أربعة بنوك عالمية تتنافس لتمويل خط ائتمان لمصر

[Mohammad Abouzied]

أربعة بنوك عالمية تتنافس لتمويل خط ائتمان لمصر

(12-08-2004)

دخلت أربعة بنوك عالمية في منافسة حادة لتمويل خط ائتمان لهيئة السلع التموينية في مصر قيمته مليار دولار.وتبلغ مدة التمويل خمس سنوات وستوجه حصيلته لتمويل صفقات شراء مصر للقمح الأسترالي من شركة أستراليان بورت.

وتهدف خطة مصر للجوء إلى البنوك الأجنبية ومنها سيتي غروب الأميركي وسوسييتي جنرال الفرنسي إلى تخفيض الضغط على الاحتياطي المصري من النقد الأجنبي، حيث ستسدد مصر القسط المستحق في نهاية كل عام بدلا من دفعه مقدما.

وكان مسؤولون أستراليون ومصريون قالوا في مايو/ أيار الماضي إن القاهرة وقعت مع الشركة المحتكرة لصادرات القمح الأسترالية اتفاقية تمهد لإبرام اتفاق توريد طويل الأجل.

ويأتي الاتفاق بعد زيادة حادة في مبيعات القمح الأسترالية عام 2004 لمصر التي تستورد ما بين ستة وسبعة ملايين طن من القمح سنويا وتعد واحدة من أكبر مستوردي القمح في العالم

[فــيــروز]

أربعة بنوك عالمية تتنافس لتمويل خط ائتمان لمصر

(12-08-2004)

دخلت أربعة بنوك عالمية في منافسة حادة لتمويل خط ائتمان لهيئة السلع التموينية في مصر قيمته مليار دولار.

يعنى ايه خط ائتمان للسلع التموينيه؟ :rolleyes: :angry:

[emmyyy]

يعني نشتري belcredit علي الحساب يعني والعداد يعد الفيده و الذي منه

(علي النوته زي البقالين) :rolleyes:

بس يا تره elcomission رايحه لمين و اي بنك هيدفع اكتر

بس ليه بيتنفسوا? :angry:

[Mohammad Abouzied]

اساسا السلع التموينية ليه تشترى من الخارج وليه الشراء بالائتمان ؟؟؟؟

لسه فيه تخبط اقتصادي كبير في البلد فليرفع الدعم عن القمح وبالتالي سوف يرشد استخدامه او يستبدل بالبطاطس بدل ما تصدر ومفيش داعي ابدا للاستدانه علشان ناكل خبز حاف

[Handicraft]

لا حول ولا قوة الا بالله.

لا كرامة لمن يستدين ليأكل ...

لا مستقبل لمن سيحملون عبء تسديد الديون...

لا أمل فى من يملكون اتخاذ القرارات طالما ظلت بهذا المنطق الأعمى المتساهل.

البقاء لله فى مستقبل أطفالنا فى هذا البلد ... ولا عزاء للسيدات

[kfaya]

يعنى ايه خط ائتمان للسلع التموينيه؟

يعني نشتري belcredit علي الحساب يعني والعداد يعد الفيده و الذي منه

(علي النوته زي البقالين) 

بس يا تره elcomission رايحه لمين و اي بنك هيدفع اكتر

بس ليه بيتنفسوا? 

خط الأتمان هو ضمانة مالية محددة القيمة ( مليون , مليار مثلا) من البنك لعميل محدد و ذلك لأستخدامها فى مجال معين على أن ترد طبقا لبرنامج استرداد متفق عليه .. طبعا بعد اضافة الفوائد و العمولات و المصروفات ... و طبقا لنوعية الضمانات يتحدد سعر الفائدة ...

و فى حالة طلب مصر خط أئتمان ..... تتهافت البنوك .... و أكرر البنوك وليس الدول .... فالعلاقة هنا بين مصر و بنك , .... و تلك تختلف تماما عن قرض من دولة أو منحة ...

المهم هو نوع الضمانات التى تقدمها الحكومة المصرية لذلك البنك ...... قد تكون سندات على البنك المركزى , أو بضمان ودائع مصر الدولارية

المهم ما نكونش رهنا قناة السويس و لا معبد الأقصر و لا وادى الملوك ..... مثلا يعنى ؟؟؟؟؟!!!!!

أفتكر من كام سنة طلع عاطف عبيد فى مجلس الشعب و فضل يقول الحكومة بتملك قناة السويس بقيمة كذا مليار ... و معرفش كام بير بترول بكام مليار...ساعتها أنا قلت هما بيقيموا البلد عايزين يبيعوها حتة حتة ..؟؟؟ طب كان مفروض يقول عندنا سبعين مليون مواطن الواحد بكذا ؟؟؟؟!!!!!

أما بقى اذا كان فيه فى الصفقة دى عمولات من تحت التربيزة أو لأ ؟؟؟؟؟ فعلم هذا عند ربى !!!!!!!!!!!!

[فــيــروز]

يعنى مزيد من الديون الخارجيه و مزيد من الاعباء لخدمة هذه الديون

لا حول ولا قوة الا بالله !!

طيب ليه بطلنا طريقة الشراء القديمه وليه دلوقت عاوزين نشترى القمح بالكريديت كارد !!

[Mohammad Abouzied]

صحة الشعب المصري ما تجيش الا على الكل بالدين

الدكتور نصحنا بكدا

[mnman]

كفاية كتب:

أفتكر من كام سنة طلع عاطف عبيد فى مجلس الشعب و فضل يقول الحكومة بتملك قناة السويس بقيمة كذا مليار ... و معرفش كام بير بترول بكام مليار...ساعتها أنا قلت هما بيقيموا البلد عايزين يبيعوها حتة حتة ..؟؟؟ طب كان مفروض يقول عندنا سبعين مليون مواطن الواحد بكذا ؟؟؟؟!!!!!

مش ممكن!! خلتني اضحك لما بطني وجعتني!! وبقي وجع في الراس و البطن!!!

شعار الحومة الجديد: الشكك ممنوع والزعل مرفوع!!

وغطيني وصواتي يامامي!!!

منمان بقال وبتاع بليلة!!