رسالة من زوجة متهنية ومتدلعه لزوجها

[تامر مصطفى]

رسالة زوجة مستريحة و متهنية إلى جوزها اللى مهنيها

على ما أعتقد أن دي أول رسالة حب من زوجة مصرية تكتبها بكامل قواها العقلية دون أي مقاصد شخصية و لا مغانم مادية.

دي رسالة بريئة خاااالص أتشرف و أنفرد بنشرها بإسم كل الزوجات اللي بيموتوا في أزواجهم

زوجي الحبيب:

أقر و أعترف أنا الموقعة أدناه بكامل إرادتي الحرة و قواي العقلية إني مدلعة، و مرفهة و مش مقدره مجهودك و تعبك معايا أنا و العيال. يا سبعي يا جملي. يا مستتني و مريحني و موريني الهنا كله. ماهو إحنا كده يا ستات ما بيتمرش فينا و ما بنقدرش النعمة اللي إحنا فيها إلا لما تزول.الشر برة و بعيد يا حبيبي.عشان كدة أنا فكرت كتير يا حبيبي إزاي أريحك و أعوضك عن الشقى اللي أنت شايفه معانا مالقيتش غير إني أبدل معاك الأدوار و أشيل بدالك المسؤليات. ماهو من حقك تشوفلك يومين دلع حلوين إنت كمان.أنا هروح الشغل كل يوم أشقى و أتعب علشانكم. و هصرف على البيت و أنت بقى كل اللي عليك أنك تستريح و تتبغدد. بس ما تنساش يا حبيب شوية حاجات صغيرة أنا كنت بعملها. معلش أنت قلت بنفسك قبل كده دي حاجات متتعبش حد :تصحى من النوم قبل زقزقة العصافيرتكوي هدوم المدارس للعيال و تصحيهم و تشطفهم و تفطرهم و تلبسهم و تحضرلهم السنداوتشات و تنزلهم يركبوا الأتوبيس.بعد كده تيجي تصحيني و تحضر لي الحمام و الفطارو طبعا عقبال ما أخلص تكون حضرت لي هدومي عشان أروح الشغل حاكم أنا هشقى و أتعب علشانكم.ما تنساش قبل ما تنزل تجري على شغلك،(و تتشعلق في أي مواصلة علشان تلحق توصل في معادك من غير ما تسمع كلمتين في جنابك من مديرك) تسيب اللحمة برة التلاجة تفك عشان الغدا.و أنت راجع بقى الظهر يا حبيبي في عز الزحمة عدي على السوق جيب الغدا و اتزنق في طابور العيش و طير على البيت عشان تلحق تنضف الخضار و تحضر الرز و السلطة و تسيب الأكل يستوي عقبال ما تحمي العيال.أصلي ماحبش أي أكل بايت.أنت عارف يا حبيبي إني بشتغل عشانكم فمن حقي أكل اللي أنا عايزاه.بعد الغدا أنا هدخل أريح شوية و أنت بقى أدخل على المطبخ إغسل الأطباق و إكنس الأرض و حط الغسيل في الغسالة حاكم الحاجات دي ما تستناش .خلاص يا حبيبي هانت.فاضل بس تذاكر للعيال.تعمل معاهم الواجبات و تراجع حفظ النصوص و الدراسات الإجتماعية و تمليهم و تحل معاهم مسائل الرياضة.بس لو حد فيهم جاب نمرة وحشة هزعل منك و أقلب الدنيا على راسك علشان ده يبقى أسمه إهمال و تسيب يا روحي.أنا هقوم بعد كده أنزل أعمل كام مشوار مش مفهومين.المهم أي حجة علشان أسيب البيت و أنزل أشرب لي كابيتشينو في أي كوفي شوب مع صاحباتي أصلي مش هقدر أشرب حجرين على القهوة.و أ رجع البيت بالليل ألاقيك حضرت كيكة و لا أي حاجة حلوة أكلها مع العشابعد ما تكون عشيت العيال و نيمتهم و نشرت الغسيل اللي هتلمه بكرة بعد ما ترجع من الشغل و تقف ثلاث ساعات على رجلك تكويه علشان المكوجية أصبحوا مفتريين بس خالي بالك يا حياتي من كسرة رجل البنطلون أصلها تفرق معايا جدا.أما بقى في الويك إند يا حبيبي فتصحى مع الفجرتنفض البيت و تمسح الأرضو تغسل الحيطان و تحط فنيك و ديتول في الحمامات و تنضف النجف و بعد ما نصحى أنا و العيال تحضر لنا الفطار و تهوي الفرش و ترش الأوض.أصلي بحب البيت بيبرق.أنا هنزل يا حبيبي أزور ماما بعد الغدا.أصلي ما بعديش عليها إلا كل أسبوع مرة و دي ست الحبايب زي ما أنت عارف.أنت بقى فاضي على طول.ممكن تعدي على والدتك أي وقت.ما أنت هتبقى مدلع و متهني و طبعا مش محتاج لا تخرج و لا تتفسح.هنروح فين في الزحمة يوم الجمعة يعني.ده غير المصاريف.المهم في ده كله أن كل يوم ألاقيك واخد دُش و متأنتك و حالق دقنك ) لإنك مش هينفع تحط مكياج( و مستنيني بإبتسامة حلوة سعيدة .

