احمد شفيق استقال

[doha]

خبر متوقع .. النهرده الخميس وعادي يعني معروف ان كل جمعة في مليونية بتطالب بامور طول الاسبوع بننشحن ليها وكل خميس لازم بيتنفذ ثلثين المطالب الاسبوعية ويترك ثلث المطالب الباقي ( خميرة يعني ) تكمل عليها مطالب الاسبوع الجاي .. فين الجديد ؟؟

كويس ان شاء الله علي الخميس الجاي يكونوا افرجوا عن كل المعتقلين السياسيين هانت

مش شرط ياام سلمى .. ممكن يكون افراج عن المعتقلين وممكن يكون حل جهاز امن الدولة وممكن يكون مطلب ثالث من الي هينطرح الاسبوع القادم للنقاش الساخن حوله .. بس في كل الاحوال المطالب دي كلها وطالما طرحت للنقاش يبقى هتتحقق مش عشان النقاش بيجيب نتيجه وانما لان هي منطرحتش اصلا غير لانها قيد التنفيذ .. هي مسألة وقت فقط وكل مطلب هيتحقق في دوره ..

[wsadani]

حقيقة لا أعلم لماذا دائما التأخر فى اتخاذ القرارات على الرغم من الضغط الشعبى

لماذا لا يتم اتخاذ القرارات بشكل أسرع أخشى الأن ان ندخل فى دوامة ان رئيس الوزراء الجديد يختار نفس الوزير الخارجية نفسه او الداخلية أو العدل ثم بعدها يتم انتخاب الرئيس الجديد بالدستور الحالى المعدل والذى سيعطى صلاحيات كثيرة للرئيس سوف ينشأ عنها مشاكل جمة فكيق تطلب من شخص بعض اعطتؤه صلاحيات ان يتنازل عن تلك الصلاحيات بعد ذلك

من جانب أخر فان مصر مهدده من الخارج من جميع حدودها ونحن مشغولون الأن بالداخل

أحمل بشكل رئيسى ما يحدث للمجلس الأعلى للقوات المسلحة على هذا لتباطؤ الذى يضر بمصر داخليا وخارجيا

[se_ Elsyed]

كده أبو الغيط والشلة الزبالة بررررررررررررررره

ولازم عصام شرف يثبت إنه لسه راجل وبيقف وقفة رجاله وما يسمحش للمجلس العسكري يفرض عليه حد مهما كان

الله أكبر

بإذن الله أتوقع إنها تكون وزارة تكنوقراط محترمة تساعد على إستقرار البلد لحد إنتخابات الرئاسة في شهر أغسطس ...

و 6 شهور مش قليلين إننا نستعيد فيهم عافيتنا بعون الله وبإخلاص رجلة مصر اللي كان دافنهم اللامبارك

[أيمن عبد العزيز]

للأسف يا جماعة .. كتر من اللي موجودين في مصر بيتبرمجوا بطريقة غريبة .. مش عارف من الإعلام المسموم .. ولا من الميه ولا الهوا

لأني كل ما أكلم حد من قرايبي في مصر تلاقيهم منبهرين بشخصية أحمد شفيق وبالنجاح اللي عمله في وزارة الطيران ..

وكأن عندك طالب فاشل في الجامعة وكل سنة يسقط ... بس إنت مصمم إنه كان متفوق في الإعدادية .. وبالتالي هل ده يشفع له ويغفر له فشله في الجامعة ؟

دخلت هذا الصباح على اليوم السابع ولقيت أكثر من 20 صفحة تعليق على ما دار بالامس في لقاء شفيق على الأو تي في ..

و 90 % منها شتيمة لشباب التحرير اللي هايخربوا البلد .. وتمجيداً في صاحب الضربة الجوية الثانية أحمد شفيق - على اساس إن الأولى كانت متسجلة بإسم مبارك - ودعوات من عينة " سيبوه يشتغل وبطلوا خراب بقى "

شيء غريب مش كده ؟

لما يكون عندي رئيس وزراء ينكر أو يدعي عدم معرفته بما يدور في وزارة الداخلية أو أمن الدولة ويستهزأ بالشهداء ومش عارف أي حاجه في أي حاجه ... يبقى نسيبه يكمل ؟

