هؤلاء هم أبطال الثورة الحقيقيون

[se_ Elsyed]

http://www.facebook.com/video/video.php?v=10150110966866825

الفيديو ده جاوب على سؤال محيرني من سنين وفتحت عشانه كذا موضوع طوال السنوات الماضية

وهو يتعلق بالتضحيات

وإن لو كل واحد فينا خاف من الظلم ... يبقى هانقضي عليه إزاي ؟

وإن لو كل أب وأم قالوا لإبنهم : مالكش دعوة بالسياسة وإمشي جنب الحيط .... أومال مين هايبقى له دعوى بالسياسة ؟

وليه عندنا إعتقاد إن في ناس مخلوقة عشان تضحي بدالنا ... أو عشان تبقى في الصفوف الأمامية وتتهرس هي .. أو عشان تبقى وقود لأي ثورة ؟

وليه نستنى لما الظلم يستفحل سنيييييييييييييييييييين وبعدين يوم ما نفوق ما نبقاش عارفين نسد الأخرام اللي عملها من كترها واللي خلت البلد عامله زي الغربال ؟

يااااااااااااه .... فعلاً .. ده الفرق بين الرياء والسُمعة والبروباجندا وبين التضحية الحقيقية في صمت ومن غير إنتظار مكافأة أو ثمن .. يكفي إن شاب زي ده ممكن يعيش عاجز بقية حياته .. ويكفي إن شاب زي جواد نابلسي اللي شوفناه يقضي حياته بعين واحده بعد ما فقد عينه بطلقة في بداية المظاهرات .. ويكفي أن يكون هناك مئات بل أعتقد الاف من الشباب اللي أصيبوا في صمت وسيظلوا يعانوا بقية حياتهم في صمت وبعيداً عن الأضواء .. لإنه عمل حاجه هو مقتنع بها ومش مستنى حاجة من حد

أنا ..

أنا مكسوف من نفسي قوي قوي قوي

[م تيمور المراغي]

رحمت الله على الشهداء الابرار ,,

رحمت الله على احمد جابر ,, ابن خالي وصديق عمري

المصابين نحملهم فوق رؤسنا

طول عمرنا ,,

هم زهرة الثورة وفخرها وفخارها ,,

لكن للاسف يا س

هي دي سنة الحياة

البيادق تتقدم وتشتبك وتستشهد وتموت ,,!!

ليجني القادة في النهاية

وحدهم ,,

ثمرة الانتصار ,,!!

[م تيمور المراغي]

الكليب رفعته على التيوب

http://www.youtube.com/watch?v=7zQg49oQuAI

[aimen]

الحرية ثمنها دم

اللهم اشفيك يارب

وارحم شهداؤنا

....

[اغابي]

طيب اتمنى ان الناس تتعلم وما تضيعش التمن الغالى اللى ادفع ويبدأو يغيرو افكارهم القديمة

وخاصة اللى واضح انهم ما اتغيرتش لسة رؤيتهم للامور وعلى المنتدى قريت كتير من الاقلام

اللى باعتبرها سيئة جدا ومخزية جدا فى مناقشة مثل هذه الفترة - وممكن تكون اهدافها

فشل الثورة فالله واعلم بالنيات - لان اللى زي دول مش بيحبو مصر

ياريت كل الشعب المصري يعرف ان الثورة كان تمنها الدم يعنى غالى اوى

طيب واللى بيحصل دلوقتى - داه نسميه ايه ؟؟ - ولا نسميه ايه ؟؟

ياريت الكل يعرف ان مصر بلد للجميع ومش بتاعة ناس وناس تانية لاء

ومش ناس تعيش فيها وناس يهججوها من بيوتها ويقولولهم اطلعو بره دى بلدنا احنا مش انتم

ياريت كل الناس تقرى الكلام داه - لكن للاسف مش كل الناس هتقراه - لان المحاورات مش هتدخل كل بيت فى مصر

يبقى نكتفى بان كل المحاوراتية يقرو الكلام داه وكل واحد قال كلمة او كتب كلمة هنا على المنتدى

ممكن تكون سبب فى ضياع الثورة الجميلة دى يبقى ياخد باله المرة الجايا من قلمه قبل ما يكتب اى كلمة

يا مجاهدى الكيبورد كل واحد مسؤال هنا على المنتدى عن اللى بيكتبه

كفاية اتحملنا كتير من اقلام ما قبل الثورة -

والتى تميز اصحابها بتفكيرهم الضيق والمخزى على صفحات المحاورات وعلى صفحات الصحف ايضا

فاتمنى ذلك قبل فوات الاوان

وكمان مشاركة منى للتوبيك هنا يا استاذ س س

اتفضل

هديتى

http://www.youtube.com/watch?v=QUVTp7aCoZA

كلنا شعب واحد

[se_ Elsyed]

ومش ناس تعيش فيها وناس يهججوها من بيوتها ويقولولهم اطلعو بره دى بلدنا احنا مش انتم

كلنا شعب واحد

أه أومال إيه شعب واحد ..... بامارة الفيديو بتاعك يا أغابي وكمان هججان الناس من بيوتها

أغابي ... إهدي شوية ومن غير إنفعال ...

