أحداث كنيسة أطفيح لمصلحة من ما يحدث؟

[Scorpion]

أكذب لو أقول انني ضد أعتصام الأقباط الحالي امام ماسبيرو .. بل أنني اجدها تحقيقآ لما طلبت به شخصيآ منذ سنوات عديدة علي صفحات المحاورات ... ان يخرجوا من عباءة الكنيسة و ان لا تتم مظاهراتهم و التعبير عن غضبهم داخل اسوارها... و ان يعبروا عن رأيهم كمواطنين مصريين لهم كل الحقوق و الواجبات التي يشاركون فيها جميع المصريين ...

تتسائلون في استياء و غضب يصل الي حد الأتهام بالخيانة .. لماذا هم هناك حتي الآن .. بالرغم من ان ما حدث في موضوع أطفيح بكل ما يحمل من رموز واضح تمامآ ... الطلب و ان كان موضوع أطفيح هو ظاهره و لكن قلب المسألة النابض هو القضاء نهائيا على مفهوم اهل الذمة وبالتالى القضاء على حلم جماعة الاخوان المسلمين فى اقامة الدولة الدينية و الظاهر لكل ذي عين الآن .

لقد حاول التيار الدينى بعد نجاح ثورة 25 يناير ( رغم احجامهم عن المشاركة فيها منذ البداية ) ان يسرقوا الثورة من صناعها الحقيقيين الشباب فى البداية ثم الشعب كله فى النهاية ..

ولكننا امام ذلك نرى القوات المسلحة وهى تحاول اعادة الاوضاع الطبيعية الى قرية صول تستعين برجال الدين من الطرفين لتهدئة النفوس ... فجهاز الشرطة وفعاليات الدولة المركزية غائبين عن الساحة والقوات المسلحة لاتريد الدخول فى مواجهات حاسمة مع او ضد احد الطرفين لتطبيق صارم للقانون كان يستدعيه الموقف .... و في الجهة الأخري تناقلت نشرات الأخبار أقوال أهل القرية انهم سينفذون فقط شرع الله في مسألة اعادة بناء هذه الكنيسة ... و الأمر كله يتوقف علي ذلك ...

وتاتى الفرصة على طبق من الذهب للداعية السلفى المعروف محمد حسان والمعروف بتشدده الدينى ... فنراه يقف خطيبا منتشيا جهوريا امام الآلاف ليتحدث عن وصايا الرسول الكريم باهل الذمه من الاقباط مثل ( من أذى ذميا فقد آذانى ... ومن آذى ذميا فأنا خصيمه يوم القيامه .... واذا فتح الله عليكم بمصر فاستوصوا بالقبط خيرا فأن لكم فيها نسبا ..... الخ ) . خطبه ( عصماء .. !!) وفرصه ذهبيه لتاكيد النجومية والقدرة على تحريك الجماهير فى رساله لها مغزاها خصوصا ان الجالس على يمينه هو اللواء قائد المنطقة المركزية . وبعدها تم اخلاء موقع الكنسية المهدم من الغوغاء وتسليمه للقوات المسلحة .... !!

لم يسمع الأقباط عن شراكة الوطن ... ولم يسمعوا عن الحقوق المتساوية لجميع المواطنين بغض النظر عن الدين والعرق واللون.. فكلها مفاهيم ليست لها اى اسانيد بالنسبة لهذا التيار الذي ابتدأ يرفع رأسه بيننا و ان جمل مظهره بمعسول الكلام ... لقد استمعوا فقط الي انهم أهل ذمة .. و ان كنيستهم ستعود اليهم فقط اذا لم يتعارض هذا مع الشريعة ...

تم استلام موقع الكنيسة... وتعهدت القوات المسلحة باعاده بناءه على نفس المساحة دون ان ينقص سنتيمترا واحدا ( حسب مطلب احد القساوسة ) وعاد المطرودين الى بيوتهم فى القرية مقابل ضمان حماية القوات المسلحة لهم .

عايزين ايه بقي تاني ؟؟؟ يتسائل الأعزاء ...

لماذا الاعتصام حتى اليوم امام مبنى الاذاعة والتلفزيون ...

لماذا التظاهر فى فى مناطق مختلفة من القاهرة مثل القلعة ومنشاة ناصررغم تلبية مطالبهم ؟

لماذا الصدام بين المسلمين والمسيحيين خلال هذه المظاهرات ؟ . فمن الملاحظ ان المعتصمين امام مبنى الاذاعة بينهم عدد من شباب الثورة المسلمين يساندونهم ... عكس مظاهرات المقطم ومنشية ناصر الذى خرج اليهم المسلمين للصدام... انه الفارق الحضارى بين ثوار 25 يناير المثقف الواعى و الذي يطالب بالدولة المدنية ... وبين سكان المناطق العشوائية من السوقة والدهماء المغيبن دينيا من انصارمحمد حسان ومن على شاكلته الذين زيفوا وعيهم فى تكفير النصارى وخروجهم من دائرة المواطنة ووجوب دفع الجزية( ان امكن ..!! ) .. ثم جاءوا الآن ليتصدروا المشهد متحدثين عن مواطنة منقوصة متمثلة فى الاحسان الى اهل الذمه .

ان شركاء الوطن الاقباط المستمرين فى التظاهر يحركهم ميراث طويل من الازدراء والاقصاء والتكفير ... لايريدون ان يكونوا مجرد اهل ذمه ينتظرون الاحسان من اهل البلاد ... ولايريدون ان يعيشوا كأقليات فى حماية الشرطة او القوات المسلحة ويتعرضون بين الحين والاخر الى ايذاء معنوي و جسدي يصل الي حد القتل .. لا يريدون حرق الكنائس و الديار يليها المؤتمرات الشعبية والجلسات العرفية والتى تنتهى غالبا بتقبيل اللحى بين القساوسة والشيوخ ... ولا افطار الوحدة الوطنية فى الكنائس ... ولكنهم يريدون حقوق المواطنة الكاملة على قدم المساواه مع مسلمى الوطن .

لقد كسر هؤلاء الشركاء حاجز الخوف والرهبة ... وخرجوا من التقوقع داخل الذات وداخل الكنيسة ليقولوا : نحن هنا ... يرفضون داخلهم الدولة الدينية ومظالمها التى عانوا منها طويلا ... وذلك عندما لاحظوا ان الثورة التى شاركوا فيها تكاد تصب فى خانه الاخوان المسلمين لاقامة الدولة الدينية ذات المرجعية الدستورية ( بدلا من المرجعية الدينية) كما صرحوا مؤخرا... فى تلاعب لفظى لا ينطلي علي من يعرف تاريخهم ..

هذا هو ما يدور فى الذهنية المسيحية و الذي دفعهم الي ما يقومون به حاليآ .. و هو الذي جعل كثيرآ من الزملاء يغضبون من موقفهم الحالي بدون ان يحاولوا للحظة معرفة السبب الحقيقي ..

اذا ضاق الوطن بالأنسان فهو يلجأ الي وطن بديل ... و لسنوات ضاق الوطن بالمسيحيين فلجأ الي كنيسته كوطن بديل يلوذ بها... و من لم تسعه تلك الكنيسة فقد لجأ الى التقوقع داخل الذات .

ولكن الآن خرج المسيحى من تلك العباءة رافضا توازناتها السياسية ليطالب بحقه فى وطنه الكبير : مصر ...

[ozoozo]

أكذب لو أقول انني ضد أعتصام الأقباط الحالي امام ماسبيرو .. بل أنني اجدها تحقيقآ لما طلبت به شخصيآ منذ سنوات عديدة علي صفحات المحاورات ... ان يخرجوا من عباءة الكنيسة و ان لا تتم مظاهراتهم و التعبير عن غضبهم داخل اسوارها... و ان يعبروا عن رأيهم كمواطنين مصريين لهم كل الحقوق و الواجبات التي يشاركون فيها جميع المصريين ...