كلام جميل وفعلا احمد شفيق مينفعش يبقى رئيس وزراء ومينفعش نمجد فيه لان حرب اكتوبر من اصغر عسكرى لاعلى رتبة كلهم ليهم فضل بعد ربنا فى اللى اتحقق ومينفعش نسيبه يكمل

بس على الاقل لازم نتعامل معاه باحترام سوء لرتبته العسكرية او لسنه او حتى لموقعه كرئيس وزراء مصر

يعنى مينفعش السيد الدكتور المحترم علاء الاسوانى يقوله انت لو اتنفخت زيينا مكنتش قولت كده

سياسة الصوت العالى واللعب على مشاعر الناس مش حلوة سواء اللى بيعمل كده من النظام السابق او من رجال الثورة

رغم أني أحترم الصغير قبل الكبير سواء كان رئيس وزراء أو حتى غفير

إلا أن المنطق هنا قد إستفزني .. هل سنه أو رتبته العسكرية أو منصبه هم فقط ما يبعث على إحترامه ؟

لماذا لا ننظر إلى إصراره الغريب على إستمراره كرئيس وزراء رغم رفض الملايين له و نقول أنه يبعث على عدم الإحترام ؟

إن إصراره على الإستمرار في منصبه هو أحد أسباب الإصرار على إقالته فمن في موقعه و خبرته و تاريخه و لا يفهم معنى الثورة و مطالبها و آليات تنفيذها فهو بالتأكيد غير مؤهل للبقاء في خضم السياسة و معتركها

عندما تقوم ثورة فهي تهدف لتغيير شامل يتضمن كل مناصب و رموز النظام القديم و يقول الشعب كلمته و تستمد الكلمة شرعيتها من الشعب و لابد من الرضوخ لتلك الشرعية و إحترامها

[م تيمور المراغي]

حقيقة لا أعلم لماذا دائما التأخر فى اتخاذ القرارات على الرغم من الضغط الشعبى

لماذا لا يتم اتخاذ القرارات بشكل أسرع أخشى الأن ان ندخل فى دوامة ان رئيس الوزراء الجديد يختار نفس الوزير الخارجية نفسه او الداخلية أو العدل ........

الوزراء القادمين سيكونون من الاسماء المتفق عليها والتي طلبها المجلس العسكري بعد اجتماعه بشباب الائتلاف ,,

[Alattar]

الدكتور عصام شرف راجل طاهر اليد و دكتور جامعي جيد في تخصصه ولكن مش عارف حد يقولي ايه هي مؤهلاتة علشان يبقي رئيس وزراء في الظروف الحالية اللي هي عايزة عقلية اقتصادية فذة علشان تخرج البلد من فساد 30 سنة

ارجوكم اللي فاهم يفهمني ليه تم اختيار عصام شرف

إحنا في فترة إنتقالية يا دونجل

ونحتاج عقلية إدارية محترمة ومقبولة ...

ونحتاج عقلية تقدر تُسند الأمر لأهله ...

ونتاج أكثر القضاء على الوشوش العكرة ... ومعليش ما هياش بلطجة ولا لوي دراع ... لسه مازلنا نصمم على إقالة أحمد أبو الغيط وممدوح مرعي ومحمود وجدي

والله كنت لسه حالا داخل أكتب عن التلاتة دول

[شرف الدين]

اللقاء يعاد الآن على اون تي في

[fatfouta]

| شبكة رصد

ما رأيك فى أن ينزل رئيس الوزراء الجديد مع المتظاهرين غدا فى التحرير ...... ليسمع الشباب بنفسه ويقترب منهم أكثر ؟؟؟ || شاركنا برأيك

ايه رأيكم؟؟؟

[م تيمور المراغي]

الموقف الحالي لحركة شباب 6 ابريل

الثورة مستمرة ,,

لم تنتهي الثورة بعد ... و مطالبنا لم تتحقق كلها بعد حتى الآن ,,

ولن نهدأ بالا حتي نطمئن تماما إلى هزيمة و إسقاط النظام بالكامل بكل رموزه وعناصرة ,,

الذي دفع شباب مصر حياتهم ثمنا ً للمطالبة بإسقاط هذا النظام الفاسدو ستستمر ثورتنا وسوف نخرج غداا للتعبير عن إصرارنا على استكمال مطالب الثورة ولن نتوقف حتى تتحقق جميع مطالبنا التالية ,,

