احلى خبر ممكن نسمعه غدا تعيين ظابط جيش وزيرا للداخلية

[raouf]

مش هاقول المصادر لكن هاقول ليكم انها مصادر خاصة ومعلومة من مصر طازة

طبعا كلنا بنتكلم عن نبيل العزبى علشان يمسك الداخلية لكن المفاجأة ان اللى هيمسك وزير الداخلية هو لواء جيش سابق وستكون مهمته اعادة الانظباط الى جهاز الشرطة واعادة هيكلته بالكامل

اتحفظ على الاسم الان لان الاختيار مازال بين اثنين لواءات سابقين

السؤال باه هل سيقبل لواءات الشرطة ان يراسهم ويامرهم ظابط جيش ؟ وهل سيتعاونوا معه ام سيحفروا ويهططوا حتى يظهروا فشل الفكرة ؟

[تامر مصطفى]

سمعت اكثر من مرة من ضباط شرطة انهم يعتبرون انفسهم افضل من ضباط الجيش

لا اعلم السبب ولا هم يعلمون

ولكن هو احساسهم كده

يمكن تكون قياداتهم اللي وصلت لهم الاحساس السيء ده

لذلك اعتقد ان لواء الجيش اللي يمسك الداخلية يجب ان يكون بالقوة المتناسبة مع اي ضغط على ان تقف الحكومة ورئيسها خلفه لدعمه وتقوية مواقفه في مواجهة اي محاولة لافشال الفكرة

واتمنى من الله ان يولى امر الداخلية الى رجل صالح يخاف الله ويرعى مصالح الشعب

ولا يتحول الى وحش جديد مثل لواءات الجيش اللي مسكوا محافظين ورؤساء محليات من قبل وكانوا رموز واعلام في الفساد

[raouf]

لا يا تامر

لواءات الجيش اللى كانوا بيمسكوا محافظين من اللواءات اللى ولاءهم كاملا كان للنظام

وعلى فكرة كانوا معظمهم لواءات بدون كفاءة

يعنى عبدالجليل الفخرانى كان قائد الجيش الثانى وكان ابرع شىء فيه هو زراعة الجلاء ومزارع الجيش

كان مغرق بيوت اللواءات والوزراء والقصور الرئاسية بالفاكهة والخضروات اللى بتتزرع بايدى عساكر الجيش

ونسبة كبيرة منهم عساكر زراعة وده شفته بعينى علشان كده مسك مخافظ واكيد علشان يغض الطرف عن تجاوزات النظام لكن لو لواء محترم عمرهم ماكانوا هيمسكوه منصب

يا عزيزى احنا كنا عايشين فى نظام يرعى وينشر الفساد والفاسدين

علشان كده حطنا فى الورطة اللى احنا فيها مش لاقيين حد مسئول ايده نظيفة يمسك البلد وكل تفكيرنا فى مسئولين سابقين من زماااااااااان او ناس لا يوجد لهم خبرة سياسية

[se_ Elsyed]

ده يبقى خبر في منتهى الجمال ويبقى لك الحلاوه يا رؤوف

اتمنى لإن الموضوع باخ زيادة عن اللازم وبتوع الشرطة دول عاوزين يتكدروا ويعموا تسعة أستعد مش أقل من 100 مره في اليوم لحد ما نفسهم يتقطع

[ComingSoon]

مستحيل

[raouf]

ده يبقى خبر في منتهى الجمال ويبقى لك الحلاوه يا رؤوف

اتمنى لإن الموضوع باخ زيادة عن اللازم وبتوع الشرطة دول عاوزين يتكدروا ويعموا تسعة أستعد مش أقل من 100 مره في اليوم لحد ما نفسهم يتقطع

خايف اقول ان الخبر اكيد 100% واما 99% لان ده ترشيح رئيس الوزراء الجديد ويتبقى فقط موافقة المجلس العسكرى

وبعدين جهز الحلاوة من دلوقتى يا ريس

تم تعديل 3 مارس 2011 بواسطة raouf

[raouf]

مستحيل

ليه مستحيل ؟

ما الرجالة عملوا المستحيل لما شالوا حسنى فى 18 يوم

[ComingSoon]

مستحيل

ليه مستحيل ؟

ما الرجالة عملوا المستحيل لما شالوا حسنى فى 18 يوم

لأن ضباط الشرطة بيتستقلوا بضباط الجيش

بيسموا لواء الجيش صول كل الجيش بالنسبة لهم صولات

وطبعاً هيحصل تمرد جماعي غير معلن في الداخلية وسيرفضوا العمل

وده اتفاق ضمني بين كل ضباط الشرطة وسمعتة بنفسي من اكثر من ضابط

[Alshiekh]

