هل نتقبل الاعتذار ؟ وهل نعتذر اذا لزم الأمر؟

[Salwa]

ربما كان هذا الموضوع غير حيوى للبعض لكن بصراحة بعد عديد من المواقف التى تمر علينا نجد ان الاعتذار يحكم ويتحكم فى كثير من امور حياتنا ...

يعنى مثلا لنبدأ ب......لو غلط فيك انسان واعتذر لك ...هل تتقبل الاعتذار بصدر رحب ؟؟.مجرد ابتسامة ولا تعطى اهمية للموضوع وتغير الحديث منعا لاحراج الطرف الآخر ؟..يعنى بمنتهى الشياكة والذكاء ؟؟..والا تبدأ العتاب ولا تكتفى باعتذار الطرف الاخر وفى هذا الكفاية ؟؟

ايضا لو كنت انت الغلطان هل تعتذر ؟؟ ام تضع عراقيل ....بحجة كرامتى ماتسمحليش ......!!

يعنى هل نعتذر اذا كنا باقيين على الطرف الاخر فقط ؟؟ ام اذا كنا واثقين اننا غلطنا والواجب يحتم علينا ان نعترف بالغلط .يعنى ايضا مسألة اخلاق وصدق مع النفس ...؟

طبعا سواء كان هذا الآخر زميل فى العمل او صديق او شريك حياة او حتى ابنك .....او حتى شخص غريب عنك وتتعامل معه من حين لاخر .....

طبعا الافضل عدم الوقوع فى اى خطأ حتى لا نضطر للاعتذار مثلا لكن .كيف؟.. نحن بشر ..

ما رأى اسرة المحاورات ؟؟

تحياتى ..

[Mohammad Abouzied]

فقط نقبل الاعتذار اذا كان الخطأ بدون قصد او عدم علم ولكن لو كان الخطأ متعمد لغرض ما في هذه الحالة يجب ان تكون لنا وقفه حازمة

[kfaya]

قبول الأعتذار من شيم الكرام ....

و الطمع فى كرم الرجال ..... خسة

و فى النهاية ... لكل حدث حديث .... بدون تفريط , أو تنبيط

[Cleo]

فقط نقبل الاعتذار اذا كان الخطأ بدون قصد او عدم علم ولكن لو كان الخطأ متعمد لغرض ما في هذه الحالة يجب ان تكون لنا وقفه حازمة

أنا شخصيا معروف عنى ان قلبى اسود جدا و لا أنسى الإساءة.... لكن لو العملية سهو أو خطأ غير مقصود فكما يقول أ/ محمد... ربنا لا تؤاخذنا غن نسينا أو أخطأنا... لكن لو الخطأ متعمد يبقى خلاص....

رميت الورد طفيت الشمع يا حبيبى و بينى و بينك هجر و غدر ha) mf(

[G.G]

لكن لو العملية سهو أو خطأ غير مقصود فكما يقول أ/ محمد... ربنا لا تؤاخذنا غن نسينا أو أخطأنا

بالنسبة اللي الخطأ الوحيد اللي غير مقصود هو أنه حد يدوس على صباع رجل حد في الزحمة ha)

و لا أعلم كيف يكون خطأ غير مقصود خلاف ذلك؟؟ هل مثلا كان منوم مغنطيسيا.. eey::

ممكن أتقبل الإعتذار..لكن لا أستطيع منع نفسي من اتخاذ القرارات.. يعني ربما يكون القلب سامح لكن العقل تعلم كيف يحتاط مستقبليا..

[Farah]

الاعتراف بالحق فضيله من هذا المنطلق فالاعتذار واجب لانه حق الانسان اللي اخطأت في حقه انا عن نفسي لا اجد اي احراج

في الاعتذار واعتذر حتي لاطفالي بالرغم ان بعض الناس مش بيقدروا حكاية الاعتذار دي

لو حد اخطأ واعتذر فاأنا بقبل الاعتذار بالنسبه لي ساعات بتاخذ وقت حتي انسي الاسيه بس ده ملهوش دعوه بقبول الاعتذار او عدمه

بعض الناس يربط ما بين قبول الاعتذار ونسيان الموضوع تماما في نظري النسيان تماما بياخد وقت

اما بالنسبه للعتاب لو اللي قدامي حيفهم العتاب بالمعني الحقيقي حعتبه اما لو كان من النوع اللي عاوز العتاب كامبرر او قلب الحقيقه فبريح نفسي ما بعتبش

[Farah]

G.Gكتب

بالنسبة اللي الخطأ الوحيد اللي غير مقصود هو أنه حد يدوس على صباع رجل حد في الزحمة 

و لا أعلم كيف يكون خطأ غير مقصود خلاف ذلك؟؟ هل مثلا كان منوم مغنطيسيا..

