أحداث كنيسة أطفيح لمصلحة من ما يحدث؟

[شرف الدين]

هو لسه في ناس معتصمة في ماسبيرو ولا ايه يا جماعة ؟

أنا للأسف مشغول طول النهار ومش بتابع الأخبار ...

لكن لو فرضنا إنهم لسه معتصمين ...

يا ترى هما معتصمين ليه ؟

يعني ايه المطلوب ...

[psychologyteacher]

يا ريت حد من الاخوة الاقباط هنا يرد على الكلام دا

لانه فعلا خطير

الكلام اللي بيتقال دا صحيح؟

انا لسا عندي ثقة فيكم

لسا مكلمة تريز من يومين بتقولي لا يا ريم دا هبل احنا مسيحين و مسلمين مصريين ما حدش هايفرقنا

تريز صديقتي الوحيدة على فكرة في مصر

اتمنى دا يكون لسان حال كل المسيحين

منتظرة توضيح و رد منكم

يا استاذة ريم

دى اخبار كلها ف الكازوزة

طب بالعقل كدة

البابا اللى رفض نزول الاقباط يوم 25 يناير وما تلاه يبقى بقدرة قادر ملك دولة مصر القبطية

طب مش كان من باب اولى انه يقول للاقباط انزلوا علشان يعجل برحيل النظام وبتنصيبه ملك لمصر القبطية ؟؟؟

بالنسبة كمان للمادة التانية من الدستور

اعتقد حسب معلوماتى ان اول من اثار لغط حولها وطالب بحذفها او تغييرها هو نجيب جبرائيل ( الراجل ده انا مش بحبه ) ولو متابعة هتلاقى البابا نفسه قال انا مش مع حذف المادة التانية من الدستور ولا مع تعديلها ولو تضاف لها فقرة تحكم على غير المسمين بشرائعهم يبقى كويس عشان على الاقل ميحصلش اللى حصل فى موضوع حكم المحكمة اياه والزواج التانى اللى كلنا تابعناه واعتقد اى حد من اخواتنا المسلمين مش هيعارض ده ، واسمحيلى لو عارض يبقى غير عادل ويخالف حتى اسلامه الذى قال واحكم بينهم بما يدينون

ومع ذلك الدنيا قامت وبدات مؤتمرات الدفاع عن الاسلام ( السلفيين فى المنصورة اعتقد ) وبدات نعرة المساس بالمادة التانية هو مساس بالاسلام نفسه وكأن المادة التانية دى مادة منزلة من السماء وطلع الشيخ محمد حسان ( له كامل احترامى ) وقال المساس بالمادة التانية على جثتى وجثة المسلمين وافديها بدمى ودم المسلمين مع اننا احنا المسيحيين العاديين لا طالبنا بحذفها ولا بتعديلها وقلنا اولوياتنا حاليا ان مصر تقف على رجليها... وازيدك من الشعر بيت ... انانفسى مش موافق على حذفهااصلا

عارفة يا استاذة من بعد ما اثيرت حكاية المادة التانية دى انا فتحت موضوع هنا وكان اسمه اعتقد ( سؤال لكل من شاركوا فى توبيك ثورة 25 يناير .. ما رايكم فى موضوع تغيير المادة التانية من الدستور ) صدقينى الناس هنا كانت هتاكلنى لدرجة انى اتشتمت ع المتغطى فى احدى المداخلات ومفيش داعى لذكر اسم صاحبها وكان فيه مداخلات تانية مش فارقة مع اصحابها المادة دى ... مع انى بكل امانة ويعلم الله قصدت استطلاع الاراء وبس .

واخيرا

صدقينى كلها اخبار للبيع وللتصعيد

وعايز اقلك انى ضد اعتصام الاقباط فى ماسبيرو وكنت اتمنى ان اللى ينفذوا الاعتصام ده احتجاجا على هدم الكنيسة هما اخواتنا المسلمين ويكون معاهم اقباط مش اقباط ويكون معاهم مسلمين علشان متبقاش مظاهرة فئوية ويوصلوا صوتهم ويأكدوا وحدتهم الوطنية وبعدها ينفضوا ويروحوا

الله قادر ان يحفظ مصر

ويحفظنا نحن المصريين ويردنا لها سالمين ويردها لنا سالمة مرفوعة الرأس فوق كل الامم

