انا كرهت حرب اكتوبر

[عنبو]

السلام عليكم ورحمة الله وبركاته

تحيه طيبه وبعد

طبعاً الموضوع واضح من عنوانه انا والله العظيم يا جماعه وصلت لمرحله انى كرهت حرب اكتوبر

كل شويه واحد يدخل يقولنا انا حربت فى حرب اكتوبر انا ليا تاريخ انا انا انا انا

امس فى برنامج مصر انهارده الدكتور شفيق بيقول للدكتور علاء الاسوانى انا ليا تاريخ

انا كنت بحارب وانت نايم فى بيتك انا ليا تاريخ

وطبعاً مبارك قعد يزل فى اهلنا حوالى 30 سنه علشان حارب فى اكتوبر

طيب يعنى انتوا كنتوا بتحاربوا لوحدكم ؟

امال ابهاتنا كانوا بيعملوا ايه فى الحرب يعنى ؟ كانوا بيلعبوا صلح يعنى

طيب دول فيه منهم اللى مات وفيه منهم اللى فضلت الحرب مؤثره عليه لحد لما مات طبيعى

بجد انا كرهت حرب اكتوبر كل لما نكلم واحد وننتقده يقولك انا حاربت فى 73

انا مش عارف هنلاقيها منين ولا منين

ايه العقيده دى

رجال الشرطه يقولوا احنا اسيادكم علشان بنحميكم

واللى حارب فى 73 عاوز يزل فى اهلنا علشان حارب

وتسمع بقى واحد يقول انا قدمت للبلد وضحيت علشان البلد

مهو بنفس المنطق ده انا كل واحد هخليه يشرب مياه صحيه ونظيفه هزل اهله وكل شويه هقوله لولا انى صممت ليك المحطه كنت مت

بالفشل الكلوى

ولا الطبيب اللى يعمل عمليه لواحد وينقذ حياته يزله بقى ويستعبده بقى

مهو كلنا بنحارب كلاً فى مجاله فى الوقت اللى سيادته كان فى الجبهه كان الطبيب فى عيادته بيداوى الناس

والمدرس بيعلم الطلبه والتاجر بيبع والسباك بيصلح وكل واحد بيؤدى عمله

عن جد منطق غريب اللى هما بيتكلموا به

ينعل ام اللقمه اللى هتزل صاحبها الناس دى لازم تعرف انها مش هى بس اللى بتحاب

اذا كان هما حاربوا فى 73 بس احنا كل يوم فى حرب

الشعب المصرى كل يوم فى حرب سواء فى طابور العيش ولا فى زحمة المواصلات ولا بيخلص خدمه من مصلحه حكوميه

ولا بيشتغل فى عمله

كل واحد لازم يعرف انه مش بيقدم جميل لحد لما يعمل واجبه

..........................................يتبع

عنبو

تم تعديل 3 مارس 2011 بواسطة عنبو

[م تيمور المراغي]

حلو التوبيك يا عنبو ,,

ولي عودة لما اسخن شوية ,, :happy:

[أحمد سيف]

الله ينور عليك يا عنبو

تستاهل والله حته خضره على الموضوع الجامد ده بس لما يشحنوا رصيدي ثاني

بالمناسبه ايام جيشي كنت بتكلم مع القائد بتاعي وكان برتبة عقيد عن الموضوع ده

وقلت له من ضمن اللي قلته: أول عسكري رفع علم مصر على سيناء في حرب اكتوبر خذ له 500 رصاصه وتلاقي أهله بيشحتوا دلوقت

واللي كان قاعد في اوضه مكيفه تحت الأرض بقى رئيس الجمهوريه

رد عليا قالي ما هو كان متحمل المسؤولية

قلت له ما اللي قبله برضه اتحمل المسؤولية وودانا في داهيه ايه اللي حصل ... الشعب طلع يهتف له

وعجبي

[arkan]

كل واحد شايف ان لولا دوره ووجوده كنا متنا

الادوار تكاملية ولا غنى لأحد عن الاخر

الكناس له فضل على الرئيس

وبعدين اللى حارب وبيذل اهلنا دلوقتى خد تمن ده من قوتنا

خد مناصب ومكاسب ولنا الفتات ان وجد

وان كنت لا اشكك في وطنية احد بس هو عمل واجبه مش فضل ولا منة ولما حصل على مكاسب بعد كده يبقى يحمد ربنا اننا سمحنا له

ان نفسي الناس دى تقارن نفسها بالخلفاء الراشدين بعد الخلافة محاسبة لانفسهم شديدة وخوف من التقصير وقيام بالواجب وزيادة

