فيلم (يوم التحرير) - ماساة شعب

[تامر مصطفى]

بعد ان تم عرض فيلم حرب المحاورات الجزء الثالث

جاءت الرياح بما لا تشتهي السفن

وانقلب السحر على الساحر

متيجو نشوف

http://www.youtube.com/watch?v=I2UWi9FFgIQ

[م تيمور المراغي]

قبل ماشوف

كفاية انك جهزت بالرد في الوقت القياسي ده ,,

دي لوحدها نص المكسب

ليا عوده بعد المشاهدة

[تامر مصطفى]

قبل ماشوف

كفاية انك جهزت بالرد في الوقت القياسي ده ,,

دي لوحدها نص المكسب

ليا عوده بعد المشاهدة

على فكرة

الرد جاهز من امبارح

بس لما فضيت رفعته

يارب يعجبك

[م تيمور المراغي]

انك تخللي الصورة الرمزية ل س س تتكلم وتكشر وتضحك وتقفل عينيها دي مالهاش حل جميله جدا يا تامر تلم ايديك ,,

بس فيه هفوات بسيطه

الحلقه الرمادي فوق عين الساري ,,

شخصيتك هي عادل امام كان عندك الملعب مفتوح اوي والبدايل لا حصر لها ,,

السيناريو عاوز سهر منك اكتر من كده انا عارف انك بطولك و كمان عامل الوقت يعني 15 ساعه تكون مخلص فكره وتنفيذ وتحريك مش بسيطه ,,

تحيتي يا تامر بس من غير تحزب انا احكم على ابويا بالحق

الساري ولماضه اعلى حبتين ولا ايه رايك ؟؟

[Simba]

شديد الفيديو ده يا ريس

وشغل عالي

[عنبو]

تامر انت فقرى فقرى يعنى

الفيديو جميل بس بما انك فقرى يعنى

فاهتمت بالضحك اكتر من السناريو نفسه

وده جزاة الى ميستعنش باهل الخبره

امثال الاديب عنبو قصاص على ايده يعنى بس صاروخ قادم

تحياتى

عنبو

اه على فكره انا شايف فتفوته والمهندسه ولماضه جايين من عند موضوعات جاده وكل واحده فيهم شايله سنجه فحاول تهرب

[تامر مصطفى]

تيمووور

انا حطيت الفيلم في الوقت اللي انت لوحدك كنت موجود فيه

بس توقعت يكون عندك بعد نظر فني اكثر من كده

انا مش هحلل الفيلم علشان اسيب المجال لخيال المشاهد وتحليله الشخصي

ولكن يكفي اقولك ان كل مشهد فيه رسالة موجهة

وبعدين الفيلم اتكلف يا ريس جامد

بالنسبة للدائرة على عين الساري فهي مجتش مظبوطة لاني اعتمدت على برنامج عملها على السريع هي وال3 شرط اللي في وش الساري

ودول نتيجة خناقة اتضرب فيها

اما عدم استخدامي لشخصية عادل امام فهي مقصودة لاني مش عايز اعبره بعد موقفه من شباب الثورة

ولمحت لكده في نهاية الفيلم لما طلعته بقفاه

عموما هسيبك تاني تتفرج وتحاول تستخلص العبر

سمبا حبيبي

دايما مشجعني

العمل القادم لازم نتشارك فيه

عنبو

صباح الفل

شكلك فاهم يا نصه

ادعوك للمشاهدة مرة اخرى ومحاولة فهم ما بين السطور

تحياتي لكم جميعا

ومنتظر باقي التعليقات

[pocy]

لذيذ جدا يا تامر واحنا وراك ياريس خد دى

[تامر مصطفى]

لذيذ جدا يا تامر واحنا وراك ياريس خد دى

ايوة كده شجعوني

وخليكوا معايا علشان الهجوم هيبقى شرس

مش بعيد تحصل موقعة الجمل

شكرا يا ام عمر على الوردة

[م تيمور المراغي]

تيمووور

نعمين ( نعم + نعم )

انا حطيت الفيلم في الوقت اللي انت لوحدك كنت موجود فيه

طيب وايه العلاقة ؟؟

بس توقعت يكون عندك بعد نظر فني اكثر من كده

مافيش حاجه في الدنيا اسمها بعد نظر فني ادي اول القصيدة ,, :happy:

انا مش هحلل الفيلم علشان اسيب المجال لخيال المشاهد وتحليله الشخصي

هو حلال اصلا من من غير ما تحلله

ولكن يكفي اقولك ان كل مشهد فيه رسالة موجهة

منين ترميز ومين يكون موجه ؟؟,, مدرسة الرمز غير المدرسة المباشرة ,, غيرو

وبعدين الفيلم اتكلف يا ريس جامد

كام ؟

بالنسبة للدائرة على عين الساري فهي مجتش مظبوطة لاني اعتمدت على برنامج عملها على السريع هي وال3 شرط اللي في وش الساري

ودول نتيجة خناقة اتضرب فيها

مادام مقصوده يبقى بيييس

اما عدم استخدامي لشخصية عادل امام فهي مقصودة لاني مش عايز اعبره بعد موقفه من شباب الثورة

يا فدائي جااااامد ماشي ( ساري عاوزك تهريه عادل امام )

ولمحت لكده في نهاية الفيلم لما طلعته بقفاه

ماشي يا ستاموني ,,

عموما هسيبك تاني تتفرج وتحاول تستخلص العبر

مشغول حبتين ,, ورانا حكومة لازم نسقطها ,,

.........

[الســـاري]

وحــــــــــش ..

شديــــــد ... هايـــــــل ...

وعلى قولة بوسي ..

لذيذ جدا يا تامر .. خد دي ..

بس دي مسمومة ..بقوة قتل ثلاثية .. عدد الشرط اللي عملتها بوشي ..

وعلى قولة كبيرنا ..

هتعملوا فيلم هنرد عليكم بعشرة ..

تتفوق عليا بموضوع التلاعب بالصور .. دي شهادة حق

ما تقول لي اسم البرنامج ده اللي تلعب فيه بالصور ؟ عشان اهريك فيه

اكتر حاجة ضحكتني ... المقابلات التلفزيونية .. وتغيير الصوت .... والتعليقات .. دماغ عالية بجد

تحريك صورة سين سين وعيونه .. والعمة .. مية مية

بالنسبة لعادل امام انا رأيي فيه انه افضل فنان كأداء .. واسوأ فنان كشخص ..

واحنا بنستعين بفنه .. مش بشخصه

بس برضو ضروري تشوف لك حد بموضوع السيناريو .. هيسهل لك حاجات كتير .. ويبقى فاضل عليك تجيب المشاهد بس

تحياتي .. و عاش القائد س س

بيت بيت

دار دار

زنقة زنقة

الى الامام

smk:

[اغابي]

رووووووووووعة يا تامر - انجزته فى وقت قياسي برافووو عليك

بس انت متغاظ اوى من صديقك اللدود السارى وكان المفروض على المدارى تنتقم

منه ما هو كلنا متغاظين - داه لو الساري فكر بس و نزل الكويت زيارة مش هيرجع تانى السعودية

انا كمان بضم صوتى لصوت الشعب المقهور وخاصة المهندسة حبيبتى

:P- وزعلانة على كوز الحمام البلاستيك لانه كان كوز حلو

وبقولها معلشي يا ريا يا اختى - اجبلك من الكويت كوز اجمل منه

تم تعديل 1 مارس 2011 بواسطة اغابي

[تامر مصطفى]

وحــــــــــش ..

شديــــــد ... هايـــــــل ...

وعلى قولة بوسي ..

لذيذ جدا يا تامر .. خد دي ..

بس دي مسمومة ..بقوة قتل ثلاثية .. عدد الشرط اللي عملتها بوشي ..

وعلى قولة كبيرنا ..

هتعملوا فيلم هنرد عليكم بعشرة ..

تتفوق عليا بموضوع التلاعب بالصور .. دي شهادة حق

ما تقول لي اسم البرنامج ده اللي تلعب فيه بالصور ؟ عشان اهريك فيه

اكتر حاجة ضحكتني ... المقابلات التلفزيونية .. وتغيير الصوت .... والتعليقات .. دماغ عالية بجد

تحريك صورة سين سين وعيونه .. والعمة .. مية مية

بالنسبة لعادل امام انا رأيي فيه انه افضل فنان كأداء .. واسوأ فنان كشخص ..

