أحداث كنيسة أطفيح لمصلحة من ما يحدث؟

[pink rose]

الكل عمال يتكلم و الكل عمال يتخانق سواء مسلمين او مسيحين

و اللطيف ان لا حد هنا في المنتدى من اطفيح و لا شاف بعينه اللي حصل

كله معتمد على السمع

و بعيد عنكم السمع دا جي منين

و العياذ بالله من التليفزيون المصري

استغفر الله العظيم من كل ذنب عظيم

تصدقوا انا بدأت اؤمن بفكرة ان التليفزيون حرام

و منين كمان الاخبار من جرنان اخر الاسبوع و الاهرام

الكل بيتخانق و صوته عالي

صوتكم علي على صوت مصر تصدقوا

مش هاقولكم غير كلمة واحدة اتقوا اللـــــــــــــــــــــــــــه

فضلا لا امرا

باستحلفكم بالله

كل واحد دلوقتي يحط لسانه جوه بؤه و يسكت لحد ما مصر تفوق

كل يحط لسانه جوه بؤه لحد ما مصر توقف على رجليها

ليه نساعد في اضعاف حكومة الراجل اللي بنثق فيه

مش حاربنا و فضلنا نصوت لحد ما شالوا شفيق و قولنا الحمدلله جه واحد ايده طاهرة و نضيفة و خايف على البلد

قوم لما كان شفيق موجود ما حدش طلع قال كلمة واحدة عن التوتر الديني و مش هاقول فتنة طائفية

و اول ما جه الراجل المحترم و وزارته المحترمة نقوم احنا بقى كل واحد واخد فأس و نازل هدم فيها

سواء بحسن نية او بسوء نية بس للاسف في الوقت الحالي الاتنين سواااااااااااااااااااء

الراجل و وزراءه اكده اكتر من مرة ان القانون هايطبق

بس معلش مش هاندوس على زرار الصبح يحل المشكلة

مبارك و شلته المقرفة قعدوا يغذوا الاتجاه دا سنين

استحاله شغل سنين و شغل عالي اوي هايهده دكتور شرف في يوم

يبقى لازم نساعده مش عشانه هو لا عشان مصر

لو بتحبوها من قلبكم مسلم او مسيحي هنا

اسكتوا قفلوا على مواضيع الخلاف دلوقتي

و هايجي الوقت و قريب اللي الكل هايقعد يقول طلباته

و القانون هايطبق

عجبتني كلمة لدكتور يحيى الجمل

قال:"كان في ناس فاكرين نفسهم فوق القانون و هما دلوقتي في السجن لكن الحمدلله المجموعة دي و قصده على مجموعة وزراء حكومة الانقاذ الوطني برئاسة دكتور شرف عارفين و مقتنعين بإن لا احد فوق القانون"

كلام خير و متفائلة بيه ان شاء الله

سبحان الله على الناس اللي نفسها قصير

يا اخوانا فات الكتير ما بقى الا القليل

اصبروا دا الصبر مفتاح الفرج

بالله عليكم تاني

لو فيكم مسلم او مسيحي بيحب مصر كل واحد يطلع يكتب كده

عشان انا باحب مصر مش هاتكلم في موضوع الكنيسة دلوقتي

عشان انا بحب مصر مش هاطلع اتكلم في حوار كاميليا شحاتة دلوقتي

و حاجه اخيرة بقى مني انا

انا مصرية بحب مصر و مش هاقدر اشوف ولاد بلدي بيتخانقوا و يقتلوا بعض عشان شوية جدران سواء مسجد او كنيسة

و هاقولكم اللي اكتر انا مش مع بناء مسجد جديد او كنيسة جديدة في مصر دلوقتي

عاوزة ابني مصنع عشان ما امدش ايدي اشتري من برة و الاقي كلمة صنع في مصر منورة على كل حاجه بدل كلمة صناعة صينية اللي كرهتني في الدنيا