بحسب الدستور ، الشرطة هيئة مدنية نظامية

قبل 1952 كان يرأسها وزير مدنى

بعد عسكرة حياتنا المدنية اصبح وزراء الداخلية من غير المدنيين

كان اول العسكريين ممن ترأسوا الداخلية البكباشى جمال عبدالناصر تلاه زكريا محيى الدين ثم آخرون من الجيش كان آخرهم شعراوى جمعة الذى اطيح به فى ثورة التصحيح عام 1971.

بعد ذلك جاء كل وزراء الداخلية من ضباط الشرطة.

لذا فتعيين وزيرا مدنيا او عسكرية للداخلية أعتبره أمرا مقبولا للبعد عن الايادى الملطخة بدما الشهداء من ضحايا تجاوزات الداخلية.

[pink rose]

الشرطة مش هاتقبل كده ابدا

لان في عداء بينهم و بين ظباط الجيش

و العياذ بالله عقد النقص عندهم معدية الحد

و زي ما قال الفاضل سون هايعملوا خطة ما بينهم بالاضراب

هما عاوزين يرجعوا بنفس طريقتهم العنجهية يا ما يرجعوش و ان كان عاجبنا

[Om Zayd]

اللي ما يشتغلش عدل يسرحوه

و يعوضوا النقص من الاحتياط حتى تدريب دفعات جديدة

[fatfouta]

اعتقد ان ده لو حصل بجد يبقى القوات المسلحة اتاخذت القرار لانهم يقصدوا التخلص من جميع قيادات الشرطة الكبيرة

لان القيادات الكبيرة مش هترض تاخد اوامرها من لواء جيش وبالتالى ممكن يقدموا استقالتهم ويقولوا مش شغالين

ويبق بكده القوات المسلحة اتخلصت منهم بالادب ومن غير ماتجبر حد فيهم على الاستقالة

واعتقد كمان ان القوات المسلحة هو ده اسلوبها هما مع الشعب لكن مش عاوزين يعادوا حد

واهو كده يبقى احسن ونبق اتخلصنا من كل قيادات الشرطة الغير شريفة والل هيطيع اوامر الجيش هيثبت انه بيعمل عل مصلحة البلد لكن اللى هيقول لأ يبق مع السلامة وانت حر

[امير مجروح]

اللي ما يشتغلش عدل يسرحوه

و يعوضوا النقص من الاحتياط حتى تدريب دفعات جديدة

فعلا يجبوا غيره ده فيه طلاب كتير بتقدم للشرطة ومحترمين وطيبين للاسف لا يتم قبولهم لانهم بدون واسطة ..ده لواتلغت حكاية الواسطة فى دخول الطالب كلية الشرطة ويكون سبب دخول الطالب هى اجتيازه للاختبارات بدون تدخل واسطة انا اعتقد ان انشاء الله هيتم توفير عدد كبير من الضباط المحترمين.

[أحمد سيف]

اعتقد ان ده لو حصل بجد يبقى القوات المسلحة اتاخذت القرار لانهم يقصدوا التخلص من جميع قيادات الشرطة الكبيرة

لان القيادات الكبيرة مش هترض تاخد اوامرها من لواء جيش وبالتالى ممكن يقدموا استقالتهم ويقولوا مش شغالين

ويبق بكده القوات المسلحة اتخلصت منهم بالادب ومن غير ماتجبر حد فيهم على الاستقالة

واعتقد كمان ان القوات المسلحة هو ده اسلوبها هما مع الشعب لكن مش عاوزين يعادوا حد

واهو كده يبقى احسن ونبق اتخلصنا من كل قيادات الشرطة الغير شريفة والل هيطيع اوامر الجيش هيثبت انه بيعمل عل مصلحة البلد لكن اللى هيقول لأ يبق مع السلامة وانت حر

ده هو اللي المفروض يحصل من البداية سواء كان وزير الداخلية مدني أو عسكري

كل اللواءات في الشرطة يحالوا للمعاش فورا

وأي ضابط شرطه يرفض العمل أو يتخاذل فيه يفصل من عمله

وكل من يرتكب جناية يحاكم فورا

كفايه دلع

عايزين مذبحة على غرار مذبحة المماليك علشان البلد تنظف ونبدأ في البناء

تم تعديل 4 مارس 2011 بواسطة أحمد سيف