تحياتى

[Ahmed Anwer]

لحد إمبارح (( الجمعة ))

كان الإعتصام موجود عند ماسبيرو ،، و بأعداد كبيرة

معظمهم عائلات ،

الصراحة معرفتش أخش عشان الأعداد كبيرة جدا و المكان قدام ماسبيرو ضيق مش زي التحرير

مش عشان مسلم و لا حاجة بالعكس عديت من أول لجنة شعبية تنظيمية و الشباب شافوا بطاقتي و ماعترضوش

بس معرفتش أخش ،، زحمة أووي

رغم إنهم منظمين و فيه مدخل للرجال و مدخل للنساء و شفت الصراحة عربية جايبة ازايز مية و كده

،، و الجيش موجود بكثرة

و حاولت اقعد علي اي قهوة جمب ماسبيرو اناقش الأخوة المسيحين عشان افهم بس حتي القهاوي كانت زحمة جدا ،،

و كان فيه نسبة من المسلمين شايلين لافتات الوحدة الوطنية و نسبة تانية داخلة تتفرج

و الممثل هاني رمزي كان هناك ،، و جالنا التحرير برده

النهاردة ،، وسائل الإعلام بتقول الإعتصام مستمر ،، و مش بيقولوا غير مطلب إعادة بناء الكنيسة

[Scorpion]

يا سي السيد يا صديقي العزيز ....

احياااااااااات الغاليين عندك يا شيخ .. قبل ما تعلق علي الأخبار اتأكد الأول من حقيقتها ... دي تالت مرة في الموضوع ده من ساعة ما بدأ .. لما مع اعضاء تانيين معروف و مفهوم توجهاتهم الواحد بيوفر نقاش مالهوش لازمة ,, لكن التعليقات الحادة من الحبايب و بالأخص انها علي اخبار منفوخة ميت مرة بتخلي الواحد يصعب عليه بجد ..

ربنا يهدي الجميع

[fatfouta]

[se_ Elsyed]

يا سي السيد يا صديقي العزيز ....

احياااااااااات الغاليين عندك يا شيخ .. قبل ما تعلق علي الأخبار اتأكد الأول من حقيقتها ... دي تالت مرة في الموضوع ده من ساعة ما بدأ .. لما مع اعضاء تانيين معروف و مفهوم توجهاتهم الواحد بيوفر نقاش مالهوش لازمة ,, لكن التعليقات الحادة من الحبايب و بالأخص انها علي اخبار منفوخة ميت مرة بتخلي الواحد يصعب عليه بجد ..

ربنا يهدي الجميع

سكوب .. إنت قرأت دي ؟

أنا هاقنع نفسي إن الخبر ده غير صحيح حتى الان ...

وخلي بالك ده من جريدة يومية بتصدر في مصر ... ولا أعتقد إني شوفت حاجه مفتكسه قبل كده في جريدة الشروق .... وممكن يكون الخبر غير صحيح ... لكن هذا لا ينفي إن المطلب ده بيتداول الأن .. بالعكس بقى .. ده أنا سمعته من عمرو حمزاوي اللي كان مُرشح يبقى وزير .. وبالمنظر ده كان هايجيب لنفسه الكافيه

عارف المصيبة في إيه ؟

يعني إحنا سيبنا كل المصايب والأزمات اللي أصابت البلد .. وخلاص بقينا دولة ديمقراطية وصناعية هلامية ... وبقت مصيبتنا في المادة الثانية من الدستور ؟ ....

طب بالله عليك يا شيخ .. دي مضايقة الناس في إيه ؟

[pink rose]

عاوزة اسأل شوية اسئلة للاخوة الاقباط و منتظرة رد

1)مطلب المتظاهرين امام ماسبيرو ايه؟

يعني اللي بيقال اعادة بناء الكنيسة طب الجيش و هي مؤسسة موثوق فيها اكدت اعادة البناء

شيوخ و دعاة و اخوان و مسلمين عاديين اكدوا ان المطلب دا عادل و الكل مؤيد له

عرفنا في الفترة الاخيرة من هم وراء اشعال التوتر الديني و الحمدلله بدأ التخلص منهم

