النيل للأخبار..اشتباكات بين مؤيدى ومعارضى الاعتصام فى التحرير

[pink rose]

معلش حد ينزل بالترجمة

عشان مش فاهمة حاجه؟

[أحمد سيف]

معلش حد ينزل بالترجمة

عشان مش فاهمة حاجه؟

المهندس تامر سيأتينا بالخبر اليقين قريبا إن شاء الله

[Alattar]

معلش حد ينزل بالترجمة

عشان مش فاهمة حاجه؟

تقريبا يا ام مريم عاوزين يقولوا ان اللي كانوا معتصمين النهاردة في الميدان دول من أتباع النظام المخلوع..و ان شباب الثورة هو اللي راح يطلعهم عشان نبدأ العمل الجاد و التابعي الدمياطي و الكلام الحلو ده

الواحد ما بقاش فاهم أي حاجة..و بيقولوا انهم مش مخترقين ولا حاجة و ان كل كلامهم صح

تم تعديل 9 مارس 2011 بواسطة Alattar

[Alattar]

معلش حد ينزل بالترجمة

عشان مش فاهمة حاجه؟

المهندس تامر سيأتينا بالخبر اليقين قريبا إن شاء الله

فعلا.الواحد ما بقاش عنه ثقة في كلام أي موقع..عاوزين حد يكون علي اتصال بشباب الثورة في مصر

في انتظار الأخ تيمور

[م تيمور المراغي]

احمد ماهر رد عليا من التحرير الدوشة غير طبيعية ما سمعتش حرف واحد منو

معلش دقايق وحعرف الرد

اعتذر

[عنبو]

انا رايح اعمل عمره انهارده بالليل ان شاء الله

علشان ادعى لمصر

ياريت كلنا ندعى ربنا انه ينصرنا

ولازم نكون واثقين فى نصر الله

قال الله تعالى { وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ}

تحياتى

عنبو

[fatfouta]

هى شبكة رصد اتهكرت فعلا يا جماعة؟؟

[fatfouta]

انا رايح اعمل عمره انهارده بالليل ان شاء الله

علشان ادعى لمصر

ياريت كلنا ندعى ربنا انه ينصرنا

ولازم نكون واثقين فى نصر الله

قال الله تعالى { وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ}

تحياتى

عنبو

الله ينور عليك يا عنبو وترجع بالسلامة

ادعى من قلبك الله يخليك وقول ربنا ينصرنا على أعداءنا اللى راديدن ببلدنا شر

[Alattar]

هى شبكة رصد اتهكرت فعلا يا جماعة؟؟

والله يا أخت فتفوتة..هما بيأكدوا انها ما حصللهاش أي حاجة..بس عليها شوية أخبار غريبة ...منتظرين الأدلة اللي قالوا عليها..و برضه ان شاء الله مستنيين مكالمة الأخ تيمور للشباب في مصر لمعرفة حقيقة ما يجري بالظبط

[م تيمور المراغي]

انجي ماعندهاش فكرة بتقول لي كلم احمد ماهر و محمد عادل

ماهر دوشة رهيبه انقطع الاتصال 3 مرات

عادل ما بيردش

اول ماوصل لاخبار حكتبها

اعتذر

[abdulmuttaleb]

أولا نبدأ بالفيديو الخامسة عصر اليوم:

http://www.youtube.com/watch?v=WE-tFRks_OY

ثانيا ننقل من الدستور:

http://dostor.org/politics/egypt/11/march/9/37776

قامت قوات من الجيش بصحبة مئات من المواطنين بفض اعتصام ميدان التحرير الذي يضم المئات من العاطلين وأطفال الشوارع وباعة جائلون وسط اشتباكات عنيفة بين الطرفين، وقد رفع أحد المعتصمين أنبوبة غاز مهددا بتفجيرها إذا أقترب منه أحد، قبل أن تسيطر عليه قوات الجيش التي نجحت في فض مكان الاعتصام بالكامل، بعدها بدأ مئات من الشباب في

تنظيف الجزيرة الوسطى التي كان يوجد بها المعتصمون، وهم يهتفون "الشعب يريد تنظيف المكان"، قبل أن يعاود مجموعة من البلطجية الهجوم عليهم مجددا، فعادت قوات الجيش وأمنت منطقة ميدان التحرير وألقت القبض على عدد من البلطجية وطاردت عددا منهم في المنازل المجاورة للميدان وسط هتافات من الشباب "الشعب والجيش إيد واحدة"، كما نظم ما يقرب من 15 مواطن مظاهرة تجوب الميدان تهتف "المسلم والمسيحي إيد واحدة".

