انا كرهت حرب اكتوبر

[عبد الله غريب]

على أيه يا أرك .. دا أقل شئ .. أبطالنا ف حرب أكتوبر مش ممكن ننساهم .. كل التحية و التقدير لكل بطل ساهم ف حرب أكتوبر ..حتى لو النتايج مش عاجبة عنبو .. ذنبو على جنبو .. و هيزعل الناس دول منه .. يرضيك يا عنبوا إن أحبتنا اللي ضحوا بنفسهم ف حرب أكتوبر يزعلوا منك .. و أولهم ألله يرحمه الوالد العزيز؟

العنوان داه صعب قوي و مش مقبول حى تبريره مش مقنع .. يعني حاجة زي دي بتمس كل المصريين و الشهداء و أهاليهم .. بتجرح فيهم .. أرجو من الأخ الأستاذ عنبو طلب تغيير العنوان من الإدارة .. و خليها عليك المرة دي .. ماهو مش معقول تكون بتكره الحرب دي بجد لدرجة إنك مش عاوز تغير العنوان الرهييب داه

[أبو محمد]

المقال

اللعنة عليكم جميعاً..!

بقلم سليمان جودة ٢٨/ ٢/ ٢٠١١

تمتلئ الساحة فى البلد، هذه الأيام، ليس فقط بـ«المتحولين» الذين تحولوا، فجأة، من نفاق الرئيس مبارك إلى الهجوم عليه، بكل عنف، بمجرد تخليه عن المنصب، وإنما تمتلئ الساحة ذاتها بما يمكن تسميته «تطوراً مذهلاً لظاهرة المتحولين»!

إن الأمر لو كان قد توقف عند حدود التحول المفاجئ، بلا حياء، وبلا ضمير، من نفاق رجل كان فى قمة السلطة، إلى تمزيقه، بمجرد زوال السلطة عنه، لكنا قد اكتفينا بما رصدناه، عند هذه الظاهرة المحزنة، كما فعلنا من قبل، وسكتنا.. ولكن الموضوع فيما هو ظاهر أمامنا، تجاوز هذه المرحلة بكثير، إلى ما هو أخطر، وأصبحنا نقرأ ونطالع عبارات النفاق ذاتها، والمداهنة نفسها، التى كانت تقال للرئيس مبارك، ولكنها هذه المرة، تقال لثورة ٢٥ يناير، ولكل من يتصوره المنافقون والمتحولون أنه له علاقة بالثورة من قريب أو من بعيد، أو حتى يمكن أن تكون له علاقة بها، مستقبلاً من قريب أو بعيد!

إنه ليس تطوراً طبيعياً، للأمور وطبعائها، ولكنه تطور مدهش، ومذهل، ومؤسف فى كل حالاته، ويدعو إلى القرف والغثيان!

إننى أكاد أحصى الأسماء، الآن، اسماً اسماً، وأكاد أشير إليها، ثم إلى أصحابها، وجهاً وجهاً، لعلهم يخجلون، غير أننى لا أريد أن أفعل، لأننى أشعر بأن الذين يتابعون ذلك من الناس العاديين فى كل صباح إنما يديرون وجوههم، فى الاتجاه الآخر، ثم يبصقون بكل قوة!

ولن أكون مبالغاً، إذا قلت إن هناك تطوراً نوعياً آخر، قد طرأ على الحكاية، إذا قورنت فى هذه اللحظة التى نحن فيها، بما كان عليه الوضع أيام الرئيس مبارك!

ففى أيامه كان الرجل يحتمل نقداً كثيراً فى حقه، ولم يكن يضيق به فى كثير من الأحيان، وكم قرأنا كلاماً قاسياً عنه فى أكثر من صحيفة، وكنا أحياناً تأخذنا بعض الدهشة، ونحبس أنفاسنا فى انتظار ما إذا كان هو، كرئيس وقتها، سوف يتخذ إجراء أم لا.. ولم يكن يفعل فى أحيان كثيرة!

