الإستفتاء 2005

[Abouhemeed]

http://www.ahram.org.eg/Index.asp?CurFN=egyp7.htm&DID=8209

بدء الاستعدادات لإشراف القضاء علي استفتاء

رئاسة الجمهورية وانتخابات مجلس الشعب

كتبت ـ ماجدة حسنين

أصدر المستشار محمود أبوالليل وزير العدل تعليمات إلي مختلف الأجهزة والهيئات التابعة للوزارة ببدء الاستعداد لبسط الاشراف القضائي علي استفتاء رئاسة الجمهورية وانتخابات مجلس الشعب القادمة في العام المقبل‏,‏ وذلك لمراعاة انتظام سير العمل القضائي في نفس الفترة حتي لاتتأثر معدلات الفصل في القضايا وأشار الوزير خلال لقائه باعضاء إدارة التفتيش القضائي بوزارة العدل الي ضرورة دعم الكفاية العددية لرجال القضاء عن طريق زيادة المعينين بوظيفتي معاون ومساعد نيابة عامة حتي يمكن توفير العدد اللازم من القضاة موضحا أن عددهم يبلغ حاليا‏5128‏ قاضيا بخلاف اعضاء النيابة العامة في حين بلغ عدد القضايا المطروحة علي المحاكم الابتدائية وحدها‏9‏ ملايين قضية منذ أول اكتوبر الماضي وحتي اخر يوليو الماضي‏.‏

وأكد الوزير ضرورة العناية الفنية برجال القضاء عن طريق متابعة التفتيش الفني مع قيام رؤساء المحاكم الابتدائية بدورهم في متابعة العمل القضائي والاداري في محاكمهم والمرور علي المحاكم الجزئية التابعة لهم علي فترات دورية متقاربة‏,‏ بالإضافة إلي دور ادارة التفتيش القضائي في التفتيش المفاجيء‏.‏

وأوضح الوزير أهمية قيام رئيس المحكمة الابتدائية مع اعضاء التفتيش بعقد ندوات لاعضاء المحكمة لمناقشة أية صعوبات تعترض عمل القضاة وتذليلها في الحال

[فــيــروز]

طيب عاوزين نؤلف غنوه بهذه المناسبه ولن نجد انسب منك يا اخ ابو حميد تؤلف لنا كام بيت نترنم بيهم mf( واحنا واقفين فى طابور الانتخاب فى اكتوبر 2005 mc(: لو عشنا و كان لنا عمر ha)

[Tafshan]

و الله يا اخت فيروز انا ما بتفائلش بموضوع الاغاني ده ، المره الفاتت كانت كان ابريت "اختارناه ! اختارناه !" هو اغنية الحدث ...

انا بقترح اغنية روبي الجديدة بهذه المناسبه : " انا كل ما اقول له آه ّ... يقولي هو لأ... "

يمكن مين عارف !!

[فــيــروز]

و الله يا اخت فيروز انا ما بتفائلش بموضوع الاغاني ده ، المره الفاتت كانت كان ابريت "اختارناه ! اختارناه !" هو اغنية الحدث ...

انا بقترح اغنية روبي الجديدة بهذه المناسبه : " انا كل ما اقول له آه ّ... يقولي هو لأ... "

يمكن مين عارف !!

فعلا غنوة اخترناه هى اللى كانت على بالى وقت ما طلبت الغنوه الجديده من الاخ ابو حميد ty:)

لأن غنوة اخترناه من الاغانى المحببه جدا الى قلبى ha) لأنها ترسم على شفاهى ابتسامه واسعه جدا mc(: وقلت اخونا ابو حميد اولى من غيره بالسبوبه دى mf(

[hamo90]

لأن غنوة اخترناه من الاغانى المحببه جدا الى قلبى  ha) لأنها ترسم على شفاهى ابتسامه واسعه جدا  ty:) وقلت اخونا ابو حميد اولى من غيره بالسبوبه دى  mf(

يا سلام أغنية جميلة فعلا وأحلي حتة فيها بتاعت :-

" لاحيديني ولا يريقيني ولا في مصلحة بيني وبينه " mc(:

