مهندسان مصريان يصممان برنامجا انتخابيا بالرقم القومى يتيح التصويت عن طريق أجهزة الحاسب الالى

[امير مجروح]

تمكن مهندسان مصريان من تصميم برنامج انتخابى يتيح للمواطنين الانتخاب بالرقم القومى من خلال أجهزة الحاسب الاّلى ويمكنهم من التصويت والمشاركة فى العملية الانتخابية بدون تعقيدات ويحول دون حدوث عمليات تزوير نظراً لان البيانات المدخلة ستكون مشفرة .

وأوضح المهندس أحمد داوود صاحب مشروع ادارة العملية الانتخابية فى برنامج صباح الخير يا مصر بالتليفزيون المصرى الاثنين ان البيانات المطلوبة تكمن فى جزئيتين الاولى تعتمد على استخدام قاعدة البيانات التابعة للسجل المدنى او لوزارة الداخلية الخاصة بكل الشعب المصرى والثانية تعتمد على تسجيل قاعدة بيانات حكومية بأسماء المرشحين وبالتالى يتم التصويت عليها.

وتابع المهندس رضا عبد النبى مشارك بالمشروع انه بعد انتهاء العملية الانتخابية يمكن عمل تقارير سريعة لحصر الاصوات السليمة والغير سليمة وعدد الاصوات التى حصل عليها كل مرشح مشيراً الى ان هدفهم من البرنامج استغلال اجهزة الحاسب الالى الموجودة فى المدارس والنوادى.

وناشد داوود الوسائل الاعلامية بتوصيل صوتهم للمسئولين حيث ان البرنامج يمكن تنفيذه مجاناً فى الوقت الذى يتكلف ملايين بالعالم.

وأضاف رضا ان البرنامج يضمن الشفافية وعدم القدرة على التزوير او التلاعب فى البيانات لانها ستكون مشفرة وسيتم التعرف على من ادلى بصوته ومن امتنع عن التصويت.

http://www.egynews.net/wps/portal/news?params=116988

[م تيمور المراغي]

تمام جدا ,,

اعرف ناس يقدروا يعملوا هاك على الجن ويظبطوا النتيجة زي ماتحب ,, :happy:

مش متفق مع الحل لازم كل واحد يذهب امام القاضي بنفسه واتخاذ كافة التدابير مثل الحبر الغير قابل مطلقا للازالة

و رقابة منظمات المجتمع المدني واشراف دولي من الاتحاد الاوروبي والامم المتحدة والمنظمات الدولية ,,

[Alattar]

تمام جدا ,,

اعرف ناس يقدروا يعملوا هاك على الجن ويظبطوا النتيجة زي ماتحب ,, :happy:

مش متفق مع الحل لازم كل واحد يذهب امام القاضي بنفسه واتخاذ كافة التدابير مثل الحبر الغير قابل مطلقا للازالة

و رقابة منظمات المجتمع المدني واشراف دولي من الاتحاد الاوروبي والامم المتحدة والمنظمات الدولية ,,

بص يا تيمور..كل حاجة أكيد ليها مزايا و عيوب

لو قلتلك علي طريقة دلوقتي مثلا تنتخب حتي لو ببصمة قرنية العين

صدقني هتلاقي اللي يقوللك انها ممكن تتبدل و أنا ممكن أعمل و أسوي

دول كتير دلوقتي ماشية بالنظام الالكتروني في كل حاجة

و انت أكيد في السعودية و عارف ان موقع الراجحي مثلا علي سبيل المثال لو دخلت عليه و عملت تسجيل

دخول..هيبقي كإنك دخلت البنك بالظبط..تقدر تعمل كل عملياتك المصرفية و انت قاعد في مكانك

تحول فلوس..و تتبرع للجمعيات الخيرية..و كل ده بمجرد انك دخلت اسم المستخدم و كلمة المرور

طبعا مع بعض الضمانات زي الرسالة اللي بتجيلك علي تليفونك و فيها رقم سري مع كل عملية دخول

