هل نتجاوب مع دعوى شراء الأسهم المصرية لدعم الإقتصاد ؟

[Howayda Ismail]

هذه الدعوة وجهت الان فى برنامج الطبعة الاولى بدريم لانقاذ البورصة المصرية وانقاذ معها الحالة المالية لمصر

لان اى انهيار للبورصة بالتبعية انهيار تام لاقتصاد مصر وزيادة معدل التضخم وارتفاع معدل البطالة عما سبق

الافظع فى الموضوع احتمال حدوث مجاعة وكبوة ربما تقصم ظهر مصر للابد وتقضى معها على احلام الثوار والثورة

مضمون الدعوة ان يبادر كل مواطن يوم الاحد القادم ان شاء الله مع اعادة فتح البورصة بشراء اسهم بقيمة مائة جنيه فقط

لاغير واذا تمكن حوالى 50 او 60 مليون مواطن من شراء اسهم ستتمكن البورصة من الصمود والاهم بقاءها فى ايد مصرية

واعتقد ان قيمة المبلغ زهيدة جدا وفى استطاعة الكثيرين الشراء وتجنيب مصر انهيار محقق

حقيقى لو قلبنا على مصر لازم نسارع ونشترى

ارجوك خليك ايجابى حتى لو خارج مصر ممكن توكل اقاربك فى الشراء

[المهندسه]

لسه سامعه البرنامج دلوقت يا هند

ياريت فعلا الناس تفهم و تروح

احنا كمان عندنا هنا فى السعوديه ....فتحوا حساب لتقبل اى مبالغ من المغتربين المصريين فى السعوديه

ربنا يستر على البلد الناس مش ناقصه فقر و انهيار اقتصادى اكتر

[م تيمور المراغي]

اوعى حد منكم يعمل كده ,,

يا جماعة يا بتوع البورصة ماتقولوا

ده حيحصل تصريف زي العسل على الغلابة دول

و بعد مالسعر ينزل نفس الناس التيييت حيدخلوا مره تانيه من تحت ويصرفوا لما السعر يطلع وهكذا

دي ملاعيب حيتان تقال وبرنامج الطبعة الاولى تورط فيها بحسن نية او ,,,,,,,!!

[المهندسه]

اوعى حد منكم يعمل كده ,,

يا جماعة يا بتوع البورصة ماتقولوا

ده حيحصل تصريف زي العسل على الغلابة دول

و بعد مالسعر ينزل نفس الناس التيييت حيدخلوا مره تانيه من تحت ويصرفوا لما السعر يطلع وهكذا

دي ملاعيب حيتان تقال وبرنامج الطبعة الاولى تورط فيها بحسن نية او ,,,,,,,!!

نعلش يا بشمهندس ...انا مفهمتش..يعنى ايه تصريف؟؟؟

ياريت توضحلى شويه...معلش فهمى على قدى ههههه

[مغتربة]

من الناحيه الفعليه هو حل غير عملى مع احترامى الكامل لكل من فكر فيه

اولا نشاط البوصه لا يستقيم ابدا مع المبالغ الصغيره

لكى يشترى الشخص اسهم ب 100 جنيه هذا معناه انه لا استفاده حقيقيه من تصرفه هذا لا له و لا للبورصه

اولا لانه بيدفع عموله على عمليه الشراء و عموله مماثله عند القيام بالبيع و هذا يعنى انه سيدفه اكثر من المائه جنيه هذا عمولات

و بالنسبه للبورصه فهناك تعقيدات بالنسبه للاوامر الصغيره الحجم و قد تسبب لود على السيستم اذا تمت بشكل كبير و فى نفس الوقت

كما انه ليس متاح للافراد التداول فى البورصه بدون فتح حساب فى شركه وسيطه وفتح الحساب و تكويد العميل يحتاج لوقت و لن يسعفهم التحرك يوم الاحد

اما اخطر ما فى الموضوع هو نقص خبره القطاع العريض من الشعب فى البورصه و هذا يعنى ان دخول اعداد وفيره من غير العالمين بالمجال سيضر بالبورصه اكثر مما سيفيدها لانهم سيدخلون على عدم بصيره و بالتالى سيكون هناك فوضى فى الاسهم و قد ترفع اسهم بدون وجه حق على حساب اسهم اخرى كانت اكثر استحقاقا لذلك و هذا على المدى المتوسط للطويل له اضرار على الحركه فى السوق المالى اكثر من النفع المؤقت الذى يمكن ان يحدث فى اول يوم دخول

