جميع انواع صوص المكرونات......ماعدااااااالباشاميل

[fatfouta]

سيدات المنتدى الكرام

بعد التحية

هه هه هه (وش واحدة بتنهج وعاوزة تستريح) اوعن كده لما اقعد شوية احسن تعبت وربنا

بصوا بقى عساسيل (وش ابلة فضيلة)

احنا لازم ننشط المطبخ شوية احسن شكلنا بقى وحش قوووى قدام المذكر السالم اتسربت مستندات انهم بيقولوا ان احنا مالناش فى الطبخ يرضيكن كده يعنى؟؟؟؟ :protest:

انا عاوزا بعد اذنكن كل واحدة تقوللى هى بتعمل صوص المكرونة اذاى وبانواعه

يعنى فيه صوص احمر وده العادى اللى كلنا بنعمله انا بقى اكتشفت بعد العمر ده كله انى مش بعرف اعمله لانى اكلت المكرونة بتاعة مطعم بيت الشواية وعرفت الفرق :happy:

تانى واحد البولونيز الل هو لامؤاخذة باللحمة المفرومة ده لما اكلته ف بيتزا كومبانى اكتشفت انى مش بعرف اعمل حاجة مكن اساسه

نيجى بقى للصوص الابيض الل بيتعمل بيه الفوتشينى واللذى منه

ده بقى العيال مرة كانوا عاوزينه قومت عملتلهم صوص بشاميل بعد ماتعلمتها منكن طبعا وضحكت عليهم وقولتلهم هو ده يا حبايبى..........بس فقسوه ولاد اللذينه :unsure:

قريت ف منتدى طبخ انه بيتعمل بـ 12 مكعب جبنة كيرى........لييييه يعنى؟؟؟؟ ده يبقى دسم قووووووى

وفيه كمان اللى بالخضار

واللى بالجمبرى والسى فود وبيضاف عليها المشروم

اهيب بكم يا بنات وطنى ان تساعدونى ف انى اعرف الطرق المختلفة لاعداد صوصات المكرونة وامتطنشونيش لو سمحتن :give_rose:

ملحوظة....جمع المذكر السالم يمتنعون لان فيه كاميرات مراقبة......راجع موضوع نون النسوة

تم تعديل 6 مارس 2011 بواسطة fatfouta

[المهندسه]

فعلا يا فتفوته الواحد بيدوق حبه مكرونات ...بيحس ان ال هو بيعمله ده عك و السلام

تسجيل متابعه بشغف

[رضوي]

امممممممممممممم

ايه الرائحة الجميلة دي يافتفوتي ؟؟ انتي عاملة ايه النهاردة ع الغدا ؟؟؟

يابنتي بلاش المكووووووونة بالذاااااااات حرام عليكي ........ مابقدرش اقاومها

شوفي بقي ..... جربتي المكرونة بالصويا صوص والخضار ؟؟؟

خدي المقادير

- مكرونة مسلوقة

- فلفل اخضر واحمر واصفر ( ولو لقيتي اورانج او فوشيا مافيش مانع )

- بصل وتوم متقطع مكعبات

- بازلاء

- جزر ( مقطع صغير .. او مبشور )

- معلقة صويا صوص ( معلقة سفرة عادية )

- توابل بقي وفلفل اسود وشطة وبهارات وزعتر ...... واكيد ماتنسيش الملح يعني

- ممكن تضيفي جمبري مسلوق ( حسب الرغبة )

الطريقة بقي :-

ضعي معلقة زيت ذرة علي النار ثم اضيفي البصل وبعده الثوم ..... لحد لما يدبل ....... وبعدين الفلفل والبازلاء والجزر والجمبري ( حسب الرغبة ... وممكن نضيف انواع تانية من الخضار زي الكوسة مثلاً او الفاصوليا .... الخ )...... وبعدين التوابل كلها ...... وبعدين معلقة الصويا صوص ....... وبعدين اضيفي المكرونة الي الخليط ....... ونسيبها علي النار حوالي 5 دقايق كدة ( بس النار تكون هادية )

وبالهنا والشفا

كانت معكم رضوى عامر

ويجعله عامر

[Howayda Ismail]

اولا يافتفت شوفى التعليق عندك فى مشكلة فى الرسايل بنا ( شكله كده حد عاوز يوقع بنا هههههههههه)

بعدين هو انا متراقبة من المحاورات ولا ايه كل ماعمل اكلة ادخل المحاورات الاقى حد بيتكلم عليها نفس اليوم

اخر حاجة كنت شاوية سمك بورى محشى خلطة مخصوص الاقى الشيف بندق يتكلم عنه وكنت لسة غسلة ايدى منه

وانهاردة عملت مكرونة باشميل الاقيك تتكلمى عن المكرونة ( يكونش توارد خواطر )

اتفضلى معانا

ماعلينا بصى مهما عملتى اكل فى البيت بيختلف نهائى عن المطاعم ( عندهم سر الصنعة )

بالنسبة للصلصة الحمرا ممكن تقطعى بصلة قطع صغيرة وتحمريها شوية وتسبكى فيها الطماطم معظم الاولاد بيحبوها كده

ودى وصفات لاقيتها ويمكن اجربها

صلصات للمعكرونه

---------------------------

هل تحتاري في تشكيل صلصات للمعكرونه ؟

جربي هذه الصلصات :

صلصات متنوعه و سريعه للمعكرونه:

1. صلصة القشطه و جبن البارمزان: يغلى 284 مل من القشطه مع 50 مل من الزبده و القليل من التوابل، يخلط المزيج مع المعكرونه المطهوه و المصفاة مع الكثير من الجبن.

2. صلصة الفطر القشديه:يقلى 200غم من الفطر المقطع في 25غم من الزبده يضاف اليه علبة جبنة موزريلا مبشوره و 60-75 مل من الحليب او القشطه يسخن المزيج برفق فوق النار حتى تذوب الجبنه ثم تضاف المعكرونه المطهوه و يرش فوق الطبق الكثير من البقدونس المفروم.

3. صلصة الثوم مع البندق: يقلى 50غم من البندق المفروم خشن في القليل من زيت الزيتون حتى يصبح البندق ذهبيا ، ثم يضاف 25 غم زبده و بعض البقدونس المفروم و القليل من التوابل يخلط الكل مع معكرونه مطهوه و يقدم مع شرائح السلامي .

4. صلصة النقانق مع الطماطم: تشوى النقانق حتى يصبح لونها ذهبيا ثم تقطع شرائح و تضاف الى صلصة الطماطم المصنوعه من البصل المقلي و الثوم و 400 غم طماطم.

5. صلصة الطماطم بالقشطه: يقلى في القليل من زيت الزيتون فص ثوم مدقوق ثم يضاف له 4-5 حبة بندوره مقشره و مفرومه مع حبة كوسا مقطعه مكعبات صغيره ثم يضاف القليل من البازيلا و 142 مل قشطه و بعض التوابل ثم تخلط مع المعكرونه المطهوه و ينثر فوقها الجبن.

•

[pink rose]

مع اني بتجيلي حساسية من كلمة مكرونة دي

لاني تقريبا باعملها يوم و يوم عشان جوزي و مريم بيعشقوها

بس قولت لازمن حتما ارد عليكي يا فتفوتة

بصي يا ستي

انا ما بحبش المكرونة بالصلصة الحمرا اوي الا يعني لو معمولة بطاطم مش صلصة جاهزة

انا بحبها بالصوص الابيض

و دي طريقة ممكن تجربيها

المقادير

لبن

زبدة ودقيق ولازم يكون الزبدة اد الدقيق فى الوزن يعنى لو جبنا جرام زبدة نجيب جرام دقيق

ملح وفلفل اسود

70 جرام جبنة رومي مبشورة

الطريقة

نجيب الزبدة ونحطها فى طاسة ونسيبها لحد ماتسيح وبعدين نروح منزلين عليها الدقيق ونقلب لحد مايتمزجوا مع بعض ونحس انهم مش سايبين وبعدين نروح منزلين عليهم اللبن المغلى ونقلب بسرعة ونقلب فى اتجاه واحد عشان الزبدة ماتفكش من اللبن ونكون بنقلب بسرعة وبعدين نروح حطين رشة ملح ورشة فلفل اسود وبعدين نروح منزلين الجبنة المبشورة ونفضل نقلب بسرعة عشان الجبنة متخليش الصوص محبب ونفضل نقلب لحد مانوصل للتقل الى احنا عايزينه تقيل اوى او متوسط التقل وبعد كدة نروح رافعين الطاسة من على النار

و تحطيه على المكرونة اللي انتي حباها

تم تعديل 6 مارس 2011 بواسطة remo

[باهى الطائر الحزين]

اقفش

بس خلاص انتهى

[عبير يونس]

