النائب العام المصري يصدر قرارا بمنع الرئيس السابق حسني مبارك وأفراد أسرته من السفر للخارج

[doha]

اولا انا مش وكيل نيابة

انا فى كلية حقوق

وانشاء الله هقدم فى النيابة العامة

وبخصوص الكلمة المكتوبة فى التوقيع

( نيابة امن الدولة العليا )

ياريت

محدش يخلط بين

(نيابة امن الدولة العليا )

(ومباحث امن الدولة )

فاعلى حاجة فى النيابة العامة

( هى نيابة امن الدولة العليا)

اتمنى ان حضرتك تكون فهمت قصدى

لاه انت كده براءة ..

ربنا يوفقك في دراستك وان شاء الله تشتغل في مكان كويس بلا واسطه ولا محسوبيه ..

[أحمد سيف]

اولا انا مش وكيل نيابة

انا فى كلية حقوق

وانشاء الله هقدم فى النيابة العامة

وبخصوص الكلمة المكتوبة فى التوقيع

( نيابة امن الدولة العليا )

ياريت

محدش يخلط بين

(نيابة امن الدولة العليا )

(ومباحث امن الدولة )

فاعلى حاجة فى النيابة العامة

( هى نيابة امن الدولة العليا)

اتمنى ان حضرتك تكون فهمت قصدى

لمزيد من الاستيضاح

هل نيابة أمن الدولة نيابة طبيعية أم استثنائية ... زي محكمة أمن الدولة طوارئ مثلا

إذا كانت نيابة عادية تحكم بالقانون الطبيعي يبقى عدّاك العيب وحقك عليا

انما لو كانت استثنائية فهي شريك لجهاز أمن الدولة في جرائمه

تم تعديل 28 فبراير 2011 بواسطة أحمد سيف

[محمد حامد الغنام]

ياسيدى الفاضل

نيابة امن الدولة العليا

هيا تابع للنيابة العامة

التى يرأسها السيد المستشار / عبد المجيد محمود

(النائب العام فى مصر )

وليست نيابة استثنائية كما قلت سيادتك

انما هيا نيابة طبيعية

تختص ( بالتحقيق فى جرائم تمس امن الدولة العليا )

فعندك مثلا

(قضية تنظيم حزب الله فى مصر )

الذى قام بالتحقيقة هم وكلاء نيابة امن الدولة العليا

كذلك النيابة العامة مقسمة الى عدة اقسام

مثلا نيابة الأموال العامة

نيابة امن الدولة العليا

وكلهم فى الأخر تطبق القانون بالمعنى الصحيح

اما اانا فى مشاركاتى السابقة

بصرف النظر على حبى الشخصى للرئيس مبارك

الى حتى الأن جميعنا سمعنا اخبار منقولة

ولكن لمن نسمع تحقيقات النيابة العامة

فى هذة الأمور

فطلبى

(هو الصبر حتى نعلم ماهى نتائج التحقيقات )

واريد ان اقول كلمة اخيرة

( لا احد فوق القانون اى كان )

[samehmagdy]

ايوة كده خلى الواحد يبداء يشيل الشكوك والهواجس من جواه

هى خطوه جايه متاخره فعلا والفلوس اكيد سافرت بلا عوده

بس على الاقل دى خطوه معنويه جامده جدااااا

تحسس الناس بنجاح الثوره بجد وان مفيش حد اغلى من مصر وان الجيش مبيحميش مبارك او عامل معاه صفقه زى ماكنا بنسمع

اما بخصوص الاخ محمد الغنام ودفاعه عن مبارك

الظاهر هو مسمعش او شاف البلاوى اللى ظهرت بعد الثوره عن مبارك وكل اللى حواليه

واخر حاجه سامعها ولسه فاكرها هو الخطاب اللى قاله قبل معركه الحمير قصدى الجمل وخلى الناس الدمعه تنزل من عيونهم عليه

[Alshiekh]

اما بخصوص

اخى الفاضل

سؤال كده على جنب يا أستاذ محمد حامد الغنام

حضرتك فعلا وكيل نيابة أمن دولة زي ما بيدلّ على ذلك توقيعك

اولا انا مش وكيل نيابة

انا فى كلية حقوق

حيث انك وبإقرارك لست وكيلا للنائب العام وانك لازلت طالبا فى كلية الحقوق ، وحتى لايتم اتهامك بانتحال وظيفة وكيل النائب العام ، لذا فقد تم حذف الصورة التى تدعى فيها ان محمد الغنام يشغل وظيفة النائب العام ونرجو مراعاة الدقة مستقبلا.

