رسالة من المصريين العالقين فى تونس للخارجية المصرية

[fatfouta]

يعنى ينفع كده الناس تفضل 15 يوم فى تونس وماحدش بيعبرهم وكل الكلام اللى بتقوله الخارجية كذذذب

قلوا بيبعتوا 15 طائرة يوميا ومافيش الكلام ده

قالوا جسر جوى بين مصر وتونس ومافيش الكلام ده

ايه مصير الناس دى اللى متعلقة هناك ويشكروا طبعا شعب تونس بيعاملوهم احسن معاملة لكن برضو الناس عاوزة تروح بيوتها

طب وبعدين فى الحكومة دى وفى وزير الخارجية ابو قردان اللى ذى قلته

بيستحلفوا لابو الغيط وبيقولوله معادنا فى ميدان التحرير

حسبى الله ونعم الوكيل فيكم يا حكومة احمد شفيق ياللى لسه باقيين على ابو قردان

شوفوا الفيديو

http://www.youtube.com/watch?v=W6VmvK2hfTk&feature=player_embedded

[fatfouta]

قطعتان حربيتان لإجلاء المصريين العالقين فى تونس

الأربعاء، 2 مارس 2011 - 18:17

حرصاً من المجلس الأعلى للقوات المسلحة على أمن وسلامة المصريين بالخارج، أبحرت سفينتان حربيتان تتبع القوات البحرية المصرية من ميناء الإسكندرية باتجاه دولة تونس للمساهمة إلى نقل وعودة المواطنين القادمين من ليبيا.

كما وصلت اليوم، الأربعاء، إلى تونس سفينة النقل العسكرية "حلايب" لنقل المواطنين المصريين العالقين هناك تمهيداً لعودتهم إلى أرض الوطن ومن المنتظر مغادرة السفينة "حلايب" من ميناء تونس مساء اليوم فى طريق العودة إلى ميناء الإسكندرية ويأتى ذلك فى إطار الجهود المصرية لإعادة المصريين العاملين فى ليبيا.

[Ahmed Anwer]

إمكانيات مصر مهما كانت و في ظل الظروف الحالية

مش هتسمح بعملية إيواء مبدئيا في تونس و إجلاء سريع ثانيا

يجب فورا مناشدة دول العالم في المساعدة لعلاج هذه الكارثة الإنسانية

بس نكلم مين ،،، حكومة شفيق و وزير خارجيته أبو الغيط الفاشلين

[arkan]

بجد حاجة فظيعة الناس اللى متشحططة طول عمرها وكمان نهايه غربتها تبقى بالمنظر ده

فين وزارة الخارجية اللى واجهة بس ومفيش حفظ كرامة للمصريين

بجد مش ميعاده ميدان التحرير علشان يتشال بس

طيب فين رجال الاعمال الوطنين ماعندهمش امكانيات تأجير طيارات او اي حاجة لنقل الناس دي

الدول العربية ممكن يكون دورها ايه ولا منظمات الاغاثة وصلنا اننا نشحت ولا ايه

والله حاجة صعبة الرجال الى بتعيط قدام العالم كله

ربنا يفرج الكرب

غمة وتزول قريبا يارب