البورصة المصرية ,, لمغتربي السعوديه !!

[م تيمور المراغي]

مساء الوروود ,,

جالي الخبر وحبيت انقله هنا - وانتم عارفين اعتراضي عليه - بس حنبقى نتناقش بعد ما تقروه

العضو الكريم

م. تيمور المراغي

يسعدنا أن نبلغك بهذا البيان الصحفي

بسم الله الرحمن الرحيم

بيان صحفي

تعلن القنصلية المصرية العامة بالرياض أنه استجابة لرغبة الإخوة المصريين في المملكة العربية السعودية في المساهمة في البورصة المصرية في الظروف الحالية ، سيتم البدء من يوم الأربعاء القادم الموافق 4 ربيع الآخر 1432هـ - 9 مارس 2011م في طرح مشروع يحقق تلك الرغبة الصادرة من أبناء مصر ، وفي نفس الوقت يحقق لهم ربحاً مجزياً ناجحاً من الاستثمار في اقتصاد وطنهم ، ويشارك في هذا المشروع بنك مصر ، وصندوق رعاية المصريين بالسعودية وشركة الراجحي ، ويسمح للجالية المصرية بالمساهمة في البورصة المصرية عن طريق منافذ في المملكة العربية السعودية يشمل هذا المشروع مجموعة من صناديق الاستثمار التي يطرحها خبراء بنك مصر ، ويرون – من خلال معرفتهم الكبيرة بسوق الأوراق المالية – أنها تحقق أفضل ربح ، حيث تشمل تلك الصناديق مجموعة من الأسهم في عدد من الشركات المصرية التي تتسم بالاستقرار والثبات ، وبتحقيق أرباح بصورة دائمة وتشمل تلك الصناديق :-

1- صندوق استثمار بنك مصر – الإصدار الأول – ذو العائد الدوري ربع سنوي ، الذي بلغ معدل عائده العام الماضي 12.55٪ .

2- صندوق استثمار بنك مصر – الإصدار الثاني – ذو النمو الرأسمالي ، والذي يهدف لتحقيق أكبر عائد استثماري وتقليل للمخاطر ، وقد بلغ عائده العام الماضي 13.5٪ .

3- صندوق استثمار بنك مصر – الإصدار الثالث – والذي بلغ كعدل عائده العام الماضي 12.53٪ .

4- صندوق استثمار بنك مصر الرابع وفقاً لأحكام الشريعة الإسلامية "الحصن" والذي بلغ معدل عائده العام الماضي 7٪ .

5- صندوق استثمار بنك مصر التراكمي مع التأمين على الحياة ، وضمان رأس المال ، والذي يضمن رأس المال المدفوع بعد ثلاث سنوات من تاريخ الاشتراك في الصندوق ، وقد بلغ معدل عائده العام الماضي 6.84٪ .

6- صندوق استثمار بنك مصر النقدي حساب يوم بيوم "بالجنيه المصري والدولار واليورو" الذي يقدم وعاء استثمارياً يوفر أعلى عائد يومي بدون تجميد مدخرات العميل ، وبلا أي قيود على السحب ، والحد الأدنى لفتح الحساب 10 آلاف جنيه مصري ، أو 5 آلاف دولار أو يورو .

7- صندوق استثمار بنك مصر النقدي ، حساب يوم بيوم ، بالجنيه المصري والدولار واليورو ، ومتوسط العائد السنوي 7.35٪ بالجنيه المصري ، 47ر٪ بالدولار الأمريكي و 29ر٪ باليورو .

8- صندوق استثمار مصر الخير المتوازن ذو العائد الدوري "الخير" .

9- صندوق استثمار بلتون للأسهم المتداولة "رؤية" .

ويتم المساهمة في هذه الصناديق في المراكز التالية :-

‌أ. مقر صندوق رعاية المصريين بالمربع العنوان (مجمع المربع التجاري والسكني الدور الثاني شقة 24) الأستاذ / محمد عبد المجيد 0563546630 .

‌ب. مركز تحويل الراجحي في مول "بن سلمان التجاري" شارع الوزير هاتف 014143029 .

