أنباء عن التعديلات الوزارية (2) بعد إقالة حكومة شفيق

[أحمد سيف]

الخبر ده مكتوب عل رصد من امبارح يارب يكون صحيح

| شبكة رصد،مؤكد: حمدي قنديل رئيسا لإتحاد الإذاعة والتليفزيون ‏

يا ريت

وعلاء الأسواني يبقى وزير الثقافه

تبقى كملت ... ههههههههه

[fatfouta]

دعوات للاعتصام أمام وزارة الثقافة لمنع عماد أبو غازي من عضوية حكومة الثورة

أحد أبرز رجال فاروق حسني ونظام مبارك وضلع في مثلث إفساد الثقافة المصرية ..

المصريون

[se_ Elsyed]

أنا صوتني إتنبح وزهقت بصراحة ....

وزير الإسكان: "شرف" وافق على المشروع القومى الجديد

الإثنين، 7 مارس 2011 - 13:52

الدكتور فتحى البرادعى وزير الإسكان والمرافق والتنمية العمرانية

كتبت هبة حسام الدين

التقى صباح اليوم، الاثنين، الدكتور فتحى البرادعى، وزير الإسكان والمرافق والتنمية العمرانية، بالدكتور عصام شرف رئيس مجلس الوزراء، لمناقشة المشروع القومى الجديد الذى ستنفذه الوزارة خلال الخمس سنوات المقبلة كسكن اجتماعى للشباب.

وقال البرادعى فى تصريح خاص لـ"اليوم السابع" إنه قام بعرض توجهات الوزارة فى تنفيذ هذا المشروع الاجتماعى والتى يراعى فيها متطلبات الشباب من الفئتين "محدودى ومتوسطى الدخل" تأكيدا على العمل فى تنفيذ المشروع من قبل الوزارة، لافتا إلى أن رئيس الوزراء كان محفزا لهذه التوجهات ومشجعا لتنفيذ المشروع.

وأكد البرادعى أن هناك خطين يسير عليهما الآن العمل بالوزارة، الأول هو استكمال كافة المشروعات "المفتوحة" سواء إسكان أو مشروعات مياه شرب وصرف صحى، وخاصة أن هذه المشروعات تخص المواطن البسيط وحقوقه والتى يجب ألا تتأثر بأى أحداث، لذا يتم عمل متابعة يومية للوضع الذى وصلت إليه هذه المشروعات، وفى المقابل يتم إعداد الدراسات والمخططات للمشروع القومى الجديد.

وأشار وزير الإسكان إلى أن الشهور المقبلة لحين البدء فى المشروع الجديد بداية العام المقبل لن يقتصر الأمر بها على إعداد الدراسات فقط، وإنما ستشهد اتخاذ العديد من الخطوات الفعلية أيضا فى الإعداد لهذا المشروع الاجتماعى والتى سيتم الإعلان عنها رسميا أولا بأول.

[se_ Elsyed]

شرف يستجيب لمطالب المتظاهرين ويقرر تخصيص وزارة للآثار

الإثنين، 7 مارس 2011 - 14:00

كتب محمد الجالى

وافق الدكتور عصام شرف، رئيس حكومة تصريف الأعمال، على طلب المتظاهرين من موظفى الآثار أمام مجلس الوزراء اليوم بتخصيص حقيبة وزارية للآثار.

وكان نحو 4 آلاف موظف تابعين للآثار قاموا صباح اليوم، الاثنين، بالتظاهر أمام مجلس الوزراء، مطالبين باستقلال الآثار عن الثقافة فى وزارة مستقلة، وبعد نحو ساعة ونصف من تظاهرهم خرج إليهم الدكتور عصام شرف وتحدث إليهم عبر شرفة المركز الصحفى، وبين الهتافات المؤيدة له والمطالبة بنزوله إليهم، أخبرهم شرف بأن هيئة الآثار ستتبع رئاسة مجلس الوزراء مباشرة ثم انصرف بعد أن بح صوته أمام هتافات الموظفين، ثم عاد وأعلن لهم موافقته على استحداث وزارة للآثار.