يطلع سيدنا عمر يتعسس بالليل مقالش ده مش دورى ده دور الشرطة

كان بيقول لو رأيتم اعجوجاجا قوموني يقوم يقول الرجل لو راينا فيك اعوجاجا لقومناك بسيوفنا ويحمد سيدنا عمر ربنا على وجود امثال ذلك الرجل

احنا مش عايزين سوى انهم يقوموا بدورهم على الوجه الصحيح النزية وياخدوا ثمن ذلك مش قادرين غيرهم يقدر

[عنبو]

architect

مرسلة اليوم, 09:05 AM

حلو التوبيك يا عنبو ,,

ولي عودة لما اسخن شوية ,,

فى انتظارك يا صديقى العزيز

أحمد سيف

مرسلة اليوم, 09:13 AM

الله ينور عليك يا عنبو

تستاهل والله حته خضره على الموضوع الجامد ده بس لما يشحنوا رصيدي ثاني

بالمناسبه ايام جيشي كنت بتكلم مع القائد بتاعي وكان برتبة عقيد عن الموضوع ده

وقلت له من ضمن اللي قلته: أول عسكري رفع علم مصر على سيناء في حرب اكتوبر خذ له 500 رصاصه وتلاقي أهله بيشحتوا دلوقت

واللي كان قاعد في اوضه مكيفه تحت الأرض بقى رئيس الجمهوريه

رد عليا قالي ما هو كان متحمل المسؤولية

قلت له ما اللي قبله برضه اتحمل المسؤولية وودانا في داهيه ايه اللي حصل ... الشعب طلع يهتف له

وعجبي

فعلا يادكتور انا مش عارف يعنى ايه متحمل المسؤليه ؟ طيب هنحاسبه ازاى يعنى لما يعمل كارثه ؟

هنخصم من مرتبه ولا هنقلل الحافز بتاعه ؟ مهو لازم اللى يتحمل المسؤليه يكون عنده ضمان نقدر ناخد منه حقنا لما يعمل كارثه

زى اللى حصل فى 67 و73 كمان على حسب شهادة الفريق الشاذلى رئيس الاركان الاسبق

مهو مش معقول واحد يموت 80 الف واحد بسبب هبله وتيجى تقولى حاسبه طيب دانا حتى لو سبته للناس تاكله من هيكفى ؟

يعنى ايه السادات يرفض يسمع للشاذلى للقضاء على الثغره وكانت النتيجه اننا نقعد مع اسرائيل للسلام

ولكن بشروط اسرائيليه وليست مصريه لانهم كانوا فى موقف قوى بسبب محاصرتهم للجيش الثانى ( لا اتذكر ) فى سيناء

طيب مين المسؤل عن المهازل دى ؟ وهنحاسبهم ازاى ؟

يعنى ايه نسبة سرطان الاطفال فى مصر تبقى اعلى نسبه فى العالم طيب هنحاسب مبارك ازاى ؟ وهل قتله هيعمل ايه ؟

arkan

مرسلة اليوم, 09:13 AM

كل واحد شايف ان لولا دوره ووجوده كنا متنا

الادوار تكاملية ولا غنى لأحد عن الاخر

الكناس له فضل على الرئيس

وبعدين اللى حارب وبيذل اهلنا دلوقتى خد تمن ده من قوتنا

خد مناصب ومكاسب ولنا الفتات ان وجد

وان كنت لا اشكك في وطنية احد بس هو عمل واجبه مش فضل ولا منة ولما حصل على مكاسب بعد كده يبقى يحمد ربنا اننا سمحنا له

ان نفسي الناس دى تقارن نفسها بالخلفاء الراشدين بعد الخلافة محاسبة لانفسهم شديدة وخوف من التقصير وقيام بالواجب وزيادة

يطلع سيدنا عمر يتعسس بالليل مقالش ده مش دورى ده دور الشرطة

كان بيقول لو رأيتم اعجوجاجا قوموني يقوم يقول الرجل لو راينا فيك اعوجاجا لقومناك بسيوفنا ويحمد سيدنا عمر ربنا على وجود امثال ذلك الرجل

احنا مش عايزين سوى انهم يقوموا بدورهم على الوجه الصحيح النزية وياخدوا ثمن ذلك مش قادرين غيرهم يقدر

