شاهد علاء الاسواني يحكي عن كواليس مغامرته مع شفيق

[احمد هادي]

http://www.youtube.com/watch?v=BBCE0EUdK34

[Sidi Bouzaid]

بداية انا كنت وما زلت مؤيدا لاقالة شفيق للاسباب التالية

غير كفء تعهد في البداية بان امن المواطن على قمة الاولويات وبعد شهر الحال صار اسوأ

تعهد بسلامة المتظاهرين ولم يستقل بعد ذلك

استهزأ بالثوار ثم اخذ يناور وكان يكفيه هنا الاعتذار الجاد

فحينما كان يجب ان يستقيل اعتذر وحين كان يجب ان يعتذر اخذ يناور ويدافع وخلاص

نقلت من قبل مقالين فيهم اتهامات بالفساد كنت ارى انه يجب التحقيق ومحاسبته عليهم

ولكن لماذا السخرية والاستهزاء ....لو كان احمد شفيق صايع كان حجم الاسواني من الاول

الرجل رغم لهجة التعالي في كلامه مهذب ...فليس من اللياقة الفخر بالصفاقة والوقاحة في مخاطبته

كنت اظن ان يوجه الكلام في النقاط السابقة لا ان يكون كل همه ان يظهر كما لو كان يوبخ شفيق اللي مش عارف يرد (لانه لو رد حيهزا نفسه )

وبعدين ليه الفخر ده بانكم عملتوا عليه مؤامرة واضحة قوي

هي دي الديمقراطية ... سياسة الصوت العالي ومؤسسات المؤامرة

وده يثير كثير من التساؤلات حول حقيقة دور ساويرس!!!

[م تيمور المراغي]

لابد للثورة من انياب ومخالب تحميها

عشان اللي يجي بعد كده يفكر الف مره و يعرف انه لو حب يستهبل حيتربى ,,

برافوا عليك ,,

الى الامام يا اسواني

الى الامام

من غير زانجا زانجا عشان مانسخنش :happy:

[Om Zayd]

فرق بين الانياب و المخالب و بين ما حدث

كنت و لازلت مع ان استفزاز شفيق الوسيلة الانسب لكشف عدم كفاءته

لكن دون مؤامرات و تشفي بعد نجاحها و خروجه من السلطة

المتأمل للحوار يتأكد ان شفيق كان يعلم انه سيتم الاستغناء عنه

من هنا كان توضيحه ان القرارات كلها كانت بيد المجلس العسكري

"يعني حاسبوا المجلس العسكري .. أنا جندي بنفذ اوامر قياداتي"

[م تيمور المراغي]

فرق بين الانياب و المخالب و بين ما حدث

كنت و لازلت مع ان استفزاز شفيق الوسيلة الانسب لكشف عدم كفاءته

لكن دون مؤامرات و تشفي بعد نجاحها و خروجه من السلطة

المتأمل للحوار يتأكد ان شفيق كان يعلم انه سيتم الاستغناء عنه

من هنا كان توضيحه ان القرارات كلها كانت بيد المجلس العسكري

"يعني حاسبوا المجلس العسكري .. أنا جندي بنفذ اوامر قياداتي"

اقسم بالله يا ام زيد

وربي يشهد

انه كانت لدى احمد شفيق باللقاء فرصة ذهبية

لكسب ود الرأي العام وتعاطفه

وقلب الطاولة على كل الموجودين

لكن نقول ايه

هذا ماقدره الله ,,

بالنسبة بقى لاسلوب علاء الاسواني

هما الثوار كده عارفهم زي القطر

من يقف في طريق الثورة فلا يلومن الا نفسه !

ده شاف زمايله اشلاء مقطعه امام عينيه

تم تعديل 4 مارس 2011 بواسطة architect

[Ahmed Anwer]

مش عارف أشوف الفيديو ،،،

النت بطئ ،،

بس النهاردة كنت في ندوة علاء الأسواني في مكتبة أ

كان فيه واحد جااي مخصوص يتخانق معاه

و مدير الندوة (( كان فيها محمد سلماوي كمان )) يقوله العدد كبير لو عندك سؤال ابعته في ورقة

