نحن نحتاج للعلاج النفسى

[crossfield]

كنت أتحدث بالأمس مع جارتى و هى سيدة متعلمة و كنت أظن أنها على درجة من الوعى لما يحدث حولنا هذه الأيام و لكن حوارى معهاأصابنى بالذهول و كاد الحوار أن ينتهى بمشاجرة لولا تدخل زوجى لتغيير الموضوع.

لقد كانت تهاجم الثورة و ترى أن مبارك-- على الرغم من كل مساوئه- الا ان عهده كان أفضل من الفوضى التى نشهدها الآن و الغياب الأمنى و الاعتصامات و البورصة و و.....الخ

حاولت أن أقنعها بأن هذه مرحلة و ستمر و أن لكل شئ ثمن يجب أن ندفعه و أننى و زوجى الذى يعمل بشركه هندسية سنتضرر أيضاً من استمرار الوضع الحالى لكن الصبر مطلوب فلم يمر سوى شهر و ان شاء الله الأمور ستستقر.

لكن للأسف يبدو أن كل ما شهدناه من ثورات مضادة نجحت فى أن تأتى أكلها لدى قطاع كبير من الناس الأنانية المتعجلة

فى الصباح وجدت هذه المقالة لعلاء الأسوانى تجيب عن تساؤلى: ايه الناس الغريبة دى؟ ده ايه ده؟ معاتيه دول و الا ايه؟

و اتشفت ان قطاعاً كبيراً من الشعب المصرى مريض نفسياً بمرض اسمه مبارك سيندروم

المقالة اهى اقروها. و ربنا يشفى كل مريض

http://www.shorouknews.com/Columns/Column.aspx?id=135228

[رضوي]

السلام عليكم ورحمة الله وبركاته

الفاضلة كورسفيلد

ليست جارتك وحدها من تنتهج هذا النهج

بل كثيرون

كتير جداً مقتنعين إن عصر مبارك كان كويس ومافيش مشاكل ولا اي حاجة

كتير جداً من اول يوم بيقولوا كفاية

كتير اوي زعلانين لأن مافيش امن ولا أمان وياعيني مبارك طول عمره معيشنا في امن وامان

ايه يعني ذل ؟؟؟؟؟؟ مافيش مشاكل خالص

ايه يعني فيه بطالة ؟؟؟؟ هنعمل ايه مالزيادة السكانية تلتهم التنمية

ايه يعني فساد ؟؟؟؟؟؟ عادي كل مكان فيه فساد وربنا يسامحهم بقي

عايشين ومتكيفين مع الوضع عادي خالص

بيعرفوا يتكيفوا كويس اوي مع اي وضع

واي حاجة لانملكها تعتبر كماليات للدرجة اللي اصبحت كل حاجة في حياتنا كماليات ...... وكل حاجة ممكن نستغني عنها

ماقابلوش اي حجر علي حرية الرأي ............ لأنهم اصلاً اتربوا علي ان الكلام في السياسة غلط وامشي عدل يحتار عدوك فيك وخليك جنب الحيط واحنا مش ناقصين مشاكل لدرجة انهم اصلاً مابقاش عندهم رأي ولا حرية

كتير اوي من الجهلة المتعلمين ........ العلم يقتل الأمية ولكنه لايقتل الجهل ........ الثقافة هي وحدها من تقتل الجهل ......... الحرية وحدها هي من تعرف للنور طعم

والكارثة بقي لما حد يتكلم معاهم ويحاول يوعيهم ويفهمهم

يااااااااااااااااه

اسهل حاجة الاتهامات ............ اي حد مخالف لرأيهم اما فاسد او منافق او مش فاهم حاجة او ماحسش يعني ايه عدم امان وضائقة مالية

أبسط حاجة اتقالتلي : أصل انتوا ولا مسئولين علي بيت واولاد وفاضيين فقولتوا تعملوا شوية مشاكل او تروحوا التحرير تعملوا سفاري

؟؟؟؟؟؟؟؟

التحرير بقي سفاري عادي

والشهدا كانوا اكيد بياخدوا حمام شمس يعني

ياربنااااااااااااااا

اي حد بيناصر الثورة دايماً متهم

دة جانب

جانب تاني ناس مستمعة فقط لاغير

بيكتفوا بالسمع ولاحياه لمن تنادي ............. وبرده ايام الانتخابات ( دة لو شاركوا اصلاً ) هيدوا صوتهم للي يدفع اكتر