المشكله يا مدام اركان ان الناس دى فاكره نفسها انهم اصحاب فضل علينا

ونسيوا ان اساسا اللى بيدفع ليهم المرتبات بتاعتهم هم المصريين

نسيوا ان الميزانية بتعت مصر متعمده اعتماد اساسا على المغتربين ؟

نسيوا الضرايب اللى بيدفعها الشعب

انا مش عارف فضل ايه اللى بيتكلموا عنه ؟ يعنى هما اللى كانوا بيحاربوا لوحدهم

ده مافيش شارع فى مصر الا وفيه واحد على الاقل اتصاب فى الحرب

حاجات كتيره قوى لازم تتغير ولازم يعرفوا انهم موظفين شانهم شان اى موظف كل واحد بيؤدى واجبه

[عبد الله غريب]

طيب لما الموضوع متعلق بنقد الشخص الذي يستغل اشتراكه في حرب اكتوبر، و ليس نقد للحرب ذاتها، لذلك أرجو من صاحب الموضوع الفاضل أستاذ عنبو، و من بعده الأخوة المشرفين الموافقة على تغيير عنوان الموضوع لما يحمله من دلالات غير طيبة.

تم تعديل 3 مارس 2011 بواسطة عبد الله غريب

[عنبو]

طيب لما الموضوع متعلق بنقد الشخص الذي يستغل اشتراكه في حرب اكتوبر، و ليس نقد للحرب ذاتها، لذلك أرجو من صاحب الموضوع الفاضل أستاذ عنبو، و من بعده الأخوة المشرفين الموافقة على تغيير عنوان الموضوع لما يحمله من دلالات غير طيبة.

استاذ عبدالله غريب مع احترامى لشخصك الكريم الا اننى مش عاوز ادخل فى مناقشات حول ليه انا اخترت اسم الموضوع كده

الموضوع ابسط من كده لما تلاقى واحد عمل معاك جميل ويقعد كل شويه يزل فيك ويقولك فاكر لما عملت كذا فاكر

انت هترد عليه وتقوله ياعم انا كرهت ام الجميل ده او المعروف يعنى

طيب اذا كان اساسا انت مش شايف الجميل ده ومش حاسس به وحاسس انه اتضحك عليك لما اتقالك انه جميل هتعمل ايه ؟

تحياتى

عنبو

[Alshiekh]

متشكرين لكل اللى كرهوا حرب اكتوبر علشان كرهوا شفيق

لكن حرب اكتوبر لم تكن شفيق ولا مبارك ولا الشاذلى

ياريت تراعوا ان فى ناس معاكوا هنا كانوا فى حرب اكتوبر فى المواجهة مع العدو

ناس لملمت اشلاء زمايلها ولفلفتها فى بطاطين كل خمسة ستة مع بعض علشان مكنوش عارفين حتت اللحم اللى لملموها بتاعة مين فيهم

راعوا ان فى ناس ادفنت فى مقابر الشهداء بصورة جماعية لانهم مكنش ينفع يتسلموا لاهاليهم مفتفتين

أكرهوا شفيق زى مانتوا عايزين واكرهوا مبارك زى مانتوا عايزين وحبوا الشاذلى واكاذيبه زى مانتوا عايزين

بس ياريت تسيبوا اكتوبر واللى حاربوا فى اكتوبر واللى راحوا فى اكتوبر واللى اصيبوا بعجز فى اكتوبر فى حالهم لان مفيش حد منهم خد حاجة ، حتى كلمة الشكر ماأخدناهاش.

وكفاية عليكوا حرب النجوم على الكمبيوتر حققوا فيها انتصاراتكم بس سيبوا اكتوبر فى حالها.

[ابو محمد بن مصطفي]

متشكرين لكل اللى كرهوا حرب اكتوبر علشان كرهوا شفيق

لكن حرب اكتوبر لم تكن شفيق ولا مبارك ولا الشاذلى

ياريت تراعوا ان فى ناس معاكوا هنا كانوا فى حرب اكتوبر فى المواجهة مع العدو

ناس لملمت اشلاء زمايلها ولفلفتها فى بطاطين كل خمسة ستة مع بعض علشان مكنوش عارفين حتت اللحم اللى لملموها بتاعة مين فيهم

راعوا ان فى ناس ادفنت فى مقابر الشهداء بصورة جماعية لانهم مكنش ينفع يتسلموا لاهاليهم مفتفتين

أكرهوا شفيق زى مانتوا عايزين واكرهوا مبارك زى مانتوا عايزين وحبوا الشاذلى واكاذيبه زى مانتوا عايزين

بس ياريت تسيبوا اكتوبر واللى حاربوا فى اكتوبر واللى راحوا فى اكتوبر واللى اصيبوا بعجز فى اكتوبر فى حالهم لان مفيش حد منهم خد حاجة ، حتى كلمة الشكر ماأخدناهاش.