تتسائلون في استياء و غضب يصل الي حد الأتهام بالخيانة .. لماذا هم هناك حتي الآن .. بالرغم من ان ما حدث في موضوع أطفيح بكل ما يحمل من رموز واضح تمامآ ... الطلب و ان كان موضوع أطفيح هو ظاهره و لكن قلب المسألة النابض هو القضاء نهائيا على مفهوم اهل الذمة وبالتالى القضاء على حلم جماعة الاخوان المسلمين فى اقامة الدولة الدينية و الظاهر لكل ذي عين الآن .

لقد حاول التيار الدينى بعد نجاح ثورة 25 يناير ( رغم احجامهم عن المشاركة فيها منذ البداية ) ان يسرقوا الثورة من صناعها الحقيقيين الشباب فى البداية ثم الشعب كله فى النهاية ..

ولكننا امام ذلك نرى القوات المسلحة وهى تحاول اعادة الاوضاع الطبيعية الى قرية صول تستعين برجال الدين من الطرفين لتهدئة النفوس ... فجهاز الشرطة وفعاليات الدولة المركزية غائبين عن الساحة والقوات المسلحة لاتريد الدخول فى مواجهات حاسمة مع او ضد احد الطرفين لتطبيق صارم للقانون كان يستدعيه الموقف .... و في الجهة الأخري تناقلت نشرات الأخبار أقوال أهل القرية انهم سينفذون فقط شرع الله في مسألة اعادة بناء هذه الكنيسة ... و الأمر كله يتوقف علي ذلك ...

وتاتى الفرصة على طبق من الذهب للداعية السلفى المعروف محمد حسان والمعروف بتشدده الدينى ... فنراه يقف خطيبا منتشيا جهوريا امام الآلاف ليتحدث عن وصايا الرسول الكريم باهل الذمه من الاقباط مثل ( من أذى ذميا فقد آذانى ... ومن آذى ذميا فأنا خصيمه يوم القيامه .... واذا فتح الله عليكم بمصر فاستوصوا بالقبط خيرا فأن لكم فيها نسبا ..... الخ ) . خطبه ( عصماء .. !!) وفرصه ذهبيه لتاكيد النجومية والقدرة على تحريك الجماهير فى رساله لها مغزاها خصوصا ان الجالس على يمينه هو اللواء قائد المنطقة المركزية . وبعدها تم اخلاء موقع الكنسية المهدم من الغوغاء وتسليمه للقوات المسلحة .... !!

لم يسمع الأقباط عن شراكة الوطن ... ولم يسمعوا عن الحقوق المتساوية لجميع المواطنين بغض النظر عن الدين والعرق واللون.. فكلها مفاهيم ليست لها اى اسانيد بالنسبة لهذا التيار الذي ابتدأ يرفع رأسه بيننا و ان جمل مظهره بمعسول الكلام ... لقد استمعوا فقط الي انهم أهل ذمة .. و ان كنيستهم ستعود اليهم فقط اذا لم يتعارض هذا مع الشريعة ...

تم استلام موقع الكنيسة... وتعهدت القوات المسلحة باعاده بناءه على نفس المساحة دون ان ينقص سنتيمترا واحدا ( حسب مطلب احد القساوسة ) وعاد المطرودين الى بيوتهم فى القرية مقابل ضمان حماية القوات المسلحة لهم .

عايزين ايه بقي تاني ؟؟؟ يتسائل الأعزاء ...

لماذا الاعتصام حتى اليوم امام مبنى الاذاعة والتلفزيون ...

لماذا التظاهر فى فى مناطق مختلفة من القاهرة مثل القلعة ومنشاة ناصررغم تلبية مطالبهم ؟

لماذا الصدام بين المسلمين والمسيحيين خلال هذه المظاهرات ؟ . فمن الملاحظ ان المعتصمين امام مبنى الاذاعة بينهم عدد من شباب الثورة المسلمين يساندونهم ... عكس مظاهرات المقطم ومنشية ناصر الذى خرج اليهم المسلمين للصدام... انه الفارق الحضارى بين ثوار 25 يناير المثقف الواعى و الذي يطالب بالدولة المدنية ... وبين سكان المناطق العشوائية من السوقة والدهماء المغيبن دينيا من انصارمحمد حسان ومن على شاكلته الذين زيفوا وعيهم فى تكفير النصارى وخروجهم من دائرة المواطنة ووجوب دفع الجزية( ان امكن ..!! ) .. ثم جاءوا الآن ليتصدروا المشهد متحدثين عن مواطنة منقوصة متمثلة فى الاحسان الى اهل الذمه .

ان شركاء الوطن الاقباط المستمرين فى التظاهر يحركهم ميراث طويل من الازدراء والاقصاء والتكفير ... لايريدون ان يكونوا مجرد اهل ذمه ينتظرون الاحسان من اهل البلاد ... ولايريدون ان يعيشوا كأقليات فى حماية الشرطة او القوات المسلحة ويتعرضون بين الحين والاخر الى ايذاء معنوي و جسدي يصل الي حد القتل .. لا يريدون حرق الكنائس و الديار يليها المؤتمرات الشعبية والجلسات العرفية والتى تنتهى غالبا بتقبيل اللحى بين القساوسة والشيوخ ... ولا افطار الوحدة الوطنية فى الكنائس ... ولكنهم يريدون حقوق المواطنة الكاملة على قدم المساواه مع مسلمى الوطن .

لقد كسر هؤلاء الشركاء حاجز الخوف والرهبة ... وخرجوا من التقوقع داخل الذات وداخل الكنيسة ليقولوا : نحن هنا ... يرفضون داخلهم الدولة الدينية ومظالمها التى عانوا منها طويلا ... وذلك عندما لاحظوا ان الثورة التى شاركوا فيها تكاد تصب فى خانه الاخوان المسلمين لاقامة الدولة الدينية ذات المرجعية الدستورية ( بدلا من المرجعية الدينية) كما صرحوا مؤخرا... فى تلاعب لفظى لا ينطلي علي من يعرف تاريخهم ..

هذا هو ما يدور فى الذهنية المسيحية و الذي دفعهم الي ما يقومون به حاليآ .. و هو الذي جعل كثيرآ من الزملاء يغضبون من موقفهم الحالي بدون ان يحاولوا للحظة معرفة السبب الحقيقي ..

اذا ضاق الوطن بالأنسان فهو يلجأ الي وطن بديل ... و لسنوات ضاق الوطن بالمسيحيين فلجأ الي كنيسته كوطن بديل يلوذ بها... و من لم تسعه تلك الكنيسة فقد لجأ الى التقوقع داخل الذات .

ولكن الآن خرج المسيحى من تلك العباءة رافضا توازناتها السياسية ليطالب بحقه فى وطنه الكبير : مصر ...