... أولا : الافراج عن كافة المعتقلين سياسيا في عهد مبارك

ثانيا ً: مد الفترة الإنتقالية قبل الانتخابات الرئاسية والبرلمانية لتكون عاما كامل مما يتيح الفرصة لبناء أحزاب قوية والقوى السياسية على اختلافها للعمل قبل الانتخابات في مناخ يكفل لها تقديم برامجها وأفكارها بحيث لا تقتصر الصورة عند إجراء الانتخابات على الوجوه التقليدية وأعضاء الحزب الوطني. على أن يكون الحكم خلال الفترة الإنتقالية لمجلس رئاسي مكون من مدنيين , أو جعلها كما هي مع جعل الانتخابات الرئاسيه أولا والبرلمانية بعد سنه علي الأقل, كما نؤكد اننا لا نريد دوله عسكريه

ثالثا ً: حل الحزب الوطني ومصادره ممتلكاته الي الدوله

رابعا ً: محاسبة جميع المسئولين الفاسدين والمحافظين

خامسا:حل جهاز أمن الدولة

لقد سقطت رأس النظام الفاسد و لكن مطالبنا لم تنفذ كلها ,ا

لثوره مستمره لحين تنفيذ جميع المطالب و سنستمر حتي يتم تغيير حقيقي وملوس ومقبول ,,

اللجنة الاعلامية / حركة شباب 6 ابريل ,,

[م تيمور المراغي]

| شبكة رصد

ما رأيك فى أن ينزل رئيس الوزراء الجديد مع المتظاهرين غدا فى التحرير ...... ليسمع الشباب بنفسه ويقترب منهم أكثر ؟؟؟ || شاركنا برأيك

ايه رأيكم؟؟؟

هو كان معهم من البدايه ومكانه مازال موجودا ومحفوظا في القلوب ,,

لكن المطلوب منه الان هو الفعل لا القول

واعتقد ان الساعات المقبلة له ستكون مصيريه وستاخذ كل ثانيه من وقته الثمين ,,

نقدره ونحترمه ولكن ننتظر افعاله لنحكم من خلالها حكما نهائيا عليه ,,

[fatfouta]

«عصام شرف».. الذي أقسم ممدوح إسماعيل أن يخرجه من الوزارة بسبب تصديه لفساد عباراته

[شرف الدين]

هو الواضح دلوقت إن مركز القوة في يد الثورة...

ويوم بعد يوم مطالبنا بتحقق أكتر وأكتر

[Alattar]

للأسف يا جماعة .. كتر من اللي موجودين في مصر بيتبرمجوا بطريقة غريبة .. مش عارف من الإعلام المسموم .. ولا من الميه ولا الهوا

لأني كل ما أكلم حد من قرايبي في مصر تلاقيهم منبهرين بشخصية أحمد شفيق وبالنجاح اللي عمله في وزارة الطيران ..

وكأن عندك طالب فاشل في الجامعة وكل سنة يسقط ... بس إنت مصمم إنه كان متفوق في الإعدادية .. وبالتالي هل ده يشفع له ويغفر له فشله في الجامعة ؟

دخلت هذا الصباح على اليوم السابع ولقيت أكثر من 20 صفحة تعليق على ما دار بالامس في لقاء شفيق على الأو تي في ..

و 90 % منها شتيمة لشباب التحرير اللي هايخربوا البلد .. وتمجيداً في صاحب الضربة الجوية الثانية أحمد شفيق - على اساس إن الأولى كانت متسجلة بإسم مبارك - ودعوات من عينة " سيبوه يشتغل وبطلوا خراب بقى "

شيء غريب مش كده ؟

لما يكون عندي رئيس وزراء ينكر أو يدعي عدم معرفته بما يدور في وزارة الداخلية أو أمن الدولة ويستهزأ بالشهداء ومش عارف أي حاجه في أي حاجه ... يبقى نسيبه يكمل ؟

لو أحمد شفيق كان ناجح في وزارة الطيران..و هيقدر يفيد..ليه ما نرجعوش تاني

انت عارف يا س س..لولا ان أحمد نظيف عجين الدنيا لما كان ماسك الحكومة السابقة

ولولا انها متحفظين عليه دلوقتي و طبعا فلوس الوزارة اللي كان بيوزعها ولا كأنها وراثة عن جده الباشا

كنت قلتلك ما تيجي نطالب انه يرجع تاني وزير للإتصالات...

