لازم تشارك في إستفتاء 19 مارس على الدستور المُعدل

[se_ Elsyed]

حتى لو كانت مطالبنا هي تعديل الدستور بالكامل ... لكن لازم نلين في بداية إنطلاقنا نحو المشاركة السيساسية الإيجابية .... يعني زي العربية كده في بداية تشغيلها لازم تلين بعد ما كانت مرفوعة من الخدمة من سنة52

وإذا كان في حوالي 40 مليون مصري لهم حق التصويت ... يبقى على الاقل لازم 30 مليون يشاركوا ويعبروا عن رأيهم

ونثبت للعالم كله إننا نستحق الديمقراطية

ونُثبت للسفلة السابقين إننا شعب محترم ويعرف حقوقه ويستحق الحرية

ودي هاتكون البداية بإذن الله إستعداداًً للإنتخابات البرلمانية بعد شهرين ..... والمعركة المصيرية بعد 6 شهور لإنتخاب اول رئيس جمهورية مصري بحرية وشفافية

إلى الأمام إلى الأمام

[se_ Elsyed]

كل هذا ونحن المغتربون مازلنا ننتظر الفرج وننتظر إن صوتنا يوصل للسادة المسئولين

[pink rose]

كل هذا ونحن المغتربون مازلنا ننتظر الفرج وننتظر إن صوتنا يوصل للسادة المسئولين

كلمت السفارة من كام يوم و للاسف الاجابة اللطيفة

ان لالالاااااااااا احنا فين و الانتخابات فين

طب جاتلكم اي اخطارات مثلا بالبدء في ان الناس المغتربة تنتخب

قالولي لا ما فيش اي تعليمات وصلتنا بكده

حتى كنت عاوزة اعمل بطاقة الرقم القومي لغوها من السفارات و قالولي لازم من مصر

يعني انا كده مش هاقدر اشارك في الانتخابات لو منزلتش قبلها بفترة و طلعت بطاقة

يا ريت دكتور عصام يستجيب لمطالب المغتربين و يكون التصويت يا اما بالبطاقة او جواز السفر

[masraweya]

للأسف .. محدش شارك في التصويت الافتراضي و النقاش حول التعديلات الدستورية

هنا

غير حبيبتي ام زيد

يا ريت بجد نتناقش في التعديلات دي

[رضوي]

بصراحة

ماينفعش نقعد ف البيت زي كل مرة ونستنى النتيجة كدة من الهوا ........ ساعتها هنبقي عامل زي اللي قعد يتعب علشان يشتري حاجة معينة ........ وف الآخر رماها ومااستفادش بيها

لازم كلنا نشارك ....... لازم كلنا نشارك ف الاستفتاء يوم السبت 19 مارس ان شاء الله

من الساعة 7 صباحاً حتى الساعة 7 مساءً

[Dreamwithme]

سيدي الفاضل س س أنا أنوي بإذن الله المشاركة في الاستفتاء بس عندي سؤال مهم

هل الاستفتاء سيتم علي كل مادة علي حدة أم علي كل التعديلات جملة واحدة يعني ياوافق علي كل النقط ولا من حقي أوافق علي بعض النقط وأرفض النقط الأخري؟

وبعدين هما مش قالوا أن التعديلات ستطرح للمناقشة بهدف إضافة تعديلات من رأي المجتمع للأسف لو أجد هذا حاصل مما يجعلني متخوفة من نتيجة الاستفتاء

خاصة أني من مؤيدي استمرار الثورة لحين الحصول علي تشكيل لجنة تأسيسية لدستور جديد ومد الفترة الانتقالية عن طريق مجلس رئاسي

أما بالنسبة لصوت المصريين المغتربيين أرجوكم يا جماعة تدخلوا علي صفحة القوات المسلحة علي الفيسبوك وعلي صفحو د/عصام شرف علي الفيسبوك والتأكيد علي هذه المطالب

وهناك حملة لتفعيل المشاركة السياسية للمغتربين علي الفيسبوك أرجو الانضمام إليها

http://www.facebook.com/?ref=home#!/event.php?eid=102392333175823&index=1

[Ahmed Anwer]

