احمد شفيق استقال

[wsadani]

حقيقة لا أعلم لماذا دائما التأخر فى اتخاذ القرارات على الرغم من الضغط الشعبى

لماذا لا يتم اتخاذ القرارات بشكل أسرع أخشى الأن ان ندخل فى دوامة ان رئيس الوزراء الجديد يختار نفس الوزير الخارجية نفسه او الداخلية أو العدل ثم بعدها يتم انتخاب الرئيس الجديد بالدستور الحالى المعدل والذى سيعطى صلاحيات كثيرة للرئيس سوف ينشأ عنها مشاكل جمة فكيق تطلب من شخص بعض اعطتؤه صلاحيات ان يتنازل عن تلك الصلاحيات بعد ذلك

من جانب أخر فان مصر مهدده من الخارج من جميع حدودها ونحن مشغولون الأن بالداخل

أحمل بشكل رئيسى ما يحدث للمجلس الأعلى للقوات المسلحة على هذا لتباطؤ الذى يضر بمصر داخليا وخارجيا

أحب أقول كلامى للمرة التانية للتأكيد

[aimen]

معلش يا أيمن..حركة 30 فبراير دي اتأسست سنة كام بالظبط

أنا أعرف ان فيه سنة بسيطة..و سنة كبيسة

لكن سنة فيها فبراير 30 يوم...دي تبقي أكيد سنة خبيثة

:closedeyes:

عديها يا عمنا

بس فعلا فيه كلام على تويتر ان الشباب عاوزينه يروح يحلف اليمين امام الشعب فى ميدان التحرير غدا وكلام انه تقريبا هناك موافقه من عصام شرف على ذلك

RT @H_eid: RT @Asadx: مصادر مقربة من عصام شرف ترجح موافقته على التوجه إلى ميدان التحرير غداً #EssamSharaf #jan25

تم تعديل 3 مارس 2011 بواسطة aimen

[شرف الدين]

بأمانة ...

أحمد شفيق شخص محترم وكان ناجح كوزير للطيران المدني لكنه جاء في ظروف جعلته ملطوط ومشبوه نتيجة إقترابة من الجسم الغير مقبول المُسمى مبارك ..

وقد يكون ليس لديه كاريزمة رئيس وزراء ولا بيعرف يرد أو يتحدث بشكل مُقنع

كلام محترم يا سين سين

هو الراجل فعلا راجل محترم وتحس إنه ابن ناس... وكان وزير طيران ناجح ... ومفيش مانع إطلاقا إنه يفضل وزير طيران مدني

لكن هو بصراحة مكنش ينفع كرئيس وزارة..

رئيس الوزارة منصب سياسي وإداري معا ... ومحتاج سياسي محنك ويقدر يتكلم ويقنع وبالذات في الفترة دي.

بالإضافة إلى إنه غير محبوب شعبيا بسبب قربه من مبارك

واحنا في الفترة دي عايزين وجوه مقبولة شعبيا

[se_ Elsyed]

مطلب أخر يا جماعة

- ياريت نتعلم إننا لا نخلط العام بالخاص والشامي بالمغربي

يعني

أبويا اللي رباني واللي أنا إبنه .. من حقه حتى لو أنا كبير وبقيت قد ضرفة الباب .. من حقه يادبني ويعمل اللي هو عاوزه ويديني جوزين إقلام وقت ما يحب وأنا كل ده ونظري في الأرض إحتراماً له ...

لكن لما أعلم الناس بقى إن أي كبير في المنطقة أو في البلد أو في الشغل أو الجامعة وفي سن ابويا من حقه يأدبني هو راخر ... تبقى العملية كده سايبة وقلة أدب والواحد هايكل ضرب ليل نهار ويبقى مسخره

يعني السلطة الأبوية اللي شغالين لنا فيها من 60 سنة المفروض تتلغي من عقولنا ..