بس برده في أغنية تانية جميلة من أغاني التراث الي كنا بنسمعها وأحنا صغيرين " نعم نعم نعم نعم نعم نعم بنقلها بحب نعم نعم نعم نعم نعم من جوه القلب "

معليش يا حاج أبوحميد هنتعبك معانا في تأليف روائع زي دي بس معلش تعبك لابو العيال راحة وربنا يكرمه هو وعياله

hamo

[فــيــروز]

لأن غنوة اخترناه من الاغانى المحببه جدا الى قلبى  mf( لأنها ترسم على شفاهى ابتسامه واسعه جدا  cr((: وقلت اخونا ابو حميد اولى من غيره بالسبوبه دى  B)

يا سلام أغنية جميلة فعلا وأحلي حتة فيها بتاعت :-

" لاحيديني ولا يريقيني ولا في مصلحة بيني وبينه " cr((:

واضح ان ده اكتر كوبليه فى الاغنيه بيعجب الناس كلها :D mc(:

يمكن عشان الصدق بيشررررررر منه ;) cr((:

من الاغانى المؤثره بردو غنوة ورده اللى بتقول فيها "لىّ حق اهتف و انادى ha) البطل ده من بلادى ty:) "

[ragab2]

برده

كان فيه أغنية .. ياجمال ياحبيب الملاليم

ودى كانت سبب الفقر اللى احنا فيه

لحد دلوقت

[mnman]

" لاحيديني ولا يريقيني ولا في مصلحة بيني وبينه " 

ممكن الفيرجن الجديد يبقي:

اخترناة اخترناة يوم ماضحك علي خلق الله!!

لا يفليني ولا يحميني ولا فية مصلحة بينة وبيني!!

إلا خرابها وكتم صحابها وبقولها ورزقي علي الله!!

علشان كدة احنا اخترناة!!

me0: وسع يابني انا عارف طريقي للبوكس!!! ha)

منمان مسجون ومؤلف أغاني!!!

[ragab2]

نظام الاستفتاء

نظام غير حضارى

ويحدث فقط للاستفتاء على شيئ مثل الدستور أو قانون من القوانين وليس للأشخاص

ويتم فى البلاد الشمولية فقط بالنسبة للأشخاص والتى لا يجرؤ فيها شخص مواطن عادى بالترشيح أمام الحاكم

ونظام الانتخاب الحر المباشر هو النظام الديموقراطى المتبع فى البلاد الديموقراطية النيابية

[DARWEEN]

ياريت تفكروا شويه في المستقبل ....

سبق وطرحت في الأسواق هذه الأغنيه مع إهداء خاص لجيمي

إخترناه إخترناه ...

زي ماسبق وإخترنا باباه

لا حيديني ولا يرقيني ..

دا هوا بياخد نيني عيوني

قولوا باحبه غصب عنكم

وقولوا باحب أخوه وياه

أخترناه أخترناه

تم ترم ترم ترالا لا لم

[Abouhemeed]

نزولا على رغبة جماهيرالمحاورات

إليكم أغنية الإستفتاء

على نغم زروني كل سنة مرة ، مع الإعتذار للشيخ سيد و فيروز المغنية و فيروز المحاورات

غنوا معايا ...

واحد .. إثنين .. ثلاثة :P :D :P

استفتوني ف إنتخابات حرة

حرام تخموني كل مرة

أنا كان ايه يا ناس ذنبي

أعيش و أموت بالضرب

مالي أخذتوه مجهود حربي

و يوم ورا يوم زاد كربي

جيوبي خلاص فضيت

و بيوت كتير لناس خربت

و الناس م الكيعان شربت

و لسه محكومة بالعرفي

صحيح الجنون سبوبة للهبل

لكن مين قال دا قدري

لكل من برك على صدري

لأه .. لأه .. دا ردي

سيبوني حرام .. حرام .. حرام mf-:

و علشان نضمن العيش و الحلاوة بعدد المشتركين في هذا الموضوع .... trch:

إليكم قصيدة ( صوتي إنحبس )

