لو ناوي تشارك في الانتخابات الحق سجل اسمك في الجداول الانتخابية

[doha]

قريت الموضوع ده في احد المنتديات بس مش اكيده بنسبة 100% منه

بس احتياطي لو حد ناوي يشارك في الانتخابات الجاية ياريت يلحق بسرعه يقيد اسمه في الجداول الانتخابية .. محدش ضامن الظروف ..

واليكم الموضوع ..

==============================

انا رحت امبارح قسم مدينة نصر علشان اسجل نفسي في الجداول الانتخابية لان بصراحة عمري ما انتخبت ولا شاركت في اي استفتاء ..... والي فرحني ان الطوابير كانت طوييييييييييييييييييييييييييييلة جدا جدا والناس كلها حريصة جدا انها متضيعش حقها في الانتخابات .... وانا بدعوكم كلكم انكوا تشاركوا في الانتخابات و لازم لازم تدرجوا اسماءكو في الجداول لان اخر معاد طبقا للقانون يوم 8/3/2011 يعني فاضل اسبوع بس من فضلكم

روحوا القسم الي تبعه عنوان بطاقتك ومعاكي صورة البطاقة و ما تنسيش تاخدي معاكي قلم علشان هتملي استمارة بسيطة عندهم وبس .... الموضوع بسيط

الانتخاب بالرقم القومي ..... آه ... بس في حالة لو مسجلة نفسك في الجداول فقط ... يبقي لازم نروح نسجل نفسنا الاول

امانه عليكم بلاش نضيع حقنا تاني ... احنا عانينا بسبب سلبيتنا ومش عاوزين نعمل كدة تاني

==========================================

[se_ Elsyed]

إعتقد إن الموضوع متاح طوال العام .. لون مش للتسجيل .. لكن لإستخراج بطاقة الإنتخاب .. اللي بدورها إتلغت وبقى التصويت ببطاقة الرقم القومي ... أما الجداول فبيتم تحديثها بشكل دوري من وزارة الداخلية

[se_ Elsyed]

الخبر ده في المصري اليوم ... عدد اليوم

لجنة «تعديل الدستور»: الانتخاب بـ«الرقم القومى».. ودور «الداخلية» للتأمين

وبعدين في محتوى الخبر

فى سياق متصل، أنهت وزارة الداخلية استعداداتها لإجراء الانتخابات ببطاقات الرقم القومى، فيما توافد المواطنون على أقسام الشرطة لتسجيل بياناتهم.

طبعاً ده من ضمن مسلسل " دي بلدنا وما حدش له حاجه فيها .. ومش لازم تفهم كل حاجه "

وبالتالي ما حدش فاهم حاجه وكله بيضرب أخماس في أسداس

يعني أنا مثلاً لو موجود في مصر ... فالعنوان الموجود في بطاقتي .. مختلف عن عنوان محل إقامتي الحالي ... يبقى المفروض أروح أسجل إسمي في قسم الشرطة التابعة له بطاقتي .... طب ليه الشحططة دي ؟؟؟؟

الشيء الاهم ... ناس كتير جداً بتبقى بطاقتها صادرة من محافظة وهما بيعملوا ولو بشكل مؤقت في محافظة أخرى ... يبقى ليه نحرمهم من عدم المشاركة ؟

وبعدين ما هي البطايق صادرة من إدارة السجل المدني التابعة للشرطة ... ما تعملوا داتا بيز عندكم ومش لازم اروح أقف طوابير لساعات طويلة وتعامل مع اقسام الشرطة وبهدله وعطله ووقت الإنتخابات أذهب فقط بالبطاقة وأنتخب مطرح مانا عاوز ؟

وليه ما حدش لحد دلوقت طلع طمن الناس وأكد على إن كل الإنتخابات القادمة ستكون بالرقم القومي .. لإني سمعت برامج كتيرة بتقول : لأ .. إنتخابات مجلسي الشعب والشورى هاتكون بالبطاقة الإنتخابية اللي طبعاً كلها مع الحزب الوطني ومزورة ومستستفه ... أما الإنتخابات الرئاسية هاتكون بالرقم القومي ؟

نقطة أخرى ... هو ماحدش بيجيب سيرة المغتربين ليه لا بالخير ولا بالشر وكأنهم مش موجودين مع إن عددهم لن يقل عن 10 % من تعداد الشعب المصري ... ؟ بل بالعكس .. ده يمكن أكثر كمان .... لإننا لو إعتبرنا إن غالبية المغتربين هم من الكبار يعني اللي لهم حق التصويت .. يعني ما فيهمش أطفال كثير أو رجال شرطة وجيش وممنوع إنهم يصوتوا في إي إنتخابات ... فالنسبة كده هاتبقى كبيرة جداً ...