فريق تالت بيحاول يفهم وممكن يقتنع وبيتجاوب

وفيه بقي فريق بصراحة ياعيني زهق من الكلام والحوارات ( بقالنا شهر اعصابنا فلتت من نشرات الاخبار ماتصدعوش دماغنا بقي )

بس الاهم من دة كله

ان لسة فيه ناس مثقفة كفاية وناس عارفة فين حقوقها وناس فاهمة كويس ان اللي احنا فيه النهاردة ضريبة ولازم كلنا ندفعها علشان البلد تتطهر من كل الفاسدين ........ والناس دي هي اللي بتدينا بريق الأمل في ابناء مصر

ماتقلقيش عزيزتي

على الرغم من وجود الجانب المظلم دة ........... إلا ان فيه جانب مشرق ومشرف لكل المصريين

وبكره الناس المعارضة دي هتفهم وتعرف معنى الحرية والكرامة

[tarek hassan]

عندك حق

مع إن مبارك كان السبب في الفراغ الأمني والمظاهرات الفئوية ومظاهرات الثورة المضادة التي تحدث من أمن الدولة والحزب الوطني وقد سموا أنفسهم جبهة ثوار 25 يناير ليسيئوا للثورة

[president]

اسهل حاجة الاتهامات ............ اي حد مخالف لرأيهم اما فاسد او منافق او مش فاهم حاجة او ماحسش يعني ايه عدم امان وضائقة مالية

للأسف سيدتى الفاضله .تفتكرى فى حاجه اتغيرت فى تفكيرنا قبل وبعد الثوره ؟؟ قبل الثوره مؤيدى نظام مبارك وكانوا يعتقدوا

انهم الغالبيه دائما مايتهموا معارضيهم بالخيانه وعدم الفهم ولا يقبلوا الحوار معهم او الأنصات لهم .

وبعد الثوره ماذا حصل ؟ مؤيدى الثوره وايضا يعتقدوا انهم اغلبيه يتهموا معارضيهم بانهم منافقين وفاسدين ويضعونهم فى القائمه السوداء

او قائمة الجنه والنار كما احب ان اسميها وايضا يرفضوا حتى سماع وجهة النظر الأخرى .

نفسى بجد اشوف فى مصر اتنين ليهم رأيين مختلفين ومبيتهموش بعض بالخيانه او الفساد او العماله أو..أو...

حرام بجد دم الشهداء اللى سال مايكونش نتيجته حريه وديمقراطيه وكل واحد يقول اللى هوا عايزه بدون اتهامات او وصايه .

حرام بجد نخلق بنفسنا ديكتاتورية تانيه .

قمة المأساه لم شفت اتنين أصحابى من مؤيدى الثوره ومن اللى نزلوا التحرير قمة الماساه لما شفتهم وهما مختلفين

على احمد شفيق وكمية الأتهامات اللى بيقولوها لبعض .

بجد لو انتى شفتى الموقف ده كنتى هتقولى حرام نفطة دم واحده نزلت من واحد مصرى طالما لسه تفكيرنا كده .....

سيدتى الفاضله صاحبة الموضوع أتفق معكى تماما بأننا نحتاج الى علاج نفسى مكثف....

تحياتى ويارب مصر على طول بخير

[عبد الله غريب]

كنت أتحدث بالأمس مع جارتى و هى سيدة متعلمة و كنت أظن أنها على درجة من الوعى لما يحدث حولنا هذه الأيام و لكن حوارى معهاأصابنى بالذهول و كاد الحوار أن ينتهى بمشاجرة لولا تدخل زوجى لتغيير الموضوع.

لقد كانت تهاجم الثورة و ترى أن مبارك-- على الرغم من كل مساوئه- الا ان عهده كان أفضل من الفوضى التى نشهدها الآن و الغياب الأمنى و الاعتصامات و البورصة و و.....الخ

حاولت أن أقنعها بأن هذه مرحلة و ستمر و أن لكل شئ ثمن يجب أن ندفعه و أننى و زوجى الذى يعمل بشركه هندسية سنتضرر أيضاً من استمرار الوضع الحالى لكن الصبر مطلوب فلم يمر سوى شهر و ان شاء الله الأمور ستستقر.

