URGENT Emergency Call for ALL EGYPT-نداء قومي عام لجموع مصرللتجهيز للجمعة القادم

[teacher]

السلام عليكم ورحمة الله وبركاته

يا جماعة فيه صفحة أنشئت أمس من أجل الظروف اللي البلد فيها وردا على إضراب الشرطة الذي واضح أنه لن ينتهي.

أنقل لكم اللي فيها، وانتو اطبعوه وانشروه كل واحد في منطقته

فيه ناس نشرتها على الفيس بوك وانا نشرتها على منتدى واحد لكن واضح ان الصفحة نائمة تماما مثل اللجان الشعبية التي نامت تماما

يجب نشر النداء والدعوة فورا لجميع الايميلات التي لديك

ﻷن البلد أمنها مفتقد

وللأسف المسؤولين عن الامن تركوا مهمتهم وبدؤوا التخريب وبدأ كل صاحب مصلحة في حرق وسرقة وفرم مستندات مصر يقوم بذلك في كل مصلحة وفي كل مكان

يجب أن تكون هذه الصفحة مثل صفحة خالد سعيد ﻷنها واجب قومي فوري

لابدمن الخروج للجهاد في سبيل الله

فرض العين لحماية أنفسنا وأهلينا

ولحماية مستندات ووثائق بلدنا والمصالح الحكومية التي في نطاقنا الجغرافي، والتي تفرم فيها المستندات وتحرق كل يوم في مكان شكل

الصفحة اسمها:

أعيدوا قوات اللجان الشعبية المصرية فورا

والإيفنت اللي عليها اسمه:

جمعة الامن والأمان لكل مصر

نداء طواريء تأسيس المجالس الشعبية ولجان القوات الشعبية لحماية مصر

___________ الحدث/الايفنت: يوم الجمعة القادم إن شاء الله__________

http://www.facebook.com/event.php?eid=199056533446247

وهو ده نصه

السلام عليكم جميعا

11.30 صباح الجمعة إن شاء الله

أولا

التأسيس سيتم بحضور كبار القيادات الشعبية ومشايخ المساجد في كل منطقة

التجمع يبدأ من قبل صلاة الجمعة والتأسيس بعد صلاة الجمعة إن شاء الله بالمسجد أو دار المناسبات الملحقة به

على الجميع في الحي عدم التخلف ﻷي عذر مسلما كان أو مسيحيا. هذا تكليف وطني ولا يجوز التخلف عنه

على الجميع الحضور من كل الأعمار

على أئمة المساجد والخطباء التنبيه بالميكروفون من قبل الصلاة بنصف ساعة وطوال فترة الاجتماع التأسيسي

يتم الانتقاء من المتطوعين ممن يزكيهم اثنان على الأقل من كبار الحي أو من المعروفين بالسمعة الحسنة ولم يتم ضلوعهم من قبل في أية أنشطة إجرامية أو مخلة بالشرف أو الأمانة أو تعاطي المخدرات أو المشاجرات.

هذا شرط لا تنازل عنه من أجل فرض احترام اللجان وهيبتها على الشارع والمنطقة.

يتم الإعلان عن رقم موبايل متاح دائما لنجدة طواريء الحي

يتم تخصيص ثمان سيارات نجدة على الأقل من الملاكي من المتطوعين لتكون تحت الطلب

يتم تخصيص سيارة منها يوميا تكون جاهزة طوال اليوم للدورية الراكبة والنجدة السريعة لاستغاثات الحي والمناطق المجاورة

يتم عقد الاجتماع التأسيسي من مشايخ الحي وكبار قادة المنطقة والشخصيات الاجتماعية المعروفة بحل مشاكل المواطنين وذات التأثير

يتم تحديد (مقر المجلس الشعبي لمنطقة كذا) في مكان مناسب سواءا بالمسجد او دار المناسبات

يتم تكليف مجموعة من المتطوعين لتأسيس لجنة القوات الشعبية للحي يكون من بينهم أو على رأسهم رياضي أو موظف شركة أمن خاص

يتم تكليف مجموعات من لجنة القوات الشعبية لا تقل عن فردين أمن - دورية كل ثلاثة ساعات مع متطوعين آخرين على الجدول - يكونوا على تواصل هاتفي مستمر بلجنة القوات الشعبية بالتواجد داخل أو بجوار الأماكن الحكومية التي تحتوي أي وثائق أو ملفات من أي نوع: مكاتب وزارة التضامن ..الحي، السجل المدني..الغاز..الكهرباء..الإدارات التعليمية..البنوك..الخ في حيز الجغرافي للمنطقة

لتأمين الوثائق ومراقبة أي حركة حول اماكن المستندات.