وكفاية عليكوا حرب النجوم على الكمبيوتر حققوا فيها انتصاراتكم بس سيبوا اكتوبر فى حالها.

تسلم ايديك

تحيه لكل من شارك في حرب اكتوبر المجيدة

وتحية للشعب المصري صاحب التضحيات في كل الاوقات

[م تيمور المراغي]

لك كل الحق محمد بك ان تحكي وتتحاكي بالساعات الطوال عن اكتوبر و ابطال اكتوبر وشهداء اكتوبر العظام ,,

ولكن فلتسمح لي بتوجيه العتاب الرقيق اليكم ,,

اولا انا والدي هو رائد طيار مقاتل / عبد المنعم المراغي كان احد ابطال حرب اكتوبر مثلكم ,,

اشتبك واشترك من اول يوم في الحرب - ومن قبلها في حروب الاستنزاف - اشترك من اول يوم حتى ثغرة الدفرسوار الشهيرة عندما كانت مهمته نقل السلاح والذخيرة بطائرته الهليكوبتر الى الجيش الثاني المحاصر عبر اختراق الجيش الاسرائيلي ثم العودة بالجرحي واجساد الشهداء عبر الطيران المنخفض جدا وهكذا 11 عشر مرة متتالية سقط فيها زملائه امام عينيه الواحد تلو الاخر ,,

والدي يحمل نيشان قلده اياه الرئيس انور السادات بحضور اللواء طيار حسني مبارك والرئيس جعفر نميري هو وثلاثة من زملائه- اعرف منهم المخرج سعيد سنبل ولدي صورهم اثناء التكريم في مصر - تبقوا هم فقط بعد استشهاد زملائهم الخمسين ,,

عذرا على الاستطراد ,,

لكن رجاءا حارا والتماسا من سيادتكم ان لا تتعرض بالهمز لشباب الثورة الذين جاؤوا بالنصر والحرية والكرامة لمصر سلما وكانوا لو تاخر الامر قادرين على ان ياتوا بها تضحية وفداءا وحربا لا تقل شجاعتهم ولا ضرواتهم في القتال عن آبائهم واجدادهم لان الدم الحر الحار ليس حكرا على جيل دون جيل بل ازيد انهم فعلوا ما عجز عن فعله جيل والدي وجيلكم من قبل ,,

نتحد سيدي نتحد ,,

لا نشتبك ,,

[fatfouta]

إكره شفيق إكره مبارك وكل اللى عاوزين يقصروا حرب اكتوبر عليهم هما وبس

لكن ماينفعش نقول ان احنا بنكره حرب اكتوبر يا عنبو

ده العالم كله احترمنا لما قومنا بحرب اكتوبر نقوم نيجى دلوقتى نقول الكلام ده

ونقتصر حرب اكتوبر على ناس ذى دى.....لأ طبعا انا مش معاك

يا ريت كمان تغير عنوان الموضوع لحاجة تانى الواحد مايتخضش لما يشوفها كده

على فكرة فاكر توقيعك القديم (أختلاف الرأى لا يفسد للود قضية)

ودى وجهة نظرى (وش لماضة حبيبتى)

تحياتى يا عنبو

[م تيمور المراغي]

إكره شفيق إكره مبارك وكل اللى عاوزين يقصروا حرب اكتوبر عليهم هما وبس

لكن ماينفعش نقول ان احنا بنكره حرب اكتوبر يا عنبو

ده العالم كله احترمنا لما قومنا بحرب اكتوبر نقوم نيجى دلوقتى نقول الكلام ده

ونقتصر حرب اكتوبر على ناس ذى دى.....لأ طبعا انا مش معاك

يا ريت كمان تغير عنوان الموضوع لحاجة تانى الواحد مايتخضش لما يشوفها كده

على فكرة فاكر توقيعك القديم (أختلاف الرأى لا يفسد للود قضية)

ودى وجهة نظرى (وش لماضة حبيبتى)

تحياتى يا عنبو

وما ينفعش برضوا يا فتفتوته كل خمس دقايق حد يقول على شباب الثورة انهم بيلعبوا حرب النجوم ولا مناضلين الكيبورد ولا الهمز واللمز المتواصل من اناس نجلهم ونكبرهم ونحترمهم لكن نختلف معهم في وجوب تقديم كل الاحترام والتقدير للثورة وشباب الثورة وشهداء الثورة الذين وقف المتحدث الرسمي للمجلس الاعلى للقوات المسلحة وادى التحية العسكرية لهم ,,

