هيا بنا " نعمل "

[se_ Elsyed]

خلاص بقى

الحمد لله مطالبنا بتتحقق ... وزي ما احنا عاوزين

لكن

إحنا دورنا فين ؟

دورنا إحنا كشعب .. كمثقفين .. كمصريين ... مغتربين وداخل مصر

مصر مش هاتتقدم بالحكومة او بعصام شرف وممدوح حمزه وغيرهم فقط

لكن مصر هاتتقدم بينا إحنا

كل تلميذ او طالب في دراسته ... لازم يجتهد .. مش عشان نفسه.. بل عشان بلده

وكل عامل وموظف .. لازم يحس إن البلد دي بلده

ده الفرق اللي بيننا يا جماعة وبين البلاد المتقدمة ...

هناك الناس بتشتغل في منظومة وهو بيستفيد والبلد بيستفيد

هنا في بلادنا .. لأ . إحنا بنشتغل عشان نفسنا بس وتولع البلد

انا عندي كلام كتير قوي .. وهارجع اكمل أفكاري واحب اسمع افكاركم

[Alattar]

معلش يا سين سين..كل ما تكتب موضوع هتلاقيني ناططلك فيه

ياريت والله يا سين يبقي الناس قعلا قلبها علي البلد..و تحاول انها تفيدها ..كَُل واحد في مجاله

يعني أنا مثلا راجل مبرمج..والله نفسي أخدم بجد..بس ألاقي اللي يوجهني و يقوللي انت في موقعك تقدر

تقدم ايه و احنا عاوزين منك كذا كذا كذا....

ياريت فعلا يتم عمل لجنة كده من أي وزارة تهتم بالموضوع ده..و تطرح مشروعات بمقابل أو بدون

و علي من يجد لديه القدرة علي الابداع في المجال الفلاني يعمللنا المشروع ده أو الجزئية دي..و

ان شاء الله هتلاقي آلاف بيتمنوا يخدموا..أنا فعلا نفسي يبقي ليا أي دور في بناء النهضة الحديثة

للبلد دي..بس مش عارف ازاي

[arkan]

لو بنبذل نفس الجهد والوقت اللى بنبذله في شغلنا هنا في الغربة لو بذلناه في بلدنا هنتقدم

لو نراقب نفسنا ومنخافش من مراقبة او متابعة اصحاب العمل لينا هنتقدم

لو كل واحد ارتقى بنفسه في مجاله من تدريب ودورات ولا يخجل انه يقول عايز اتعلم حتى لو من اللى اصغر منه ولا تاخذه العزة بالنفس هنتقدم

نفسي نحترم اصحاب القيادة لو رئيسي في العمل وبيجتهد بلاش اكسر مجدايفه واحبطه وماتعاونش معاه

....

سنعود

[raouf]

اتمنى ان تكون جمعة غدا اخر جمعة للغضب والضغط على الحكومة

فقط تستمر المطالبات حتى يتم اعادة هيكلة جهاز امن الدولة

بجد انا متاكد انهم استوعبوا الدرس والحكومة هذه المرة ستكون جيدة ان شاء الله

تم تعديل 3 مارس 2011 بواسطة raouf

[رضوي]

بالظبط

هو دة اللي لازم كلنا نعلمه النهاردة .............. لازم نبنيها ونعمرها ونساعد في تقدمها .......... لازم كل مجهودنا يوجه نحو بناء بلدنا لأنها دلوقتي بس بقت بلدننا وامنا ........... كرامتنا فيها وهنعيش رافعيين راسنا جواها علشان كدة لازم نتعب اوي علشانها ( مش علشان نعيش وخلاص )

[Ahmed Anwer]

معاك تماما ،،، هيا بنا نعمل

بس عايز اضرب مثال

إمبارح المحامي بتاعي كان بيخلصلي شوية ورق

فبيقولي عادي يعني ،، برده اضطريت أدفع رشوة ،، الثورة معملتشي حاجة

متحملوش الثورة أكثر من طاقتها ،، الثورة مش عصا سحرية هتغير الدنيا في لحظة

و الجو الملائكي بتاع تنظيف الشوارع و دهان الأرصفة و الناس اللي ماشية مبتسمة

طبيعي إنه هيقل بالتدريج

بس إحنا دلوقتي في الطريق الصحيح ، إن شاء الله ،، لوضع اسس قوية ،، نغير بيها في ما بعد كل ما هوا سئ

[رضوي]

معاك تماما ،،، هيا بنا نعمل

بس عايز اضرب مثال

إمبارح المحامي بتاعي كان بيخلصلي شوية ورق

فبيقولي عادي يعني ،، برده اضطريت أدفع رشوة ،، الثورة معملتشي حاجة

متحملوش الثورة أكثر من طاقتها ،، الثورة مش عصا سحرية هتغير الدنيا في لحظة

و الجو الملائكي بتاع تنظيف الشوارع و دهان الأرصفة و الناس اللي ماشية مبتسمة

طبيعي إنه هيقل بالتدريج

بس إحنا دلوقتي في الطريق الصحيح ، إن شاء الله ،، لوضع اسس قوية ،، نغير بيها في ما بعد كل ما هوا سئ

يمكن لسة آثار الثورة لم تمتد إلي الكثيرون

لكن أكيد انها في طريقها .......... ودورنا احنا بقي اننا مانسكتش علي الغلط

معلش يعني

أنا كمواطنة لو دفعت رشوة علشان اخد حقي او خدمة من حقي يبقي انا بشارك في دعم جذور الفساد في البلد

يبقي من واجبي اني لو اتطلب مني رشوة ارفض واهدد وارفع صوتي واشتكي وادمر الفساد تماماً ........... ماهو لو كل واحد فينا اتكلم وماسكتش اكيد مش هيبقي فيه فساد وبلاش نستنى ان الثورة تعمل كل حاجة

وبكدة استحالة اي بذرة فساد تكبر