ضباط الشرطة يعلنون الإضراب العام عن العمل السبت المقبل

[Simba]

كشفت مصادر مطلعة أن ضباط الشرطة من رتبة ملازم تانى وحتى اللواء من الذين لا يتبؤون مناصب قيادية قرروا الإضراب العام عن العمل السبت المقبل فى جميع الإدارات والهيئات التابعة للشرطة بجانب المطارات والموانئ، وذلك اعتراضا على اتهامهم بالخيانة، وتعرضهم للإهانة على يد المواطنين فى الشوارع.

وقرر الضباط أن يبعثوا برسالة إلى المواطنين فى مصر مفادها "إذا قررتم عودتنا للشارع فيجب أن تطالبونا بذلك بصوت مسموع، وإذا اعترضتم فلن ننزل الشارع".

وأوضح اللواء أركان حرب متقاعد حسن أبو الدهب أن عدداً من المحاربين القدامى من أبطال حرب أكتوبر اجتمعوا أمس مع الضباط من كافة الرتب، وطالبوهم بالنزول للشارع لإعادة الأمن والأمان، ففوجئوا بأن الضباط فى حالة سيئة، وأعلنوا عن قرارهم بتنظيم الإضراب العام فى كافة المواقع، وإذا رغب الشعب فى نزولهم الشارع فليخرجوا معلنين ذلك وبصوت مرتفع.

اليوم السابع

_____________________

انا بقول يا رب تكون دي اشتغالة من اليوم السابع زي كل اشتغالاتها قبل كده ويكون الموضوع مفيهوش اي جدية

لكن لو في نية لكده

انا مش عارف ليه

الموضوع مش مستاهل من الاول خالص

كان فيها ايه لما وزارة الداخلية تطلع بيان تقول ان فيه تقصير وتعتذر وكلمتين حلوين والشعب المصري قلبه حنين يعني علي الاخر

[Simba]

والله الواحد لو من الظباط الشرفاء الاحسن يرفع قضية علي اليوم السابع دي

[محمد عبدالعزيز]

لو الخبر ده صحيح يبقى فى نية مبيتة لإسقاط حكومة عصام شرف بالكامل, والإخوة الضباط دول متواطئين ومشتركين فى المؤامرة دى.

[أحمد سيف]

خليهم يعتصموا ... أساسا وجودهم زي عدمه ... لأ عدمه أحسن ما دام مصممين يرجعوا بنفس الفكر القديم

وياريت الحكومة الجديدة تبدأ باتخاذ خطوات سريعه لإنشاء جهاز شرطه جديد

[Ahmed Anwer]

اليوم الساااااااااااااااااقع !!!!

بدون تعليق

[Om Zayd]

ده بجد؟؟

:blink: :blink:

على اساس يعني انهم كانوا مقطعين الدنيا شغل اليومين اللي فاتوا؟؟

:sad:

شكلها افتكاسة

اوشاعة يعني

bsh:)

[Alattar]

يعني الاخوة الظباط الذي ليس لهم مناصب قيادية ..عاوزين ايه دلوقتي؟؟

عاوزين يتولوا مناصب قيادية يعني عشان يشتغلوا؟؟

بالله عليكم ده وقته..يا إما ده نوع من أنواع التهريج المنظم..يا إما أحدث اشتغالات اليوم السائع

أو إما انهم حاسسين انهم مش هيقدروا يتعاملوا مع الناس بإحترام..و بيتظاهروا للإبقاء علي قانون الطوارئ

[doha]

عادي خليهم يضربوا ويفترض في الحالة دي وزارة المالية او اي جهة تانية مسؤوله توقف مرتباتهم ..

[م تيمور المراغي]

العصيان المدني شيئ

والعصيان العسكري شيئ آخر ,,

نزولهم ده فرض وطني مش جميل بيتجملوه على الناس ,,

يعني تخيلوا ظابط مطافي

شايف حريقة ادامه ومش حيطفيها عشان معتصم.

او ظابط مباحث شايف جريمه بترتكب ومش حيوقفها عشان معتصم .

ايه حنستعبط ؟؟

عاوزين يسوقوا العوج من اولها على الحكومة الجديدة ؟؟

عاوزين الشعب يبوس القدم ويبدي الندم

على غلطته في حق

الغنم !!

من يضرب منهم عن العمل

يحول فورا لمحاكمة عسكرية

وقد تصل عقوبة التمرد الى الاعدام احنا مش بنهزر !

تفضلوا اقرؤوا بند رقم 130 فقرة 9 في التوبيك الرائع ده فتحه هنا الزميل ابراهيم خليل من 6 سنوات

قانون الأحكام العسكرية المصرى

[شرف الدين]

قلتها مسبقا ... أن أهم شيء ينبغي أن نشغل أنفسنا به في مرحلة ما بعد الثورة هي إشكالية العلاقة بين الشرطة والشعب.