بصي يا فتفت ياحبيبتي

السر في التوابل

و بتفرق

كل مطبخ يتميز بتوابله

الهنود يتميزوا بالبهارات الحارة

و الاسبان و الايطاليين بالزعتر وزيت الزيتون

و الصينيين بالزنجبيل والفلفل الابيض

و الاندونيسيين بالكاري و صلصة الفول السوداني

طبعا دي مجرد أمثلة

فالموضوع طوييييييييييييييييل

انا بموت في المطبخ الايطالي ببيتساته و بمكروناته بصلصاته

مكرونة باشميل و لازانيا و نيجرسكو و فيتوتشيني و سباجيتي

سر المكرونة الحلوة صلصتها

و حابتدي بصلصة المكرونة الاسباجيتي

الصلصة الحمراء

باحط لها توم مسحوق وزعتر (ممكن استبدال الزعتر بالكاري أو بالزنجبيل حسب الرغبة) و معلقتين دقيق و شوية مية مغلية

و بس

و كلي و ادعيلي

التوم اساسي

بس تختاري حاجة واحدة من التوابل المذكورة

ماتخلطيش توابل غير متجانسة مع بعضها

و للصلصات بقية

[fatfouta]

امممممممممممممم

ايه الرائحة الجميلة دي يافتفوتي ؟؟ انتي عاملة ايه النهاردة ع الغدا ؟؟؟

يابنتي بلاش المكووووووونة بالذاااااااات حرام عليكي ........ مابقدرش اقاومها

شوفي بقي ..... جربتي المكرونة بالصويا صوص والخضار ؟؟؟

خدي المقادير

- مكرونة مسلوقة

- فلفل اخضر واحمر واصفر ( ولو لقيتي اورانج او فوشيا مافيش مانع )

- بصل وتوم متقطع مكعبات

- بازلاء

- جزر ( مقطع صغير .. او مبشور )

- معلقة صويا صوص ( معلقة سفرة عادية )

- توابل بقي وفلفل اسود وشطة وبهارات وزعتر ...... واكيد ماتنسيش الملح يعني

- ممكن تضيفي جمبري مسلوق ( حسب الرغبة )

الطريقة بقي :-

ضعي معلقة زيت ذرة علي النار ثم اضيفي البصل وبعده الثوم ..... لحد لما يدبل ....... وبعدين الفلفل والبازلاء والجزر والجمبري ( حسب الرغبة ... وممكن نضيف انواع تانية من الخضار زي الكوسة مثلاً او الفاصوليا .... الخ )...... وبعدين التوابل كلها ...... وبعدين معلقة الصويا صوص ....... وبعدين اضيفي المكرونة الي الخليط ....... ونسيبها علي النار حوالي 5 دقايق كدة ( بس النار تكون هادية )

وبالهنا والشفا

كانت معكم رضوى عامر

ويجعله عامر

طريقة حلوة قوى يا رودى هجربها النهاردة واقولك عالنتائج ان شاء الله

وكمان باين انها سهله خالص

[engmido]

يا سلاااااااااااااام

وبعد جبهة المعارضة الجبارة دى

لسه فيه وقت عندك للمطبخ...

:WelEgTks:

[fatfouta]

بصي يا فتفت ياحبيبتي

السر في التوابل

و بتفرق

كل مطبخ يتميز بتوابله

الهنود يتميزوا بالبهارات الحارة

و الاسبان و الايطاليين بالزعتر وزيت الزيتون

و الصينيين بالزنجبيل والفلفل الابيض

و الاندونيسيين بالكاري و صلصة الفول السوداني

طبعا دي مجرد أمثلة

فالموضوع طوييييييييييييييييل

انا بموت في المطبخ الايطالي ببيتساته و بمكروناته بصلصاته

مكرونة باشميل و لازانيا و نيجرسكو و فيتوتشيني و سباجيتي

سر المكرونة الحلوة صلصتها

و حابتدي بصلصة المكرونة الاسباجيتي

الصلصة الحمراء

باحط لها توم مسحوق وزعتر (ممكن استبدال الزعتر بالكاري أو بالزنجبيل حسب الرغبة) و معلقتين دقيق و شوية مية مغلية

و بس

و كلي و ادعيلي

التوم اساسي

بس تختاري حاجة واحدة من التوابل المذكورة

ماتخلطيش توابل غير متجانسة مع بعضها

و للصلصات بقية

هى شكلها طريقة حلوة يا مصرية بس انتى بتحطى معلقتين دقيق ليه مش كده قوام الصوص يبق سميك زيادة؟؟؟

[عادل أبوزيد]

موضوع لكل العصور