الخطأ وارد مع البشر وممكن يكون غير مقصود لسبب او اخر

غير التنويم المغناطيسي كأن يكون ناتج عن سؤ فهم او عدم فهم اسلوب شخصا ما

[Sherief AbdelWahab]

عندما أخطئ أكون أول من يعتذر..و أتقبل الاعتذار في معظم الحالات..دة لما بيعتذر لي حد ha)

خلص الكلام

[فــيــروز]

أيوه انا باعتذر بسهوله .. ويمكن اعتذر عمال على بطال لانى باحس بتانيب ضمير جدا لو حسيت انى ضايقت حد و ماعتذرتش mc(:

رد فعلى حيال اعتذار الآخرين لى يختلف من موقف لآخر .. يعنى لو موقف متكرر و صاحبه يعلم انه يضايقنى انا مش بالوم ولا اعاتب حتى لو لم يحدث اى اعتذار عن الموقف اللى ضايقنى .. واعطى صاحب هذا الموقف فرصه و اتنين و تلاته .. واما يسوء فيها و اوصل انا لمرحلة اللا عوده افاجئه بانهاء العلاقه تماما بصرف النظر عن اى تبريرات او اعتذارات .. على راى لطيفه "الموضوع منتهى" mf(

اما لو كان الموقف غير مقصود و حصلت على اعتذار الحقيقه بافرح بيه ty:) لانه بيدل على شجاعة الطرف الآخر و كمان لان ناس كتير دلوقت بقت تعتبر الاعتذار ضعف و قلة قيمه فلا تعتذر حتى لو كانوا هم البادئين ha)

[بنت شعنونة]

ايواااااااااااااااا

انا كنت عاوزة الموضوع دا جداااااااااااااااا

عشان بصراحا انا لو فركشت ها يبقى هوا دا سبب فركشتي

دلوقتي خطيبي عصبي جداااااااااااااااااااااااااا

بطريقة بشعه

بس هوا بيمسك نفسه معظم الوقت

وققققققققممممممة الأستثارة له انك تنقده على خطأ ما حتى لو هوا عارف انه فيه

ساعتها بيبقى عامل زي القنبلة الموقوتة

تفرقع في وشك ما تعرفش الكلام جايلك منين

ومع اني نبهته للموضوع دا كذا مرة وان كرامتي غالية علية

انما مافيش فايدة

وممكن يزعق في الشارع ويكون صوته عاااااااااااااالي جدااااااا

ولا الهوا

ولما يجي يعتذر اوقات بعديها واوقات تصعب عليا نفسي اوي قصاد حتة كلمة "اسف"

يعني اتبهدل والناس تتفرج عليا ويجي يقولي اسف!!!!!!

المشكلة ان كلمة اسف دي عنده كبيرة اوووووووووي

يقولها 3 مرات بعد كدا الدنيا تتقلب عليا ويكمل خناق ويقول انه مش عامل حاجا غلط عشان يعتذر!!!! مع انه من ثوان كان بيعتذر عنها!!!!! :angry:

وانا لما بزعله بفضل احاااااااااااايل فيه مليون مرة

مع انه والحق يقال بيسامحني مع اول كلمة اسسف

وكل مرررررررة يحاسبني اني مش زيه بسامح على طول

طب اعمل ايييييييييه؟؟؟؟

فيه مصايب بيعملها كلمة اسسسسسف فيها مش بتعمل حاجا في الجرح اللي جوايا؟؟

طب يبقى ايه الحل؟ :angry:

[se_ Elsyed]

أنا عن نفسي أتقبل الإعتذار بكل سهولة وأصفح عمن أساء إلي وصافي يا لبن ... لكن كوني أعتذر لحد صراحة بكلمة أنا أسف وحقك علي .. بتبقى صعب جداً بل من المستحيلات ولكنني أُفضل أن أُعبر عن هذا بالفعل ... أنا بأعترف إن ده خطأ طبعاً لكن هانعمل إيه بقى في الامخاخ اللي ساعات بتبقى متركبة شمال ...

[se_ Elsyed]

فيه مصايب بيعملها كلمة اسسسسسف فيها مش بتعمل حاجا في الجرح اللي جوايا؟؟

طب يبقى ايه الحل؟ :angry:

معليش يا شعنونة .. نصيحة من اخ ... صعب تلاقي رجل مش عصبي .. ودرجة العصبية بتتفاوت .. مش معنى كده إن ده بقى شيء أساسي أو إنك لازم تلاقي الرجل من دول بيشد في شعره وبيشوط في اللي قدامه .. لكن لابد ان نعترف بإن درجة تحمل ضغوط الحياه عند المرأه أكثر من الرجل .. وعلى سبيل المثال .. تخيلي لو إن الرجل عنده اطفال صغار بيرعاهم في غياب امهم بالتاكيد كنتي هاتلاقي شهر والتاني كل واحد خانق عياله او راميهم من البلكونة .