وكان ميدان التحرير، قد شهد اشتباكات عنيفة وإلقاء الحجارة وضرب بالعصي بين المعتصمين وما يقرب من 500 بلطجي ممن يرغبون في فض الاعتصام وإخلاء الميدان.

وتضاربت الروايات بين الطرفين، فيقول بعض شباب من الذين شاركوا في ثورة 25 يناير أن المعتصمين في ميدان التحرير ليسوا منهم وأنهم بلطجية وباعة جائلين، وأضاف الشباب أنهم أتوا إلى ميدان التحرير لمطالبتهم بفض الاعتصام، ففوجئوا بهم يهجمون عليهم بعصي وحجارة.

واعتلى البلطجية أماكن عالية حيث رشقوا المعتصمين بالحجارة فيما اندس بعضهم بين المتظاهرين وضربوهم بالشوم والعصى.

وأعاد الجيش تحريك دباباته وأطلق الضباط الرصاص الحي في الهواء لفض الاشتباكات والفصل بين الطرفين لكن ذلك لم يمنعهم من تبادل إلقاء الحجارة، قبل أن يقوم الجيش باحتجاز مجموعة من البلطجية بجوار المتحف المصري، كما طاردت مجموعة من القوات المسلحة مجموعة من البلطجية حاولوا الهرب بالدخول إلى عدد من العمارات المحيطة بميدان التحرير.

وقال بعض المعتصمين في التحرير إن البلطجية يحركهم ضباط من أمن الدولة وبعض القيادات السابقة في الحزب الوطني.

وقال مسعف ان ثمانية معتصمين في ميدان التحرير اسبوا في الاشتباكات مضيفا انه عالج ثمانية معتصمين من جروح وكدمات. وأضاف أن الاصابات ناتجة عن رشق بالحجارة.

[م تيمور المراغي]

كلمت حسن ماهر دلوقتي

,, القيادي بالحركة ,,

قال لي احنا لسه في مناقشات عشان نقرر الاعتصام حيستمر ولا ننسحب ونرجع الجمعة للميدان

ومشكلة الاقباط لسه ما احطناش بكل تفاصيلها ومستنيين نجتمع مع عادل عشان نعرف ابعاد ا لمشكلة

والليلة في المطبخ حتبان تفاصيل اكتر على ما يرجع عادل وماهر ,,

ماهر في التحرير وعادل في اطفيح .

انتهت المكالمة .

تعليق :

عارف ان الوضع مبهم وباعتذر ..

لكن بعد منتصف الليل اكون جبتلكم الخبر اليقين ان شاءا لله عن الترتيبات المقبلة

[fatfouta]

حسب الشهود فإن الاعتصام تعرض لمحاولات فض بالقوة من قبل «بلطجية» هاجموا المعتصمين عدة مرات وقذفوهم بالحجارة وزجاجات المولوتوف، مطالبين برحيلهم عن الميدان.

المصرى اليوم

[أحمد سيف]

قامت قوات من الجيش بصحبة مئات من المواطنين بفض اعتصام ميدان التحرير الذي يضم المئات من العاطلين وأطفال الشوارع وباعة جائلون

بعدها بدأ مئات من الشباب في

تنظيف الجزيرة الوسطى التي كان يوجد بها المعتصمون، وهم يهتفون "الشعب يريد تنظيف المكان"، قبل أن يعاود مجموعة من البلطجية الهجوم عليهم مجددا

واعتلى البلطجية أماكن عالية حيث رشقوا المعتصمين بالحجارة فيما اندس بعضهم بين المتظاهرين وضربوهم بالشوم والعصى.

وقال بعض المعتصمين في التحرير إن البلطجية يحركهم ضباط من أمن الدولة وبعض القيادات السابقة في الحزب الوطني.

لسه مش فاهم

يعني البلطجية هم من كانوا يعتصمون في الميدان أم من فضّوا اعتصامهم ولا هما غير دول ودول

واضح إن الدستور بتنقل روايات متضاربة

تم تعديل 9 مارس 2011 بواسطة أحمد سيف

[م تيمور المراغي]

مراسل رصد فى التحرير

http://www.youtube.com/watch?v=a5wIREXXilw

[raouf]