[align=center]بسم الله الرحمن الرحيم

صوتي إنحبس ليه يا ناس ما تسيبوه

خمسين سنه في صندوق خبيتوه

مفتاحة كان معايا و بالغش أخذتوه

و بالشمع الأحمر و في الضلمة ختمتوه

دا صوتي أنا و انتم صادرتوه

***

أقول لا .. تهتفوا و تضيعوا

صوتي في زفة كدابة

أو جنازة تتلموا تشيعوا

فيها وطن بأغنية و كتابة

و لا .. تختفي و نعم .. تلمعوا

في ندوة شعر و خطابة

لا.. صارت آه .. ليه تستعبطوا

ما نعم هي آه .. في لغوة الغابة ؟

أتاريكم نعم ب تشجعوا

أما لا .. عندكم محتاجة ندابة

***

كل يوم أقول آه و انتم ما بتسمعوا

كل آه مني تاخدوها و تفلسعوا

الآه نعم .. و نعم قبلها آي.. تجمعوا

في جداول و ببيان نتيجة تطلعوا

ب بجاحه عن كدبكم لا ترجعوا

***

كله استفتاء نزيه و حرة يا انتخابات

لتظلوا باركين علينا حتى الممات

صوتي أمانة عندكم تحت الحراسات

تحرسني من نفسي و من التفاهات

دي شي و حا و هس أسهل الكلمات

***

عطوة ابني قال راح أطلق أنا صوتك

قلت من خوفي ناس من زمان سبقوك

ماتوا لأجل صوتي يتحرر و معاه بيتك

صرخوا لأ في وجه حكام كتير و ملوك

حمل فأسي و قال ح أحرث أنا غيطك

و أزيل دود الأرض و أكسر الصندوق

الغيط ح أزرعه خير و أحرس هناك صوتك

صوتك إتحبس بعد ما أنت في الخوف حبسوك

***

أبو حميد المصري

hpc:!:

[/align]

[R.M.G.]

مش عارف ليه كلمة استفتاء عندنا باحس إنها جايه م الفتاق أو الفتق فيقال أستعبط فلان فلانا أي جعله عبيطا واستحمر فلا فلانا أي جعله حمارا واستفتى فلانا شعبا أي أحدث له فتاءا ....

[فــيــروز]

مش عارف ليه كلمة استفتاء عندنا باحس إنها جايه م الفتاق أو الفتق فيقال أستعبط فلان فلانا أي جعله عبيطا واستحمر فلا فلانا أي جعله حمارا واستفتى فلانا شعبا أي أحدث له فتاءا ....

فعلا انا بردو كلمة استفتاء بتفكرنى بالفتاء و بالمفتأه :P

فهل هناك اى علاقه بينهما فى البعد الزمنى الغير مرئى؟ mf-:

لكن فتاء يعنى ايه اصلا !! :D اصل مره سمعت واحده بتقول لواحد ما تعملناش فيها فتاء بقى hpc:!:

تحيه كبيره لاخونا ابو حميد على سرعة بديهته و استجابته لمطلب شعبى جماهيرى تقدمى :P

تم تعديل 11 أغسطس 2004 بواسطة فــيــروز

[hamo90]

أضم صوتي لصوت فيروز المحاورات وأحيي شعراء الاستفتاء

وعلي رأسهم :-

أبوحميد الشعب , داروين بتاع المستقبل , مان مان المحبوس

يا سلام يا رجالة هتوحشوني بصراحة clp::

بس أنا برده مش حاسيبكو أوعدكم أني هأشوف حد يبعتلكو عيش وحلاوة

hamo

[Abouhemeed]

يا حبيبي يا حمو :huh:

فيك الخير يا راجل

بس من وقت للتاني ابقى ابعت حتة بسطرمه دي علشان الشاويش و خرطوشة سجاير كنت للباشا الصول clp:: me0:

لحسن الإتنين ايدهم تقيله قوى ... و القفا بيبقى حساس في السقعة cbyb:

[Abouhemeed]

يمكن فيه علاقة !

http://www.egyptiantalks.org/invb/index.ph...=0entry132845

[وليد صفوت]

سلام عليكم يا جماعة......