أن شاء الله هأشارك ،،

بس مش عارف أيه الوضع لو الشعب رفض التعديلات الدستورية ؟؟

[se_ Elsyed]

معليش يا دريم ... التصويت هايتم على التعديلات كلها لوكشه واحده

بس بإذن الله التعديل الكامل قادم قادم وذلك لتقليص سُلطات أي رئيس

وأي رئيس هايقل عقله ويستهبل ... فميدان التحرير موجود والفيس بوك موجود

بالمناسبة .. ما أتوقعه أن تتم الإنتخابات الرئاسية أولاً قبل البرلمانية وذلك حتى يتم تأسيس أحزاب جديدة ويلتقط الناس انفاسهم ويبقى في عندنا مرشحين برلمانيين محترمين

[se_ Elsyed]

أن شاء الله هأشارك ،،

بس مش عارف أيه الوضع لو الشعب رفض التعديلات الدستورية ؟؟

يبقى هايتم تكوين لجان لتعديل الدستور مرة أخرى ويُطرح أيضاً للإستفتاء

[رضوي]

للأسف .. محدش شارك في التصويت الافتراضي و النقاش حول التعديلات الدستورية

هنا

غير حبيبتي ام زيد

يا ريت بجد نتناقش في التعديلات دي

أويد الفاضلة مصراوية ......... ياريت فعلاً نتناقش ف التعديلات

بس ليه

الاستفتاء مجمل وليس مفصل ........ يعني يا نوافق علي التعديلات ككل ......... أو نرفضها ككل ؟؟؟؟؟

[ام سلمي]

بالمناسبة .. ما أتوقعه أن تتم الإنتخابات الرئاسية أولاً قبل البرلمانية وذلك حتى يتم تأسيس أحزاب جديدة ويلتقط الناس انفاسهم ويبقى في عندنا مرشحين برلمانيين محترمين

انا الصراحة دراستي كانت علمي وما عنديش خلفية كبيرة في موضوع التعديلات الدستورية بس في مشكلة ان معظم اللي ممكن نثق فيهم بيقولوا ان التعديلات دي مع انتخابات رئاسية قبل البرلمانية خطأ فادح

البرادعي قال لازم مجلس رئاسي الاول من اتنين مدنيين وواحد عسكري والانتخابات البرلمانية تبقي قبل الرئاسية

ائتلاف الثورة قالوا ان قبولنا التعديلات كان علي اساس برضه المجلس الرئاسي وبعديه انتخابات برلمانية وغير كدة يبقي لازم الدستور كله يتغير

نوارة نجم قالت نفس الشئ

طب ايه الحل لو لو التعديلات اتوافق عليها و بعدها انتخابات رئاسية

[se_ Elsyed]

بالمناسبة .. ما أتوقعه أن تتم الإنتخابات الرئاسية أولاً قبل البرلمانية وذلك حتى يتم تأسيس أحزاب جديدة ويلتقط الناس انفاسهم ويبقى في عندنا مرشحين برلمانيين محترمين

انا الصراحة دراستي كانت علمي وما عنديش خلفية كبيرة في موضوع التعديلات الدستورية بس في مشكلة ان معظم اللي ممكن نثق فيهم بيقولوا ان التعديلات دي مع انتخابات رئاسية قبل البرلمانية خطأ فادح

البرادعي قال لازم مجلس رئاسي الاول من اتنين مدنيين وواحد عسكري والانتخابات البرلمانية تبقي قبل الرئاسية

ائتلاف الثورة قالوا ان قبولنا التعديلات كان علي اساس برضه المجلس الرئاسي وبعديه انتخابات برلمانية وغير كدة يبقي لازم الدستور كله يتغير

نوارة نجم قالت نفس الشئ

طب ايه الحل لو لو التعديلات اتوافق عليها و بعدها انتخابات رئاسية

ياااااااااه .. أخيراً جت الفرصة عشان انتقم من بتوع تالته أول .. فصل الشطار بتاع علمي

بُصي يا أم سلمى .. هما متخوفين من إن الرئيس يُنتخب في ظل باقي مواد الدستور الغير مُعدلة لإن سلطاته لسه زي ما هي ... وهي بالفعل سُلطات تجعله استغفر الله العظيم – نصف إله – فهو رئيس كل شيء وبيده كل شيء إلا الحياة والموت ..