كما ان احتمال تدخل الاطراف الفاهمه فى البورصه بشكل يجعل من هذا الدخول العشوائى يصب فى مصلحتها هى فى الاخر و ليس فى مصلحه البورصه

لكن الاقتراح كان يمكن تحويره بشكل افضل جدا و لكن فى وقت مبكر عن ذلك و هو انشاء صندوق استثمارى يستطيع الافراد ان يكتتبوا فيه بتلك الحصص الصغيره 50 او 100 جنيه

ثم يتولى هو استثمار الاموال المجمعه فى البورصه و ميزه هذا هو الاستفاده من حجم الاموال الكبيره و كذلك ان من سيقوم على اداره هذه الصندوق سيكونوا ذو كفاءه و فهم مما يتيح لهم انجاز المهمه فى انقاذ البورصه و فى ذات الوقت تحقيق ربح لمساهميهم و المحافظه على راس مالهم و امكانيه تكرار عمليه الدخول فى المستقبل اذا اقتضى الامر و كذلك تخفيض المصاريف الاداريه

و مزايا اخرى كثيره يطول شرحها

الخلاصه البورصه ليست مكان الاستثمارات متناهيه الصغر و تنفيذ المبادره بهذا الشكل لا يفيد كثيرا البورصه بعكس اذا تم تجميعها جميعا و توليه اخرين ذوى خبرى لادارتها

[م تيمور المراغي]

حاضر يا ست الكل ,,

دلوقتي كبار المضاربين في السوق محتاجين يعملوا تسييل لمحافظهم بمعى انه يبيع مايمتلكه من اسهم لكي يحصل على الاموال السائلة التي يحتاجونها بشدة في الوقت والظروف الراهنة لاسباب متعددة ليس المجال لذكرها ,,

طيب ,, هو يمتلك مثلا 100 الف سهم في شركة اسمنت سينا على سعر 50 جنيه مصري هو سعر اغلاق اليوم السابق ,,

لو المضارب الكبير ده - الهامور - حب يبيع الاسهم بتاعته ايه اللي حيصل ؟؟

حيحصل ان العرض حيكون اكبر بكتير جدا من الطلب فالسعر في تلك الحالة سيهبط من 50 جنيه الى 45 جنيه مثلا ,,

دي معضلة كبار المضاربين انه مايقدرش يبيع كمية كبيره فبيلجا لكنيك اسمو التصريف

وهو انه يبدأ يبيع مجموعه مجموعه مكونه من 1000 سهم مثلا على فترات متباعده تلك الطريقة تسمى التصريف ,,

طيب هو في نيته انه حيكمل بيع يعني الناس اللي اشتروا من ساعه على سعر 50 جنيه يقينا كلما مر الوقت السعر برضوا في النازل ؟

فيقوم عامل اتفاقيات مع العديد من الجهات على بث ما يشجع الناس على الاقبال على الشراء بالتالي يستطيع هو تصريف مالديه من كميات كبيره عليهم

في الحاله المذكوره فوق دي بيبقى فرصة ذهبيه هنا لكبار المضاربين انهم يعملوا اتالي

الطلب زايد بسبب تلك النداءات والاخبار تحت دعوى انقاذ مصر ودعم مصر والكلام ده

يقوم المضارب الكبير نازل بلوت 10 الاف سهم مثلا على سعر 50 جنيه

السعر وقتها بينزل الى 49 جنيه مثلا يقوم الباشا داخل يشتري مره تانيه على سعر 49 جنيه وينتظر حتى يعود السعر الى 50 جنيه بسبب الاقبال من صغار المستثمرين المساكين اللي دخلوا بدافع الوطنيه والامر جله تم تدبيره بليل ,,

وهكذا دواليك وغني يا ليل ما اطولك كلما صعد السعر يقوم المضارب منزله عشان ياخذ من تحت ويبيع من فوق وفي آخر الجلسه بعدما يظن الجميع ان الهبوط يعقبه صعود ماهما شايفين بعينيهم طول الجلسه السعر متذبذب يقوم طاخ مصرف الكمية كلها وقافل السهم على النسبة تحت وسلامتكم ,,

انشروا التنبيه ده اثابكم الله ,,

واي استفسار تاني يا استاذه انا في الخدمة ,,

[مغتربة]