لكن يظل إحترامنا وتقديرنا لكل اللي أكبر مننا

لكن الإحترام ليس عائقاً أبداً أمام النقد أو إبداء الرأي المحترم

لكن هما غرسوا فينا إنك لما تنتقد اللي أكبر منك اللي هو شغال عندك في بلدك .. مش قصدي شغال سخرة يعني . لأ

يعني هو مهما كان موظف حتى لو بقى رئيس جمهورية وارتكب جرائم وأخطاء يبقى أنت كده كأنك بتغلط في ابوك اللي رباك ... وعيب يا ولد ... ولما تقول إن البطيخ أقرع .. يبقى كإنك بتقول إن مولانا أقرع لإن مزارع البطيخ هي في الحقيقة ملك لمولانا وممكن كده تتحاكم بتهمة العيب في الزيت الملكية !!!!!

فكده منتهى القهر والديكتاتورية

فبعد ما خلصنا من بابا مبارك وماما سوزان مكتبات ..

جالنا بابا شفيق وبقى يذلنا إنه حارب وإتقتل 5 مرات وهو بيحارب ملايين الصهاينة اللي عدمهم العافية في حين كنا إحنا نايمين في بيوتنا

ولما كل شوية يكرر لدكتور عمرو حمزاوي اللي كان مؤدب اكتر من اللازم أمس بصراحة إن : عيب يا عمرو .. انا أكبر منك .. وعيب يا عمرو إنت والدك كان صديقي

يبقى خلاص .. نقفلها ونروح ونسيبها لهم بقى

[أيمن عبد العزيز]

للأسف يا جماعة .. كتر من اللي موجودين في مصر بيتبرمجوا بطريقة غريبة .. مش عارف من الإعلام المسموم .. ولا من الميه ولا الهوا

لأني كل ما أكلم حد من قرايبي في مصر تلاقيهم منبهرين بشخصية أحمد شفيق وبالنجاح اللي عمله في وزارة الطيران ..

وكأن عندك طالب فاشل في الجامعة وكل سنة يسقط ... بس إنت مصمم إنه كان متفوق في الإعدادية .. وبالتالي هل ده يشفع له ويغفر له فشله في الجامعة ؟

دخلت هذا الصباح على اليوم السابع ولقيت أكثر من 20 صفحة تعليق على ما دار بالامس في لقاء شفيق على الأو تي في ..

و 90 % منها شتيمة لشباب التحرير اللي هايخربوا البلد .. وتمجيداً في صاحب الضربة الجوية الثانية أحمد شفيق - على اساس إن الأولى كانت متسجلة بإسم مبارك - ودعوات من عينة " سيبوه يشتغل وبطلوا خراب بقى "

شيء غريب مش كده ؟

لما يكون عندي رئيس وزراء ينكر أو يدعي عدم معرفته بما يدور في وزارة الداخلية أو أمن الدولة ويستهزأ بالشهداء ومش عارف أي حاجه في أي حاجه ... يبقى نسيبه يكمل ؟

كلام جميل وفعلا احمد شفيق مينفعش يبقى رئيس وزراء ومينفعش نمجد فيه لان حرب اكتوبر من اصغر عسكرى لاعلى رتبة كلهم ليهم فضل بعد ربنا فى اللى اتحقق ومينفعش نسيبه يكمل

بس على الاقل لازم نتعامل معاه باحترام سوء لرتبته العسكرية او لسنه او حتى لموقعه كرئيس وزراء مصر

يعنى مينفعش السيد الدكتور المحترم علاء الاسوانى يقوله انت لو اتنفخت زيينا مكنتش قولت كده

سياسة الصوت العالى واللعب على مشاعر الناس مش حلوة سواء اللى بيعمل كده من النظام السابق او من رجال الثورة

رغم أني أحترم الصغير قبل الكبير سواء كان رئيس وزراء أو حتى غفير

إلا أن المنطق هنا قد إستفزني .. هل سنه أو رتبته العسكرية أو منصبه هم فقط ما يبعث على إحترامه ؟

لماذا لا ننظر إلى إصراره الغريب على إستمراره كرئيس وزراء رغم رفض الملايين له و نقول أنه يبعث على عدم الإحترام ؟

إن إصراره على الإستمرار في منصبه هو أحد أسباب الإصرار على إقالته فمن في موقعه و خبرته و تاريخه و لا يفهم معنى الثورة و مطالبها و آليات تنفيذها فهو بالتأكيد غير مؤهل للبقاء في خضم السياسة و معتركها