لكن للأسف يبدو أن كل ما شهدناه من ثورات مضادة نجحت فى أن تأتى أكلها لدى قطاع كبير من الناس الأنانية المتعجلة

فى الصباح وجدت هذه المقالة لعلاء الأسوانى تجيب عن تساؤلى: ايه الناس الغريبة دى؟ ده ايه ده؟ معاتيه دول و الا ايه؟

و اتشفت ان قطاعاً كبيراً من الشعب المصرى مريض نفسياً بمرض اسمه مبارك سيندروم

المقالة اهى اقروها. و ربنا يشفى كل مريض

http://www.shoroukne....aspx?id=135228

أعرف ناس فعلاً زي ما حضرتك قولتي تضرروا من نتائج الثورة،

و تحديداً في مجال السياحة و دول اللي إتأثروا بنسبة أكبر لتوقف الحركة السياحية،

لكن بإذن الله الكل يتفهم و يعرف أن المرحلة مهمة و مطلوب فيها الصبر و بعض التضحية .. و مش حيكون تضحياتهم أغلى من دماء الشهداء اللي وهبوا أرواحهم .. يعني الخسارة في المال تتعوض .. و الصبر في سبيل الحصول على الحرية و الكرامة مش خسارة بل مكسب على المدى البعيد،

أرجو إننا نتفهم مدى حساسية الوضع الراهن و ضرورة العبور من حالة الفوضى (و عدم الأمن) بسرعة، الرؤية لكيفية ذلك لازم تكون واضحة أو على الأقل نبدأ بالخطوات التي نراها أسهل للعبور من هذه المرحلة يعني مثلاً لحل مشكلة الأمن لازم الشارع المصري يتأمن بعدد كبير من الجنود (جيش أو شرطة) المهم لازم الأمن يستتب و يتم معاقبة المخالف بأقصى عقوبة حتى يرتدع غيره.

شكراً لمشاركتنا هذا الحيز من مشاهداتك.

[عبد الله غريب]

اسهل حاجة الاتهامات ............ اي حد مخالف لرأيهم اما فاسد او منافق او مش فاهم حاجة او ماحسش يعني ايه عدم امان وضائقة مالية

للأسف سيدتى الفاضله .تفتكرى فى حاجه اتغيرت فى تفكيرنا قبل وبعد الثوره ؟؟ قبل الثوره مؤيدى نظام مبارك وكانوا يعتقدوا

انهم الغالبيه دائما مايتهموا معارضيهم بالخيانه وعدم الفهم ولا يقبلوا الحوار معهم او الأنصات لهم .

وبعد الثوره ماذا حصل ؟ مؤيدى الثوره وايضا يعتقدوا انهم اغلبيه يتهموا معارضيهم بانهم منافقين وفاسدين ويضعونهم فى القائمه السوداء

او قائمة الجنه والنار كما احب ان اسميها وايضا يرفضوا حتى سماع وجهة النظر الأخرى .

نفسى بجد اشوف فى مصر اتنين ليهم رأيين مختلفين ومبيتهموش بعض بالخيانه او الفساد او العماله أو..أو...

حرام بجد دم الشهداء اللى سال مايكونش نتيجته حريه وديمقراطيه وكل واحد يقول اللى هوا عايزه بدون اتهامات او وصايه .

حرام بجد نخلق بنفسنا ديكتاتورية تانيه .

قمة المأساه لم شفت اتنين أصحابى من مؤيدى الثوره ومن اللى نزلوا التحرير قمة الماساه لما شفتهم وهما مختلفين

على احمد شفيق وكمية الأتهامات اللى بيقولوها لبعض .

بجد لو انتى شفتى الموقف ده كنتى هتقولى حرام نفطة دم واحده نزلت من واحد مصرى طالما لسه تفكيرنا كده .....

سيدتى الفاضله صاحبة الموضوع أتفق معكى تماما بأننا نحتاج الى علاج نفسى مكثف....

تحياتى ويارب مصر على طول بخير

أوافق حضرتك تماماً في ضرورة عدم خلق دكتاتورية جديدة .. و إن دماء الشهداء لازم يكون تمنها خلق مناخ ديمقراطي حقيقي و كامل لكن مع الأخذ ف الاعتبار حساسية المرحلة.