إمضاءزوجتك المستريحة المتهنية

[اغابي]

إمضاءزوجتك المستريحة المتهنية

[مصطفى يونس]

ياساتر يا رب

هيا كانت شيله ده كله فى قلبها وساكته

ما احلى من ايام العزوبيه :sofa:

[تامر مصطفى]

انا بصراحة لما قريتها ولقيتها عندها حق في كل كلمة قلت احطها هنا علشان الرجالة كلها تاخد بالها ان الست بتتعب فعلا

[عنبو]

فيها ايه يعنى لما يتعبوا

مهو لو قعدوا من غير زواج يزعلوا وتلاقى الواحده منهم بقت حساسه وكل تيجى سيرة الزواج

تلاقيها اتقمصت ووشها ضلم ويسالوها يقولوا ليها مالك متردش

ولو اتزوجت تلاقيها كل لما تيجى تزور امها تقعد تشتكى ومش قادره انا تعبت

طيب نعم ايه يعنى ليهم مش فاهم لا زواج عاجب ولا قلة زواج عاجب

وبعدين ياعم تامر الستات اللى تعبوا بجد بتوع ايام زمان جيل امهاتنا يعنى

لا كان فيه غساله اتوماتيك ولا غسالة اطباق ولا مكنسه ولا نيله ولا حلة بالتيمر بتاعها

ولا ميكرويف وبتاع غريب كده معرفش بيعملوا به ايه بس بشوفوا كده بس هو اكيد يعنى له لازمه يعنى

وبعدين بقى الشغل بتاع البيت ده تعمله على راحتك بقى لابس لبس رياضى بقى ومشغل شوية اغانى كده وتعيش يا معلم

د احنا مظلومين ظولم الواحد بيصحى بالليل مفزوع ليكون اخد قرار غلط ولا حاجه ولا كتب تقرير غلط يروح فى داهيه

ويحطه على بطنه حجر فى عز الحر ويقعد يقول احداً احداً زى سيدنا بلال الله يرحمه

تحياتى

عنبو

[أهااات روح]

ااااه لو كل زوج يجرب يعيشلو يومين دلع وهنا زى دول :vian: chf::

[spain]

انا بقول له الكلام ده

هو انا كده ابقي مفترية؟؟؟

بس بصراحة المفروض اقوله للشغالة

:wub:

الله يرحمك يا حمايا

كان دايما يقول الست دي المفروض ايديها(الحلوين) ما تلمسش اي شئ في البيت كفايا عليها اوي زوجها واولادها

وانا بقي ما صدقت

قلت له لازم نعمل بنصيحة عمو الله يرحمه

[المهندسه]

انا بصراحة لما قريتها ولقيتها عندها حق في كل كلمة قلت احطها هنا علشان الرجالة كلها تاخد بالها ان الست بتتعب فعلا

والله يا تامر انت طلعت حونين و قلبك قلب خسايا...هعيط و الله على ال انا فيه يا تامر يا اخويا

ما هو فى رجاله اهو زيك بتفهم و بتقدر ...اومال ايه كلمه انا بتعب فى الشغل لكن انتى مستريحه ال بنسمعها على طول دى