و ده مصصم يقاطعه و يقولهم هيا الديمقراطية ؟؟ يقولوه ده نظام بس

بس كان شكله محروق أووي و نفسه يحرج علاء الاسواني

المهم يعني ملخص كلامه عن اللقاء ده : _

1- الأحترام طبعا موجود و لكن مع الإحترام ،،، الندية ،،، مش معني إنك رئيس وزراء مصر متحترمنيش

الكناس كمان ليه إحترامه ،،، مش علاء الأسواني بس

2- مغلطتش في شفيق إطلاقا ،،، كل ما كان بيقولي كلمة كنت برد عليه بنفس الكلمة

و ما دام المفروض مني اقبل كلامه و مزعلشي ،،، يبقي هوا كمان يقبل كلامي و محدهش يزعل

3- كلامي كله مقولتش كلمة نابية أو خطأفي حقه

4- أول كلامي قولت إني عمري ما قابلته و لا بيني و بينه حاجة شخصية و وجهت ليه عبارات الإحترام

5- تحفزت ضده لما شفت لقاءه السابق مع عمرو حمزاوي و أحمد كمال أبو المجد ،، و طريقة كلامه معاهم و بيقول لعمرو حمزاوي اللي معاه دكتوراه في السياسة أنتا دماغك ملخبطة و أنا هاضبطهالك أما أحمد كمال أبو المجد فكانت دماغه مضبطة اساسا

6- واحد بقوله الشهداء و الناس اللي ماتت و أكتر من 1200 فقدوا بصرهم (( بيقول إنه شغال علي علاج الناس دي مع د/ ممدوح حمزة و محمد أبو الغار )) يقولي أنا حاربت و قتلت و اتقلت و أنتا لابس البيجامه و نايم في بيتكم ،،، -- بيقول دي أنا ممكن أرفع بيها قضية سب و قذف

الخلاصة يعني هوا شايف مش معني إنه رئيس وزراء يبقي ليه اسلوب معين في الخطاب مش قائم علي الإحترام المتبادل

الصراحة اقتنعت بكلامه 100 %

[شرف الدين]

صح يا تيمور

أحمد شفيق كانت لديه فرصة ذهبية خلال اللقاء

يعني مثلا أول سؤال الدكتور علاء سأله له ... ما معناه

كيف تنتمي فكريا للنظام السابق ؟؟ وتريد أن تكون جزءا من النظام الجديد ؟؟

سؤال سهل وواضح تماما ...

كان ممكن أحمد شفيق يقلب الطاولة على الدكتور علاء ... ويخلي الدكتور علاء هو اللي يدخل في المحظور ... بإجابة بسيطة جدا

إن المجلس العسكري هو أيضا جزء من النظام السابق .. بل إن قيادة القوات المسلحة تتحمل المسؤولية الأكبر في موقعة الجمل ... لأنها هي كانت المسؤولة مسؤولية مباشرة عن تأمين الميدان ... فلماذا تقبلون المجلس العسكري ... ولا تقبلونني ؟؟

لو كان الرجل رد بالأسلوب ده ... كان قدر يقلب السؤال لصالحه ...

لكن للأسف ... وده ناتج عن ضعف الثقافة والقراءة السياسية ... الراجل مفهمش السؤال وقعد يتخانق ويقول مبارك مش هو اللي عملني ... وانا كفء وكلام غير رغي مالوش لازمة ..

الراجل فعلا مينفعش رئيس وزارة ...

وبتهيألي كمان إنه مينفعش كقائد عسكري ... طالما إنه ميقدرش يسيطر على انفعالاته عشان يهزم خصمه...

عشان كده كان لابد إنه يرحل

[م تيمور المراغي]

لكن دون مؤامرات و تشفي بعد نجاحها و خروجه من السلطة

اهو التشفي ده بالذات مقصود يا ام زيد ,,

دي رسالة ترهيب والله لكل من تسول له نفسه التهاون او التلاعب بينا بعد كده

زي احتفالات النصر التي تجريها الدول - مع الفارق طبعا - وتكشف فيها خبايا الخطط المتبعة لقصف العدو

ده لا يعتبر حينها تشفيا او استهزاءا بل هو من قبيل زهوة الانتصار ,,

بعدين التعالي الي كان في كلامه يتعارض مع اعتقادك انه انسان مغلوب على امره,,

ده لو كان اتسلط علينا كان فجر ,,

نسيتي لما رمى الورق على الترابيزه دي شنشة نعرفها من اخزم,,

لو حد تاني اضعف من الاسواني كان اكله وكبسنا احنا كلنا ,,

لو تفتكر ي كمان مكالمته مع منى الشاذلي بخصوص محمود سعد منتهى الاستهزاء والسخرية

ده ما يصعبش عليكي حقول لك ليه ,, .

