علم التواصل والإتصال وحل المشكلات العضال

[se_ Elsyed]

للاسٍف هذه أفة موجوده في مجتمعنا ويتمادى المسئولون فيها بدون أي إحساس بالهبل والهطل ...

- ما دفعني إلى كتابة هذا الموضوع أيها السادة هو هذا الزخم من الإعلانات الموجهة اللي المفروض إنها عشان تنشيط السياحة الخارجية ... لإن السياحة مصدر هام من مصادر الدخل القومي واللي إنضربت في مقتل نتيجة ثورة 25 يناير .. وبما إن الثورة كُللت بالنجاح فالمفروض الأمور تعود كما كانت خطوة خطوة ...

- لكن لما أفتح التليفزيون كل شوية الاقي كمية إعلانات عبيطة ومستعينين في بعضها ببعض السياح الأجانب عشان يقولوا " مصر هلوه ... ومبروك لمصر ... وأي أم ستوته فروم هولاند وذيس إذ صاهبتي أم إبراهيم فروم بلجيوم ..... وتعالوا زوروا مصر ... وحلو يا حلو "

يبقى ده منتهى التخلف ... لإن اللي بيعمل كده ما عندوش أدنى فكره عن حاجه إسمها Communication skills .. يعني مهارات التواصل .... اللي تعني بمنتهى البساطة إني لما يكون عندي رسالة مُعينة عاوز أوصلها .. باكون أنا المُرسل ... وهناك بالتأكيد مُستقبل ... وهناك رسالة .. وهناك طريقة لتوصيل الرسالة وهناك لغة أو طريقة مكتوبة بها الرسالة

يعني من غير وجع دماغ ... لو أنا عاوز أوصل رسالة للعالم الخارجي اللي بييجي منه السياح .. أقوم اردم الدنيا إعلانات عبيطة موجهه للشعب المصري في قنواته الفضائية أو المحلية عشان أقول لهم الدنيا أمان وأرجعوا بقى إنتوا وحشتونا قوي ؟

ما هذه العقليات المتحجرة التي لا تعرف العالم وما حولها أو على رأي إخوانا في الخليج " ما يدرون الله وين حاططهم " ؟

- تماماً تماماً كما حدث في مهزلة ملف كأس العالم 2010 .... والذي لم يتم محاكمة أي أحد مسئول عنه .. واللي خدنا فيه " صفر بجدارة "

صفر واحد يا باشمهندس ؟

طب خليهم صفرين .. طب تلاته

مش عشان إحنا دولة ما عندهاش موارد وما بتصرفش .. لأ لأ ... ولكن لإننا واخدينها عافيه ... ومشي حالك وأنا الواد الفهلوي .. وأنا بأفهم في كل كل كل حاجه في الدنيا ..

بُص يا سيدي إحنا نرصد ميزانية بالملايين .. ونردم الدنيا لجان وإعلانات ومجات وتي شيرتات مكتوب عليها " كأس العالم مصر 2010 " ونبدأ بأسوان وبعدين ندخل على اسيوط ونختمها بزفتى .. زفتى مدينة جميلة جداً على فكرة وهاتدعمنا جامد في ملف كأس العالم اللي مسئول عن إختيارة 24 عضو في الفيفا " الإتحاد الدولي لكرة القدم " بيُمثلوا اللجنة التنفيذية للفيفا وفي نفس الوقت بيمثلوا قارات العالم الست .... ومن ضمنهم قارة زفتى طبعاً ...

وبالتالي الناس اللي في سويسرا وبيدرسوا الملفات لما يلاقوني بأزور زفتى وميت غمر والسنبلاوين .. قلبهم هايرق ويقولوا " أصيل يابو أحمد .. لأ يا واد تستاهل تنظم كاس العالم "

وكمان لما ييجي أعضاء اللجنة يزوروا مصر .. لازم أعملهم عشوة حلوة ديوك رومي وحمام محشي وبابا غنوج .. ورقصة التنورة إوعى تنسى التنورة .. وفرقة فول كلور نوبي عشان أبلفهم وأظبط دماغهم ....

ما هذا التهريج الذي كان يتزعمه عقلية متحجرة توقفت عن التفكير يمكن في الستينات أو السبعينات من القرن الماضي .. وأعني هنا مبارك اللي عدى كل اللي حواليه بالتخلف والتحجر

وطبعاً لإن في مصر كله منفد على كله .. فكان رئيس الملف هو هشام عزمي إبن عم زكريا عزمي .. واللي حلف برقبته إن معظم أعضاء اللجنة التنفيذية معانا وإنهم حلفوا له بشرف مامتهم جميعاً إنه صوتهم هايروح لمصر ...