واحنا بنستعين بفنه .. مش بشخصه

بس برضو ضروري تشوف لك حد بموضوع السيناريو .. هيسهل لك حاجات كتير .. ويبقى فاضل عليك تجيب المشاهد بس

تحياتي .. و عاش القائد س س

بيت بيت

دار دار

زنقة زنقة

الى الامام

smk:

شهادة من واحد فنان اعتز بيها

وتسوى عندي الكثير

[تامر مصطفى]

رووووووووووعة يا تامر - انجزته فى وقت قياسي برافووو عليك

بس انت متغاظ اوى من صديقك اللدود السارى وكان المفروض على المدارى تنتقم

منه ما هو كلنا متغاظين - داه لو الساري فكر بس و نزل الكويت زيارة مش هيرجع تانى السعودية

انا كمان بضم صوتى لصوت الشعب المقهور وخاصة المهندسة حبيبتى

- وزعلانة على كوز الحمام البلاستيك لانه كان كوز حلو

وبقولها معلشي يا ريا يا اختى - اجبلك من الكويت كوز اجمل منه

ايوة يا مشجعني

لعلمك الخاص الفلم ده خلصان بعد فيلم الساري بساعتين

بس امبارح كانت بنتي منكده عليا ومزاجي مكانش اد كده

عموما انتي كان ليكي وزارة بس في الجزء التاني

[اغابي]

بيت بيت

دار دار

زنقة زنقة

الى الامام

smk:

بتفكرنى ليه بالقذافى بس يا ساري على الصبح - الله يحظك يا شيخ

بس سيبك القذافى داه فلتة ومش هيتكرر تانى

واضيف عليهم

بما انه طول اليوم بيضرب حبوب هلوسة

غرزة غرزة

من انتم

؟؟

من انتم

؟؟

تم تعديل 1 مارس 2011 بواسطة اغابي

[اغابي]

ايوة يا مشجعني

لعلمك الخاص الفلم ده خلصان بعد فيلم الساري بساعتين

بس امبارح كانت بنتي منكده عليا ومزاجي مكانش اد كده

عموما انتي كان ليكي وزارة بس في الجزء التاني

اى حاجة منك حلوة ياريس

وزارة - وزة - بطة

احنا بينا نص ساعة بالعربية و3 ايام كعابي يعنى مش بعيد بينا المسافة

تنزلنا بعزومة وزارية انا وسمبا وبوسي وابوعمار وماما قلب ابيض

الف سلامة لمزاجك واكيد انت نكدت علي بنتك فى الاول اكمن الاطفال لازم يتعاملو بالراحة

معلشي انا عندى ابنى نفس العينة كدا ربنا يقدرنا عليهم ونربيهم - جيل مهبب

[doha]

كان ممكن اقول حلو وروعه وخلاص .. وكان ممكن اطلع كما دخلت ومكتبش تعليق .. بس بما اني بجد معجبة بجدا بموهبتك في الاخراج وكمان واضح ان عندك مواهب في المونتاج والخدع السينمائية فبصراحه حرام موت تضيع المواهب دي بدون ماكما العاده ادلي بدلوي واقول ملاحظاتي ..

هقول ياسيدي واجري على الله ...

المميزات ان الفيديو اجمالا ظريف يعني معقول بس مكدبش عليك مقدرتش اكمله للآخر عارف ليه ؟

الموسيقى سيئة جدا .. ظلمت الفيلم جاااامد .. من جهة مش لايقة خالص مع الاحداث ومن جهة ثانية تحس انها موسيقى ( بتنيم ) يعني بتسبب الملل وغالبا ده السبب اني مكملتش الفيلم ..

حاول لما تختار الموسيقى تخليها موحية بالحالة الي حابب تحط فيها المشاهد .. يعني اختيار الساري في فيلمه الاخير لموسيقى سلسلة القادمون ـ اتوقع بقوة ان الموسيقى دي من اختيار لماضه ـ كان موفق جدا لان الموسيقى توحي بالمؤامرة بشده وتخلي المشاهد في حالة قلق وتحسسك ان امسك اعصابك هتسمع دلوقت خبر يصدمك .. والاهم بتحمسك تتابع مشاهده .. بعكس الموسيقى الي في فيلمك تحسسك انك بتتفرج على تيتانيك وهيظهر امامك دلوقت نخيل جوز الهند ..