التوبيك مش عن كده خالص ...

ونصيحة اخ ليكي ... أوعي تخلي الغضب يخليكي تنظري للأمور من جانب واحد أو بعين واحده ....

كلمة أخيرة : عرفتي إن مات 10 امبارح في أحداث المقطم نتيجة إن المسيحيين كانوا بيطقلوا النار من رشاشات ومسدسات من أعلى على الجميع بدون تمييز ؟

هاتقولي عرفت منين ؟

شهود العيان في جميع برامج التوك شو اللي شوفتها كانوا بينقلوا الصورة كما هي .... وماحدش كان شايل سلاح غيرهم ...

أوعي الأمور تتقلب لمسيحي ومسلم .....

أوعي تتهمي طرف بالخطأ أو إنه الجاني والأخر هو المجني عليه ...

وكمان من فضلك ما تخرجيناش عن هدف الموضوع ..

ولكي تحياتي ..

[اغابي]

ومش ناس تعيش فيها وناس يهججوها من بيوتها ويقولولهم اطلعو بره دى بلدنا احنا مش انتم

كلنا شعب واحد

أه أومال إيه شعب واحد ..... بامارة الفيديو بتاعك يا أغابي وكمان هججان الناس من بيوتها

أغابي ... إهدي شوية ومن غير إنفعال ...

التوبيك مش عن كده خالص ...

ونصيحة اخ ليكي ... أوعي تخلي الغضب يخليكي تنظري للأمور من جانب واحد أو بعين واحده ....

كلمة أخيرة : عرفتي إن مات 10 امبارح في أحداث المقطم نتيجة إن المسيحيين كانوا بيطقلوا النار من رشاشات ومسدسات من أعلى على الجميع بدون تمييز ؟

هاتقولي عرفت منين ؟

شهود العيان في جميع برامج التوك شو اللي شوفتها كانوا بينقلوا الصورة كما هي .... وماحدش كان شايل سلاح غيرهم ...

أوعي الأمور تتقلب لمسيحي ومسلم .....

أوعي تتهمي طرف بالخطأ أو إنه الجاني والأخر هو المجني عليه ...

وكمان من فضلك ما تخرجيناش عن هدف الموضوع ..

ولكي تحياتي ..

طب بدل ما بتتكلم معايا انا كدا يا س س

ما اتكلمتش ليه وعلقت على المشاركات اللى بتتناقش امبارح باستفزازززززز

بما انك مشرف يعنى

;)

طب ايه رايك يا س س ان فى واحد امبارح مات اسمه مينا عمره 18 سنة

وداه كان برضوه ماسك سلاح وانتحر ولا ايه

استاذ س س ما تتهمش فئة على اخرى كله مات وكله مصاب من الطرفين

وكمان انا مش بخرجك من هدف الموضوع انت زعلان اوى ليه

انا اللى فهمته ان التوبيك بيتكلم عن الناس الابطال فى الثورة ولا اكون فهمت غلط

والفيديو اللى حطيته فى اخره مشاهد ناس بتصلي وجيش

بالراحة- شوية - مش كدا

وانا اللى بقولك كلمة اخيرة

ونصيحة اخت ليك ... أوعي تخلي الغضب يخليك تنظر للأمور من جانب واحد أو بعين واحده

خلى بالك خليك محايد

كم استفزاز امبارح قريته صاعق من الاخوة الافاضل الوطنين اوى اوى اللى على المنتدى

كمل مسار موضوعك المهم اللى انا شاركت فيه بالغلط

مع انى شاركت بفيديو حلو خالص ومناسب موضوعك جدا لانه عن الجيش والابطال

تحياتى

تم تعديل 9 مارس 2011 بواسطة اغابي

[زهرة الجبل]

الطبيب النفسي أحمد هو فعلاً أحد أبطال الثوره المصريه اللذين روت دمائهم نواتها الأولى لتثمر و تورف و نستظل كلنا بظلالها كمصريين بدون تمييز مسلمين و مسيحيين

و الشاب الجميل الرائع جواد النابلسي الذي جعلني أتمنى بحق أن أرى إبني في مثل أخلاقه و حبه لوطنه و ثقافته و جرأته و شجاعته و ثقته بنفسه