[fatfouta]

تعرف على وزير الداخلية الجديد

http://www.youtube.com/watch?v=hgqrxYDWFuA&feature=player_embedded#at=157

[rewsha]

المهندسه

"زاهى حواس"وزير الاثار

دول كانوا انسب اتنين فى مواقعهم الصاوى مشهور من زمان بدعمه للثقافه بالساقيه الخاصه به و حواس طول عمرهم يدوروا عليه مايلاقوهوش و فى الاخر يكتشفوا انه بايت جنب اى حته مومياءبيعمل اكتشافات و بينزل بنفسه و سط الحفر

والنبى تجاوبونى لو تعرفوا

يقال انه اكبر تاجر اثار .......والله اعلم

(انا خريجة كلية الاثار على فكره )

وكان عندنا دكاترة تانيين محترمين جدا .ولم يظهر عليهم الثراء زي د/زاهي

ادخلي شوفي التعليقات بتاعت الناس على الصفحه دي وانتي تفهمي

الرباط الخاص بي

تم تعديل 7 مارس 2011 بواسطة rewsha

[rewsha]

زعلت جدا ان د/ممدوح حمزه مش هوه اللي هايمسك وزارة الاسكان :closedeyes:

كان نفسي الراجل ده هوه اللي يمسكها وكنت باتمنى كده

[engmido]

زعلت جدا ان د/ممدوح حمزه مش هوه اللي هايمسك وزارة الاسكان :closedeyes:

كان نفسي الراجل ده هوه اللي يمسكها وكنت باتمنى كده

فعلا خسارة جدااا

[pink rose]

زعلت جدا ان د/ممدوح حمزه مش هوه اللي هايمسك وزارة الاسكان :closedeyes:

كان نفسي الراجل ده هوه اللي يمسكها وكنت باتمنى كده

فعلا خسارة جدااا

متهيألي ان كده احسن

لان الدكتور حاليا مشغول بتنفيذ مشروع الصحراء الغربية

و لو مسك الوزارة اكيد دا هايأثر على المشروع بدرجة كبيرة

الاحسن انه يبقى حر مش مقيد

عموما بكرة في اجتماع بالخصوص دا لبدء حجز ال farm blocks

تقدروا تشوفوا التفاصيل هنا

تم تعديل 7 مارس 2011 بواسطة remo

[المهندسه]

المهندسه

"زاهى حواس"وزير الاثار

دول كانوا انسب اتنين فى مواقعهم الصاوى مشهور من زمان بدعمه للثقافه بالساقيه الخاصه به و حواس طول عمرهم يدوروا عليه مايلاقوهوش و فى الاخر يكتشفوا انه بايت جنب اى حته مومياءبيعمل اكتشافات و بينزل بنفسه و سط الحفر

والنبى تجاوبونى لو تعرفوا

يقال انه اكبر تاجر اثار .......والله اعلم

(انا خريجة كلية الاثار على فكره )

وكان عندنا دكاترة تانيين محترمين جدا .ولم يظهر عليهم الثراء زي د/زاهي

ادخلي شوفي التعليقات بتاعت الناس على الصفحه دي وانتي تفهمي

الرباط الخاص بي

والله يا روشه مش مصدقه ال شوفته ده ابدا ....احنا فعلا كنا مخدوعين اوى كده

هو ايه مصر كل المسئولين ال فيها لازم فى نهايه الفيلم يطلعوا حراميه...و لا الفيلم لسه ما خلصش يارب يخلص احسن بقه بايخ اوى

[أحمد سيف]

وزير المالية : الاقتصاد المصري بخير ولايعاني أي انهيار

.........................