شكرا

الإدارة

[عنبو]

فاكرين الراجل اللى كان سين سين حكى عليه من فتره كده

قال ان كان فيه واحد قال لمبارك اتقى الله

سجنه لمدة 15 عام

http://www.youtube.com/watch?v=Myhr7PMGkTo

[masrymasry]

قرار صائب ولكن

أولا : مبارك غادر البلاد من أكثر من يومين إلى السعوديه علشان العلاج - ده خبر أنا قريته من يومين

ثانيا : كان فين النائب العام من يوم 11 نوفمبر لحد دلوقتي هو كان مستني لحد ميحولوا الفلوس بره بمعرفتهم وبعدين يطالبوا بمنعهم من السفر وتجميد أرصدتهم وبعدين الناس دي بتتكلم عن كام مليون يعني فكه

وكمان الخبر إللي بيقولوا أن سويسرا لقيت عشرات الملايين في بنوك سويسرا تابعه لعائله مبارك دا كلام فاضي علشان يوهموا الشعب أن مبارك وعائلته لاتملك إلا بضع ملايين ولاتتجاوز المليارات وبكده يكون الشعب خد مقلب كبير قوي وفلوسه راحت عليه

مش كده ولا إيه

[fatfouta]

رصد |صحافة| عبد اللطيف فايد مدير مكتب الجزيرة يقول انه علم من مصدر موثوق ان جمال مبارك منع من السفر من مطار شرم الشيخ صباح اليوم

[Alattar]

رصد |صحافة| عبد اللطيف فايد مدير مكتب الجزيرة يقول انه علم من مصدر موثوق ان جمال مبارك منع من السفر من مطار شرم الشيخ صباح اليوم

الكلام ده لو صحيح يا فتفوتة..يبقي خبر كويس

علي الأقل نحس ان فيه قرار تم اتخاذه و يتم تنفيذه بجدية

[crossfield]

طيب إذا افترضنا ان مبارك ذمته زى البرلنت

من أين لجيمى ال 30% حصته فى هيرمس؟

و من أين لهم كل هذه العقارات بالخارج

يا جدع ده الوديعة اليتيمة بتاعة بنك سويسرا دى كانت باسم مبارك من التمانينات

أمال فى التسعينيات و الألفية الجديدة عمل قد ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عجبى على اللى لسه بيدافعوا عن مبارك

مرة واحدة هبلة قالتلى لو كان حرامى كان هرب بره

قلتلها ده لو كان حرامى هاوى

لكن ده حرامى صايع و بيصيع على شعب أصيع منه

[محمد حامد الغنام]

المتهم برئ حتى تثبت أدانتة

[أيمن عبد العزيز]

أهم سؤال في هذا الموضوع هو لماذا تأخر النائب العام في إصدار قرار منع مبارك و عائلته من السفر ؟

من وجهة نظري الشخصية أجدني أقول أن المجلس الأعلى للقوات المسلحة كان يريد تجنيب مبارك المساس بسمعته لأنه أحد رموز القوات المسلحة و لكن كان هناك إتجاه آخر داخل المجلس العسكري ذاته بوجوب تطهير البلاد من كل فاسد حتى لو كان مبارك ذاته .. و أعتقد أن هناك إنقسام في المجلس العسكري بدليل تعيين اللواء طارق المهدي رئيس أركان الدفاع الجوي كمشرف على إتحاد الإذاعة و التليفزيون بعد إقدام الفريق أحمد شفيق على التدخل لقطع برنامج واحد من الناس اللذي كان يستضيف الصحفي إبراهيم عيسى و يوجه إنتقادات شديدة لأحمد شفيق .. و بالتالي دفع المجلس العسكري بالسيد اللواء طارق المهدي للتصدي لمثل هذه التدخلات .. و من واقع مشاهدتي أمس للقناة الأولى و ما جاء بها من إنتقادات شديدة لأحمد أبو الغيط وزير الخارجية بسبب فشل الديبلوماسية المصرية في إخراج الكثير من المصريين من ليبيا بينما نجحت القوات المسلحة في ذلك فضلاً عن إنتقادات أخرى جاءت في أخبار الواحدة صباحا للرئيس السابق و فساده أجد أن الإتجاه للتطهير قد أصبح أقوى في المجلس العسكري و تغلب على الإتجاه الآخر بعدم المساس برموز القوات المسلحة و منهم مبارك

أما عن تأخر قرار منع السفر فأرى من وجهة نظري أن المجلس العسكري أراد دفع مبارك لمغادرة مصر نهائياً كحل وسط يجنب المجلس العسكري الحرج في السكوت على فساد مبارك و يجنب مبارك نتائج كشف حقائق فساده و بالتالي أصدر النائب العام قراراً بتجميد أرصدة الرئيس المخلوع في الخارج دون أن يصدر قرار بمنع سفره لإعطائه الفرصة لكي يهرب من النتائج الأشد سوءاً و لكن مبارك لم يفعل و بقى في مصر - حسب معلوماتي - و بالتالي إضطر النائب العام تحت الضغط الشعبي و الإتهامات الكثيرة المقدمة إليه إضطر إلى إصدار قرار بمنع سفر مبارك و أسرته بالكامل و تجميد أرصدتهم في مصر

مرة أخرى أذكر أن ما سبق مجرد وجهة نظري الشخصية المبنية على القليل من الحقائق و الكثير من الإستنتاجات من مسار الأحداث

تم تعديل 28 فبراير 2011 بواسطة MEMES

[رضوي]

بصراحة خلاص مابقناش عارفين ايه اللي بيحصل

امبارح نقرأ أخبار عن سفر مبارك لتابوك

والنهاردة منعه من السفر ؟؟؟؟؟؟

فيمن نثق ايها السادة ؟؟؟؟؟؟؟

نصدق مييييييييييييييييييييييييييييييييييين بالظبط ؟؟؟؟؟

وبعدين بجد خبر تجميد امواله كان متأخر جداً وخبر منعه من السفر أكثر تأخراً

[fatfouta]

قانونيون: مبارك سيواجه السجن المشدد وتهماً بالتربح من منصبه وتسهيل الاستيلاء على المال العام

[pink rose]

قانونيون: مبارك سيواجه السجن المشدد وتهماً بالتربح من منصبه وتسهيل الاستيلاء على المال العام

سجن مشدد ايه يا جماعة بس لراجل في سنه دا و كمان حالته الصحية و جلسات كيماوي

[se_ Elsyed]

قانونيون: مبارك سيواجه السجن المشدد وتهماً بالتربح من منصبه وتسهيل الاستيلاء على المال العام

سجن مشدد ايه يا جماعة بس لراجل في سنه دا و كمان حالته الصحية و جلسات كيماوي

يا أما مريم - هي مريم عامله إيه صحيح - ؟

نحن نتحدث عن مبدأ إن شالله يكون بيطلع في الروح مش مشكلتنا

تفتكري عُمره فكر في الناس اللي بتموت بالالوفات نتيجة الامراض المتوطنة او الحوادث ؟

[ozoozo]

افتحوا الفناه المصريه

مش مصدق نفسي

بيلعنوا سلسفيل مبارك واسرته

بجد مش مصدق

[se_ Elsyed]

فاكرين الراجل اللى كان سين سين حكى عليه من فتره كده

قال ان كان فيه واحد قال لمبارك اتقى الله

سجنه لمدة 15 عام

http://www.youtube.com/watch?v=Myhr7PMGkTo

لا حول ولا قوة الا بالله

ييجوا يقولوا إرحموه عشان سنه أو المتهم بريء

أقسم بالله الكفرة ما بيعملوا كده

اللهم أنتقم من مبارك شر إنتقام .. وارنا فيه عجائب قدرتك

على فكرة .. لو تلاحظوا الراجل خارج من المعتقل بعد الفترة دي كلها عاجز وعلى كرسي متحرك

[tarek hassan]

بغض النظر عن معظم أجزاء مداخلة العضو محمد غنام

و لكن أنا معاه إن مصطفى البكري نفسه ليس فوق مستوى الشبهات

و كان دائمًا يضرب في كل حتة .. و يجي عند مبارك و ستوووب

و لم يكن يتكلم عن أحد إلا بضوء أخضر من فوق

فإحنا إن شاء الله بعد ما يخلص كل البلاغات اللي عنده

و لا نعود محتاجين له .. نبقى ندور على قصوره و فلوسه

بكري دائما كان يرشح مبارك والله رشح مبارك للفترة القادمة وكان مبارك خط أحمر بالنسبة له ولذلك يعطى ملفات كثيرة ومنها ملف الزراعة

أذكركم بأنه متمسكا بأن مطالب الشباب قد تحققت وكفاية والاقتصاد والخسائر والتخويف وذلك قبل تنحي مبارك وأنه كان ضمن لجنة الحوار ( مع السيد البدوي ورفعت السعيد ) التي حاولت أو حاولوا بها تفريغ مضمون الثورة

ثروة بكري كبيرة ومشهورة وفيها كلام وقد واجهه بها متصل في برنامج فضائي ولم يرد

هل سيكون لبكري دور مع الثوريين على إنه كان ثائر على اعتبار إن الناس بتنسى ويفضل الوصولي وصولي ومصلحجي وبتاع كل العهود

تم تعديل 28 فبراير 2011 بواسطة tarek hassan

[التونسى]

بصراحة خلاص مابقناش عارفين ايه اللي بيحصل

امبارح نقرأ أخبار عن سفر مبارك لتابوك

والنهاردة منعه من السفر ؟؟؟؟؟؟

فيمن نثق ايها السادة ؟؟؟؟؟؟؟

نصدق مييييييييييييييييييييييييييييييييييين بالظبط ؟؟؟؟؟

وبعدين بجد خبر تجميد امواله كان متأخر جداً وخبر منعه من السفر أكثر تأخراً

ليس أمامنا إلا أن نصدق مصادر الجيش المصرى ..فمن غيره تبقى لنثق فيه ونحتمى بعد ربنا سبحانه وتعالى .. ورأيى ان رصيد مبارك الايجابى وفضله لدى كبار قيادات الجيش ينقص يوما بعد يوم..بزيادة المظالم والضغوط الشعبيه وقضايا الفساد .. لذا يلاحظ وجود تباطؤ فى اتخاذ قرارات حازمه ضده.. ولكن من الواضح ان الكيل فاض بالجيش .. اتمنى ان تصدق تخميناتى .. ويارب احفظ مصر وشعبها

تم تعديل 28 فبراير 2011 بواسطة التونسى