هذا كان إستهلال لابد منه ( يا ترى انت فين يا أستاذ عادل :angry: )

- طب نيجي بقى لموضوع العصبية في فترة الخطوبة .. فذلك له شقين أحدهما إيجابي والاخر سلبي :

* الإيجابي : هو أن هذا الشخص يتصرف بطبيعته ولا يتكلف في تصرفاته أو يُظهر عكس ما يبطن .

* السلبي : إذا كان لا يستطيع ان يتحكم في نفسه أثناء عصبيته وتتطور الامور إلى ان يجرح الذي امامه .

وبالنسبة لحالتك فإن المصارحة مطلوبة يا شعنونة يعني لو الحياة هاتستمر على كده هاتبقى صعبة وصعبة جداً .. اما إذا كان هايعدل من سلوكه وهايتحكم في نفسه عند الغضب فهذا مؤشر جيد على حرصه على إستمرار الحياة الزوجية التي بدأها .

[Ahmed Mohsen]

يا سلام عليك يا س س .... أستاذ ورئيس قسم نفساوي قد الدنيا :angry:

بس أنا عايز أضيف نقطة كمان ...

بما إني أنا كمان عصبي جدا(بس من النوع اللي بيحتاج وقت عشان يتعصب - يعني مش بتعصب من أول غلطة)

أكيد يا شعنونة يا أختي إنتي بتعملي حاجة تعصبه ... مهما كانت صغيرة في نظرك ... بس أهي بتعصبه.

يبقي لازم إنتي كمان تبقي صريحة مع نفسك وتحاولي إنك تاخدي بالك من الحاجات اللي بتعصبه دي.

ونصيحة كمان ... البنت الشاطرة ممكن تخلي أي راجل مهما كان عصبي زي الطفل الصغير الهادي.

بتقوليلي إزاي؟؟

كل راجل في الدنيا مهما كان عصبي عنده نقطة في شخصيته لو قدرتي تعرفيها وتفهميها هاتعرفي تخليه عمره ما يتعصب عليكي.

يعني إنتي وشطارتك ... ولو ما كونتيش قادرة تعرفيها بنفسك ... شوفي أكتر واحد من أصدقائه (حتي لو كانت بنت، مش مهم) هو بيستريحله وأكيد هايبقي عارف النقطة دي.

تم تعديل 13 سبتمبر 2004 بواسطة Ahmed Mohsen

[MuslimaEgyptian]

الأخت العزيزه شانا،

ربما يساعدك أن نرجع لأصل الأشياء لكى توضح لنا الأمور وتعيننا على أخذ القرار إن شاء الله...وما أعنى بذلك هو تقييمك وتقييم أهلك لخلقه ودينه. إن كان ذو خلق حميد.. ودين لكى يرعى الله فيكى ..وإن كان قد تحقق القبول النفسى، ..فأى شئ بعد ذلك - كطباع وهكذا- لن يكون الإنسان فيه كاملا وكما يقال، إن كنت كاملا، فلك كل الحق أن تتوقع من الآخرين الكمال.

ولازم تتنازلى بعض الشئ لكى يتحقق ما نحن مطالبون به لإكمال نصف الدين وكما يقول الرسول عليه الصلاه والسلام، من رغب عن سنتى فليس منى..وليكن هذا حافزا هذه المره لكى تخرجى عاجلا إن شاء الله من هذه الدائره المرهقه التى لا نهايه لها وتحول بينك وبين الوصول الى مرحله الزواج والإستقرار.

إذن..لو كانت العصبيه لا تصل لدرجه الإهانه بكل ما تعنيه هذه الكلمه من سب وتحقير لذاتك كفتاه مسلمه كرمها الله، فتحدثى معه عما يضايقك وإتفقوا سويا على طريقه تريحكم تتعاملون خلالها مع الأمور التى تثير عصبيته..وتناقشوا فى أصل الأمور التى تثير العصبيه، فقد تكون عصبيته معلقه فقط بنقاط محدده..

ولا تنسى صلاه الإستخاره، فما خاب من أستشار الخالق والله هو خير معين أولا وأخيرا وسأدعو لك من كل قلبى أن يبارك لك فى هذه الخطبه إن كانت زياده لك فى كل خير إن شاء الله...

فرحينا بقى :angry: