التطور الطبيعى لكل من الثوره والزواج على حد سواء

[عنبو]

السلام عليكم ورحمة الله وبركاته

دلوقتى اللى هيقرأ العنوان هيقول ايه هو عنبو شارب ايه على الصبح بس احب اطمنكم انى كويس وهى بس يادوب سيجارتين مع كاس

ولكن احنا متخفوش احنانشرب المحيط ولا نتبلش المهم ندخل فى الموضوع على طول

تلاقى العيل او لمايصل سن البلوغ وتلاقى صوته تخن وكل شوبه تلاقيه عمال ينعر فى البيت ويبتدى بقى يعرف ان فيه حاجات تانيه

فى الدنيا غير الاكل والشرب والمذاكره وميعرفش يعمل ايه يعنى وتلاقيه بيفكر وقتها انه يتزوج اى واحده مش مهم

حتى لو قالوا لو مرات البواب مش مشكله المهم انهم يطلقوها من البواب ويتزوجها وخلاص

الشعب بقى كان كده قبل الثوره كنا بنقول يا سلام لو مبارك يغور ويجيى اى واحد بس نشوف اى وش جديد

كبر الواد شويه ودخل الثانويه العامه وبدا يعى شويه ان فيه واحده حلوه وواحده مش قد كده وطبعاً موضوع الحلاوه بالنسبه له فى

الوقت ده بيتقاس بالكيلو

الشعب برده بدا يقول لا مش عاوزين توريث هو احنا كنب يعنى علشان نورث وبدات الناس تتكلم انها رافضه التوريث ولكن كل ده كلام

صاحبنا بقى خلص الثانويه العامه ودخل الجامعه وطبعاً فى الجامعه بدات عينه تفتح اكتر واكتر وبدا يعرف ان مقياس الجمال

تختلف تماماً عن اللى كان بيفكر فيه وان فيه بنات روشه طحن اخر حاجه ولبسهم غريب وخصوصا اللى ماركته للوقوف فقط لا غير

وفى نفس الوقت الشعب بدا يتطلع انه عاوز يحدد فترة حكم الرئيس لدورتين فقط لا غير والناس كلها كان نفسها فى كده يعنى

صاحبنا وصل البكالوريوس وبدأ يفكر بقى فى حياته العمليه وبدأ يحس ان الحياه صعبه مش سهله وانه علشان يتزوج لازم له على الاقل

200 الف جنيه طيب وهجيبهم منين ؟

فى نفس الوقت الشعب وصل لمرحله من اليأس وكانه بيتكلم فى واد ومبارك ورجالته فى واد تانى خالص

يتبع ................................

تحياتى

عنبو الاعانيب

تم تعديل 7 مارس 2011 بواسطة عنبو

[engmido]

عظمة على عظمة يا معلمة

كمل لما نشوف اخرتها معاك

ههههههههه

[م تيمور المراغي]

روعة يا عنبوش تنين ,,

بس خف شوية ,, :happy:

[عنبو]

خلص صاحبنا الكليه وبدا ينصدم بالواقع اكتر واكتر وبدأ يعرف ان الطريق اى تحقيق احلامه ليس مفروش بالورد كما كان يعتقد ولكنه

كله تضحيات فلن تأتى الاحلام على طبق من ذهب

وفى نفس الوقت بدأ الشعب يعرف ان لا يوجد حل للخلاص من مبارك وعصابته وابنه وخصوصاابنه لان الشعب المصرى كله اجتمع على كره

هذا الكائن الا بالتضيحات فلن تأتى الحريه على طبق من ذهب

بدأ صاحبنا فى السعى عن عمل يتناسب مع تخصصه وبالفعل حصل على عمل بمرتب خمسون الف قرشاً وطبعاً المرتب ده يعتبر كبير جدا ولكن للاسف

صاحبنا هو اللى كان نزيه اكتر من الازم يعنى مثلاً كان بياكل طقيتن فى اليوم مره فول ومره طعيمه تخيلوا الاسراف وياريت اقتصر الاسراف

