النيل للأخبار..اشتباكات بين مؤيدى ومعارضى الاعتصام فى التحرير

[fatfouta]

التحرير الان على شاشة النيل للاخبار

احداث ذى موقعة الجمل للأسف والمنظر صعب جدااا

طب وبعدين بقى فى الموضوع ده

الواحد مرعوب بجد مين السبب فى كده؟؟؟

ربنا يستر

[Simba]

مش عارف مالهم ومال اللي في التحرير كانوا فين من اول يوم مظاهرات

وبعدين هما مش معاهم وضدهم محدش منعهم من حاجة بس ليه الاذية دي

صفوت الشريف وسرور وباقي الشلة لو ما اتحتطش قيد الاقامة الجبرية ويتمنع عنها كلها وسائل الاتصال هنشوف العجب

[Simba]

شهد ميدان التحرير، الأربعاء، اشتباكات عنيفة وإلقاء الحجارة وضرب بالعصي بين المؤيدين ببقاء الاعتصام في ميدان التحرير والرافضين لهم، وتجمع نحو 500 من المعارضين، وألقوا كميات كبيرة بالطوب والحجارة على خيام المعتمصين، وسط حالة من الكر والفر بين المجموعتين.

وقال المعتمصون في الميدان إنهم شاهدوا بطاقة أحد المهاجمين وتبين أنه يعمل في جهاز مباحث أمن الدولة، وأشاروا إلى أن ما يحدث منطقي حيث أن سبب تواجدهم الآن في الميدان هو طلبهم حل جهاز أمن الدولة، أسوة بتونس، وذكروا أن رحيلهم من الميدان مرتبط بحل الجهاز دون إعادة هيكلته أو تأهيل أفراده.

ووجه المعتصمون بميدان التحرير نداء إلى القوى السياسية والحركات الاحتجاجية بضرورة النزول مرة أخرى إلى الميدان لحين تنفيذ أهم مطالب المتعلقة بحل جهاز مباحث أمن الدولة.

وفى الوقت نفسه، جدد المعتصمون مطالبهم من «إسقاط باقي رموز النظام» إلى وقف الاشتباكات بين المسلمين والمسيحيين وتعزيز الوحدة الوطنية، بينما اتهموا ضباط أمن الدولة بإشعال الفتنة بين الطرفين؛ لتفكيك وحدة الشعب المصري ولإجهاض ثورة 25يناير.

وأرسل المتظاهرون مذكرة إلى عصام شرف، رئيس مجلس الوزراء، قالوا فيها إن ضباط أمن الدولة وقيادات الحزب الوطني، هم المتسببون في إشعال الفتنة الطائفية بين المسلمين والمسيحيين؛ لكي يشغلوا الرأي العام بهذه القضية ويفلتوا من المساءلة القانونية.

وتغيرت هتافات المتظاهرين بالميدان من «الشعب يريد إسقاط باقي النظام» إلى «الشعب المصري إيد واحدة.. مصريين مصريين.. مسلمين ومسيحيين.. إيدنا في إيد بعض ليوم الدين».

وانضم العشرات من الأقباط إلى المتعصمين في ميدان التحرير معلنين اعتصامهم مع المسلمين ليثبتوا أن الشعب المصري في كفة واحدة وتحت شعار واحد هو «الدين لله والوطن للجميع».

وبنى المعتصمون أسلاكًا شائكة حول الحديقة الدائرية وعمل بوابتين تفتيش للرجال والنساء، وذلك لمنع دخول أي شخص معارض لاستمرار الاعتصام

[doha]

نفس السيناريو هو هو كل مرة ..

كل كام اربعاء تحصل مصيبة ويطلع المسؤول بليل يعتذر ثم ييجي الخميس فتصدر قرارات مصيرية تلبي جانب من مطالب المعتصمين وتغفل جانب آخر كاساس يبنى عليها التظاهر يوم الجمعة التالي له وعلى بدايه الاسبوع تظهر نغمه جديده تدعوا لمطالب اخرى تضاف لخميرة الاسبوع الي فات وهلم جرا ..

فين الجديد ؟

[شرف الدين]

رأيي منذ تعيين عصام شرف

أنه يجب التوقف عن التظاهر في ميدان التحرير

يجب على ائتلاف شباب الثورة أن يصدر بيانا واضحا حول ضرورة التوقف عن الاعتصام في التحرير .. حتى نسمح للدكتور عصام شرف أن يمارس عمله بهدوء ودون شوشرة

وجود اعتصامات أو مظاهرات في التحرير هو ما يشجع باقي فئات الشعب على التظاهر والاعتصام.