عندما تقوم ثورة فهي تهدف لتغيير شامل يتضمن كل مناصب و رموز النظام القديم و يقول الشعب كلمته و تستمد الكلمة شرعيتها من الشعب و لابد من الرضوخ لتلك الشرعية و إحترامها

اه طبعا منطق احترام الكبير لازم يكون موجود وإلا هتبقى فوضى

انا بتكلم على اسلوب الحوار نفسه واظن انى قولت ان شفيق لا يصلح انه يكون رئيس وزراء كلامى واضح بس ده ميدنيش الحق انى اتطاول عليه واقوله انت متنفختش زيينا

غريبة ان كلامك فى تناقض ازاى بتحترم الغفير والوزير ومش شايف من الاسباب الثلاثة اللى فوق حاجه تخلينا نحترم الراجل ؟

كما تفضلت حضرتك أنا أحترم الكبير و الصغير و لكن التشبث بالسلطة في وجود رفض شعبي عارم هو أمر يدعو لعدم الإحترام و مع ذلك فأنا لم أنتقص من قدر الفريق أحمد شفيق و لكني أيضاً لا أرى في تعليق الدكتور علاء الأسواني قضية لنناقشها فقد قارن الأسواني بين رجل الشارع اللذي يختار الرئيس و يدفع له راتبه و بين رئيس الوزراء اللذي يخدم رجل الشارع و يسهر على أمنه و سلامته و رعايته

رجل الشارع قاسى الأمرين من كل أشكال الفساد و دفع من كرامته الكثير قبل الثورة ليبقى فقط على قيد لحياة في حين يبقى المسئولين في حراسة الدولة و تحت رعايتها و ينعموا بعلاجها في الخارج و تسهيلاتها في الداخل و رواتبها الفلكية و إمتيازاتها الخيالية

نعم أنا أتفق مع دكتور علاء فيما قاله للفريق أحمد شفيق و لا أراه إنتقاصاً من الإحترام بل هو تقرير واقع قائم بالفعل .. و محته الثورة من الوجود

[Alattar]

معلش يا أيمن..حركة 30 فبراير دي اتأسست سنة كام بالظبط

أنا أعرف ان فيه سنة بسيطة..و سنة كبيسة

لكن سنة فيها فبراير 30 يوم...دي تبقي أكيد سنة خبيثة

:closedeyes:

عديها يا عمنا

بس فعلا فيه كلام على تويتر ان الشباب عاوزينه يروح يحلف اليمين امام الشعب فى ميدان التحرير غدا وكلام انه تقريبا هناك موافقه من عصام شرف على ذلك

RT @H_eid: RT @Asadx: مصادر مقربة من عصام شرف ترجح موافقته على التوجه إلى ميدان التحرير غداً #EssamSharaf #jan25

عادي يا عم أيمن..أنا بحب أناكشك كده

بس تصدق فعلا لو نزل للشباب في التحرير و سمع منهم..ياراجل ده كفاية بس حركة زي دي..هتزود رصيده

عند الناس جدا..وخصوصا اني قرأت انه كان من الناس اللي موجودة في الثورة من أول يوم

[fatfouta]

هو الدكتور يحيى الجمل هيبقى ايه دلوقتى يعنى

هيفضل نائب رئيس الوزراء ولا ايه؟؟؟؟

[fatfouta]

البرادعي على تويتر: من الغد نبدأ معا مرحلة البناء فى المدارس والجامعات والمصانع والمؤسسات.كلنا نعمل من أجل مصر

[م تيمور المراغي]

...........

