الحزب الوطني سيحصل على الأغلبية في الانتخابات القادمة

[tarek hassan]

الوطني سيحصل على الأغلبية إذا بقيت المحليات بوضعها الحالي ولم تحل بأعضائها وموظفيها الذين كانوا الأداة لتزوير الانتخابات

وإذا بقي العمد ومشايخ البلد

وإذا بقيت البلطجية وكل من كان يستخدمهم الحزب الوطني

وإذا بقي سلطان المال والرشاوى التي كانت تقدم من المرشحين لكل قرية ونجع

إذا بقي الإعلام كما هو يدعو إلى انتخاب الفرد على أساس المصالح الفئوية لأبناء الدائرة لا لمصلحة البلد عامة

وسيفوز الوطني بجدارة إذا لم نغير فكر الجهال وأيضا الناس الذين ضللهم الإعلام على مدى ثلاثين سنة ومنهم متعلمون للأسف بتوع أنا آسف لكل الحرامية والطغاة

وحاجات تانية كتير

فلابد من تطهير الإعلام والحد من استخدام سلطان المال في الانتخابات

تم تعديل 4 مارس 2011 بواسطة tarek hassan

[م تيمور المراغي]

اوافق ,,

ان كان هذا هو اختيار الشعب ,,

من حق الحزب الوطني الترشح زيه زي اي طيف سياسي آخر ,,

والمحك الحقيقي ,,

هو الصندوق .

ملحوظة : الرأي السابق يمثل رأي انا الشخصي .

[ComingSoon]

طالما الانتخابات نزيهه فليأت من يريدة الشعب

ورأيي الشخصي ان الحزب الوطني مات وشبع موت

[عنبو]

لا اعتقد ان الناس هتنتخب اى مرشح للحزب الوطنى

اساسا الحزب الوطنى وهو فى عزه مكنش حد بينتخبه وكان اغلبية اعضائه بينجحوا بالبلطجه

اعتقد لو استمر الوضع على ما هو عليه الاخوان هيكتسوا الانتخابات

لكن لو الشباب عملوا حزب هينافسوا بقوه مع الاخوان

تحياتى

عنبو

[fatfouta]

طالما الانتخابات نزيهه فليأت من يريدة الشعب

ورأيي الشخصي ان الحزب الوطني مات وشبع موت

هو ده الكلام

مافيش حد ميت بيحي تانى ولو حاولوا يحيوه فالشعب عرف طريقه خلاص

[م تيمور المراغي]

طالما الانتخابات نزيهه فليأت من يريدة الشعب

ورأيي الشخصي ان الحزب الوطني مات وشبع موت

لسه صاحي وبيلعب ,,

وسيلبس فروة الحملان ,,

الرهان الحقيقي - بعد بصيرة الامة - هو الاستعداد الجاد من باقي الاحزاب السياسية المخلصة والفاعلة في مصر ,,

اقول ,,

لا يكفي لخطف قلب حبيبتك

ان يكون غريمك

من الولدان .

[جويرية]

اتمني من أئتلاف الثورة ان يكون من مطالبهم

تأجيل انتخابات مجلس الشعب الي أجل غير مسمي أو علي الأقل بعد سنة كاملة

و تكون انتخابات الرئاسة الأول

الناس مش عارفة اصلا يعني ايه عضو مجلس شعب ، يعرفوا ان ده واحد مهمته يخدم ابناء الدايرة ، اللي عايز يتعالج يعالجه و اللي عايز يدخل مية و كهربا في البيت و يجامل أهل المنطقة في الأحزان و المسرات

مفروض اما تستقر احوال البلد و لما يبقي في جهاز اعلام يثقف الناس عن دور مجلس الشعب أيه

و بالشكل ده اللي حينجح في مجلس الشعب بالفعل الحزب الوطني لأن هما الأغنياء و هما اللي حيقدروا يشتروا أصوات

و بالتالي المرشح للرئاسة اللي مفروض ياخد موافقة 150 عضو من اعضاء الشعب ، برضو حيبقي من الحزب الوطني

[tarek hassan]