وكانت النتيجة " صفر " كبييييييييييييييييييييير

لإن ببساطة أهم ملاحظتين كتبوهم في الملف أبو صفر .. إن ولا ملعب كرة قدم عندنا به حمام للسيدات عشان يعملوا بيبي .... وإن الطريق من مطارة القاهرة لحد الفندق اللي عالنيل اللي أعضاء اللجنة نزلوا فيه كان عبارة عن مطبات وعملوا عليها طريق و و و و و

وكانت النتيجة " صفر "

صفر إدارة ..

صفر مهارة إتصال أو تواصل .... لإني ما بأعرفش أتكلم ... ولا بأعرف انا باتكلم مع مين .. ولا إيه ثقافته .. ولا إيه الطريقة اللي بيفهمها

لكن أنا كل اللي إتعلمته في حياتي .. إني باعرف أتكلم لغة أجنبية كويس جداً .. لكن

لكن ما الفائدة إني بأتكلم لغة مع ناس هم أصحاب اللغة لكني مش فاهم ثقافتهم .. وبالتالي انا باكلمهم بطريقتي أنا ...

زي عبد الفتاح القصري في فيلم تقريباً إسمه " ليلة الجمعة " لما كان بيتكلم إنجليزي لبلب فبيقول لواحده إنجليزية

Did you enter the life ?

Or you didn’t write the book ?

يعني إنتي ما دخلتيش دنيا أو حتى مكتوب كتابك ؟

أحلى تواصل وأحلى لغة ...

فأيها السادة المحترمون .... إحترموا أنفسكم ودعوا الأمور لاهلها .. ومش عيب إني أقول إني أنا وزير أو مسئول لكن مش بأفهم في النقطة دي وعشان كده هاجيب اللي بيفهم فيها ومش عيب إني اتعلم منه .

[pink rose]

سبحان الله امبارح كنت لسا باتكلم مع جوزي في النقطة بتاعت السياحة دي

يعني انا عاوز ادعو السياح لزيارة مصر اقوم اعمل اعلانات و اذيعها في التليفزيون المصري؟

هما الاجانب بيتفرجوا على قناة الحياة و لا ايه دا احنا المصريين ما بنتفرجش عليها الا بالعافية

المفروض نعمل حملة سياحية في تليفزيونات و جرائد الدول اللي انا عاوز استقطب منهم سياح

نفسي اعرف السفارات بتاعتنا في الخارج بتشتغل ايه بالظبط

لا بينشطوا السياحة عن طريق حملات دعاية و لا بيتنيلوا يساعدوا المصريين في الخارج

نفسي اعرف شغلتهم ايه الناس دي بجد

عندي فكرة بسيطة ممكن كل واحد فينا يقوم بيها على الفيس بوك

كتير مننا عندهم اصدقاء اجانب على الفيس

فكرت اني اعمل ملف صور و تحت منه تعريف بالصورة و معلومات عن المكان دا

مثلا معبد حتشبسوت مجموعة صور للمعبد و كام معلومة كده عنه

و اعمل شير للصور دي

و بالتالي الاصدقاء الاجانب اللي عندي يتفرجوا على الصور و يقروا معلومات كنوع من الترويج للاماكن السياحية في مصر

[se_ Elsyed]

كلنا عارفين إن البورصة المصرية إشتغلت بعد احداث 25 يناير جلستين فقط 26 و 27 ومن بعدها تم تعليق عمل البورصة عشان رؤوس الاموال ما تهربش والإقتصاد ينهار أكثر ... وعارفين إن في مستثمرين عرب وأجانب بيشتغلوا في المضاربة والأستثمار بالبورصة بجانب المصريين .. وعارفين إن في شكرات راحت في داهيه لإن أصحابها مشرفين في اللومان دلوقت زي عز والمغربي وأبو العنين ... يعني دول ضمانين إن أسهمهم هاتبقى ببلاش ...

