أخيراً .الله أكبر .. حبس رموز الفساد في وزارة الداخلية

[se_ Elsyed]

ياااااااااااااااه .. خبر أثلج صدري وريحني ... وبإذن الله دم الشهيد مش هايروح هدر

قررت نيابة أمن الدولة العليا، برئاسة المستشار هشام بدوى المحامى العام الأول، حبس اللواء عدلى فايد مساعد وزير الداخلية لمصلحة الأمن العام، واللواء حسن عبد الرحمن رئيس جهاز أمن الدولة، واللواء إسماعيل الشاعر، مدير أمن القاهرة السابق، واللواء أحمد رمزى مساعد أول الوزير لقطاع الأمن المركزى، عقب انتهاء التحقيقات معه حول التعدى على المتظاهرين والانفلات الأمنى، ضمن أحداث 25 يناير، بجانب الفراغ الأمنى وانسحاب الشرطة ليلة جمعة الغضب فى الثامن والعشرين من الشهر ذاته.

وجهت النيابة للقيادات الأمنية تهم القتل العمد لعدد من المتظاهرين بالرصاص الحى، وانسحاب جميع أجهزة الشرطة ليلة 28 يناير، مما تسبب فى حالة فوضى تامة فى البلاد، بالإضافة إلى التورط فى تهريب عدد كبير من المسجونين والمسجلين خطر والبلطجية واستخدامهم لإرهاب المتظاهرين والمواطنين.

وكان فريق من أعضاء النيابة العامة انتقل إلى مقر رئاسة قوات الأمن المركزى على مستوى الجمهورية، وقاموا بضبط الدفاتر والسجلات الخاصة بغرف عمليات الأمن المركزى خلال الأحداث، للوقوف على البيانات والمعلومات الخاصة بتحديد أماكن تواجد قوات الأمن المركزى وأنواع الأسلحة والذخائر التى استعملوها أثناء الأحداث.

[fatfouta]

على اون تى فى حااااااالا

القبض على وائل الكومى ومعاه اتنين ضباط تانى

ومحاكمتهم محاكمة جنائية عاجلة

الحمد لله....واللهم لا شماتة

تم تعديل 11 مارس 2011 بواسطة fatfouta

[se_ Elsyed]

النائب العام يكشف تفاصيل حبس 4 من مساعدى العادلى السابقين.. عدلى ورمزى والشاعر وعبد الرحمن اشتركوا فى قتل متظاهرين وأطاعوا أمر العادلى بتعطيل توجيهات الحكومة بالمحافظة على الأمن العام

الجمعة، 11 مارس 2011 - 13:59

أمرت النيابة العامة اليوم "الجمعة" بحبس أربعة من قيادات وزارة الداخلية السابقين من المتهمين بارتكاب جرائم قتل المتظاهرين والتعدى عليهم خلال تظاهرهم السلمى يوم 28 يناير الماضى، وذلك على ذمة التحقيقات التى تجرى معهم ومع آخرين فى تلك الوقائع.

والمتهمون الأربعة هم كل من اللواء إسماعيل الشاعر، مساعد أول وزير الداخلية، ومدير أمن القاهرة السابق، واللواء عدلى فايد مساعد أول وزير الداخلية، ومدير مصلحة الأمن العام السابق، واللواء أحمد رمزى، مساعد أول مدير أمن القاهرة السابق ومدير أمن القوات المركزى السابق، واللواء حسن عبد الرحمن، مساعد أول وزير الداخلية السابق، ومدير جهاز مباحث أمن الدولة السابق.

وذكر المستشار عادل السعيد النائب العام المساعد والمتحدث الرسمى للنيابة العامة أن النيابة نسبت إلى المتهمين الأربعة (عدلى ورمزى والشاعر وعبد الرحمن) تهم ارتكاب جرائم الاشتراك بطرق الاتفاق والتحريض والمساعدة فى قتل المجنى عليهم من المتظاهرين.. والمقترن بالقتل والشروع فى قتل آخرين، وإطاعتهم وزير الداخلية الأسبق حبيب العادلى فيما أصدره من أمر بتعطيل الأوامر الصادرة من الحكومة للمحافظة على الأمن العام، وإلحاق الضرر الجسيم بأموال الدولة والجهات التابعة لها.

وقال المستشار السعيد إنه تم التحقيق مع مدير جهاز مباحث أمن الدولة اللواء حسن عبد الرحمن واستجوابه فى شأن وقائع إتلاف وثائق ومستندات الجهاز.. والذى قرر بدوره (عبد الرحمن) أنه هو الذى أصدر الأمر لأعضاء الجهاز التابعين لإشرافه بالتخلص من المستندات الورقية الخاصة بالجهاز نظرا لسريتها أو اتصال بعضها بالأمن القومى للبلاد.

وأشار اللواء عبد الرحمن (خلال التحقيقات) - إلى أن هذه المستندات محفوظة بأجهزة الحاسب الآلى المركزية التابعة للجهاز دون أن يمسسها أى سوء أو ضرر.