نفى الدكتور سمير رضوان وزير المالية الانباء التى ترددت حول انهيار الاقتصاد المصرى مؤكدا انه بخير ولم تحدث به هزات كبيرة حيث لا يعتمد على سلعه واحدة ويقوم على التنوع القطاعى

هو شفيق مش كان قبل يومين بس بيقول البلد هتقع وبناكل من لحمنا الحي

فين الكلام ده بقى

[Alattar]

وزير الداخلية التونسي يتخذ قرارا بإلغاء جهاز أمن الدولة

هي تونس دايما سابقانا بخطوة كده..احنا حلينا مجلس الشعب المزور..و هما ألغوا أمن الدولة

عقبالنا كده ..أو علي الأقل..تطهيره و جعله فعلا هدفه...أمن الدولة

وليس أمن النظام..و رجال النظام

[رضوي]

دعوات للاعتصام أمام وزارة الثقافة لمنع عماد أبو غازي من عضوية حكومة الثورة

أحد أبرز رجال فاروق حسني ونظام مبارك وضلع في مثلث إفساد الثقافة المصرية ..

المصريون

وزارة الثقافة مليااااااااااااااااااااااانة اعتصامات ومظاهرات ............... والحمد لله بيضحكوا عليهم بقي بشوية قرارات زي الفل ...... احالة وكيل وزارة للنيابة العامة ( وف الواقع بياخد أجازة وبيعمل تفويض باختصاصاته )

بس بقي كل قطاعات الوزارة بكره هيتجمعوا عند مكتب الوزير في تمام العاشرة صباحاً ........ ومش كلهم رايحيين يعني علشان الوزير مش عاجبهم ....... لا خاااااااالص .......... كل مجموعة هتتجمع علشان تطلب طلب مختلف

بالشفا

بجد الوزارة دي مليانة كفاءات ........ ومليانة فسااااااااااااااااااااااااد ........ مخصص الوزارة كبير جداً ...... بس للاسف بقي ....... النهب والسرقة والفساد كتيييييييييييير اوي ......

لو بني آدم تقي محترم حازم يمسك الوزارة دي ...... أكيد هيغير معنى الثقافة في مصر

وبجد الوزارة مليانة كفاءات هتساعده للوصول لمعنى جديد للثقافة

[رضوي]

وزير المالية : الاقتصاد المصري بخير ولايعاني أي انهيار

.........................

نفى الدكتور سمير رضوان وزير المالية الانباء التى ترددت حول انهيار الاقتصاد المصرى مؤكدا انه بخير ولم تحدث به هزات كبيرة حيث لا يعتمد على سلعه واحدة ويقوم على التنوع القطاعى

هو شفيق مش كان قبل يومين بس بيقول البلد هتقع وبناكل من لحمنا الحي

فين الكلام ده بقى

شفيق قال ان احنا بناكل من لحم الحي وانتوا مش حاسين بحاجة ......... ومش هتحسوا الا الشهر الجاي لان مافيش مرتبات هتتصرف .... علشان اصلا مافيش فلوس نصرفها ( يعني بطرس ضيع فلوس المعاشات ف البورصة وشفيق ادي للتلات جرايد الخربانة 47 مليون جنيه وقال مافيش مرتبات للموظفين )

بس كويس اوي ان سمير رضوان يعلن خبر زي دة .......... اعلانه للخبر يعني انه متأكد منه ( مع اني متغاظة منه من ساعة ال 47 مليون بتوع الجرايد الخربانة )

[se_ Elsyed]

تخيلوا بقى إن معجب جداً بفكر وزير الصحة الجديد دكتور أشرف حاتم واللي تولى الوزارة أيام احمد شفيق

لاني لاول مره أرى مسئول مصري من أيام الملك أحمس يتخلى عن العادة الفرعونية المتوارثة لدينا من الاف السنين وهي تقتضي إن أي فرعون او مسئول بييجي .. يبقى لازم يهدم ما بناه سلفه .. أو على الأقل يشوه صورته

الفراعنة كانوا بيمسكوا بتاعه كده زي الفأس ويبتدوا يمحوا إسم الفرعون السابق من على جدران المعابد

فالدكتور أشرف قام منذ ايام بتكوين لجنة إستشارية من 3 وزراء صحة سابقين - مش بينهم الحوت حاتم الجبلي - لكي يستفيد من خبراتهم في هذا المجال ولكي يستشيرهم في الأمور المتعلقة بصحة المواطنين .. كما انه اليوم اول واحد كان له مطالب من رئيس الوزراء وطلب 5 مليار جنيه لتوفير العلاج المجاني للمواطنين

واتمنى من الدكتور أشرف إنه يقوم بدراسة فكرة التأمين الصحي الشامل على أن تكون هناك فرصة لدخول شركات تأمين عالمية لهذا السوق الضخم والخصب ..

كما أرجو منه الإهتمام بالمستشفيات الحكومية اللي بصراحة تقرف الكلب

سبحان الله

والله لسه باكتب كده إلا والاقيهم مستضيفينه على برنامج الحياة اليوم تليفونياً

[fatfouta]

التشكيل النهائى

أدى رئيس الوزراء الدكتور عصام شرف وأعضاء حكومته اليمين الدستورية أمام أمام المشير حسين طنطاوى القائد العام للقوات المسلحة - رئيس المجلس الأعلى للقوات المسلحة .. وهم :

- السيد الأستاذ الدكتور عصام عبد العزيز أحمد شرف .. رئيسا لمجلس الوزاء

- السيد الأستاذ الدكتور يحى عبدالعزيز عبدالفتاح الجمل .. نائبا لرئيس مجلس الوزراء

- السيد الدكتور سيد عبده مصطفى مشعل .. وزير دولة للانتاج الحربى

- السيد الدكتور حسن أحمد يونس .. وزيرا للكهرباء والطاقة

- السيدة فايزة محمد أبوالنجا .. وزيرا للتخطيط والتعاون الدولى

- السيد المهندس ماجد جورج إلياس غطاس .. وزير دولة لشئون البيئة

- السيد محسن النعمانى محمد حافظ .. وزير دولة للتنمية المحلية

- السيد الدكتور محمد فتحى عبدالعزيز البرادعى .. وزيرا للاسكان والمرافق والتنمية العمرانية

- السيد الدكتور عبدالله الحسينى أحمد هلال .. وزيرا للأوقاف

- السيد الدكتور سمير محمد رضوان .. وزيرا للمالية

- السيد المهندس إبراهيم أحمد مناع .. وزيرا للطيران المدنى

- السيد المهندس عاطف عبدالحميد مصطفى .. وزيرا للنقل

- السيد الدكتور مهندس حسين إحسان العطفى .. وزيرا للموارد المائية والرى

- السيد الدكتور أيمن فريد أبوحديد .. وزيرا للزراعة واستصلاح الأراضى

- السيد الدكتور عمرو عزت سلامة .. وزيرا للتعليم العالى والبحث العلمى والتكنولوجيا

- السيد الدكتور أحمد جمال الدين موسى .. وزيرا للتربية والتعليم

- السيد الدكتور ماجد إبراهيم عثمان .. وزيرا للاتصالات وتكنولوجيا المعلومات

- السيد الدكتور أشرف محمود إبراهيم حاتم .. وزيرا للصحة والسكان

- السيد الدكتور جوده عبد الخالق السيد .. وزيرا للتضامن والعدالة الإجتماعية

- السيد الدكتور سمير يوسف على الصياد .. وزيرا للصناعة والتجارة الخارجية

- السيد منير فخرى عبدالنور .. وزيرا للسياحة

- السيد المستشار محمد عبدالعزيز إبراهيم الجندى .. وزيرا للعدل

- السيد منصور عبدالكريم مصطفى عيسوى .. وزيرا للداخلية

- السيد الدكتور نبيل عبدالله العربى .. وزيرا للخارجية

- السيد الدكتور أحمد حسن البرعى أحمد البرعى .. وزيرا للقوى العاملة والهجرة

- السيد عماد بدرالدين محمود أبوغازى .. وزيرا للثقافة

- السيد محمد عبدالله محمد عبدالمنعم غراب .. وزيرا للبترول والثروة المعدنية

اخبار مصر

[fatfouta]