كنت قد قرأت مسبقا مقالا صحفيا لأحد الكتاب قارن فيه بين ضابط الشرطة وضابط الجيش بجملة بليغة

أن ضابط الجيش تربى على عقيدة كيفية الدفاع عن الشعب

أما ضابط الشرطة فقد تربى على عقيدة كيفية إخضاع الشعب

لا أحد مطلقا يشكك في دور الشرطة الوطني ...

ولكن الشعب المصري أصابه جرح غائر ... الشعب المصري أحس بأن الشرطة التي تترفع عليه وتهينه .. وكان يتحمل كل هذا في سبيل أنها تحميه .. وجد أنها فجأة قد تخلت أيضا عن حمايتها له .. وتركت الأقسام وفتحت السجون وأطلقت المسجلين خطر والبلطجية ليروعوا الشعب الآمن في بيته.

من فعل هذا في مصر من أجل إصابة الناس بالذعر وذلك لتعبئة مشاعرهم ضد الثورة ... لن يتوانى عن عمل تفجيرات إرهابية أيضا من أجل إشاعة الذعر في البلاد ..

يا رجال الشرطة الشرفاء .. نعلم جيدا أن كثيرا من ضباط الشرطة هم ولاد ناس ... وأنهم بالفعل شرفاء ...

ولكن نريد منكم أمرين اثنين ...

لا تتعامل مع المتهم على أنه ناقص الأهلية .. لأن هذا إن أفلح مع متهم وكان فعلا مذنبا .. ففي أحيان أخرى .. قد يصيب بريئا .. ويجعله يعترف تحت وطأة التعذيب بذنب لم يجنه فعلا.

لا تتعاملوا مع الشعب على أنكم أسياده .. وتذكروا أن مميزاتكم الكبيرة التي تحصلون عليها هي من قوت هذا الشعب.

هذا فقط ما نرجوه منكم ... وحينها سوف نضعكم فوق رؤوسنا .

تم تعديل 7 مارس 2011 بواسطة شرف الدين

[Simba]

مش عارف لسه عندي احساس كبير ان دي اشتغالة كبيرة من اليوم السابع وهدفها اللي ما يعرفش يعرف علشان تفضل الفتنة بين الشرطة والشعب وعادي نقلي الخبر هنا زي عدمه لانه منشور في فيس بوك وتويتر انا نقلته علشان نتكلم فيه ليس الا

فيه مؤسسات ما ينفعش فيها اضراب لانها بالنسبة للشعب حياة او موت يعني لو مستشفي مثلا ما ينفعش ان الفنيين فيها يعملوا اي نوع من الاضراب والا يبقوا عايزين الضرب بالخرطوش المطاطي بلاش الحي الاتنين نفس النتيجة

محدش عارف الحوادث اضراب يوم الشرطة المزعوم ده ممكن يكون شكله ايه

يعني اللي في المطار مالهم هيعملوا اضراب ليه هما اصلا بيتعاملوا مع مليون جنسية في اليوم ولنا اننا نتخيل غياب الامن التام في اليوم ده

برضه لسه بتمني بجد ان عدد من الظباط يرفعوا قضية علي الجريدة المشبوهة دي

[م تيمور المراغي]

لابد من تطهير جهاز الشرطة من الطابور الخامس ,,

واقصد بهم العناصر الفاسدة الكامنة المتربصة ,,

والتي تتحين الفرصة للانقضاض على الشعب وتصفية الحساب على ما صدر منه تجاههم طوال الفترة الماضية

العنصر الفاسد لابد من بتره

وال 30% الشرفاء المتبقيين

هذا هو الحل من وجهة نظري لاصلاح المنظومة بالكامل

الرباط الخاص بي

[ComingSoon]

العصيان المدني شيئ

والعصيان العسكري شيئ آخر ,,

نزولهم ده فرض وطني مش جميل بيتجملوه على الناس ,,

يعني تخيلوا ظابط مطافي

شايف حريقة ادامه ومش حيطفيها عشان معتصم.

او ظابط مباحث شايف جريمه بترتكب ومش حيوقفها عشان معتصم .

ايه حنستعبط ؟؟

عاوزين يسوقوا العوج من اولها على الحكومة الجديدة ؟؟

عاوزين الشعب يبوس القدم ويبدي الندم

على غلطته في حق

الغنم !!

من يضرب منهم عن العمل

يحول فورا لمحاكمة عسكرية

وقد تصل عقوبة التمرد الى الاعدام احنا مش بنهزر !