السؤال بقى ليه افتراض سوء النية في كل دول و القول مش هانمشي الا لما الكنيسة تتبني؟

هو احنا مش في عهد جديد ليه نبدأه بالشك ما ندي فرصه لحسن النية ايه الضرر في كده و الاهم ان الناس في القرية نفسها و شوفت الحوار في التليفزيون انهم بيأكدوا ان لم يتم الاعتداء على افراد و لم يتم التهجم على البيوت و اللي قال كده مسيحين مش مسلمين اكدوا و قالوا ما حدش قالنا اهربوا و سيبوا بيوتكم الحكاية ان لما الناس شافت الكنيسة بتولع خافوا على النساء و الاطفال و خرجوهم برة لكن الرجالة فضلوا موجودين

و طلع لواء جيش قال الامر اتحل و الكل رجع ما عدا اسرة واحدة فقط

يبقى معلش الناس في ماسبيرو ملكيين ليه اكتر من الملك؟

اما بقى لو المطلب بتاع الغاء المادة التانية من الدستور فا دا عين الجنان يبقى كده هما بيحطوا البنزين جنب النار

لو قولتوا جريدة الشروق بتقول اي كلام

ليه لم يتم رفع قضية ضدها لنشرها اخبار مزيفة بتثير الفرقة

المفروض البلاغ دا يقدمه اقباط مش مسلمين

اظن البلاغ دا هايكون له مردود طيب في طمأنة المسلمين و بالتالي تفضل الثقة موجودة

لازم يكون في خطوات عملية مش مجرد كلام و السلام

سؤال تاني بخصوص مايكل منير

كلنا عارفين دوره القذر في المطالبة بتقسيم مصر هو و مجموعة من اقباط المهجر اللي اعلنوا وقت تقسيم السودان قيام الدولة القبطية و قعدوا يوزعوا على بعض المناصب

ايه موقف الاخوة الاقباط من احلامه ؟ايه الخطوات اللي تم اتخاذها ضد مخططه منكم مش قصدي الكنيسة بس انا قصدي الافراد

يعني ليه ما شوفناش بيان قوي من عامة الاقباط رد عليه و قاله كلامك مرفوض و يتذاع البيان دا في وسائل الاعلام عشان يبقى صد له من تكرار محاولاته اشاعة حوار التقسيم دا و اغواء البسطاء بيه؟

تم تعديل 13 مارس 2011 بواسطة remo

[tarek hassan]

يا ريت حد من الاخوة الاقباط هنا يرد على الكلام دا

لانه فعلا خطير

الكلام اللي بيتقال دا صحيح؟

انا لسا عندي ثقة فيكم

لسا مكلمة تريز من يومين بتقولي لا يا ريم دا هبل احنا مسيحين و مسلمين مصريين ما حدش هايفرقنا

تريز صديقتي الوحيدة على فكرة في مصر

اتمنى دا يكون لسان حال كل المسيحين

منتظرة توضيح و رد منكم

يا استاذة ريم

دى اخبار كلها ف الكازوزة

طب بالعقل كدة

البابا اللى رفض نزول الاقباط يوم 25 يناير وما تلاه يبقى بقدرة قادر ملك دولة مصر القبطية

طب مش كان من باب اولى انه يقول للاقباط انزلوا علشان يعجل برحيل النظام وبتنصيبه ملك لمصر القبطية ؟؟؟

بالنسبة كمان للمادة التانية من الدستور

اعتقد حسب معلوماتى ان اول من اثار لغط حولها وطالب بحذفها او تغييرها هو نجيب جبرائيل ( الراجل ده انا مش بحبه ) ولو متابعة هتلاقى البابا نفسه قال انا مش مع حذف المادة التانية من الدستور ولا مع تعديلها ولو تضاف لها فقرة تحكم على غير المسمين بشرائعهم يبقى كويس عشان على الاقل ميحصلش اللى حصل فى موضوع حكم المحكمة اياه والزواج التانى اللى كلنا تابعناه واعتقد اى حد من اخواتنا المسلمين مش هيعارض ده ، واسمحيلى لو عارض يبقى غير عادل ويخالف حتى اسلامه الذى قال واحكم بينهم بما يدينون