معلش هامش توضيحى يا هند

راجعت الدعوه و لقيت ان اغلب الى بينادو بيها مطلبوش الشراء المباشر

لكن عن طريق الصناديق الاستثماريه القائمه

جميل يبقى لو عن طريق الصناديق القائمه هيكون كثير من السلبيات الى انا ذكرتها مش موجوده

لكن هيفضل بس هاجس ان هل الصناديق دى هتدخل فعلا تشترى يوم الاحد و لا لا

لانها ممكن على حسب تحليلات او رؤيه تفضل الانتظار قليلا قبل الدخول

فى الحاله دى الى اشترك فى الصندوق بس لمجرد الشراء يوم الاحد هيكون محققش هدفه

لان انت ملكيش تحكم فى السياسه الاستثماريه الى بيتبعها مدير الصندوق

كنت افضل انشاء صندوق جديد مخصص فقط لهذا الامر

لكن تتبقى كمان لهواجس الخاصه باستفاده كبار ملاك الاسهم من عمليات الدخول العاطفيه لتحقيق مكاسب شخصيه

ملحوظه البورصه السعوديه النهارده نزلت ( 8 % ) فقط على وقع المخاوف قبل ان تقلص النسبه عند الاغلاق

[Howayda Ismail]

متشكرة جدا لحضرتك يابشمهندس وللاخت الفاضلة مغتربة على توضيح الصورة

منطلق كلامى انا والمهندسة كان من منظور عاطفى دون دراية صحيحة بامور البورصة

ونفس كلامك يامغتربة زوجى قاله امبارح بحكم تعاملاته قديما مع البورصة

وبتوضيحكم ده قدمتوا نصيحة ربما لكثيرين كانوا شايفين الصورة زينا دون خبرة

[أحمد سيف]

زي ما الزملاء حذروا قبل كده

دي كلمة حق يراد بها باطل

أسعار الأسهم في البورصه انخفضت ده مش معناه خسائر للناس أو للاقتصاد زي ما بيحاولوا يوهموا الناس

دي كلها أسعار على الورق وليست خسائر فعليه ... يعني طالما أنت محتفظ بالسهم ولم تبعه بالسعر المعروض حاليا فأنت لم تخسر شيئا ... الخسارة تتحقق فقط عندما تبيع

وحكاية الاقتصاد خسر دي أيضا غير صحيحة ... الأصول المنتجة زي ما هي ولا تتأثر بتقلبات الأسعار في البورصه

المستثمر الحقيقي النظيف لن يبيع أسهمه في هذه الظروف ... ومن سيبيع هم فئتين

1- المضاربين اللي شغالين بيع وشراء (عادة بالهامش يعني بفلوس سالفينها) ... ودول قبلوا المخاطره من الأول فلازم يتحملوها الآن

2- اللي عايز يسيل الأسهم وياخذ فلوسها ويهرب لإنه حرامي ... ودول طبعا المفروض ما نساعدهمش على زيادة أرباحهم بإننا ندخل نشتري دلوقت

يا ريت تنشروا الرسالة دي بين معارفكم يا جماعه لأن هناك حملة شعواء تدار بحسن أو بسوء نية لخداع المواطنين والتضحية بأموالهم في سبيل فئة بسيطة تريد تعظيم أرباحها

ونصيحتي كواحد دارس للاستثمار ... انتظروا حتى تفتح البورصة وتستقر الأسعار وتجدوا كميات تداول كبيرة وأجانب نازلين يشتروا ... عندها ستكون فرصة جيدة للشراء لأن الأسعار ستكون مرشحة للارتفاع بعد انتهاء موجة الذعر واستقرار الأوضاع في البلد

[شرف الدين]

زي ما الزملاء حذروا قبل كده

دي كلمة حق يراد بها باطل

أسعار الأسهم في البورصه انخفضت ده مش معناه خسائر للناس أو للاقتصاد زي ما بيحاولوا يوهموا الناس

دي كلها أسعار على الورق وليست خسائر فعليه ... يعني طالما أنت محتفظ بالسهم ولم تبعه بالسعر المعروض حاليا فأنت لم تخسر شيئا ... الخسارة تتحقق فقط عندما تبيع

وحكاية الاقتصاد خسر دي أيضا غير صحيحة ... الأصول المنتجة زي ما هي ولا تتأثر بتقلبات الأسعار في البورصه

