كل داه فساد يا امن الدولة - يالهوووووووووووووووووووى

[الغريب]

أخطر وثيقة صدرت من أمن الدولة

[شرف الدين]

أخطر وثيقة صدرت من أمن الدولة

في الجون دي يا غريب

[Alattar]

من العربية

عقب اقتحام مقرات أمن الدولة في مصرالعثور على 14 فتاة و25 شاباً في زنازين سرية بـ"عاصمة جهنم"

وفي المقر الرئيسي لأمن الدولة والذي يقع في مدينة نصر بالقاهرة، حاول عشرات المقتحمين استراق السمع لعلهم يسمعون أصوات استغاثات من الزنازين السرية التي سمعوا عنها، والتي وصفها الناشط محمد الدريني في كتاب سماه "عاصمة جهنم" دون أن ينجح في تحديد مكانها بالضبط، لأنه كان يؤخذ إلى زنزانته معصوب العينين، حسب قوله.

وفي هذا المقر أيضاً قال المقتحمون إنهم سمعوا الاستغاثات، لكن هذه المرة وجدوا 14 فتاة و25 شاباً في زنازين سرية، كما أكد المستشار زكريا عبدالعزيز رئيس نادي القضاة السابق في حديث لبرنامج 90 دقيقة بقناة "المحور" المصرية ليلة الأحد 6 مارس/ آذار

[Alattar]

وزير الداخلية التونسي يتخذ قرارا بإلغاء جهاز أمن الدولة

عقبالنا

[ozoozo]

القبض علي رئيس امن الدوله

http://www.alwafd.org/index.php?option=com_content&view=article&id=21627

[اغابي]

والله يا اغابي

الكل الان هنا في مصر بد يشك في اقرب الناس له ليكون عميل لامن الدوله والله الواحد تفكيره اتشيل من كتر التفكير ومن الا بيشوفه معقوله الجهازه ده كان في قمة الفساد ده يالهووووووووووووووووي ياجماعه من القهر الله يكون في عون الشعب المصري ربنا هينتقم من مبارك واولاده ان شاء الله يكون عبره للبشر علشان ظلم كافة الشعب علشان قله من الشعب تعيش

او ممكن انهم يكونوا عاوزين يشتتوا الشارع المصري والراى العام - انا مش عاوزة ان يكون فى مساوىء من التوبيك داه

اى نعم انا بشك فى كل حاجة وما بقتش اخد اى خبر على انه صحيح مية فى مية لان فعلا دماغى شتت

شكرا لمرورك يا خالد

[اغابي]

ده كده اللي اتسرب

امال اللي اتلفوه قبل ما تصل اليهم اي يد كان شكله ايه

انا خايف الاقي نفسي كنت بشتغل لحسابهم وانا مش عارف

طب ايه رايك انى يا مسيو تامر انا عندى احساس غريب انهم اعدموا وفرموا المستندات الخطيرررة واللى هى فعلا دليل ادانتهم واتهامهم

وسابولنا شوية مستندات فخ واكذوبة فقط للتضليل - لان الكلام اللى موجود فيها لو صدقناه يبقى الناس الشرفاء اللى هما محل ثقة حاليا على الساحة

واللى هما ظهرو بعد الثورة برضوه مشكوك فيهم ودى وحدها كارثة حقيقية

فاين هى المستندات الحقيقية ؟؟

شكرا لمشاركتك يا تامر

[spain]

ده كده اللي اتسرب

امال اللي اتلفوه قبل ما تصل اليهم اي يد كان شكله ايه

انا خايف الاقي نفسي كنت بشتغل لحسابهم وانا مش عارف

طب ايه رايك انى يا مسيو تامر انا عندى احساس غريب انهم اعدموا وفرموا المستندات الخطيرررة واللى هى فعلا دليل ادانتهم واتهامهم

وسابولنا شوية مستندات فخ واكذوبة فقط للتضليل - لان الكلام اللى موجود فيها لو صدقناه يبقى الناس الشرفاء اللى هما محل ثقة حاليا على الساحة