الآن.. لا يريد هؤلاء المتحولون، والمنافقون، أن يتعرض أحد بالنقد، نعم بالنقد، وليس بالتطاول أو الشتيمة طبعاً، لأى شىء يتعلق بحركة الشباب أو ثورتهم فى ٢٥ يناير، ولا يحتمل هؤلاء الذين يسطون على جهد الشباب، دون أدنى حق، أى كلمة نقد يمكن أن تقال فى هذا الاتجاه، ليس حرصاً على الشباب، وثورتهم بطبيعة الحال، ولكن رغبة فى الاستئثار بالثورة، والانفراد بها، ثم إلقاء المزيد من قصائد النفاق عند قدميها.. وقد كان كل واحد من هؤلاء أنفسهم مستعداً فى مرحلة سابقة لخلع هدومه كلها لو أن حبيب العادلى، مثلاً، ابتسم فى وجهه فى أى يوم!

التعليق :

أيها الثوار (ثوار الميدان واللجان الشعبية وثوار الكيبورد على حد سواء) .. لا تجعلوا المنافقين يفعلوا فيكم ما فعلوه فى :

أبطال أكتوبر : حسنى مبارك .. الشاذلى .. أحمد شفيق ..........

وأبطال تحرير طابا : مفيد شهاب .. على الدين هلال ...........

[م تيمور المراغي]

مقال بعنوان اللعنة عليكم جميعا !!,,

وتعليق يحمل تحذيرا من المنافقين !!:happy:

اقول :

نتحد ابو محمد

ثواار نتحد ,,

يد واحدة ,,

لا نشتبك

ايد واحدة نبدأ من اللحظة دي كلنا بمنافقينا بابطالنا بثوارنا بملعونينا كلنا كلنا عاطلنا بباطلنا ,,

نفتح صفحة بيضاء نظيفه طاهرة خط عليها بحروف من نور ,,

باسم الله الرحمن الرحيم

باسم شعب مصر ,,

rs:

[أحمد سيف]

الكل مسك في العنوان وسبنا المضمون وهو واضح ولا يحتمل هذه التأويلات

ليس الهدف من الموضوع الإساءة الى من خاضوا حرب أكتوبر فهم فوق رؤوسنا جميعا ومهما فعلنا فلن نبلغ معشار المجد والفضل الذي نالوه

ولكن انتقاد من لا زالوا يستخدمون مشاركتهم فيها - كغيرهم أو ربما أقل من غيرهم - كمبرر للتسلط على الشعب وانتهاك حقوقه

مثل الذي جثم على صدورنا ثلاثين عاما كاملة بمبرر أنه قائد الضربة الجوية

ومثله كذلك السيد أحمد شفيق الذي عايرنا أمس بمشاركته في الحرب قبل أن نولد (طيب المفروض كنا نعمل ايه)

مثل حرب أكتوبر كمثل القضية الفلسطينية ... دفع ثمنها شعب كامل واستغلها مجموعة من المهووسين بالسلطة للسيطرة على شعوبهم

أرجو أن يعود الموضوع الى سياقة الصحيح ولا ننحرف به للنقاش حول حرب نحن جميعا نعترف بفضل من قاتلوا فيها ومن دعموهم ليستطيعوا القتال كما يجب أن نعترف بفضل من دفعوا دمائهم وجهدهم ثمنا لننال حريتنا في هذه الثورة المباركة

وإن كان العنوان مستفزا للبعض فلنغيره الى

أنا كرهت من يتسلطون علينا بإسم حرب كتوبر

[عبد الله غريب]

أصلاً حشر كلمة حرب أكتوبر في موضوع الفساد و الفاسدين لا يوجد له مبرر منطقي، إلا إذا كان كل الفاسدين حاربوا في اكتوبر 73،

يعني معقولة كل الفاسدين اللي بنصادفهم اشتركوا ف حرب اكتوبر لدرجة إن كل ما نقابل فاسد يقوم قايلنا حرب اكتوبر؟!