ايام عمر سليمان لو كانت جاتله تعليمات بسحق المتظاهرين في التحرير كان حينفذها باخلاص وهو مغمض ,,

ومكناش حنصعب عليه وقتها صدقيني

[Om Zayd]

**************

بس النهاردة كنت في ندوة علاء الأسواني في مكتبة أ

********************

الصراحة اقتنعت بكلامه 100 %

حضرتك كنت في الندوة و حضرتها على بعضها .. اكيد هتبقى رؤيتك مختلفة

جزاكم الله خيرا علىالنقاط

انا ضايقني في الفيديو انهم شمتانين

من حقه يكون منفعل عشان الشهداء اللي شافهم

بس احنا يا ما قلنا ان اخلاقنا مش لازم تبقى زي خصومنا

لازم نبقى مثل و قدوة

شفيق كان منتهي أصلا

لم يرضني أداء الحمزاوي و أدبه الزائد

خير الامور الوسط

حمدي قنديل كانمحاور ممتاز

اسئلته في الصميم .. من غير انشاء او تجريح

[م تيمور المراغي]

مش عارف أشوف الفيديو ،،،

النت بطئ ،،

بس النهاردة كنت في ندوة علاء الأسواني في مكتبة أ

كان فيه واحد جااي مخصوص يتخانق معاه

و مدير الندوة (( كان فيها محمد سلماوي كمان )) يقوله العدد كبير لو عندك سؤال ابعته في ورقة

و ده مصصم يقاطعه و يقولهم هيا الديمقراطية ؟؟ يقولوه ده نظام بس

بس كان شكله محروق أووي و نفسه يحرج علاء الاسواني

المهم يعني ملخص كلامه عن اللقاء ده : _

1- الأحترام طبعا موجود و لكن مع الإحترام ،،، الندية ،،، مش معني إنك رئيس وزراء مصر متحترمنيش

الكناس كمان ليه إحترامه ،،، مش علاء الأسواني بس

2- مغلطتش في شفيق إطلاقا ،،، كل ما كان بيقولي كلمة كنت برد عليه بنفس الكلمة

و ما دام المفروض مني اقبل كلامه و مزعلشي ،،، يبقي هوا كمان يقبل كلامي و محدهش يزعل

3- كلامي كله مقولتش كلمة نابية أو خطأفي حقه

4- أول كلامي قولت إني عمري ما قابلته و لا بيني و بينه حاجة شخصية و وجهت ليه عبارات الإحترام

5- تحفزت ضده لما شفت لقاءه السابق مع عمرو حمزاوي و أحمد كمال أبو المجد ،، و طريقة كلامه معاهم و بيقول لعمرو حمزاوي اللي معاه دكتوراه في السياسة أنتا دماغك ملخبطة و أنا هاضبطهالك أما أحمد كمال أبو المجد فكانت دماغه مضبطة اساسا

6- واحد بقوله الشهداء و الناس اللي ماتت و أكتر من 1200 فقدوا بصرهم (( بيقول إنه شغال علي علاج الناس دي مع د/ ممدوح حمزة و محمد أبو الغار )) يقولي أنا حاربت و قتلت و اتقلت و أنتا لابس البيجامه و نايم في بيتكم ،،، -- بيقول دي أنا ممكن أرفع بيها قضية سب و قذف

الخلاصة يعني هوا شايف مش معني إنه رئيس وزراء يبقي ليه اسلوب معين في الخطاب مش قائم علي الإحترام المتبادل

الصراحة اقتنعت بكلامه 100 %

بجد تسلم ايديك يا احمد والله و ياريتني كنت معاكم ,,

انا بفكر جديا بعد تسليم مشروع التوسعة بالعودة نهائيا الى مصر وخدمة البلد بكل ما اوتينا من قوة

ان شاء الله

تحيتي يا حبيبي

[Om Zayd]