ومع ذلك الدنيا قامت وبدات مؤتمرات الدفاع عن الاسلام ( السلفيين فى المنصورة اعتقد ) وبدات نعرة المساس بالمادة التانية هو مساس بالاسلام نفسه وكأن المادة التانية دى مادة منزلة من السماء وطلع الشيخ محمد حسان ( له كامل احترامى ) وقال المساس بالمادة التانية على جثتى وجثة المسلمين وافديها بدمى ودم المسلمين مع اننا احنا المسيحيين العاديين لا طالبنا بحذفها ولا بتعديلها وقلنا اولوياتنا حاليا ان مصر تقف على رجليها... وازيدك من الشعر بيت ... انانفسى مش موافق على حذفهااصلا

عارفة يا استاذة من بعد ما اثيرت حكاية المادة التانية دى انا فتحت موضوع هنا وكان اسمه اعتقد ( سؤال لكل من شاركوا فى توبيك ثورة 25 يناير .. ما رايكم فى موضوع تغيير المادة التانية من الدستور ) صدقينى الناس هنا كانت هتاكلنى لدرجة انى اتشتمت ع المتغطى فى احدى المداخلات ومفيش داعى لذكر اسم صاحبها وكان فيه مداخلات تانية مش فارقة مع اصحابها المادة دى ... مع انى بكل امانة ويعلم الله قصدت استطلاع الاراء وبس .

واخيرا صدقينى كلها اخبار للبيع وللتصعيد

وعايز اقلك انى ضد اعتصام الاقباط فى ماسبيرو وكنت اتمنى ان اللى ينفذوا الاعتصام ده احتجاجا على هدم الكنيسة هما اخواتنا المسلمين ويكون معاهم اقباط مش اقباط ويكون معاهم مسلمين علشان متبقاش مظاهرة فئوية ويوصلوا صوتهم ويأكدوا وحدتهم الوطنية وبعدها ينفضوا ويروحوا

الله قادر ان يحفظ مصر

ويحفظنا نحن المصريين ويردنا لها سالمين ويردها لنا سالمة مرفوعة الرأس فوق كل الامم

تحياتى

يا أستاذ : psychologyteacher

لي ملاحظة على المكتوب بالأحمر لأن مفيش آيه في القرآن بتقول كده ولكن الآية الصريحة بتقول ( وَلْيَحْكُمْ أَهْلُ الإِنجِيلِ بِمَا أَنزَلَ اللَّهُ فِيهِ وَمَن لَّمْ يَحْكُم بِمَا أَنزَلَ اللَّهُ فَأُولَئِكَ هُمُ الْفَاسِقُونَ )

دي تالت مرة في الموضوع ده من ساعة ما بدأ .. لما مع اعضاء تانيين معروف و مفهوم توجهاتهم الواحد بيوفر نقاش مالهوش لازمة

ما يقال عني صراحة أو تعريضا من حكاية منهج وفكر لا أهتم به نهائيا ليس الآن ولكن طول عمري لا أغضب لنفسي ولا أغضب من فكر يواجه بفكر ولا أعرف اللف ولا الدوران ولا المراوغة وليس معنى نفي ذلك عن نفسي أنني أثبته لغيري ولكن حتى لا يفهم عدم ردي على إساءة البعض أنها ضعف وهيهات

تم تعديل 13 مارس 2011 بواسطة tarek hassan

[الدكتورة أم أحمد]

السلام عليكم ورحمة الله وبركاته

إتن كان لي من مشاركة في هذا الموضوع فهي بنقل كلام عاقل جدا لنا س عقلاء حكماء

بيان مِن الدعوة السلفية بشأن أحداث "أطفيح"

الحمد لله، والصلاة والسلام على رسول الله، أما بعد؛

فتدعو "الدعوة السلفية" جميع المصريين إلى تغليب المصلحة العامة للبلاد، وإبصار مواقع الأقدام قبل أي تصرف؛ لا سيما فيما يتعلق بالشأن "الإسلامي - النصراني".

كما تدعو إلى معالجة هذه القضية على أسس علمية ومنهجية بدلاً مِن الخطابات العاطفية التي تترك النار تحت الهشيم.

ومِن ثمَّ فترى الدعوة ضرورة الالتزام مِن الجانبين: "الإسلامي - النصراني" بأمور، مِن أهمهما:

1- عدم الاستقواء بالخارج بأي صورة مِن الصور.