مش ممكن !!!!

تم تعديل 3 مارس 2011 بواسطة عبد الله غريب

[spain]

انا معاك يا عنبو في كل اللي بتقوله حرف حرف ..وكلمة كلمة ومقطع مقطع

اضف اليه

ان كل 6 اكتوبر خد عندك....اغاني وطنية وقرأن ...اغاني وطنية .....وقرأن

طب ماااااذا بعد

الاسرائليين عمالين يحولوا جنود مصر اللي حاربوا ف اكتوبر لجنود تخدم اسرائيل

والمصرييين محلك سر ....بل بالعكس ....للخلف دور

تقدم اسرائيلي ...وتقهقر مصري

--------------------

التوبيك اللي جاي

انا كرهت ثورة 25يناير

ليه؟

لان خساااارة مصر الاقتصادية والسياسية وال....وال......حيشيلوها الثورجية

[أحمد سيف]

أصلاً حشر كلمة حرب أكتوبر في الموضوع لا يوجد له مبرر منطقي، إلا إذا كان كل الفاسدين حاربوا في حرب اكتوبر،

يعني معقولة كل الفاسدين اللي بنصادفهم اشتركوا ف حرب اكتوبر؟!

مش ممكن !!!!

المبرر أنهم يستخدمون مشاركتهم في حرب اكتوبر كمبرر لاستمرارهم في السلطة الفاسدة

الموضوع مش بيتكلم عن كل الفاسدين لكن عمن يمنون علينا كل شويه بمشاركتهم في الحرب كلما طالبناهم بالكف عن فسادهم واستبدادهم

[عبد الله غريب]

Spain

--------------------

التوبيك اللي جاي

انا كرهت ثورة 25يناير

ليه؟

لان خساااارة مصر الاقتصادية والسياسية وال....وال......حيشيلوها الثورجية

--------------------

مين يكره الثورة اللي حتجيب لنا الحرية و القوة،

لكن عاوزين بلدنا قوية بجد .. و جيشنا حبيبنا قادر على صد أي خطر،

اتفضلوا شوفوا دي:

رائد الجيش (المنضم للمتظاهرين) أحمد شومان رمز ضحى و خاطر بحياته (كان معرض للإعدام) لدعم الثورة،

شوفوا في الدقيقة 1:37 بيأكد على أيه:

انتو قولتوا عيش و حرية و عدالة اجتماعية و انا بضيف عليها:

جيش قوي .. و دولة قوية ..

http://www.youtube.com/watch?v=2x7OXHNZelA

الله يحميك و يزيد من أمثالك .. فبأمثالك نطمئن على مصر أنها في ايدي مخلصة بتحبها،

مفيش سلام حقيقي بدون جيش قوي،

يا رب هيئ لمصر زعيم بيحبها بجد .. آمين.

تم تعديل 3 مارس 2011 بواسطة عبد الله غريب

[Alshiekh]

متشكرين لكل اللى كرهوا حرب اكتوبر علشان كرهوا شفيق

لكن حرب اكتوبر لم تكن شفيق ولا مبارك ولا الشاذلى

ياريت تراعوا ان فى ناس معاكوا هنا كانوا فى حرب اكتوبر فى المواجهة مع العدو

ناس لملمت اشلاء زمايلها ولفلفتها فى بطاطين كل خمسة ستة مع بعض علشان مكنوش عارفين حتت اللحم اللى لملموها بتاعة مين فيهم

راعوا ان فى ناس ادفنت فى مقابر الشهداء بصورة جماعية لانهم مكنش ينفع يتسلموا لاهاليهم مفتفتين

أكرهوا شفيق زى مانتوا عايزين واكرهوا مبارك زى مانتوا عايزين وحبوا الشاذلى واكاذيبه زى مانتوا عايزين

بس ياريت تسيبوا اكتوبر واللى حاربوا فى اكتوبر واللى راحوا فى اكتوبر واللى اصيبوا بعجز فى اكتوبر فى حالهم لان مفيش حد منهم خد حاجة ، حتى كلمة الشكر ماأخدناهاش.