بعد التأسيس وكتابة محضر التأسيس وتوقيعه من مجلس شيوخ الحي وقيادة لجنة القوات، يتم تعيين مندوبين عن المجلس الشعبي للمنطقة وتكون مهمة المندوبين الاتصال والتواصل مع الجيش في المنطقة والشرطة والإسعاف والمطافيء باستمرار

توزيع شارات وصفارات إنذار موحدة على المجموعة القائمة بالعمل في لجنة القوات، ونشر أسماءهم في ملصقات على نواصي الوشارع الرئيسية تجنبا لانتحال الشخصية.

البدء في وضع أسس وتعليمات لعمل القوات وكتابتها ووضعها هنا ليطبعها ويستفيد منها بقية اللجان على مستوى القطر

تجهيز سيارات اللجنة والمقر بالادوات والوسائل اللظمة لحفظ الأمن والتحفظ على المجرمين واعتقالهم وحبسهم في مكان ملائم.

على خطباء المساجد والإخوة الرعاة في الكنائس توجيه حماس المواطنين للاشتراك في هذه اللجان فورا حماية للوطن ووثائقه وأمن الشارع وهو من الجهاد في سبيل الله وابتغاء مرضاته وفرض عين

ثانيا

يجب وضع هذه البيانات هنا على الجروب ليحن تجميعها فب ملف كامل على مستوى الجمهورية:

- اسم المجلس الشعبي

- اسم رئيس مجلس شيوخ المنطقة

- اسم مكان التجمع المسجد أو دار المناسبات ومكانه

- رقم هاتف مسؤول الاتصال والعلاقات العامة بالمجلس الشعبي

- رقم هاتف نجدة طواريء المجلس الشعبي

- رقم هاتف لجنة الشعبية

- ايميل وفاكس وعنوان صفحة الفيس بوك الخاصة بمجلس المنطقة

ثالثا

لاختلاف ظروف كل منطقة، وإذا لم يكن ممكنا عمل كل ذلك، فليتم الانتهاء اولا وأساسا من تكوين لجنة النجدة الشعبية وتجهيز سياراتها ونشر بيانات المتطوعين بها على الحوائط أو على حائط المسجد لسدّ الثغرة الخطيرة الحالية في أمن الوثائق وأمن الشوارع بمصر

وموافاتنا على هذه الصفحة دوما بكل المستجدات

ربنا اجعل هذا بلدا آمنا

آمين

[teacher]

نحن في سباق مع الزمن في الحقيقة

وكان يجب يكون لنا ترتيب استباقي واجهاضي قبل الوصول لمانحن فيه

الان يجب التحرك بأقصى سرعة وعدم الانتظار للجمعة

يجب التحرك الفوري ويكون يوم الجمعة هو النهاية ويكون كل شيء تم ترتيبه وتجميع والأدوات المطلوبة لعمل القوات الشعبية في كل منطقة وده هايحتاج شراءها خلال الأسبوع، ومنها مثلا برضه أدوات إطفاء الحريق وحبال وسلاسل علشان الإنقاذ لو فيه حريق وتأخرت المطافيء - كالعادة - وغير ذلك

التحرك بسرعة ﻷن المجرمين يتحركون منذ تنحية الرئيس، يعني منذ شهر

كل دقيقة يمكن أن يحترق فيها ملف طالب

او شيكات بنكية لحقوق مسلمين قد يكونوا مسجونين وهذه الأوراق هي التي تعطيهم الحرية والبراءة وتعطي المجرم أو النصاب - وما أكثرهم! - جزاءه

أرجوكم لنتفاعل مع الصفحة المذكورة ونطبع الورق ونعممه على جميع الخطباء فعلا

ربنا يجزي الخير كل من اقترح وساهم في هذه الانطلاقة

ولا ننسى التعميم على المنتديات ايضا وبالايميلات ..ربنا يجزيكم خير..دعى داعي الجهاد لحماية الأرض والعرض والبلاد فلا تتأخروا

واخواننا المسيحيين .. النداء - زي ما هو منشور على أحد المداخلات على الصفحة - رغم انه موجه للتأسيس من المساجد وقاعات المناسبات لكن لا علاقة له بالدين.