وعقب آداء اليمين الدستورى عقد المشير حسين طنطاوى لقاء مع أعضاء الوزارة إستعرض فيه أهم المتغيرات والقضايا الحالية بالدولة والتحديات المختلفة المؤثرة على الأمن القومى المصرى وضرورة التواصل مع الجماهير , وكذا أهمية الحفاظ على مواردنا من مياه النيل وأمن مصر المائى والإهتمام بالتصدى للانفلات الأمنى فى الشارع المصرى ومقاومته وعودة الشرطة المدنية لممارسة عملها فى أسرع وقت ممكن لإنتظام الحركة اليومية فى جميع مؤسسات الدولة وتوفيرالمناخ المناسب لإنتظام العمل فى المصانع والشركات لدفع عجلة الإنتاج وتنشيط الإستثمارات الداخلية والخارجية فى مختلف المجالات لإتاحة المزيد من فرص العمل ومحاصرة البطالة والنظر إلى ضرورة وضع خطة لتطوير التعليم بجميع مراحلة والإهتمام بالرعاية الصحية للمواطنين مع تحمل الدولة أعباء تكاليف الرعاية الصحية لغير القادرين وتخفيف أعباء المعيشة عن المواطن المصرى وضمان تلبية إحتياجات المواطنين وتحسين جودة الخدمات العامة وخاصة فى مجالات الرى والزراعة , وكذا الإهتمام بضبط الآداء الحكومى ومحاربة الإنحراف والفساد والمساواة فى حقوق المواطنين وتحقيق تكافؤ الفرص وإزالة جميع المخالفات على أراضى الدولة والبناء على الأراضى الزراعية وإتخاذ الإجراءات القانونية ضد المخالفين .

وقد أكد سيادته على قيام السادة الوزراء بتوجيه القطاعات التابعة لتجميع وبحث كافة المطالب الفئوية وتصنيفها وإيجاد حلول منطقية فى حدود الموارد المتاحة مع قيام كل وزارة بإعداد خطة عمل خلال المرحلة القادمة تتضمن أنسب إسلوب آداء للنهوض بالنواحى السياسية والإقتصادية للوطن على المستويين الإقليمى والدولى وتحقيق أكبر مكاسب ممكنة للمواطنين على مختلف المستويات الإجتماعية والثقافية .

كما أكد على إجراء الإستفتاء على التعديلات الدستورية يوم 19 مارس 2011 وقيام السيد رئيس مجلس الوزراء بعقد إجتماعات للمحافظين للاعداد وتأمين إجراءات الإستفتاء وعرض تعديل القوانين المكملة للدستور فى ضوء التعديلات الدستورية على مجلس الوزراء لمراجعتها فى صورتها النهائية وإتخاذ الإجراءات اللازمة لتنفيذ إنتخابات مجلس الشعب ثم الإنتخابات الرئاسية خلال المدة التى قررها المجلس الأعلى للقوات المسلحة فى الإعلان الدستورى .

وفى نهاية القاء أكد سيادته على أهمية إتخاذ القرارات بشكل جماعى وأن يتسم العمل بالوضوح والعلانية وطالبهم بأن يكون العمل لله والوطن .

تم تعديل 7 مارس 2011 بواسطة fatfouta

[fatfouta]

حكومة د. شرف تؤدي اليمين الدستورية أمام المشير طنطاوي

http://www.youtube.com/watch?v=Mkrcga_batA&feature=player_embedded

[rewsha]

حكومة د. شرف تؤدي اليمين الدستورية أمام المشير طنطاوي

http://www.youtube.com/watch?v=Mkrcga_batA&feature=player_embedded

تسلم ايدك يا فتفوته bv:- clp::

كنت عماله ادور في القنوات علشان اشوف الوزراء وهمه بيؤدوا اليمين ومش عارفه امتى وعلى اي قناه هالاقيه

قلت ادخل ابص هنا اكيد هالاقيكي جايباهولنا زي ما اتعودنا دايما منك

خودي دي منى ليكي kis)-

[fatfouta]