ليه المخدة ما تشيلش اتنين حلوين؟

[لماضة مصرية جدا]

السلام عليكم و رحمة الله و بركاته

عجبني انا اوي العنوان بتاع التوبيك....و لو اني مش عارفة ازاي اتطور الحوار ووصل لمرحلة التعايش السلمي و حوار الحضارات....انا مفهمتش منه حاجة الحقيقة....(دي مشكلتي الشخصية انا عارفة مع احترامي لاساتذتي يعني)

لما قريت عنوان التوبيك افتكرت زمان لما كنا صغيرين كنا بنسيب سرايرنا في الصيف بالذات و ننام جنب بعض و نحط راسنا علي المخدة مع بعض و نفضل نرغي و نرغي و نضحك اوي و صوتنا يعلي لغاية يا بابا يا ماما يجوا يزعقوا فينا

المخدة ممكن تشيل مش بس اتنين حلوين....ممكن تشيل حاجات حلوة كتير حلوة

بس لو عرفنا ننكشها صح

لو لقينا حكايات جوانا تقربنا من روحنا و تقربنا من بعض

لو قدرنا ان احنا نلمس علي زراير النور جوه كل واحد فينا من غير ما نودس علي الزرار الغلط عند التاني فيحس اني بضايقه

لو حاولنا بجد ان احنا نشوف حاجة حلوة في كل حد و في كل حاجة حوالينا

اكيد مش بس المخدة هتشيل اتنين حلوين

بالعكس السرير ...الشقة كلها هتبقي حلا ما بعده حلا.....(حد يخبي التوبيك ده بعيد عن النمل يا جدعان)

كانت زمان ماما بتنادي علي كل واحد فينا بلقب...عشان تقوله علي الحتة الحلوة اللي فيه

يعني اخويا الكبير كان "مهندس" علي صغير...(الشاهد كل دباديبي اللي بوظها و هو بيحاول يعدل الديارة الكهربائية اللي بتخلي الدبدوب يسقف)

اخويا اللي بعده.....زعيم عصابة....(شخصية قيادية....و ده اللي ساعده في مهنته لوقتي)

انا ....مش هقول.... :P

دلوقتي بقي....ٍسبحان الله

بقت تبص لينا و تقو ل.....يا اخرت صبري

مش عارفة دي حاجة حلوة و لا ايه :blink: :blink:

حلو التوبيك يا مصرية يا متغربة.....

مساكي مخدة...تحطي راسك عليها....تلاقي كل الحلا

[م تيمور المراغي]

....و لو اني مش عارفة ازاي اتطور الحوار ووصل لمرحلة التعايش السلمي و حوار الحضارات....انا مفهمتش منه حاجة الحقيقة...

.......

دي مشكلة اللي بيغيب عن المحاورات فترة لان التوبيكات بتكون متشابكة جدا,,

يعني احيانا كلام بيتقال في مكان ما يتقصد بيه توبيك تاني خالص على الناصية ,,

اللي مقيمين Full Board ساعـ24 ـة زي حالاتي عارفين الحقيقة دي

انما الزوار يستغربوا ايه العلاقة وليه كل الغموض والتشفير ده ؟ ;)

لكي التحية وما تغيبيش زي الباقيين

[Mr MAGED]

الفاضلة مصرية متغربة

موضوعك وسؤالك بجد مهم .. وانتي اديتي مثال صغير للي بيحصل جوه البيت

لو انتقلتي للواقع العملي وخاصة العربي ... هتعرفي اد ايه الموضوع ده بيسبب مشكلة كبيرة جدا

انا ماشتغلتش في اي شركة ... ومن غير ما احدد جنسيات ..

الا ولقيت كل واحد عايز يفهم الكل ان هو بس اللي بيفهم والباقي لا ... يا سبحان الله

يعني هو مينفعش يكون فيه اتنين بيشتغلوا في نفس المجال وبيفهموا كويس والاتنين متميزين !!!