وليه البدعة دي موجودة عندنا في مصر بس وهي إن الشرطة والجيش مالهمش حق التصويت .... مش فاهم يعني ليه ؟

إذا كان في عز الحروب الخارجية التي تخوضها أمريكا سواء في أفغانستان والعراق وخلافه .. فقواتها في الخارج بتشترك في الإنتخابات بمنتهى السهولة ؟

[doha]

فى سياق متصل، أنهت وزارة الداخلية استعداداتها لإجراء الانتخابات ببطاقات الرقم القومى، فيما توافد المواطنون على أقسام الشرطة لتسجيل بياناتهم.

طيب يبقى كده الموضوع صحيح لازم تسجيل في الجداول الانتخابيه ..

مفيش لخبطه ولا حاجه هي كده واضحه ان الواحد يوم الانتخاب هيروح ببطاقة الرقم القومي ويقولهم شوفوا اسمي عندكم في الجدول ولو طلع موجود هيثبت انه هو فلان بالرقم القومي ويدلي بصوته لو مش موجود يبقى خلاص ملوش حق التصويت ..

بس لو فعلا الموعد باقي عليه كام يوم ويغلق باب التقدم ليه مش بيعلنوا ده في كل وسائل الاعلام ؟ والاهم ..لو ناس القسم الي عندهم محروق زي ماحاصل في اماكن كتير في مصر هيروحوا يسجلوا اسمائهم فين ؟ وبرضه الي اسمه مسجل من قبل كده في الجداول القديمه برضه يروح يسجله تاني ولا خلاص ؟

اتمنى حد في الاعلام يعبرنا ويوضح لنا الصورة ..

[أحمد سيف]

الجداول الانتخابية دي وسيلة عفا عليها الزمن ولازم تتلغى

البديل الأكثر كفاءة هم داتابيز يبقى متسجل عليها جميع بيانات المواطنين وتروح تنتخب في أي مركز انتخابي مش لازم اللي قريب من محل سكنك

والأحسن طبعا يكون عندنا تصويت الكتروني أون لاين لسهولة الفرز ومنع التلاعب واتاحة الفرصة للمصريين في الخارج للمشاركة

مش خيال علمي ولا حاجه ... ده مطبق بكفاءة في كثير من الدول والمنظمات

[tanash]

الجداول الانتخابية دي وسيلة عفا عليها الزمن ولازم تتلغى

البديل الأكثر كفاءة هم داتابيز يبقى متسجل عليها جميع بيانات المواطنين وتروح تنتخب في أي مركز انتخابي مش لازم اللي قريب من محل سكنك

والأحسن طبعا يكون عندنا تصويت الكتروني أون لاين لسهولة الفرز ومنع التلاعب واتاحة الفرصة للمصريين في الخارج للمشاركة

مش خيال علمي ولا حاجه ... ده مطبق بكفاءة في كثير من الدول والمنظمات

اؤيدك الرأي

استفسار

يعني ايه الانتخاب بالرقم القومي واروح للتسجيل في القسم ولو انا خارج مصر الان ومسجلتش في القسم يبقي مش هنتخب وانا موجودة في مصر علشان ما سجلتش حد يجاوبني الله يكرمكم

[rewsha]

الجداول الانتخابية دي وسيلة عفا عليها الزمن ولازم تتلغى

البديل الأكثر كفاءة هم داتابيز يبقى متسجل عليها جميع بيانات المواطنين وتروح تنتخب في أي مركز انتخابي مش لازم اللي قريب من محل سكنك

والأحسن طبعا يكون عندنا تصويت الكتروني أون لاين لسهولة الفرز ومنع التلاعب واتاحة الفرصة للمصريين في الخارج للمشاركة

مش خيال علمي ولا حاجه ... ده مطبق بكفاءة في كثير من الدول والمنظمات

اؤيدك الرأي

استفسار

يعني ايه الانتخاب بالرقم القومي واروح للتسجيل في القسم ولو انا خارج مصر الان ومسجلتش في القسم يبقي مش هنتخب وانا موجودة في مصر علشان ما سجلتش حد يجاوبني الله يكرمكم