نقطة تانية مهمة جداً يمكن محدش اثارها و هي قائمة الجنة و النار، أو كما تسمى قائمة العار، المطلوب دمج كل الشعب المصري في بوتقة الثورة و استيعاب من كان خلافه ظاهرياً بسبب تأثره بالمرحلة السابقة طالما لا ينتمي لفكر مناهض للثورة لكنه فقط لم يبدي تأيده إلا متأخراً أو كان قد تكلم برأي في وقت مبكر اتضح له لاحقاً و مع تسارع الأحداث و ظهور متغيرات جديدة على الساحة فغير رأيه، مثلاً استمرار المظاهرات لمدة 18يوم حيث صرح المتحدثون الرسميون عن إطلاق شرارة الثورة أنهم كانوا ينوون أن تكون ليوم واحد قد يمتد لاعتصام ليلة إن صادفهم النجاح! ثم ما لبثت أن ساندتهم جميع طوائف الشعب فتحولت لثورة، لذلك أخشى إن نحن أصرينا على وضع قائمة للنار مقابل قائمة الجنة أن نكون قد أرسينا بذرة الشقاق العميق بين من سنخلقهم بايدينا من اعداء لنحاربهم في حين هم يرغبون في العودة إلينا و بالأساس جرمهم لم يكن ممنهج و مقصود لكنه تسارع الأحداث و عدم وضوح الرؤية الكاملة كان السبب الرئيسي لعدم التأيد المبكر للثورة .. أخشى أن يكون سلاح قوائم العار هو السلاح السري الذي سيؤدي لشق صف شعب مصر.

تم تعديل 4 مارس 2011 بواسطة عبد الله غريب

[لماضة مصرية جدا]

فلم يمر سوى شهر و ان شاء الله الأمور ستستقر.

لكن للأسف يبدو أن كل ما شهدناه من ثورات مضادة نجحت فى أن تأتى أكلها لدى قطاع كبير من الناس الأنانية المتعجلة

السلام عليكم و رحمة الله و بركاته

استوقفتني....كلمة قطاع كبير من الناس" و لا اخفي استاذتي ان اشعر في كثير من الاحيان اني في "القطاع الكبير من الناس"

حين ذكر المقال للاستاذ علاء تفنيده الواعي لما يحدث كان كمن القي حجرا في البحيرة الراكدة من الفكر و وضع حلا اراه رائعا جدا

"نحن بحاجة للعلاج النفسي"

اتفق و بشدة

و اطمح ان افكر في تلك العبارة......بلا حصر فقط في السياق الذي اوردته المقالة

لدي قناعة......بمستوي عام.

اننا بحاجة للعلاج النفسي

انا مقتنعة ان الثورة الحقيقية اللي بتمر بيها مصر مش بس انها تسقط نظام و لا تغير حكومة...و لا انها تعدل ستور و لا حتي تلغيه

الثورة الحقيقية اللي انا مستنياها و نفسي اساهم و لو بواحد علي مليون فيها....هي ثورة تغيير الفكر

أفكارنا.....كلنا....و انا اول من اكتب له و اخاطبه.....تحتاج في كثير منها الي التغيير....الي اعادة الصياغة.....و مش مجرد نتكلم عن الافكار بشكل مجرد و لكن ما اعنيه هي تلك الافكار التي تهبط من ابراجه العاجية و تغرس نفسها في ارض خصبة للغاية

علم النفس....شخص المريض النفسي....انه شخص ياني من "ضلالات ذهنية"

أتدرين ان كل منا....لديه "رصيد ما" من تلك الضلالات

أليست الشيزوفرنيا....هي انفصال الشخص عن واقعه

انظري الي واقعنا كمصريين....لم ننفصل عن واقعنا....لكننا عجزنا في فترة ما عن التكيف معه.....فنسجنا عوالم اخري موازية.....احدها عالم الهجرة خارج الوطن.....احدها...أن تعيش في وطن و لا تهتم...أحدها أن يكون وطنك هي تلك الاسرة الصغيرة و لا تتعد دائرتك ما سواها

احدها....أن تعيش حالة نيرفانا و تصنع عالم خاص بك......لا يربطه بواقعك شيئا

أليست "الفوبيا" هي تلك الهاجس التي يبعث في النفس حالة الذعر و الخوف من الاشياء التي تبدو للاخرين غاية في اللامعني

انظري الي واقعنا....ألم نكن نربي علي ان "امشي جنب الحيط"....و في اوقات كثيرة التحمنا بالحيط خوفا و جذعا....فصرنا كيانا واحد...لايبالي

ألم نكن....نخاف.....أن نرفع أصواتنا في وجه اي ظالم ابتداء من عسكري المرور و انتهاء برئيس الجامعة...كان يتعملق بداخلنا دوما احساس ان شخص سيسحقنا

أليس "الوسواس القهري"