على كده وبس ولكن المجرم المبزر كا بيشرب سجاير سوبر الطويله

وفى نفس الوقت بدأ بعض الشعب يكون حركات معارضه بدلا من الاحزاب الكسر الموجوده او كما يطلقوا عليها المثأفون ( المثقفون )

معارضه مستأنسه وبدأت الحركات تنظم اضرابات للمطالبه بابسط حقوق الانسان يعنى اوليات الحياه

بدأ صاحبنا ياخد خبره فى مجال تخصصه ونظرا لان دماغه حلوه زى اغلب الشعب المصرى بدأ يطور نفسه وبدأ ياخد دورات لغه

يمكن كان بيحرم نفسه من اكل وجبه او ياخد فلوس منهم فى البيت علشان ياخد بيها دورة لغه او كمبيوتر

وبدأ صاحبنا يتنقل على شركه اكبر شويه بمرتب احسن شويه وبدأ المرتب يكفى مصاريفه يعنى بطل يستلف ودلوقتى بقى يقدر ياكل

تلات وجبات فى اليوم عادى وممكن كمان يشرب سجاير ال ام مافيش مشاكل برده وممكن كمان يسهر يوم الخميس ويشرب بانجو المشروب

المفضل لدى الاغلبيه فى ذلك الوقت

فى نفس الوقت بدأ الشعب المصرى يصل الى مرحله من الاحتقان فلم تعد حتى ابسط اساسيات الحياه متوفره

فلا يوجد امن واصبح الشعب لا يفرق بين البلطجى والشرطه الا من خلال الزى ولكنه يخاف من الاتنين على حد سواء بل فى بعض الاحيان

يزداد الامر مع الشرطه لانهم مقنانون

ولا يوجد عيش وبدأنا نسمع عن شهداء طوابير العيش فمصر بعد ان كانت تصدر القمح اصبحت بسبب العلامه ابو جمال محمد ابن مبارك

تستورد القمح بل واردء انواع القمح واستعاض العلامه عن القمح بالبانجو باصبح البانجو المشروب المفضل لدى الشعب المصرى

وبدات تظهر مشكلة انقطاع الكهرباء فى حين ان فيه بعض الدول تعتمد على مصر فى الكهربا

فاصبح الشعب المصرى لا يملك ما يبكى عليه فلا اكل نظيف ولا شرب ولا صحه ولا تعليم ولا امن .......الخ من اساسيات الحياه

صاحبنا بدأ ربنا يفتحها عليه وبدأ يتنتقل من شركه الى اخرى وبدأ مرتبه يزداد نوعا ما ولكنه فى نفس الوقت مازال لايكفى لكى يتزوج

اللى كان بيحلم بيها حيث العيون البنفسجى والخدود البنى والشعر الازرق

فبدأ يفكر انه مش شرط يتزوج واحده من نفس مستواه الاجتماعى ممكن يتزوج واحده تكون بنت ناس اقل منه يعنى فى المستوى الاجتماعى

ويأجر شقه ويدخل على قده يعنى ويستر نفسه زى لما بيقولوا

بدا الشعب المصرى فى التحرك وخصوصا بعد نجاح الثوره فى تونس فى الاطاحه ب بن على فبدأ الدعوه الى مظاهره يوم 25 يناير

للمطالبه باقالة حيب العدلى وزير الداخليه قال يعنى بقية الوزراء حلوين بس اهو كان سقف المطالب وقتها وانهاء قانون الطوارىء

ووضع حد ادنى للاجور او زى لما بنقول عيش حريه كرامه يعنى علشان نختصر يعنى

وجه يوم 25 يناير وبدأت الناس تخرج وكانت الاعداد التى خرجت كبيره نوعا ما عن ما كان متوقع

وتانى يوم بدأت الاعداد تتزايد وبدأ الاعداد لمظاهره ضخمه يوم الجمعه واطلقوا عليها جمعة الغضب

وبدأ صاحبنا فى الانتقال من منصب الى منصب اعلى وبدا مرتبه يزداد وبدا بعد ان كان يفكر فى انه يتزوج من واحده اقل منه فى المستوى

الاجتماعى بدأ يرفض الفكره وبدأ يفهم من اهم اسباب نجاح الزواج هو التوافق الاجتماعى وبدأ يعى ان الزواج مش كله افلام كارتون

فيه حاجات كتير قوى اهم من افلام الكارتون انا مش عارفها لانى لسه عازب بس اكيد لما اعرفها هاجى هنا واقولها

جاءت حمعة الغضب او جمعة التحول حيث سقط شهداء وطالما الموضوع دخل فيه دم يبقى مينفعش نرجع وكل حاجه ترجع زى ما كانت

وبدأ مبارك يحن على ام العشب المصرى ويلتف اليه ووعد بانه سوف يلقى خطاب وبدا الشعب المصرى يقول يااااااااااااه

الله مهو الريس بحس اهو وبسمع اهو امال كنا فاكرينه مبيسمعش ليه مهو احنا ياما اشتكنا له ويما قولنا له ياريس كفايه هنموت

وجاء خطاب مبارك مخيب للامال تماما او بعنى اصح كان خطاب فااااااااااضى مفيهوش حاجه خالص

ولكن بدأ يظهر بعض الناس من حزب الكنبه يقولوا للناس ارجعوا ارجعوا هتخربوا البلد البلد هتولع انتوا جاحدين انتوا عاوزين ايه

اكتر من كده كل مطالبكم اتحققت وبعدين انتوا نسيتوا النعمه اللى انتوا عايشين فيها

نسيتوا الامن والامان والحياه الرغده ده جزاته يعنى اللى دلعكم وخلاكم تقولوا اللى انتوا عاوزينه

ولكن اللى ميعرفوش الناس فى الوقت ده ان مطالب الثوار قد ارتفعت الى اقصى شىء وهو رحيل مبارك ونظامه كاملاً متكاملاً

ولم يعد الامر يقتصر على عيش وحريه وعداله فوعى الشعب المصرى انه مينفعش يكون عيش وحريه وكرامه وعداله فى ظل وجود هذا النظام

القاتل وخصوصا بعد لما الموضوع اصبح فيه دم وناس استشهدت فمبقاش ينفع التراجع

بدأ صاحبنا يعى ان الزواج مش كله افلام كارتون لا دى اسره ولازم يكون متوفر ليها اساسيات الحياه علشان تبقى اسره سليمه

فبدأ يوفر من فلوسه وبدأ ييحث عن شقه وبالفعل اشترى شقه له ومن هنا كان تحقيق اول حلم له

اصبح يملك شقه باسمه اينعم لسه على المحاره ولكن مش مشكله اهو الاساس موجود وياه ده كان فى يوم من الايام حلم ولكنه تحقق

بدأ الشعب المصرى يصر على طلباته وبدأ مبارك فى التنازل فقام بعزل حبيب العدلى وتعين محمود ابو وجدى واينعم ده كان فى يوم من

الايام حلم ولكنه تحقق بفضل الله ولكن الغريب بقى ان الشعب المصرى وعى تماما ان مافيش فرق بين حبيب العدلى ووجدى فى ظل وجود

مبارك رأس النظام

.............................. يتبع

تحياتى

عنبو

[عنبو]

engmido

مرسلة الأمس, 03:23 PM

عظمة على عظمة يا معلمة

كمل لما نشوف اخرتها معاك

ههههههههه

الله يكرمك يا هندسه بس الله يخليك فى زر اخضر كده ابقى افعص عليه يعنى وقيمنى نظيف اقيمك نظيف يعنى

architect

مرسلة الأمس, 06:33 PM

روعة يا عنبوش تنين ,,

بس خف شوية ,,

تسلم يا هندسه

وبعدين انا لسه مدستش علشان اخف وربنا لا يجعلنا نحتاج الى الدوسان

تحياتى

عنبو الاعانيب

تم تعديل 7 مارس 2011 بواسطة عنبو

[م تيمور المراغي]

منا بسبق بالخير يا قمر

خلينا احنا الطيبين والا

ربنا يكون في العون بقى ;)

[لماضة مصرية جدا]

السلام عليكم و رحمة الله و بركاته

مالك يا عنبو.....الف سلامة عليك....(وش اي ست مصرية شايلة كيس بورتوآآآن....و داخلة زيارة...بس متبتة في الكيس)