المستثمر الحقيقي النظيف لن يبيع أسهمه في هذه الظروف ... ومن سيبيع هم فئتين

1- المضاربين اللي شغالين بيع وشراء (عادة بالهامش يعني بفلوس سالفينها) ... ودول قبلوا المخاطره من الأول فلازم يتحملوها الآن

2- اللي عايز يسيل الأسهم وياخذ فلوسها ويهرب لإنه حرامي ... ودول طبعا المفروض ما نساعدهمش على زيادة أرباحهم بإننا ندخل نشتري دلوقت

يا ريت تنشروا الرسالة دي بين معارفكم يا جماعه لأن هناك حملة شعواء تدار بحسن أو بسوء نية لخداع المواطنين والتضحية بأموالهم في سبيل فئة بسيطة تريد تعظيم أرباحها

ونصيحتي كواحد دارس للاستثمار ... انتظروا حتى تفتح البورصة وتستقر الأسعار وتجدوا كميات تداول كبيرة وأجانب نازلين يشتروا ... عندها ستكون فرصة جيدة للشراء لأن الأسعار ستكون مرشحة للارتفاع بعد انتهاء موجة الذعر واستقرار الأوضاع في البلد

تحليل ممتاز يا أحمد

أنا برضه أول ما سمعت النداء ده ... قلت لازم ناخد رأي المتخصصين الأول نعرف إذا كان الكلام ده صحيح ... ولا لأ

[م تيمور المراغي]

اللي مصر يدخل -وانا اعترض بالشدة على الدخول في البورصة المصرية اصلا لاسباب عديده مش مجالها دلوقتي- .

المهم اللي مصر يدخل اول حاجه يبص عليها هي المكرر الربحي للسهم اللي حيشتريه .,,

وتعريف المكرر الربحي P/E Ratio‏ ببساطة هو قياس بنستخدمه لمعرفة نسبة سعر السهم في السوق إلى ربح السهم السنوي،

يعني مثلا شركة سعر سهمها دلوقتي 100 جنيه مصري ,, وبتوزع ارباح سنوية على المساهمين بواقع 7 جنيه لحامل السهم في السنة الواحدة

والشركة في قطاع قوي وادارتها مبشره وارضيتها ثابته يبقى اوك فبها ونعمت حتى لو وصل سعر السهم 20 جنيه برضوا انت ضامن ارباح سنويه للسهم 7 جنيه يعني تنسى السهم خالص وتنام ,,

عموما الشركات اللي مكرر ربحيتها تحت 14 تعتبر مقبولة استثماريا -شيئ بديهي.

[مغتربة]

زي ما الزملاء حذروا قبل كده

دي كلمة حق يراد بها باطل

أسعار الأسهم في البورصه انخفضت ده مش معناه خسائر للناس أو للاقتصاد زي ما بيحاولوا يوهموا الناس

دي كلها أسعار على الورق وليست خسائر فعليه ... يعني طالما أنت محتفظ بالسهم ولم تبعه بالسعر المعروض حاليا فأنت لم تخسر شيئا ... الخسارة تتحقق فقط عندما تبيع

وحكاية الاقتصاد خسر دي أيضا غير صحيحة ... الأصول المنتجة زي ما هي ولا تتأثر بتقلبات الأسعار في البورصه

المستثمر الحقيقي النظيف لن يبيع أسهمه في هذه الظروف ... ومن سيبيع هم فئتين

1- المضاربين اللي شغالين بيع وشراء (عادة بالهامش يعني بفلوس سالفينها) ... ودول قبلوا المخاطره من الأول فلازم يتحملوها الآن

2- اللي عايز يسيل الأسهم وياخذ فلوسها ويهرب لإنه حرامي ... ودول طبعا المفروض ما نساعدهمش على زيادة أرباحهم بإننا ندخل نشتري دلوقت

يا ريت تنشروا الرسالة دي بين معارفكم يا جماعه لأن هناك حملة شعواء تدار بحسن أو بسوء نية لخداع المواطنين والتضحية بأموالهم في سبيل فئة بسيطة تريد تعظيم أرباحها