لو اسرائيل علي الباب بتحاربنا

وبعض الناس استغلوا حاله عدم الاتزان في البلاد للضغط علي الدوله لعلمهم جيدا بعدم الاستطاعه علي المحاربه في جبهتين

سواء اقباط عشان اي حاجه -اشمعنا دلوقتي ماكان في 30 سنه-

سواء سلفيين بكامليتهم

سواء فئويين بمطالبهم انهم يزيدوا 100 جنيه

ممكن تسمي ده ايه ؟

وبعدين موضوع محمد حسان هو ليس تصعيد ديني للسلفيين لكن احنا عمرنا ما عيشنا في دوله مدنيه

مش هاقدر بين يوم وليله اقول للمسيحيين والمسلمين فضوا فتنتكم اصلنا داخلين علي مدنيه

لكننا في موقف طارئ

وفي المواقف دي

وعلي حسب ربايتنا يامصريين مسيحيين ومسلميين

مش هايتسمع غير صوت الدين

وبعدين مش فاهم ايه اللي أذي مشاعر حضرتك لما نبينا يقول ماـاذوش مسيحي او يهودي واللي هايعمل كدا هايكون اذاني شخصيا

هل كلمه ذميا هي المشكله

اظن ان الكلمه دي قتلت بحثا من قبل واظن حضرتك عارف كويس انها مش كلمه وحشه انما تعبر عن اصحاب العهود والذمه عشان الحاله اللي كان فيها العالم ساعتها وحروب الرومان مع المسلمين

[لونا]

الكل عمال يتكلم و الكل عمال يتخانق سواء مسلمين او مسيحين

و اللطيف ان لا حد هنا في المنتدى من اطفيح و لا شاف بعينه اللي حصل

كله معتمد على السمع

و بعيد عنكم السمع دا جي منين

و العياذ بالله من التليفزيون المصري

استغفر الله العظيم من كل ذنب عظيم

تصدقوا انا بدأت اؤمن بفكرة ان التليفزيون حرام

و منين كمان الاخبار من جرنان اخر الاسبوع و الاهرام

الكل بيتخانق و صوته عالي

صوتكم علي على صوت مصر تصدقوا

مش هاقولكم غير كلمة واحدة اتقوا اللـــــــــــــــــــــــــــه

فضلا لا امرا

باستحلفكم بالله

كل واحد دلوقتي يحط لسانه جوه بؤه و يسكت لحد ما مصر تفوق

كل يحط لسانه جوه بؤه لحد ما مصر توقف على رجليها

ليه نساعد في اضعاف حكومة الراجل اللي بنثق فيه

مش حاربنا و فضلنا نصوت لحد ما شالوا شفيق و قولنا الحمدلله جه واحد ايده طاهرة و نضيفة و خايف على البلد

قوم لما كان شفيق موجود ما حدش طلع قال كلمة واحدة عن التوتر الديني و مش هاقول فتنة طائفية

و اول ما جه الراجل المحترم و وزارته المحترمة نقوم احنا بقى كل واحد واخد فأس و نازل هدم فيها

سواء بحسن نية او بسوء نية بس للاسف في الوقت الحالي الاتنين سواااااااااااااااااااء

الراجل و وزراءه اكده اكتر من مرة ان القانون هايطبق

بس معلش مش هاندوس على زرار الصبح يحل المشكلة

مبارك و شلته المقرفة قعدوا يغذوا الاتجاه دا سنين

استحاله شغل سنين و شغل عالي اوي هايهده دكتور شرف في يوم

يبقى لازم نساعده مش عشانه هو لا عشان مصر

لو بتحبوها من قلبكم مسلم او مسيحي هنا

اسكتوا قفلوا على مواضيع الخلاف دلوقتي

و هايجي الوقت و قريب اللي الكل هايقعد يقول طلباته

و القانون هايطبق

عجبتني كلمة لدكتور يحيى الجمل

قال:"كان في ناس فاكرين نفسهم فوق القانون و هما دلوقتي في السجن لكن الحمدلله المجموعة دي و قصده على مجموعة وزراء حكومة الانقاذ الوطني برئاسة دكتور شرف عارفين و مقتنعين بإن لا احد فوق القانون"

كلام خير و متفائلة بيه ان شاء الله

سبحان الله على الناس اللي نفسها قصير

يا اخوانا فات الكتير ما بقى الا القليل

اصبروا دا الصبر مفتاح الفرج

بالله عليكم تاني

لو فيكم مسلم او مسيحي بيحب مصر كل واحد يطلع يكتب كده

عشان انا باحب مصر مش هاتكلم في موضوع الكنيسة دلوقتي

عشان انا بحب مصر مش هاطلع اتكلم في حوار كاميليا شحاتة دلوقتي

و حاجه اخيرة بقى مني انا

انا مصرية بحب مصر و مش هاقدر اشوف ولاد بلدي بيتخانقوا و يقتلوا بعض عشان شوية جدران سواء مسجد او كنيسة

و هاقولكم اللي اكتر انا مش مع بناء مسجد جديد او كنيسة جديدة في مصر دلوقتي

عاوزة ابني مصنع عشان ما امدش ايدي اشتري من برة و الاقي كلمة صنع في مصر منورة على كل حاجه بدل كلمة صناعة صينية اللي كرهتني في الدنيا

عاوزة ابني مدرسة عشان العيال المتكربسة على بعض يعرفوا يتعلموا و يحسوا بآدميتهم في المدرسة

عاوزة ابني مستشفى على اعلى مستوى لعلاج الفقراء في مصر بالمجان

و اقولكم اللي اكتر من كده كمان

انا مصرية مسلمة باطالب الحكومة الجديدة بهدم الزوايا اللي ملت مصر لدرجة ان بين كل زاوية و زاوية 10 زوايا

الدين مش بناء مساجد و كنايس

الدين تطبيق التعاليم لاعمار الارض

الله يسامحكم وجعتولي قلبي

ربنا يبارك لك يا ريمو

كان نفسي أقول الكلام ده

بس ما كنتش حاعرف أقوله أحسن من كدة

تم تعديل 13 مارس 2011 بواسطة لونا

[capitshino]

وتاتى الفرصة على طبق من الذهب للداعية السلفى المعروف محمد حسان والمعروف بتشدده الدينى ... فنراه يقف خطيبا منتشيا جهوريا امام الآلاف ليتحدث عن وصايا الرسول الكريم باهل الذمه من الاقباط مثل ( من أذى ذميا فقد آذانى ... ومن آذى ذميا فأنا خصيمه يوم القيامه .... واذا فتح الله عليكم بمصر فاستوصوا بالقبط خيرا فأن لكم فيها نسبا ..... الخ ) . خطبه ( عصماء .. !!)

يا استاذ سكوربيون

هذا هو الدين الاسلامى ... وهذه هى احاديث محمد صلى الله وعليه وسلم

للاسف لو كان يستطيع تاليف احاديث تناسب حضرتك لكان فعل !

اما بخصوص ان الوطن قد ضاق بالمسيحين .. فالوطن سيدى الفاضل كان قد ضاق بكل المصريين وليس المسحيين فقط .

[ابو محمود]

وتاتى الفرصة على طبق من الذهب للداعية السلفى المعروف محمد حسان والمعروف بتشدده الدينى ... فنراه يقف خطيبا منتشيا جهوريا امام الآلاف ليتحدث عن وصايا الرسول الكريم باهل الذمه من الاقباط مثل ( من أذى ذميا فقد آذانى ... ومن آذى ذميا فأنا خصيمه يوم القيامه .... واذا فتح الله عليكم بمصر فاستوصوا بالقبط خيرا فأن لكم فيها نسبا ..... الخ ) . خطبه ( عصماء .. !!)

يا استاذ سكوربيون

هذا هو الدين الاسلامى ... وهذه هى احاديث محمد صلى الله وعليه وسلم

للاسف لو كان يستطيع تاليف احاديث تناسب حضرتك لكان فعل !

اما بخصوص ان الوطن قد ضاق بالمسيحين .. فالوطن سيدى الفاضل كان قد ضاق بكل المصريين وليس المسحيين فقط .