لازم يكون واحد بس والتاني بعديه !!!!

دي آفة عربية خالصة .. علي الاقل من خلال تجربتي ... ييجي المدير العربي او الوزير او اي حد هيمسك اي سلطة

اول حاجة لازم يعملها انه يمسح بأستيكة كل اللي حصل قبله .. ولازم الكل يعرف ان اللي كان موجود قبله ده كان فاشل

وانا اللي جاي اعدل المايلة .. وطبعا هيبدأ من الصفر .. لانه عيب يستخدم حاجة واحد تاني غيره عاملها ...

وده السبب اننا لحد الوقتي لسة عالم تالت بالرغم من كمية الكفاءات والعقليات الممتازة اللي موجودة بينا

المسألة مش مسألة قدرات عقلية وبس .. دي مسألة سلوكيات وشخصيات خالية من العقد والامراض الاجتماعية

جربي كده تسألي اي واحد بيشتغل في اي مجال انه يرشحلك واحد كويس يعمل حاجة كويسة في نفس المجال بتاعه بس ميكونش هو!!

صدقيني هيفكر ويفكر .. وفي الاخر مش هيقولك ولا يرشحلك ولا اسم .. لانه شايف نفسه بس انه هو اللي بيفهم في المجال ده

وغير كده الامثلة كتير جدا ... بس لازم الكل يفهم .. ان التميز مش حكر علي حد .. ومش هيضر ابدا اي حدوجود اكتر من شخص متميز

وطالما عندك ثقة بنفسك .. يبقي من ايه تخاف !!!!

عذرا لو كنت طولت عليكم .. بس الموضوع ده ليه معايا شجون وشجون

تحياتي

[عبير يونس]

اهي مشاركة الزملاء في التوبيك أكبر دليل ان المخدة تشيل كتيييييييييييييير حلوين

شفتوا حضراتكم كل واحد أو واحدة شاركوا أثروا التوبيك بشكل مختلف عن التاني

يعني ارك و فتفوتة و ساري و دريم باشا

و بعدين الفاضل كمنج سون

و بعدين لماضة و انفيستور باشا

كل واحد شاف التوبيك في زاوية مختلفة

و حتى حوار الحضارات

مش تشفير و لا حاجة غامضة

انا ذكرته في اول التوبيك

لأن الحضارات و المجتمعات و الدول من صنع البشر

هي تكتلات بشرية

و كل ما الروح البشرية تعلى فيها كل ما يعلى المجتمع و يتحضر و كل ما يكون ثري

كان قصدي ان العالم يسع دول متقدمة كتير جنب بعضها

متشابهين و مختلفين

كل دولة فيها اللي يميزها

و العالم يسع الجميع

و كمان على مستوى الأفراد

العمل يسع كتير متميزين

مش لازم واحد يكون الألفا و الباقي اتباع

مش لازم يكون في واحد بس اللي بيفهم و الباقي أقل منه

المخدة تشيل كتيييييييييير حلوين

زي المحاورات كده ما هي شايلة كتيييييييييير حلوين مثلا

اتبرمجنا ان في واحد بس هو الفائز

واحد بس هو الأفضل

تعرفوا

بنت عندي في الفصل سألتني بعد اما خلصنا مناقشة و كل واحدة قالت رأيها

مين فينا الأحسن؟

قلت لها كلكم

استغربت جدا

و قالت لازم يكون في واحدة هي الأفضل

و اصريت على اجابتي

ان كلهم الأفضل

سرحت في سؤال دايما كنت بأسأله لولادي لما يسألوني بتحبي مين فينا أكتر

عارفين كنت بأسألهم ايه؟

كنت اقول له أو اقولها

بتحب عينيك اكتر و الا ودانك ؟؟

زي ما كل حاجة في جسمنا ليها أهمية و ليس لها أفضلية على الأخرى( لا يمكن الاستغناء عنها)

كذلك الأفراد في مكان عمل واحد أو في المجتمع

و كذلك الدول في العالم

مستنية مشاركات حضراتكم لنرى زوايا جديدة من الصورة

[جويرية]

هو مينفعش نبقى كلنا في خير؟؟؟!!!