بص ....بصيت.....(يا كداااااااااب :P )

عجباني حكاية الشاب اوي.....ازاي تفكيره اتطور انه يفكر في البنت من شكل ازازة الحاجة السائعة....لغاية ما ابتدي اخيرا ربنا ينور عقله و يرنكز كده و يفهم حقيقة الحياة....(و لو انه خبط في افلام الكارتون....مع اني بشوف انها وائعية جدا يعني)

عجبني كفاحه.....و خصوصا المرتب بتاع الخمسون الف درهم...(وش اي حد من الكفار و معاه صرة دنانير)

بس سؤال بقي علي هامش الكفاح و الحاجة السائعة و كده يعني

طب يا ابني يا ضنايا....يا ضنايا يا ابني

ما هو انا كنت فتحت كوشك قبل كده و سميته..."حكايتك ايه مع الثورة؟؟؟"

ليه مكتبتش فيه تجلياتك دي يا عبد المعطي

تخيل بقي يا عنبوف تقوم الصبح بالليل تلاقيهم ضموا المضووعين علي بعض....(ضحكات شريرة اوي اوي اوي)

ع فكرة بقي

بقي ع فكرة

فكرة ع بقي

انا كنت اقترحت قبل كده ان الادارة تضم موضوع اللي ايده في المية مش زي اللي ايده في الزبادي

هييييييييييييييييييييييييييييييييييه....(وش عيل بيطلع لسانه و بيجري)

كمل يا رفيق

فينك يا دامو.....كنتي قعدتي جنبي علي الكنبة....(بس مش بتاعت الحزب)....و كنا خلصنا عليه كيش فوشار و قيمة عشرميت مداخلة

سيري يا نورماندي

(وش عبد الفتاح القصري و هو لابس البنطلون العجيب دوت)

مساك.....ثورجي اوي يا عنبوف

[م تيمور المراغي]

دامو

ستحيل

قلبي يميل تيرارارارا

كمل يا فنان :happy:

[لماضة مصرية جدا]

دامو

ستحيل

قلبي يميل تيرارارارا

كمل يا فنان :happy:

يا باشمهندز....همووووووووووووت و اسالك

إنتي اشتغلي ايه.....(وش ماري منيب و هي متشعلقة ع الشباك و وشها مصمد في مسرحية الاخمسة)

اصل الحقيقة يعني من غير زعل....

اخش الصبح....ارش ميه الاقي حضرتك....

اخش الظهر اغسل المواعين اتكعبل في حضرتك......

اتسحب و آجي علي طرطيف صوابعي....الاقي حضرتك زي عسكري الدرك بتقول...هااااااااع مين هناك

جولي و لا تخبيش يا زين

جايب الوقت ده كله منين...(وش ام كلثون و هي بتقرا الودع)

مسا حضرتك...سؤال فوق سؤال....يطلعوا خبر خير...(و طبعا ده فضول قططي مش اكتر)

[م تيمور المراغي]

.............

جولي و لا تخبيش يا زين

جايب الوقت ده كله منين...(وش ام كلثون و هي بتقرا الودع)

مسا حضرتك...سؤال فوق سؤال....يطلعوا خبر خير...(و طبعا ده فضول قططي مش اكتر)

هههههه

حاضر يا بوسي كات :happy:

تحذير لضعاف القلوب ,, الجزء المقبل طوووويل وممل بشدة :happy:

بكون على مكتبي 8:30 ادامي جهاز كمبيوتر واللابتوب ,,

الجهاز عليه التصميمات اللي براجعها واللابتوب عليه المحاورات و فوركس والحركة

الابديت اللي بيحصل لكل مشاركة جديده بتخليني ادخل اشارك فورا ,,

صوت رسالة الايميل بتعرفني حد عمل كوت لاحد مداخلاتي فبرد عليه في وقتها ,,

البريك من 2:00 الى 5:00 برجع بيتنا اتغدى وانام القيلوله ,,

بعدين نفس السيناريو بتاع الصبح من 5:30 لغاية 9:30

وانا مروح اجيب عشى معايا بعدين اسهر مع محمد شريكي نشوف الحسابات والعملاء و كمان مع الحركة عادل وانجي نشتم في كل البشر :happy: وماسنجر مع اصدقائي وصديقاتي نجيب في سيرة خلق الله و نسهر كده لحد مانتي شايفه 5الفجر ,,