هو تسلط فكرة معينة علي صاحبها....بشكل يجعله يكررها بلا وعي و بلا معني

انظري مرة اخري لحياة المصريين

تسيطر علينا افكارنا.....و نظل نستمع لاصوات بداخلنا.....قد نعلنها بين الحين و الاخر اننا نستمع للاخرين.....و لكنه نوع الاستماع الذي يمر بين الاذنين دون ان يترك اثرا علي العقل

انظري....و قارني.....و تأملي الكثير

ستجدي بالفعل.....اننا مرضي نفسيين....و احدث نفسي قبل اي احد آخر

في كثير من الاحيان...لم يكن باردتنا....كنا ترسا يتم التلاعب به في مفرمة اعلام موجه و تعليم معلب و مجتمع تركنا بلاهوية.....و عاب علينا كثيرا اننا بحثنا عنها بين صفحات العالم الافتراضي هاربين من واقع اشد قسوة

ستجدي....أننا بحاجة للعلاج النفسي

الثورة من وجهة نظري.....هي اول خطوة في طريق العلاج.....لقد اعترفنا اننا مرضي نفسيون....هناك علة ما

و بدأنا في تجاوزها

نحتاج جرعات....من الوعي...بلا تعصب حتي للثورة نفسها

نحتاج جرعات مكثفة من القراءة و التحليل و محاولة الفهم

نجتاج الي استماع بتروي....دون القفز الي احكام مسبقة....و دون الاستسهال في تقسيم الفكر الي لونين...ابيض و اسود.....فالافكار لها اجنحة يجب ان تحلق لا ان تخنق و تختنق

نحتاج بالفعل لعلاج نفسي

.......لنغير ضلالاتنا الفكرية

و ارجو ان تكون الثورة.....هي فقط البداية

معذرة علي الاطالة

و تقبلي كل التحية

[crossfield]

قرأت مداخلاتكم جميعاً و أشكركم على المشاركة

لا أنكر أن أنا شخصيا كنت جزءاً من نظام مبارك فقد أصابتنى -مثل أغلب المصريين- و لسنوات طويلة حالة من اللامبالاة و عدم الاكتراث بما يدور حولى و كنت أكتفى كما قالت العزيزة لماضة بأن أعيش فى عالم مواز

و لكن لحظة الافاقة جاءت لنا جميعاً فى 25 يناير لنجد أنفسنا جميعاً ننفض عنا غبار سنين أهل الكهف

لكن ما أذهلنى هو وجود أناس بيننا لا يرغبون فى الافاقة

استهوتهم حالة الجمود و البلادة و اللاجديد

أريد أن أتقبلهم من باب حريتهم فى التعبير عن رأيهم

أريد أن أكون ديمقراطية فعلاً وليس قولاً فقط

لكن يبدو أن بداخل كل منا ديكتاتور سوف يستغرق وقتاً فى انتزاعه من داخله

كنت و لا زلت ضد شفيق

و كان هناك مؤيديه- و لا أدرى إن كانوا لا زالوا يؤيدونه بعد حرق مقار أمن الدولة فور إستقالته

أحاول أن أتبنى وجهة نظرهم فلا أستطيع

شئ بداخلى يدفعنى للرفض خوفاً من أن يعود مبارك ثانية ليس بشخصه و لكن متنكراً فى شخص آخر

ربما كنت مريضة بنوع جديد من الفوبيا و الذى أشار إليه الفاضل كلمو فى موضوع آخر

و هو ما يدفعنى فهلاً لهبش أى حد يجيب سيرة مبارك بأى خير

منذ أيام كدت و الله أضرب زوجة ضابط شرطة لتبنيها نظرية أن الاخوان هم من أطلقوا الرصاص على الناس و ليست الشرطة التى لم تكن مزودة-و للمرة الأولى فى عهد مبارك- الا بقنابل مسيلة للدموع... إلى آخر تلك الأكاذيب

كان يجب أن أحاورها بهدوء لأكشف لها كذبها حتى على نفسها

و لكنها انسحبت عندما وجدت نفسها أمام من يحاورها و يفند أكاذيبها و ليس مجرد ودن زى اللى كانوا قاعدين مستسلمين تماماً لعملية غسيل المخ و مما زاد من حدة هجومى عليها أنها كانت تروج لهذه الأكاذيب و سط ناس أقباط

أى أنها كذابة و كمان بتثير فتنة

بصراحة غسلتها...بس مش ده المهم

المهم هو امتى الواحد هيقدر يتناقش بهدوء و بدون انفعال مع معارضيه؟

للأسف أفتقد هذه الثقافة- ثقافة الحوار الهادئ مع من يخالفونا الرأى