متهياْلي الرؤيه كل يوم بتوضح عن اليوم اللي قبله

موضوع ان الواحد يروح يسجل اسمه في قائمة الانتخاب علشان يحدوا من الاعداد اللي هاتروح تنتخب

يعني مثلا حد كسل يسجل اسمه لانه ساكن في مكان وبطاقته من مكان تاني

او حد ماعرفش موضوع تسجيل اسمه في القوائم غير متاْخر بعد ما الفتره عدت

او حد راح يسجل اسمه ووجد طوابير كتيره فكبر دماغه ومشي

راجل كبير في السن او سيدع عجوزه هاتنزل كده مشوارين علشان تنتخب بدل مشوار واحد

وفي نفس الوقت همه بقى (الناس اللي عاوزه الطبخه تكمل ) يدفعوا فلوس لناس علشان تروح تسجل اسمها وتنتخب اللي همه عاوزينه

من الاخر علشان يبقوا حققوا مطلب ان الانتخاب يبقى بالرقم القومي لكن في نفس الوقت اتحكموا برضوا في الانتخابات :closedeyes:

[hOuSsAm]

انا بردوا كدة مفهمتش

الانتخابات الجاية عشان انا اروح ازعق فيهم بصوتى

اعمل ايه؟؟؟

ولو حد قال لازم تروح تسجل فى الجداول الانتخابية (وهيرجعنى 30 سنة ورا)

هل ينفع ابويا يروح بدالى بتوكيل ولا لازم انا بشخصه ولحمه ودمه:)

[doha]

الجداول الانتخابية دي وسيلة عفا عليها الزمن ولازم تتلغى

البديل الأكثر كفاءة هم داتابيز يبقى متسجل عليها جميع بيانات المواطنين وتروح تنتخب في أي مركز انتخابي مش لازم اللي قريب من محل سكنك

والأحسن طبعا يكون عندنا تصويت الكتروني أون لاين لسهولة الفرز ومنع التلاعب واتاحة الفرصة للمصريين في الخارج للمشاركة

مش خيال علمي ولا حاجه ... ده مطبق بكفاءة في كثير من الدول والمنظمات

اؤيدك الرأي

استفسار

يعني ايه الانتخاب بالرقم القومي واروح للتسجيل في القسم ولو انا خارج مصر الان ومسجلتش في القسم يبقي مش هنتخب وانا موجودة في مصر علشان ما سجلتش حد يجاوبني الله يكرمكم

متهياْلي الرؤيه كل يوم بتوضح عن اليوم اللي قبله

موضوع ان الواحد يروح يسجل اسمه في قائمة الانتخاب علشان يحدوا من الاعداد اللي هاتروح تنتخب

يعني مثلا حد كسل يسجل اسمه لانه ساكن في مكان وبطاقته من مكان تاني

او حد ماعرفش موضوع تسجيل اسمه في القوائم غير متاْخر بعد ما الفتره عدت

او حد راح يسجل اسمه ووجد طوابير كتيره فكبر دماغه ومشي

راجل كبير في السن او سيدع عجوزه هاتنزل كده مشوارين علشان تنتخب بدل مشوار واحد

وفي نفس الوقت همه بقى (الناس اللي عاوزه الطبخه تكمل ) يدفعوا فلوس لناس علشان تروح تسجل اسمها وتنتخب اللي همه عاوزينه

من الاخر علشان يبقوا حققوا مطلب ان الانتخاب يبقى بالرقم القومي لكن في نفس الوقت اتحكموا برضوا في الانتخابات :closedeyes:

احتمال وارد .. وعشان كده نعمل الي علينا ونحاول ننشر الموضوع على اوسع نطاق نقدر عليه وكل واحد عارف حد عنده استعداد ينتخب ينبهه للنقطه دي

عموما هحاول بكرا باذن الله اجيب لكم الخبر اليقين بخصوص آخر موعد للتقديم ..

[pink rose]

طيب و احنا بقى نعمل ايه

لازم نتصرف بقى في موضوع اصوات المغتربين

لازم حد يروح يقدم طلب رسمي للسفارة في البلد اللي هو فيها باسم المغتربين اننا لينا الحق في التصويت في الانتخابات

متهيألي اننا نعمل زي بيان يوقع عليه عدد من المغتربين في كل بلد و يروح حد يسلم البيان دا للسفارة

استاذ عصام ابو الفتح عامل على الفيس بوك حملة للمغتربين المصريين للمطالبة بحقهم في التصويت

[engmido]