وبالتالي صدرت عدة قرارت لتحديد موعد إعادة التداول وتم إلغاءها بعد ذلك ... وأخرها اليوم .. كان التداول المفروض يرجع اليوم لكن تم تأجيله إلى الأحد القادم

قمة التخبط والعشوائية وغياب التواصل مع اصحاب الشأن المهتمين بذلك وخصوصاً الأجانب والعرب اللي ما هايصدقوا البورصة تفتح عشان يهربوا

ما بالك لما يعرفوا إن رئيس البورصة " خالد سري صيام " تقدم بإستقالته أول أمس وتم رفضها من رئاسة الوزراء ؟ عيش بقى وإتخيل حالة الذعر والهلع اللي هاتصيب المستثمرين بعد كل هذه الأخبار السيئة

طب طول الفترة دي ... ما حدش جه في باله وقال أنا لازم أتواصل مع الناس دي وأطمنهم وأعمل مؤتمر صحفي عالمي كرئيس بورصة ومعايا المجموعة الوزارية الإقتصادية ومعايا رؤساء البنوك ومعايا رؤساء مجالس إدارة شركة التداول الشهيرة وأطمن الناس إن بإذن الله إقتصادنا هايتعافى بسرعة لإن لا توجد لدينا إضطرابات أمنية ملحوظة ولا حروب أهلية ولا صراع على السُلطة وإن إحنا ماضيين في طريق الديمقراطية والشفافية السليم وإن البنوك هاتدعم رؤس أموال صناديق الإستثمار وإن هناك تسهيلات ممكن نقدمها للمستثمرين وإننا بنطمنهم إن ما فيش ضرايب على ارباح الأسهم سيتم فرضها تحت أي ظروف و و و و و و

ما حدش فكر في كده ؟ طب ليه ؟

[se_ Elsyed]

فكرت اني اعمل ملف صور و تحت منه تعريف بالصورة و معلومات عن المكان دا

مثلا معبد حتشبسوت مجموعة صور للمعبد و كام معلومة كده عنه

يا ريم الناس دي تعرف تاريخنا أحسن مننا .. فعلاً ..

لكن إحنا بنتكلم هنا عن نواحي أمنية وطمئنينه تخص السائح اللي بيخطط يزور مصر ...

أنا مش شايف لازمه لإستمرار حظر التجوال بعد الثانية عشر مساءً ... معليش يعني هاجيب السايح من بدله أنيمه من المغرب زي الفراخ وإذا الشيطان وزه وخرج .. يلاقي نفسه محبوس 6 شهور لخرقة الحظر ؟

في إيه ؟

با فندم يا هناه يا سعده اللي يقدر يرشق في شغلانة في مكاتب تنشيط السياحة وهيئات الإستعلامات في السفارات المختلفة لمصر خصوصاً في الدول المتريشة ... احلى عيشه وأحلى آنتخه ..

يا فندم إتفرجي على إعلانات تُركيا اللي غزت تليفزيوناتنا وأخرها أعلان من ايام بسيطة عن الخطوط الجوية التُركية وجايبين فريق مانشستر يونايتد كله بيلعب كوره داخل الطائرة وحاجه تبهر وتخليني أنا شخصياً أتمنى أركب على الجناح حتى في أي طيارة تركية ..

وقبلها الولا مُهند الوحش - والله أنا أحلى منه .. سِم كده - اللي عمل لوحده طفره في السياحة لبلده بمسلسله وبكم الإعلانات اللي بيظهر فيها واللي بتتوجه للعالم الخارجي خصوصاً للعالم العربي ..

يا فندم بقت أُمنية أي أوروبي دلوقت إن تتخلع له عين من عيونه بس يزور دُبي ..

وإحنا اللي عندنا أثار لا تُعد ولا تُحصى .. وجو بديع طوال العام و و و و و و و .. ويوم ما بنعمل إعلان نتواصل به مع الناس عشان ييجيوا يزوروا مصر .... أجيب واحد ومراته خليجيين المفروض جايين يزوروا مصر .. وهما قاعدين في ملهى ليلي وبيتفرجوا على رقاصة !!!!!!!!!!!...

أقسم بالله أنا بأتكسف أتفرج على الإعلانات اللي زي دي .. لإنها لا تُعبر عن واحد من مليون من الشعب المصري ..

فلا أحنا عُمرنا روحنا ملاهي ليليه ولا بنحضر حفلات لراقصات ولا بنشرب خمور .....