مش عارف لية فية ناس بتموت فى التجربة اتمنى الا يجرب مسيحيين مصر ما كان يفعلة امن الدولة فى شباب المسلمين يارب ما حد يجربها تانى

وبعدين يعنى لازم تجربو علشان تعرفو النار بتلسع ولا اسمها نار بس

[fatfouta]

بدء العمل فى اعادة بناء كنيسة أطفيح

http://www.youtube.com/watch?v=6AALcQBa6q8&feature=player_embedded

http://www.youtube.com/watch?feature=player_embedded&v=UaD7V34k6Ik

[Scorpion]

بالرغم من وضوح ما كتبته و الذي ليس له علاقة من بعيد او من قريب بما تريد حضرتك الأيحاء به من اعتراضي علي كلام الرسول عليه السلام ... فها انا اعيدها مرة أخري بصورة لا لبس فيها ..

انا كمسيحي لا أريد و لست مضطرآ و لن أوافق أبدآ في عصرنا هذا ان أكون في ذمة أحد ... اي أحد ..

أنا كمسيحي في هذا الوطن و في هذا العصر أرغب أن أكون مصري فقط ... مثلي مثل أي مواطن آخر لا أفضلية فيه لأحد علي الآخر لأي سبب ...

[capitshino]

بالرغم من وضوح ما كتبته و الذي ليس له علاقة من بعيد او من قريب بما تريد حضرتك الأيحاء به من اعتراضي علي كلام الرسول عليه السلام ... فها انا اعيدها مرة أخري بصورة لا لبس فيها ..

انا كمسيحي لا أريد و لست مضطرآ و لن أوافق أبدآ في عصرنا هذا ان أكون في ذمة أحد ... اي أحد ..

أنا كمسيحي في هذا الوطن و في هذا العصر أرغب أن أكون مصري فقط ... مثلي مثل أي مواطن آخر لا أفضلية فيه لأحد علي الآخر لأي سبب ...

كلام حضرتك مغلوط سيدى الفاضل

انا لم اتهمك بانك تعترض على كلام محمد "صلى الله عليه وسلم" فقط كنت اوضح ان هذا رجل دين ويستشهد بكتاب الله وسنة محمد "صلى الله عليه وسلم"

وانا فى شدة الحزن ان شخص مثقف مثل حضرتك لا يقف ضد استمرار المظاهرات حتى الان .

[ozoozo]

بالرغم من وضوح ما كتبته و الذي ليس له علاقة من بعيد او من قريب بما تريد حضرتك الأيحاء به من اعتراضي علي كلام الرسول عليه السلام ... فها انا اعيدها مرة أخري بصورة لا لبس فيها ..

انا كمسيحي لا أريد و لست مضطرآ و لن أوافق أبدآ في عصرنا هذا ان أكون في ذمة أحد ... اي أحد ..

أنا كمسيحي في هذا الوطن و في هذا العصر أرغب أن أكون مصري فقط ... مثلي مثل أي مواطن آخر لا أفضلية فيه لأحد علي الآخر لأي سبب ...

فعلا واضح جدا ان حضرتك كمسيحي كما كررتها تريد ان تكون مصري فقط

[pink rose]

بالرغم من وضوح ما كتبته و الذي ليس له علاقة من بعيد او من قريب بما تريد حضرتك الأيحاء به من اعتراضي علي كلام الرسول عليه السلام ... فها انا اعيدها مرة أخري بصورة لا لبس فيها ..

انا كمسيحي لا أريد و لست مضطرآ و لن أوافق أبدآ في عصرنا هذا ان أكون في ذمة أحد ... اي أحد ..

أنا كمسيحي في هذا الوطن و في هذا العصر أرغب أن أكون مصري فقط ... مثلي مثل أي مواطن آخر لا أفضلية فيه لأحد علي الآخر لأي سبب ...

مش لما تبقى تقوم بالسلامة الاول و تقف على رجليها نبقى نقول عاوزين نكون مصريين بس

الكل هنا و في مواقع كتير وضح اننا مستائين من المطالب الفئوية ايا كانت

و انا من ضمن الناس اللي قالت ما فيش داعي لفتح موضوع كاميليا شحاتة و وفاء قسطنطين في الظروف دي و هايكون في وقت بعدين المهم دلوقتي نوقف البلد دي

جت تظاهرات الاخوة الاقباط و تمت تلبية المطالب مش خوف منهم بل احتراما للعدل ببناء الكنيسة في مكانها و بنفس مساحتها و على نفقة القوات المسلحة

يبقى ليه بقى استغلال الوقت و ادي مطالب تانية

طلعولنا القس المزور المحكوم عليه و القوات المسلحة طلعته

ايه تاني مش هانمشي الا لما الكنيسة تتبني طيب ادي القوات المسلحة النهاردة بدأت في البناء بالفعل

ها ما مشيتوش ليه؟

لا شيلوا محافظ حلوان و المنيا و اللطيف ان صدر قرار من كام يوم باقالة المحافظ دا فعلا من قبل ما الاخوة يطالبوا بدا

يبقى في ايه

يا جماعة مطالبكم و مظالمكم مش مننا احنا مش من مصر

اللي عملوا المخطط القذر دا غاروا في داهية

ليه مصرين على سوء النية و توجس الخيفة

خايفة تفضل المطالب تزيد و يجي وقت معلش اسمحلي الجيش يفقد اعصابه خلاص عملنا كتير و يبدأ يفض الاعتصام بالقوة زي التحرير ساعتها انا اسفة هايكون عنده حق

معاك ان اول مرة الاقباط يتظاهروا خارج جدران الكنيسة و دا امر مبشر صدقني و كلنا مقدرينه بس في نفس الوقت في مثل بيقول

ان كان حبيبك عسل ما تلحسوش كله

الجيش صبر كتير على مظاهرات التحرير بعد تولي حكومة شرف و انا شايفة انه كده كمان صبر كتير على مظاهرات ماسبيرو

عشان كده باقول ندي فرصة للناس يشتغلوا

عازوين نحس بالانجاز بقى

مش كله مظاهرات مظاهرات

فين بقى وقت الشغل اللي كلنا قولنا عليه

على فكرة كلامي هنا مش عشان اللي بيتظاهروا اقباط لاني قولت نفس الكلام دا قبل كده على مظاهرات التحرير بعد تولي دكتور شرف

عانينا كلنا كتير قبل كده سيبونا نشم نفسنا بقى(الجمع في كلامي مقصود بيه المصريين)

كلامي اللي باقوله من القلب و اتمنى كمان انه يوصل للقلب

[psychologyteacher]

يا أستاذ : psychologyteacher

لي ملاحظة على المكتوب بالأحمر لأن مفيش آيه في القرآن بتقول كده ولكن الآية الصريحة بتقول ( وَلْيَحْكُمْ أَهْلُ الإِنجِيلِ بِمَا أَنزَلَ اللَّهُ فِيهِ وَمَن لَّمْ يَحْكُم بِمَا أَنزَلَ اللَّهُ فَأُولَئِكَ هُمُ الْفَاسِقُونَ )

استاذ 'tarek hassan'

هى دى يعنى اللى وقفت عندها

يا سيدى انا قلتها بما معناه يعنى لأنى مش حافظ الآية

كنت اتمنى انك توقف عن مظلمة مثلا وتردها لصحابها ولو بالرأى

او كلمة حق تقولها ورزقك على الله

[Scorpion]

فعلا واضح جدا ان حضرتك كمسيحي كما كررتها تريد ان تكون مصري فقط

والله يا استاذي الفاضل اذا وجدت ان كونك مسلم يتعارض مع كونك مصري .. ففي حالتي لا أجد اي اعتراض ... الأعتراض هو انه يوجد هناك من يريدني ان اكون محصورآ فقط في نطاق ديانتي ... و يعاملني بأسلوب المن عندما يتعلق الأمر بحقوقي ... و هذا لا يقبله اي انسان سوي ...

