النيل للأخبار..اشتباكات بين مؤيدى ومعارضى الاعتصام فى التحرير

[أسد]

عقلاء ..

عقلاء ..

مصر تحتاج الآن إلى عقلاء ...

عقلاء فقط ..

حكماء ..

إللي وراء الموضوع ده ..

صفوت .. عزمي .. سرور .. عفريت أزرق ...

مش لازم يحصل اللي بيحصل في مصر ده

لابد من التفكير في المصلحة العامة ... لابد من ترك العناد والتفكير بعقلانية وحكمة ..

إذا كانوا هم يستعملون الدهاء والمكر ..

فلماذا نعتمد نحن على التشنج والعصبية والتمسك بأراؤنا فقط ..

وفقط

[أحمد سيف]

يا جماعه علشان ما يتوهوناش ... سواء اتفقنا حول جدوى استمرار الاعتصام من عدمه فيجب أن نتفق على شيء واحد وهو رفض محاولات فضّه بالبلطجه والعنف

ومهما اختلفنا معاهم فلازم نعترف بحقهم في الاستمرار باعتصامهم خصوصا انهم مش معطلين الحركة في الميدان بالعكس هم يساعدوا الجيش في تنظيمها

أما حكاية انهم مديين شرعية للاعتصامات الفئوية فلا أعتقد ذلك ... الاعتصامات الفئوية مستمرة قبل وخلال وبعد الثورة ومش مستنيه شرعيه من حد

يا أحمد الشرعية في الاعتصام والتظاهر دي تكون في الظروف الطبيعية

لكن مصر دلوقت بتمر بظروف استثنائية

ولابد أن يتم فض الاعتصامات والمظاهرات حاليا حتى ولو بالقوة

يا شرف بالمنطق ده ما كان استمرار الاعتصام بعد خطاب الرئيس الثاني غير شرعي ويجب فضه بالقوة ... ما احنا كنا في ظروف استثنائية ساعتها

وتكون موقعة الجحش مبررة تماما بل ومطلوبه

مش عايزين نخرج من ديكتاتورية النظام لندخل في ديكتاتورية الثورة أو بعض من يؤيدونها

كل واحد له وجهة نظر ومن حقه يعبر عنها كمواطن حر في وطن حر ... يمكن هما شايفين اللي احنا مش شايفينه

أنا شخصيا مش مع استمرار الاعتصام بس ما أقدرش ابرر الاعتداء على اللي قاعدين هناك بشكل سلمي وحضاري ... خصوصا انهم مش معطلين مصالح حد

وما ينفعش أقول يستاهلوا ولا أحسن ولعوا فيهم زي ما بسمع دلوقتي

[Simba]

اولا فض الاعتصام ما يكون بالبلطجية

ولا بالطوب ولا بالحجارة والمولوتوف

ولا بناس بتدير المعركة باجهزة لاسلكي من عمارات الميدان

ثانيا علي ما سمعت في التلفزيون من شاب من ائتلاف الثورة

ان اللي في الميدان عددهم قليل

ناس موجودة من يوم 25

اهالي الشهداء

ناس عينها اتصابت

وواضح ان المكان ده بالنسبة للثوار كان وما زال ايقونة التحرير

[أحمد سيف]

تصوروا السيناريو الجميل ده

المعتصمين في ميدان التحرير يفضوا اعتصامهم من هناك استجابة لأصوات العقلاء وتحقيقا لمصلحة الوطن

بكره الصبح نلاقي آلاف المتظاهرين في الميدان بيطالبوا بعودة شفيق للوزارة وسقوط حكومة الدكتور عصام شرف

والتلفزيون المصري طبعا هيركز كاميراته عليهم وتلاقي المراسل يقولك نص مليون يهتفون للتغيير في ميدان التحرير ..والجزيرة والعربية وبي بي سي مشغولين بليبيا واليمن والعراق والناس خذت شوية ثقة في التلفزيون المصري

والبلطجية هيمنعوا أي حد غير مرغوب فيه من الوصول الى الميدان

والجيش طبعا يهمه عدم حصول احتكاكات فيساعد في منع وصول المعارضين للميدان

وشويه شويه يتم تجميع فلول الحزب الوطني ومخبري أمن الدولة وموظفي الحكومة تحت التهديد وبعض الغلابة والمشردين بعد نفحهم خمسين جينه للرأس مع بعض المنتفعين والمخدوعين اللي هينزلوا مع الهوجة

والاعتصام يستمر وتقلب الطاولة على الثورة وتسقط الحكومة ويعود شفيق وأمن الدولة ومش بعيد عمر سليمان بل ومبارك

وابقوا اتظاهروا واعتصموا في مصر كلها وشوفوا اللي يسأل عنكم ... الأضواء كلها مسلطة على التحرير