يا إخواني الكرام

أنتم مش شايفين الشارع

أنتم شايفين بعض بس وبالنسبة لكم كل شيء جميل

لكن ممكن جدا تدخل في مناقشة هنا في مصر وتلاقي نفسك لوحدك في واد وكل الناس في واد آخر تتحدث بنفس منطق الماضي البغيض أنا كثيرا ما أسمع في محيط عملي المناقشات والشتم في شباب الثورة وهم عايزين إيه وكل الكلام اللي أنتم عارفينه

أنتم غيرتم من القمة بس لابد ننزل لباقي الشعب فيه حاجات كتيرسلبية وأفكار كتير لازم تتغير لأن الناس هي اللي هتنتخب

لازم نسأل نفسنا من الآن هل أنتم أغلبية أم أقلية

اعملوا استفتاءات

شوفوا الناخب هينتخب مين

هيقولك اللي هيعملنا حاجه قصده في الدايرة فقط وكلام أختنا جويرية صح جدا

تم تعديل 4 مارس 2011 بواسطة tarek hassan

[م تيمور المراغي]

............

لازم نسأل نفسنا من الآن هل أنتم أغلبية أم أقلية

اعملوا استفتاءات

شوفوا الناخب هينتخب مين

هيقولك اللي هيعملنا حاجه قصده في الدايرة فقط

كلام رائع استاذ طارق حرد عليه على مراحل نقطه نقطه ,,

الناخب لما يلاقي الحكومة ورئيس الجمهورية والمجلس الاعلى للقوات المسلحة في صف الثوار

وادامه اتنين مرشحين

واحد من المغضوب عليهم ومن الضالين

وواحد كان في اجتماع مع المجلس العسكري بيقول له ده كويس خليه وده فاسد مشيه

تفتكر الناخب ده حيختار مين فيهم ( يعمل لهم حاجاتهم ) زي ماتفضلت حضرتك و عبرت

[tarek hassan]

............

لازم نسأل نفسنا من الآن هل أنتم أغلبية أم أقلية

اعملوا استفتاءات

شوفوا الناخب هينتخب مين

هيقولك اللي هيعملنا حاجه قصده في الدايرة فقط

كلام رائع استاذ طارق حرد عليه على مراحل نقطه نقطه ,,

الناخب لما يلاقي الحكومة ورئيس الجمهورية والمجلس الاعلى للقوات المسلحة في صف الثوار

وادامه اتنين مرشحين

واحد من المغضوب عليهم ومن الضالين

وواحد كان في اجتماع مع المجلس العسكري بيقول له ده كويس خليه وده فاسد مشيه

تفتكر الناخب ده حيختار مين فيهم ( يعمل لهم حاجاتهم ) زي ماتفضلت حضرتك و عبرت

أتمنى ذلك يا باشمهندس

وأنا بقول كده من خوفي ودعوة لتوعية الناس بقيمة المرشح ومسئوليته الحقيقية لا التي يفهمها الناس خطأ

محتاجين نقولهم إحنا بنختار المرشح علشان إيه

وفائدة المجالس النيابية إيه ومتكونش عملية الإمضاءات من الوزراء فقط

تم تعديل 4 مارس 2011 بواسطة tarek hassan

[م تيمور المراغي]

شعب مصر بعد الثورة بقى عندهم حس وطني وسياسي غير مسبوق يتحدث عنه كل رؤساء وحكومات العالم

تفتكر المجلس العسكري بيتحرك الا وهو متاكد انه بينفذ راي الاغلبية ؟؟

[رضوي]

مااعتقدش ان لسة فيه حاجة اسمها حزب وطني اساساً ............ خلاص انتهي حتى اذا لم يحل بعد

ولكن وثنيته انتهت في عقول المصريين

ولكن

بعض مرشحي الحزب الوطني قديماً ...... مازالوا كأشخاص يتمتعون بشعبية كبيرة من دائرتهم ......... ربما لقربهم من الناس ....... ربما لخدمتهم الدائرة ........ ولكنهم لايزالوا أشخاص ....... اكرر اشخاص .....( قلائل وف اماكن معينة )

فيه دوائر هنلاقي ان الاخوان يتمتعون بثقة شعبية فيها

فيه دوائر تانية هنلاقي ان المستقلين هم الموثوق فيهم

............... الخ

ولكن ماهى مطالبنا الآن ؟؟؟؟؟؟

مش عايزين نعيد وثنية للأي حزب من تاني ........ بمعنى

إن كل الأحزاب بتعمل ........ كل الأحزاب بتشتغل

ماينفعش بعد كدة علشان الحزب الفلاني مقتنع بالعملية الفلانية يبقي اغمض عيني وامشي وراه ؟؟؟

ماينفعش اني بعد كدة أرشح فلان علشان عضويته في حزب انا مقتنعة بيه ......... لو قولنا مثلاً ائتلاف شباب الثورة ( دة بفرض مثلاً انهم كونوا حزب سياسي )........ مش معنى ان فلان عضو في ائتلاف شباب الثورة يبقى ارشحه وانا مغمضة

لأ بقي كفاية ....... قبل مانقوم بانتخاب اي مرشح لازم قبل مانديله اصواتنا نعرف سيرته الذاتية كلها ونتأكد من طهارة يده .......... انتماؤه لحزب ما لايجعلنا نغمض اعيننا عن ماضيه

حاجة تانية

ماينفعش اكون منتخبة فلان كمرشح مستقل واول مايدخل المجلس يغير انتماؤه السياسي ؟؟؟؟؟؟؟؟؟

لابد من حزم تلك النقطة علشان ف الاخر مالاقيش المجلس كله مكون من حزب واحد

حتى لو ائتلاف الثورة .......... مااعتقدش ان شباب الثورة نفسهم يوافقوا ان المجلس كله يكون ائتلاف ثورة .......... لأننا لازم نفكر بأكتر من عقلية ........... ومعنى ان المجلس كله من اعضاء حزب واحد يبقى فيه غلط وغلط كبير كمان في الحياه السياسية .

مش لازم نعيد أخطاء الحزب الوثني حتى ولو بحسن النوايا

[ComingSoon]

يا إخواني الكرام

أنتم مش شايفين الشارع

أنتم شايفين بعض بس وبالنسبة لكم كل شيء جميل

لكن ممكن جدا تدخل في مناقشة هنا في مصر وتلاقي نفسك لوحدك في واد وكل الناس في واد آخر تتحدث بنفس منطق الماضي البغيض أنا كثيرا ما أسمع في محيط عملي المناقشات والشتم في شباب الثورة وهم عايزين إيه وكل الكلام اللي أنتم عارفينه

أنتم غيرتم من القمة بس لابد ننزل لباقي الشعب فيه حاجات كتيرسلبية وأفكار كتير لازم تتغير لأن الناس هي اللي هتنتخب

لازم نسأل نفسنا من الآن هل أنتم أغلبية أم أقلية

اعملوا استفتاءات

شوفوا الناخب هينتخب مين

هيقولك اللي هيعملنا حاجه قصده في الدايرة فقط وكلام أختنا جويرية صح جدا

اطمئن المؤيدين للنظام القديم اغلبهم من النوع السلبي الذي لاينزل لنتخابات

اعتبرهم كأنهم غير موجودين

حتي في زروة الثورة كان هؤلاء هم الاغلبية لكن اغلبية صامتة عديمة الفائدة لم يستطع النظام تحريكها لصالحه

فالاقلية هم مايقود الاكثرية في مصر سواء قبل الثورة او بعدها

[رضوي]

............

لازم نسأل نفسنا من الآن هل أنتم أغلبية أم أقلية

اعملوا استفتاءات

شوفوا الناخب هينتخب مين

هيقولك اللي هيعملنا حاجه قصده في الدايرة فقط

كلام رائع استاذ طارق حرد عليه على مراحل نقطه نقطه ,,

الناخب لما يلاقي الحكومة ورئيس الجمهورية والمجلس الاعلى للقوات المسلحة في صف الثوار

وادامه اتنين مرشحين

واحد من المغضوب عليهم ومن الضالين

وواحد كان في اجتماع مع المجلس العسكري بيقول له ده كويس خليه وده فاسد مشيه

تفتكر الناخب ده حيختار مين فيهم ( يعمل لهم حاجاتهم ) زي ماتفضلت حضرتك و عبرت

أتمنى ذلك يا باشمهندس

وأنا بقول كده من خوفي ودعوة لتوعية الناس بقيمة المرشح ومسئوليته الحقيقية لا التي يفهمها الناس خطأ

محتاجين نقولهم إحنا بنختار المرشح علشان إيه

وفائدة المجالس النيابية إيه ومتكونش عملية الإمضاءات من الوزراء فقط

مش كل اللي في مصر ثوار او انصار النظام القديم

وفيه ناس مستنية تشوف الوضع هيرسي علي ايه

وفيه ناس مش فاهمة اصلاً اللي بيحصل

وفيه ناس عايزة تخلص وترجع لحياتها الطبيعية باسرع وقت ممكن ومش مهم التغيير هما اصلاً راضيين ومتعايشين مع اي وضع عادي يعني

وفيه ناس ليها مصالح اللي يخدمها تمشي وراه

وفيه ناس مشوشة مش عارفة فين الصح وفين الغلط متلخبطة

وفيه ناس عايزة بس خايفة تتكلم ومش عايزين اصلا يدخلوا في اي مناقشات

وفيه ناس محتاجة تعرف بس مش عارفة تثق في مين

...................

دة كله موجود ............. ولحد النهاردة فيه ناس بتصدق الاعلام المصري وبس

وبتهاجم اي حد يقول حاجة غير الاعلام المصري

يبقي ايه الحل ؟؟؟؟؟؟؟؟؟؟؟

أعتقد ان الحل في توعية الناس .......... التوعية اسلوب له نتائج مضمونة

ومش بس عن طريق الاعلام ( لأن فيه ناس كل علاقتهم بالاعلام مسلسلات وافلام وست كوم )

لازم اجتماعات ومؤتمرات في كل الأماكن المصرية في القرية قبل المدينة في الحي الشعبي قبل الحي الراقي ............ لازم تعامل مباشر مع الناس

الانترنت كان وسيلة فعالة لفترة معينة بعدها محتاجين التعامل المباشر مع الناس

محتاجين قبل ما نقول ونوعي الناس ......... محتاجين نرد علي أسئلة في دماغهم ماحدش رد عليها قبل كدة

لازم جهودنا تتكثف الفترة الجاية في التعامل المباشر مع الناس

لو نجحنا في دة ........ هنلاقي استجابات فعالة من الناس ...... هنلاقي الناس كلها فهمت يعني ايه حب مصر

[م تيمور المراغي]

............

أنتم غيرتم من القمة بس لابد ننزل لباقي الشعب فيه حاجات كتيرسلبية وأفكار كتير لازم تتغير لأن الناس هي اللي هتنتخب

لازم نسأل نفسنا من الآن هل أنتم أغلبية أم أقلية

...................

مهما

زادت

ملايين

المشاهدين

المتململين

المتجالسين

في المدرجات

فالفريق

الاوحد

وحده

من يتأتي

لهم

بالفوز !!

تم تعديل 4 مارس 2011 بواسطة architect

[ozoozo]

حرام عليكم هاتخربوا البلد

كفايه كده

اللي نعرفه احسن من اللي ما نعرفوش

ما الحزب الوطني بيحكمنا طول عمره وعايشين في امان

ولا عايزين الاخوان المدعومين من ايران يحكمونا ويقعدوا يعملوا حاجات فيها ارهاب وكده وغاده عبد الرازق ماتعرفش تعري رجليها وترقص في افلامها

ولا عايزين حزب شويه الشباب الصيع العواطليه اللي في ميدان التحرير واللي وراهم امريكا واسرائيل وايران وكوريا الشماليه

وبعدين ايه المشكله في تعيين جمال رئيس للجمهوريه

برضه اللي نعرفه احسن من اللي ما نعرفوش

واهو علي الاقل ده متربي علي السياسه طول عمره

وابن رئيس

ولا عايزين نجيب واحد ابن بواب يحكمنا يعني

منكم لله خربتم البلد:closedeyes:

[جويرية]

عمي في احد الانتخابات خد الحاجة ام مصطفي معاه في العربية و قالها يا حاجة انتي حتنتخبي المرشح فلان و قالها علي الرمز اللي حتعلم قدامه

و بعدين الحاجة ام مصطفي راحت هناك لقيت مندوبة احد المرشيحين ادتها 120 جنيه ، راحت علمت علي المرشح المنافس

عمي بعد كدة بيطمن و سألها علمتي يا حاجة علي الرسمة اللي قلتلك عليها

قالتلو لأ دي واحدة الله يباركها ادتني 120 جنيه أروح اجيب بيهم 2 كيلو لحمة للعيال

يا تري اللي زي ام مصطفي نفهمهم أزاي دور مجلس الشعب التشريعي و الرقابي ؟

[tarek hassan]

حرام عليكم هاتخربوا البلد

كفايه كده

اللي نعرفه احسن من اللي ما نعرفوش

ما الحزب الوطني بيحكمنا طول عمره وعايشين في امان

ولا عايزين الاخوان المدعومين من ايران يحكمونا ويقعدوا يعملوا حاجات فيها ارهاب وكده وغاده عبد الرازق ماتعرفش تعري رجليها وترقص في افلامها

ولا عايزين حزب شويه الشباب الصيع العواطليه اللي في ميدان التحرير واللي وراهم امريكا واسرائيل وايران وكوريا الشماليه

وبعدين ايه المشكله في تعيين جمال رئيس للجمهوريه

برضه اللي نعرفه احسن من اللي ما نعرفوش

واهو علي الاقل ده متربي علي السياسه طول عمره

وابن رئيس

ولا عايزين نجيب واحد ابن بواب يحكمنا يعني

منكم لله خربتم البلد

يبقى أنت أكيد أكيد في مصر

شايف الواقع بتاعنا اللي لازم نعترف بيه

إحنا عايزين ثورة تثقيفية وحملات توعية في كل مصر

بلد بلد شارع شارع بيت بيت زنقة زنقة حتى ينتخب الناس من يسعى للمصلحة العليا للبلد

[Ahmed Anwer]

كفاااااااااااااااااااااااااااااية

الديمقراطية الآن ،،،

كفاااااااااااااااااااية خوووف من الديمقراطية

الديمقراطية مبتجبشي حد ،،،، الديمقراطية بتجيب كذا حد ،،،

لو خايفين من الحزب الوطني ،،، دي فرصتكم ،،، هوا دلوقتي في اضعف حالاته

الوقت في مصلحة الحزب الوطني و ليس ضده

الديمقراطية بتصلح نفسها

الراي الفردي و النظرة الفوقية ،،، مبتصلحشي نفسها

الراي الفردي (( بطيخة )) يا صابت يا ألف عور

أنا عايز الديمقراطية الآن ،،، بعبثيتها و بمصالحها و بتحالفاتها و بإختلافاتها و ده يكشف ده و ده يقدم بلاغ في ده و ده يراقب ده

الشعب الأمريكي نفسه غير مؤهل للديمقراطية و ميعرفشي حاجة في السياسة

و مش مطلوب من الشعوب ده ،،،

ثورة يوليو 52 ،،، ضاعت عشان خايفين من باشوات الملكية و هتف الشعب تسقط الديمقراطية

مش عايزين نغلط نفس الغلطة

مفيش جهة دلوقتي قادرة علي الحصول علي أغلبية

خليهم يطلعوا للنور و نشوفهم و نحكم علي افعالهم و قدرتهم علي التنفيذ مش نحكم علي أفكار حالمة و كلام جميل

[عبير يونس]

............