وكفاية عليكوا حرب النجوم على الكمبيوتر حققوا فيها انتصاراتكم بس سيبوا اكتوبر فى حالها.

معلش استحملونى تانى

السطر الأخير اللى زعل البعض لم اقصد به مطلقا الثوار الذين خاضوا الثورة على الأرض ( وابنائى منهم ) ومن وراء الكى بورد ( وبرضه ابنائى منهم ) أو من خلال إسعاف مصاب أو مشارك فى لجنة شعبية لحماية ممتلكات الناس والشعب ( وبرضه ولادى كانوا منهم )

كلامى كان موجه لمن إكتفوا بالمشاركة من وراء الكيبورد خارج حدود صندوق العمليات وبعدين اللى خلاص كره حرب اكتوبر واللى بيشجعه واللى مش لاقى نقط خضرا يديهالو . كان نفسى بدل التشجيع على كره الشيئ الحلو الوحيد اللى عملناه بأيدينا نقول له " مايصحش "

مين من اللى زعلانين اخذ اجازة ونزل يشارك اخوانه فى الثورة ووقف معاهم تحت خراطيم الماء البارد فى عز الشتاء ونام فى ميدان التحرير او ميدان محطة الرمل او عند جامع القائد ابراهيم علشان ابعت له الف تحية واعتذار كمان؟

كان نفسى تقولوا للى كره حرب أكتوبر " ماينفعش " ، ماينفعش تكره مصر علشان بتكره حسنى مبارك أو شفيق او عمر سليمان ، ماينفعش تكره ليبيا علشان فيها القذافى .

لكن للأسف

وبعدين يا أخ عنبو لو السادات ومعاه طبعا قيادات القوات المسلحة أخذوا برأى الشاذلى ، كان زمان وضعنا ووضع سيناء لايختلف كثيرا عن وضع سوريا والجولان ، بل كان زمانه اسوء بكثير ، لان سحب قوات من الشرق للغرب كان معناه اضعاف القوات الموجودة غرب القناة مما يسهل مهاجمتها وتفتيتها والعودة الى النقطة صفر مرة أخرى ومعها استحالة عبور القناة فى اى وقت لاحق.

وعن رأيى فى الثغرة يكفى أن أقول لك اننى كنت من ضمن القوات المحاصرة للثغرة من جهة الاسماعيلية ابو صوير الجهة الشمالية، يعنى لما باتكلم فانا باتكلم عن واقع عشته على الأرض مش على مجسمات وخرائط مجسمة.

ونصيحة لما تحب تقرأ وتحلل ، أقرأ لكل الكتابات حول نفس الموضوع

اما عن مبارك او غيره ممن شاركوا فى حرب أكتوبر فهم كانوا أبطال لايقل فى البطولة عنهم أى جندى إحتياط تم استدعائه ليجلس فى مؤخرات الوحدات ببساطة لأن كل فرد فى القوات المسلحة أدى واجبه ، ولكن تلك نقرة وأى عمل بعد ذلك نقرة أخرى حيث لايشفع لمن عمل خيرا لجاره ان يعاكس زوجته او بنته، ولكن لايجب ان نكره عائلة ذلك الجار حيث لاتزر وازرة وزر أخرى.

[عنبو]

على أيه يا أرك .. دا أقل شئ .. أبطالنا ف حرب أكتوبر مش ممكن ننساهم .. كل التحية و التقدير لكل بطل ساهم ف حرب أكتوبر ..حتى لو النتايج مش عاجبة عنبو .. ذنبو على جنبو .. و هيزعل الناس دول منه .. يرضيك يا عنبوا إن أحبتنا اللي ضحوا بنفسهم ف حرب أكتوبر يزعلوا منك .. و أولهم ألله يرحمه الوالد العزيز؟