وكل ثوره وانتوا طيبين

تقولوا عليا مجنون وبحلم وموسوس ... طيب اسألوا نفسكم كده ليه كان الشغل الشاغل للأمن والاعلام وكل من يتبع النظام السابق خلال الثورة هو خروج الناس من ميدان التحرير بأي ثمن؟

تم تعديل 9 مارس 2011 بواسطة أحمد سيف

[شرف الدين]

تصوروا السيناريو الجميل ده

المعتصمين في ميدان التحرير يفضوا اعتصامهم من هناك استجابة لأصوات العقلاء وتحقيقا لمصلحة الوطن

بكره الصبح نلاقي آلاف المتظاهرين في الميدان بيطالبوا بعودة شفيق للوزارة وسقوط حكومة الدكتور عصام شرف

والتلفزيون المصري طبعا هيركز كاميراته عليهم وتلاقي المراسل يقولك نص مليون يهتفون للتغيير في ميدان التحرير ..والجزيرة والعربية وبي بي سي مشغولين بليبيا واليمن والعراق والناس خذت شوية ثقة في التلفزيون المصري

والبلطجية هيمنعوا أي حد غير مرغوب فيه من الوصول الى الميدان

والجيش طبعا يهمه عدم حصول احتكاكات فيساعد في منع وصول المعارضين للميدان

وشويه شويه يتم تجميع فلول الحزب الوطني ومخبري أمن الدولة وموظفي الحكومة تحت التهديد وبعض الغلابة والمشردين بعد نفحهم خمسين جينه للرأس مع بعض المنتفعين والمخدوعين اللي هينزلوا مع الهوجة

والاعتصام يستمر وتقلب الطاولة على الثورة وتسقط الحكومة ويعود شفيق وأمن الدولة ومش بعيد عمر سليمان بل ومبارك

وابقوا اتظاهروا واعتصموا في مصر كلها وشوفوا اللي يسأل عنكم ... الأضواء كلها مسلطة على التحرير

وكل ثوره وانتوا طيبين

تقولوا عليا مجنون وبحلم وموسوس ... طيب اسألوا نفسكم كده ليه كان الشغل الشاغل للأمن والاعلام وكل من يتبع النظام السابق خلال الثورة هو خروج الناس من ميدان التحرير بأي ثمن؟

إذن الحل هو

نسف ميدان التحرير

[أحمد سيف]

نسف ميدان التحرير

لأ مش قوي كده

الحل ده جذري أكثر من اللازم

الحل برأيي هو بالحفاظ على موطئ قدم في الميدان حتى تحقيق المطالب كاملة

علشان ما تجييش تنزل الجمعه الجايه أو اللي بعدها أو حتى بعد شهر تلاقيه مليان مخبرين أمن دولة وتضطر تعيد يوم الغضب ثاني

أو تروح انت ميدان مصطفى محمود

[محمد حامد الغنام]

يبا هو الحل

اننا نروح ميدان مصطفى محمود

[pink rose]

الحملة الوطنية للقضاء على جهاز أمن الدولة

عااااجل || تم إختراق شبكة رصد الأخبارية على الانترنت برجاء عدم تصديق أخبارها

لأنها نشرت أخبار عن وجود خيم للمارسة الرذيلة الكاملة !!!

وتنوه الان عن انها ستبث فيديو يوضح تلك الخيم وماهيتها

[عنبو]

يبا هو الحل

اننا نروح ميدان مصطفى محمود

توكل على الله

[محمد حامد الغنام]

هل نستطيع أن نقول إن الهجمات المتزامنة التي تمت على مقار أمن الدولة في كافة محافظات مصر بدعوى أن ضباط أمن الدولة يحرقون ويفرمون المستندات التي تدين أساليبهم وتفضح عدوانهم القبيح على آلاف المواطنين تم جميعها بمحض الصدفة دون وجود مستفيدين يمكن ان يكونوا قد خططوا لهذه الهجمات؟!

[شرف الدين]

نسف ميدان التحرير

لأ مش قوي كده

الحل ده جذري أكثر من اللازم

الحل برأيي هو بالحفاظ على موطئ قدم في الميدان حتى تحقيق المطالب كاملة

علشان ما تجييش تنزل الجمعه الجايه أو اللي بعدها أو حتى بعد شهر تلاقيه مليان مخبرين أمن دولة وتضطر تعيد يوم الغضب ثاني

أو تروح انت ميدان مصطفى محمود

ههههههههههههههههههه

شفت أنا بجيب حلول جذرية إزاي

يا أحمد جميع الدول في الظروف الاستثنائية بتعمل قوانين استثنائية

عشان كده قلت يجب فض الاعتصام من أمام التحرير ومن أمام ماسبيرو ومن كل مكان آخر ولو بالقوة

أمال هما عملوا القوانين العرفية دي ليه

يا أحمد مفيش شرطة في الشوارع ... وطول ما انت مركز على التحرير ومظاهرات واعتصامات التحرير ... مش هنفكر في أي حاجة تانية

يا أحمد مثلما بدأت الثورة من التحرير

لابد أن يبدأ الهدوء من التحرير.