لون الخلفية الي بدأت بيه الكليب ومشي معاك في معظم المشاهد غير موفق الى حد ما لانه مرتبط ذهنيا عندي انا شخصيا بعبوة البامبرز .. على فكره الي عمل الحركه دي برضه ومعرفش فاتت عليهم ازاي سلسلة ساندويتشات مؤمن .. اخذوا نفس الشعار تقريبا ونفس اللون واتوقع انهم هيندموا على الحكاية دي مستقبلا .. خذها مني كمغرمه بالتسويق .. متختارش الوان لها ارتباط ذهني بمنتج شائع عشان مياثرش ده على حكم المشاهد .. ولو حصل فخذ مثلا حاجه فيها حماسه زي مثلا الوان مارلبورو او ام بي سي اكشن .. وهكذا .. اللون الي انت اخترته زي ماقلت لك وديع جدا ومرتبط ذهنيا بالطفولة ودي احد نقاط ضعف الفيلم والي ممكن جدا ساهمت في اغلاقي المبكر للكليب ..

وبما اننا هنتكلم عن الطفولة فالحركة الي عملتها في الصورة الرمزية لسين سين ملعوبة بحرفنة تستاهل عليها تهنئة .. متقنة جدا .. بس تعرف ايه المشكلة ؟ الوجه شديد البراءة والصوت صوت راجل كبير التركيبة دي اصابتني انا شخصيا بنوع من الاشمئزاز او لنقل ( الجزع ) .. لو استخدمت شخصية حلاوة العنتبلي او عادل ادهم زي مابيعمل الساري وبرضه ركبت عليها اي صوت تاني وحركته بنفس الطريقة كانت بقت ملعوبة موت ..

اقول كمان ولا كفايه ؟ كفايه عشان متحدفش بحاجه . .

عموما الخلاصة التقييم جيد جدا نظرا لان ده مجهود شخص واحد ولانه تم في فترة بسيطه بس هقولك على ملاحظتين اخيرتين ممكن جدا لو اخذت بيهم تطلع درر ..

اولا حط في ذهنك وانت بتعمل الكليب الحالة الي عاوز المشاهد يبقى فيها او الرسالة الي عاوز توصلهاله وبناء عليها اختار الموسيقى والخلفيات والشخصيات والاحداث ..

ثانيا مفيهاش حاجه ابدا لو استعنت بسيناريست محترف زي الرفيق لماضه كده وهتبقى في الحاله دي زي التقاء العمالقة لينين الرملي ومحمد صبحي الي كانوا بيعملوا درر غير عاديه لما يجتمعوا اما لما ينفصلوا فسبحان الله اعمال مستواها ممكن احيانا اقل من العادي ..

فكر كده وباذن الله تتحفنا بقنبلة المرة الجايه ..

[تامر مصطفى]

كان ممكن اقول حلو وروعه وخلاص .. وكان ممكن اطلع كما دخلت ومكتبش تعليق .. بس بما اني بجد معجبة بجدا بموهبتك في الاخراج وكمان واضح ان عندك مواهب في المونتاج والخدع السينمائية فبصراحه حرام موت تضيع المواهب دي بدون ماكما العاده ادلي بدلوي واقول ملاحظاتي ..

هقول ياسيدي واجري على الله ...

المميزات ان الفيديو اجمالا ظريف يعني معقول بس مكدبش عليك مقدرتش اكمله للآخر عارف ليه ؟

الموسيقى سيئة جدا .. ظلمت الفيلم جاااامد .. من جهة مش لايقة خالص مع الاحداث ومن جهة ثانية تحس انها موسيقى ( بتنيم ) يعني بتسبب الملل وغالبا ده السبب اني مكملتش الفيلم ..