الموضوع وطني وطني وطني بحت

ولا يجوز التخلف ﻷي شخص مهما كانت معتقداته

أمن مصر واجب الجميع

[teacher]

برجاء التثبيت في أعلى المنتدى وعمل بانر وعمل اعلان للجميع على ايميلاتهم

[pink rose]

و الله العظيم رجالة

و خلي اللي لسا بيلوى دراع الناس يقعد جنب الست الوالدة يقشرلها البصل اهو يكسب ثواب بر الوالدين

[الغريب]

والله هو ده الكلام الصح

الشعب هو اللي حرر مصر

وهو اللي لازم يحافظ على مصر

تسلم الأيادي

[م تيمور المراغي]

تسلم ايديك teacher

[Om Zayd]

جزاكم الله خيرا

الموضوع ده ضروري .. على الاقل لغاية ما يبان الوزير الجديد ناوي على ايه

مدير مدريسة بلغ القسم ان المدرسة اتسرقت

تخيلوا قالوا له ايه؟

احنا مبنروحش لحد

:blink:

الالطف ان المدير اكتفى بهذا القدر

:closedeyes:

[fatfouta]

برافو عليهم انا شوفت الكلام ده على صفحة ائتلاف شباب الثورة

بس فيه حاجة بتقلقنى هى اللجان الشعبية دى بتبق مسلحة بايه؟

وربنا يحم رجالة مصر

وخلى الشرطة فى بيوتهم بقى ونشوف هيعملوا ايه والله انا فعلا بطالب بوقف مرتباتهم كلهم لانهم مايستاهلوش

كان فيه حملة كمان بوقف مرتباتهم فعلا هدور عليها

[م تيمور المراغي]

برافو عليهم انا شوفت الكلام ده على صفحة ائتلاف شباب الثورة

بس فيه حاجة بتقلقنى هى اللجان الشعبية دى بتبق مسلحة بايه؟

وربنا يحم رجالة مصر

وخلى الشرطة فى بيوتهم بقى ونشوف هيعملوا ايه والله انا فعلا بطالب بوقف مرتباتهم كلهم لانهم مايستاهلوش

كان فيه حملة كمان بوقف مرتباتهم فعلا هدور عليها

والله الاعتمادات دي لو توجه للشعب عن طريق دعم اللجان الشعبية بالمال ,,

وكل شارع ينظم نفسه بولاده ورجالته كورديات مثلا مع التنسيق مع الشوارع المجاورة للدعم في حالة اي تعرض للخطر وهكذا حتى نصل للمناطق والاحياء ,,

واللي تمرد من الشرطة فلا يلومن الا نفسه

[رضوي]

وهو دة بالظبط اللي بيحصل في شوارع مصر - القاهرة تحديداً - النهاردة

اول امبارح كان فيه بلطجي طلع عربية السيدات في المترو ....... واشهر سلاحة وقالهم كل واحدة تطلع اللي معاها ......... طبعاً خافوا وطلعوا اللي معاهم ( لو كان طلع عربية الرجالة ماكانتش هتفرق كانوا هيخافوا برده عادي )

بس الناس بقي اتفقت ان دة غلط

يعني ايه نكون مجموعة كبيرة جدا ونخاف من سكينة ولا مطوة ؟؟؟؟؟؟؟؟؟؟؟

يعني ايه نكون شارع مكون من كام عمارة ( مش هعرف اعدهم ) وكل واحد قافل باب عمارته علي نفسه ومالوش دعوة باللي بيحصل في الشارع ؟؟

يعني ايه شارع اتجاه واحد والاقي الناس ماشة ف المعاكس ؟؟؟؟؟؟ وبتعرض حياتنا كلنا للخطر ؟؟؟؟

كل واحد فينا بقى بيواجه اي بلطجة وأي فساد

بس مش بالطريقة المنظمة دي ............. بصراحة هو تنظيم يستحق التطبيق ........... وهيبقي هايل جداً في الاحياء الدافئة ( زي شبرا - السيدة زينب - وسط البلد .......الخ ...... الاماكن اللي فيها ولاد البلد دي ) يمكن يصعب تطبيقه في احياء زي التجمع مثلاً ومصر الجديدة .....الخ

بس فعلاً الناس كلها بتتجمع في صلاه الجمعة ....... ومن هنا نقدر نتواصل

وخلاص بقي ماينفعش نخاف من شوية بلطجية ......... ونخلي الشرطة تلوي دراعنا بيهم

[رضوي]

برافو عليهم انا شوفت الكلام ده على صفحة ائتلاف شباب الثورة

بس فيه حاجة بتقلقنى هى اللجان الشعبية دى بتبق مسلحة بايه؟

وربنا يحم رجالة مصر

وخلى الشرطة فى بيوتهم بقى ونشوف هيعملوا ايه والله انا فعلا بطالب بوقف مرتباتهم كلهم لانهم مايستاهلوش