[pink rose]

يا أستاذ : psychologyteacher

لي ملاحظة على المكتوب بالأحمر لأن مفيش آيه في القرآن بتقول كده ولكن الآية الصريحة بتقول ( وَلْيَحْكُمْ أَهْلُ الإِنجِيلِ بِمَا أَنزَلَ اللَّهُ فِيهِ وَمَن لَّمْ يَحْكُم بِمَا أَنزَلَ اللَّهُ فَأُولَئِكَ هُمُ الْفَاسِقُونَ )

استاذ 'tarek hassan'

هى دى يعنى اللى وقفت عندها

يا سيدى انا قلتها بما معناه يعنى لأنى مش حافظ الآية

كنت اتمنى انك توقف عن مظلمة مثلا وتردها لصحابها ولو بالرأى

او كلمة حق تقولها ورزقك على الله

و فيها ايه يا استاذي لما يوضح لحضرتك الآية

ليه حضرتك اخدتها بالمعنى الوحش

اللي فهمته ان استاذ طارق بيوضح الآية الصحيحة

و كان هايعمل نفس الحكاية لو مسلم كتب نفس كلامك

توضيح الايات مش جريمة عشان حضرتك تزعل كده

لا اله الا الله

ما تصلوا على النبي بقى مالكم كده

انا حاسة زي ما اكون واقفة بافض خناقة و مش ملاحقة على اللي هنا و لا اللي هنا

انا بجد تعبت و الله بقى

الله يهديكم يا رب

[ozoozo]

فعلا واضح جدا ان حضرتك كمسيحي كما كررتها تريد ان تكون مصري فقط

والله يا استاذي الفاضل اذا وجدت ان كونك مسلم يتعارض مع كونك مصري .. ففي حالتي لا أجد اي اعتراض ... الأعتراض هو انه يوجد هناك من يريدني ان اكون محصورآ فقط في نطاق ديانتي ... و يعاملني بأسلوب المن عندما يتعلق الأمر بحقوقي ... و هذا لا يقبله اي انسان سوي ...

استاذي العزيز

استاذ كامل

امن المسلم المصري واجب عليا اولا عشان ديني امرني بيه وثانيا عشان هو ابن بلدي

اما امن المسبحي واجب عليا برضه عشان ديني امرني بيه وثانيا عشان هو ابن بلدي

ممكن نسيب فرصه نبني مصر وبعدين ندبح بعض

فعلا مشاعر الوحده التي عاصرت الثوره وصوره المسيحيين اللي بيحموا المسلمين في صلاتهم واللي ابكاني كثيرا

بدأت تتشرخ بداخلي الان

فاكر المداخله دي من حوالي اربع شهور

الارسال 04 November 2010 - 01:32 AM انا عندي فكره

ايه رايكم ندبح بعض

بجد يعني كل مسلم يشوفله اتنيين مسيحيين مبقلظين كده ويدبحهم والمسيحي بعمل نفس الشئ وينزل يدبحله اتنين مسلمين

هاه تمام كده .....طيب ايه رايكم ناحل الدبح ده بعد عشره او عشرين سنه

ومايتمش الدبح غير بشرط ان مصر تنهض ونبقي زي ماليزيا مثلا

وكل واحد فينا يبقي عنده الحافز انه يطور بلده لتحقيق الشرط اللي هايبتدي بيه يدبح الطرف التاني وينهيه خالص

نيجي بعد عشرين سنه ......بقينا زي ماليزيا

خلاص دلوقتي كل واحد يقدر يدبح التاني عادي من غير مشاكل

يالا يا محمد ادبح جرجس

محمد هايبتدي يتردد عشان جرجس هو اللي بيسوق العربيات اللي بينتجها مصنع محمد

يالا يامينا ادبح احمد

مينا ها يتردد وهايرفض عشان احمد هو اللي بيعمل السوفتوير لاجهزه الموبايلات اللي بيصنعها مينا في مصنعه

الخلاصه ياساده سبب الفتنه هو الفقر

وعدم وجود مصالح مشتركه بين المسلميين والمسيحيين في مصر

اذا وجدت المصالح المشتركه كل واحد هايخاف علي التاني

تم تعديل 13 مارس 2011 بواسطة ozoozo

[Scorpion]

الأخت الفاضلة ريمو ..

لآ أدري بالفعل السبب في الأصرار علي تصوير ما يحدث علي انها مطالب فئوية ... لا أجدهم يطالبون بأي مطالب مادية حتي يتم تصنيفهم كذلك .. ما أراه هو تعبير عن مخاوف ( مشروعة ) من بداية لحقبة جديدة أبتدأت تتشكل معالمها مختلفة عما حملته تلك الثورة من مباديء آمنوا بها و توسموا فيها كل خير مثل جموع المصريين .... معالم لو ثبتت أقدامها ستكون سيئة للغاية ..

لذا أكرر انا لا ألومهم و أحييهم هم و الأخوة المسلمين المعتصمين معهم علي الثبات علي موقفهم الي ان تظهر الرؤية ...

الم يكن هذا درس الشباب للمصريين كلهم لمدة 18 يوم متواصلة و تكراره كل يوم جمعة .. لماذا عندما كان البعض يطالبهم بالكف ... "عايزين ايه تاني" .. كان هذا الطلب يرد بالأستهجان و اتهامات التخوين و الترجيف ... و الآن يتم المطالبة بالعكس ؟؟؟

علي اية حال تلك كانت مجرد وجهة نظر وددت ان الفت بها الأنتباه عن سبب ما يدور من وجهة نظر قبطية .. و الذي انتظر ان يتم التفكير فيها بجدية بدون أتخاذ الطريق الأسهل و المريح للضمير ... و الذي يجد الحل في اتهامات التخوين و التهوين فيما يحدث ... و لم يعد لدي ما أضيفه ...

تحياتي ...

[doha]

أكذب لو أقول انني ضد أعتصام الأقباط الحالي امام ماسبيرو .. بل أنني اجدها تحقيقآ لما طلبت به شخصيآ منذ سنوات عديدة علي صفحات المحاورات ... ان يخرجوا من عباءة الكنيسة و ان لا تتم مظاهراتهم و التعبير عن غضبهم داخل اسوارها... و ان يعبروا عن رأيهم كمواطنين مصريين لهم كل الحقوق و الواجبات التي يشاركون فيها جميع المصريين ...

تتسائلون في استياء و غضب يصل الي حد الأتهام بالخيانة .. لماذا هم هناك حتي الآن .. بالرغم من ان ما حدث في موضوع أطفيح بكل ما يحمل من رموز واضح تمامآ ... الطلب و ان كان موضوع أطفيح هو ظاهره و لكن قلب المسألة النابض هو القضاء نهائيا على مفهوم اهل الذمة وبالتالى القضاء على حلم جماعة الاخوان المسلمين فى اقامة الدولة الدينية و الظاهر لكل ذي عين الآن .

لقد حاول التيار الدينى بعد نجاح ثورة 25 يناير ( رغم احجامهم عن المشاركة فيها منذ البداية ) ان يسرقوا الثورة من صناعها الحقيقيين الشباب فى البداية ثم الشعب كله فى النهاية ..

ولكننا امام ذلك نرى القوات المسلحة وهى تحاول اعادة الاوضاع الطبيعية الى قرية صول تستعين برجال الدين من الطرفين لتهدئة النفوس ... فجهاز الشرطة وفعاليات الدولة المركزية غائبين عن الساحة والقوات المسلحة لاتريد الدخول فى مواجهات حاسمة مع او ضد احد الطرفين لتطبيق صارم للقانون كان يستدعيه الموقف .... و في الجهة الأخري تناقلت نشرات الأخبار أقوال أهل القرية انهم سينفذون فقط شرع الله في مسألة اعادة بناء هذه الكنيسة ... و الأمر كله يتوقف علي ذلك ...