حاول لما تختار الموسيقى تخليها موحية بالحالة الي حابب تحط فيها المشاهد .. يعني اختيار الساري في فيلمه الاخير لموسيقى سلسلة القادمون ـ اتوقع بقوة ان الموسيقى دي من اختيار لماضه ـ كان موفق جدا لان الموسيقى توحي بالمؤامرة بشده وتخلي المشاهد في حالة قلق وتحسسك ان امسك اعصابك هتسمع دلوقت خبر يصدمك .. والاهم بتحمسك تتابع مشاهده .. بعكس الموسيقى الي في فيلمك تحسسك انك بتتفرج على تيتانيك وهيظهر امامك دلوقت نخيل جوز الهند ..

لون الخلفية الي بدأت بيه الكليب ومشي معاك في معظم المشاهد غير موفق الى حد ما لانه مرتبط ذهنيا عندي انا شخصيا بعبوة البامبرز .. على فكره الي عمل الحركه دي برضه ومعرفش فاتت عليهم ازاي سلسلة ساندويتشات مؤمن .. اخذوا نفس الشعار تقريبا ونفس اللون واتوقع انهم هيندموا على الحكاية دي مستقبلا .. خذها مني كمغرمه بالتسويق .. متختارش الوان لها ارتباط ذهني بمنتج شائع عشان مياثرش ده على حكم المشاهد .. ولو حصل فخذ مثلا حاجه فيها حماسه زي مثلا الوان مارلبورو او ام بي سي اكشن .. وهكذا .. اللون الي انت اخترته زي ماقلت لك وديع جدا ومرتبط ذهنيا بالطفولة ودي احد نقاط ضعف الفيلم والي ممكن جدا ساهمت في اغلاقي المبكر للكليب ..

وبما اننا هنتكلم عن الطفولة فالحركة الي عملتها في الصورة الرمزية لسين سين ملعوبة بحرفنة تستاهل عليها تهنئة .. متقنة جدا .. بس تعرف ايه المشكلة ؟ الوجه شديد البراءة والصوت صوت راجل كبير التركيبة دي اصابتني انا شخصيا بنوع من الاشمئزاز او لنقل ( الجزع ) .. لو استخدمت شخصية حلاوة العنتبلي او عادل ادهم زي مابيعمل الساري وبرضه ركبت عليها اي صوت تاني وحركته بنفس الطريقة كانت بقت ملعوبة موت ..

اقول كمان ولا كفايه ؟ كفايه عشان متحدفش بحاجه . .

عموما الخلاصة التقييم جيد جدا نظرا لان ده مجهود شخص واحد ولانه تم في فترة بسيطه بس هقولك على ملاحظتين اخيرتين ممكن جدا لو اخذت بيهم تطلع درر ..

اولا حط في ذهنك وانت بتعمل الكليب الحالة الي عاوز المشاهد يبقى فيها او الرسالة الي عاوز توصلهاله وبناء عليها اختار الموسيقى والخلفيات والشخصيات والاحداث ..

ثانيا مفيهاش حاجه ابدا لو استعنت بسيناريست محترف زي الرفيق لماضه كده وهتبقى في الحاله دي زي التقاء العمالقة لينين الرملي ومحمد صبحي الي كانوا بيعملوا درر غير عاديه لما يجتمعوا اما لما ينفصلوا فسبحان الله اعمال مستواها ممكن احيانا اقل من العادي ..

فكر كده وباذن الله تتحفنا بقنبلة المرة الجايه ..

اسعدني جداجدا النقد البناء من حضرتك وده قمة التشجيع بالنسبة ليا

بس انا عارف انك هتلتمسي لي الاعذار

انا استعجلت في الفيلم

وبنتي كانت حقيقي منكده عليا شوية

ومجهود فردي زي ما حضرتك ذكرتي

يمكن الموسيقى مش مناسبة بس حضرتك نبهتيني للمرات القادمة وده وعد ان شاء الله

بس بالنسبة لصورة الطفل مع صوت رجل فانا اخترت الصورة الرمزية للأشخاص نفسهم كنوع من الفنتازيا مش اكتر والتغيير عن الساري شوية

اما بالنسبة للون

فأنا معترف اني لازم استعين بأحد الأخوات الفاضلات في اختيار الألوان لانك عارفة معظم الرجالة فاشلين في اختيار الالوان

وانا بالفعل محتاج سناريست بس لماضة متنفعش لانها مع الاعداء

بس لازم يكون دماغه صاحية ومركز زيها

تقبلي تحياتي واحتراماتي

وسعادتي لكلماتك الجميلة الرائعة

[الســـاري]

انا اعطيتك بونت اخضر يا استاذة ضحى على النظرة الناقدة الواعية .. وده بصراحة اللي يفرق معانا .. وانا متأكد ان تامر مصطفى عنده نفس وجهة نظري ..

