هو فين النظام ؟؟

[kingsabry]

السلام عليكم

واحشني جدا والله بس انا متابع المنتدى على طول .

المهم أدخل في الموضوع على طول ..

أنا الحمد لله شغال في السعوديه من فتره مش قصيره يعني واشتغلت في كذا شركه . بس اللي لاحظته وأثار استيائي ان مش موجود هنا اي نظام بالنسبه لأي قسم سواء كان شئون موظفين أقسام اداريه أو أي شئ ، مش عارف ليه ، يعني دائما بيبقى فيه استثناءات وكده سواء من ناحية التوظيف الماموريات أو الانتقالات وقيسوا على كده الباقي .

هل احنا كعرب مش منظمين . طيب لو كده ما انا برده شفت الهنود والباكستانيين برده أكتر مننا من ناحية مخالفه نظام الشركه . أنا كنت فاكر الحياه العملية نظام في نظام وكده بس الواحد اتصدم بالحقيقه دي وحاسس ان انا موجود في مصر وفي الثمانينيات كمان ، أيام الواسطه والروتين بالرغم ان احنا عندنا في الشركه نظام ساب وعندنا نظام جامد بس زي ماقلت كله قرارات وخلاص والاصل هو الاستثناءات .

فعشان ما اتصدمش لما امشي واشوف مكان تاني ..

هل الكلام اللي بأقوله ده موجود برده في كل الشركات هنا في السعوديه .. ولا علشان احنا معظم شركتنا مصريين بس ؟؟؟

واسف على الاطاله عليكم .

محمد

[المخنوق دائما]

أنا كنت مفكر إن أنا بس اللى ملاحظ كده

وأحييك على طرح الموضوع

حتى اكبر الشركات مفيهاش نظام ثابت

[الباحث عن الرزق]

والله انا عن نفسي اشتغلت فى تلات فنادق خلال سنتين فى السعودية كانت بدور على النظام وملقتش بجد وكان شغلى اداري موارد بشرية بجد حاجه فعلاً مش كويسه كلها استثنائات ومفيش نظام فى اى قسم اما حضرتك بتقول ان يمكن علشان شركتنا مصريين انا كانت فى فندق وكان معظمة مصريين كان برضه مفيش نظام وروحت فندق كله هنود وبكستان وسيرلانكا وبرضه مفهوش نظام بس بجد ليه مش عارف ممكن فى مصر كان افضل شوية بس ايه السبب معرفش ؟؟؟؟؟؟؟؟؟؟؟؟؟؟؟

[محمد الشافعى]

السلام عليكم ورحمة الله وبركاته

بالفعل عن تجربه فى اكتر من مكان وفى الخر عندما التحقت بالشركه التى اعمل بها الأن تخيلت عند بدء العمل ان هناك نظام لتعدد الإدارات بالشركه قانونيه وإداريه وماليه وشئون موظفين وتسويق وغدارات أخرى ولكن للأسف لا يوجد نظام هناك دوماً إستثناءات (اللبنانيين )وطبعا انتم عارفين

[الباحث عن الرزق]

وعلى فكرم مت تجريتى ايضا فى اكثر من مكان ان اى حد ممكن يشتغل اى حاجه يعنى لقيت واحد فى الموارد البشريه راح الاستقبال واحد من امن بقي ادارى موارد بشريه مفيش اى مشكله حالص فى الموضوع ده لا والاستثنات طبعا ممكن تلاقى مدير موارد بشريه مشتغلش اصلا فى لموارد البشرية وانا فعلا دى حقيقه شوفتها هههههههههههههههههه

[هيشو]

كله بالبركة ياباشا

في اهم الأماكن بدون ذكر اسماء