أحب أبدأ مشاركتى معاكم بكلمة حب و تقدير لكل اللى أسسوا المنتدى الجميل ده......

أنا فعلا معجب بكل جوانب المنتدى ..... من أسلوب فى منتهى الشياكة فى عرض الرسايل .....الى نظام فى ترتيب الموضوعات ..... فعلا رائع !

A hungry man , is an angry man

تم تعديل 15 أغسطس 2004 بواسطة Violinking

[وليد صفوت]

بسم الله الرحمن الرحيم

أبدأ بقى الكلام المفيد......

أنا بس حسأل كام سؤال ( حموت ) لو ماسألتهومش :

ايه اللى حيحصل لو نسبة الاستفتاء مثلا قلت عن قبل كده؟

مثلا حصل الرئيس على نسبة 60% أو 66% بالكتير ؟؟

أنا بقول مثلا يعنى :)

و الاجابة : ...... و لا حاجة ! لا حد يقدر يقول نرشح حد ..... و لا اى مخلوق يقدر يفتح بقه ;)

طب ايه اللى ممكن يحصل لو النسبة ارتفعت ؟

يعنى الرئيس حصل على نسبة 93% مثلا ....... او 99%؟؟؟

و الاجابة :.......الصحف و المجلات الرسمية و الغير رسمية ..... و كل الورق اللى المصنع فى مصر و المستورد ...حيهتف بأسم مبارك .....

شاشات التلفزيون كمان حتعرض ليل نهار أغانى مختارة ..... من عينة ( إختارناك اختارناك gt: )

بس لاحظوا انى مذكرتش أشخاص ........ فقط ورق الصحف و شاشات التلفزيون هى اللى حتهتف !

انما أهل مصر ;) .....أهل مصر ليهم ربنا ........أهل مصر اللى دلوقتى بيمنوا نفسهم بمعجزة ممكن تحصل فى الاستفتاء القادم !

مافيش معجزة ممكن تحصل ........ الا لو احنا اللى صنعناها .......!

منين حتيجى المعجزة ؟ الا اذا الشعب هو اللى عملها ؟؟

منين حتيجى المعجزة ؟ الا اذا الشعب هو السبب فيها ؟؟

للحديث بقية ........

Fair is foul, and foul is fair

Shakespeare's MACBETH

[الأفوكاتو]

مرحبا بملك الكمنجة,

أليس هذا هو إسمك بالعربية؟

يسرنا وجودك معنا, و لكن سوف يحدث بعض اللبس عتد رؤية اللوجو الخاص بك, فهو علامة تجارية خاصة بأحد أعضاء المحاورات, و إسمه العربى" المحبط"

لذا, يجب أن نخمن , عندما نرى اللوجو, مين يا ترى؟ الكمنجة, أم الإحباط؟

مرحبا بك مرة أخرى

بالمناسبة:

سوف يحقق الشعب المعجزة التى تتوقعها.... قريبا

[وليد صفوت]

أهلا بيك يا أستاذنا ;)

أنا قريت بعض مداخلاتك هنا و لقيت فيك عقل مثقف و حر و موضوعى ..... أحيك .....

أما عن المعجزة ......

فأنا مش حخبى عليك ........أنا حاسس ان دى نفس الاسطوانة اللى بنقولها لما تقرب الانتخابات الرئاسية ......

أقصد الاستفتاء .....

و ان الوضع حيبقى على ما هو عليه ...... ;)

بس ده مش إحباط ......

أنا نفسى فى التغيير ...... بس إزاى ؟؟؟؟

هو ده السؤال ......

ثلاث أرباع الاشخاص اللى بيتكلموا فى الموضوع ده ......وقت الجد تلاقى الكل قلب فئران ..... و يجروا يستخبوا فى أحضان امهاتهم gt:

كأننا بنتكلم فى حاجة مش من حقنا !!

شيئ غريب فعلا !!

لك تحياتى........

Fair is foul, and foul is fair

Shakespeare's MACBETH