مش برضه لكل مجتهد نصيب؟

كل عدو ترجي مودته الا من عاداك عن حسد

الشر اللي بيتجسد في الغيره و الحسد و الكره

وكل المشاعر السلبية

تم تعديل 12 مارس 2011 بواسطة جويرية

[Om Zayd]

********************

اتبرمجنا ان في واحد بس هو الفائز

واحد بس هو الأفضل

تعرفوا

بنت عندي في الفصل سألتني بعد اما خلصنا مناقشة و كل واحدة قالت رأيها

مين فينا الأحسن؟

قلت لها كلكم

استغربت جدا

و قالت لازم يكون في واحدة هي الأفضل

*******************

ده جزء كبير من المشكلة

بنتربى اننا في حرب

لازم تبقى الأول و الا يبقى فيه انجح منك

حتى فكرة انك تشرح حاجة لزميلك.. كثير بيعتبروه "هبل

ازاي بايدك تديله سلاح يتفوق به عليك؟؟؟

الاجدى من هذا ان تنافس نفسك.. تسعى دوما للعلى

لا يعني هذا ان تتفوق على غيرك.. بل ان تطور نفسك

(اذكر جملة على لسان بطل بولينج.. لقد فزت لانني ركزت على اسقاط القطع الخشبية .. بينما ركز الآخرون على اسقاطي)

ساعتها لن يحز في صدرك نجاح او جمال او سعادة غيرك

فانت تأخذ ما قدر لك

جزاكم الله خيرا يا متغربة انك بتزرعي الصح في اولادك و طالباتك

هم المستقبل

لعل و عسى

[م تيمور المراغي]

مش حينفع على فكرة المساواة المثالية دي في كل وقت ,,

سنة الله في الكون الطبقية ,,

قال عز وجل ( وجعلنا بعضكم فوق بعض درجات )

حتى الجنة و النار درجات

حتى الاعمال الصالحات وحتى الاشهر وحتى الليل والنهار فيه ساعات احب الى الله من ساعات ,,

فيه اللي على المخدة

وفيه اللي على الارض

من حق اللي على الارض انه يطمح يطلع يقعد على المخدة

بس اهم شيئ في الكون

انه ما يشدش غريمه لتحت

عشان يطلع هو !

[عبير يونس]

********************

اتبرمجنا ان في واحد بس هو الفائز

واحد بس هو الأفضل

تعرفوا

بنت عندي في الفصل سألتني بعد اما خلصنا مناقشة و كل واحدة قالت رأيها

مين فينا الأحسن؟

قلت لها كلكم

استغربت جدا

و قالت لازم يكون في واحدة هي الأفضل

*******************

ده جزء كبير من المشكلة

بنتربى اننا في حرب

لازم تبقى الأول و الا يبقى فيه انجح منك

حتى فكرة انك تشرح حاجة لزميلك.. كثير بيعتبروه "هبل

ازاي بايدك تديله سلاح يتفوق به عليك؟؟؟

الاجدى من هذا ان تنافس نفسك.. تسعى دوما للعلى

لا يعني هذا ان تتفوق على غيرك.. بل ان تطور نفسك

(اذكر جملة على لسان بطل بولينج.. لقد فزت لانني ركزت على اسقاط القطع الخشبية .. بينما ركز الآخرون على اسقاطي)

ساعتها لن يحز في صدرك نجاح او جمال او سعادة غيرك

فانت تأخذ ما قدر لك

جزاكم الله خيرا يا متغربة انك بتزرعي الصح في اولادك و طالباتك

هم المستقبل

لعل و عسى

بجد كلامك رائع

و على فكرة

بركة العلم لا يمكن الحصول عليها الا بتعليم الآخرين ما تعلمته

حتى هناك مقولة تعجبني جدا

The Best Way to Learn is to Teach

أفضل طريقة للتعلم هي أن تقوم بالتدريس

اسميها تبادل خبرات

اتعلم منك و تتعلمين مني

أعجبتني جدا مقولة لاعب البولينج

فعلا محاولة اسقاط الاخرين هي أول اسباب الفشل

حتى ابنائي و طالباتي أتعلم منهم الكثير و الكثير

[عبير يونس]