لازم نسأل نفسنا من الآن هل أنتم أغلبية أم أقلية

اعملوا استفتاءات

شوفوا الناخب هينتخب مين

هيقولك اللي هيعملنا حاجه قصده في الدايرة فقط

كلام رائع استاذ طارق حرد عليه على مراحل نقطه نقطه ,,

الناخب لما يلاقي الحكومة ورئيس الجمهورية والمجلس الاعلى للقوات المسلحة في صف الثوار

وادامه اتنين مرشحين

واحد من المغضوب عليهم ومن الضالين

وواحد كان في اجتماع مع المجلس العسكري بيقول له ده كويس خليه وده فاسد مشيه

تفتكر الناخب ده حيختار مين فيهم ( يعمل لهم حاجاتهم ) زي ماتفضلت حضرتك و عبرت

أتمنى ذلك يا باشمهندس

وأنا بقول كده من خوفي ودعوة لتوعية الناس بقيمة المرشح ومسئوليته الحقيقية لا التي يفهمها الناس خطأ

محتاجين نقولهم إحنا بنختار المرشح علشان إيه

وفائدة المجالس النيابية إيه ومتكونش عملية الإمضاءات من الوزراء فقط

مش كل اللي في مصر ثوار او انصار النظام القديم

وفيه ناس مستنية تشوف الوضع هيرسي علي ايه

وفيه ناس مش فاهمة اصلاً اللي بيحصل

وفيه ناس عايزة تخلص وترجع لحياتها الطبيعية باسرع وقت ممكن ومش مهم التغيير هما اصلاً راضيين ومتعايشين مع اي وضع عادي يعني

وفيه ناس ليها مصالح اللي يخدمها تمشي وراه

وفيه ناس مشوشة مش عارفة فين الصح وفين الغلط متلخبطة

وفيه ناس عايزة بس خايفة تتكلم ومش عايزين اصلا يدخلوا في اي مناقشات

وفيه ناس محتاجة تعرف بس مش عارفة تثق في مين

...................

دة كله موجود ............. ولحد النهاردة فيه ناس بتصدق الاعلام المصري وبس

وبتهاجم اي حد يقول حاجة غير الاعلام المصري

يبقي ايه الحل ؟؟؟؟؟؟؟؟؟؟؟

أعتقد ان الحل في توعية الناس .......... التوعية اسلوب له نتائج مضمونة

ومش بس عن طريق الاعلام ( لأن فيه ناس كل علاقتهم بالاعلام مسلسلات وافلام وست كوم )

لازم اجتماعات ومؤتمرات في كل الأماكن المصرية في القرية قبل المدينة في الحي الشعبي قبل الحي الراقي ............ لازم تعامل مباشر مع الناس

الانترنت كان وسيلة فعالة لفترة معينة بعدها محتاجين التعامل المباشر مع الناس

محتاجين قبل ما نقول ونوعي الناس ......... محتاجين نرد علي أسئلة في دماغهم ماحدش رد عليها قبل كدة

لازم جهودنا تتكثف الفترة الجاية في التعامل المباشر مع الناس

لو نجحنا في دة ........ هنلاقي استجابات فعالة من الناس ...... هنلاقي الناس كلها فهمت يعني ايه حب مصر

عجبني جدا تصنيفك للشرائح المختلفة الموجودة حاليا في الشارع المصري

بس عايزة اقول حاجة مهمة اوي

لازم الحملات التثقيفية التوعوية دي توعي الناس بحقوقهم و واجباتهم

مش توعيهم ان الوطني وحشين و شباب الثورة همة اللي تنتخبوهم

بس قبل التوعية لازم نقضي على الجوع

لأن الجوع كافر

مصر ناسها كتير

و فيها رجال أعمال شرفاء كتير

ليه ميبقاش في حملات للقضاء على الجوع

ليه ميبقاش في معونات أهلية للفقراء تقيهم شر الجوع والحوجة

من الظلم أن نتهم جائع بالخيانة

الجائع سينتخب من يطعمه و يسد رمق أسرته

قبل التوعية والتثقيف لازم نقضي على الجوع

لما الناس متبقاش جعانة حتقدر تفكر و مخها يبدأ يشتغل

و لما مخها يشتغل

نعرفهم حقوقهم و همة اللي حيسعوا وراها لما يعرفوها

عشان كده لازم الانتخابات الحرة اللي بنستناها تتأخر شوية

مطلوب من رجال الأعمال و القادرين

تخصيص مبالغ شهرية للأسر الفقيرة

على أن يتم ذلك لوجه الله و دون حتى الظهور في الصورة

اذا قدرنا على ذلك

فقد بدأنا الخطوة الأولى في الطريق الصحيح