بدون تعصب ..الراجل فعلا كان عامل شغل هايل في قطاع الاتصالات..زي ما شفيق عمل شغل هايل في الطيران

أنا شخصيا ممكن أأيد فعلا حتة ان شفيق يرجع يمسك وزارة الطيران المدني..بس لو ما أثبتوش عليه فساد

الفترة الجاية دي..

[م تيمور المراغي]

هو الواضح دلوقت إن مركز القوة في يد الثورة...

ويوم بعد يوم مطالبنا بتحقق أكتر وأكتر

الشعب والشباب فوق الحكومة وفوق الجيش

شعب مصر يعلو ولا يعلى عليه

وهم الامناء على الثورة حتى تتحقق كل المطالب كما اسلفنا من قبل

ان خير من استاجرت القوى الامين .

[Melhakim]

للأسف يا جماعة .. كتر من اللي موجودين في مصر بيتبرمجوا بطريقة غريبة .. مش عارف من الإعلام المسموم .. ولا من الميه ولا الهوا

لأني كل ما أكلم حد من قرايبي في مصر تلاقيهم منبهرين بشخصية أحمد شفيق وبالنجاح اللي عمله في وزارة الطيران ..

وكأن عندك طالب فاشل في الجامعة وكل سنة يسقط ... بس إنت مصمم إنه كان متفوق في الإعدادية .. وبالتالي هل ده يشفع له ويغفر له فشله في الجامعة ؟

دخلت هذا الصباح على اليوم السابع ولقيت أكثر من 20 صفحة تعليق على ما دار بالامس في لقاء شفيق على الأو تي في ..

و 90 % منها شتيمة لشباب التحرير اللي هايخربوا البلد .. وتمجيداً في صاحب الضربة الجوية الثانية أحمد شفيق - على اساس إن الأولى كانت متسجلة بإسم مبارك - ودعوات من عينة " سيبوه يشتغل وبطلوا خراب بقى "

شيء غريب مش كده ؟

لما يكون عندي رئيس وزراء ينكر أو يدعي عدم معرفته بما يدور في وزارة الداخلية أو أمن الدولة ويستهزأ بالشهداء ومش عارف أي حاجه في أي حاجه ... يبقى نسيبه يكمل ؟

كلام جميل وفعلا احمد شفيق مينفعش يبقى رئيس وزراء ومينفعش نمجد فيه لان حرب اكتوبر من اصغر عسكرى لاعلى رتبة كلهم ليهم فضل بعد ربنا فى اللى اتحقق ومينفعش نسيبه يكمل

بس على الاقل لازم نتعامل معاه باحترام سوء لرتبته العسكرية او لسنه او حتى لموقعه كرئيس وزراء مصر

يعنى مينفعش السيد الدكتور المحترم علاء الاسوانى يقوله انت لو اتنفخت زيينا مكنتش قولت كده

سياسة الصوت العالى واللعب على مشاعر الناس مش حلوة سواء اللى بيعمل كده من النظام السابق او من رجال الثورة

رغم أني أحترم الصغير قبل الكبير سواء كان رئيس وزراء أو حتى غفير

إلا أن المنطق هنا قد إستفزني .. هل سنه أو رتبته العسكرية أو منصبه هم فقط ما يبعث على إحترامه ؟

لماذا لا ننظر إلى إصراره الغريب على إستمراره كرئيس وزراء رغم رفض الملايين له و نقول أنه يبعث على عدم الإحترام ؟

إن إصراره على الإستمرار في منصبه هو أحد أسباب الإصرار على إقالته فمن في موقعه و خبرته و تاريخه و لا يفهم معنى الثورة و مطالبها و آليات تنفيذها فهو بالتأكيد غير مؤهل للبقاء في خضم السياسة و معتركها

عندما تقوم ثورة فهي تهدف لتغيير شامل يتضمن كل مناصب و رموز النظام القديم و يقول الشعب كلمته و تستمد الكلمة شرعيتها من الشعب و لابد من الرضوخ لتلك الشرعية و إحترامها

اه طبعا منطق احترام الكبير لازم يكون موجود وإلا هتبقى فوضى

انا بتكلم على اسلوب الحوار نفسه واظن انى قولت ان شفيق لا يصلح انه يكون رئيس وزراء كلامى واضح بس ده ميدنيش الحق انى اتطاول عليه واقوله انت متنفختش زيينا

غريبة ان كلامك فى تناقض ازاى بتحترم الغفير والوزير ومش شايف من الاسباب الثلاثة اللى فوق حاجه تخلينا نحترم الراجل ؟

[se_ Elsyed]

بأمانة ...