فخايفين ييجي رئيس ويتنح فيها ولا يدعو إلى تعديل تلك المواد المجحفه ...

وأنا كان في رأيي إننا ما نستجعلش ونعدل المواد دي بالمرة ... أو نعمل دستور جديد في فترة شهر مثلاً

خلينا نشوف وربنا يقدم ما فيه الخير

[ام سلمي]

وأنا كان في رأيي إننا ما نستجعلش ونعدل المواد دي بالمرة ... أو نعمل دستور جديد في فترة شهر مثلاً

يعني المفروض اللي حيشاركوا في الاستفتاء دلوقتي يوافقوا علي التعديلات دي واللا يرفضوها لأنها ناقصة

[Dreamwithme]

معليش يا دريم ... التصويت هايتم على التعديلات كلها لوكشه واحده

بس بإذن الله التعديل الكامل قادم قادم وذلك لتقليص سُلطات أي رئيس

وأي رئيس هايقل عقله ويستهبل ... فميدان التحرير موجود والفيس بوك موجود

بالمناسبة .. ما أتوقعه أن تتم الإنتخابات الرئاسية أولاً قبل البرلمانية وذلك حتى يتم تأسيس أحزاب جديدة ويلتقط الناس انفاسهم ويبقى في عندنا مرشحين برلمانيين محترمين

أستاذي العزيز جد س س ....أنا طبعا إن شاء الله هشارك في الاستفتاء وحاليا أخوض معركة شرسة مع عائلتي وأصدقائي من أصحاب نظرية وإحنا مالنا

لكن السؤال اللي بيؤرقني ياتري يا هل تري هأوافق علي التعديلات ولا هأرفضها؟

لأن أخطر نقطتين في التعديلات ضميري لا يسمح لي أن أوافق عليهم أن يكون النائب (نائب الرئيس ) بالتعيين.....تاني يعني كأنك ياأبو زيد ماغزيت

والنقطة الأهم اللي حضرتك بتنطلق منها أن بعد انتخاب الرئيس سيتم لنشاء الدستور الجديد الذي نحلم به

سامحني إذا كنت مش قادرة أتفائل معاك لأن نص المادة 189 اللي بتنص عن اجراء لجنة تأسيسية لأنشاء دستور جديد نص المادة (ده مش رأي لوحدي ده رأي جهابذة القانون الدستوري)

أن نص المادة غير ملزم اطلاقا....نص المادة يقول تحديدا يحق لرئيس الجهورية انشاء لجنة دستورية لانشاء دستور جديد

يعني غير ملزمة اطلاقا .......فرضا مثلا بعد ماتم انتخاب الرئيس قال لنا أشربوا من البحر خاصة إن هل يعقل أن رئيس الجمهورية الجديد هو هو نفسه

هيقيض صلاحياته؟ مش عارفة مش قادرة اتفأل وبصراحة نفسي نقدر ننظم نفسنا في اعتصام جديد في التحرير للتأكيد علي هذا المطلب وهو في وجهة نظري أهم في الوقت الحالي من حل جهاز أمن الدولة.....لكن طبعا لو استمر الاستفتاء علي ماهو عليه يوم 19 مارس يبقيأكيد هاروح بس مش عارفة هأقول أيه

[se_ Elsyed]

شوفي يا دريم

بأكررها بكل ثقة في الله ثم في الشعب المصري اللي صحي ومش ممكن يرجع يشد اللحاف تاني

ما فيش رئيس هايقدر ييجي ويقل عقله ويلغوص في دستور أو يستبد ويعمل اللي هوعاوزه ... لإننا عرفنا الطريق ... وبالتالي من مصلحتة أن يحكم بالعدل والديمقراطية ويفعل ما يريدة الجميع ..

ده مش مطلب فئوي ولكنه مطلب عام بان يكون لدينا دستور مُحترم .

وبصراحة كل واحد حر يروح الإستفتاء يوافق أو يرفض .... ده شيء يرجع لقناعته