عاوزة ابني مدرسة عشان العيال المتكربسة على بعض يعرفوا يتعلموا و يحسوا بآدميتهم في المدرسة

عاوزة ابني مستشفى على اعلى مستوى لعلاج الفقراء في مصر بالمجان

و اقولكم اللي اكتر من كده كمان

انا مصرية مسلمة باطالب الحكومة الجديدة بهدم الزوايا اللي ملت مصر لدرجة ان بين كل زاوية و زاوية 10 زوايا

الدين مش بناء مساجد و كنايس

الدين تطبيق التعاليم لاعمار الارض

الله يسامحكم وجعتولي قلبي

تم تعديل 11 مارس 2011 بواسطة remo

[tarek hassan]

الكل عمال يتكلم و الكل عمال يتخانق سواء مسلمين او مسيحين

و اللطيف ان لا حد هنا في المنتدى من اطفيح و لا شاف بعينه اللي حصل

كله معتمد على السمع

و بعيد عنكم السمع دا جي منين

و العياذ بالله من التليفزيون المصري

استغفر الله العظيم من كل ذنب عظيم

تصدقوا انا بدأت اؤمن بفكرة ان التليفزيون حرام

و منين كمان الاخبار من جرنان اخر الاسبوع و الاهرام

الكل بيتخانق و صوته عالي

صوتكم علي على صوت مصر تصدقوا

مش هاقولكم غير كلمة واحدة اتقوا اللـــــــــــــــــــــــــــه

فضلا لا امرا

باستحلفكم بالله

كل واحد دلوقتي يحط لسانه جوه بؤه و يسكت لحد ما مصر تفوق

كل يحط لسانه جوه بؤه لحد ما مصر توقف على رجليها

ليه نساعد في اضعاف حكومة الراجل اللي بنثق فيه

مش حاربنا و فضلنا نصوت لحد ما شالوا شفيق و قولنا الحمدلله جه واحد ايده طاهرة و نضيفة و خايف على البلد

قوم لما كان شفيق موجود ما حدش طلع قال كلمة واحدة عن التوتر الديني و مش هاقول فتنة طائفية

و اول ما جه الراجل المحترم و وزارته المحترمة نقوم احنا بقى كل واحد واخد فأس و نازل هدم فيها

سواء بحسن نية او بسوء نية بس للاسف في الوقت الحالي الاتنين سواااااااااااااااااااء

الراجل و وزراءه اكده اكتر من مرة ان القانون هايطبق

بس معلش مش هاندوس على زرار الصبح يحل المشكلة

مبارك و شلته المقرفة قعدوا يغذوا الاتجاه دا سنين

استحاله شغل سنين و شغل عالي اوي هايهده دكتور شرف في يوم

يبقى لازم نساعده مش عشانه هو لا عشان مصر

لو بتحبوها من قلبكم مسلم او مسيحي هنا

اسكتوا قفلوا على مواضيع الخلاف دلوقتي

و هايجي الوقت و قريب اللي الكل هايقعد يقول طلباته

و القانون هايطبق

عجبتني كلمة لدكتور يحيى الجمل

قال:"كان في ناس فاكرين نفسهم فوق القانون و هما دلوقتي في السجن لكن الحمدلله المجموعة دي و قصده على مجموعة وزراء حكومة الانقاذ الوطني برئاسة دكتور شرف عارفين و مقتنعين بإن لا احد فوق القانون"

كلام خير و متفائلة بيه ان شاء الله

سبحان الله على الناس اللي نفسها قصير

يا اخوانا فات الكتير ما بقى الا القليل

اصبروا دا الصبر مفتاح الفرج

بالله عليكم تاني

لو فيكم مسلم او مسيحي بيحب مصر كل واحد يطلع يكتب كده

عشان انا باحب مصر مش هاتكلم في موضوع الكنيسة دلوقتي

عشان انا بحب مصر مش هاطلع اتكلم في حوار كاميليا شحاتة دلوقتي

و حاجه اخيرة بقى مني انا

انا مصرية بحب مصر و مش هاقدر اشوف ولاد بلدي بيتخانقوا و يقتلوا بعض عشان شوية جدران سواء مسجد او كنيسة