وتاتى الفرصة على طبق من الذهب للداعية السلفى المعروف محمد حسان والمعروف بتشدده الدينى ... فنراه يقف خطيبا منتشيا جهوريا امام الآلاف ليتحدث عن وصايا الرسول الكريم باهل الذمه من الاقباط مثل ( من أذى ذميا فقد آذانى ... ومن آذى ذميا فأنا خصيمه يوم القيامه .... واذا فتح الله عليكم بمصر فاستوصوا بالقبط خيرا فأن لكم فيها نسبا ..... الخ ) . خطبه ( عصماء .. !!) وفرصه ذهبيه لتاكيد النجومية والقدرة على تحريك الجماهير فى رساله لها مغزاها خصوصا ان الجالس على يمينه هو اللواء قائد المنطقة المركزية . وبعدها تم اخلاء موقع الكنسية المهدم من الغوغاء وتسليمه للقوات المسلحة .... !!

لم يسمع الأقباط عن شراكة الوطن ... ولم يسمعوا عن الحقوق المتساوية لجميع المواطنين بغض النظر عن الدين والعرق واللون.. فكلها مفاهيم ليست لها اى اسانيد بالنسبة لهذا التيار الذي ابتدأ يرفع رأسه بيننا و ان جمل مظهره بمعسول الكلام ... لقد استمعوا فقط الي انهم أهل ذمة .. و ان كنيستهم ستعود اليهم فقط اذا لم يتعارض هذا مع الشريعة ...

تم استلام موقع الكنيسة... وتعهدت القوات المسلحة باعاده بناءه على نفس المساحة دون ان ينقص سنتيمترا واحدا ( حسب مطلب احد القساوسة ) وعاد المطرودين الى بيوتهم فى القرية مقابل ضمان حماية القوات المسلحة لهم .

عايزين ايه بقي تاني ؟؟؟ يتسائل الأعزاء ...

لماذا الاعتصام حتى اليوم امام مبنى الاذاعة والتلفزيون ...

لماذا التظاهر فى فى مناطق مختلفة من القاهرة مثل القلعة ومنشاة ناصررغم تلبية مطالبهم ؟

لماذا الصدام بين المسلمين والمسيحيين خلال هذه المظاهرات ؟ . فمن الملاحظ ان المعتصمين امام مبنى الاذاعة بينهم عدد من شباب الثورة المسلمين يساندونهم ... عكس مظاهرات المقطم ومنشية ناصر الذى خرج اليهم المسلمين للصدام... انه الفارق الحضارى بين ثوار 25 يناير المثقف الواعى و الذي يطالب بالدولة المدنية ... وبين سكان المناطق العشوائية من السوقة والدهماء المغيبن دينيا من انصارمحمد حسان ومن على شاكلته الذين زيفوا وعيهم فى تكفير النصارى وخروجهم من دائرة المواطنة ووجوب دفع الجزية( ان امكن ..!! ) .. ثم جاءوا الآن ليتصدروا المشهد متحدثين عن مواطنة منقوصة متمثلة فى الاحسان الى اهل الذمه .

ان شركاء الوطن الاقباط المستمرين فى التظاهر يحركهم ميراث طويل من الازدراء والاقصاء والتكفير ... لايريدون ان يكونوا مجرد اهل ذمه ينتظرون الاحسان من اهل البلاد ... ولايريدون ان يعيشوا كأقليات فى حماية الشرطة او القوات المسلحة ويتعرضون بين الحين والاخر الى ايذاء معنوي و جسدي يصل الي حد القتل .. لا يريدون حرق الكنائس و الديار يليها المؤتمرات الشعبية والجلسات العرفية والتى تنتهى غالبا بتقبيل اللحى بين القساوسة والشيوخ ... ولا افطار الوحدة الوطنية فى الكنائس ... ولكنهم يريدون حقوق المواطنة الكاملة على قدم المساواه مع مسلمى الوطن .

لقد كسر هؤلاء الشركاء حاجز الخوف والرهبة ... وخرجوا من التقوقع داخل الذات وداخل الكنيسة ليقولوا : نحن هنا ... يرفضون داخلهم الدولة الدينية ومظالمها التى عانوا منها طويلا ... وذلك عندما لاحظوا ان الثورة التى شاركوا فيها تكاد تصب فى خانه الاخوان المسلمين لاقامة الدولة الدينية ذات المرجعية الدستورية ( بدلا من المرجعية الدينية) كما صرحوا مؤخرا... فى تلاعب لفظى لا ينطلي علي من يعرف تاريخهم ..

هذا هو ما يدور فى الذهنية المسيحية و الذي دفعهم الي ما يقومون به حاليآ .. و هو الذي جعل كثيرآ من الزملاء يغضبون من موقفهم الحالي بدون ان يحاولوا للحظة معرفة السبب الحقيقي ..

اذا ضاق الوطن بالأنسان فهو يلجأ الي وطن بديل ... و لسنوات ضاق الوطن بالمسيحيين فلجأ الي كنيسته كوطن بديل يلوذ بها... و من لم تسعه تلك الكنيسة فقد لجأ الى التقوقع داخل الذات .

ولكن الآن خرج المسيحى من تلك العباءة رافضا توازناتها السياسية ليطالب بحقه فى وطنه الكبير : مصر ...

لا اخفيك سيدي الفاضل فمداخلتك دي على قدر ماتفهمت وجهة نظرك فيها على قدر مااحزنتني وبعمق ..

بقدر صراحتك وعدم لجوئك للمجاملات المعتاده عند الحديث عن مثل هذا الموضوع الشائك .. ومش هكون اقل منك صراحه واقولك اني شايفه الناس دي واخده حقها .. حقيقة متفهمه لموقف المسيحيين المتظاهرين وعن نفسي مبشوفش في تقبيل الشيوخ للقساوسه شيء ممكن يحل ازمه موجوده وبقوة على ارض الواقع . .

يعني لو حطيت نفسي مكانهم ولقيت ان حياتي ممكن تكون مهدده بسبب عقيدتي او ان دار عبادتي ممكن يكون مهدد فاعتقد مش هيكفيني ابدا مجرد الاعتذار او التعويض .. اعتقد لو الفرصة اتيحت لي لمزيد من المطالب الي تخليني آمن على نفسي و( آخذ وضعي ) في بلدي الي بقالي سنين بينلعب في ودني اني مضطهده فيها فاكيد مش هتردد ..

كل ده اظننا متفقين عليه بس ماآلمني فعليا هو وجهة نظرك حول مفهومنا كمسلمين لأهل الذمة .. وجهة نظرك الي همني اقراها ليس لكونك مسيحي فقط وانما لانك مسيحي مثقف يعني اكيد لما هتقول حاجه فانت عارف بتقول ايه والغالب ان رايك بيمثل راي الاغلبية من ابناء عقيدتك . .

ياسيدي الفاضل انا مش هدافع عن مفهوم الذمية عندنا بس زي ماتفقنا خلينا نتكلم بواقعية ..