الاستفتاء على التعديلات الدستورية بعد 10 أيام

تقدر تقولي ازاي هنصوت على الاستفتاء ده ... واحنا لسه مشغولين بالتحرير ومعركة التحرير .. وأطفيح ومعركة أطفيح

عندما تعلن أمام الجميع أن شباب الثورة يطلبون مغادرة الميدان ... من أجل بدء معركة البناء

اللي هيفضل في الميدان بعد كده هيكشف نفسه بنفسه.

وعلى فكرة مسألة الميدان .. دي مش هتفرق ...

ما أسقط مبارك لم يكن ميدان التحرير وحده.

لا نريد أن نختزل الثورة في ميدان التحرير.

في حالة الضرورة يمكن النزول لكل ميادين مصر.

[أحمد سيف]

نسف ميدان التحرير

لأ مش قوي كده

الحل ده جذري أكثر من اللازم

الحل برأيي هو بالحفاظ على موطئ قدم في الميدان حتى تحقيق المطالب كاملة

علشان ما تجييش تنزل الجمعه الجايه أو اللي بعدها أو حتى بعد شهر تلاقيه مليان مخبرين أمن دولة وتضطر تعيد يوم الغضب ثاني

أو تروح انت ميدان مصطفى محمود

ههههههههههههههههههه

شفت أنا بجيب حلول جذرية إزاي

يا أحمد جميع الدول في الظروف الاستثنائية بتعمل قوانين استثنائية

عشان كده قلت يجب فض الاعتصام من أمام التحرير ومن أمام ماسبيرو ومن كل مكان آخر ولو بالقوة

أمال هما عملوا القوانين العرفية دي ليه

يا أحمد مفيش شرطة في الشوارع ... وطول ما انت مركز على التحرير ومظاهرات واعتصامات التحرير ... مش هنفكر في أي حاجة تانية

يا أحمد مثلما بدأت الثورة من التحرير

لابد أن يبدأ الهدوء من التحرير.

الاستفتاء على التعديلات الدستورية بعد 10 أيام

تقدر تقولي ازاي هنصوت على الاستفتاء ده ... واحنا لسه مشغولين بالتحرير ومعركة التحرير .. وأطفيح ومعركة أطفيح

عندما تعلن أمام الجميع أن شباب الثورة يطلبون مغادرة الميدان ... من أجل بدء معركة البناء

اللي هيفضل في الميدان بعد كده هيكشف نفسه بنفسه.

وعلى فكرة مسألة الميدان .. دي مش هتفرق ...

ما أسقط مبارك لم يكن ميدان التحرير وحده.

لا نريد أن نختزل الثورة في ميدان التحرير.

في حالة الضرورة يمكن النزول لكل ميادين مصر.

وجهة نظر

لننتظر ونر ما سيحدث ... وأدعو الله ألا يتحقق هذا السيناريو

بس برضه ما رديتش على المثال بتاع معركة الجحش ... مش يوميها برضه كانت ظروف استثنائية والأغلبية مشيت وسابت الميدان

[م تيمور المراغي]

R.N.N | شبكة رصد

عاجل | بيان من شبكة رصد الإخبارية |

الشبكة لم يتم إختراقها مطلقاً وخصوصاً هذه الصفحة

( RNN.NEWS2) و سيتم التأكيد على ذلك بأكثر من فيديو لأعضاء الشبكة الرسميين المعروفين إعلامياً و نؤكد أن كل الشائعات التي تحرض على الشبكة و الإعلان عن أنها مخترقة و كاذبة ومروجه للشائعات ... إنما هي محاولات بائسة ويائسة أخيرة من قبل فلول النظام البائد من الحزب الوطني وأمن الدولة .. ونؤكد على أننا لن نلين ولن نستكين في فضح الفساد وكشق الحقيقة كاملة . ورسم الصورة بالكامل و أننا دائماً نقدم أرواحنا و أوقاتنا فداء للحق والحقيقة و أننا كنا ومازلنا و سنظل بإذن الله الأقوى والأبرز و الأنجح في نشر الخبر و الحقيقة الموثوقة والصادقة ...