‌ج. صندوق رعاية المصريين بالقنصلية المصرية بالرياض – حي السفارات ت 4808770 – 4014448

وننتظر مشاركاتكم وإستفساراتكم على هذا الرابط

http://www.egybox.org/vb/showthread.php?52990-المشاركة-في-البورصة-المصرية

ملتقى صندوق رعاية المصريين

www.egybox.org

لنا عودة في المساء

اذا ربنا شاء ,,

[aimen]

ياترى اراء المختصين بالبورصة والإستثمار ايه

هل الموضوع فعلا مفيد لمصر عمليا فى الفترة القادمة

ولا الفائدة فقط ورقيا بدون انشاء مؤسسات وتوفير فرص عمل على ارض الواقع

اخوكم جاهل فى موضوع البورصة وغيره ومن النهاية اعتقد ان المشروعات على الأرض اكثر بركة وفائدة حتى لو مردودها اقل

فما رأيكم دام فضلكم ؟ ؟؟؟

تم تعديل 6 مارس 2011 بواسطة aimen

[Alattar]

ياترى اراء المختصين بالبورصة والإستثمار ايه

هل الموضوع فعلا مفيد لمصر عمليا فى الفترة القادمة

ولا الفائدة فقط ورقيا بدون انشاء مؤسسات وتوفير فرص عمل على ارض الواقع

اخوكم جاهل فى موضوع البورصة وغيره ومن النهاية اعتقد ان المشروعات على الأرض اكثر بركة وفائدة حتى لو مردودها اقل

فما رأيكم دام فضلكم ؟ ؟؟؟

نفس الموضوغ..برضه ما أفهمش حاجة في المواضيع دي

بس لو حد من الأخوة اللي فاهمين يقوللنا ايه الصح..ان شاء الله الواحد ما عندوش مانع يشارك بأي حاجة

و ياريت يا عم تيمور تقوللنا سبب اعتراضك ايه..لأننا مش فاهمين الموضوع بالظبط

تم تعديل 6 مارس 2011 بواسطة Alattar

[تقى الله]

والله ياجماعه البورصه نشاط مربح جدااا بس فى ظل نظام عادل وشفافيه كامله لكل المضاربين مش زى ماكان بيحصل الاول

[م تيمور المراغي]

راي في البورصة عموما انها من اشد انواع الاستثمار مجازفة وخطورة ان لم تكن الاخطر على الاطلاق ,,

والخلاصة التي لدي انها لا تصلح لغير الخبراء والمحترفين لما تحوية من اسرار وطرق خاصة للمتاجرة لن تتح لاي مبتدئ مهما كانت درجة ذكاؤه او نبوغه ,,

بالنسبة لسؤالك يا ايمن عن مدى انتفاع مصر بضخ سيولة اضافية في اسواق المال فانا جاوبت وقلت ان الحماس ده كله مش لوجه الله لكنه بضغط من كبار المضاربين في البورصة للفكاك من مراكزهم المالية المفتوحة والتصريف على صغار المستثمرين وللتوضيح اكتر شوف الشرح ده

حاضر يا ست الكل ,,

دلوقتي كبار المضاربين في السوق محتاجين يعملوا تسييل لمحافظهم بمعى انه يبيع مايمتلكه من اسهم لكي يحصل على الاموال السائلة التي يحتاجونها بشدة في الوقت والظروف الراهنة لاسباب متعددة ليس المجال لذكرها ,,

طيب ,, هو يمتلك مثلا 100 الف سهم في شركة اسمنت سينا على سعر 50 جنيه مصري هو سعر اغلاق اليوم السابق ,,

لو المضارب الكبير ده - الهامور - حب يبيع الاسهم بتاعته ايه اللي حيصل ؟؟

حيحصل ان العرض حيكون اكبر بكتير جدا من الطلب فالسعر في تلك الحالة سيهبط من 50 جنيه الى 45 جنيه مثلا ,,

دي معضلة كبار المضاربين انه مايقدرش يبيع كمية كبيره فبيلجا لكنيك اسمو التصريف

وهو انه يبدأ يبيع مجموعه مجموعه مكونه من 1000 سهم مثلا على فترات متباعده تلك الطريقة تسمى التصريف ,,

طيب هو في نيته انه حيكمل بيع يعني الناس اللي اشتروا من ساعه على سعر 50 جنيه يقينا كلما مر الوقت السعر برضوا في النازل ؟

فيقوم عامل اتفاقيات مع العديد من الجهات على بث ما يشجع الناس على الاقبال على الشراء بالتالي يستطيع هو تصريف مالديه من كميات كبيره عليهم