2- التزام أحكام القضاء في كل النزاعات؛ لا سيما تلك التي أحد طرفيها مسلم، والآخر نصراني.

3- منع الابتزاز السياسي، وعدم الضغط على الجيش والحكومة؛ لفرض مطالب سياسية طائفية، والرضا بالاحتكام إلى صناديق الاقتراع في مثل هذه الأمور.

4- نزع السلاح مِن جميع الأطراف مع تعهد الجميع بعدم إشهار السلاح تحت أي ظرف.

5- البعد التام عن الأقوال والأفعال التي مِن شأنها استفزاز الطرف الآخر.

6- وبالنسبة لقضية: "محتجزات الكنيسة" تحث الدعوة السلفية الشباب المسلم على التزام رأي المحامين المؤتمنين على القضية، وعدم التحرك إلا بناء على مشورتهم.

7- وبالنسبة لأحداث: "منشية ناصر" فتطالب الدعوة بالتحقيق الفوري، ومحاسبة كل مَن ثبت عليه الاعتداء على الآخر بغير وجه حق.

8- وبالنسبة لإعادة بناء "كنيسة أطفيح" ترى الدعوة عدم التصدي للقوات المسلحة أو غيرها مِن مؤسسات الدولة عند قيامها بإعادة بناء الكنيسة انطلاقًا مِن قاعدة: "المصالح والمفاسد"؛ التي تمثل قاعدة شرعية أصيلة.

والله الموفق، وهو الهادي إلى سواء السبيل.

الدعوة السلفية

وأضيف ليتنا نصبر ونترك الأيام القادمة تصدق هذا أو ذاك

وتكذب هذا أو ذاك

لن يستطيع أحد بعد الآن أن يخفي ما كان يخفى من قبل

فلنصمت

ونبدأ جميعا في العمل من أجل مصر ومن أجل حياة أفضل لنا ولأبناءنا

[جويرية]

استدراك

مشكلتنا فى مصر اننا نعلم الكثير عن اخوتنا المسلمين وعن احكام الدين الاسلامى والشريعة الاسلامية عن طريق التعليم والميديا

لكن اخوتنا المسلمين لا يعلمون عنا وعن عقيدتنا الا القليل

والقليل من هذا القليل صحيح والكثير منه خاطئ تماما

وهذا يعتبر سبب رئيسى فى إحداث فجوة تساعد كثيرا على تصديق اى اشاعة بمجرد اطلاقها

عايز اقول لحضرتك ان البابا عند الاقباط مش زى فضيلة شيخ الازهر عند المسلمين

والكلام عنه بشكل مش كويس بيسبب حساسية عند اخواتك المسيحيين .

تنبهت لهذا في مشاركة لي سابقة و قلت

اري ان يكون منصب البابا منصب ديني فقط و يظل فيه البابا شنودة

و يكون هناك منصب سياسي لمن يمثل الأقباط

[جويرية]

يا جماعة يعني احنا و المسيحيين حنخسر بعض علي المادة التانية

المادة التانية في الدستور حبر علي ورق ، و مش معمول بها في غالب الأحكام ، ده اذا كان مش بيؤخذ بها حتي في معظم الأحوال الشخصية

[محاسب مهاجر]

لا يجب أن يمر هذا الموضوع بالتحديد مرور الكرام

ولا يجب تسويته ودياً

ولا عرفياً

يجب التحقيق فيه بدقة وحزم

ويجب تطبيق أقصى العقوبات على من تثبت إدانته

يجب أن يحاسب من تجرأ على هدم بيت للعبادة .... أي كان ...

يجب ألا تكون هناك أية موائمات أو مجاملات أو تهدئات أبداً ..

هذا باب يجب أن يغلق للأبد .. ومع بداية عهد جديد لثورة مصر ..

يجب أن يتم التعامل مع هذا الموضوع بحزم وشدة .. وتطبيق القانون

اوافقك الرأى تماما .. لان هذا هو التصرف الوحيد الذى يقطع تكرار مثل هذة الامور و يوقفها تماما حفاظا على وحدة الشعب فى هذة الفترة الحرجة و تاكيد لمبدأ المساواة .. و ضربا للتدخلات المشبوهة ..