يعني اللي يقول لنا عن عيوب او مزايا اي عمل .. وعن تصوراته .. حينفعنا اكتر بكتير من اللي يقول انه فيلم كويس وابدعتم وبس

وانتي واستاذ س س .. اعمل حساب دايم لنقدكم ..

جهة السيناريو متفق معاكي فيها بشدة .. ولاحظت لما انفصلت ببعض اعمالي عن الرفيق اطاطا .. تعبت جامد من ناحية .. ومن ناحية تانية ..ماكنتش الاعمال بالمستوى

بس برضه زي ما اي عمل محتاج مخرج وسيناريست .. ما نستغناش اوي عن الناقد

وبرضه الاستاذ ارك .. ناقد كبير .. ويعطيني دروس اول باول

اشكرك جامد بس ضحكني موت تعبير عبوات البامبرز ..

:P

[doha]

اسعدني جداجدا النقد البناء من حضرتك وده قمة التشجيع بالنسبة ليا

بس انا عارف انك هتلتمسي لي الاعذار

انا استعجلت في الفيلم

وبنتي كانت حقيقي منكده عليا شوية

ومجهود فردي زي ما حضرتك ذكرتي

يمكن الموسيقى مش مناسبة بس حضرتك نبهتيني للمرات القادمة وده وعد ان شاء الله

بس بالنسبة لصورة الطفل مع صوت رجل فانا اخترت الصورة الرمزية للأشخاص نفسهم كنوع من الفنتازيا مش اكتر والتغيير عن الساري شوية

اما بالنسبة للون

فأنا معترف اني لازم استعين بأحد الأخوات الفاضلات في اختيار الألوان لانك عارفة معظم الرجالة فاشلين في اختيار الالوان

وانا بالفعل محتاج سناريست بس لماضة متنفعش لانها مع الاعداء

بس لازم يكون دماغه صاحية ومركز زيها

تقبلي تحياتي واحتراماتي

وسعادتي لكلماتك الجميلة الرائعة

ليه بس بتحسسني من كلامك ان فيه نبرة تبرير او اعتذار ؟؟ ياسيدي الفاضل انت وساري وغيركم مبدعين مش من حق حد "يحاسبكم" وبالتالي مطلوب منكم تقدموا مبررات .. بالعكس .. احنا كمشاهدين لنا بس نقول رأينا وانتم توعدونا تاخذوا بيه فقط لا اكثر ولا اقل .. يعني حضرتك مش محتاج تقولي اصل الوقت مضغوط ومش عارف ايه لان ببساطه كتر خيرك اصلا انك بتعمل شيء كويس والي مش عاجبه يروح هو يعمل .. انا شخصيا مظنش اعرف اعمل افلام زي بتاعتكم وعليه فاقول ملاحظاتي فقط واكيد عذركم معاكم في الاول والآخر مش محتاج تبريرات ..

نيجي بقى للاستعانة بالخبير الاستراتيجي من صف الاعداء ..

في قمة منافسة افلام اللمبي لافلام عادل امام الي كان بيخرجها ابنه رامي الامام .. قدم رامي الامام نفسه فيلم لمحمد سعد .. تعاون مع منافس والده عادي جدا .. والفيلم نجح .. الابداع مفيش عليه قيود ولو شايف ان الشخص الي قدامك هيطلع منك احسن ماعندك تعاون معاه وعلى قدر موهبته هو الشخصية هيقدر يفصل مابين عمله معاك ومعمله مع المنافسين وممكن يطلع عملين متضادين وعلى نفس القوة .. دي بقى الحرفنة .. واتوقع ان لماضه قادره جدا على الحرب بسيف في كل يد :)

بقي ملاحظة اخيره ياريت بقى تغيروا الموضوع بتاع مغتربي الكويت ومغتربي السعودية وتختاروا موضوع تاني اكثر سخونة ..