متظاهرون امريكيون.....المصريـــــون علمــــــونا..

[fatfouta]

رصد عن بى بى سى

متظاهرين أمريكين : "حاربوا كمصريين"

صرحت هيئة الاذاعة البريطانية البي بي سي ان تظاهرة خرجت لليوم الخامس علي التوالي في الولايات المتحده الامريكية في ولاية ويسكونسين في الغرب الاوسط الامريكي

تحتد علي مشورع قانون طرحه حاكم الولاية الجمهوري للحد من قوة النقابات العمالية وحقها في الاضراب

وقد خرج مؤيدو الحاكم في تظاهرة مماثلة امام المعارضين الذين كانوا يفوقونهم بكثير هاتفين المصريون علمونا

تم تعديل 10 مارس 2011 بواسطة fatfouta

[fatfouta]

مصرية وافتخررر:)

[عبير يونس]

مصرية وافتخررر:)

و اللي مش عاجبه ينتحرر :wub:

و الله أحلى حاجة في اللي حصل ان الواحد حاسس بكرامة كبيرة اوي اوي في الغربة

بجد حاجة تفرح اوي

عندي في الشغل كانوا بيهنوني و فرحانين جدا

كلهم أجانب و جنسيات عربية أخرى و أنا المصرية الوحيدة

و طبعا ما أقولكوش ازاي كنت قاعدة في الاجتماع رافع راسي و منجعصة ومحدش قدي :closedeyes:

ربنا يبارك في أبطال ثورتنا

و يرحم شهداءنا اللي ضحوا بحياتهم عشاننا

آمين

[fatfouta]

و طبعا ما أقولكوش ازاي كنت قاعدة في الاجتماع رافع راسي و منجعصة ومحدش قدي :closedeyes:

عندك حق والله تنجعصى على راحتك احنا نظرة العالم كله اتغيرت لينا والحمد لله

قبل ما ماينخلع مبارك شوفت منظر جميل فى الشارع هنا بنتين عمرهم لا يتعدى تلات سنوات ماشيين مع باباهم وماسكين العلم وبيقولوا مصر...مصر

والكل والله بيحييهم وفرحانين بيهم وولادى انضموا معاهم وقعدوا يهتفوا وكانوا واخدينها فرحة...قولت ماشاء الله عالجيل الصاعد ربنا يحميهم

ويحمى مصر ويخرج بينا من الظروف الصعبة دى على خير

[fatfouta]

المشهد بيتكرر تانى وكلنا فخر

يمكنني أن أكون مصريًا".. شعار المحتجين المجريين في بودابست

تم تعديل 16 مارس 2011 بواسطة fatfouta

[hOuSsAm]

مصرية وافتخررر:)

و اللي مش عاجبه ينتحرر :wub:

و الله أحلى حاجة في اللي حصل ان الواحد حاسس بكرامة كبيرة اوي اوي في الغربة

بجد حاجة تفرح اوي

عندي في الشغل كانوا بيهنوني و فرحانين جدا

كلهم أجانب و جنسيات عربية أخرى و أنا المصرية الوحيدة

و طبعا ما أقولكوش ازاي كنت قاعدة في الاجتماع رافع راسي و منجعصة ومحدش قدي :closedeyes:

ربنا يبارك في أبطال ثورتنا

و يرحم شهداءنا اللي ضحوا بحياتهم عشاننا

آمين

مدام مصرية انا مش متفق معاكى

المصرى طول عمره ليه كرامته وشموخة وشخصيته فى الخليج

كذا حد اتكلم وقال ان النظرة لينا اتغيرت بعد الثورة وانا انفى كدة

النظرة وطريقة التعامل هى هى (ممكن بس احنا اللى عايزين ندى لنفسنا الاحساس ده)

اللى ليه كرامته من الاول ومحافظ عليها يوم مطلع من مصر هتفضل موجودة زى مهيا

واللى ضيعها بتخاذله عن ضياع حقوقه وقبوله بوضع لا يليق به كمصرى فمازال الوضع مستمر معاه بنفس الكيفية ولن يتغير الوضع معاه

ياريت منزايدش على ان كرامة المصريين كانت ضايعة قبل الثورة

تقبلى تحياتى

[fatfouta]

كلاكيت تالت مرة....ولسه

واحد مصرى كاتب

Look what I found on my way to Uni. The Egyptian heroes have inspired the worl

احنا بقينا ملهمين للعالم كله :wub: :wub:

[fatfouta]

تغيير حرية عدالة اجتماعية لافته رفعتها احدة المتظاهرات فى الخارج مقتديا بشعب مصر ولافتاته

[fatfouta]

[fatfouta]

[fatfouta]

فى مظاهرات لندن أمس....مصر تلهم العالم

[rewsha]

| أثر الثورة المصرية يصل إلى جامعة تاكساس الأمريكية في أوستين - قسم اللغة العربيه

يغني "صوت الحرية" طلاب السنة الأولى في دراسة العربية في جامعة تكساس في أوستين في حفلة المواهب بالعربية 6 أبريل 2011 The first-year students of Arabic at University of Texas at Austin singing the song "Voice of Freedom" or "Sout el Horeya" at the Arabic Talent Show on April 6th, 201http://www.youtube.com/watch?v=h4jl3BdUP3U&feature=player_embedded

[fatfouta]

تصدقى يا روشة من امبارح عاوزة احط الفيديو ومش عارفة في اى موضوع

شكرا ليكى ....شوفتى بجد حاجة تفرح والله وتدعونا للفخر

[rewsha]

طبعا حاجه تفرح

وبصراحه الخبر اللي انتي حطيتيه بتاع لوحة للمصريين فقط (في مطار القاهره)

يفرح اكتر واكتر