[se_ Elsyed]

شاهدت على التليفزيون منذ قليل الجيش وهو يزيل أنقاض الكنيسة القديمة المحترقة للبدء في بناء أخرى جديدة يتم تسليمها للأخوة الأقباط قبل 24 إبريل للإحتقال بعيد القيامة بها ..

ومع ذلك ما زالت هناك إعتصامات وناسه فارشة في عرض الطريق أمام مبنى الإذاعة والتليفزيون !!!!!!!!!!!!!

[ozoozo]

شاهدت على التليفزيون منذ قليل الجيش وهو يزيل أنقاض الكنيسة القديمة المحترقة للبدء في بناء أخرى جديدة يتم تسليمها للأخوة الأقباط قبل 24 إبريل للإحتقال بعيد القيامة بها ..

ومع ذلك ما زالت هناك إعتصامات وناسه فارشة في عرض الطريق أمام مبنى الإذاعة والتليفزيون !!!!!!!!!!!!!

فض اعتصام الأقباط أمام «ماسبيرو» بعد لقاء «الجمل» ووعود مجلس الوزراء بحل مشكلاتهم

[pink rose]

عاوزة اسأل شوية اسئلة للاخوة الاقباط و منتظرة رد

1)مطلب المتظاهرين امام ماسبيرو ايه؟

يعني اللي بيقال اعادة بناء الكنيسة طب الجيش و هي مؤسسة موثوق فيها اكدت اعادة البناء

شيوخ و دعاة و اخوان و مسلمين عاديين اكدوا ان المطلب دا عادل و الكل مؤيد له

عرفنا في الفترة الاخيرة من هم وراء اشعال التوتر الديني و الحمدلله بدأ التخلص منهم

السؤال بقى ليه افتراض سوء النية في كل دول و القول مش هانمشي الا لما الكنيسة تتبني؟

هو احنا مش في عهد جديد ليه نبدأه بالشك ما ندي فرصه لحسن النية ايه الضرر في كده و الاهم ان الناس في القرية نفسها و شوفت الحوار في التليفزيون انهم بيأكدوا ان لم يتم الاعتداء على افراد و لم يتم التهجم على البيوت و اللي قال كده مسيحين مش مسلمين اكدوا و قالوا ما حدش قالنا اهربوا و سيبوا بيوتكم الحكاية ان لما الناس شافت الكنيسة بتولع خافوا على النساء و الاطفال و خرجوهم برة لكن الرجالة فضلوا موجودين

و طلع لواء جيش قال الامر اتحل و الكل رجع ما عدا اسرة واحدة فقط

يبقى معلش الناس في ماسبيرو ملكيين ليه اكتر من الملك؟

اما بقى لو المطلب بتاع الغاء المادة التانية من الدستور فا دا عين الجنان يبقى كده هما بيحطوا البنزين جنب النار

لو قولتوا جريدة الشروق بتقول اي كلام

ليه لم يتم رفع قضية ضدها لنشرها اخبار مزيفة بتثير الفرقة

المفروض البلاغ دا يقدمه اقباط مش مسلمين

اظن البلاغ دا هايكون له مردود طيب في طمأنة المسلمين و بالتالي تفضل الثقة موجودة

لازم يكون في خطوات عملية مش مجرد كلام و السلام

سؤال تاني بخصوص مايكل منير

كلنا عارفين دوره القذر في المطالبة بتقسيم مصر هو و مجموعة من اقباط المهجر اللي اعلنوا وقت تقسيم السودان قيام الدولة القبطية و قعدوا يوزعوا على بعض المناصب

ايه موقف الاخوة الاقباط من احلامه ؟ايه الخطوات اللي تم اتخاذها ضد مخططه منكم مش قصدي الكنيسة بس انا قصدي الافراد

يعني ليه ما شوفناش بيان قوي من عامة الاقباط رد عليه و قاله كلامك مرفوض و يتذاع البيان دا في وسائل الاعلام عشان يبقى صد له من تكرار محاولاته اشاعة حوار التقسيم دا و اغواء البسطاء بيه؟

لسا مستنية حد يرد عليا

خصوصا في الجزئية التانية

لانهم زي ما قريت ان الاعتصام اتفض

[se_ Elsyed]

المتظاهرون الأقباط أمام ماسبيرو يرفضون فض اعتصامهم

الأحد، 13 مارس 2011 - 16:04

رفض آلاف الأقباط المعتصمين أمام مبنى ماسبيرو فض اعتصامهم، إلا بعد الاستجابة لجميع مطالبهم، التى وصفوها بأنها فى صالح المسلم قبل المسيحى، مؤكدين أن قيام القوات المسلحة بإعادة بناء الكنيسة اليوم يعتبر جزءاً من المطالب وليس كل المطالب.