ونصيحتي كواحد دارس للاستثمار ... انتظروا حتى تفتح البورصة وتستقر الأسعار وتجدوا كميات تداول كبيرة وأجانب نازلين يشتروا ... عندها ستكون فرصة جيدة للشراء لأن الأسعار ستكون مرشحة للارتفاع بعد انتهاء موجة الذعر واستقرار الأوضاع في البلد

استاذ احمد حضرتك قدمت شرح واف و كاف اتفق معك فى معظمه و احييك عليه بشده

و لكن هناك نقطه واحده اريد ان اتحدث فيها و هى انه حقيقى ان خسائر البورصه تكون خسائر غير فعليه الا اذا قام المستثمر فعلا ببيع اسهمه و بالتالى من لم يقم بالبيع فهو فى الحقيقه لم تصبه خساره فعليه

لكن من ناحيه اخرى هو سيقع تحت خسائر من نوع اخر و هم تكلفه الفرصه البديله عليه

و لو حسبها من هذه الناحيه بالتاكيد سيجد نفسه فى موقع خساره يضغط عليه للبيع للتعويض فى القنوات الاستثماريه الاخرى بالتاكيد هذا النوع من الخسائر لا يتحقق بشكل كبير فى الاجل القصير و لكنه يظهر فى الاجل المتوسط الى الطويل و هو بند يهم جدا المؤسسات الاستثماريه الواعيه استثماريا و ذات الاستثمارات الكبيره عن الافراد ذو الاستثمارات الالاقل حجما

و اغلاق البورصه خمس اسابيع بالتاكيد كان لها تكلفه فرصه بديله عاليه جدا على تلك المؤسسات

لذلك من الممكن ان نضيف الى الفئات التى ذكرتهم حضرتك و الذين سينوا البيع عند فتح البورصه هذه الفئه الجديده

حاجه تانيه يا جماعه لازم تاخدوا بالكوا منها جدا الى عايز يدخل البورصه علشان يدعمها زى ما قالوله و بالتالى مستعوض ربنا فى المبلغ الى هيحطه فيها دا قراره و نحترمه

لكن الناس الى عايزه تدخل للتجريب او تحقيق مكاسب و ليس لديها بعد اى خبره دا مش وقت دخول خالص استنوا اول ايام البورصه لغايه ما الامور تبان و تتضح او حطوها فى صندوق استثمارى و ريحوا نفسكوا

بلاش تعتمدوا دلوقتى على لا تحليل فنى و و لا اساسى لان الحدث اكبر من اى اى تغطيه ممكن يعملها اى تحليل لاى سهم و قرارات البيع و الشراء فى البدايات هتكون على اسس اخرى غير التحليل ممكن المخاوف او الاحتياجات او او استنوا لما تتضح الامور افضل

فى ناس ممكن تدخل و ممكن تعمل ارباح بس دى ناس فاهمه جدا فى البورصه و محتاجه قدر كبير من المغامره و كل ما زادت نسبه المغامره زادت ادامها نسبه الخطوره

خلينا فى المضمون افضل و اامن

[م تيمور المراغي]

وان كنت لا محالة فاعلا ,,

فاليكم الطريقة التالية ,,

يتم تقسيم السيولة الى خمسة اجزاء متساوية

حضرتك تختار السهم بناءا على شرط مكرر الربحية السابق شرحة

و تدخل بالجزء الاول من السيولة على سعر السوق ماركت

تعالوا ناخذ مثال بالارقام

لدينا 5000 جنيه مصري

وسعر سهم اسمنت سينا - كمثال دي مش توصية للشراء لكن حبا في سينا :happy: - قلنا سعر السهم 50 جنيه مصري ,,

حنشتري زي ما اتفقنا بالف جنيه مصري عدد 20 سهم لاسمنت سينا ,,

ونضع سعر البيع لجميع الكمية عند سعر 55 جنيه مصري ,,

لو السعر طلع ,, فبها ونعمت ونكون حققنا ربح 10% ونرجع نطلب السهم على نفس السعر تاني وهو 50 جنيه مصري ,,

اما لو السعر نزل الى 45 جنيه ,,

فندخل بمبلغ 1000 جنيه مصري تانيه ونطلب نفس السهم - وراه مش حنسيبه :happy: - على سعر 45 وده يدينا 22 سهم ,,