و هاقولكم اللي اكتر انا مش مع بناء مسجد جديد او كنيسة جديدة في مصر دلوقتي

عاوزة ابني مصنع عشان ما امدش ايدي اشتري من برة و الاقي كلمة صنع في مصر منورة على كل حاجه بدل كلمة صناعة صينية اللي كرهتني في الدنيا

عاوزة ابني مدرسة عشان العيال المتكربسة على بعض يعرفوا يتعلموا و يحسوا بآدميتهم في المدرسة

عاوزة ابني مستشفى على اعلى مستوى لعلاج الفقراء في مصر بالمجان

و اقولكم اللي اكتر من كده كمان

انا مصرية مسلمة باطالب الحكومة الجديدة بهدم الزوايا اللي ملت مصر لدرجة ان بين كل زاوية و زاوية 10 زوايا

الدين مش بناء مساجد و كنايس

الدين تطبيق التعاليم لاعمار الارض

الله يسامحكم وجعتولي قلبي

كلام طيب جدا ومشكورة عليه

[masraweya]

الشيخ صفوت حجازي قال في واحد من الناس ان شهادات الشباب من قلب الموضوع لم تستطع ان تفسر من حول اتجاه الجموع العائدة من المقابر الى الكنيسة

لكنه يؤكد انها نفس اليد التي "دست" كتب السحر و الصور و الاعمالفي الكنيسة

و انها نفس اليد التي اشعلت النار في الكنيسة

و ان الجيش ليس هو المطالب ببناء الكنيسة .. بل المسلمين

لكنه اكد ايضا انه كانت هناك تراكمات سابقة

(بيعلوا الصوت في الكنيسة ساعة صلاة الجمعة.. لما قالهم و ايه يعني؟ .. قالوا له حضرتك عالم .. لكن الناس العاديين ده بيستفزهم

أتفق معه ان جزءا كبيرا من المشكلة ناتج للجهل

يبقى دور الاعلام

فعلا يحرض المسلمين على المسيحيين في خبث شديد

[fatfouta]

رغم أنف أمن الدولة أخوك المسلم بيحبك يامسيحي

http://www.youtube.com/watch?v=FoM7P-nnFBA

[عبير يونس]

العضو الفاضل

برجاء مراجعة القاعدة رقم (9) من قواعد المشاركة

و التي تفضلت حضرتك بالموافقة عليها عند التسجيل في الموقع

9. حيث أن طاقم الادارة ليسوا سوى أعضاء متطوعون قبلوا المساهمة فى إدارة المنتدى لذا يرجى الإلتزام بعدم توجيه اي إهانة او إتهام للإدارة تصريحا أو تلميحا .. و في حالة الاعتراض على أى موضوع أو مداخلة فخاصية التقرير عن المخالفات مفتوحة للجميع و تصل مباشرة الي جميع المشرفين .. أما في حالة الاعتراض على أى تدخل أو إجراء إدارى من أحد المشرفين فيمكن استخدام الرسائل الشخصية لمشرف آخر أو للأدفايزور مباشرة .

نهيب بحضرتك الالتزام بقواعد المشاركة

نشكر حسن تفهمكم

الإدارة

[جويرية]

:)

اجمل تعليق سمعته ممن واحد من المتظاهرين في ميدان التحرير ضحكني بجد الصبحية

واحد بيقول ( ناس جاية تخطف طبق الفول من قدامي انا و أخويا المسيحي

:)

حسني مبارك خلانا علي الحديدة مفيش حاجة نتخانق عليها مع المسيحيين

الصراع علي المال و الوظايف و شقق الحكومة و الاراضي ، بقي بين المسلمين و بعضهم بل بقي بين ابناء الاسرة الواحدة ، و اكيد لما يبقي بين مسيحي و مسلم حياخد شكل أخر

اتمني ان احنا نتحمل الفترة العصيبة دي لغاية ما يبقي في تنمية حقيقة في البلد

و نتعاون علي اختيار الرئيس اللي حيخرجنا من عنق الزجاجة ده

لي عودة للتعليق علي مشاركة الاخ استاذ فسيولوجي

[se_ Elsyed]

تم إخفاء العديد من المداخلات التي أخرجت الموضوع عن مسارة ..