للأسف .. شفيق صعب على ناس كثير بعد حوار امبارح

رغم ان اغلبهم اجمع انه اثبت انه لا يصلح كرئيس وزراء

لكن برده صعب عليهم

أنا نفسي كنت هبتدي اتعاطف معاه و اقول الاسواني زودها اكثر من اللازم

لكن بعد ما سمعت الاعادة الحوار الاول مع ريم و هوا ما بيردش على حاجة و محدش بيناقشه

حسيت ان اللي عمله الاسواني كان مهم عشان يكشفه

هذا لا زال رايي

لكن لا أوافق على التشفي و المؤامرات

ليس هذا من ديننا

[شرف الدين]

مع كامل تيقني إنه أحمد شفيق لا يصلح رئيس وزارة

لكني لست مع لهجة أو أسلوب التشفي أو السخرية

يا جماعة لازم نعرف

ليس ذنب الرجل إنه كان في يوم من الأيام جزء من نظام مبارك

لأن عمرو موسى كان في يوم من الأيام جزء من نظام مبارك

طنطاوي كان حتى آخر لحظة جزء من نظام مبارك

سامي عنان قام بتعيينه مبارك

عبد المجيد محمود قام بتعيينه مبارك

عصام شرف نفسه كان في يوم من الأيام جزء من نظام مبارك

الفريق / شفيق

نقدر لك تاريخك الوطني

نقدر لك كفاءتك في إدارة وزارة الطيران

ولكن

أنت أمامنا مسؤول مسؤولية ولو أدبية عن موقعة الجمل ... لأنها قبلها وعدت بسلامة المتظاهرين ... ولم تف بوعدك ... فإما أن تكون قويا بما يكفي لإنجاز وعودك .. وإما أن تسكت .. وما دمت تكلمت ووعدت ولم تف بالوعد ... فكان يجب عليك الاستقالة فورا .. من باب احترام النفس والشعب.

أيضا ... مع كامل احترامنا لك ... فأنت لست أهلا لرئاسة وزارة مصر في هذا الحرج والحساس من تاريخها

[Ahmed Anwer]

يا جماعة مش حكاية ينفع أو لا ينفع رئيس وزراء مصر

و مش حكاية إنه كان من نظام مبارك

الثورة مات فيها 300 رسمي ،،، بيقولوا الأعداد الحقيقية حوالين ال 800

حصار غزة مات فيه 1400 واحد !!!!!

غير اكثر من 1000 فقدوا عيونهم ،،،

يعني تلتين حرب !!!!

تخيلوا بعد ده كله نحيل أمر تنفيذ مطالب الثورة لواحد كان ضد الثورة من أول يوم و حتي آخر يوم

و الإحتمال الأكبر إنه قائد الثورة المضادة

انتصار الثورة بإقالة شفيق ،،، إنتصار كبير جدا ،، و خطوة عظيمة

[شرف الدين]

يا جماعة مش حكاية ينفع أو لا ينفع رئيس وزراء مصر

و مش حكاية إنه كان من نظام مبارك

تخيلوا بعد ده كله نحيل أمر تنفيذ مطالب الثورة لواحد كان ضد الثورة من أول يوم و حتي آخر يوم

يا أحمد تنفيذ مطالب الثورة ليس في يد أحمد شفيق ... أو من يوجد مكان أحمد شفيق الآن

تنفيذ مطالب الثورة في يد المجلس العسكري...

[أبو محمد]

فرق بين الانياب و المخالب و بين ما حدث

كنت و لازلت مع ان استفزاز شفيق الوسيلة الانسب لكشف عدم كفاءته

لكن دون مؤامرات و تشفي

تحياتى يا أم زيد على تمسكك بمكارم الأخلاق وشرف الخصومة

أدهشنى اتهام علاء الأسوانى لشفيق بالتآمر ، وذلك عندما تكلم عن الانفلات الأمنى وقال ما معناه أن البلطجة المنتشرة هذه الأيام هى مؤامرة وأنه يفهم أن البلطجى ممكن يبلطج علشان يسرق أو شئ من هذا القبيل ولكن لماذا يهاجم البلطجية مدرسة ابتدائية فى الاسكندرية لترويع الأطفال ؟