لكن ... لو دورنا هانلاقي إن اللي عمل الإعلان لازم يكون إبن خالة أبو اللي جابو وير السياحة مثلاً ... أو هو بيقول لمدير مكتب وزير السياحة والهيئة العامة للإستعلامات وتنشيط السياحة يا أونكل ... لإنه يعتبر عمه من أب وأم تانيين

[se_ Elsyed]

مش أنا قلت لكم عن العقلية اللوزعية بنت المجنونة اللي قررت في التليفزيو المصريتخصيص حوالي 6 ساعات بث على قناة نايل تي في .. تبث باللغة العبرية عشان نخترق المجتمع الإسرائيلي ونؤثر عليهم ثقافياً لحد ما يبقوا زي الخاتم في صباعنا ...

لكن نفس الشخص ده فاته إن إسرائيل كللللللللللللللللها شغالة بالكيبل وبالتالي مستحيل تطلع تنشر غسيل فوق سطوح الخواجه صورف أو الخواجه شارل سامحون وتلاقي السطح مرشق أطباق أطباق وكل شويه يجيب واد بنغالي من البطحا يعدل له الدش اللي إتهز من الهوا .... ... يعني هما عندهم باقات قنوات تليفزيونية مدفوعة مسبقاً pay to watch

وبالتالي مش هاتلاقي ولا إسرائيلي سمع عن حاجه إسمها نايل سات أو عرب سات . إلا لو كان مخابرات وعاوز يتسلى شويه بالفرجة على القذافي أو مبارك قبل ما يتخلع ...

[crossfield]

للاسٍف هذه أفة موجوده في مجتمعنا ويتمادى المسئولون فيها بدون أي إحساس بالهبل والهطل ...

- ما دفعني إلى كتابة هذا الموضوع أيها السادة هو هذا الزخم من الإعلانات الموجهة اللي المفروض إنها عشان تنشيط السياحة الخارجية ... لإن السياحة مصدر هام من مصادر الدخل القومي واللي إنضربت في مقتل نتيجة ثورة 25 يناير .. وبما إن الثورة كُللت بالنجاح فالمفروض الأمور تعود كما كانت خطوة خطوة ...

- لكن لما أفتح التليفزيون كل شوية الاقي كمية إعلانات عبيطة ومستعينين في بعضها ببعض السياح الأجانب عشان يقولوا " مصر هلوه ... ومبروك لمصر ... وأي أم ستوته فروم هولاند وذيس إذ صاهبتي أم إبراهيم فروم بلجيوم ..... وتعالوا زوروا مصر ... وحلو يا حلو "

يبقى ده منتهى التخلف ... لإن اللي بيعمل كده ما عندوش أدنى فكره عن حاجه إسمها Communication skills .. يعني مهارات التواصل .... اللي تعني بمنتهى البساطة إني لما يكون عندي رسالة مُعينة عاوز أوصلها .. باكون أنا المُرسل ... وهناك بالتأكيد مُستقبل ... وهناك رسالة .. وهناك طريقة لتوصيل الرسالة وهناك لغة أو طريقة مكتوبة بها الرسالة

يعني من غير وجع دماغ ... لو أنا عاوز أوصل رسالة للعالم الخارجي اللي بييجي منه السياح .. أقوم اردم الدنيا إعلانات عبيطة موجهه للشعب المصري في قنواته الفضائية أو المحلية عشان أقول لهم الدنيا أمان وأرجعوا بقى إنتوا وحشتونا قوي ؟

ما هذه العقليات المتحجرة التي لا تعرف العالم وما حولها أو على رأي إخوانا في الخليج " ما يدرون الله وين حاططهم " ؟

- تماماً تماماً كما حدث في مهزلة ملف كأس العالم 2010 .... والذي لم يتم محاكمة أي أحد مسئول عنه .. واللي خدنا فيه " صفر بجدارة "

صفر واحد يا باشمهندس ؟

طب خليهم صفرين .. طب تلاته

مش عشان إحنا دولة ما عندهاش موارد وما بتصرفش .. لأ لأ ... ولكن لإننا واخدينها عافيه ... ومشي حالك وأنا الواد الفهلوي .. وأنا بأفهم في كل كل كل حاجه في الدنيا ..

بُص يا سيدي إحنا نرصد ميزانية بالملايين .. ونردم الدنيا لجان وإعلانات ومجات وتي شيرتات مكتوب عليها " كأس العالم مصر 2010 " ونبدأ بأسوان وبعدين ندخل على اسيوط ونختمها بزفتى .. زفتى مدينة جميلة جداً على فكرة وهاتدعمنا جامد في ملف كأس العالم اللي مسئول عن إختيارة 24 عضو في الفيفا " الإتحاد الدولي لكرة القدم " بيُمثلوا اللجنة التنفيذية للفيفا وفي نفس الوقت بيمثلوا قارات العالم الست .... ومن ضمنهم قارة زفتى طبعاً ...

