بين..ثورة 25 يناير..وبن جوريون مؤسس دولة اليهودية

[Alattar]

سئل ذات مرة بن جوريون..مؤسس الدولة اليهودية..لما ذا أنتم معشر اليهود تعيشون دائما في حالة حرب..ولا تحافظوا علي السلام؟

فقال..بعد أن دخلنا فلسطين..أرض الميعاد..و هدأت الأجواء و بدأنا نشعر ببوادر استقرار..كنت أمشي في الشارع..فوجدت يهودي من أصل أمريكي و يهودي من أصل سوفيتي يكادوا أن يتعاركوا..حتي سمعت السوفيتي يقول للأمريكي..صعدنا الفضاء قبلكم..إشارة علي جاجارين أول عالم فضاء سوفيتي يصعد الي الفضاء..

أي أنه يتكلم بالقومية السوفيتية..و ذاك يتكلم بالقومية الأمريكية..و نسوا أننا كلنا يهود و هناك دين واحد يجمعنا..

يقول..فحينها تيقنت أننا أمة لا تحيا الا بحرب..ووجود عدو..لذلك..قررت منذ ذلك اليوم..أنه كلما سقط عدو..أوجدنا عدو آخر حتي لا نفترق و نفتعل المشاكل فيما بيننا بسبب الاستقرار..

تذكرت هذا الكلام و أنا أري أحداث أطفيح و من قبلها حملات التشكيك الواسعة..التي طالت كل شيء.حتي وصلت لأناسا كنا نعدهم رموزا للفكر و الدين..و العلم...

أنا ما بقولش نثق في أي حد بيتكلم و خلاص ..وممكن يكون فعلا يكون عاوز يركب الموجة و خلاص..بس برضه ما نشككش في كل حاجة..مش عاوزين نبقي زي العالم التانية التي لا تحيا الا بعدو..

النهاردة في مداخلة ليا في موضوع "دعوة للجميع للخروج لـ " جُمعة الوحدة والبناء " قلت أني أتمني عودة مبارك لتظل عندنا حالة الاستنفار و الثورة التي كنا فعلا فيها نفرق بين الحق و الباطل و كدنا فيها أن ننسي بعض الكلمات السقيمة كالتحرش الجنسي و الفتنة الطائفية..و التي أثبتنا بما لا يدع مجالا للشك أنها من سيناريو و إخراج رجال النظام المخلوع..

طبعا أنا لا أتمني عودة مبارك أبدا..بس فعلا نفسي نظل دائما يد واحدة..و ننسي خلافاتنا..و ان لم يكن هذا ممكنا..فعلي الأقل ننساها حتي نبني دولة قوية..و بعدها نري ان كانت هناك خلافات مازالت موجودة..و إن وجدت فأنا متأكد أنها ستزول بأدني مجهود ممكن نظرا لما سنصل إليه بإذن المولي عز و جل إلي تقدم في جمبع المجالات و تفتح في العقول.

تم تعديل 9 مارس 2011 بواسطة Alattar

[Alattar]

فكرة جديدة حبيت أنقلها لكم بعد متابعتي لأحداث اليوم و قراءتي للأخبار التي و للأسف كلها تراشق و قتل و اصابات و اشتباكات

منذ تولي الدكتور المحترم عصام شرف لمنصب رئيس الوزراء..حدث ما يلي

1 - أزمة كنسية أطفيح

2 - ما ترتب علي الأولي من أحداث مؤسفة كالتي حدثت في المقطم و غيرها

3 - أزمة اليوم في ميدان التحرير بين المؤيدين و المعارضين للإعتصام

ألا ترون أن شيئا مشابها حدث عندما تولي أحمد شفيق رئاسة الوزراء..

الذي أريد أن أقوله أنني أخشي أن تكون كل هذه مخططات محبوكة جيدا لإحداث وقيعة بين الشعب و بين الدكتور عصام شرف بعمل مقارنات بين هذه الأحداث و بين ما حدث إبان تولي أحمد شفيق رئاسة الوزراء

حتي يقولوا أنه كما حملتم أحمد شفيق المسئولية فأيضا يجب أن يتحمل عصام شرف المسئولية عما يحدث

الواحد خلاص ما بقاش عارف يفكر..كل ما نبني حاجة..يهدوا هما كتير..