مش حينفع على فكرة المساواة المثالية دي في كل وقت ,,

سنة الله في الكون الطبقية ,,

قال عز وجل ( وجعلنا بعضكم فوق بعض درجات )

حتى الجنة و النار درجات

حتى الاعمال الصالحات وحتى الاشهر وحتى الليل والنهار فيه ساعات احب الى الله من ساعات ,,

فيه اللي على المخدة

وفيه اللي على الارض

من حق اللي على الارض انه يطمح يطلع يقعد على المخدة

بس اهم شيئ في الكون

انه ما يشدش غريمه لتحت

عشان يطلع هو !

ليست مساواة إطلاقا

و لكن قل تعاون ...تكامل

العالم يتسع للكل

و يمكننا جميعا أن ننجح

هناك المنح و العطايا و الجوائز والهدايا للكل

كل واحد فينا متميز بذاته و لا يشبه الآخر

قد تكون بارع في الهندسة مثلا و هناك بارعون معك

و قد تشتركون في مشروع عالمي ضخم يصبح حديث العالم أجمع

ما أقصده هو ما يندرج تحت روح الفريق

و لكنه فريق من المتميزين

تكون مهمة قائده تنظيم جهودهم

فهو ليس قائدهم لأنه أفضلهم

و لكن لأنه منسق للزهور مختلفة الألوان

ليبدع كل في مجاله

مفهوم أن المدير هو الأفضل هو فكر متخلف جدا

فهو مدير لأنه مبدع إداريا يقود مجموعة من الموظفين المبدعين ايضا

مديرتنا مثلا شابة صغيرة في السن

و اراها مبدعة بحق و عقليتها جبارة

و لم تشعرنا يوما أنها الأفضل

نحن نفهم أعمالنا و هي تفهم عملها

فهي تثق بنا كمجموعة عمل

و نحن نثق بها كإدارية ناجحة تعرف كيف تقود المركبة التي نتواجد بها جميعا

ليس هناك الأفضل يا باشمهندس

و عندما قال تعالى (نرفع درجات من نشاء)

أردف قائلا (و فوق كل ذي علم عليم)

{فَبَدَأَ بِأَوْعِيَتِهِمْ قَبْلَ وِعَاء أَخِيهِ ثُمَّ اسْتَخْرَجَهَا مِن وِعَاء أَخِيهِ كَذَلِكَ كِدْنَا لِيُوسُفَ مَا كَانَ لِيَأْخُذَ أَخَاهُ فِي دِينِ الْمَلِكِ إِلاَّ أَن يَشَاءَ اللّهُ نَرْفَعُ دَرَجَاتٍ مِّن نَّشَاء وَفَوْقَ كُلِّ ذِي عِلْمٍ عَلِيمٌ }يوسف76

ألا يدل ذلك أنه لا يوجد بما يسمى الأفضل بين البشر ؟؟

و أن الأوحد و الأفضل

هو الواحد القهار وحسب

ليس كمثله شيء وهو السميع البصير

[م تيمور المراغي]

انا تهت منك يا مصرية ,,

نقطة نظام

انا ماجبتش سيرة كل البشر

انا بقول ان قوانين الكون تنحو نحو الانتخاب وليس المساواة

هناك رئيس واحد حننتخبه لمصر

وهناك زوج واحد لفلانه البنوته حتختاره من بين الرجال

وهناك في الطبيعه دوما الاسرع والاقوى والاحكم ,,

دي سنة الكون وتكلمة الآية اللي حضرتك اوردتيها في صالح وجهة نظري لانها تكرس الطبقية وليس المساواة