اصلي الفجر وادخل انام ساعتين من 6 لغاية 8 الصبح ,,

لو حصل شيئ غير طبيعي بطبق يومين ورا بعض ,,

زمايلنا المهندسين هنا يقولوا لك التطبيق ده سنة الحياة عند المهندسين المعماريين من ايام الكلية وممكن ندخل في 3 ايام عمل متواصل ولا بنحس ,,

طبيعة شغلنا ذهني جداجدا وليس جسدي اكيد طبعا لو ماسك موقع او عملي بيتطلب جهد بدني ماكانش ده يكون الحال ,,

ميرسي يا ريهام على سؤالك واي خدمة ,,

والله دي فكرة توبيك حلو ,,

نسمية مثلا احكيلنا يومك او شيئ من هذا القبيل اخو صلاح قابيل ,, :happy:

تحيتي ,,

الحياة

قدرات تختلف

بين كاف ونون

فقد تكون!

وقد تكون وتكون ,,!!

وقد تكون و تكون وتكون ,,!!!

وقد لا يتسع لقدراتك ,,

كل الكون !!!!!!!!!!!!!!!!!!!!!!!!!!!!!!!!!!!!!!!!!

[SoSo R]

عينى عليك يا عنبى يا بنى...

يا ختى يا ختى..يا ختىىىىىىىىى

ماكانش يومك يا صور....قصدى يا عنبى:closedeyes:

إيه يابنى مالك ..ده انت كنت زى الوردة المفتحة ...إيه اللى جرى

أنا بحاول أفهم أى حاجة من اللى كاتبه..بس فهمت بالعافية أول مداخلة و بعدين فصلت توماما...يا بنى بالراحة عليا...ايه علاقة اى حاجة بحاجة؟!!!

و بعدين ازاى البنت عينيها بنفسجى و خدودها بنى؟؟ هه..هه؟؟

زنجية يعنى

يلا اشوفك على خير...اخبار العروسة إيه صحيح..بتقرا الكلام ده؟؟

[عنبو]

architect

مرسلة اليوم, 12:41 AM

منا بسبق بالخير يا قمر

خلينا احنا الطيبين والا

ربنا يكون في العون بقى

ربك يقدم اللى فيه الخير الله وحده يعلم لا نضمر شر لاى مخلوق اين ما كان

لماضة مصرية جدا

مرسلة اليوم, 01:20 AM

السلام عليكم و رحمة الله و بركاته

مالك يا عنبو.....الف سلامة عليك....(وش اي ست مصرية شايلة كيس بورتوآآآن....و داخلة زيارة...بس متبتة في الكيس)

بص ....بصيت.....(يا كداااااااااب )

عجباني حكاية الشاب اوي.....ازاي تفكيره اتطور انه يفكر في البنت من شكل ازازة الحاجة السائعة....لغاية ما ابتدي اخيرا ربنا ينور عقله و يرنكز كده و يفهم حقيقة الحياة....(و لو انه خبط في افلام الكارتون....مع اني بشوف انها وائعية جدا يعني)

عجبني كفاحه.....و خصوصا المرتب بتاع الخمسون الف درهم...(وش اي حد من الكفار و معاه صرة دنانير)

بس سؤال بقي علي هامش الكفاح و الحاجة السائعة و كده يعني

طب يا ابني يا ضنايا....يا ضنايا يا ابني

ما هو انا كنت فتحت كوشك قبل كده و سميته..."حكايتك ايه مع الثورة؟؟؟"

ليه مكتبتش فيه تجلياتك دي يا عبد المعطي

تخيل بقي يا عنبوف تقوم الصبح بالليل تلاقيهم ضموا المضووعين علي بعض....(ضحكات شريرة اوي اوي اوي)