هو الآخر أحد الأعمده التي حملت عرش الثوره فوق رؤوسنا جميعاً كمصريين وحده واحده لا تمييز فيها بين فئه دينيه و أخرى و لا طبقه إجتماعيه و أخرى و لا متويات ثقافيه و أقل منها أو أعلى

و ماجد بولس النقيب في الجيش الذي وقف بصدره في وجه البلطجيه لحماية أخوته المسلمين و المسيحيين الثوار كان أيضاً دعامة رائعه من دعائم الثوره النقيه

و ليس هذا هو المهم بقدر ما أن الأهم اليوم من ذكر هذه الأسماء هو الإشاره إلى أن جميعهم لم يكن معروفاَ له لا إسم و لا إنتماء على أرض المعركه سوي كونه مصرياً

لم يحمل أحمد و لا جواد و لا غيرهم مصاحف و لم يحمل ماجد الصليب .. جميعهم حملوا في قلوبهم حب مصر و ثاروا في وجه الفساد

هؤلا و آلاف الشباب غيرهم من المصابين و الشهداء اللذين لم تجمع بينهم طائفه دينيه و لا رابطه ثقافيه و لا صفه إجتماعيه و لم توحدهم سوى الرايه الوطنيه هم بأعينهم من أصبحوا اليوم مثالاً يحتذى به و مناره يستمد الآخرون منها العزائم و الهمم و القدوه

ليس إلا لأن الضغوط الحياتيه و الفساد المستشري و الظروف الحياتيه القاسيه التي ثاروا عليها لم تفرق حين كانت تلتف حول رقابهم بين مسيحي و مسلم

و لأن الرصاص الذي أودى بحياة بعضهم و أفقد البعض الآخر عيونهم و ترك في البعض الآخر ما ترك من آثار لن يمحوها الزمن .. هذا الرصاص لم يفرق فيهم بين مسيحي و مسلم

و لأن الحريه اليوم ينعم بها المصريون جميعاً مسلم و مسيحي و لا فرق بين هذا و ذاك

عزيزتي المصريه أغابي

أرجوكِ بلاش ناخد الرغاوي اللي عالوش و نعمل عليها زوم و نكبر الصوره و نحرق فرحتنا بإيدينا

إنهرضه يوم العمل علشان دماء اللي ماتوا ماتبقاش راحت هدر .. واجبنا نبني عليها مش ندفنها و ننساها

واجبنا انهرضه نبقى متحدين .. نبني و نعلم و نصنع و نتاجر و نصدر و نزرع و نحصد علشان مصر تبقى أحسن

واجبنا إنهرضه نتعايش و نحب بعض و نكافئ العظماء و نعاقب المخطئين بدون تفرقه بين عظيم مسلم و عظيم قبطي و لا مخطئ مسلم و مخطئ قبطي علشان إحنا كلنا نبقى أحسن

واجبنا كمان إننا بإيدينا نعمل خطوط حمرا لأي منبر أو صوت أو قلم هيفرق بيننا و يعمل فرق بين مسلم و مسيحي لأن هو ده السئ و المخزي أكثر من المسئ المسلم أو المسيحي

مش من مصلحتك و لا مصلحتي و لا مصلحتنا كلنا و لا مصلحة ولادنا من بعدنا إننا نقول في مسلم طرد مسيحي و لا إن مسيحي قتل مسلم .. لأن كلنا عاوزين قانون واحد يحاسب ده و يحاسب ده ..

يبقى إللي لازم نقوله في وضع زي ده هو إن في مصري أخطأ في حق أخوه المصري و القانون المصري هيحمي المظلوم و يحاسب الظالم و بس

و يبقى لازم تعرفي و أنا قبلك و كلنا نعرف إن العنصر المخزي من انهرضه هو اللي هيحاول يمسك عدسه مكبره على الأحداث دي و يعمل منها سيره و قصه كبيره و يلهينا عن واجبنا القومي و قضيتنا الأشمل و الأعم

و في الآخر خدي دي مني و روقي دمك و إفرحي بإنهرضه و إحلمي ببكره أجمل

و عندي إقتراح تاني ..

تيجي تشربي معايا نسكافيه ؟؟

cof):

[شرف الدين]

يا ريت كل واحد بيحاول ينسف المعاني الجميلة والنتائج النبيلة اللي حققتها الثورة دي

يا ريت يشوف الفيديو ده

عشان كل بني آدم يحاول يهدم منجزات الثورة دي يعرف هو أد ايه رخيص

[جويرية]

كل ما اشوف اغنية للشهدا افتكر المصابين

اتمني ان يتعمل ليهم اغنية

اللي حيعيش بدون عينه اوقدمه او يعيش مقعد طول عمره ، ده انسان يستحق ان نشكرهم طول عمرنا

ليه مش بيتضيفوهم في الاعلام