بس فعلا فكره حلوه قلب الادوار دى ...يمكن يفهموا

[تامر مصطفى]

انا مقتنع تماما ان لازم الرجل يحسس الست من فترة للتانية انها بتتعب وانه مقدر تعبها

مجرد كلمتين يخلوها تزيد من العطاء

صحيح يا عنبو ان الاجيال الحالية اتوفرت لها التكنولوجيا

بس جرب كده تعيش انت يوم كامل باستخدام التكنولوجيا دي وتعمل شغل ست البيت

انا متأكد ان بعدها مباشرة هصرخ بأعلى صوتك وتقول

عايز اتطلللللللللللللللللللللللق

تحياتي يا عنبو

ابقو قولي رأيك في دورك في الفيلم بس مش هنا خليه في مكانه

[المهندسه]

فيها ايه يعنى لما يتعبوا

مهو لو قعدوا من غير زواج يزعلوا وتلاقى الواحده منهم بقت حساسه وكل تيجى سيرة الزواج

تلاقيها اتقمصت ووشها ضلم ويسالوها يقولوا ليها مالك متردش

ولو اتزوجت تلاقيها كل لما تيجى تزور امها تقعد تشتكى ومش قادره انا تعبت

طيب نعم ايه يعنى ليهم مش فاهم لا زواج عاجب ولا قلة زواج عاجب

وبعدين ياعم تامر الستات اللى تعبوا بجد بتوع ايام زمان جيل امهاتنا يعنى

لا كان فيه غساله اتوماتيك ولا غسالة اطباق ولا مكنسه ولا نيله ولا حلة بالتيمر بتاعها

ولا ميكرويف وبتاع غريب كده معرفش بيعملوا به ايه بس بشوفوا كده بس هو اكيد يعنى له لازمه يعنى

وبعدين بقى الشغل بتاع البيت ده تعمله على راحتك بقى لابس لبس رياضى بقى ومشغل شوية اغانى كده وتعيش يا معلم

د احنا مظلومين ظولم الواحد بيصحى بالليل مفزوع ليكون اخد قرار غلط ولا حاجه ولا كتب تقرير غلط يروح فى داهيه

ويحطه على بطنه حجر فى عز الحر ويقعد يقول احداً احداً زى سيدنا بلال الله يرحمه

تحياتى

عنبو

حرام عليك يا عنبو حرااااام ...تصدق انت لازم تقلب الادوار مع المودام علشان تقدر

يا خوفى يا عنبو بعد الجواز نلاقيك بتشتغل جوه و بره كمان...

[عنبو]

فيها ايه يعنى لما يتعبوا

مهو لو قعدوا من غير زواج يزعلوا وتلاقى الواحده منهم بقت حساسه وكل تيجى سيرة الزواج

تلاقيها اتقمصت ووشها ضلم ويسالوها يقولوا ليها مالك متردش

ولو اتزوجت تلاقيها كل لما تيجى تزور امها تقعد تشتكى ومش قادره انا تعبت

طيب نعم ايه يعنى ليهم مش فاهم لا زواج عاجب ولا قلة زواج عاجب

وبعدين ياعم تامر الستات اللى تعبوا بجد بتوع ايام زمان جيل امهاتنا يعنى

لا كان فيه غساله اتوماتيك ولا غسالة اطباق ولا مكنسه ولا نيله ولا حلة بالتيمر بتاعها

ولا ميكرويف وبتاع غريب كده معرفش بيعملوا به ايه بس بشوفوا كده بس هو اكيد يعنى له لازمه يعنى

وبعدين بقى الشغل بتاع البيت ده تعمله على راحتك بقى لابس لبس رياضى بقى ومشغل شوية اغانى كده وتعيش يا معلم

د احنا مظلومين ظولم الواحد بيصحى بالليل مفزوع ليكون اخد قرار غلط ولا حاجه ولا كتب تقرير غلط يروح فى داهيه

ويحطه على بطنه حجر فى عز الحر ويقعد يقول احداً احداً زى سيدنا بلال الله يرحمه

تحياتى

عنبو

حرام عليك يا عنبو حرااااام ...تصدق انت لازم تقلب الادوار مع المودام علشان تقدر

يا خوفى يا عنبو بعد الجواز نلاقيك بتشتغل جوه و بره كمان...