انا لا اعتقد حدوث هذا بالمرة لان موضوع بالخطورة دى لابد يتعمله اعلانات جبارة

وتنويهات لان الفترة اللى جاية محتاجة لصوت كل واحد ..المرحلة اللى كلنا بنستناها من زمان

المرحلة التى تشعر فيها باهمية صوتك وان صوتك ممكن يعمل الفرق

وانى انتخب اللى انا عايزه لانى عارف انه هيشوف مصلحتى بجد وانى ممكن اشيله الدورة الجاية لو ما انتخبوش

زى اى دولة تانى..... ثقافة الانتخابات هتتغير خالص

[Sidi Bouzaid]

الحكومة الجديدة قلبها على الشعب

لقيت الناس متحمسة للمشاركة في الحياة السياسية والانتخابات

حبت تريحهم

كدا تزهقهم كلهم وما فيش حد مش مسجل حيروح ينتخب

ياه شفتم حد بيحب الشعب وخايف عليه كده !!!!!!!!!!!!!!!!!!!!!!!!!!!!!!!!!!!

[Sidi Bouzaid]

فيه اقتراح ان كلنا ندخل على الموقع الرسمي للمجلس الأعلى للقوات المسلحة ةنطالب بتوضيح

وياحبذا لو نضع اقتراحات ال database

او اي اقتراح يسهل الانتخاب من غير تعقيدات

[أحمد سيف]

رصد |مصر| مؤكد : تمكن مهندسان مصريان من تصميم برنامج انتخابى يتيح للمواطنين الانتخاب بالرقم القومى من خلال أجهزة الحاسب الاّلى ويُمَكِنَهُم من التصويت والمشاركة فى العملية الانتخابية بدون تعقيدات ويحول دون حدوث عمليات تزوير نظراً لان البيانات المدخلة ستكون مشفرة

يا جماعه الموضوع مش معضله كبيره

خصوصا إن عندنا قاعدة بيانات الرقم القومي جاهزة

أكيد اخوانا بتوع برمجة الاوراكل وغيره يقدروا يصمموا برامج من النوعية دي بسهولة

[ComingSoon]

انا اسمي متسجل في الجداول ومعايا بطاقة انتخابية

سواء قالوا بالرقم القوي او بالبطاقة الانتخابية كده كده بانتخب

وياريت كل الناس تكون ايجابية وتروح تنتخب عشان الانتخابات القادمة انتخابات مصيرية

اما نكون دولة ديمقراطية او تعود الديكتاتورية من جديد

[مغتربة]

الموضوع مش واضح ليه

يعنى انا دلوقتى معايا بطاقه انتخابيه

لازم برضوا اروح اسجل نفسى ؟

و التسجيل دا لازم فى مصر ؟

و لو مقدرتش اروح معنى كدا ان انا مش هقدر انتخب او اشارك فى الاستفتاء على التعديلات الدستوريه ؟

يا ريت ايضاحات كامله لان الموضوع مبهم شويه

[سكر]

طيب براحة كدة نحاول نفهم ياعنى ايه رقم قومى

هو رقم وحيد وغير قابل للتكرار لكل مواطن مصرى يتكون من 14 رقم

يتم تكويدة بطريقه معينه تسطتيع ان تقرا منها تاريخ ميلادك ومحافظه ميلادك واشياء اخرى

كل مواطن فور تسجيله فى قاعدة بيانات وزارة الداخليه (الاحوال المدنيه) يتم إنشاء رقم قومى له

وبالتالى كل مولود جديد فى مصر منذ ولادته له رقم قومى وليس كما يعتقد البعض عند اصدار البطاقه الشخصيه

كل مواطن يحمل بيان اوسطر للتقريب المفهم يتم تعديله وفقا لتغير بيانات المواطن حتى الوفاة

مثل (الموهل الدراسى -العنوان- رقم التليفون-المهنة- الديانه-تاريخ الوفاة ..... ,وكل ما يخص المواطن فى حياته ومماته

وبما ان هذة البيانات مسجله فى قاعدة بيانات فيمكن استخراج عدد لا نهائى من التقرير المختلفه

ومن هنا يمكن ان اقول بكل ثقه ان جداول الانتخابات هو نوع من العبث و العزف على وتر الجهل ببواطن الامور لتضليل الشعب فى الماضى

ويجب ان لا يلعب بهذ الكارت فى الفترة القادمة

يعنى لو عايزة عدد الاشخاص التى يجب ان تنتخب فى محافظة الفيوم فى اقل من ثوانى هيكون عندك بمجرد شرب كوب من الشاى

ولو دة محصلش يبقى فى فساد تكنولوجى كالعادة

وبناء على ذلك ارفض فكرة تسجيل بياناتى فى جدول الانتخابات

لانها مثل

رفض مسئول ما الامضاء على الاوراق واصرارة على الختم من نفس الانسان المتعلم

[rewsha]

خطه ما تخرش الميه

قريت خبر فى المصرى اليوم بالصدفة بيقول ما معناه ان الناس بتروح أقسام الشرطة تسجل أساميها عشان تقدر تنتخب فى الاستفتاءات و الانتخابات الجاية بالرقم القومى!!! هنجت شوية و مافهمتش!! أروح القسم أنيل ايه اذا كان كل البشر و على رأسهم أعضاء المجلس الأعلى للقوات المسلحة و طارق البشرى شخصياً قالوا الانتخابات بالرقم القومى!!! انا سمعت الكلام ده بنفسى فى التليفزيون و قريته بنفسى فى النت و الجرايد يبقى ايه بقى؟؟؟

قلت أروح القسم اتأكد بنفسى ما هما خلوا الواحد يشك فى نفسه. المهم رحت قسم النزهة اللى انا تبعه، أول حاجة لقيت فيه ناس كتير و سألت فى الاستعلامات فى القسم قاللى: آه لازم تسجل اسمك عشان تعرف تنتخب بالرقم القومى. بقولوا: ايه لزمته طيب مادام بالرقم القومى راح ابتسم ابتسامة بلهاء كده ( الظاهر عشان شعار الشرطة الجديد بتاع الشرطة تبتسم للشعب ده) و قاللى اطلع الدور الأول عند لجنة الجداول الانتخابية. طلعت لقيتهم حاطين على الحيطة الاجراءات كلها و طلع فعلاً لازم الناس تسجل أساميها فى الجداول عشان تقدر تنتخب حتى لو بالرقم القومى و اجراءات تسجيل الأسم هى اجراءات استخراج البطاقة الانتخابية. صورت الاجراءات من على الحيطة عشان كل الناس تعرف و تصدق و يا ريت تهتم.

بغض النظرعن ان اى حد مش ممكن يقتنع بسبب منطقى للكلام ده، سؤال بسيط جداّ؛ ايه لزمة الموضوع ده لو فعلا كانت النية حسنة ان الانتخابات الجاية كلها (دستور – تشريعية – رئاسية) تبقى محترمة لأول مرة فى تاريخنا؟؟؟ و عشان محدش يقول انى بفترى أو بزودها و ببالغ انا هتكلم عن نفسى و هاعتبر انى واحد من النظام النجس اللى لسه موجود و هفكر ادير الانتخابات الجاية ازاى؟ و هحاول استحضر كل الوساخة اللى جوايا يمكن اقدر اوصل لمستوى الناس دى.

أول خطوة: هعمل تعتيم اعلامى كامل عن الموضوع ده. يعنى لا هينزل فى جرايد و تليفزيون و لا أى حاجة. ده انا كمان كنت هسيب منى الشاذلى تقول ان الانتخابات بالرقم القومى بس عشان الناس تفضل مئنتخة كده لغاية يوم الانتخابات بعدين نقولوهم هارد لك. مارحتوش الأقسام ليه تتأكدوا يا وحشين؟؟ ده حتى لو مش عايزين حاجة مش كنتوا تروحوا تتفرجوا على شعار الشرطة الجديد (الشرطة فى "خدعة" الشعب).

ثانى خطوة: هاغتت قوى فى اجراءات التسجيل و دى هما اتفوّقوا عليا فيها. يعنى خلّوا مواعيد التقديم من 8:30 الصبح الى 3:00 العصر بس عشان الناس كلها تبقى فى شغلها. لازم تجيب أصل شهادة الميلاد مش عارف ليه أهو برضه زيادة فى الغتاتة. الجامدة بقى ان آخر معاد للتقديم 8 مارس!!! مع العلم ان فى ملايين عايزة تعمل الموضوع ده. يبقى انا عملت أول خطوة كده ضمنت ان فى حبة ناس مش هتلحق و حبة ناس كبار شوية فى السن و بطايقهم على مناطق بعيدة أو بلاد فا مش هيقدروا و حبة ناس تانية مش هتستحمل الزحمة و القرف فا هايكاسلوا و الاخرانيين دول هايبقوا نفعونى قوى. كده كوّمت حبه حلويين بعد كمان اللى كوّمتهم من أول خطوة.