كان واجب عليكي يا غالية زي ما تحفظتي على جملة( كرهت اكتوبر )ان تتحفظي ايضا على جملة( حرب النجوم ) ,,

تحيتي يا استاذة ,,

[عنبو]

Mohammad

مرسلة اليوم, 10:38 AM

متشكرين لكل اللى كرهوا حرب اكتوبر علشان كرهوا شفيق

لكن حرب اكتوبر لم تكن شفيق ولا مبارك ولا الشاذلى

ده جزء من كلامى ارجوك اقرأه

طيب يعنى انتوا كنتوا بتحاربوا لوحدكم ؟

امال ابهاتنا كانوا بيعملوا ايه فى الحرب يعنى ؟ كانوا بيلعبوا صلح يعنى

طيب دول فيه منهم اللى مات وفيه منهم اللى فضلت الحرب مؤثره عليه لحد لما مات طبيعى

ياريت تراعوا ان فى ناس معاكوا هنا كانوا فى حرب اكتوبر فى المواجهة مع العدو

ناس لملمت اشلاء زمايلها ولفلفتها فى بطاطين كل خمسة ستة مع بعض علشان مكنوش عارفين حتت اللحم اللى لملموها بتاعة مين فيهم

راعوا ان فى ناس ادفنت فى مقابر الشهداء بصورة جماعية لانهم مكنش ينفع يتسلموا لاهاليهم مفتفتين

اولاً حضرتك انا والدى حارب فى 73 وفضلت الحرب مؤثره عليه لحد لما توفاه الله فانا عارف كويس قوى الكلام اللى حضرتك بتقوله

ثانياً : لازم نفصل بين الحرب و الشهداء من جهه وبين النتائج المترتبه على الحرب من جهه اخرى

يعنى انا لما بقول انا بكره نكسة 67 ليس معنى ذلك انى بكره شهداء 67 الموضوع مختلف تماما ولا الشهداء بس كانوا فى 73 !!

ثالثا : انا وضحت للاخ الفاضل عبدالله غريب ليه انا اخترت الاسم ده

أكرهوا شفيق زى مانتوا عايزين واكرهوا مبارك زى مانتوا عايزين وحبوا الشاذلى واكاذيبه زى مانتوا عايزين

احنا مبنكرهش مبارك او شفيق او اى واحد علشان حارب احنا بنكره اللى يقعد يمن علينا بانه ادى واجبه لان كلنا بنؤدى واجبنا

اما بالنسبه لاكاذيب الشاذلى زى ما وصفته فاتفضل اثبت ان كلامه كذب وكلنا اذان صاغيه

بس ياريت تسيبوا اكتوبر واللى حاربوا فى اكتوبر واللى راحوا فى اكتوبر واللى اصيبوا بعجز فى اكتوبر فى حالهم لان مفيش حد منهم خد حاجة ، حتى كلمة الشكر ماأخدناهاش.

قولت قبل كده هناك فرق بين حرب اكتوبر كحرب وكشهداء وكابطال وبين نتائج الحرب السياسيه؟

وزى لما قولت انا مش بيفرق بين اللى استشهد فى 67 وبين اللى استشهد فى 73

انا بتكلم عن الحرب من الناحيه السياسييه وايه هى نتائج الحرب ؟

وكفاية عليكوا حرب النجوم على الكمبيوتر حققوا فيها انتصاراتكم بس سيبوا اكتوبر فى حالها.

بصرف النظر عن اسلوب السخريه ولولا فرق السن كنت رديت عليك بنفس اسلوبك

بس احب اقول لحضرتك حاجه ان الحرب ليست غايه ولكنها وسيله لتحقيق مكاسب على ارض الواقع

اذا خضت حرب ومعرفتش تحقق مكاسب على ارض الواقع يبقى ملهاش لازمه الحرب

تحياتى

عنبو

[عبد الله غريب]

نتحد سيدي نتحد ,,

لا نشتبك ,,

نعم نتحد .. و نتفق على أنه لا خلاف على حرب اكتوبر .. كما أنه لا خلاف على الثورة ..

و عليه فعنوان الموضوع غير مناسب ..

بجد أتمنى أخي أستاذ عنبو تطلب من الإدارة تغييره ..