ونرجو من الجميع الإلتزام .

[جويرية]

الاخت جويرية

جملتك دى تناقض تماما خروج الاقباط لميدان التحرير فى ايام ثورة 25 يناير بالرغم من ( أمر ) البابا لهم بعدم الخروج

ياريت نكون موضوعيين اكتر

ثم انك تطالبى الاقباط الشرفاء بالخروج لاسقاط البابا

عايز اقول لحضرتك ان عقيدة الاقباط لا تسمح بذلك

لأن ( البطريرك ) عند الاقباط هو شخص مختار من قبل الله ولا يتم تغييره بالبساطة اللى حضرتك بتتكلمى بيها

دا غير ان عملية اختياره بتتم عن طريق انتخابات وحاجة تانية بنسميها ( القرعة الهيكلية ) وموال طويل عريض

وعايز اوضحلك كمان قبول ان او تنفيذ كلام البابا او رجال الدين هو فى الامور الروحية فقط

بدليل انه قال متنزلوش لكن مسمعناش الكلام ونزلنا

مظاهرات قبطية لعزل البابا شنودة

اما عن موضوع اطفيح

احنا كدة اتعودنا نسيب الاسباب الاساسية لأزماتنا

الموضوع رياضيات واحد زائد واحد يساوى اتنين

حصلت مشكلة ما فى مكان ما فى مصر

نمسك الناس اللى هدموا الكنيسة ونسلخهم

ونمسك الناس اللى ولعوا فى البيوت فى اطفيح ونسلخهم

ونمسك الناس اللى قطعوا الطريق ونسلخهم

ونمسك الناس اللى اطلقوا اشاعة حرق مسجد السيدة عائشة ونسلخهم

ونمسك الناس اللى قتلوا ونسلخهم

ونقول لكل الناس دى اما تحترم نفسك او تحترم نفسك ومفيش حل تالت

يعنى ببساطة نطبق القانون

مش نمسك المسيحيين كالعادة ونسلخهم

الجيش قرر اعادة بناء الكنيسة

الشيخ محمد حسان و حوالي 20 من مشايخ المسلمين ، اقروا بوجوب بناء الكنيسة في مكانها ، و ان القضاء يحاكم المخطئ من المسلمين و المسيحيين في هذه الواقعة

طيب بالله عليكى وانا بحلفك اهو

شوفى الفيديو بتاع هجوم الجيش على دير الانبا بيشوى

شوفى هل تعرض احد من الرهبان او العمال ولو بكلمة لاى فرد من افراد الجيش

ومع ذلك اطلقت كمية رصاص حى كاننا فى حرب مع العدو الصهيونى

التعامل مع الرهبان والعمال كان فيه غل غريب

انا مش مع بناء سور مخالف سواء على ارض ملك الدولة او حتى على ارض ملك الدير وادين الدير فى النقطة دى تحديدا

لكن اكيد كان ممكن يتعامل الجيش بطريقة اكثر رحمة مع الدير ورهبانه

الجيش بيطلق رصاص تحذير الأول ، الرهبان اعترضوا علي تنفيذ هدم الدير

احد الرهبان قال ( مش حنهد السور و لو علي موتنا

نقيب في الجيش مصاب اصابة بالغة ، ده معناه ان كان فيه مقاومة لتنفيذ الهدم

لانهم ...

