الرئيس مبارك يتحدث عن حكم مصر

[محمد حامد الغنام]

اما بخصوص اخى الذى يسأل ما سنى

سنى 20 عااااما

طيب مش واجب تقول سنك بالضبط؟

يعنى عمار تدافع عن مبارك بالزور ، اظن مايصحش تزور فى سنك، يعنى لسه فى اولى حقوق وحتتعلم تزور فى اوراق رسمية؟

انت كاتب انك مواليد 14/11/1992 ، يعنى عندك 18 سنة ، بتقول عشرين ليه بقى؟

باين ان الموضوع هيبا جدال عقيم ومناقشة تعبانة

وثم حضرتك

سبت الموضوع بكل مافية

وجاى تتكلم على السن

اولا حضرتك الكبير بالعقل

مش بالسن

دليل انك مش معاك اوراق تحاول تثبت صحة كلامك فى الموضوع

انا معاية اقوى ورقة

هيا التمسك بتحقيقات النيابة

وليس بناء الأراء على

كلام جرائد لانعلم مدى صحة هذة الأخبار من عدمها

وعلى فكرة انا بكدة داخل على ال20 عام

مش 18 زى مانته بتقول

وعاوز اعرف هتهمك اية

18 ولا 20 ولا 150 سنة

اية الى مزعلك يعنى

[ComingSoon]

محمد حامد الغنام

علي فكرة وجودك جيد للمنتدي لأننا يجب ان نسمع الرأي الاخر

لكن ممكن اطلب طلب صغير

لما تاخد موقف معاكس للعدد كبير من الناس لازم يكون معاك ادلة قوية

يعني تقولنا مثلاً ادلة عقلية لسبب تأيدك لمبارك مش كلام مرسل وخلاص عشان نعرف نتناقش

تحياتي

تم تعديل 8 مارس 2011 بواسطة ComingSoon

[التونسى]

طب ممكن سؤال غير برئ :P

يا محمد الغنام .. على بابا بيدفع كام!!!!؟

جاوبنى بسرعه أوام .. وانا حرفعلك إبهام bv:-

[Alshiekh]

باين ان الموضوع هيبا جدال عقيم ومناقشة تعبانة

وثم حضرتك

سبت الموضوع بكل مافيةوجاى تتكلم على السن

اولا حضرتك الكبير بالعقل

مش بالسن

دليل انك مش معاك اوراق تحاول تثبت صحة كلامك فى الموضوع

انا معاية اقوى ورقة

هيا التمسك بتحقيقات النيابة

وليس بناء الأراء على

كلام جرائد لانعلم مدى صحة هذة الأخبار من عدمها

وعلى فكرة انا بكدة داخل على ال20 عام

مش 18 زى مانته بتقول

وعاوز اعرف هتهمك اية

18 ولا 20 ولا 150 سنة

اية الى مزعلك يعنى

أولا كبيرة عليك انك توصف المكتوب بأنه جدال عقيم ، اعتقد أنك محتاج تتعلم ازاى تتناقش مع الآخرين

ثانيا اين هو الموضوع الذى تتحدث عنه؟ لم أرى أنك كتبت شيئا يمكن أن نتناقش حوله !!!

ثالثا اذا كنت من مواليد 14/11/1992 فمعنى ذلك ان عمرك هو : ثمانية عشر عاما وثلاثة أشهر واربعة وعشرون يوما ، وستكمل عامك التاسع عشر فى 14/11/ هذا العام اى بعد ثمانية أشهر وستة أيام.

رابعا اللى مزعلنى هو المصداقية ، ليس عيبا ان تقول انك تبلغ من العمر ثمانية عشر عاما ولكن العيب ان تدعى سنا غير سنك ، واظنك تذكر انك ادعيت من قبل بأنك وكيل النائب العام وانت لازلت فى السنة الأولى بكلية الحقوق وهو مايمثل تزويرا وانتخال صفة وظيفية.

لذلك أنصحك بأن تراجع ماتكتب جيدا ولاتصف ردود الأعضاء بأنها جدل عقيم لأن ده عيب

وعلى فكرة الناس اللى هنا معظمهم إن لم يكن جميعهم لايحبون الرجل الذى تدافع عنه والذى تحبه منذ ثمان سنوات حسب قولك.

شكرا

[capitshino]

استاذ محمد حامد الغنام

ممكن واحدة واحدة تقولنا سر اعجابك بالرئيس السابق مبارك ؟

يعنى ايه اللى انت شفته فى كل ما حولك يخليك تقول الكلام ده ؟

يعنى انا ماكنتش شايف فى مصر الا الفقر والمرض والجهل ايام الرئيس السابق

وفى سوال تانى اخير

ليه حضرتك مش بتشارك الا فى المواضيع الخاصة بالرئيس السابق ؟ نحب حضرتك تشرفنا فيا برده

مستنى ردك بجد وبكل موضوعية .

[اغابي]

شكرا يا محمد حامد يا غنام

كلنا هنا نسمع وفعلا بنهتم بالراى الاخر وكلنا عاوزين نساعدك انك تساعدنا انت ازاى وصلت

جواك للحب داه للرئيس خاصة اخر 10 سنين من حكمه

انت يا محمد واسمحى اقولك يا محمد بعد ما عرفت فارق السن بيننا - انت ازاى يا محمد كونت الحب داه جواك للرئيس

اعتقد لو حكيتلى تاريخ حياتك من اول ما اتولدت - هافكرك امتى مبارك اساء اليك وفى اى مرحلة تحديدا

قد يكون اساء اليك عندما اجبرك بواسطة حكومة فاشلة الى انك ترهق ميزانية

اهلك فى الدروس الخصوصية فى الثانوية العامة نتيجة خطة تعليم فاشل

قد يكون اساء اليك فى مرحلة عدم الاهتمام بيك انت يا محمد فى المواصلات وتوفير حياه كريمة

ومواصلات لائقة وخطة لبرنامج صحى متكامل

او قد يكون اساء اليك اذا كنت من المحظوظين وتخرجت فى عصره وتنتظر بال10 و 12 سنة بدون فرصة عمل ولا جواز ولا شقة وبتدور على فرصة تطفش بره مصر وهو بيقنعك ان مصر فقيرة جدا مع انه كل الفلوس مع اولاده جمال وعلاء وباقى شلة الفاسدين

او انه اساء اليك عندما ترى ان احد من البسطاء - محتاج علاج مكلف جدا لاى مرض خطير ولا تستطيع ان تجد هذا المبلغ

فى حين ان جمال وعلاء كلاهما وغيرهم الكثيرن ممن هم ابناء البطة الموف

- يتعالجون فى افخم المستشفيات خارج مصر على حساب الدولة

قد يكون اساء اليك فى الوضع المزرى للبلد او اذا اردت يوما ان تنضم لاى حزب معارض ويكون لك حرية التعبير عن رايك وتجد نفسك من سكان سجن تعذيب تحت الارض باستضافة امن الدولة الكرماء

قد يكون اساء اليك اذا وجدت نفسك يوما

انت الوحيد الذى تدافع عنه كما انت الان معنا - وتواجه الملايين ممن يقولون لك

راسك مش عليك ولازم تصدقهممممممممممممممممممممم

شكرا يا محمد غنام

تم تعديل 8 مارس 2011 بواسطة اغابي

[tarek hassan]

حسني مبارك نعم لا يملك جنيها واحدا ولا مليونا واحدا ولا مليارا واحدا وعليه فالكلام صحيح

ولكن على المعنى اللي ماشي الوقتي في الشارع هو استباق لقضية منظورة في القضاء ولقضايا لاحقة إن شاء الله ولكسب الاستعطاف والبراءة وهيهات

مع احترامي للأستاذ غنام

بس فيه كتيرون مازلوا مضللين ومنهم من هو باق على ما هو عليه في العهد البائد ومنهم من هو عميل

بمعنى إنه ميرجعش حق ولا يتحاسب زي بقية مخلوقات الله وزي أنا ما قلت قبل كده أجهزة حسني مبارك ومحلياته وأمن الدولة كانوا بيستخدموا الشارع للترويج لما يشاءون وكان الأمن مخترقا لجماعة السلفية وقد استفاد من فتاويهم استفادة كبيرة جدا كادت لولا أن ستر الله أن تقضي على الثورة في الشارع

الشارع فيه حاجات كتير كانت ومازالت تصب في مصلحة مبارك وآخر فتوى سمعتها في الشارع هي أن مبارك خلاص أنتم حاسبتوه ولابد من أن ننزله منزلته ونحفظ مكانته لما قدمه لمصر من إنجازات علاوة على التخويف الستمر لما هو قادم ( على طريقة اللي جاي أسود من السواد ) وكل يوم هنسمع حاجه شكل

الشارع عايز شغل كبير

[se_ Elsyed]

التاريخ أيها السيدات و السادة هو ملك أمة و ليس ملك فئة من الناس تستخدمه لمصالح أيديولوجية أو حزبية

طب .. بالنسبة للكنتاكي والاجندات .. جايين إمتى عشان أعمل حسابي وأكل حاجه خفيفة دلوقت ؟