تلاميذ ابتدائى فى دمياط يهتفون فى الفسحة: «الشعب يريد إسقاط يوم السبت»

[Simba]

تلاميذ الابتدائى فى مدرسة اللغات التجريبية المطورة فى دمياط، حولوا فناء المدرسة إلى ميدان تحرير صغير، وفاجأوا إدارة المدرسة والعاملين بها بمجرد انطلاق جرس الفسحة بتنظيم مظاهرة ضمت تلاميذ الابتدائى، حملوا فيها لافتات «يسقط يسقط يوم السبت»، تعبيراً عن رفضهم الحضور للدراسة يوم السبت بخلاف باقى مدارس المحافظة، وطالبوا باعتباره إجازة أسوة بباقى مدارس المحافظة، وهتف التلاميذ: «الشعب يريد إسقاط يوم السبت»، و«يا مديرية يا مديرية.. اللغات مش هفية».

محمود جمال الزينى، أحد التلاميذ المتظاهرين، أكد أنه اتفق مع عدد من زملائه على التظاهر السلمى فى فناء المدرسة للمطالبة بإلغاء يوم السبت، وأضاف أنه وزملائه اشتروا الأقلام وورق اليفط من مصروفهم وكتبوا الشعارات بأنفسهم، وقال: «إحنا مش أقل من شباب ٢٥ يناير، ومن حقنا أن نطالب بحقوقنا»، وأكد خالد مجاهد، أحد الطلاب المتظاهرين، أنهم يحضرون السبت لأن المدرسة فترتين بعد هدم جزء منها، وأن حضور السبت يمثل عدم عدالة باعتبار معظم المدارس إجازة، واتهمت ميرنا عماد، إحدى المتظاهرات، أحد المدرسين بتهديدهم بالضرب إذا لم يعودوا إلى الفصول، وقالت: «إحنا هنعمل مظاهرة كل يوم لحد عمو وكيل المدرسة ما يلغى يوم السبت ويساوينا بزمايلنا»، وأكدت أن أولياء الأمور كلهم متضامنون معنا و«احتمال نطلبهم ينضموا معانا فى المظاهرة الجاية».[/size]

[fatfouta]

ايه العيال العسل دى

وكمان ابتدائى يعنى حتى مش ثانوى!!!

هما دول الجيل الواعد القادم الل مش هيرضى بالظلم فى اى مكان

شكرا سمبا

[Simba]

ايه العيال العسل دى

وكمان ابتدائى يعنى حتى مش ثانوى!!!

هما دول الجيل الواعد القادم الل مش هيرضى بالظلم فى اى مكان

شكرا سمبا

يعني محدش هيقول ان العيال دي اللي خربت البلد وطفشت السياحة والاقتصاد حاله وقف وكل الكلام ده :blink:

[Om Zayd]

يعني محدش هيقول ان العيال دي اللي خربت البلد وطفشت السياحة والاقتصاد حاله وقف وكل الكلام ده :blink:

:protest:

قصدك وقفوا العملية التعليمية و بيخاطروا بمستقبل البشرية

:closedeyes:

بس بجد .. عجبني أدبهم كمان

"عمو وكيل المدرسة"

باذن الله مصر هتبقى احلى

[تقى الله]

هههههههههههههههههههههههه

جامده جداااااااااا

[aimen]

والشرطة المدرسية قعدت ساكته وسابت العيال دى

انا سمعت انهم قلة مندسة ومن مدرسة تانية اللى بيتظاهروا

وبيحاولوا ينفذوا كراسات مربعه وكراسات تسعه اسطر خارجية

هى قناة سبيس تون الحقيرة اللى بتحاول تبث الفرقة والحقد بين الطلبة

[Simba]

أعلنت اطفال الشرطة المدرسية انها ستتصدي بحزم لاي مظاهرة في المدارس الابتدائية والتصدي لمخططات كراسات التسعة اسطر