أول أمطار الخير والبركة .... وزير الصحة يقرر زيادة مرتب الأطباء لـ1500 جنيه

[se_ Elsyed]

والله لسه كنت أمبارح بأفكر في الموضوع ده والخاص بالتعليم والصحة والأمن

وتقدير الناس دي بما يليق بالضغط والبهدلة اللي بيتبهدلوها

لأن اصعب الأعمال هي التي تتعلق بالتعامل المباشر مع الجمهور ....

وما بالنا في التعامل مع أمور لا تحتمل التأجيل

قالت نقابة الأطباء إن الدكتور أشرف حاتم، وزير الصحة، وافق على زيادة مرتب طبيب التكليف إلى 1200جنيه، والطبيب المقيم إلى 1500جنيه شهرياً، بدءاً من أول يوليو القادم مقابل 35 ساعة عمل أسبوعياً، على أن يتم ضم الحوافز للمرتب الأساسى.

وأكدت النقابة فى بيانها اليوم، الثلاثاء، أن وزير الصحة على استعداد لتحمل الوزارة نصف تكاليف الدراسات العليا للأطباء العاملين بها، مشيرة إلى أن الوزير وعد بعدم تقديم مشروع قانون التنمية المهنية إلى البرلمان بدون صرف بدل شهرى نظير الدورات التدريبية.

وموافقته أيضاً على زيادة بدل السهر والنوبتجيات للعاملين بالطوارئ والنواب الإداريين، بالإضافة إلى مقابل الاستدعاء، مشيراً إلى رفع ميزانية الصحة إلى 7%، طبقاً للمعايير العالمية للاهتمام بصحة المواطن عماد التنمية والتقدم، بالإضافة إلى مراجعة كافة القوانين الخاصة بالأطباء وعرضها على النقابة لتعديلها بما يتوافق مع العدالة وصالح المهنة والأطباء.

من جانبه، أكد الدكتور حمدى السيد، نقيب الأطباء، دعم النقابة والأطباء لوزارة الصحة فى الوقت الراهن، مشيراً إلى ضرورة توفير الأمن بالمستشفيات، محذراً الأطباء من الإضراب أو المظاهرات الفئوية فى الوقت الذى يحتاج فيه الوطن ومؤسساته لالتقاط الأنفاس، والاستعداد للتنمية، وبناء مصر بعد أن خربها وأفسدها النظام البائد

.

[م تيمور المراغي]

الحد الادنى للاجور لكل المصريين ان شاء الله لن يقل عن 1200 جنيه ,,

لما السرقة توقفت ابتدت الخزينة تمتليئ بالخير ,,

ولما ترجع الحياة لطبيعتها تاني ونرجع الاموال والمصانع والاقطاعيات المسروقة ان شاء الله حيزيد الخير وتبدأ الطفرة بجد ,,

تفائلوا بالخير تجدوه ,,

[hOuSsAm]

كويس انك فتحت الموضوع ده عشان فيه حاجة نفسى وزارة الصحة تعملها

بما اننا هنعطى للاطباء حقوقهم (وانا شايف ان ده لسه قليل جدا ) بس بقيت الحقوق هتيجى باذن الله

محتاجين كمان يبقى فيه حقوق للمرضى

واول هذه الحقوق ان يبقى فيه جهة رقابية عالاطباء (مثل اجهزة الرقابة الادارية واجهزة المراجعة على ميزانيات الشركات وغيرها)

بمعنى ان مفيش حد بيدور ورا الاطباء هل بيادى دوره على حسب المعايير الدولية واداب المهنة ولا بيخالفها (مش عدم ثقة فى الاطباء ولكن لضمان جودة الخدمة وضمان حقوق المواطنين وتطوير الاداء)

بقالنا كام سنة والشكاوى كترت من المرضى من التشخيص الخطا للاطباء والتضارب بين تشخيص اكتر من طبيب والدواء الغلط والعمليات اللى بتتعمل فيها مشاكل

طيب المواطن العادى هيفهم الحجات دى ازاى ان لم تكن هناك جهة رقابية تتاكد من عمل الطبيب (بمعنى تانى لو المريض حاسس انه عنده مغص والدكتور قال انه عنده مشكلة فى الكلى واداله دواء بناء على هذا التشخيص محدش هيعترض وهياخد الدوا من سكات)

انا مش عارف الالية للرقابة ممكن تبقى ازاى (يعنى اهل الخبرة فى المجال ده هما اللى هيقولوا)

لكن ممكن مثلا الجهة دى بتنزل للاطباء فى عيادتهم ومستشفياتهم يوم فى الاسبوع او اكتر على حسب الالية المتبعة تراجع الاشعة والكشوفات والتحاليل والدواء وتتاكد انه مطابق للمعايير واداب المهنة

بمعنى تانى لو مريض السكر يبقى ملف المريض فيه تحاليل كذا وكذا واشعة على كذا وموصفله الدوا الفلانى بالكمية الفلانية وليه متابعة عدد من الايام كل شهر وكل ده متوثق بالمستندات ومن خلال البرامج الجاهزة اللى بيستخدموها الاطباء على مستوى العالم واللى بتيح كنترول على مستوى عالى وتفاعل بين الطبيب والمريض بمزيد من الاحترافية

كل ده مش بيضمن حقوق المريض فقط ولكنها تضمن تطوير اداء الطبيب (يعنى الطبيب طول عمره عارف ان الصداع بيتوصفله بنادول ولكن جهة الرقابة جت وقالت ان فيه معيار جديد ان الصداع لازم يتعمله التحليل الفلانى الاول عند دكتور تحاليل معاه شهادة عليمة فلانية ولو النتيجة موجب بياخد دوا اسمه كذا)

----------------

اللى بتكلم فيه ده مش صعب فيه برامج عالمية وسيستمز تقدر تحتوى الموضوع ده بسهولة ويبقى اكتر كفائه

اطباء كتيرة فى اماكن كتيرة شغالة عالاوراكل ومديرينهم شايفين ادائهم عامل ازاى وكله متراقب من خلال السيستم وتحسن حالة المريض (كل ده سهل جدا بس تبقى فيه نية للتطوير والتغيير)

تقبلوا تحياتى

ومبروك للاطباء مقدما

تم تعديل 8 مارس 2011 بواسطة HOSAM ABDELFATAH