نسبة المسيحيين في مصر اقل بكتير جدا من نسبة المسلمين .. ان يبقى لكم حقوق ده اكيد مفروغ منه زيكم زينا متقلوش عننا ملي .. لكن . .ايهما احسن لهذا العدد القليل .. ان ينصهر في دولة كبيرة لها وزنها في منطقتها والعالم ولا ينعزلوا في دويلة صغيره محاطه باثنين او ثلاثه من الدويلات المسلمه المتشدده الي هتتربص بيهم بكل تأكيد ؟

عدد المسيحيين القليل مش هيتيح لهم غير انهم يبقوا في حماية المسلمين .. مش احسان مننا وانما لان وجودكم وسطنا بيعززنا يبقى فرض علينا نعززكم .. احنا كمصريين محتاجين لبعض سواء كنا مسلمين او مسيحيين ومحدش مننا بيعمل كده احسان او فضل على الثاني وانما انا بمد لك ايدي لاني محتاجالك بالظبط زي ماانت مفروض مترفضش الايد الممدوده دي لانك برضه محتاجها . .

مش هينفع هنا اني اتحجج بالاخوان واقول اصل لو مسكوا البلد هيخربوها على دماغنا .. زي ماقلت لحضرتك فلو خربت هتخرب على الكل مسلم ومسيحي ومش من مصلحه اي حد فينا انه ( يتحسس ) من كلمات بيعنها او فئة معينة ..

المسيحيين المصريين زيهم زي المسلمين المصريين كلنا لو ضاق بينا الوطن فللاسف ملناش اي وطن تاني حتى لو حاولنا يكون لنا .. مفيش

انا مش عارفه مطالب الناس الي معتصمه عند ماسبيرو وصلت لفين ولا عارفه مين وراهم ولا حتى ان كانوا مسيحيين بس ولا بينهم عناصر مدسوسه هدفها تبقي الفتنة مشتعلة .. لكن الي اعرفه ان المصريين ابقى لبعض من الحكومة او حتى من اي جهات خارجية ممكن تستفيد من تأزم الوضع .. وان مهما كان للمسييحيين من آمال او تطلعات فمش هيكون وضعهم كويس غير وسط اهلهم المسلمين مش في اي وسط تاني .. اعتقد وبكل اسف ان الاعتصام ده وان كانت اسبابه مبرره ودوافعه مفهومه الا ان نتائجه قد تكون وخيمه ومش دي ابدا الطريقة الي ممكن ينال بيها المسيحي حقه لان حتى لو الحكومه استجابت فهياخذ رضاها باليمين ويكسب الاهم وهو سخط شركاء الوطن بالشمال ..

وربنا يستر على مصر والمصريين ..

[Ahmed Anwer]

الأقباط يشترطون الإفراج عن 11 شاباً لفض اعتصامهم.. والجيش يبدأ بناء كنيسة «صول»

رفض المئات من الأقباط فض اعتصامهم ظهر الأحد أمام مبنى الإذاعة والتليفزيون، بعد لقاء وفد منهم الدكتور يحيى الجمل، نائب رئيس الوزراء، فيما بدأت القوات المسلحة إعادة بناء كنيسة الشهيدين فى قرية صول بأطفيح، وهى الكنيسة التى تسبب هدمها فى أحداث طائفية ومظاهرات قبطية غاضبة منذ نحو 9 أيام.

قال رامى كامل، أحد الشباب الذين التقوا يحيى الجمل، إن نائب رئيس مجلس الوزراء وعدهم ببناء مطرانية مغاغة والعدوة بمحافظة المنيا، والبدء فى بناء كنيسة العذراء والأنبا إبرام بعزبة النخل فى القاهرة، وفتح كل الكنائس المغلقة لأسباب أمنية.

وقال إبراهام لويس إن المشكلة التى تؤجل فض الاعتصام تتعلق بالقبض على 11 شاباً منهم بتهمة خرق حظر التجول. كما عاد، الأحد، أقباط صول إلى القرية، ورافقهم عدد كبير ممن فضوا الاعتصام. وقدم رمسيس النجار، المحامى، طلباً إلى المجلس الأعلى للقوات المسلحة لفتح 5 كنائس مغلقة فى المنوفية والمنيا وقنا.

ونظم الآلاف من المواطنين مسيرات ومظاهرات فى 3 محافظات، للتأكيد على الوحدة الوطنية، بمشاركة تلاميذ المدارس وشباب ثورة 25 يناير. ففى القليوبية، أطلق المئات من الأقباط والمسلمين مسيرة بمشاركة شيوخ وقساوسة طوخ، إضافة إلى مسيرة مماثلة فى شبرا الخيمة.

وفى الغربية، تحرك نحو 1000 تلميذ من مدارس طنطا فى مسيرة سلمية تضامناً مع الأقباط ضد الفتنة، وطافت المسيرة شوارع المدينة حتى كائدرائية مارجرجس.

آخر خبر من ساعات قليلة و من مصدر موثوق فيه نوعا المصري اليوم ،،

رغم إن أكثر الأخبار من الدستور و مصراوي و حتي المواقع القبطية بتتحدث عن إنفضاض الإعتصام

[tarek hassan]

يا أستاذ : psychologyteacher

لي ملاحظة على المكتوب بالأحمر لأن مفيش آيه في القرآن بتقول كده ولكن الآية الصريحة بتقول ( وَلْيَحْكُمْ أَهْلُ الإِنجِيلِ بِمَا أَنزَلَ اللَّهُ فِيهِ وَمَن لَّمْ يَحْكُم بِمَا أَنزَلَ اللَّهُ فَأُولَئِكَ هُمُ الْفَاسِقُونَ )

استاذ 'tarek hassan'

هى دى يعنى اللى وقفت عندها

يا سيدى انا قلتها بما معناه يعنى لأنى مش حافظ الآية

كنت اتمنى انك توقف عن مظلمة مثلا وتردها لصحابها ولو بالرأى

او كلمة حق تقولها ورزقك على الله

فرق كبير بين أن يحكم أهل الإنجيل بما أنزل الله فيه كما أخبرنا القرآن

وبين أن يحكم كل واحد بما يدين به ( دون ذكر للأناجيل ) كما عبرت حضرتك ونسبت ذلك إلى ديننا الذي هو براء من قولك هذا

أما حكاية المظالم فأشهد الله أنكم تتمتعون بحقوق أفضل مما نتمتع بها نحن أو تساوونا فيها وأبرأ بكم عن الذلة والمسكنة والبغي على الدولة وكنت أتمنى عليك أن تعترف بالمظالم التي عليكم والتي لا داعي لتكرارها على أسماعكم حيث لا طائل

تم تعديل 13 مارس 2011 بواسطة tarek hassan

[Alshiekh]

السلام عليكم ورحمة الله وبركاته

نداء واستغاثة

إلى كل أهالى قبيلة المسلمين القبطية فى كل أنحاء مصر والعالم

أغيثوا إخوانكم فى قرية اطفيح الغربية الواقعة فى جزر بلاد " دى - تركب - الأفيال العربية "

لقد تعرض عرضكم للأنتهاك ،

لقد تعرض شاب من قبيلة المسيحيين القبطية لإحدى بنات قبيلتكم حيث استطاع بتدبير من شيوخ وائمة الكنيسة أن يوقع البنت فى حبه واصبح يقابلها فى محطة المراكب الرئيسية على شاطئ مصرف الصرف الصحي الرئيسى.

نرجو من جميع ابناء القبيلة تجهيز الطوب والشوم والبنادق وقنابل المولوتوف استعدادا لليوم الذى سنحدده لاحقا

وبصفة مبدئية فقد تقرر ان تبدأ الأعمال التمهيدية بوقفة احتجاجية تطالب بمنع مرور افراد القبيلة الأخرى أمام بيوت قبيلتنا فى مصر وفى انحاء العالم.

ونهيب بكل أخوتنا فى المهجر من قبيلة المسلمين القبطية المهجر ببذل كل مافى وسعهم للوقوف بجانب أخوتهم فى الداخل للحصول على أكبر مكاسب ممكنة.