[fatfouta]

إكره شفيق إكره مبارك وكل اللى عاوزين يقصروا حرب اكتوبر عليهم هما وبس

لكن ماينفعش نقول ان احنا بنكره حرب اكتوبر يا عنبو

ده العالم كله احترمنا لما قومنا بحرب اكتوبر نقوم نيجى دلوقتى نقول الكلام ده

ونقتصر حرب اكتوبر على ناس ذى دى.....لأ طبعا انا مش معاك

يا ريت كمان تغير عنوان الموضوع لحاجة تانى الواحد مايتخضش لما يشوفها كده

على فكرة فاكر توقيعك القديم (أختلاف الرأى لا يفسد للود قضية)

ودى وجهة نظرى (وش لماضة حبيبتى)

تحياتى يا عنبو

وما ينفعش برضوا يا فتفتوته كل خمس دقايق حد يقول على شباب الثورة انهم بيلعبوا حرب النجوم ولا مناضلين الكيبورد ولا الهمز واللمز المتواصل من اناس نجلهم ونكبرهم ونحترمهم لكن نختلف معهم في وجوب تقديم كل الاحترام والتقدير للثورة وشباب الثورة وشهداء الثورة الذين وقف المتحدث الرسمي للمجلس الاعلى للقوات المسلحة وادى التحية العسكرية لهم ,,

كان واجب عليكي يا غالية زي ما تحفظتي على جملة( كرهت اكتوبر )ان تتحفظي ايضا على جملة( حرب النجوم ) ,,

تحيتي يا استاذة ,,

تعرف كتبت لك رد طوووووويل بس بعد خبر اقالة احمد شفيق مسحته تانى

ومش هرد عليك

[عنبو]

مهندس تيمور

اولا انا والدي هو رائد طيار مقاتل / عبد المنعم المراغي كان احد ابطال حرب اكتوبر مثلكم ,,

اشتبك واشترك من اول يوم في الحرب - ومن قبلها في حروب الاستنزاف - اشترك من اول يوم حتى ثغرة الدفرسوار الشهيرة عندما كانت مهمته نقل السلاح والذخيرة بطائرته الهليكوبتر الى الجيش الثاني المحاصر عبر اختراق الجيش الاسرائيلي ثم العودة بالجرحي واجساد الشهداء عبر الطيران المنخفض جدا وهكذا 11 عشر مرة متتالية سقط فيها زملائه امام عينيه الواحد تلو الاخر ,,

ياريت نسمع رأى الاستاذ محمد عن الثغره اصل لو قال كلام غير كده يبقى الفريق الشاذلى والرائد عبدالمنعم كذابين !!!

لكن رجاءا حارا والتماسا من سيادتكم ان لا تتعرض بالهمز لشباب الثورة الذين جاؤوا بالنصر والحرية والكرامة لمصر سلما وكانوا لو تاخر الامر قادرين على ان ياتوا بها تضحية وفداءا وحربا لا تقل شجاعتهم ولا ضرواتهم في القتال عن آبائهم واجدادهم لان الدم الحر الحار ليس حكرا على جيل دون جيل بل ازيد انهم فعلوا ما عجز عن فعله جيل والدي وجيلكم من قبل ,,

نتحد سيدي نتحد ,,

لا نشتبك ,,

مع احترامى لكل اللى حارب اللى منهم والدى الله يرحمه ونقبل رؤسهم وايديهم ومافيش اى مشاكل ولا خلاف على ذلك

ولكن انا هنا بتكلم من ناحيه تانيه خالص بتكلم ايه هى نتايج الحرب اوكيه حاربنا وناس قدمت تضحيات تمام على عينى وراسى

ولكن ايه هى النتيجه ؟ ده اللى انا بتكلم فيه ؟

دلوقتى لو ثورة 25 يناير فشلت هنقول والله كانت ثوره كويسه وكان فيها محاولت ممتازه وكان فيها شهداء وشباب زى الورد

وبنات بروح الرجاله بس مش هنقدر نقول انها نجحت لاننا كده نبقى بنضحك على نفسنا

العبره بالنتائج والمكاسب اللى حصلت عليها سواء من خلال الحرب او الثوره

لان ده كله وسائل لتحقيق المكاسب اذا حرب بدون مكاسب على ارض الواقع يبقى ملهاش لازمه

ده رأى

fatfouta

مرسلة اليوم, 11:14 AM

إكره شفيق إكره مبارك وكل اللى عاوزين يقصروا حرب اكتوبر عليهم هما وبس

لكن ماينفعش نقول ان احنا بنكره حرب اكتوبر يا عنبو

ده العالم كله احترمنا لما قومنا بحرب اكتوبر نقوم نيجى دلوقتى نقول الكلام ده

ونقتصر حرب اكتوبر على ناس ذى دى.....لأ طبعا انا مش معاك

يا ريت كمان تغير عنوان الموضوع لحاجة تانى الواحد مايتخضش لما يشوفها كده

على فكرة فاكر توقيعك القديم (أختلاف الرأى لا يفسد للود قضية)