أحمد شفيق شخص محترم وكان ناجح كوزير للطيران المدني لكنه جاء في ظروف جعلته ملطوط ومشبوه نتيجة إقترابة من الجسم الغير مقبول المُسمى مبارك ..

وقد يكون ليس لديه كاريزمة رئيس وزراء ولا بيعرف يرد أو يتحدث بشكل مُقنع

وبالتالي جلوسه شهرين تلاتة تاني كرئيس وزراء لم يكن ليُُضيف شيئاً إلى سجله أو تاريخه ( ده رأي زوجتي على فكره اللي بقت لهلوبة في السياسة بالرغم من إنها قبل يوم 25 يناير كانت تقول لي دائماً : سيبت لك إنت السياسة وأنا ماليش دعوه أنا عاوزه اربي العيال وخليك لحد ما تتقفش أو أترمل من بعدك )

وكان من الواضح إن شفيق ما عندوش رؤية مستقبلية للأمور ..

فلما أسمع وزير مؤقت يكلمني عن مشروع سيستغرق 10 سنوات لإنشاء 80 الف وحدة سكنية مدعمة ورصدنا للمشروع 15 مليار جنيه عشان البلد تنتعش

يبقى كده اقول له شُشكراً وروح أقعد وسط عيالك أحسن لك ..

------------

الشيء الأخر .. إن تصريح المجلس العسكري الأعلى منذ أيام قليلة صراحةً إن الوزارة الحالية مش هي اللي هاتنظم الإنتخابات القادمة .. فده منتهى الإهانة له لو كان قبل ذلك .. وكان مفروض إستقال بعد التصريح ده مباشرةً ..

---------------

أرجو من الجميع أن يعي ويوعي من حوله إن الشباب بتوع التحرير مش هما السبب في عطلة البلد ولا هما السبب في الإنفلات الأمني

يا جماعة عيب اللي بيحصل ده وهو إني كل ما أكلم حد دلوقت يقول لي : إحنا رجعنا نتسلح تاني بالشوم والعصي لإن البلطجية رجعوا تاني فجأة وأنتشروا في أرجاء مصر كلها ....

وده ملعوب واضح من الشرطة القذرة ...

وبالتالي إيه ذنب الشباب الثائر في ده كله ؟

وممكن ندخل تحدي ونقاش بالعقل مع أي حد يجيب لي مطلب شخصي أو فئوي او غير مشروع لهؤلاء الشباب

يا جماعة الخير ..

هل قانون الطواريء إتلغي ؟

هل وزارة الداخلية إتعدلت وإتظبطت وأعادت تشكيل جهاز إرهاب الدولة ؟

هل المعتقلين الأبرياء اللي لسه مكتشفين أمس .. والأمس فقط إن في منهم شباب تم إعتقالهم يوم 25 يناير وإترحلوا على وادي النطرون من يومهاهل تم الإفراج عنهم أو عرفنا تهمهم إيه ؟

هل مبارك إتحاكم أو جت رجله في حاجه رسمية هو أو عياله ؟ اللهم إلا تجميد أرصدة وكلام فارغ من ده

ومين اللي سمح ليوسف بطرس غالي ورشيد محمد رشيد وحسين سالم وغيرهم بالفرار خارج مصر والقرارات اللي صدرت ضدهم دلوقت نبلها ونشرب ميتها ؟

يا جماعة فات شهر واكثر دلوقت ومطالبنا المشروعة اللي بنحلم بها بتتنفذ نقطة نقطة وبتفكرنا بأيام تغييرات مبارك اللي بسرعة السلحفاة واللي هي عبارة كلها عن ردود أفعال وليس أفعال خلصة

هذا ليس تشكيكاً في نزاهة المجلس العسكري .. لكنه عتاب ولوم ونقد بناء .. وعليهم أن يوضحوا وجهة نظرهم في كل تلك الأمور ويقنعونا بها

[Alattar]

RT @OmArMaGeD

: #Jan25 #Tahrir شفشق إستقال.. إذن فجمعتنا وإعتصامنا غدا لأجل حل جهاز أمن الدوله

RT @alienzero:

الهدف التالي بعد شفيق أمن الدوله وقولوا انشالله...المعركه المره دي هتكون شرسه...الصمود #jan25 #25jan

RT @AmrEzzat:

حركة 30 فبراير تدعو عصام شرف للتواجد غدا في ميدان التحرير وأداء اليمين أمام الشعب #Jan25 #Feb30

RT @monasosh:

#Jan25 بجد زهقت من كل أما ننتصر انتصار صغير الناس تقول طب فكك من المظاهرة بقى و الاعتصام. ماهم أم المظاهرة و الاعتصام اللي عملوا كدة أصلا!

RT @m_baligh:

تلاقي خبر الأهرام اللي جاي: بكاء جماعي على مقاهي فيصل #Jan25

معلش يا أيمن..حركة 30 فبراير دي اتأسست سنة كام بالظبط

أنا أعرف ان فيه سنة بسيطة..و سنة كبيسة

لكن سنة فيها فبراير 30 يوم...دي تبقي أكيد سنة خبيثة

[Alattar]

ممكن حد يجاوبني

هو شفيق بس اللي استقال و لا حكومة احمد شفيق كلها؟

حكومة شفيق كلها إستقالت

بس على الله بقى ماحدش يقولنا ان ابو الغيط ووجدى ولمعى وفهمى ورسمى دول وزارات ماينفعش نقرب لهم ويفضلوا ذى ما هما

شوفي يا فتفوتة..بالنسبة لأبو الغيط و وجدي و فهمي فعلا لازم يمشوا

بس لو سمحتوا..ما حدش يغلط في لمعي و رسمي

[شرف الدين]

هو الواضح دلوقت إن مركز القوة في يد الثورة...

ويوم بعد يوم مطالبنا بتحقق أكتر وأكتر

الشعب والشباب فوق الحكومة وفوق الجيش

شعب مصر يعلو ولا يعلى عليه

وهم الامناء على الثورة حتى تتحقق كل المطالب كما اسلفنا من قبل

ان خير من استاجرت القوى الامين .

تمام كلامك يا تيمور

أنا قلت قبل كده إن الضمانة الوحيدة لاستمرار نجاح الثورة هو الشعب المصري نفسه ممثلا في طبقته المثقفة اللي هيا طبقة الشباب ...

شعب مصر يعلو ولا يعلى عليه

الحق فوق القوة، والأمة فوق الحكومة

[fatfouta]

البرادعي يعلق على إقالة شفيق: سقط نظام مبارك البائد وحكومته نحن على الطريق السليم

Thu, 03/03/2011 - 12:51

قال الدكتور محمد البرادعي في صفحته الخاصة على شبكة تويتر معلقاً على نبأ استقالة رئيس الوزراء أحمد شفيق «سقط النظام البائد بسقوط مبارك وحكومته. نحن على الطريق السليم، خالص تقديري للمجلس الأعلى للقوات المسلحة على الاستجابة لمطلب الشعب».

كان المجلس الأعلى للقوات المسلحة قد قبل استقالة الفريق أحمد شفيق من رئاسة الحكومة وكالف عصام شرف وزير النقل الذي أقيل في ديسمبر 2005 بسبب خلافات مع رئيس الوزراء الأسبق أحمد نظيف.

وشارك شرف الذي يتمتع بالتقدير في الأوساط السياسية المصرية، في الانتفاضة المصرية التي اندلعت في 25 يناير الماضي وكان مع الشباب الذين اطلقوا الدعوة لها في ميدان التحرير.

وتعد إقالة شفيق استجابة من المجلس الأعلى للقوات المسلحة لمطلب رئيسي من مطالب «ائتلاف شباب ثورة 25 يناير» الذين كانوا يعتزمون تنظيم تظاهرة كبيرة الجمعة في ميدان التحرير لتأكيد إصرارهم على إسقاط شفيق معتبرين أنه من رموز نظام مبارك.

ويطالب الشباب كذلك باسقاط ثلاثة وزراء في حكومة شفيق يرون أنهم كذلك من رموز النظام السابق وهم وزراء الخارجية أحمد أبو الغيط والعدل ممدوح مرعي والداخلية محمود وجدي

تم تعديل 3 مارس 2011 بواسطة fatfouta