في الحاله المذكوره فوق دي بيبقى فرصة ذهبيه هنا لكبار المضاربين انهم يعملوا اتالي

الطلب زايد بسبب تلك النداءات والاخبار تحت دعوى انقاذ مصر ودعم مصر والكلام ده

يقوم المضارب الكبير نازل بلوت 10 الاف سهم مثلا على سعر 50 جنيه

السعر وقتها بينزل الى 49 جنيه مثلا يقوم الباشا داخل يشتري مره تانيه على سعر 49 جنيه وينتظر حتى يعود السعر الى 50 جنيه بسبب الاقبال من صغار المستثمرين المساكين اللي دخلوا بدافع الوطنيه والامر جله تم تدبيره بليل ,,

وهكذا دواليك وغني يا ليل ما اطولك كلما صعد السعر يقوم المضارب منزله عشان ياخذ من تحت ويبيع من فوق وفي آخر الجلسه بعدما يظن الجميع ان الهبوط يعقبه صعود ماهما شايفين بعينيهم طول الجلسه السعر متذبذب يقوم طاخ مصرف الكمية كلها وقافل السهم على النسبة تحت وسلامتكم ,,

انشروا التنبيه ده اثابكم الله ,,

واي استفسار تاني يا استاذه انا في الخدمة ,,

[م تيمور المراغي]

..........

اخوكم .......... فى موضوع البورصة وغيره ومن النهاية اعتقد ان المشروعات على الأرض اكثر بركة وفائدة حتى لو مردودها اقل

فما رأيكم دام فضلكم ؟ ؟؟؟

نظريا لو افترضنا العدالة الكاملة ونزاهة جميع الاطراف المرتبطين بالمجال فان البورصة هو شكل من اشكال الاستثمار الغير مباشر والذي ينعكس بالفعل ايجابا على اقتصاد الدولة من كافة النواحي ,,

وللتوضيح ,,

نفترض ان ايمن لديه شركة لاستصلاح الاراضي ولديه الكوادر الفنية والخبرة السابقة في تحقيق ارباح وفتح مجالات اكبر للتوسع ,,

طيب ايمن يريد ان يشتري مثلا الف فدان ويوظف الف عامل جديد ويشتري الف راس من الماشية من سلالات منتجة ويستورد ماكينات و ادوات انتاج ووو ,,

طيب ماهو العمل ,,

يقوم ايمن بتقديم اوراقه الى هيئة سوق المال وتحويل الشركة الى شركة مساهمة ويطرح اسهم الشركة للاكتتاب في البورصة ,,

هذا الطرح الاولي سيوفر لايمن كامل السيولة اللازمة لتطوير الشركة وتحقيق طوحاتها بالتوسع وبالتالي تحقيق ارباح حقيقية مرجوة وامداد الاسواق بما تحتاجه من منتجات غذائية وبالتالي ارباح اكبر لايمن يقوم في نهاية العام بتوزيعها على كل المساهمين المكتتبين

يبقى اي فرد اكتتب في شركة ايمن هو مساهم بشكل او بآخر في استثمار - صحيح انه غير مباشر - لكنه حقيقي ملموس ذو عائد ايجابي جدا على البلد ده الشرح بكل بساطة .

[م تيمور المراغي]

و ياريت يا عم تيمور تقوللنا سبب اعتراضك ايه..لأننا مش فاهمين الموضوع بالظبط

اعتراضي ان المبتدئ اللي حيدخل السوق سيتعرض - يقينا لامحالة - للخسارة لعدم وجود الخبرة الكافية له للمضاربة او حتى الاستثمار ,,

الحل - لو انت مصمم - كنت كتبته في المداخلة التالية :

اللي مصر يدخل -وانا اعترض بالشدة على الدخول في البورصة المصرية اصلا لاسباب عديده مش مجالها دلوقتي- .

المهم اللي مصر يدخل اول حاجه يبص عليها هي المكرر الربحي للسهم اللي حيشتريه .,,

وتعريف المكرر الربحي P/E Ratio‏ ببساطة هو قياس بنستخدمه لمعرفة نسبة سعر السهم في السوق إلى ربح السهم السنوي،

يعني مثلا شركة سعر سهمها دلوقتي 100 جنيه مصري ,, وبتوزع ارباح سنوية على المساهمين بواقع 7 جنيه لحامل السهم في السنة الواحدة

والشركة في قطاع قوي وادارتها مبشره وارضيتها ثابته يبقى اوك فبها ونعمت حتى لو وصل سعر السهم 20 جنيه برضوا انت ضامن ارباح سنويه للسهم 7 جنيه يعني تنسى السهم خالص وتنام ,,

عموما الشركات اللي مكرر ربحيتها تحت 14 تعتبر مقبولة استثماريا -شيئ بديهي.