أنا أقصد من ده كله..ان موضوع البرنامج ممكن يتم تأمينه بشكل جيد و اختباره أكثر من مرة

و هقوللك علي حكاية صغير كده عالماشي كنت سمعتها زمان..كان فيه وة واحد حب يخترق موقع البنتاجون

انت عارف عملوا ايه...طلعوا حاططين الموقع علي سيرفر تبعهم..و الصفحة اللي حاططينها في المقدمة

فيها برنامج تتبع..و أي حد يحاول يلعب في الصفحة يحدفوه علي صفحة تانية..و منها الي صفحة ثالثة

و هكذا..وصاحبنا فاكر انه ماشي تمام..كل شوية تطلعله معلومات متفبركة..و في هذه الأثناء..هما

كانوا بيحددوا موقعه و راحوله علي الجهاز اللي قاعد عليه..

أي حاجة ممكن بإذن الله تتأمن كويس..و تختبر أكثر من مرة..و بإذن الله أنا شايف انها فكرة ممتازة

لو تم تنفيذها بالشكل السليم

[ام سلمي]

انا برضه حاسة ان مش كفاية اشراف قضائي لأن ايه ضمننا ان القضاه اللي حيختاروهم شرفاء ما الواحد بقي بيشك في كل حاجة دلوقتي

طب انا بافكر ان يتاح لكل واحد انه يعمل بحث بالرقم القومي في قاعدة البيانات ويتأكد ان صوته ما اتزورش يعني تبقي متاحة علي موقع معين علي النت ، يعني الارقام القومية بتاعة اللي ما راحوش ينتخبوا او الاطفال اقل من سن الانتخاب ايه يضمن ان ما اتلعبش فيها ودول يمكن يبقوا ملايين ، فلازم يبقي العملية معلنة ويبقي دور اللي عندهم نت يتأكدوا للناس البسطاء عن طريق ارقامهم القومية ان تصويتهم محطوط صح او اللي ما انتخبش انه ما اتاخدش لصالح حد معين ولو لقوا اخطاء يبلغوا فورا

وجميل ان البرنامج يحسب عدد الاصوات لكل مرشح بس ايه اللي يضمنني انه بعد التأكد من دخول البيانات صح ان ما يبقاش في لعب في البرنامج نفسه ويطلع لي رسالة تقولي مبروك احمد شفيق كسب بنسبة 99% علشان كدة باقول ان قاعدة البيانات تبقي معلنة بحيث ممكن اي مبرمج بسيط يقدر يتأكد

ان النتيجة المعلنة مظبوطة عن طريق حساب عدد الاصوات لكل مرشح ويتهيأ لي كدة مش حيبقي في امكانية تزوير

[م تيمور المراغي]

تمام جدا ,,

اعرف ناس يقدروا يعملوا هاك على الجن ويظبطوا النتيجة زي ماتحب ,, :happy:

مش متفق مع الحل لازم كل واحد يذهب امام القاضي بنفسه واتخاذ كافة التدابير مثل الحبر الغير قابل مطلقا للازالة

و رقابة منظمات المجتمع المدني واشراف دولي من الاتحاد الاوروبي والامم المتحدة والمنظمات الدولية ,,

و انت أكيد في السعودية و عارف ان موقع الراجحي مثلا علي سبيل المثال لو دخلت عليه و عملت تسجيل

دخول..هيبقي كإنك دخلت البنك بالظبط..تقدر تعمل كل عملياتك المصرفية و انت قاعد في مكانك

جميل اوي المثال ده يا عطار

لانه حيوضح وجهة نظري بشدة ,,

تخيل ان ( بنك الراجحي بنفسه )

دخل على الداتا بتاعتك وغير البيانات وانت عارف ان الادمن عندهم له الصلاحية يعمل كده

احنا كده كانك يابوزيد ماغزيت

واصبح الادمن بقى هو صاحب القرار في مستقبل مصر ,,

عاوزينها مانيوال مانيوال

معلش الموضه بقت تكرار الكلمة مرتين :happy: