مطالبنا من الحكومة الجديدة

[masraweya]

السلام عليكم

اختيار د. عصام شرف لتشكيل الوزارة بادرة خير

و الأسماء المطروحة و التشاور حولها و الاعتبار برأي الناس .. كلها مؤشرات جيدة

ممكن هنا نحط تصوراتنا و طلباتنا العاجلة من الحكومة الجديدة بوزاراتها المختلفة؟

لعل و عسى

[Mostafa Kasem]

على الجانب الامني

1- الاسراع في تقديم مجرمي النظام السابق للعدالة ( من قطع الاتصالات - من امر بضرب المتظاهرين - من سرق ونهب اموال الشعب واولهم مبارك)

2- العمل على وضع حل فعال لامن الدولة بتحويله لقطاع منزوع السلطات و تقليص مهامه للبحث عن ما يضر امن مصر القومي و ليس متابعة المصريين

3- اعادة هيكلة وزارة الداخلية بتحسين المرتبات و اوضاع صغار الظباط و اعادة تأهيلهم نفسياً للتعامل مع الشعب

4- تقليل ميزانية وزارة الداخلية و ذلك بتقليل اعداد الجنود و صف الظباط (عددهم يصل الى 1.5 مليون)

على الجانب السياسي

1- العمل على وضع اليات انتخابات مجلس الشعب و الرئاسة بشكل يمنع التزوير

2- الاسراع بطرح مسودة دستور جديد للبلاد حتى يتم البت والتصويت عليه من قبل الشعب

3- اعادة هيكلة كل الوزارت و ماديا بشكل يؤدي الى سرعة اتخاذ القرارات و تقليل البيروقراطية و اعادة توزيع المرتبات توزيعا عادلا خلال كل الوزارات

4- الوصول لتسوية سريعة في موضوع حوض النيل ترضي الجميع

على الجانب التنموي

1- البدء السريع في مشروع تنموي ضخم مما تم دراسته من قبل (كممر التنمية او استصلاح الاراضي الصحراوية باستخدام موارد مائية بديلة) بدون تأخير و فتح باب التقديم للشباب

على الجانب العلمي

1- اعادة هيكلة الجامعات ووزارة التعليم و رفع مرتبات اساتذة الجامعات و المدرسين

2- زيادة ميزانية البحث العلمي الى مستوى لايقل عن 5-6% من الدخل القومي لمصر (الرقم الحالي 0.2 % مقارنة باسرائيل 4.7%)

3- تكوين مراكز بحثية مستقلة تعمل كنقاط مضيئة مثل تركيا و الهند تجذب صغار الباحثين و المتميزين

4- تجديد و تفعيل اكاديمية البحث العلمي من خلال منظومة تساعد على اجتذاب براءات الاختراعات و ايجاد مصادر تمويل فعالة

5- تغيير المناهج المدرسية بشكل يوائم طبيعة العصر الحديث

على الجانب الاجتماعي

1- العمل على استقلالية المؤسسات الدينية خصوصا الازهربارجاع الاوقاف بها

2- العمل على استقلالية النقابات و الهيئات المهنية

3- تسهيل انشاء مؤسسات خيرية و اجتماعية مع مراقبة ادائها

السلام عليكم

اختيار د. عصام شرف لتشكيل الوزارة بادرة خير

و الأسماء المطروحة و التشاور حولها و الاعتبار برأي الناس .. كلها مؤشرات جيدة

ممكن هنا نحط تصوراتنا و طلباتنا العاجلة من الحكومة الجديدة بوزاراتها المختلفة؟

لعل و عسى

[أحمد سيف]

ممكن يا جماعه نساعد في حسن اختيار الوزراء والقيادات بأن نقترح أسماء نظيفة ولديها كفاءة وعلم ... لأن أحد حجج النظام القديم هو أنه لا توجد بدائل وأن الموجودين هم أفضل المتاح

[pink rose]

اهم مطلب ليا من الحكومة الجديدة انها تفتح للعقول المصرية الفذة المجال للمساعدة على تخطي المرحلة الحالية

امثال دكتور اسامة الباز

دكتور احمد زويل

دكتور مجدي يعقوب

دكتور ابراهيم الفقي

دكتور ممدوح حمزة

دكتور عصام حجي

دكتور عمرو خالد

و كتير غيرهم

لازم العقول المصرية دي نستفيد منها و من خبراتها

[Om Zayd]