مدير قسم التصوير بالشبكة (( عمرو فراج ))

R.N.N | شبكة رصد

تم تعديل 9 مارس 2011 بواسطة architect

[أحمد سيف]

R.N.N | شبكة رصد

عاجل | بيان من شبكة رصد الإخبارية |

الشبكة لم يتم إختراقها مطلقاً وخصوصاً هذه الصفحة

( RNN.NEWS2) و سيتم التأكيد على ذلك بأكثر من فيديو لأعضاء الشبكة الرسميين المعروفين إعلامياً و نؤكد أن كل الشائعات التي تحرض على الشبكة و الإعلان عن أنها مخترقة و كاذبة ومروجه للشائعات ... إنما هي محاولات بائسة ويائسة أخيرة من قبل فلول النظام البائد من الحزب الوطني وأمن الدولة .. ونؤكد على أننا لن نلين ولن نستكين في فضح الفساد وكشق الحقيقة كاملة . ورسم الصورة بالكامل و أننا دائماً نقدم أرواحنا و أوقاتنا فداء للحق والحقيقة و أننا كنا ومازلنا و سنظل بإذن الله الأقوى والأبرز و الأنجح في نشر الخبر و الحقيقة الموثوقة والصادقة ...

مدير قسم التصوير بالشبكة (( عمرو فراج ))

R.N.N | شبكة رصد

طيب ممكن يا أرك تنقل لنا حقيقة ما حدث عن طريق اتصالك المباشر بشباب 6 أبريل

لأني اثق بهم ولكني لا أثق بالتلفزيون المصري

[م تيمور المراغي]

طيب ممكن يا أرك تنقل لنا حقيقة ما حدث عن طريق اتصالك المباشر بشباب 6 أبريل

لأني اثق بهم ولكني لا أثق بالتلفزيون المصري

ايه السؤال اللي حضرتك عاوز تساله ؟

[أحمد سيف]

طيب ممكن يا أرك تنقل لنا حقيقة ما حدث عن طريق اتصالك المباشر بشباب 6 أبريل

لأني اثق بهم ولكني لا أثق بالتلفزيون المصري

ايه السؤال اللي حضرتك عاوز تساله ؟

هل ما حدث في ميدان التحرير هو كما يرويه التلفزيون المصري ... طلاب مدارس وجامعات دخلوا بمظاهرة سلمية للمطالبة بفضّ الاعتصام فواجههم المعتصمون بالأسلحة البيضاء والحجارة؟

أم أن هذا غير صحيح ... وما هي الرواية الصحيحة؟

وهل من حاولوا الدخول هم بالفعل مواطنين عاديين غير مدفوعين بواسطة أمن الدولة والحزب الوطني؟

وهل هناك خيم لممارسة الرذيلة في التحرير بالفعل كما تقول رصد؟

وهل هناك عناصر أمن دولة فوق العمارات المحيطة بالميدان تنسق الهجوم على المعتصمين؟

[م تيمور المراغي]

http://www.youtube.com/watch?v=sK2jNRyt_ZE

[ComingSoon]

ارجوا ان يكون قد انهي الجيش هذا الاعتصام العبثي فعلاً

الجيش يخلى ميدان التحرير بالقوة ويقبض على العشرات

بدأت قوات من الجيش إخلاء ميدان التحرير بالقوة من المعتصمين ونزع خيم المبيت، وحاول المعتصمون إقناع القوات المسلحة بالسماح لهم بالبقاء فى مقر الاعتصام إلا أن أفراد القوات استخدموا العصىّ وأبعدوهم بالقوة.. وقال شهود عيان إن عدداً من الخيام احترقت خلال عملية الإخلاء التى شهدت إلقاء القبض على العشرات.

يأتى ذلك بعدما وقعت اشتباكات ظهر اليوم بين البلطجية والمعتصمين بعد خلاف بينهما حول إخلاء الميدان من عدمه.

http://www.youm7.com//News.asp?NewsID=366402&utm_source=twitterfeed&utm_medium=twitter

[م تيمور المراغي]

عادل وانجي ماحدش فيهم بيرد

اول مايجيني رد حكتبه هنا فورا

اعتذر

[Alattar]

من شبكة رصد..اللي الواحد ما بقاش عارف هي مخترقة..ولا لأ

نؤكد لجميع رواد شبكة رصد الإخبارية على أن الصفحة لم تخترق وأن كل خبر نشرناه عن المعتصمين في ميدان التحرير صحيحة 100% وليس عليها غبار

وسوف نقوم في غضون دقائق وضع فيديوهات توضح ذلك بشكل قاطع لا يقبل الشك

...

ونرجو من جميع المشتركين في الصفحة التروي والإنتظار حتى نقطع لهم حبل الشك باليقين بإذن الله

وندعوهم للوقوف بجانبنا في هذا الموضوع الخطير نظرا لما يحتويه من إنقلاب في فهم ما يجري في ميدان التحرير

وإكتشاف أن من كانوا هناك هم تابعين للنظام القديم وغرضهم الأساسي تشويه صورة الثورة والثوار

شكرا لكم جميعا....ودمتم بود

إنتظرونا

تم تعديل 9 مارس 2011 بواسطة Alattar