[م تيمور المراغي]

والله ياجماعه البورصه نشاط مربح جدااا بس فى ظل نظام عادل وشفافيه كامله لكل المضاربين مش زى ماكان بيحصل الاول

طيب عشان الحلفان يا تقي- لو وقتك يسمح - تقدر تدخل معايا في مناقشة حول الموضوع ده انا حفترض عليك افتراضات وتقول لي حلولك حتكون ازاي وانا وانت نحلها سوا هيا مش مناظرة لكن نقاش بغرض توصيل الفايدة للجميع ,,

ده طبعا مع افتراض العدالة والشفافية اللي حضرتك اشرت لهما ,,

[Alattar]

و ياريت يا عم تيمور تقوللنا سبب اعتراضك ايه..لأننا مش فاهمين الموضوع بالظبط

اعتراضي ان المبتدئ اللي حيدخل السوق سيتعرض - يقينا لامحالة - للخسارة لعدم وجود الخبرة الكافية له للمضاربة او حتى الاستثمار ,,

الحل - لو انت مصمم - كنت كتبته في المداخلة التالية :

اللي مصر يدخل -وانا اعترض بالشدة على الدخول في البورصة المصرية اصلا لاسباب عديده مش مجالها دلوقتي- .

المهم اللي مصر يدخل اول حاجه يبص عليها هي المكرر الربحي للسهم اللي حيشتريه .,,

وتعريف المكرر الربحي P/E Ratio‏ ببساطة هو قياس بنستخدمه لمعرفة نسبة سعر السهم في السوق إلى ربح السهم السنوي،

يعني مثلا شركة سعر سهمها دلوقتي 100 جنيه مصري ,, وبتوزع ارباح سنوية على المساهمين بواقع 7 جنيه لحامل السهم في السنة الواحدة

والشركة في قطاع قوي وادارتها مبشره وارضيتها ثابته يبقى اوك فبها ونعمت حتى لو وصل سعر السهم 20 جنيه برضوا انت ضامن ارباح سنويه للسهم 7 جنيه يعني تنسى السهم خالص وتنام ,,

عموما الشركات اللي مكرر ربحيتها تحت 14 تعتبر مقبولة استثماريا -شيئ بديهي.

متشكرين علي الشرح و التوضيح يا عمو..بس متهيألي ان موضوع قياس نسبة سعر السهم في السوق ده

مش هيفيد أوي في الوقت الحالي نظرا للأوضاع الحالية اللي البلد فيها..يعني أقصد ان حتة اننا نبص

عليه قبل كده كان بيكسب كام و نحاول نتوقع ايه اللي هيحصلله ان شاء الله..ممكن دي ما تجيبش

نتائج مظبوطة اليومين دول لأن فيه حاجات كتير في البلد اتغيرت..شركات مثلا أفلست..و شركات قفلت

عشان كده أي حد هيبدأ في البورصة اليومين دول يبقي بيخاطر

[تقى الله]

والله ياجماعه البورصه نشاط مربح جدااا بس فى ظل نظام عادل وشفافيه كامله لكل المضاربين مش زى ماكان بيحصل الاول

طيب عشان الحلفان يا تقي- لو وقتك يسمح - تقدر تدخل معايا في مناقشة حول الموضوع ده انا حفترض عليك افتراضات وتقول لي حلولك حتكون ازاي وانا وانت نحلها سوا هيا مش مناظرة لكن نقاش بغرض توصيل الفايدة للجميع ,,

ده طبعا مع افتراض العدالة والشفافية اللي حضرتك اشرت لهما ,,

السلام عليكم

الحلفان ده مجازى على فكره

انا شخصيا اعرف ناس خسرت فى القصه دى كتير

[م تيمور المراغي]

السوق ده مالوش غير حل واحد بس تقدر تطلع بيه كسبان مهما عكس السعر عليك

وهو اسلوب المضاعفات

يعني دخول مشروط + التعزيز في نفس الاتجاه اذا عكس عليك السعر

غير كده انسى

تحيتي يا تقي