غريبة ان كلامك فى تناقض ازاى بتحترم الغفير والوزير ومش شايف من الاسباب الثلاثة اللى فوق حاجه تخلينا نحترم الراجل ؟

محمد زميلي وصديقي وحبيبي

الانسان اللي قدامك هو اللي بيجبرك على احترامه وتوقيره وعدم التحدث ناظرا في عينيه من الاجلال زي م. بهجت كده :happy:

او يجبرك انت نفسك ان تتطاول عليه اذا كان مش عند مستوى توقعاتك من التقدير والاحترام ,,

خلاص عفى الله عما سلف واهو ذهب بحسناته وسيئاته لا نزيد فيه ,,

لكن اقول

ان شعب ال 80 مليون مصري حنجد فيمه يقينا من هم الاجدر والاكفأ و الاقوى والاجلد من رموز نظام مبارك الفاسدين المقصرين ,,

ان شاء الله ,,

[م تيمور المراغي]

هو الدكتور يحيى الجمل هيبقى ايه دلوقتى يعنى

هيفضل نائب رئيس الوزراء ولا ايه؟؟؟؟

الكل الان خارج الوزارة وسيتم تشكيل الوزاره الجديده بعد جلوس د. عصام شرف مع ممثلين الائتلاف والقوى السياسية الفاعلة في مصر و معرفة آرائهم اولا و بعد عرضها ايضا على الجيش

اللي عرفته ان ماحدش حيحلف اليمين من ا لوزراء عليه اعتراض من الشباب ,,

[م تيمور المراغي]

فيه اخبار مش مؤكدة على ابقاء بعض الوزراء الحاليين من الجدد وليس من القدامي

[jasmin hamed]

هو صحيح ان عصام شرف منضم للاتلاف الشباب

[fatfouta]

هو صحيح ان عصام شرف منضم للاتلاف الشباب

نقلا عن صديق الدكتور عصام شرف انه مش هيقدر يجى ميدان التحرير غدا لانه بيعقد سلسله من الاجتماعات العاجله لاختيار افضل العناصر للحكومه المقبله، وهيبعت كلمه مع ا.جورج اسحاق للمحتفلين غدا غى الميدان.

[Alattar]

فيه اخبار مش مؤكدة على ابقاء بعض الوزراء الحاليين من الجدد وليس من القدامي

بس اوعي يكون من ضمنهم..محمود وجدي

[م تيمور المراغي]

هو صحيح ان عصام شرف منضم للاتلاف الشباب

هو الدكتور يحيى الجمل هيبقى ايه دلوقتى يعنى

هيفضل نائب رئيس الوزراء ولا ايه؟؟؟؟

الكل الان خارج الوزارة وسيتم تشكيل الوزاره الجديده بعد جلوس د. عصام شرف مع ممثلين الائتلاف والقوى السياسية الفاعلة في مصر و معرفة آرائهم اولا و بعد عرضها ايضا على الجيش

اللي عرفته ان ماحدش حيحلف اليمين من ا لوزراء عليه اعتراض من الشباب ,,

تم تعديل 3 مارس 2011 بواسطة architect

[م تيمور المراغي]

فيه اخبار مش مؤكدة على ابقاء بعض الوزراء الحاليين من الجدد وليس من القدامي

بس اوعي يكون من ضمنهم..محمود وجدي

طبعا لأا

[jasmin hamed]

هو صحيح ان عصام شرف منضم للاتلاف الشباب

نقلا عن صديق الدكتور عصام شرف انه مش هيقدر يجى ميدان التحرير غدا لانه بيعقد سلسله من الاجتماعات العاجله لاختيار افضل العناصر للحكومه المقبله، وهيبعت كلمه مع ا.جورج اسحاق للمحتفلين غدا غى الميدان.

بيحضر المظاهران ولا عضو فى ائتلاف الثوره تفرق ؟

[Handasah]

الف مبروك ويجماعة تعالو ندعى ان ربنا يقويه ويعينه على المهمة الصعبة

مصر محتاجة رجالتها فى كل المجال دلوقتى علشان نرجع من جديد .

[م تيمور المراغي]

الف مبروك ويجماعة تعالو ندعى ان ربنا يقويه ويعينه على المهمة الصعبة

مصر محتاجة رجالتها فى كل المجال دلوقتى علشان نرجع من جديد .

مادام انسان مخلص والشعب حبه وبيحبه وبيثق فيه ,,

صدقيني حتشوفي والله مصر تانيه اجمل وانضف واروع من زمان

ان شاء الله ,,

[م تيمور المراغي]

في مكالمة : في اسرع استجابة لمطالب الشباب د. عصام شرف يريد ان يؤدي اليمين امام الشعب : OMGRT @ginaelnazer:في التحرير