طيب ممكن واحد يسألنى ويقول لى " ليه أهالى القبيلتين من أهالى أطفيح الغربية الواقعة فى جزر بلاد " دى - تركب - الأفيال العربية " مايقوموش بحل المشكلة أو حتى يلجأوا للنائب العام فى جزر بلاد " دى - تركب - الأفيال العربية " ، أرد عليه وأقول له ، ان شاء الله حارد على السؤال ده لما البلد تخرب.

ملحوظة:

النداء بعاليه تم العثور عليه فى لوحة جدارية من عهد الأسرات الأولى وتمت ترجمته بمعرفتى ولكن لجهلى باللغة الحجرية فقد كتبت مافهمته من أحداث الوقفة الاعتصامية أمام المبنى الكبير بتاع الوزير " صا - فا - وا - تا "

فعذرا لوكانت الترجمة غير دقيقة

[شرف الدين]

بعد أن قرأت مداخلة الأستاذ / سكوربيون المثيرة للأعصاب

أجد نفسي مضطرا للرد عليها .. وسوف أبدأ ردي ببداية قد لا تروق لبعضهم ... لكنني سأقولها صادحا بالحق، ولن أخشى شيئا ... لن أخشى التجميد أو الإيقاف أو حتى إلغاء العضوية .. فلا تهم العضوية مع محاولة إلغاء الهوية .. سوف أقولها صادحا بالحق في هذه القضية.

بسم الله الرحمن الرحيم

{ وَلَنْ تَرْضَى عَنْكَ الْيَهُودُ وَلا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى }.

صدق الله العظيم.

وحتى لا يغضب مني الأخ سي السيد ويقوم بحذف الآيات القرآنية بحجة أنني لم أذكر تفسيرها .. فها هو تفسيرها. من تفسير الإمام ابن كثير

[ قال ابن جرير: يعني بقوله جل ثناؤه: { وَلَنْ تَرْضَى عَنْكَ الْيَهُودُ وَلا النَّصَارَى حَتَّى تَتَّبِعَ مِلَّتَهُمْ } وليست اليهود -يا محمد -ولا النصارى براضية عنك أبدًا، فدع طلب ما يرضيهم ويوافقهم، وأقبل على طلب رضا الله في دعائهم إلى ما بعثك الله به من الحق. ].

هذا هو الحق الذي أبدأ به مداخلتي ... قبل أي شيء آخر .. وليغضب من يريد الغضب.

أما بخصوص مداخلة الأستاذ / سكوربيون

[ و لكن قلب المسألة النابض هو القضاء نهائيا على مفهوم أهل الذمة وبالتالي القضاء على حلم جماعة الإخوان المسلمين في إقامة الدولة الدينية و الظاهر لكل ذي عين الآن .].

مفهوم أهل الذمة لن يُقضى عليه أبدا – قال صلى الله عليه وسلم ( من آذى ذميا فقد أذاني )... وهو مفهوم لا يؤذيكم في شيء.. بل بالعكس .. فهو هو ذا رسولنا الكريم يقول ( من آذى ذميا فقد أذاني )... فمسألة القضاء على مفهوم أهل الذمة هذا ... وهم لن يتحقق أبدا ..

هذا هو كلام ابن تيمية إمام السلفية نفسه

"...وَقَدْ عَرَفَ النَّصَارَى كُلُّهُمْ أَنِّي لَمَّا خَاطَبْت التَّتَارَ فِي إطْلَاقِ الْأَسْرَى وَأَطْلَقَهُمْ غازان وقطلو شاه وَخَاطَبْت مَوْلَايَ فِيهِمْ فَسَمَحَ بِإِطْلَاقِ الْمُسْلِمِينَ . قَالَ لِي : لَكِنَّ مَعَنَا نَصَارَى أَخَذْنَاهُمْ مِنْ الْقُدْسِ فَهَؤُلَاءِ لَا يُطْلِقُونَ . فَقُلْت لَهُ : بَلْ جَمِيعُ مَنْ مَعَك مِنْ الْيَهُودِ وَالنَّصَارَى الَّذِينَ هُمْ أَهْلُ ذِمَّتِنَا ؛ فَإِنَّا نُفْتِكَهُمْ وَلَا نَدَعُ أَسِيرًا لَا مِنْ أَهْلِ الْمِلَّةِ وَلَا مِنْ أَهْلِ الذِّمَّةِ ."

ها هو ابن تيمية إمام السلفية .. ( ولا ندع أسيرا لا من أهل الملة ولا من أهل الذمة )...

[ وبين سكان المناطق العشوائية من السوقة والدهماء المغيبين دينيا من أنصار محمد حسان ومن على شاكلته الذين زيفوا وعيهم في تكفير النصارى ]

بسم الله الرحمن الرحيم

{ لَقَدْ كَفَرَ الَّذِينَ قَالُواْ إِنَّ اللَّهَ هُوَ الْمَسِيحُ ابْنُ مَرْيَمَ وَقَالَ الْمَسِيحُ يَا بَنِي إِسْرَائِيلَ اعْبُدُواْ اللَّهَ رَبِّي وَرَبَّكُمْ إِنَّهُ مَن يُشْرِكْ بِاللَّهِ فَقَدْ حَرَّمَ اللَّهُ عَلَيهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ (72) لَّقَدْ كَفَرَ الَّذِينَ قَالُواْ إِنَّ اللَّهَ ثَالِثُ ثَلاَثَةٍ وَمَا مِنْ إِلَهٍ إِلاَّ إِلَهٌ وَاحِدٌ وَإِن لَّمْ يَنتَهُواْ عَمَّا يَقُولُونَ لَيَمَسَّنَّ الَّذِينَ كَفَرُواْ مِنْهُمْ عَذَابٌ أَلِيمٌ (73) }.

فلم يزيف أحد وعينا في الحكم بكفر النصارى .. فهو ثابت عندنا وأصل من أصول عقيدتنا ...

ولعل ... الإخوة المسيحيين هنا ... يذكرون ما يقوله قساوستهم عن مخالفيهم في الديانة ؟

أليس كفارا بالنسبة لهم أم ماذا ؟!

[ ... يرفضون داخلهم الدولة الدينية ومظالمها التي عانوا منها طويلا ].

لست أعلم عن أي دولة دينية عانى منهم المسيحيون طويلا كما يقول الأستاذ ... فهل هي دولة عبد الناصر الذي زج بالإخوان المسلمين كلهم في السجون .. وأعدم منهم شيوخا كبارا كالشيخ / سيد قطب..

أم هي دولة الرئيس السادات رحمه الله .. والذي لم يستمر طويلا في الحكم .. وكلمة البابا شنودة الشهيرة ( هخلي الدم للركب ).. وهي أحد حيثيات الاتهام الذي وجهته محكمة القيم برئاسة المستشار أحمد خفاجي للبابا شنودة عام 1982 ( أي بعد وفاة السادات – حتى لا يقال أن الاتهام كان بإيعاز من السادات ).

أم هي دولة المبارك .. التي كان البابا شنودة هو أول المدافعين عنها .. وأول المهاجمين لمن ثاروا عليها .. وأكبر الداعمين لتوريثها إلى جمال مبارك حتى صرح بأنه لا يجد في مصر من هو أكفأ منه ( أي من جمال ) لحكم مصر.

[ ولكن الآن خرج المسيحي من تلك العباءة رافضا توازناتها السياسية ليطالب بحقه في وطنه الكبير : مصر ... ]

يا ليت الأستاذ .. يخبرنا .. ما هو الحق الذي يريده.

والسلام على من اتبع الهدى.