د. مصطفي ما شاء الله كفى و وفى

ممكن أضيف بالنسبة لوزارة الزراعة

سرعة ازالة التعديات على الاراضي الزراعية و إجبار من قام بها على اعادتها صالحة للزراعة

دعم الفلاح و مواجهة مافيا الاسمدة و دراسة العودة لنظام الدورة الزراعية

التصدي الحاسم للمبيدات و المخصبات المخالفة

السياسة المائية تحتاج مراجعة حتى نتجنب لجوء الفلاحين للري بمياه الصرف

الاستفادة من الابحاث الممتازة في كليات الزراعة

[لماضة مصرية جدا]

السلام عليكم و رحمة الله و بركاته

انا مش هخش في تفاصيل محددة....لاني علي علم ان هناك من هم أقدر مني في تسميتها

بس انا شخصيا....و محدش يزعل مني....هضطر اقتبس عبارة كنت بسمعها في الحزبونطي....

فكر جديد

أنا نفسي احس ان البلد بتدار بفكر جديد

يعني بدل ما كل حاجة نقول عليها مش هتنفع....ليه منجربشي

نفسي حكومة و قيادات تكون قايمة علي ادارة المؤسسات و الوزارات بمشاركة افرادها بروح الفريق..

نفسي نروح نشيل الغبار عن رسائل الماجستير و الدكتوراة اللي مالية الجامعات...و اللي فيها كل الحلول لكل مشاكل مصر.....يعني وزارة التربية و التعليم تروح كلية التربية

وزارة الزراعة ....كلية الزراعة

مشروعات طلبة هندسة في التخرج...و الله قمة في الروعة

فريق من الشباب يقود وزارة الاعلام....ليه لا

نفسي البلد تبقي "ورشة عمل مفتوحة للتفكير"

احنا ثروتنا الحقيقية في افكارنا.....و الموارد مقدور عليها ان شاء الله

و بصراحة بقي

انا نفسي الحكومة الجاية...تركز....علي "صنع في مصر"

صناعة مصرية

افكار مصرية

انتماء مصري

و ربنا يطرح لينا الخير في الايام اللي جاية

[Om Zayd]

حاجة مش عارفة ازاي ما كتبتهاش اول حاجة

فاكرين الولد اللي في التحرير قالهم "أنا مبسوط انكم معايا هنا في الميدان .. قبل مده كنت بنام فيه لوحدي" .. أمانة عليكم نركز مع المحتاجين

أولاد الشوارع عارفة انها مشكلة كبيرة .. بس عاجلة

كل يوم واحد او واحدة منهم بيقضيه في الشارع.. خصم من مجتمعنا كله

أكيد فيه دراسات كثييييييييييييييييييير اتعملت و فيها حلول

يا رب احنا مع الحكومة نركز في التنمية البشرية

[شرف الدين]

أنا بقى مطلبي بالإضافة لمطالب الأفاضل

أن يكون حق الانتخاب للمجالس النيابية التشريعية للمتعلمين من الحاصلين على الشهادة الثانوية العامة أو ما يعادلها بحد أدنى

وأن يقتصر حق الترشيح لهذه المجالس على حاملي الشهادات العليا أو ما يعادلها بحد أدنى

[fatfouta]

الاهتمام بالتعليم والبحث العلمى

وتوفير ميزانية خاصة للبحث العلمى

والاهتمام ايضا وبشدددددة بالصحة فى مصر لانها بجد ضايعة

احمد شفيق قبل كده قال الاسرة المصرية البسيطة عشان تعرف تعيش يقضيها 3 الاف جنيه وعمر عفيفى بيقول الحد الادنى من الاحور يبقى 1200 وانا بجد نفس يبق الحد للاجور هو 2000 جنيه لان ف ظل الاحوال الاقتصادية اعتقد هو ده المبلغ اللى ممكن تعيش بيه الاسرة البسيطة

ونلغى حكاية 300 او 400 جنية دول لانهم مايعملوش حاجة لاسرة وفيها اطفال

يعنى والله لو التعليم والصحة والعدالة فى الاجور اتحققوا اعتقد بلدنا هتتغير للاحسن ان شاء الله