علينا أن نكف عن التظاهر

[aimen]

اختزال مهين لما يحدث

النيل للأخبار..اشتباكات بين مؤيدى ومعارضى الاعتصام فى التحرير

الحقيقة اسمها مؤيدى الاعتصام لحين حل امن الدولة والبلطجية

البلطجية تعمل فى كل مكان الأن

رصد | عاجل |ميدان التحرير : المعتصمين في التحرير اخرجوا البلطجية الى ميدان عبد المنعم رياض

رصد |من المقطم : المسلمين كانوا يقفون ضد البلطجية مثلنا تماماً ...والبلطجية في الأساس لم يميزوا بين مسلم ومسيحي

رصد | عاجل | ميدان التحرير| المعتصمين في الميدان يستنجدون بإخوانهم خارج الميدان ويناشدون الجيش بالتدخل وعدد البلطجية كبير جدا يصل الى 2000 بلطجي ومعهم الملوتوف والسنج و وقوع عشرات الجرحى .. شاهد عيان : البلطجية منظمون كما في يوم الاربعاء الدامي

امن الدولة والبلطجية يعيدون مشهد موقعة الجمل

توافدت علي ميدان التحرير ظهر اليوم الاربعاء أعداد كبيرة من الشباب،القادمين من اتجاه ميدان عبد المنعم رياض، متجهين إلي المعتصمين بداخل ميدان التحرير، وهتف الشباب قائلين "الشعب يريد إخلاء الميدان".

طالب المتظاهرون بإخلاء الميدان فوراً، إلا أن المعتصمين رفضوا ذلك، ونشبت مشاجرة بينهما استخدم فيها كلا الفريقين الحجارة والعصيان.

قامت الشرطة العسكرية في البداية بفض المتظاهرين، إلا أن الأعداد الكبيرة التي توافدت إلي الميدان حالت دون ذلك، مما اضطر المعتصمين إلي استخدام كميات كبيرة من الحجارة والطوب الأحمر لرشق المتظاهرين، وفر المتظاهرين من الشوارع الجانبية في محاولة لتجميع

أنفسهم من نقطة أخري.

كما توافدت أعداد كبيرة من المتظاهرين إلي الميدان من شارعي طلعت حرب وقصر النيل.

يذكر أنه كميات كبيرة من الطوب الأحمر والحجارة شهدت بالقرب من المعتصمين داخل ميدان التحرير، وتم إغلاق الشوارع الجانبية مرورياً وتحويلها خوفاً من تحطيم السيارات، وأغلقت شركات الطيران بشارع قصر النيل أبوابها.

وقال المعتمصون في الميدان إنهم شاهدوا بطاقة أحد المهاجمين وتبين أنه يعمل في جهاز مباحث أمن الدولة، وأشاروا إلى أن ما يحدث منطقي حيث أن سبب تواجدهم الآن في الميدان هو طلبهم حل جهاز أمن الدولة، أسوة بتونس، وذكروا أن رحيلهم من الميدان مرتبط بحل الجهاز دون إعادة هيكلته أو تأهيل أفراده.

ووجه المعتصمون بميدان التحرير نداء إلى القوى السياسية والحركات الاحتجاجية بضرورة النزول مرة أخرى إلى الميدان لحين تنفيذ أهم مطالب المتعلقة بحل جهاز مباحث أمن الدولة.

وأرسل المتظاهرون مذكرة إلى عصام شرف، رئيس مجلس الوزراء، قالوا فيها إن ضباط أمن الدولة وقيادات الحزب الوطني، هم المتسببون في إشعال الفتنة الطائفية بين المسلمين والمسيحيين؛ لكي يشغلوا الرأي العام بهذه القضية ويفلتوا من المساءلة القانونية.

وانضم العشرات من الأقباط إلى المتعصمين في ميدان التحرير معلنين اعتصامهم مع المسلمين ليثبتوا أن الشعب المصري في كفة واحدة وتحت شعار واحد هو «الدين لله والوطن للجميع».

وبنى المعتصمون أسلاكًا شائكة حول الحديقة الدائرية وعمل بوابتين تفتيش للرجال والنساء، وذلك لمنع دخول أي شخص معارض لاستمرار الاعتصام.

http://news.egypt.co...ink/915883.html

تم تعديل 9 مارس 2011 بواسطة aimen

[aimen]

رأيي منذ تعيين عصام شرف

أنه يجب التوقف عن التظاهر في ميدان التحرير

يجب على ائتلاف شباب الثورة أن يصدر بيانا واضحا حول ضرورة التوقف عن الاعتصام في التحرير .. حتى نسمح للدكتور عصام شرف أن يمارس عمله بهدوء ودون شوشرة

وجود اعتصامات أو مظاهرات في التحرير هو ما يشجع باقي فئات الشعب على التظاهر والاعتصام.