فششششششششششششششششششششششششششششششششششر

وفيها ايه لما اشتغل جوه بس اهم حاجه ان مافيش حد يعرف يعنى يفضل سر بينا وبين بعض

[أبوعمار]

والله فكرتوني بنكتة قريتها من فترة

واحد بيحقد على مراته عشان قاعدة في البيت مرتاحة وهو بيروح الشغل وشقيان يا حرام

طلع له العفريت .... حكي له على الموضوع

قال له : خلاص ...انت تأخد دور مراتك وتقعد في البيت تطبخ وتغسل وتشوف شغل البيت.. وهي تتقمص دورك وتصحى كل يوم تروح الشغل

وحصل يا سادة ياكرام

والراجل ما استحملش غلوة

ما عداش أسبوع الا واستغاث بالعفريت:

إلحقني إلحقني يا ابن الجني

قال له : رجعني تاني يا عم دي شغلانة مش جايبة همها

العفريت قال له: ماشي أرجعك بس مش دلوقت

بعد تسع شهور

لأنك

طلعت

حــــــــامل

يعني كلنا لازم نرفع القبعة ... لكل زوجة حتى لو كانت متهنية لأنها بجد أحلى حاجة في كل بيتها

ربنا مايحرمنا منهم يا رب

ويجعل كلامنا خفيف عليهم

واللي عنده زوجة يبوس ايده شعر ودقن

ويحمد ربنا على النعمة اللي هو فيها

[رضوي]

ههههههههه

بجد تعليقات كلها دمها خفيف

بصراحة فعلاً الست بتتعب جدا ( والا ماكانتش الجنة تحت أقدام الامهات )

والراجل كمان ياجماعة بيتعب ....... بس لو الست بتشتغل كمان بيبقي ضغط كبير اوي عليها ....... وكل اللي والدته امرأة عاملة بيقدر دة كويس اوي

الست مش محتاجة اكتر من التقدير ...... معاملة الستات دي اصلها فن ....... والفنان هو بس اللي يقدر يخلي مراته تتحمل كل دة بابتسامة رضا لو عرف يعاملها ازاي

كنت بشوف جدي - رحمة الله عليه - فناااااااااااااااااااااااااااااااااان ........ وعلي الرغم ان ظروف عمله كانت بتخليه يلقي المسئولية علي جدتي ( لأنه كان بغيب عن البيت كتير ويسهر ف المواقع وبيسافر كتير ) الا انه كان دايماً بيعرف يعاملها كويس اوي ...... ويعرف يقولها شكراً ازاي

كل راجل يقدر يوصل لدة لو هو عايز .......... كل راجل عارف كويس اوي مراته بتتعب اد ايه ......... وعارف انها ساعات كمان بتتعب اكتر منه ........ وعلي فكرة التكنولوجيا مش بتشتغل لوحدها .... محتاجة ايد ووقت وجهد يشغلوها

والتكنولوجيا مش كفيلة انها تحافظ ع الاولاد وتراعيهم

الست بتوهب حياتها كلها لجوزها وبيتها ............ والراجل بقي بيشيل حتة كدة علي جنب لصحابة والكافيه وخروجات ومشاوير علشان يعمل ريفرش لحياته

يبقي كلمة شكراً وربنا يخليكي ليا وبوكيه ورد جميل .... مش كتيييييييير

ولا

كيلو كباب افيد من الورد يايسرية ؟؟؟ ( وش خالد صالح في احلي الاوقات )

[لونا]

انا مقتنع تماما ان لازم الرجل يحسس الست من فترة للتانية انها بتتعب وانه مقدر تعبها