واللى هما ظهرو بعد الثورة برضوه مشكوك فيهم ودى وحدها كارثة حقيقية

فاين هى المستندات الحقيقية ؟؟

شكرا لمشاركتك يا تامر

ياريتها ما تظهر يااغابي

مصر عايمة علي بحر من الفساد

والجهاز ده اثبت انه جهاز هش ...هش جدا

لانه قائم علي الظلم والشر ومفيش قوة حقيقية تحميه

مش عايزها تظهر عشان نبص لبكره بعين جميلة وواعية وكلها أمل لمستقبل مشرق

مش عايزين نبص لورا

يا بنتي انا دماغي ورمت والله

[se_ Elsyed]

سبحان المُعز المُذل

إحالة 47 ضباطاً من مباحث أمن الدولة إلى سجن طره

[جسار]

كان لى زميل مسيحى من أسيوط أيام الدراسة فى هندسة القاهرة فى أواخر السبعينات وكنا نحبه جميعا

لخفة دمه وقدرته على تقليد الأساتذة ، ثم صحونا فى احد الأيام وجاء احدهم وقال لنا أنه تم القبض

على كمال زخارى بواسطة أمن الدولة وصعقنا لهذا الخبر لعلمنا جميعا بأنه ليس له ميولا سياسية

وحزنا عليه كثيرا و أستعوضنا ربنا فيه .. ثم فوجئنا به يقف أمامنا كأبو يقفز مهللا كأبو الفصاد

قائلا : انا جيت يا اولاد فتكالبنا عليه نساله عما حدث فحكى لنا أنه تم القبض عليه لتشابه أسمه

مع طالب آخر وحجزوه فى مبنى عقبة بن نافع لمدة ساعتين لحين حضور الضابط المسئول عن النشاط الطلابى

وسألنى عن أسمى وموطنى وفوجئت به يصرخ فى وجهى : يعنى أنت مسيحى وشيوعى وكمان صعيدى !!

قوم ياض ما تورنيش وشك تانى ..

[اغابي]

سبحان المُعز المُذل

إحالة 47 ضباطاً من مباحث أمن الدولة إلى سجن طره

انا يمكن يا استاذ س س فتحت التوبيك داه لفساد امن الدولة واللى طير برج عقلى منى

لكن نهاردة تحديدا امبارح باليل - اكتشتفت حاجة جديدة ما كنتش واخدة بالى منها

ان مش كل اخطاؤنا - هنعلقها على شماعة امن الدولة وفسادهم ومكرهم

لا انا اكتشتفت ان فى اخطاء فى صفوف الشعب المصري نفسه ويمكن يكونوا من اللى نزلو الثورة وشجعوها

وجه وقت اللى كل واحد لازم يعرف حقوق المواطنة وحدودها وكل واحد لازم يعرف

اللى ليه واللى عليه وشغل زمان داه اللى قبل الثورة وفى عهد حسنى مبارك وامن الدولة بتاعه - نفوق منه خلاص بقى

كل المصريين ليهم حقوق متساوية على ارض مصر

ومفيش حاجة اسمها مواطن ضعيف تاكل نصيبه القطة ومواطن قوى له نصيب الاسد

ويتفتون ويبلطج ويحرق ممتلكات الغير بحجة مصطلح الاغلبية والاقلية

شكرا استاذى على مرورك بالخبر الحلو داه عقبال باقى الاخبار الحلوة ما تظبطنى بيها

هنا كدا وتفرحنى ومنها ان كل واحد يستهبل يتحاكم مش ياخد براءة ومش لازم بس يكون من جهاز امن الدولة

اى حد فاكر ان مصر بلده هو وحده ومش بلد الباقيين من المصريين يفوق بقى

واى حد يعتدى على حقوق المواطنة يتحاكم

زهقنا من التثبيت والاعتذار و الطبطة

هو داه اللى هيحدد نجاح او فشل الثورة مش بس حبس ظباط امن الدولة