علينا أن نكف عن التظاهر

كل ما الناس تقول تهدئة

يظهر امن الدولة القذر ويبدأ اعماله

لماذا لا يصدر قرار بحل امن الدولة ؟

انا مش فاهم ازاى 2000 بلطحى كده يتحركوا فى اهم ميادين القاهرة ...هل الأمن انعدم تماما ...

[pink rose]

مجلس الوزراء يقر قانونا خاصا للبلطجة يصل بالعقوبة إلى الإعدام بعد محاكمة سريعة وعاجلة

الصفحة الرسمية لرئاسة مجلس الوزراء المصرى

مجلس الوزراء برئاسة الدكتور عصام شرف رئيس مجلس الوزراء، يوافق على مرسوم قدمه وزير العدل ينص على تعديل قانون العقوبات، بما يسمح بمضاعفة عقوبة الحبس فيما يتعلق بعمليات التخويف والترويع والبلطجة ضد المواطنين والإعدام فى حالة وجود وفاة.

تم تعديل 9 مارس 2011 بواسطة remo

[ComingSoon]

يجب وقف هذه الاعتصامات نهائياً

وان طرأ جديد يكون التظاهر يوم الجمعة فقط

[Alattar]

هنفترض ان فعلا فيه فئة محترمة من الناس يريدون إخلاء ميدان التحرير لكي نبدأ العمل الجاد

بعد تولي شخص محترم و يحوز علي ثقة كبيرة رئاسة الوزراء..

هل هذا هو الأسلوب الذي يتكلمون به؟؟

هما لحد امتي هيفضلوا فاكرين ان الشعب المصري ده عبارة عن شوية سذج صغار السن أي حد يقدر يضحك عليهم؟؟

اللي حصل ده ما يطلعش الا من شوية بلطجية و سوابق..سواءا كانوا البلطجية المعروفين بأشكالهم و زيهم..أو البلطجية الذي كانوا يطلق عليهم من قبل..رجال الشرطة

السؤال بأه..هل فعلا لو فضينا الاعتصامات ..البلطجية دول هيهمدوا شوية؟؟..ولا مش هيلاقوا حاجة يتسلوا عليها .. فهيروحوا لأهالينا بيوتهم و نسمع أخبار مأساوية؟؟

أنا مش الاعتصام الدائم..و لكن برضه مش مع اننا نطمئن و نقول ان الثورة خلصت....البلد لسه فيها زبالة كتير عاوزين نشيلها..و نرش مية قدام المحل و نفتح و نشتغل بأه..

[ام سلمي]

مراسل شبكة رصد| الجيش يتدخل الان فى ميدان التحرير

ان شاء الله يكون بجد

[شرف الدين]

يا عطار

أنا مقلتش إننا نوقف الاعتصامات نهائيا

لكن بجد فعلا لازم نقف دلوقت

محتاجين فترة هدوء

بقاء الاعتصامات في التحرير هو ما يعطي الشرعية لكافة الاعتصامات والمظاهرات الأخرى

يجب إخلاء ميدان التحرير

لو في مظاهرة بكرة تكون في أطفيح

وتكون أعداد معقولة لأن قرية أطفيح مش هتستحمل مليون واحد يدخلوها.

ومطلوب في المظاهرة دي نرفع شعار المصالحة ...

وأولها المصالحة مع الشرطة

[aimen]

يجب وقف هذه الاعتصامات نهائياً

وان طرأ جديد يكون التظاهر يوم الجمعة فقط

وقف التظاهرات نهائيا هو اللى المفروض يحدث

لكن الإعتصامات ايه اللى فيها

ناس واقفه فى مكانها

نرجع ونقول مش بتوع التحرير

هم سبب ما يحدث فى مصر

[Alattar]

يا عطار

أنا مقلتش إننا نوقف الاعتصامات نهائيا

لكن بجد فعلا لازم نقف دلوقت

محتاجين فترة هدوء

بقاء الاعتصامات في التحرير هو ما يعطي الشرعية لكافة الاعتصامات والمظاهرات الأخرى

يجب إخلاء ميدان التحرير

لو في مظاهرة بكرة تكون في أطفيح

وتكون أعداد معقولة لأن قرية أطفيح مش هتستحمل مليون واحد يدخلوها.

ومطلوب في المظاهرة دي نرفع شعار المصالحة ...