ودى وجهة نظرى (وش لماضة حبيبتى)

تحياتى يا عنبو

يا فتفوته لازم نفصل بين الحرب وبين نتائج الحرب الحرب على عينا وراسنا ولكن نتائج الحرب احنا لسه عايشين فيها لحد دلوقتى

على فكره ده مش كلامى ده كلام الفريق الشاذلى العقل المدبر لحرب اكتوبر اساسا

عبد الله غريب

مرسلة اليوم, 11:27 AM

architect, on 03 March 2011 - 11:10 AM, said:

نتحد سيدي نتحد ,,

لا نشتبك ,,

نعم نتحد .. و نتفق على أنه لا خلاف على حرب اكتوبر .. كما أنه لا خلاف على الثورة ..

و عليه فعنوان الموضوع غير مناسب ..

بجد أتمنى أخي أستاذ عنبو تطلب من الإدارة تغييره ..

يا جماعه ياريت نعرف ان الحرب وسيله وليست غايه يعنى انا بحترم وباقبل ايادى كل من شارك فى حرب اكتوبر

ولكنى غير راضى تماما عن نتائج الحرب

تحياتى

عنبو

[شرف الدين]

متشكرين لكل اللى كرهوا حرب اكتوبر علشان كرهوا شفيق

لكن حرب اكتوبر لم تكن شفيق ولا مبارك ولا الشاذلى

ياريت تراعوا ان فى ناس معاكوا هنا كانوا فى حرب اكتوبر فى المواجهة مع العدو

ناس لملمت اشلاء زمايلها ولفلفتها فى بطاطين كل خمسة ستة مع بعض علشان مكنوش عارفين حتت اللحم اللى لملموها بتاعة مين فيهم

راعوا ان فى ناس ادفنت فى مقابر الشهداء بصورة جماعية لانهم مكنش ينفع يتسلموا لاهاليهم مفتفتين

أكرهوا شفيق زى مانتوا عايزين واكرهوا مبارك زى مانتوا عايزين وحبوا الشاذلى واكاذيبه زى مانتوا عايزين

بس ياريت تسيبوا اكتوبر واللى حاربوا فى اكتوبر واللى راحوا فى اكتوبر واللى اصيبوا بعجز فى اكتوبر فى حالهم لان مفيش حد منهم خد حاجة ، حتى كلمة الشكر ماأخدناهاش.

وكفاية عليكوا حرب النجوم على الكمبيوتر حققوا فيها انتصاراتكم بس سيبوا اكتوبر فى حالها.

الاستاذ محمد .... رد رائع ... كفيت ووفيت

هي بس الجملة الأخيرة ليا عليها تحفظ ...

جميع قواد الشباب اللي كانوا في التحرير قبل ما بينزلوا التحرير ... كانوا بيحاربوا الأول على الكيبورد ... واحنا كلنا لو كانت جت لينا الفرصة إننا نشارك وياهم في الميدان ... أكيد مكناش هنتأخر ثانية واحدة ...

عنبو::: مع إني فاهم فكرتك كويس ... لكن اختيار العنوان غير موفق على الإطلاق..

اركيتيكت وعنبو ... تحية كبرى للوالد البطل ... ولكل الأبطال اللي شاركوا في حرب أكتوبر المجيدة سواء من موقع القيادة والتخطيط ( السادات - أحمد إسماعيل - الشاذلي - مبارك - الجمسي - محمد على فهمي - سعيد الماحي ... إلى آخر القواد العظام ) .. أو من موقع التنفيذ على أرض الميدان ( زي الفريق أحمد شفيق كده - وزي أحمد عبد العاطي صائد الدبابات )... وناس كتير غيرهم كان لهم دور في الحرب حتى لو محاربوش.

في تمثيلية ( جمعة الشوان ) ... في جملة رائعة قالها صلاح قابيل لعادل إمام ( ما انت ليك دور يا جمعة ما يقلش عن دور أي واحد من اللي عبروا )

مهما كان ومهما حصل ومهما اختلفنا مع مبارك أو الشاذلي أو شفيق ... لا يمكن إننا ننسى ليهم تاريخهم الوطني ... ممكن يكون لهم أخطاء بعد كده مينفعش تاريخهم الوطني يغفرها ليهم ... لكن الأخطاء دي في نفس الوقت مينفعش تمحي تاريخهم الوطني

سيادة الفريق أحمد شفيق

سيادة الفريق حسني مبارك...