ثالث خطوة: كان من ضمن شروط الانضمام للحزب النجس "الوطنى سابقاً" ، "القومى مستقبلاً" ان يكون عندك بطاقة انتخابية. يعنى انا بفراستى عارف و فائس ان كل اللى هيتقدموا اليومين الجايين للتسجيل دول تبع الثورة. يبقى الجداول اللى فيها الأسامى الجديدة دى كلها تتفلتر. يعنى نشيل منها 20-25% كده و مش اكتر لحسان الموضوع يتفئس. و لو واحد راح مالقاش اسمه هيلاقى ان اللى حواليه اساميهم موجودة يبقى المشكلة فيه هو. يمكن اسمه قبيح مثلاً، أو هو سكران مش دارى هو راح و لأ و يمكن يكون سمع مقر اللجنة غلط. أو دى ارادة ربنا بقى!!! يعترض؟؟؟ كده يبقى كوّمت حبه كمان حلويين.

رابع خطوة: هستقتل عشان وزير الداخلية و العدل يفضلوا موجودين لحد ما يظبتوا كل الكلام ده قبل الانتخابات و طبعا عشان نضمن ده لازم نسيب رئيس الوزرا برضه عشان نحدش يشيلهم. و بعد ما يدوا التمام نبقى ممكن نسيبهم يتشالوا بقى و مش مشكله ماهى كلها كام شهر و لو الخطة مشيت مظبوط كله هيرجع. هههه.

أظن انا كده عملت اللى عليا و الباقى بقى على باقى الأعضاء يكثفوا مجهودهم فى القرى و الأرياف بالذات لتجميع الناس معانا و شراهم بالفلوس و أهو البهايم كتير و الحمد لله قانون المقطورات لسه فا ممكن نلم كل مقطورات البلد نعبّى فيها الناس يوم الانتخابات.

أظن بعد الخطة دي انا مستنى يبعتولى دعوة جادة للانضمام للحزب القومى (الوطنى سابقاً).

ملحوظة: بحسبة بسيطة، لو كل قسم شرطة يتلقى طلبا لإصدار بطاقة انتخابية كل دقيقتين، والقسم يتلقى الطلبات لمدة ست ساعات يوميا، وهناك خمسمائة قسم في مصر، والمدة المتاحة للناس حتى 8 مارس هي عشرة أيام، فإن عدد البطاقات المصدرة في هذه الفترة سيكون تسعمائة ألف بطاقة فقط، وهو أقل من عدد حاملي البطاقات الانتخابية الحاليين من الحزب الوطني!! يا ترى ثورتنا رخيصة عندنا لدرجة التفريط فيها عن طريق السماح بتنفيذ هذا السيناريو؟؟

منقول

بس انا مقتنعه بكل كلمه مكتوبه فوق

ومحبطه جدا :sad:

.

[rewsha]

عن نفسي

والله والله انا حاولت انشر الخبر واْمنت ناس كتير تنشره علشان الناس تعرف

ونشرته على صفحات كتيره على النت

لكن المشكله الوقت ضيق جدا

انا مش عارفه همه بيعملوا كده ليه في الثوره

انا محبطه .

يعني كل ما نلاقي حل لحاجه والناس اللي في التحرير يضغطوا علشان تتنفذ المطالب بتاعت الثوره

نقوم نلاقيهم معقدين لنا الخطوه الجايه اللي هيه الاهم والاكبر (اللانتخابات)

يعني اقول ايه بس ...مافيش فايده

[أحمد سيف]

عن نفسي

والله والله انا حاولت انشر الخبر واْمنت ناس كتير تنشره علشان الناس تعرف

ونشرته على صفحات كتيره على النت

لكن المشكله الوقت ضيق جدا

انا مش عارفه همه بيعملوا كده ليه في الثوره

انا محبطه .

يعني كل ما نلاقي حل لحاجه والناس اللي في التحرير يضغطوا علشان تتنفذ المطالب بتاعت الثوره

نقوم نلاقيهم معقدين لنا الخطوه الجايه اللي هيه الاهم والاكبر (اللانتخابات)

يعني اقول ايه بس ...مافيش فايده

ده يؤكد شيء واحد

لا يمكن ترك إدارة المرحلة القادمة في يد شفيق وحكومته ولا حتى في يد المجلس العسكري بمفرده

يجب تكوين مجلس رئاسي وجكومة كفاءات لتحقيق أهداف الثورة

غير كده فقل على الثورة ومكتسباتها السلام