العنوان داه صعب قوي و مش مقبول حى تبريره مش مقنع .. يعني حاجة زي دي بتمس كل المصريين و الشهداء و أهاليهم .. بتجرح فيهم .. أرجو من الأخ الأستاذ عنبو طلب تغيير العنوان من الإدارة .. و خليها عليك المرة دي .. ماهو مش معقول تكون بتكره الحرب دي بجد لدرجة إنك مش عاوز تغير العنوان الرهييب داه

يا استاذ عبدالله انا عامل التوبيك ده علشان اتكلم اللى عاوز يزل اهلنا بحجة انه حارب فى اكتوبر وشبهته بمدير امن البحيره اللى كان

بيقول احنا اسيادهم واللى يتطاول على سيده تتقطع ايده واتكلمت ايضا ان الحرب مش بس على الجبهه الحرب فى الحياه

زى لما الرسول الكريم قال للصحابه عدتم من الجهاد الاصغر الى الجهاد الاكبر

وان مش هم بس دو اللى كانوا بيحاربوا ابائنا كانوا بيحاربوا معاهم وماتوا واتبهدلوا اخر بهدله ومافيش حد منهم سمعته

بيقول انا ليا فضل عليكم ولا على مصر ولا انا خدمت البلد ولا الكلام اللى صدعونا به ده

دخلتم انتم اتكلمتم فى حرب اكتوبر مع ان التوبيك اساسا انا مش عامله علشان ازم فى حرب اكتوبر اللى انا مقتنع برأى الفريق الشاذلى

ان حرب اكتوبر نصر عسكرى وهزيمه سياسيه

يعنى الموضوع اساسا مش عن حرب اكتوبر الموضوع بيتكلم عن الناس اللى عاوز تستعبدنا علشام حاربت

وصلت ولا لسه

وهتلاقينى كاتب فى وصف الموضوع ان كل شويه يزلوا اهلنا علشان الحرب

تحياتى

عنبو

[spain]

انا عمري ما حكون ضد الثورة

انا بس شايفة ان النغمة في الاعلام ما زالت كده

خساير مصر بسبب اي شئ متعلق بالثورة

وكان احنا واخد ين مصر بشحمها ولحمها كاملة مكملة

مش واخدينها هيكل ...توب مهلل من ايديهم

انت مش نغمتهم دي يا عبد الله في التليفزيون ولا ايه؟

والرائد ده بيتكلم كده لانه للاسف مقهور من تراجع الجيش المهني والتقني والعسكري

او اي الاقل مش راضي عن المستوي

[عبد الله غريب]

طيب لما الموضوع متعلق بنقد الشخص الذي يستغل اشتراكه في حرب اكتوبر، و ليس نقد للحرب ذاتها، لذلك أرجو من صاحب الموضوع الفاضل أستاذ عنبو، و من بعده الأخوة المشرفين الموافقة على تغيير عنوان الموضوع لما يحمله من دلالات غير طيبة.

طيب يا أستاذ عنبو .. حيث كده .. أيه رأيك نرجع للمداخلة دي .. ما هي بالضبط طبق الأصل من رأيك النهائي ف مداخلتك الأخيرة ..

خلاص يبقى ممكن تغير اسم التوبيك rs:

تم تعديل 3 مارس 2011 بواسطة عبد الله غريب

[doha]

الموضوع ده زيه زي تعليقات اخرى قرأتها النهرده والي دار معظمها في فلك 73 وكيف لايستحق اصحابها ان يحصلوا على اي ( استثناء ) لمجرد انهم شاركوا فيها ..

كلام جميل ..

طيب ليه النهرده برضه وبعد خبر تعيين رئيس جديد للوزراء وتساؤل عدد من الاعضاء معانا هنا عن من يكون هذا القادم الجديد ـ عن نفسي مسمعتش باسمه برضه قبل كده ـ فوجئت باحد الردود بتعرف بيه على انه " احمد المشاركين في مظاهرات كذا فبراير " !!

بصراحة عقدت الدهشة لساني زي مابيقولوا ..