اقربهم مودة

ولانهم

لا يستكبرون

نعم

(لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ

بس محتاجين نصبر شوية عشان خراب 30 سنة اللي سببه النظام السابق و امن الدولة مش حيتصلح في يوم

تم تعديل 12 مارس 2011 بواسطة جويرية

[fatfouta]

رصد | مصر|الجيش يؤكد فى لقاء جماهيرى بأطفيح إعادة بناء كنيسة الشهيدين على نفقته

[Simba]

على جانب آخر، رفع المعتصمون أمام ماسبيرو بالقاهرة سقف مطالبهم، وأصدروا بيانا طالبوا فيه بإلغاء المادة الثانية من الدستور،

أخشي أن ينقلب السحر علي الساحر

http://www.shorouknews.com/contentdata.aspx?id=406698

تم تعديل 12 مارس 2011 بواسطة سمبا

[se_ Elsyed]

على جانب آخر، رفع المعتصمون أمام ماسبيرو بالقاهرة سقف مطالبهم، وأصدروا بيانا طالبوا فيه بإلغاء المادة الثانية من الدستور،

أخشي أن ينقلب السحر علي الساحر

فين مصدر الخبر ده يا سمبا .. لإنه من أخطر ما يمكن

وعفواً .. ده مش لعب بالنار . لكنه إنتحار بالنار ....

لن يقبل مصري مسلم أن يتم تعديل .. مجرد تعديل المادة الثانية ...

لابد لأصوات الحكمة من المسيحيين أن تظهر الان .. لإن لوي الدراع في الوقت ده بالذات سيؤدي إلى عواقب وخيمه على المسيحيين اولاً وعلى الوطن ككل ثانياً ... ولن تستطيع اي قوى خارجية مهما كانت ان تساندهم ... وإذا كان مايكل منير يسعى كالحية الرقطاء الان فهو في مامن من أي إضطرابات لإن جواز سفره في جيبه وجنسيته بيُخيل له أنها تحميه لكنه هو وامثاله بيرسلوا باقي الشعب المسيحي المسالم إلى جهنم ..

أنا هاقنع نفسي إن الخبر ده غير صحيح حتى الان ...

وادعو لهذا الوطن بالسلام والأمن

[capitshino]

هى لسه فى اعتصامات اما ماسبيرو ؟ وهل العدد كبير ؟

[Simba]

مصدر الخبر يا استاذي

http://www.shorouknews.com/contentdata.aspx?id=406698

[capitshino]

مصدر الخبر يا استاذي

http://www.shorouknews.com/contentdata.aspx?id=406698

لو الكلام ده صحيح

يبقى الناس دى مش عاوزين يلغو المادة التانبة من الدستور ... دول عاوزين يولعو فى البلد .

الواجد حقيقى مش عارف يقول ايه .. بس خلينا نتاكد اكتر برده من صحة الخبر .

[tarek hassan]

المسيحيين اعتبروا مصر الإسلامية سقطت

http://nacopticas1.b...og-post_10.html

الجمعيه الوطنيه القبطيه الامريكيه

انهيار الاسلام النازى واعلان سقوط مصر الاسلاميه فى تطاول رعاع المسلمون أعداء مصر بمساجد الشيطان على قداسة البابا شنوده الثالث ملك دولة مصر القبطيه شكرا لقناة الحقيقه وقناة الطريق

وعليه فقد ظهر المطلب واضحا على أساس إن هم اللي قاموا بالثورة

أقباط المهجر استحدثوا مؤخرا لقبا جديدا للبابا شنودة يطلق عليه للمرة الأولى إعلاميا وهو لقب "قداسة البابا شنودة الثالث ملك دولة مصر القبطية"

مش بعيد في مقابل ذلك أن يعلن السلفيون محمد حسان ملك مصر السلفية

ومحمد بديع ملك مصر الإخوانية

وعبود الزمر ملك مصر الجهادية

من حقهم طالما لن تكون هناك انتخابات وهتبقى مملكة بالصدر

تم تعديل 12 مارس 2011 بواسطة tarek hassan

[capitshino]