مجرد كلمتين يخلوها تزيد من العطاء

صحيح يا عنبو ان الاجيال الحالية اتوفرت لها التكنولوجيا

بس جرب كده تعيش انت يوم كامل باستخدام التكنولوجيا دي وتعمل شغل ست البيت

انا متأكد ان بعدها مباشرة هصرخ بأعلى صوتك وتقول

عايز اتطلللللللللللللللللللللللق

تحياتي يا عنبو

ابقو قولي رأيك في دورك في الفيلم بس مش هنا خليه في مكانه

و الله يا أستاذ تامر حضرتك جبت المفيد

كل زوجة مش محتاجة أكتر من الكلمتين اللي مش بيكلفوا حاجة

يعني لو تعبانة و هلكانة و متنرفزة و قول زي ما انت عايز

و ييجي الزوج يقول لها تسلم إيدك

أو إرتاحي شوية إنت تعبتي

و لو جدع يقولها :أساعدك ؟(عزومة مراكبية يعني و هي برضه فاهمة إنه كلام و خلاص :P )

حتجد الزوجة نسيت كل تعبها و كل ضيقها و ابتسمت في وش زوجها :)

[لونا]

معلش يا أ/ عنبو

سبت مداخلتك كلها و حبكت بأة معايا أعرف إيه البتاع ده.. ممكن؟ :closedeyes:

وبتاع غريب كده معرفش بيعملوا به ايه بس بشوفوا كده بس هو اكيد يعنى له لازمه يعنى

يعني ممكن توصف لنا البتاع ده و احنا نساعدك بما إننا خبرة يعني في البتوع smk:

[مغتربة]

ههههههههه

بجد تعليقات كلها دمها خفيف

بصراحة فعلاً الست بتتعب جدا ( والا ماكانتش الجنة تحت أقدام الامهات )

والراجل كمان ياجماعة بيتعب ....... بس لو الست بتشتغل كمان بيبقي ضغط كبير اوي عليها ....... وكل اللي والدته امرأة عاملة بيقدر دة كويس اوي

الست مش محتاجة اكتر من التقدير ...... معاملة الستات دي اصلها فن ....... والفنان هو بس اللي يقدر يخلي مراته تتحمل كل دة بابتسامة رضا لو عرف يعاملها ازاي

كنت بشوف جدي - رحمة الله عليه - فناااااااااااااااااااااااااااااااااان ........ وعلي الرغم ان ظروف عمله كانت بتخليه يلقي المسئولية علي جدتي ( لأنه كان بغيب عن البيت كتير ويسهر ف المواقع وبيسافر كتير ) الا انه كان دايماً بيعرف يعاملها كويس اوي ...... ويعرف يقولها شكراً ازاي

كل راجل يقدر يوصل لدة لو هو عايز .......... كل راجل عارف كويس اوي مراته بتتعب اد ايه ......... وعارف انها ساعات كمان بتتعب اكتر منه ........ وعلي فكرة التكنولوجيا مش بتشتغل لوحدها .... محتاجة ايد ووقت وجهد يشغلوها

والتكنولوجيا مش كفيلة انها تحافظ ع الاولاد وتراعيهم

الست بتوهب حياتها كلها لجوزها وبيتها ............ والراجل بقي بيشيل حتة كدة علي جنب لصحابة والكافيه وخروجات ومشاوير علشان يعمل ريفرش لحياته

يبقي كلمة شكراً وربنا يخليكي ليا وبوكيه ورد جميل .... مش كتيييييييير

ولا

كيلو كباب افيد من الورد يايسرية ؟؟؟ ( وش خالد صالح في احلي الاوقات )

مداخله فى الجون يا رضوى

رحم الله جدك و غفر له بالتاكيد كل السيدات الان كانت لتود ان تاخذ ازواجها دوره لديه فى كيفيه اداره الحياه الزوجيه هههههه

[samehmagdy]

دفعولك كام يا تامر علشان تقول كده قول و اعترف

بصراحه انا اشهد وابصم بالعشره ان الكلام دى صح مليون فى الميه لو كانت الزوجه بتشتغل وتقوم بشغل البيت كمان لانها وقتها بتتعب اضعاف تعب الزوج ولازم وغصب عنه مش بمزاجه انه يساعدها فى شغل البيت

انما لو مكنش وراها حاجه غير بيتها وولادها وعندها نص اليوم فاااااضى مبتعملش فيه حاجه وبتشتكى من الفراغ يبقى دى اللى نقول عليها متدلعه ومتهنيه ولو فكرت تبدل الادوار (بعد الشر طبعا) هتعرف يعنى ايه راحه بال ومملكه خاصه بيها هى بيتها وولادها وجوزها وهى الملكه المتوجه