يعني لسه مفيش خمس دقائق الناس عماله لا مؤاخذه ( تسب وتلعن ) في الي شارك في اكتوبر وعاوز ( يمن ) علينا بمشاركته دي اقوم اتفاجأ بنفس الناس تقريبا معندهاش مشكلة ابدا في انها تعطي الضوء الاخضر لفلان او علان وترضى عن وجوده في قمة المشهد السياسي لمجرد انه كان في احد مواقع " حرب يناير ـ فبراير 2001 ؟؟؟"

بصراحه وفي تلك اللحظة عذرت شفيق بل وحسني بذات نفسه .. ان كان التواجد في ميدان التحرير في اي لحظة ووجود اثباتات على ذلك اصبح ( مصوغ تعيين ) وجواز سفر وقبول للمرور ( للجماهير ) امال بقى الناس الي دخلت حرب بكل ماتعنيه الحرب من الكلمه لأه وطلعوا منتصرين كمان يعملوا فينا ايه ؟

[masraweya]

بصراحه وفي تلك اللحظة عذرت شفيق بل وحسني بذات نفسه .. ان كان التواجد في ميدان التحرير في اي لحظة ووجود اثباتات على ذلك اصبح ( مصوغ تعيين ) وجواز سفر وقبول للمرور ( للجماهير ) امال بقى الناس الي دخلت حرب بكل ماتعنيه الحرب من الكلمه لأه وطلعوا منتصرين كمان يعملوا فينا ايه ؟

أ.ضحى .. الحمد لله انك بخير

أكيد مش مطلوب اننا نعمل أصنام جديدة

كل من خدم هذا الوطن له كل تقدير و احترام ... دون خلط للأوراق

دون أن يجعله ذلك فوق النقد .. الحساب .. او المساءلة

يمكن قبول البعض ل د.شرف على خلفية نزاهته و توجهه الذي "توج" أخيرا بوجوده فاعلا ضد النظام في التحرير

هذه التواجد و الاسهام لا يجعله (لا يمس) .. بل يعطينا اشارة ان المجلس العسكري وافق على اختيار الثورة

ربما لهذا كان الترحيب

[م تيمور المراغي]

القافة تسير وتكسب كل يوم ارضا جديدة ,,

مهما عوت بها الريح ,,

سريانها حثيثا

قد يقل احيانا

او قد يزيد ,,

لكنها يقينا صارما

لابد ان تصل ,,

[الغريب]

بصراحه وفي تلك اللحظة عذرت شفيق بل وحسني بذات نفسه .. ان كان التواجد في ميدان التحرير في اي لحظة ووجود اثباتات على ذلك اصبح ( مصوغ تعيين ) وجواز سفر وقبول للمرور ( للجماهير ) امال بقى الناس الي دخلت حرب بكل ماتعنيه الحرب من الكلمه لأه وطلعوا منتصرين كمان يعملوا فينا ايه ؟

أ.ضحى .. الحمد لله انك بخير

أكيد مش مطلوب اننا نعمل أصنام جديدة

كل من خدم هذا الوطن له كل تقدير و احترام ... دون خلط للأوراق

دون أن يجعله ذلك فوق النقد .. الحساب .. او المساءلة

يمكن قبول البعض ل د.شرف على خلفية نزاهته و توجهه الذي "توج" أخيرا بوجوده فاعلا ضد النظام في التحرير

هذه التواجد و الاسهام لا يجعله (لا يمس) .. بل يعطينا اشارة ان المجلس العسكري وافق على اختيار الثورة

ربما لهذا كان الترحيب

أضيف أنه وحتى لو ثبت في المستقبل فساد رئيس الوزراء الجديد فلن ينفعه مشاركته في الثورة

كما لن ينفع مبارك وشفيق مشاركتهم في أكتوبر

المشاركة في الثورة ليست مصوغ تعيين ولكن فأل حسن لصاحبها أو كما قالت الأخت مصراوية تتويج للثورة.