تفضلوا اقرؤوا بند رقم 130 فقرة 9 في التوبيك الرائع ده فتحه هنا الزميل ابراهيم خليل من 6 سنوات

قانون الأحكام العسكرية المصرى

يابشمهندس الشرطة ليست عسكرية

الشرطة هيئة مدنية نظامية يحق لها الاضراب

والمحاكمات العسكرية للشرطة تم الغائها بعد تنحي مبارك

[م تيمور المراغي]

الشرطة هيئة مدنية نظامية يحق لها الاضراب

والمحاكمات العسكرية للشرطة تم الغائها بعد تنحي مبارك

كالعادة كلام غير سليم يا سووون

مش عارف اليومين دول مش مركز ليه :happy:

مع تولي المجلس الاعلى للقوات المسلحة الحكم رسميا ,,

اصبح جهاز الشرطة بالكامل يخضع لسلطته

بالتالي اصبح ظباط الجهاز يحاكمون امام المحاكم العسكرية ويخضعون لاحكامها التي تختص بالعسكريين .

لازم تذاكر يا سون سون

مش كفايه موضوع الزوجه الايرانيه ؟ :happy:

[ComingSoon]

الشرطة هيئة مدنية نظامية يحق لها الاضراب

والمحاكمات العسكرية للشرطة تم الغائها بعد تنحي مبارك

كالعادة كلام غير سليم يا سووون

مش عارف اليومين دول مش مركز ليه :happy:

مع تولي المجلس الاعلى للقوات المسلحة الحكم رسميا ,,

اصبح جهاز الشرطة بالكامل يخضع لسلطته

بالتالي اصبح ظباط الجهاز يحاكمون امام المحاكم العسكرية ويخضعون لاحكامها التي تختص بالعسكريين .

لازم تذاكر يا سون سون

مش كفايه موضوع الزوجه الايرانيه ؟ :happy:

ماهو لازم نغلط و كل ابن ادم خطاء

لكن الشرطة فعلاً هيئة مدنية

خضوع البلد للجيش لايعني ان الشرطة تحولت لهيئة عسكرية

لأن بنفس المنطق ده هتبقي كل الوزاررات عسكرية يعني دكتور يغلط نحيله لمحكمة عسكرية

ثانياً الجيش لايستطيع المساس بالشرطة لأنهم متفقين علي التضامن وترك العمل بشكل جماعي

وده كابوس سيجعل البلد في فوضي شاملة

ودليل كلامي فاكر الموضوع بتاع الاخ رؤف لما قال هيجيبوا ضابط جيش وزير داخلية قلتله مستحيل

لاتدع الحماسة تحجب عنك الواقع

[م تيمور المراغي]

المعلومات التي لدي مؤكدة ,,

ظباط الشرطة المتمردون,,

سيتم احالتهم الى محاكمة عسكرية

ده اللي عملت اتصالاتي والله وعرفته ومن اكتر من مصدر ,,

ححاول اجيبلك من النت مصدر مكتوب بدلا من الشفهي ان شاء الله

تقبل التحية واشكرك على الحوار المثمر يا سووون

يا بتاع الزوجة الايرانية :P

[Alattar]

تقبل التحية واشكرك على الحوار المثمر يا سووون

يا بتاع الزوجة الايرانية :P

ما خلاص يا عم تيمور بأه..الراجل قال انه ما كانش يعرف انها أوشاعة...انت ما بتفوتش كده أبدا

ما تنساش تسلملي علي الأخ محمد حواش..و تقولله لو جيت جدة ان شاء الله لازم أقابله

[Ahmed Anwer]

بصوا بقه من الآخر حل مشكلة الشرطة اللي واخده علي خاطرها دي

كل فرد من الشعب يدفع عشرة جنية في الشهر

و نتفق مع اي شركة كير سرفيس تمسك البلد ،، و نلغي وزارة الداخلية و نستريح

[أحمد سيف]

الشرطة هيئة مدنية فعلا ... وتخضع للقوانين المدنية ... وهذا ما نطالب به اساسا

ولكن في جميع دول العالم هناك قيود على الإضرابات لفئات معينة من الموظفين المدنيين

في أمركيا مثلا يمنع على رجال الشرطة والمطافئ وسائقي القطارات القيام بإضرابات وفي بريطانيا كذلك يمنع على الشرطة القيام بإضرابات أو حتى مناقشة هذه الاحتمالية مع زملائهم

افعص هنا

وبالتالي فحتى وفق القوانين المدنية يمكن محاكمتهم إذا نفذوا تهديدهم

وإن كنت ما أتمناه فعلا ليس المحاكمة ولكن اتخاذ إجراء جذري لحل جهاز الشرطة الحالي وتأسيس جهاز شرطة جديد.

[ozoozo]

او نطبق خمسه جنيه لكل امين شرطه في ايده