سيادة الفريق الشاذلي

أنا عن نفسي كشاب مصري يمكن ما عشتش حرب أكتوبر ... ومع اختلافي الشديد معاكم في حاجات كتير جدا ... ومع إدراكي أنكم متنفعوش في بعض المناصب والمواقع القيادية ... لكن كل ده ... ميخلينيش أنسى أبدا إنكم كان ليكم دور مشرف في حرب أكتوبر

[عبد الله غريب]

للبطل والد الفاضل مهندس تيمور المراغي:

أهدي هذا المقطع:

تحتاج المناورة التي قام بها الطيار المصري إلى أكثر من ضعف الارتفاع الذي كان يحلق عليه ، حيث تحتاج هذه المناورة أن تكون طائرته على ارتفاع مقداره 6500 قدم بينما كانت طائرته تحلق على ارتفاع مقداره 3000 قدم فقط و قام الطيار المصري من على هذا الارتفاع المنخفض (ثلاثة آلاف قدم فقط ) بهذه المناورة التي أذهلت المحللين اليهود .. الله عليكي يا مصر و على ولادك لما يحطوكي ف قلبهم و يتوكلوا على الله.. محدش يقدر عليهم ..

و بغض النظر عن إن الفيلم من إنتاج اليهود لذلك فقد قاموا بإظهار أنفسهم في وضع جيد، إلا أنه في صالح الطيارين المصريين و الشاهد أنهم بيعترفوا فيه بمهارة الطيار المصري و أنه.. أجبر طائرته على أن تعمل ضد قانون التسارع .. !!

و فعل أشياء يصعب تصديق أن طائرة ميج 21 تستطيع القيام بها ..!!

و هو دا اللي بركز عليه مش على أكاذيبهم الأخرى.

http://www.youtube.com/watch?v=6AlsW_Xx3dg

[Howayda Ismail]

هى دى سنة الحياة فى بلدنا ياعنبو

الناس تنقسم فريقين فريق تحت وده كل جندى مجهول فى ميدانه سواء حرب اوحياة عامة بتلاقيه بيطفح

الدم واوقات الثمن روحه فدا ذلك طواعية ايمانا بعمله وهؤلاء مااكثرهم

وفريق آخر فوق دايما متلمع وجاهز لقص الشريط وحجز مكان فى الصورة والطبيعى هؤلاء جانيى الثمار وسارقى

الفرح كما يقولون مكلل بلوحة شرف دون ادنى ذكر لاى دور للجندى المجهول

وده اللى شفناه كتير ابتداء من تجاهل المحاربين القدامى واهمالهم فى وقت معايرة قادتهم انهم اصحاب النصر

انتهاء باصغر عامل فى مشروع صرف صحى او حتى كناس فى شارع

قيس على ده الدكتور والمهندس والفنى والعامل فى الشركات والمصانع لهم العمل ولغيرهم الحوافز والمكافآت

لنا نكره المتسلقين على العمل لا نكره العمل

لنا نكره متشدقى نصر اكتوبر ولانكره معه النصر نفسه وجنديى مجهوله

[م تيمور المراغي]

للبطل والد الفاضل مهندس تيمور المراغي:

أهدي هذا المقطع:

تحتاج المناورة التي قام بها الطيار المصري إلى أكثر من ضعف الارتفاع الذي كان يحلق عليه ، حيث تحتاج هذه المناورة أن تكون طائرته على ارتفاع مقداره 6500 قدم بينما كانت طائرته تحلق على ارتفاع مقداره 3000 قدم فقط و قام الطيار المصري من على هذا الارتفاع المنخفض (ثلاثة آلاف قدم فقط ) بهذه المناورة التي أذهلت المحللين اليهود .. الله عليكي يا مصر و على ولادك لما يحطوكي ف قلبهم و يتوكلوا على الله.. محدش يقدر عليهم ..

و بغض النظر عن إن الفيلم من إنتاج اليهود لذلك فقد قاموا بإظهار أنفسهم في وضع جيد، إلا أنه في صالح الطيارين المصريين و الشاهد أنهم بيعترفوا فيه بمهارة الطيار المصري و أنه.. أجبر طائرته على أن تعمل ضد قانون التسارع .. !!

و فعل أشياء يصعب تصديق أن طائرة ميج 21 تستطيع القيام بها ..!!

و هو دا اللي بركز عليه مش على أكاذيبهم الأخرى.

http://www.youtube.com/watch?v=6AlsW_Xx3dg

اشكرك استاذ عبد الله على الهدية التي ستظل في عنقي لك طول العمر ,,

افديك ما حييت ,,