وطالب المعتصمون بسرعة القبض على الجناة وتقديمهم إلى المحاكمة العسكرية، بالإضافة إلى إقالة محافظى حلوان والمنيا، بسبب كثرة الفتن الطائفية فى المحافظتين

وإيه كمان غير إقالة محافظ المنيا وحلوان ؟

ها..

[الغريب]

شاهدت على التليفزيون منذ قليل الجيش وهو يزيل أنقاض الكنيسة القديمة المحترقة للبدء في بناء أخرى جديدة يتم تسليمها للأخوة الأقباط قبل 24 إبريل للإحتقال بعيد القيامة بها ..

ومع ذلك ما زالت هناك إعتصامات وناسه فارشة في عرض الطريق أمام مبنى الإذاعة والتليفزيون !!!!!!!!!!!!!

والله صعب عليا الجيش المصري جدا وهو بيشتغل في أعمال المعمار

ياريت أبناء الشعب المصري هو من يبني ولا "نمرمط" الميري المصري في أعمال المعمار

أسأل الله أن تزول هذه الفتنة وتعود المياه لمجاريها ، ويعود شركائنا الأقباط لديارهم آمنين وتعود مصر لريادتها

[capitshino]

المتظاهرون الأقباط أمام ماسبيرو يرفضون فض اعتصامهم

الأحد، 13 مارس 2011 - 16:04

رفض آلاف الأقباط المعتصمين أمام مبنى ماسبيرو فض اعتصامهم، إلا بعد الاستجابة لجميع مطالبهم، التى وصفوها بأنها فى صالح المسلم قبل المسيحى، مؤكدين أن قيام القوات المسلحة بإعادة بناء الكنيسة اليوم يعتبر جزءاً من المطالب وليس كل المطالب.

وطالب المعتصمون بسرعة القبض على الجناة وتقديمهم إلى المحاكمة العسكرية، بالإضافة إلى إقالة محافظى حلوان والمنيا، بسبب كثرة الفتن الطائفية فى المحافظتين

وإيه كمان غير إقالة محافظ المنيا وحلوان ؟

ها..

يا خبر دلوقتى بفلوس كمان شوية هيبقى ببلاش

على بالليل كده يبقو الفو لهم مطلبين 3 تانيين .

بجد ,,, حاجة تقرف

[pink rose]

المتظاهرون الأقباط أمام ماسبيرو يرفضون فض اعتصامهم

الأحد، 13 مارس 2011 - 16:04

رفض آلاف الأقباط المعتصمين أمام مبنى ماسبيرو فض اعتصامهم، إلا بعد الاستجابة لجميع مطالبهم، التى وصفوها بأنها فى صالح المسلم قبل المسيحى، مؤكدين أن قيام القوات المسلحة بإعادة بناء الكنيسة اليوم يعتبر جزءاً من المطالب وليس كل المطالب.

وطالب المعتصمون بسرعة القبض على الجناة وتقديمهم إلى المحاكمة العسكرية، بالإضافة إلى إقالة محافظى حلوان والمنيا، بسبب كثرة الفتن الطائفية فى المحافظتين

وإيه كمان غير إقالة محافظ المنيا وحلوان ؟

ها..

وعلمت "بوابة الأهرام" أن التغييرات ستشمل عددا من المحافظين فى مقدمتهم (السويس و6 أكتوبر والقليوبية والأسكندرية والقاهرة والجيزة والإسماعيلية وحلوان وبنى سويف وقنا وأسيوط والدقهلية ومطروح وشمال سيناء).

طب ما محافظ حلوان هو في خبر انه اتشال

فيه ايه بقى؟

تم تعديل 13 مارس 2011 بواسطة remo

[capitshino]

رصد |صحافة| المتظاهرون الأقباط أمام ماسبيرو يرفضون فض اعتصامهم