أنا هنا أتهم علاء الأسوانى إما بالجهل وهذه مصيبة أو بالتآمر والمصيبة أعظم .. فالحقيقة المدهشة هى أنه منذ 27 يناير وحتى نهاية الأسبوع الحالى (10 مارس) جميع مدارس الاسكندرية مغلقة .. متى وكيف هاجم البلطجية مدرسة فى الاسكندرية لترويع الأطفال ؟

أما شفيق فكان صادقا عندما قال إنه لا يعلم عن تلك الحادثة (لأنها فعلا لم تحدث) .. ولم يكن جاهلا

شاهدت مقتطفات من لقاء شفيق / الأسوانى .. وشاهدت المكالمة التالية من شفيق بعد استقالته .. وأستطيع أن أكوِّن حكما - خاصا بى - على كل من الشخصيتين .. بصرف النظر عن النقائص والمميزات المهنية لكل منهما

http://www.youtube.com/watch?v=GpKh3gr4bLQ

[م تيمور المراغي]

الخلاصة

حاز الاسواني على اعجاب الثوار وائتلاف شباب الثورة وكل مؤيديهم ,,

وذهب شفيق الى حيث ما ذهب ,,

[محمد حامد الغنام]

انا سمعت الحوار الى اتعمل مع الفريق شفيق

والأسوانى

يعاب على الفريق شفيق ان يقبل الحوار مع هذا السفسطائى وكان يجب علية ان يعى انة

رئيس وزراء مصر قبل هذا القاء

برجاء التحقق من الجنسية التى يحملها هذا العلاء غير الاسوانى

علاء الاسواني ياجماعه جاهل بالقوانيين والمدنية

هو عاوز الراجل يعمله محاكم وقتية ويعدم وخلاص

امال القانون اتعمل ليه وكمان في درجات في التقاضي

للمتهم حق الاستئناف والنقض والمعارضة

مش عارف ده كاتب ايه

فكان صوات الأسوانى العالي دليل على ضعف موقفه

واوجة رسالة

الى الدكتور الاسوانى يبتاع عمارة يعقوبيان اظن انك حاصل على الدكتوراة

ويعرف ان الاجرات فى القوانين والادانة مش سلق بيض وتسعين فى المية من الشعب المصرى

25

و26 يناير كانو فى الشغل ونعرف ان فى مجموعة شباب عملين مظهرة معرفناش ان فية حركة تغير الا لما وقع شهداء

هو بيتكلم با لسانك متتكلمش بلسان حد احنا ربع مئة موظف

فى مؤسسة كلمتنا واحدة وعيزين استقرار وامان

اتكلم عن نفسك يااسوانى انتة ومحمود سعد



[شرف الدين]

يا أخ غنام

إنت شفت الحوار كويس

تقدر تقولي الدكتور علاء غلط في ايه ؟

يا ريت تراجع الحوار وتقولي الدكتور علاء غلط في ايه

------------------

يا ريت طلب بصورة شخصية

حاول تصغر أبعاد الصورة في توقيعك شوية

لأنها بتاخد جزء كبير من مساحة الصفحة بدون داعي

تم تعديل 5 مارس 2011 بواسطة شرف الدين

[محمد حامد الغنام]

حضرتك راجع سيتك الحوار تانى وشوفة

وكمان انظر الى مشاركة

اخى

( ابو محمد فى الصفحة الأولى )

[شرف الدين]

الأخ / محمد حامد الغنام

هل استطيع أن أصفك بأن مراوغ

نعم الآن استطيع أن أصفك بأنك مراوغ

أنا سألتك سؤال واضح ومباشر ؟؟

فيما أخطأ الدكتور علاء خلال الحوار مع أحمد شفيق ؟

تقوم تقولي راجع الحوار وإنت تعرف ؟

ولا راجع مداخلة أبو محمد...

أنا بسالك دلوقت

عندك الحوار ... قولي كده

غلط في كذا وكذا وكذا

تقولي سأل سؤال ده ... والسؤال ده غلط في كذا ؟؟؟

إنما تقولي

راجع الحوار ...

طب ما أنا ممكن أرد بكل بساطة واقولك

لا هو مغلطش وراجع انت الحوار

وهكذا نفضل في حالة الحوار ... !!!

مع الاعتذار لعميل الحزب الوطني السابق عمرو عبد السميع !!!

تم تعديل 5 مارس 2011 بواسطة شرف الدين