[pink rose]

عارف الحل للي احنا فيه دا ايه؟

اننا نلاقي هدف مشترك يجمعنا كلنا

بتقول الكل اتجمع لخلع مبارك

يبى لازم دلوقتي اننا نلاقي لنفسنا هدف نتوحد كلنا عشانه

بس للاسف دا لازم يكون في ظل وجود قائد

و حاليا مصر بلا قائد

ما فيش رئيس يوجه طاقة الناس لمشروع وطني على سبيل المثالو بالتالي ما حدش هايكون فاضي زي دلوقتي

عشان كده انا فعلا اقتنعت ان انتخاب رئيس لازم يكون في اسرع وقت مش بعد 6 شهور ابدا

لان شهر كمان على نفس الوضع يبقى قول على مصر يا رحمن يا رحيم

[Alattar]

عارف الحل للي احنا فيه دا ايه؟

اننا نلاقي هدف مشترك يجمعنا كلنا

بتقول الكل اتجمع لخلع مبارك

يبى لازم دلوقتي اننا نلاقي لنفسنا هدف نتوحد كلنا عشانه

بس للاسف دا لازم يكون في ظل وجود قائد

و حاليا مصر بلا قائد

ما فيش رئيس يوجه طاقة الناس لمشروع وطني على سبيل المثالو بالتالي ما حدش هايكون فاضي زي دلوقتي

عشان كده انا فعلا اقتنعت ان انتخاب رئيس لازم يكون في اسرع وقت مش بعد 6 شهور ابدا

لان شهر كمان على نفس الوضع يبقى قول على مصر يا رحمن يا رحيم

عدم وجود قائد فعلا ..أو شخص يتفق عليه أغلب الناس..ممكن يكون فعلا سبب من أسباب المشكلة

و لكن يا أمريم مش لازم يكون القائد هو الرئيس..احنا محتاجين حد الناس كلها تحترمه و تقدر كلامه

ده كله كلام جميل..

لكن الحل ده لو بنتكلم عن طرفين كلاهما ناضج و عاقل و يستمع للآخر..انتي دلوقتي بتتكلمي عن فئة كلها ناس وطنية بالفعل استطاعوا أن يغيروا كثيرا في البلد..وكل اللي بينادوا بيه ولا مصالح شخصية ولا مطالب فئوية..دي كلها..حرية..كرامة..و عدالة اجتماعية

و بين فئة تانية..منتفعين من النظام القديم..و يهمهم جدا سقوط هذه الثورة..و بيستعينوا بشوية مجرمين و سوابق لتحقيق هدفهم و هو تفريق الشعب علي أساس طائفي..أو ديني..

فأصبح الواحد بدل ما يقول احنا كلنا في بلد واحد و لازم نعمل لمصلحته..أصبح فيه ناس بيقولوا أنا ديني كذا..أو بلدي كذا..و هكذا بدأنا نتكلم من قومية أخري غير اللي المفروض تجمعنا في هذا الوقت

يبقي من الصعب اننا نجد قائدا يثق به شباب واعي و مثقف..و في نفس الوقت يثق به بلطجية و رد سجون

لأن الفئة الأخيرة دي ما بتثقش في حد..و لكنهم عباد للدرهم و الدينار..و طاعتهم الأولي و الأخيرة لأي شخص يدفع و خلاص..عشان كده لا بد من التصدي لهم بالقوة..

و معرفة من يدفع لهم..و يدفعهم لهذه الأفعال المؤسفة..

تم تعديل 9 مارس 2011 بواسطة Alattar

[Alattar]

ما كنتش أحب أبدا اني أقول هذا الكلام..و لكني كل يوم أزداد تأكدا أن أصحاب المطالب الفئوية

و الذين يشوهون وجه الثورة ..لم يتحركوا الا بأيادي خفية..

مش هقول ان كل من له مطالب هو عميل أو هذا الكلام..و لكنني أتكلم عن الرؤوس التي تحركهم..

هم يريدوها فوضي..و يريدوا أن يقولوا أننا كشعب لا نحيا الا بعدو..و لا نحيا الا بنظام قهري يمكنه السيطرة علي الناس فيكونوا أكثر استسلاما.. و تقبلا للأمر الواقع