وبالتالي الناس اللي في سويسرا وبيدرسوا الملفات لما يلاقوني بأزور زفتى وميت غمر والسنبلاوين .. قلبهم هايرق ويقولوا " أصيل يابو أحمد .. لأ يا واد تستاهل تنظم كاس العالم "

وكمان لما ييجي أعضاء اللجنة يزوروا مصر .. لازم أعملهم عشوة حلوة ديوك رومي وحمام محشي وبابا غنوج .. ورقصة التنورة إوعى تنسى التنورة .. وفرقة فول كلور نوبي عشان أبلفهم وأظبط دماغهم ....

ما هذا التهريج الذي كان يتزعمه عقلية متحجرة توقفت عن التفكير يمكن في الستينات أو السبعينات من القرن الماضي .. وأعني هنا مبارك اللي عدى كل اللي حواليه بالتخلف والتحجر

وطبعاً لإن في مصر كله منفد على كله .. فكان رئيس الملف هو هشام عزمي إبن عم زكريا عزمي .. واللي حلف برقبته إن معظم أعضاء اللجنة التنفيذية معانا وإنهم حلفوا له بشرف مامتهم جميعاً إنه صوتهم هايروح لمصر ...

وكانت النتيجة " صفر " كبييييييييييييييييييييير

لإن ببساطة أهم ملاحظتين كتبوهم في الملف أبو صفر .. إن ولا ملعب كرة قدم عندنا به حمام للسيدات عشان يعملوا بيبي .... وإن الطريق من مطارة القاهرة لحد الفندق اللي عالنيل اللي أعضاء اللجنة نزلوا فيه كان عبارة عن مطبات وعملوا عليها طريق و و و و و

وكانت النتيجة " صفر "

صفر إدارة ..

صفر مهارة إتصال أو تواصل .... لإني ما بأعرفش أتكلم ... ولا بأعرف انا باتكلم مع مين .. ولا إيه ثقافته .. ولا إيه الطريقة اللي بيفهمها

لكن أنا كل اللي إتعلمته في حياتي .. إني باعرف أتكلم لغة أجنبية كويس جداً .. لكن

لكن ما الفائدة إني بأتكلم لغة مع ناس هم أصحاب اللغة لكني مش فاهم ثقافتهم .. وبالتالي انا باكلمهم بطريقتي أنا ...

زي عبد الفتاح القصري في فيلم تقريباً إسمه " ليلة الجمعة " لما كان بيتكلم إنجليزي لبلب فبيقول لواحده إنجليزية

Did you enter the life ?

Or you didn’t write the book ?

يعني إنتي ما دخلتيش دنيا أو حتى مكتوب كتابك ؟

أحلى تواصل وأحلى لغة ...

فأيها السادة المحترمون .... إحترموا أنفسكم ودعوا الأمور لاهلها .. ومش عيب إني أقول إني أنا وزير أو مسئول لكن مش بأفهم في النقطة دي وعشان كده هاجيب اللي بيفهم فيها ومش عيب إني اتعلم منه .

حرام عليك يا سين سين مش عارفة أبطل ضحك

صحيح...شر البلية ما يضحك

بس يعنى قوللى الواحد فى ايده ايه يعمله؟

أنا بيتهيألى ده دور برضو الاخوة المصريين المغتربين

يعنى تمسك لك كام واحد سعودى و تحلف عليه اليمين لينزل مصر و ان ما رضيش احلف بالطلاق و ان برضو ما رضيش طخه و اخلص

لا بجد... أنا مش متفائلة للسياحة لحد ما الأمور تستقر تماماً و مش من مصلحتنا نجيب سياح دلوقتى و أجهزة الأمن تصفيهم بالبلطجية و الا يتعرضوا لحوادث سرقة أو أو و مفيش شرطة أصلاً لان زى ما انت عارف الشرطة دلوقتى شعارها نام و ارتاح و سيب السفاح

على فكرة ده مش كلامى ده كلام مرشد سياحى أعرفه و قطاع كبير من زملائه العاملين بالسياحة يقولون أنه لا سياحة بدون استقرار أمنى.

اتفق معك تماماً فى أن الاعلانات الخايبة اياها دى هى عود أحمد لحملة نورت مصر إياها و فلوس بتترمى و خلاص

الا بالمناسبة هو ايه علاقة فخرى عبد النور بالسياحة أصلاًَ؟