مصدر الخبر يا استاذي

http://www.shoroukne....aspx?id=406698

المسيحيين اعتبروا مصر الإسلامية سقطت

http://nacopticas1.b...og-post_10.html

الجمعية الوطنية القبطية الأمريكية

الجمعيه الوطنيه القبطيه الامريكيه

انهيار الاسلام النازى واعلان سقوط مصر الاسلاميه فى تطاول رعاع المسلمون أعداء مصر بمساجد الشيطان على قداسة البابا شنوده الثالث ملك دولة مصر القبطيه شكرا لقناة الحقيقه وقناة الطريق

وعليه فقد ظهر المطلب واضحا على أساس إن هم اللي قاموا بالثورة

أقباط المهجر استحدثوا مؤخرا لقبا جديدا للبابا شنودة يطلق عليه للمرة الأولى إعلاميا وهو لقب "قداسة البابا شنودة الثالث ملك دولة مصر القبطية"

فلن تكون هناك انتخابات وهتبقى مملكة بالتعيين طالما حكاية الانتخابات مش نافعه

مش بعيد في مقابل ذلك أن يعلن السلفيون محمد حسان ملك مصر السلفية

ومحمد بديع ملك مصر الإخوانية وهكذا من حق كل واحد

اهلا بالاخ طارق ومداخلاته المثيرة للجدل .

[pink rose]

يا ريت حد من الاخوة الاقباط هنا يرد على الكلام دا

لانه فعلا خطير

الكلام اللي بيتقال دا صحيح؟

انا لسا عندي ثقة فيكم

لسا مكلمة تريز من يومين بتقولي لا يا ريم دا هبل احنا مسيحين و مسلمين مصريين ما حدش هايفرقنا

تريز صديقتي الوحيدة على فكرة في مصر

اتمنى دا يكون لسان حال كل المسيحين

منتظرة توضيح و رد منكم

[اغابي]

اولا يا جماعةياريت نتحقق من مصدر الخبر

اللى عاوز ان الفتن الطائفية تزيد اكتر يقرا جريدة الشروق

هذه الصحيفة ما هى الا تاجيج للفتن الطائفية ولا اعلم كيف اذا اردنا ان نعيش بوطن يملؤه سلام ووحدة وطنية نسمح بمثل هذه الصحف

ياما قريت اكاذيب وتلافيق واتهامات موجهة صراحة لاقباط مصر على صفحات هذه الجريدة ولا اعلم اهدافها الحقيقية ومن وراءها

وكنت اعلل ذلك بكون ان مصر بها فساد وما جتش على صحيفة زى كدا خليها تسترزق هى كمان

لكن حاليا الوضع مختلف بعد الثورة ياريت يتقدم فيها بلاغ للنائب العام لان الصحيفة دى بتضيع

مجهود المظاهرات اللى كانت نهاردة فى الميدان وبتقول مسلم ومسيحي ايد واحدة

احترس يا استاذ سمبا - لان جريدة الشروق مشهورة باكاذيب على المسيحين

بلاش تقرا لمن يخط بيده سموم تفريق ابناء الوطن

شكرا

تم تعديل 12 مارس 2011 بواسطة اغابي

[ComingSoon]

بالنسبة لهذا الخبر لاهو حقيقي ولاهو كاذب

هو بالون اختبار تطلقة الكنيسة كل فترة لمعرفة اتجاه الرأي العام

ان لقي معارضة تسارع الكنيسة لنفية وان لقي قبول سيتبناه نشطاء الاقباط

[Simba]

احترس يا استاذ سمبا - لان جريدة الشروق مشهورة باكاذيب على المسيحين

بلاش تقرا لمن يخط بيده سموم تفريق ابناء الوطن

يا اغابي انتي عارفاني كويس وعارفة ان المسالة بالنسبة لي ما يكونش المفروض فيه كلام عن مسيحين ومسلمين خااااالص

انا بس اندهشت ومش عايز الامور تتأزم في وقت زي ده