هتعرف يعنى ايه معنى انها تصحى من الساعه 6 الصبح ومتعرفش تنام قبل الساعه 12.30 على الاقل

وبعدين زى عنبو ما كان بيقول الستات اللى تعبوا بجد بتوع ايام زمان جيل امهاتنا يعنى

لا كان فيه غساله اتوماتيك ولا مكنسه ولا ميكروويف ولا ولا ولا

po:: انما بصراحه حتى لو مكنش على الزوجه غير الاولاد بشقاوتهم وتعبهم وتربيتهم

:hearts: فدى حاجه تكفى انى اقوللها تسلم اديكى وربنا يخليكى ليه

[تامر مصطفى]

دفعولك كام يا تامر علشان تقول كده قول و اعترف

بصراحه انا اشهد وابصم بالعشره ان الكلام دى صح مليون فى الميه لو كانت الزوجه بتشتغل وتقوم بشغل البيت كمان لانها وقتها بتتعب اضعاف تعب الزوج ولازم وغصب عنه مش بمزاجه انه يساعدها فى شغل البيت

انما لو مكنش وراها حاجه غير بيتها وولادها وعندها نص اليوم فاااااضى مبتعملش فيه حاجه وبتشتكى من الفراغ يبقى دى اللى نقول عليها متدلعه ومتهنيه ولو فكرت تبدل الادوار (بعد الشر طبعا) هتعرف يعنى ايه راحه بال ومملكه خاصه بيها هى بيتها وولادها وجوزها وهى الملكه المتوجه

هتعرف يعنى ايه معنى انها تصحى من الساعه 6 الصبح ومتعرفش تنام قبل الساعه 12.30 على الاقل

وبعدين زى عنبو ما كان بيقول الستات اللى تعبوا بجد بتوع ايام زمان جيل امهاتنا يعنى

لا كان فيه غساله اتوماتيك ولا مكنسه ولا ميكروويف ولا ولا ولا

po:: انما بصراحه حتى لو مكنش على الزوجه غير الاولاد بشقاوتهم وتعبهم وتربيتهم

:hearts: فدى حاجه تكفى انى اقوللها تسلم اديكى وربنا يخليكى ليه

لسه مخدتش اي فلوس من حد

بس لو ناوين يدفعوا ... دا انا اطلع الستات كلها السما واكرس حياتي للكتابة عن افضالهم وجمايلهم وراحتهم

ولو يزودوا شوية ابهدل الرجالة

عموما هو الموضوع ده نسبي

يعني في زوجة من اول الزواج يحاول زوجها يساعدها فبتبتدي تعتمد عليه شوية بشوية لغاية ما بتخليه يقوم بدورها كله تقريبا

البداية بتكون

معلش يا حبيبي (ده اذا قالتها ) ممكن تطلع الفرخة من الفريزر علشان لما ارجع من الشغل تكون فكت

في فترة لاحقة

معلش بس ممكن لو لقيتها فكت تغسلها كويس وتنضفها وانا هطبخها

بعد ايام

ممكن تطبخها

المرحلة التالية

معملتش مكرونه ليه جنبها

معلش اعمل شوية سلطة وانت واقف بقى

المرحلة اللي وراها

انت مش عارف اني هرجع من الشغل تعبانه وبشقى زيي زيك

مطبختش ليه؟؟؟؟؟؟؟؟؟؟؟؟؟

هناكل ايه دلوقتي؟؟؟؟؟

اتفضل انزل هات لنا اكل من اي مطعم

وتسلط العيال

يمسكو في رجلك ويقولوا لك

عايزين كنتااااااااكي

ويعاد المسلسل فيا يخص المواعين وبعدها غسيل الملابس و..و..و..و..و

اهي الزوجة دي اللي تبقى متدلعه اوي بس بيبقى دلعها ماسخ

انما الست اللي كاتبة الرسالة قايمة بدورها وبتشتغل في نفس الوقت

فلازم نقدرها ونشكرها

[اغابي]