وأضاف المستشار عادل السعيد أن النيابة سألت واستعلمت من مندوبى شركات البرمجيات المتخصصة التى اضطلعت بوضع برامج تخزين المعلومات لجهاز مباحث أمن الدولة.. والذين أيدوا أن البرامج التى وضعوها كانت بهدف تخزين المعلومات عليها مركزيا.

وأشار المتحدث الرسمى للنيابة العامة إلى أن النيابة تواصل تحقيقاتها الموسعة حاليا فى أحداث قتل وإصابة المتظاهرين التى وقعت فى عدد من المحافظات، حيث يجرى استجواب المتهمين فيها.. لافتا إلى أنه سوف يتم استكمال استجواب حبيب العادلى وزير الداخلية الأسبق عن تلك الوقائع، مشيرا إلى أنه سوف يتم إعلان نتائج التحقيقات فى تلك الأحداث فور الانتهاء من استكمالها.

[المهندسه]

الحمدلله رب العالمين ...يارب يبرد قلب كل ام غدروا الكلاب دول بأبنها و مات على ايد قناصتهم

[se_ Elsyed]

استدعاء مدراء أمن "الجيزة" و"الإسكندرية" و"السويس" للتحقيق

[fatfouta]

اون تى فى :حسن عبد الرحمن ريس مباحث امن الدولة فى سجن طره الان خمسة عشر يوما على ذمة التحقيق

[se_ Elsyed]

ممكن أسأل سؤال خبيث ؟

هما إمتى هايفتحوا تحقيق فيمن حاولوا إغتيال عمر سليمان أمام بيته في الخليفة المأمون وراح ضحية هذا العمل الإجرامي حارسه الشخصي وسائقة ... وكإنهم عفواً كلاب وماتوا والموضوع نام على كده ؟

انا مستنتج ومتأكد من شخصية المجرم اللي ورا المحاولة دي ... وبإذن الله القصاص منه سيكون عن قريب

[capitshino]

انا مستنتج ومتأكد من شخصية المجرم اللي ورا المحاولة دي ... وبإذن الله القصاص منه سيكون عن قريب

جيمى ؟

[fatfouta]

انا مستنتج ومتأكد من شخصية المجرم اللي ورا المحاولة دي ... وبإذن الله القصاص منه سيكون عن قريب

جيمى ؟

انا برضو بقول كده كان خايف لا النائب ياخد الحكم

[se_ Elsyed]

هو جمال ... لكن اللي نفذ كان المجرم حبيب العادلي ... ومش هاقول الكلام ده سمعته من مين .. لكن يإذن الله الايام القليلة القادمة ستُثبت ذلك

[aimen]

طيب انا كمان ممكن اسأل

سؤال مين صاحب رشوة المرسيدس :closedeyes:

عملنا ثورة ولسه ماعرفناه

[se_ Elsyed]

طيب انا كمان ممكن اسأل

سؤال مين صاحب رشوة المرسيدس :closedeyes:

عملنا ثورة ولسه ماعرفناه

وأنا مغمض أقول لك بالفُم المليان إنه عاطف عبيد

حتى لو كان واجهة لناس كبار وراءة ولو إن المبلغ كان صغير ما يستاهلش إن رئيس العصابة يشغل نفسه ويمد إيده على فكه زي دي

لإن على حسب المعلومات التي تم نشرها هما كانوا حتتين .. رشوتين يعني ما بين سنة 98 إلى 2004

الاولانية رشوة 1.1 مارك الماني

والحته التانية كانت 322 الف يورو

مش بأقول لك فكه

[capitshino]

بس اللى اعرفه ان حبيب العادلى كان تحت التوقيف من يوم السبت 29 يناير .

[se_ Elsyed]

هو أنا ممكن اعك في الكلام أكتر وأسأل سؤال مش بريء عن الطرمخة عن إسم من أعطى اوامر للقوات الجوية لقيام طائرة أف 16 بالتحليق فوق رأس المتظاهرين في بداية الثورة ؟

ودي جريمة حرب على فكرة طبقاً لمواثيق الامم المتحدة

هو مبارك طبعاً من غير جدال .

طب إيه .. خايفين على مشاعرة لحد دلوقت ومش عاوزين يجيبوا سيرتة ؟

[fatfouta]

هو أنا ممكن اعك في الكلام أكتر وأسأل سؤال مش بريء عن الطرمخة عن إسم من أعطى اوامر للقوات الجوية لقيام طائرة أف 16 بالتحليق فوق رأس المتظاهرين في بداية الثورة ؟

ودي جريمة حرب على فكرة طبقاً لمواثيق الامم المتحدة

هو مبارك طبعاً من غير جدال .