يعني تكرس قبل وبعد

وليس بجانب بجانب بجانب ,,

تحيتي ,,

[عبير يونس]

انا تهت منك يا مصرية ,,

نقطة نظام

انا ماجبتش سيرة كل البشر

انا بقول ان قوانين الكون تنحو نحو الانتخاب وليس المساواة

هناك رئيس واحد حننتخبه لمصر

وهناك زوج واحد لفلانه البنوته حتختاره من بين الرجال

وهناك في الطبيعه دوما الاسرع والاقوى والاحكم ,,

دي سنة الكون وتكلمة الآية اللي حضرتك اوردتيها في صالح وجهة نظري لانها تكرس الطبقية وليس المساواة

يعني تكرس قبل وبعد

وليس بجانب بجانب بجانب ,,

تحيتي ,,

هو مش قلت ليست مساواة برضه يا جدعان؟؟؟!!!:blink:

و بعدين اللي حضرتك بتقوله ده "قانون الانتخاب"

و ملوش دعوة بالتكامل و روح الفريق و العمل الجماعي

في رجال متميزين بالملايين بس انا تزوجت رجل واحد قد لا يكون هو الأفضل في العالم و لكنه الأفضل لي

"نظرية النسبية"

ما هو مفيش فريق عمل في الجواز يا باشمهندس:blink:

الموضوع هنا قفل و مفتاح

ملايين الأقفال و لكن لكل قفل مفتاح واحد بس

و ده مش معناه أنه الأحسن على الإطلاق

و لكنه الوحيد المناسب للقفل الفلاني

الانتخاب برضه لرئيس مصر هو نفس صورة المدير و الموظفين اللي اوردتها في مداخلتي

يبقى حضرتك مختلف معايا في ايه؟؟؟

[م تيمور المراغي]

انا عمري ما اختلف معاكي يا ست الكل :happy:

نفديكم ,,

[عبير يونس]

الاختلاف في الرأي لا يفسد للود قضية يافندم

ربنا ما يجيب خلاف

و يديم علينا جميعا نعمة الأخوة الجميلة الموجودة في المحاورات

آمين

[masraweya]

يقول الله سبحانه و تعالى

وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ وَاتَّقُوا اللَّـهَ

سبحان الله .. يحثنا على التعاون على البر و التقوى .. و يعيد التأكيد على التقوى

اذا اتقينا الله و أصلحنا أنفسنا أمكننا ان نتعاون .. دون إِحن .. دون تعالي .. كي نتعاون لا بد أن نوقن ان لكل دوره .. مش مهم كبير ام صغير .. المهم انه ضروري

ننجح سوا .. مش لازم النجاح ينسب لفرد .. ما أجمله حين ينسب لمجموعة

المفاضلة تكون في مدى صلاحيتك للدور و ليس ان هذا الفرد انجح من هذا

جزاكم الله خيرا على الموضوع

[عبير يونس]

يقول الله سبحانه و تعالى

وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ وَاتَّقُوا اللَّـهَ

سبحان الله .. يحثنا على التعاون على البر و التقوى .. و يعيد التأكيد على التقوى

اذا اتقينا الله و أصلحنا أنفسنا أمكننا ان نتعاون .. دون إِحن .. دون تعالي .. كي نتعاون لا بد أن نوقن ان لكل دوره .. مش مهم كبير ام صغير .. المهم انه ضروري

ننجح سوا .. مش لازم النجاح ينسب لفرد .. ما أجمله حين ينسب لمجموعة

المفاضلة تكون في مدى صلاحيتك للدور و ليس ان هذا الفرد انجح من هذا

جزاكم الله خيرا على الموضوع

مفهوم أكثر من رائع غاليتي

معيار نجاحي أن انجح في دوري مهما كان مهمشا في نظر البعض

النجاح و البطولة في نظري أن يكون كل واحد فينا هو بطل قصته