نعرض كامل الكمية على سعر 51 جنيه مصري ,,

لو السعر طلع نبيع كامل الكمية ويكون ربحنا = 132 + 20 = 152 جنيه مصري ,,

نرجع نطلب نفس السهم تاني عند سعر 50 جنيه ,,

طيب ,,

ماذا لو السعر نزل من 45 الى 40 جنيه ؟؟

ندخل بالقسم الثالث من السيولة ,,

ونشتري عدد 25 سهم على سعر 40 جنيه مصري ,,

وعشان ما وجعش راسكم هيا الاستراتيجيه كده كل ما سعر السهم نزل 5 جنيهات بندخل بجزء من السيولة والتي ستغطينا حتى هبوط السهم من سعر 50 جنيه حتى سعر 30 جنيه مصري ,,

طيب ماذا لو نزل السعر اكثر من ذلك ,,

وقتها نكون مطمأنين لان المتوسط السعري لكامل الاسهم اصبح 40 جنيها بدلا من 50 جنيها واحنا متفقين من البداية خالص ما تنسوش ان اختيارنا كان لشركة مكرر ربحيتها اقل من 14 ,,

فمعنى وصول سعر السهم الى اقل من 30 ان مكرر ربحيتها قد وصل الى اقل من 7 وهو مكرر ربحية غاية في الروعه لابد ان يستقطب سيولة هائلة عند اول تصحيح ,,

طيب لو ما استقطبش اي سيولة وواصل النزول - ده انت رخم اوي يا اخي - !!

خلاص نو بروبليما

نحط ااسهم في التلاجه

ونعمل حسابنا على ارباح سنوية مقدارها يساوي = عدد الاسهم مضروبا في الربح السنوي للسهم الواحد ومقداره 7 جنيهات

عدد الاسهم 125 سهم

يبقى مبلغ ال 5000 جنيه مصري اعطانا ربحا سنويا مقداره = 125 * 7 = 875 جنيه مصري تقريبا وهو ما يساوي 17% تقريبا من راس المال ,,

دي استراتيجية ان شاء الله تكون ممتازه للجميع

تقبلوا التحية ,,,

[se_ Elsyed]

تم تغيير العنوان للدلالة على محتواه الهام

[م تيمور المراغي]

ممكن اي حد ناوي يدخل قبل ما ينوي الدخول يكتب لنا هنا - بدون ذكر الاكوتي - الاسهم التي ينتوي شرائها ,, و خطة الادارة المالية ونسبة الدخول من راس المال التي ينتويها ,,

الخبراء في المنتدى ماشاء الله مدراء كبار و يقينا سيفيدوكم ,,

تقبلوا التحية ,,

[أسد]

مع بداية فتح البورصة .. ليس من المفترض على أي مستثمر أحد أن يبدأ بالشراء .. ليس هذا من المنطق

كما أشار الأخوة فيما سبق ..

عمليات الشراء التي ستتم بحجة دعم الإقتصاد

يقابلها بالمثل .. وبنفس الحجم .. عمليات بيع ..

لأنك حتشتري من واحد حيبيع

يعني إنت حتدخل .. وواحد تاني حيخرج

عمليات الشراء التي تدعم الإقتصاد .. هي عمليات الإكتتاب الجديدة ..

أما في الحالة الحالية .. فهي مساعدة للبعض بالخروج بأمواله المحجوزة في البورصة .. وحجز أموالك أنت

ومساعدة المضاربين المحترفين إلى معالجة أوضاعهم

أي نصيحة في هذا الإتجاه .. هي إما نصيحة غير مخلصة .. أو أنها غير صحيحة

[ozoozo]

ملخص ماسبق ان الطريقه العمليه الوحيده

هي الصناديق عن طريق البنوك

وكان في اقتراحات عشان الطوابير علي البنوك انها تكون عن طريق رقم زي زيرو تسعميه كده يخصم عليك 100 جنيه لصالح الصناديق مع اقتراح بعدم البيع لمده سنه

مع الاخذ في الاعتبار ان اللي دافع 100 جنيه ده مش عايز مكسب ولا حاجه انما كل هدفه المساعده

يبقي من الاخر لو بالطريقه دي نشتري ولا لأ ؟

والشراء ده لمجرد المساعده بس وليس المكسب

[أسد]

ملخص ماسبق ان الطريقه العمليه الوحيده

هي الصناديق عن طريق البنوك

وكان في اقتراحات عشان الطوابير علي البنوك انها تكون عن طريق رقم زي زيرو تسعميه كده يخصم عليك 100 جنيه لصالح الصناديق مع اقتراح بعدم البيع لمده سنه

مع الاخذ في الاعتبار ان اللي دافع 100 جنيه ده مش عايز مكسب ولا حاجه انما كل هدفه المساعده

يبقي من الاخر لو بالطريقه دي نشتري ولا لأ ؟

والشراء ده لمجرد المساعده بس وليس المكسب

أيوه ..