طب إيه .. خايفين على مشاعرة لحد دلوقت ومش عاوزين يجيبوا سيرتة ؟

فى النقطة دى بقى بالذات طنطاوى عمل حركة تذكر له وهى انه فى نفس اللحظة نزل هو عند التليفزيون وعمل نفسه بيحيي العساكرلكن انا متاكدة انها مش صدفة ابدا وجوده هناك فى نفس الحظات

واكيد كان قاصد انه يقول للقيادات اللى جالها امر بتسوية المتظاهرين بالارض انه يقولهم لأ اعصوا الاوامر

[se_ Elsyed]

بس اللى اعرفه ان حبيب العادلى كان تحت التوقيف من يوم السبت 29 يناير .

إزاي يا ريس ؟

العادلي إتقبض عليه يوم 17 فبراير

محاولة إغتيال سليمان كانت في اول إسبوع من فبراير وكان نائب رئيس ساعتها

محمود وجدي إتعين 31 يناير ...

يعني حبيب العادلي كان حراً طليقاً في وقت محاولة الإغتيال

[capitshino]

اومال ايه موضوع ان الجيش دخل وزارة الداخلية يوم السبت 29 يناير وخرجه بالترنج فى مدرعة ووضعه فى معسكر للجيش .

[se_ Elsyed]

اومال ايه موضوع ان الجيش دخل وزارة الداخلية يوم السبت 29 يناير وخرجه بالترنج فى مدرعة ووضعه فى معسكر للجيش .

ما عنديش فكرة بصراحة

وخلي بالك .. لا أحد يستطيع أن يُنكر الان إن كان في ميليشا خاصة كانت تابعة لحبيب العادلي لتنفيذ مثل تلك الاعمال .. ولسه الايام جايه وهانسمع بلاوي

[شرف الدين]

اومال ايه موضوع ان الجيش دخل وزارة الداخلية يوم السبت 29 يناير وخرجه بالترنج فى مدرعة ووضعه فى معسكر للجيش .

ما عنديش فكرة بصراحة

وخلي بالك .. لا أحد يستطيع أن يُنكر الان إن كان في ميليشا خاصة كانت تابعة لحبيب العادلي لتنفيذ مثل تلك الاعمال .. ولسه الايام جايه وهانسمع بلاوي

أولا ... شكرا يا سي السيد باشا على المعلومات الممتازة

أنا بقترح يخصصوا عنبر في سجن طرة يكتبوا عليه عنبر الفاسدين ( حاجة زي منتخب الفاسدين كده )

بس يا ريت لو يقولوا لينا هل إسماعيل الشاعر فعلا هو اللي كان سايق العربية الدبلوماسية ؟

ومين السواق الحقير اللي كان سايق العربية اللي داست الناس في سفنكس.

بخصوص إن العادلي خرج في مدرعة تابعة للداخلية ...

ده حقيقي .. مش فاكر كان يوم ايه بالتحديد .. لكن حصلت معارك كبرى أمام وزارة الداخلية بين المتظاهرين وقناصة الداخلية اللي كانوا واقفين فوق وزارة الداخلية ومات فيها ناس كتير ... لكن اللي خلص العادلي منها هو الجيش اللي طلعه في دبابة ساعتها.

بخصوص محاولة اغتيال عمر سليمان ... انا كنت أعرف ان في محاولة اغتيال فعلا لعمر سليمان .. لكن هل في تفاصيل أكتر عندك يا سين سين ؟

[fatfouta]

اومال ايه موضوع ان الجيش دخل وزارة الداخلية يوم السبت 29 يناير وخرجه بالترنج فى مدرعة ووضعه فى معسكر للجيش .

ما عنديش فكرة بصراحة

وخلي بالك .. لا أحد يستطيع أن يُنكر الان إن كان في ميليشا خاصة كانت تابعة لحبيب العادلي لتنفيذ مثل تلك الاعمال .. ولسه الايام جايه وهانسمع بلاوي

أولا ... شكرا يا سي السيد باشا على المعلومات الممتازة

أنا بقترح يخصصوا عنبر في سجن طرة يكتبوا عليه عنبر الفاسدين ( حاجة زي منتخب الفاسدين كده )

بس يا ريت لو يقولوا لينا هل إسماعيل الشاعر فعلا هو اللي كان سايق العربية الدبلوماسية ؟

ومين السواق الحقير اللي كان سايق العربية اللي داست الناس في سفنكس.

بخصوص إن العادلي خرج في مدرعة تابعة للداخلية ...

ده حقيقي .. مش فاكر كان يوم ايه بالتحديد .. لكن حصلت معارك كبرى أمام وزارة الداخلية بين المتظاهرين وقناصة الداخلية اللي كانوا واقفين فوق وزارة الداخلية ومات فيها ناس كتير ... لكن اللي خلص العادلي منها هو الجيش اللي طلعه في دبابة ساعتها.

بخصوص محاولة اغتيال عمر سليمان ... انا كنت أعرف ان في محاولة اغتيال فعلا لعمر سليمان .. لكن هل في تفاصيل أكتر عندك يا سين سين ؟

تفاصيل اكتر لمحاولة اغتيال عمر سليمان يا شرف

فى الموضوع ده