دفعولك كام يا تامر علشان تقول كده قول و اعترف

بصراحه انا اشهد وابصم بالعشره ان الكلام دى صح مليون فى الميه لو كانت الزوجه بتشتغل وتقوم بشغل البيت كمان لانها وقتها بتتعب اضعاف تعب الزوج ولازم وغصب عنه مش بمزاجه انه يساعدها فى شغل البيت

انما لو مكنش وراها حاجه غير بيتها وولادها وعندها نص اليوم فاااااضى مبتعملش فيه حاجه وبتشتكى من الفراغ يبقى دى اللى نقول عليها متدلعه ومتهنيه ولو فكرت تبدل الادوار (بعد الشر طبعا) هتعرف يعنى ايه راحه بال ومملكه خاصه بيها هى بيتها وولادها وجوزها وهى الملكه المتوجه

هتعرف يعنى ايه معنى انها تصحى من الساعه 6 الصبح ومتعرفش تنام قبل الساعه 12.30 على الاقل

وبعدين زى عنبو ما كان بيقول الستات اللى تعبوا بجد بتوع ايام زمان جيل امهاتنا يعنى

لا كان فيه غساله اتوماتيك ولا مكنسه ولا ميكروويف ولا ولا ولا

po:: انما بصراحه حتى لو مكنش على الزوجه غير الاولاد بشقاوتهم وتعبهم وتربيتهم

:hearts: فدى حاجه تكفى انى اقوللها تسلم اديكى وربنا يخليكى ليه

طب لو يا مسيو سامح قولتلك على زوجة بتقوم بكل كل كل حاجة

بيت وشغل واولاد ومدارس ودروس خصوصية ومشاواير للمستشفيات فى نص الليل - خاصة انهم اولادها بالتنبادل

يعنى كل اسبوع واحد فيهم دور برد او سخونية وهى تجرى فى نص الليل ع المستشفيات

وفى سجل المدرسة عند اطفالها هى ولى الامر - اى حاجة تتصل المدرسة عليها

الحقى مثلا ابنك دماغه اتعورت وقع من المورجيحة وهو حاليا فى المستشفى

مع الاستاذ فولان ولا الابلة فولانة وهى تستاذن من الشغل وتجرى عليه

داه غير الاكل والفسح وكل المشاوير والبهدلة

قولى بقى دى تبقى ايه

لازمن وحتمن يتعملها تمثال فى اكبر ميدان وجايزة السعفة الذهبية للام المثالية وكل داه شوية عليها

وهى تستحق اكتر من كدا بكتير

اصل انا اعرف واحدة صاحبتى بتعمل كدا ووصفتلكم حالتها بالظبط - لانها بعيد عنكم

ارمــــلة

الله يعينها

تم تعديل 2 مارس 2011 بواسطة اغابي

[تامر مصطفى]

طب لو يا مسيو سامح قولتلك على زوجة بتقوم بكل كل كل حاجة

بيت وشغل واولاد ومدارس ودروس خصوصية ومشاواير للمستشفيات فى نص الليل - خاصة انهم اولادها بالتنبادل

يعنى كل اسبوع واحد فيهم دور برد او سخونية وهى تجرى فى نص الليل ع المستشفيات

وفى سجل المدرسة عند اطفالها هى ولى الامر - اى حاجة تتصل المدرسة عليها

الحقى مثلا ابنك دماغه اتعورت وقع من المورجيحة وهو حاليا فى المستشفى

مع الاستاذ فولان ولا الابلة فولانة وهى تستاذن من الشغل وتجرى عليه

داه غير الاكل والفسح وكل المشاوير والبهدلة

قولى بقى دى تبقى ايه

لازمن وحتمن يتعملها تمثال فى اكبر ميدان وجايزة السعفة الذهبية للام المثالية وكل داه شوية عليها

وهى تستحق اكتر من كدا بكتير

اصل انا اعرف واحدة صاحبتى بتعمل كدا ووصفتلكم حالتها بالظبط - لانها بعيد عنكم

ارمــــلة

الله يعينها

ربنا يكون في عونها

حقيقي هي دي الام المثالية

ولكن حتى لو لم يقدرها المجتمع فأجرها عند رب العباد

ربنا يباركلها ويكرمها في اولاده ويجعلهم صالحين ينفعوها لما يكبروا