كان فيه حملة كمان بوقف مرتباتهم فعلا هدور عليها

يااااااااااااااااه يافتفوتة

اللجان الشعبية دي مسلحة بأقوي سلاح

سلاح الحق والايمان والتضامن والحب

دي الاسلحة الحقيقية للجان الشعبية .................. مع دفاية الحطب اللي بتدفي المكان كله ........... والصوت اللي يعلي في الشوارع ويخوف اي بلطجي ويخليه يجري بعيد وهو بيضرب النار عشوائي ( يعني مسلح بيخاف من عزل )

دة بالنسبة للسلاح القوي ........

السلاح المادي بقي

كل واحد يعرف يدافع بحاجة بيشارك بيها ............. اللي عنده مسدس او بندقية مرخص ............ والسكاكين والسواطير بتطلع من كل المطابخ

وشوية خشب وحديد وجنازير ..........الخ

الشارع بيتقفل بكاويتش عربيات ............ صحيح مش بيمنع الدخول ......... بس له أهمية برده

وصوت الشباب اللي علي ناصية الشارع لو شافوا حد .......... وكله يجري

ومع ذلك ............ مافيش ولا حادثة سطو واحدة حصلت علي ممتلكات فردية في عز ايام الفوضى وغياب الأمن وانتشار البلطجة العلني

وكل الحوادث اللي حصلت كانت علي فنادق او مطاعم .......الخ وكان هجوم منظم ودقيق لدرجة احترافية عالية

[teacher]

لابد من توزيع وتمرير - فورورد - النداء القومي

فورا

لجميع الايميلات لديك وعلى جميع المنتديات

ده نداء قومي شعبي يا جماعة ارجوكم ارجوكم بسرعة

[masraweya]

سمعت فكرة

ان الاحياء تتفق مع بعضها و تعمل شركة أمن

الميزة ان ده يسمحلهم بترخيص السلاح

ساعتها البلطجية مش هتفكر تهوب حتى

[pink rose]

حد من مصر يطمنا هي الشرطة نزلت فعلا النهاردة و لا لأ

عندنا في اسكندرية ما يعرفوش لان الجو تلج هناك و ما حدش نزل النهاردة من البيت

[Howayda Ismail]

حد من مصر يطمنا هي الشرطة نزلت فعلا النهاردة و لا لأ

عندنا في اسكندرية ما يعرفوش لان الجو تلج هناك و ما حدش نزل النهاردة من البيت

اطمنى ياريمو

امبارح ابنى قالى لى انهم نزلوا بكثافة فى المنشية ومحطة الرمل ومناطق تانية

خاصة بعد هجوم بلطجية على مول كبير وسرقته وتحطيمه وسرقة محل دهب كبير فى المنشية

و لما نزلت النهاردة اول مرة اشوف سيارة شرطة فى المنطقة منذ اختفاءهم

الضباط فى اسكندرية من فترة بينزلوا يعملوا زى مؤتمرات شعبية مع الاهالى والحمد لله فى استجابة

[pink rose]

حد من مصر يطمنا هي الشرطة نزلت فعلا النهاردة و لا لأ

عندنا في اسكندرية ما يعرفوش لان الجو تلج هناك و ما حدش نزل النهاردة من البيت

اطمنى ياريمو

امبارح ابنى قالى لى انهم نزلوا بكثافة فى المنشية ومحطة الرمل ومناطق تانية

خاصة بعد هجوم بلطجية على مول كبير وسرقته وتحطيمه وسرقة محل دهب كبير فى المنشية

و لما نزلت النهاردة اول مرة اشوف سيارة شرطة فى المنطقة منذ اختفاءهم

الضباط فى اسكندرية من فترة بينزلوا يعملوا زى مؤتمرات شعبية مع الاهالى والحمد لله فى استجابة

طمنتيني ربنا يطمن قلبك

[Om Zayd]

على ما عرفت .. المشكلة اكبر في المحافظات

بالذات الطرق .. بلطجية فارضين اتاوات

و السواق اسهل حاجة يدفع .. و يغلي الاجرة على الركاب

مش عارفة هل حاولوا يبلغوا الجيش و الشرطة و لا لأ

بس الاكيد ان بعد أحداث المقطم و منشية ناصر و القوانين اللي هتفعل للبلطجة .. الامن هيتحسن

لان مفيش شرطي هيجرؤ يقول مش نازل