وأولها المصالحة مع الشرطة

والله يا شرف ما قصدتك خالص بكلامي..و أنا بنفسي قلت اني ضد التظاهرات الدائمة

لكن اللي أنا بقوله ان الثورة لسه ما خلصتش..و لازم كلنا نعرف الحتة دي لأن البلد واضح انها مش هتنضف بسهولة..وياريت فعلا الناس بكره تروح أطفيح عشان الناس اللي فاكرين ان لسه فيه فتنة طائفية يعرفوا ان المصطلحات دي خلاص انتهت صلاحيتها بمجرد قيام الثورة و بمجرد سقوط النظام المخلوع

تم تعديل 9 مارس 2011 بواسطة Alattar

[أحمد سيف]

بالعقل كده

واحد معارض للاعتصام يروح ميدان التحرير معاه يافطه وعلم علشان يعبر عن رأيه ... انما ياخذ معاه سنجه وسيف وزجاجة مولوتوف ليه؟؟

وبعدين يطلع تلفزيون الدعارة الاعلامية يقولك إن اللي قاعدين في التحرير بلطجية ومعاهم أسلحة بيضاء

طيب ما احنا عمرنا ما سمعنا انهم اتعرضوا لحد في الأيام اللي فاتت ... والجيش موجود هناك لو كانوا بلطجية ماكان قبض عليهم

يا جماعه علشان ما يتوهوناش ... سواء اتفقنا حول جدوى استمرار الاعتصام من عدمه فيجب أن نتفق على شيء واحد وهو رفض محاولات فضّه بالبلطجه والعنف

ومهما اختلفنا معاهم فلازم نعترف بحقهم في الاستمرار باعتصامهم خصوصا انهم مش معطلين الحركة في الميدان بالعكس هم يساعدوا الجيش في تنظيمها

أما حكاية انهم مديين شرعية للاعتصامات الفئوية فلا أعتقد ذلك ... الاعتصامات الفئوية مستمرة قبل وخلال وبعد الثورة ومش مستنيه شرعيه من حد

الحركة دي شامم فيها ريحة أمن الدولة وصفوت الشريف

[aimen]

RT @Arius32: RT @AMaherz: #Jan25 #tahrir

اعداء الثوره دلوقتي=امن الدوله+عزمي+صفوت+رجال اعمال الحزب+التلفزيون المصري+اليوم السابع+البلطجيه” AGREE

RT @lilianwagdy:

الميدان مش سبب أي مصايب.. الناس للاسف هي اللي عندها ذاكرة سمك بتنسى كل تلاتين ثانية #Tahrir #AmnDawla ,#Jan25

[Ahmed Anwer]

نصدق مين بقه ؟؟؟

مراسل شبكة رصد| من يريدون دخول الميدان شخصيات تتنوع من فتيات ومثقفين ويرددون سلمية سلمية .. والشعب يريد اخلاء الميدان

مراسل شبكة رصد | من يدافعون عن البقاء فى ميدان التحرير أشكالهم مريبة ومن يريدون دخول ميدان التحرير يرددون سلمية

[ام سلمي]

في ناس بيعلقوا وبيقولوا ان شبكة رصد حصل لها هاك

وفي احتمال برضه ان يكون البلطجية هما اللي في الميدان فعلا وبيضربوا الناس اللي عايزين يدخلوا

في كل الاحوال مشكلة

ربنا يستر

[شرف الدين]

يا جماعه علشان ما يتوهوناش ... سواء اتفقنا حول جدوى استمرار الاعتصام من عدمه فيجب أن نتفق على شيء واحد وهو رفض محاولات فضّه بالبلطجه والعنف

ومهما اختلفنا معاهم فلازم نعترف بحقهم في الاستمرار باعتصامهم خصوصا انهم مش معطلين الحركة في الميدان بالعكس هم يساعدوا الجيش في تنظيمها

أما حكاية انهم مديين شرعية للاعتصامات الفئوية فلا أعتقد ذلك ... الاعتصامات الفئوية مستمرة قبل وخلال وبعد الثورة ومش مستنيه شرعيه من حد

يا أحمد الشرعية في الاعتصام والتظاهر دي تكون في الظروف الطبيعية

لكن مصر دلوقت بتمر بظروف استثنائية

ولابد أن يتم فض الاعتصامات والمظاهرات حاليا حتى ولو بالقوة

[pink rose]

في ناس بيعلقوا وبيقولوا ان شبكة رصد حصل لها هاك

وفي احتمال برضه ان يكون البلطجية هما اللي في الميدان فعلا وبيضربوا الناس اللي عايزين يدخلوا

في كل الاحوال مشكلة

ربنا يستر

انا كمان شايفة كده

في كلام مريب بيتقال يا جماعة على صفحة رصد