أنما المشاركة فيها لن تكون أبدا طوق نجاة لصاحبها إن تورط في فساد بعد ذلك ، كما هو الحال بالنسبة لمبارك وشفيق

قياس حالة الثورة مع حرب أكتوبر قياس مع الفارق

[رضوي]

بصراحه وفي تلك اللحظة عذرت شفيق بل وحسني بذات نفسه .. ان كان التواجد في ميدان التحرير في اي لحظة ووجود اثباتات على ذلك اصبح ( مصوغ تعيين ) وجواز سفر وقبول للمرور ( للجماهير ) امال بقى الناس الي دخلت حرب بكل ماتعنيه الحرب من الكلمه لأه وطلعوا منتصرين كمان يعملوا فينا ايه ؟

أ.ضحى .. الحمد لله انك بخير

أكيد مش مطلوب اننا نعمل أصنام جديدة

كل من خدم هذا الوطن له كل تقدير و احترام ... دون خلط للأوراق

دون أن يجعله ذلك فوق النقد .. الحساب .. او المساءلة

يمكن قبول البعض ل د.شرف على خلفية نزاهته و توجهه الذي "توج" أخيرا بوجوده فاعلا ضد النظام في التحرير

هذه التواجد و الاسهام لا يجعله (لا يمس) .. بل يعطينا اشارة ان المجلس العسكري وافق على اختيار الثورة

ربما لهذا كان الترحيب

أضيف أنه وحتى لو ثبت في المستقبل فساد رئيس الوزراء الجديد فلن ينفعه مشاركته في الثورة

كما لن ينفع مبارك وشفيق مشاركتهم في أكتوبر

المشاركة في الثورة ليست مصوغ تعيين ولكن فأل حسن لصاحبها أو كما قالت الأخت مصراوية تتويج للثورة.

أنما المشاركة فيها لن تكون أبدا طوق نجاة لصاحبها إن تورط في فساد بعد ذلك ، كما هو الحال بالنسبة لمبارك وشفيق

قياس حالة الثورة مع حرب أكتوبر قياس مع الفارق

هذا يلخص كل مايمكن قوله

فمش كل اللي حارب في اكتوبر وانتصر او استشهد بلا أخطاء

ومش كل اللي نزل التحرير برئ من كل الذنوب

ولكن كلاً منهم قام بموقف بطولي ......... موقف يشرف كل انسان

وسام علي كل الصدور

مش معنى كدة اني لما اختلف مع فلان علي قضية ما يهاجني بصفته بطل من أبطال اكتوبر او يناير ؟؟؟؟؟؟

لأ

ومش معنى انه بطل يبقي اله ( استغفر الله العظيم )

هو بطل ........ ماشي له حقوق وله تكريمه .......الخ

لكن ......... قام بدوره البطولي دة وشكرناه ............ مش هيمن علينا بقي بدوره دة ................. مش مبرر لكل غلطاته ............ مش كارت اخضر علشان يعمل اللي هو عايزه ......... مش هنغفل عن اي خطأ يقوم بيه علشان خاطر انه حررنا او انه شارك في ملحمة تاريخية

كل واحد فينا له دور بيقوم بيه

مش معنى اني قومت بدوري اذل الناس بيه

مش معنى اني ربيت اولادي هذلهم طول العمر وكل شوية افكرهم اني ضيعت شبابي عليهم وربيتهم وعلمتهم ........الخ

ولا نقلل من الدور البطولي اللي قام بيه

ولا نسيبه بقى يذودها ويتنطط علينا ويذلنا بمنة منّ بيها علينا

الاعتدال هو المطلب الاساسي

[Alshiekh]

[م تيمور المراغي]

حاضر ,,

سنحميها ونرويها يوما بعد يوم

حتى تزهر وتثمر

وتؤتي اكلها كل حين باذن ربها ,,

[fatfouta]

هو الراجل العسل ده هو الست السكرة دول جم هنا برضو

ده انا لسه شايفاهم هناك وفرحانة باللافتة اللى شايلينها جدااا