انا رايح اعمل عمره انهارده بالليل ان شاء الله

علشان ادعى لمصر

ياريت كلنا ندعى ربنا انه ينصرنا

ولازم نكون واثقين فى نصر الله

قال الله تعالى { وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ}

تحياتى

عنبو

عنبو باشا بلدياتى الشرقاوى وجارى

ممكن تدعى لاخوك دفعتك اللى فى الدمام وهيموت ويعمل عمرة ومش عارف ؟

واهو ادعيلك انا فى الدمام وممكن تكون مستجابة

[fatfouta]

انا رايح اعمل عمره انهارده بالليل ان شاء الله

علشان ادعى لمصر

ياريت كلنا ندعى ربنا انه ينصرنا

ولازم نكون واثقين فى نصر الله

قال الله تعالى { وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ}

تحياتى

عنبو

عنبو باشا بلدياتى الشرقاوى وجارى

ممكن تدعى لاخوك دفعتك اللى فى الدمام وهيموت ويعمل عمرة ومش عارف ؟

واهو ادعيلك انا فى الدمام وممكن تكون مستجابة

احنا مش قلنا بلاش مطالب فئوية دلوقتى يا رؤوف :closedeyes:

[raouf]

انا رايح اعمل عمره انهارده بالليل ان شاء الله

علشان ادعى لمصر

ياريت كلنا ندعى ربنا انه ينصرنا

ولازم نكون واثقين فى نصر الله

قال الله تعالى { وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ}

تحياتى

عنبو

عنبو باشا بلدياتى الشرقاوى وجارى

ممكن تدعى لاخوك دفعتك اللى فى الدمام وهيموت ويعمل عمرة ومش عارف ؟

واهو ادعيلك انا فى الدمام وممكن تكون مستجابة

احنا مش قلنا بلاش مطالب فئوية دلوقتى يا رؤوف :closedeyes:

ياريتها مطالب فئوية ده حتى مطالب فردية

ووهد منى يا عنبو ليك ربع جنيه عن كل دعوة وانت وذمتك بقى

[م تيمور المراغي]

انا عارف انت طالع العمرة دي عشان ايه يا عنبوش ,,

بعينك :closedeyes:

[doha]

معلش حد ينزل بالترجمة

عشان مش فاهمة حاجه؟

مش هدعي اني ملمه بالصورة كاملة في التحرير او اني اكيده مما يحدث هناك بس الي فهمته لغايه دلوقت هو التالي ..

في عز الاحداث وقبل ان يتنحى مبارك وبعد ان تنحى بقليل كان في نوعين من المتظاهرين .. نوع بيجي الصبح يتظاهر ويعتصم كام ساعه وعلى بليل بيروح بيتهم .. ودول الشعب العادي الي كان رايح فعلا يتظاهر

نوع ثاني تكلمت عنه وسائل الاعلام وقتها وجابت لقطات حية لهم وهم الناس الي كانت رايحه ( على بيات ) الي قيل ان في منهم من وصل التحرير ومجرد ماحط رجله فرش ونام .. ناس لا جاية تتظاهر ولا تطالب وانما جايه ( تحط رجل ) عشان يفضل الميدان مليان بالظبط كده زي ماتغطي شويه فحم بالرماد عشان يفضل قايد كاساس لحريقة بكرا .. الناس دي في من قال ان مدفوع لهم وفي من قال بينهم اخوان المهم انهم كانوا في الميدان لهدف واحد فقط وهو الحفاظ على (جذوة ) المظاهرات مشتعلة ..

اكيد في صنف ثالث وهم المتظاهرون الي بيتظاهروا الصبح ويباتوا بليل ودول اظن كانوا اقل فئة وعددهم لا يقاس عليه ..

الوضع السابق ده ساهم في تحويل ميدان التحرير الى رمز للثورة والى اعتبار بقاء الاعتصامات فيه بمثابة ( راية ) مرفوعة ان البلد في حالة طواريء وعليه ففض الاعتصام سيعني بالتاكيد ان الامور بدات تعود لطبيعتها ..

لو صدقت هذه التخمينات وكانت الناس الي بتبات في التحرير دي فعلا مأجورة لهذه المهمه فقط فاعتقد والله اعلم ان الي اجرهم من البدايه للمبيت هو ذاته من يفتعل الاحداث الآن لحملهم على المغادرة ..

لا استبعد ماتروج له الاخبار في رصد ان الموجودين في اللحظة الحالية في التحرير بينهم ناس بتقوم بمخالفات ده بالتاكيد لا يعني نهائيا ان الناس الي كانت موجوده قبل كده كانت مش كويسه او بتعمل حاجات غلط ولكن يعني ان النية عقدت فعليا لفض الاعتصام في التحرير .

عموما نصبر ونشوف ..