ع فكرة بقي

بقي ع فكرة

فكرة ع بقي

انا كنت اقترحت قبل كده ان الادارة تضم موضوع اللي ايده في المية مش زي اللي ايده في الزبادي

هييييييييييييييييييييييييييييييييييه....(وش عيل بيطلع لسانه و بيجري)

كمل يا رفيق

فينك يا دامو.....كنتي قعدتي جنبي علي الكنبة....(بس مش بتاعت الحزب)....و كنا خلصنا عليه كيش فوشار و قيمة عشرميت مداخلة

سيري يا نورماندي

(وش عبد الفتاح القصري و هو لابس البنطلون العجيب دوت)

مساك.....ثورجي اوي يا عنبوف

انتى عارفه يا لماضه لو ده حصل انا هتصل بوزير الاسفلت اللى فى الامارات هخليه يبعت واحد هندى قدام بيتك ويعمل حفره كبيره

وانتى نازله فى الصباح باكر علشان تروحى الشغل وماشيه تتمخترى كده وبتغنى اغنية البانجو مش بتاعى للمطرب العاتفى حامد عبده

ومتخديش بالك بقى وتلاقى نفسك فى الحفره

تصوتى الناس تيجى تنقذك يطلعوكى هكون انا متصل بوزير الاتوبيسات يبعت اتوبيس سياحى فاخر وانتى واقفه فرحانه علشان الناس

انقذوكى وبتقولى هيييييييييييييييييييييييييييييييييييييه يى الاتوبيس يقف ويقولك اركبى بسرعه علشان نوصلك الشغل

بس خلاص

هى فين دامو اللى يلاقيها يوصلها لحد المحاورات يا رجاله

SoSo R

مرسلة اليوم, 04:46 AM

عينى عليك يا عنبى يا بنى...

يا ختى يا ختى..يا ختىىىىىىىىى

ماكانش يومك يا صور....قصدى يا عنبى

إيه يابنى مالك ..ده انت كنت زى الوردة المفتحة ...إيه اللى جرى

أنا بحاول أفهم أى حاجة من اللى كاتبه..بس فهمت بالعافية أول مداخلة و بعدين فصلت توماما...يا بنى بالراحة عليا...ايه علاقة اى حاجة بحاجة؟!!!

و بعدين ازاى البنت عينيها بنفسجى و خدودها بنى؟؟ هه..هه؟؟

زنجية يعنى

يلا اشوفك على خير...اخبار العروسة إيه صحيح..بتقرا الكلام ده؟؟

ازيك يا دوك واخبار كندا ايه ؟

هو ده بقى اللى انا كنت خايف منه نقعد نصرف دم قلبنا على التعليم فى مصر علشان نطلع طالب ادرجى بيفهم فى كل حاجه

علشان يسافروا كندا وفى الاخر يتأثروا بالتعليم الكندى واديكم شوفتوا النتيجه

طيب دى سوسو قبل المعادله اطلاقا البته واضح جدا تأثير التعليم الكندى عليها

انتى باسوسو علشان ترجعى مصر بصرف النظر عن الباسبور وكرت التوصيه والكلام ده

لازم تروحى تعادلى تعليمك الكندى بالمصرى

بالنسبه للعروسه :: احنا صعايده ومافيش عندنا نساوين تدخل النت بدون محرم فانا بكتب وانا مطمن لان العروسه وحيده

تحياتى للجميع

عنبو الاعانيب

[لماضة مصرية جدا]

السلام عليكم و رحمة الله و بركاته

ايها المو اطنون الشرفاء

يؤسفنا أن نعلن غلق هذا التوبيك بعد تغيب صاحبه في ظروف مريبة غريبة عجيبة لمدة 4 ايام كاملة

(وش اي حد من ادراة المحاورات وهو بيجيب ضرف الموضوع)

مااااااااااااااااشي يا عنبو

بقي بتدعي عليا و بتقولي يخبطني ميكروباص.....

اتفضل كمل يا فيلسوف....

بس الله يكرمك مش كل شوية تقولنا يتبع....يتبع...و بعدين تروح تموت :P :P

اي خدمة

انتهي البيان

مارشات عسكرية

كان معكم

لماضة

طول عمرها....فاعل خير