حتساعد مين ؟؟؟؟

حتساعد إللي عايز يبيع الأسهم بتاعته .. وانت اللي حتشتري

مباشرة .. أو من خلال صندوق

إنت حتشتري من واحد بيبيع

المساعدة تكون فقط .. فقط عند الإكتتاب ....

أما إذا زادت القوة الشرائية ..

فبالتالي ستكون المساعدة في رفع أسعار الأسهم

وبالتالي ..

ستكون المساعدة لمن يريد أن يخرج بأمواله أعظم .. أي أنك ساعدته لكي يبيع بسعر أفضل .. ويخرج بأموال أكثر

[ozoozo]

ملخص ماسبق ان الطريقه العمليه الوحيده

هي الصناديق عن طريق البنوك

وكان في اقتراحات عشان الطوابير علي البنوك انها تكون عن طريق رقم زي زيرو تسعميه كده يخصم عليك 100 جنيه لصالح الصناديق مع اقتراح بعدم البيع لمده سنه

مع الاخذ في الاعتبار ان اللي دافع 100 جنيه ده مش عايز مكسب ولا حاجه انما كل هدفه المساعده

يبقي من الاخر لو بالطريقه دي نشتري ولا لأ ؟

والشراء ده لمجرد المساعده بس وليس المكسب

أيوه ..

حتساعد مين ؟؟؟؟

حتساعد إللي عايز يبيع الأسهم بتاعته .. وانت اللي حتشتري

مباشرة .. أو من خلال صندوق

إنت حتشتري من واحد بيبيع

المساعدة تكون فقط .. فقط عند الإكتتاب ....

أما إذا زادت القوة الشرائية ..

فبالتالي ستكون المساعدة في رفع أسعار الأسهم

وبالتالي ..

ستكون المساعدة لمن يريد أن يخرج بأمواله أعظم .. أي أنك ساعدته لكي يبيع بسعر أفضل .. ويخرج بأموال أكثر

شكرا استاذي الفاضل علي التوضيح

يعني كده ال100 جنيه دي ببساطه افضل ليها ان تضخ في السوق المصري

يعني لو نزلت اشتريت بيها ارز ولا خضار من السوق المصري هاتكون افيد للاقتصاد

صح كده؟

طيب سؤال كمان هل تحويلاتنا ووضعها في الحسابات الشخصيه في مصر يفيد فعلا الاقتصاد حيث انها سيوله متوفره للدوله؟

[أسد]

طبعاً ... صرف لاأموال داخل مصر ... بالتأكيد يفيد الإقتصاد أكثر بكثير من استثمارها في البورصة

هذا لأن الأموال ستتداول من يد ليد عدة مرات .. وتتضاعف قيمتها بذلك

أما عن سؤالك الثاني بخصوص تحويل الأموال وإيداعها في البنك

بالتأكيد تفيد الإقتصاد المصري .. لأن هذا يزيد من السيولة المتاحة للبنوك .. وتجعلها في موقف أكثر أماناً .. ويزيد من الأموال الواردة إلى مصر .. حتى ولو وضعت في الإحتياطي أو تم إدخارها

إذا زادت الأموال بالنبوك .. والتي هي مصدرها الأساسي حسابات العملاء

سيكون بمقدور تلك البنوك أن تدعم المشروعات الإستثمارية الجادة .. أو تدعم إستثمارات الدولة .. سواء على مستوى البنى التحتية أو المشروعات الإنتاجية وذلكمن فائض الأموال المتوفر لديها .. وبالتالي سيكون هذا أمراً داعماً للإقتصاد

الحالة الوحيدة في تقديري التي قد لا تدعم الإقتصاد

هي أن تتم تحويل أموال إلى مصر .. وتخزينها تحت البلاطة .. أي في خزنة .. أو تحت البلاطة .. حتى ولو كانت تلك الخزينة في بنك

لأن تلك الأموال لن يتم الإستفادة منها بأي شكل من الأشكال

أي أنها عديمة الفائدة