطأ سابق ان وجد

[Ahmed Anwer]

و لا محمود سعد ،،، ابن خالتي

و لا وائل غنيم ،،،، حبيبي من ايام التحرير

و لا البرادعي ،،،، رفيق ليالي الآنس في فيينا

بس بجد بتعاطف جدا مع الناس دي لمجرد الهجوم عليهم بالطريقة القذرة دي ،،

مبدئيا مفيش حد ملاك و عصر الأنبياء انتهي ،،،

و كل واحد أكيد ليه ذله و أكيد ليه نقيصة

و دي نقطة مهمة جدا لازم نتعلمها لأن مع الديمقراطية القادمة إن شاء الله

هيزداد تشويه الناس و هيزداد الهجوم الضاري

لازم نتعلم نحكم عقلنا و نصدق ايه و منصدقشي ايه و أيه اللي نسامح فيه و أيه اللي خط أحمر

و نحكم علي الناس علي اساس إنهم بشر ،،

[spain]

و لا محمود سعد ،،، ابن خالتي

و لا وائل غنيم ،،،، حبيبي من ايام التحرير

و لا البرادعي ،،،، رفيق ليالي الآنس في فيينا

بس بجد بتعاطف جدا مع الناس دي لمجرد الهجوم عليهم بالطريقة القذرة دي ،،

مبدئيا مفيش حد ملاك و عصر الأنبياء انتهي ،،،

و كل واحد أكيد ليه ذله و أكيد ليه نقيصة

و دي نقطة مهمة جدا لازم نتعلمها لأن مع الديمقراطية القادمة إن شاء الله

هيزداد تشويه الناس و هيزداد الهجوم الضاري

لازم نتعلم نحكم عقلنا و نصدق ايه و منصدقشي ايه و أيه اللي نسامح فيه و أيه اللي خط أحمر

و نحكم علي الناس علي اساس إنهم بشر ،،

بلد في منتهي الغرابة

يعني عرفنا نتخلص من حسني مبارك في 18 يوم

وداخلين علي 18 يوم تانيين....وحتي الان مش عارفين نتخلص من حكومة شفيق

انا بدأت احس ان في شئ غلط

ومش عايزة اقول قلب موازيين